ပထမဦးဆုံး ရှေ့တန်းတိုက်ပွဲ

ကျွန်မတို့ မြန်မာ့လူ့အဖွဲ့အစည်းမှာ အမျိုးသမီးတွေက အမျိုးသားတွေထက် ဘုန်းနှိမ့်တယ်လို့ မိရိုးဖလာအရ ယုံကြည်မှု ရှိပါတယ်။ ဒီအယူအဆကြောင့်ပဲ အမျိုးသမီးတွေဟာ အမျိုးသားတွေရဲ့ နောက်မှာပဲ နေခဲ့ရပြီး ဘုန်းနှိပ့်သူများအဖြစ် ဖိနှပ်မှုကို ခေတ်အဆက်ဆက်က ခံလာခဲ့ရပါတယ်။ ယခုလက်ရှိ စစ်အာဏာရှင် စနစ်အောက်မှာလည်း အာဏာရှင်ရဲ့ ဖိနှပ်မှုကို အမျိုးသမီးတွေဟာ အမျိုးသားတွေထက် ပိုပြီးခံရပါတယ်။ ဒီလို ခေတ်အဆက်ဆက်မှာ အဖိနှိပ်ခံလာရတဲ့ ကြားကပဲ အမျိုးသမီးတွေဟာ မိမိတို့ နိုင်ငံနဲ့ လူမှုပတ်ဝန်းကျင်အတွက် လိုအပ်နေတဲ့ လိုအပ်ချက်တွေအတွက် လှုပ်ရှားရာမှာ ပါဝင်လာခဲ့တာ ဒီမိုကရေစီနှင့် လူ့အခွင့်အရေးအတွက် လက်နက်ကိုင် တိုက်ပွဲတွေအထိ ပါဝင်လျက် ရှိပါတယ်။

၁၉၈၈ ခုနှစ် စက်တင်ဘာ (၁၈) ရက်နေ့ စစ်တပ်က ဒီမိုကရေစီနှင့် လူ့အခွင့်အရေး လှုပ်ရှားသူတွေကို ပစ်ခတ်ဖြိုခွင်းပြီးနောက် လက်နက်ကိုင် တော်လှန်ရေးဖြင့် အောင်ပွဲခံမယ်ဆိုတဲ့ ရည်ရွယ်ချက်နှင့် မြန်မာပြည် ပတ်ပတ်လည်မှာ ရှိတဲ့ နယ်စပ်ဒေသတွေကို ထွက်ခွာလာခဲ့ကြတဲ့ ကျောင်းသူ ကျောင်းသားတွေအထဲမှာ ကျွန်မလည်း တဦးပါဝင်ခဲ့ပါတယ်။ ကျောင်းသူတွေအပါအ၀င် အမျိုးသမီးတွေဟာ ပြည်တွင်းက လက်နက်မဲ့ ဒီမိုကရေစီတိုက်ပွဲမှာလည်း အမျိုးသားတွေနှင့်အတူ ပါဝင်တိုက်ပွဲဝင်ခဲ့သလို ဒီလို စစ်တပ်က အကြမ်းဖက်နှိပ်နှင်းတဲ့အခါမှာ စာသင်ခန်းနှင့်တကွ မွေးရပ်မြေ၊ မိဘ၊ ညီအစ်ကို၊ မောင်နှမတွေကို အမျိုးသားတွေလိုပဲ စွန့်ခွာပြီး စွန့်စားထွက်ခွာ လာတဲ့အထဲမှာလည်း အမျိုးသမီးတွေ ပါဝင်ပါတယ်။ ဒါပေမယ့်လည်း အမျိုးသမီးဖြစ်နေခြင်းအတွက် အကန့်အသတ်တွေကတော့ ဘယ်လိုပဲ စွန့်စားပြပြ များစွာကြုံတွေ့ရဆဲပဲ ဖြစ်တယ် ဆိုတာကျွန်မ ပိုပြီးသတိထားမိပါတယ်။

ကျွန်မ နယ်စပ်ဒေသတွေကို ရောက်လာခဲ့ပြီး ABSDF မှာ ကျွန်မတို့ အမျိုးသမီးတပ်ဖွဲ့ဝင်တွေဟာ စစ်သင်တန်းနှင့် ဆေးသင်တန်းကို အမျိုးသားတွေနဲ့ အတူတူ တက်ခဲ့ရပြီး ဆေးမှူး ဖြစ်လာခဲ့ပါတယ်။ ဒီလို ကြမ်းတမ်းတဲ့ သင်တန်းတွေကို အမျိုးသားတွေနဲ့ အတူတူ တက်ခဲ့ရပေမယ့် ရှေ့တန်းဆင်းချိန်ရောက်လို့ ဆင့်ခွင့်ရတဲ့သူတွေထဲမှာ ကျွန်မတို့ အမျိုးသမီးတွေက အမျိုးသမီး ဖြစ်နေတဲ့အတွက်ကြောင့် ပါဝင်ခွင့် ချက်ချင်းမရခဲ့ပါဘူး။ တပ်ဖွဲ့ဝင် အမျိုးသမီးတွေ ရှေ့တန်းဆင်းခွင့်ရဖို့အတွက် တပ်ရင်းမှူးနှင့် စခန်းကော်မီတီဆီမှာ ကျွန်မတို့ အကြိမ်ကြိမ် တောင်းဆိုခဲ့ပေမယ့် ရှေ့တန်းဆိုတာ အန္တရယ်များလှကြောင်း အကြောင်းအမျိုးမျိုးပြပြီး အကြိမ်ကြိမ် ငြင်းဆိုခံခဲ့ရပါတယ်။ ကျွန်မတို့ရဲ့ အမျိုးမျိုး ဆန္ဒြပတောင်းဆိုမှုကြောင့် နောက်ဆုံးမှာတော့ စခန်းကော်မီတီက ABSDF ဗဟို ဒုတိယအကြိမ် ညီလာခံသက်တမ်းမှာ အမျိုးသားတွေနဲ့ အတူတူတက်ခဲ့ရတဲ့ စစ်သင်တန်းထက် ပိုပြီးကြမ်းတဲ့ သင်တန်းတခုကို သီးသန့်ထပ်ပေးခဲ့ပါတယ်။ အဲဒီသင်တန်းကို ပြီးအောင်တက်နိုင်တဲ့ ကျွန်မတို့ကို ရှေ့တန်းဆင်းခွင့်ပြုခဲ့လို့ ကျေးဇူးတင်မဆုံး ဖြစ်ခဲ့ရတယ်။ ကျွန်မကတော့ အလုပ်တခုကို လုပ်ဖို့ သင့်တော်မတော်ဆိုတာကို ဆုံးဖြတ်တဲ့နေရာမှာ အမျိုးသမီးဖြစ်နေခြင်း အမျိုးသားဖြစ်နေခြင်း ဆိုတာထက် ဘယ်လောက်ထိ စွမ်းဆောင်မှုရှိတယ်ဆိုတဲ့ အရည်အချင်းအပေါ်မှာပဲ မူတည်ပြီး ဆုံးဖြတ်သင့်တယ်လို့ ထင်တယ်။

ကျွန်မတို့ တပ်ရင်းမှာ မိန်းကလေးတွေ ရှေ့တန်းဆင်းခွင့် ရပြီးနောက်ပိုင်း ၁၉၉၀-၉၃ အထိ ကာလတွေမှာ ကျွန်မရဲ့အချိန်တွေကို ရှေ့တန်းမှာပဲ ကုန်ဆုံးစေတာ များပါတယ်။ ကျွန်မတို့ တပ်ရင်းမှာ အမျိုးသမီးတွေ ပါတဲ့ စစ်ကြောင်းဟာ တချို့ ABSDF တပ်ရင်းတွေမှာလို စည်းရုံးရေး စစ်ကြောင်းသက်သက် မဟုတ်ပါဘူး။ တိုက်ခိုက်ရေး တပ်တွေနဲ့အတူ သွားရတဲ့ စစ်ကြောင်းတွေမှာလည်း လိုက်ပါခွင့်ရခဲ့ပါတယ်။ ရှေ့တန်းအတွေ့အကြုံတွေကို ပြန်တွေးမိရင် ရှေ့တန်းဒေသတွေမှာ အမျိုးသမီးတွေဟာ အမျိုးသားတွေနဲ့ တန်းတူ ပါဝင် တိုက်ပွဲဝင်နိုင်တယ် ဆိုတာကို ပြသခွင့် ရခဲ့လို့ ကျွန်မတို့ကို ဒီလို စစ်ကြောင်းတွေမှာ လိုက်ပါခွင့်ပြုတဲ့ တချိန်က ရှေ့တန်းမှာ တာဝန်ယူခဲ့တဲ့ ကျဆုံးသွားလေသူ တပ်မှူးများနှင့် ယခုအထိ အသက်ရှိထင်ရှား ရှိနေဆဲဖြစ်ပြီး နိုင်ငံအသီးသီးမှာ ရောက်နေကြတဲ့ အဲဒီတုန်းက တပ်မှူးတွေကို အထူးပဲ ကျေးဇူးတင်မိပါတယ်။

ပြောက်ကျားတပ်တွေရဲ့ ရှေ့တန်းဒေသဆိုတာဟာ တပ်ကုန်းတကုန်းကို သိမ်းသည်ဖြစ်စေ၊ ရန်သူနဲ့ နီးတဲ့ရွာတရွာကို ရုတ်တရက်ဝင်ရောက်သည် ဖြစ်စေ ရွာတွေကိုဝင်ဖြစ်ရင် ပါလာတဲ့စာရွက်စာတမ်းတွေဖြန့် ရွာသားတွေကို ဆေးဝါးကုသပေးဖို့ လိုရင်ပေးပြီး ရန်သူလာရင် ရုတ်တရက် ရှောင်ထွက်လိုက်နဲ့ ဆိုတော့ ကိုယ်လိုက်တဲ့အလှည့်ဆို သူပြေး၊ သူလိုက်တဲ့အလှည့်ဆို ကိုယ်ပြေးနဲ့ တလှည့်စီ လိုက်တမ်းပြေးတမ်း ကစားသလိုပဲ ရင်ဆိုင်ရတာ များပါတယ်။ တပ်ကုန်းတကုန်းကို သိမ်းမိပြီးရင်တော့ ရန်သူက အလုံးအရင်းနဲ့ ပြန်မလိုက်လာသေးသရွေ့တော့ အဲဒီအနီးနား တ၀ိုက်ရွာတွေမှာ ကျွန်မတို့တပ်တွေက ကိုယ့်အိမ်ကိုယ့်ယာလို အချိန်အတိုင်းအတာ တခုထိ ၀င်ထွက်သွားလာ နေထိုင်ကြပြီး ရန်သူ အလုံးအရင်းနဲ့ ချီလာပြီဆိုရင်တော့ ရွာနာမှာစိုးလို့ ရှောင်ပေးလိုက်တာက ပိုများပါတယ်။ တိုက်ပွဲကို ရွာထဲမှာ တော်တော်နဲ့ ပေးမဖြစ်လိုဘူး။ ဖြစ်ခဲ့ဖူးတဲ့ တိုက်ပွဲတွေမှာ နိုင်တဲ့တိုက်ပွဲတွေ ရှိသလို ရှုံးတဲ့တိုက်ပွဲတွေလည်း ကြုံခဲ့ရပါတယ်။

ကျွန်မရဲ့ ရှေ့တန်းမှာ ပထမဦးဆုံး ရင်ဆိုင်ဖူးတဲ့ တိုက်ပွဲကတော့ မမျှော်လင့်ပဲ ကြုံရတဲ့ တိုက်ပွဲတခုပါ။ ဒီတိုက်ပွဲကို ကျွန်မဘယ်တော့မှလည်း မေ့မှာမဟုတ်ပါဘူး။ အဲဒီနေ့ မနက်မှာ ကျွန်မတို့တပ်တွေ အချိန်အတော်အကြာက ထိုးဖေါက်ဝင်ရောက်နေထိုင်တဲ့ ရွာတရွာက လက်ဘက်ရည်ဆိုင် တဆိုင်မှာ ရောက်နေကြတယ်။ ရွာက အိမ်ခြေ ၄၀၀ ခန့်ရှိပြီး တရွာလုံးကို အုန်းပင်တွေနဲ့ ဖုံးလွှမ်းထားတော့ အဝေးကကြည့်ရင် ရွာလို့မထင်ရပဲ အုန်းခြံတခုလို့ ထင်ရပါတယ်။ ဒီရွာမှာ မနက်စာ စားပြီရင် ကျွန်မတို့တပ်တွေက မြို့နဲ့ ပိုနီးတဲ့ တခြားရွာတရွာကို သွားဖို့ ပြင်နေကြပါတယ်။ ကျွန်မတို့ တပ်ရင်းမှာ တပ်ခွဲ (၃) ခွဲနှင့် ပင်လယ်ပြင်လှုပ်ရှားအဖွဲ့ ဆိုပြီး လှုပ်ရှားတပ်ဖွဲ့ ၄ ခု ရှိတဲ့အနက် ဒီဒေသမှာ လှုပ်ရှားတဲ့ တပ်ခွဲက ခွဲ (၁) ဖြစ်ပြီး ကျွန်မတို့ တပ်ရင်းက တခြားဒေသမှာ လှုပ်ရှားတဲ့ တပ်ခွဲတခွဲကလည်း ခဏအရောက်နေတဲ့ အချိန်ဆိုတော့ တပ်ခွဲနှစ်ခွဲ ဆုံတဲ့အချိန်လည်း ဖြစ်တယ်။ 

ပင်လယ်ပြင် လှုပ်ရှားဖွဲ့ကလည်း ဒီတပ်ခွဲနယ်မြေကို ဖြတ်သန်းပြီးမှ သူတို့လှုပ်ရှားတဲ့ နရာကို ရောက်တယ်ဆိုတော့ တပ်ခွဲ (၁) ဟာ ကျွန်မတို့ တပ်ရင်းရဲ့ အဓိက အမာခံနယ်မြေလို ဖြစ်နေပါတယ်။ အဲဒီနေ့က ဒေသခံဖြစ်တဲ့ ရွာသားတွေကလည်း ရောက်နေတဲ့ ဧည့်သည်တပ်ခွဲကို လိုနေသးမရှိအောင် ပြုစုတာ ကျွန်မတို့ ဒေသခံတပ်ခွဲ (၁) က ရဲဘော်ရဲမေတွေအတွက် ဂုဏ်ယူစရာ ကောင်းလှပါတယ်။ ကျွန်မတို့ကတော့ ဌာနဆိုင်ရာ ၀န်ထမ်းဆိုတော့ တပ်ခွဲအတိအကျ မရှိပေမယ့် လက်ရှိ ကိုယ်ကျတဲ့ တပ်ခွဲကို ကိုယ့်တပ်ခွဲလို့ သဘောထားပြီး ဂုဏ်ယူတဲ့အထဲမှာ ပါပါတယ်။ ကျွန်မကိုယ်တိုင် အပါအ၀င် ခွဲ (၁) ရဲဘော်တွေက မိမိတို့စည်းရုံးထားတဲ့ ဒေသဟာ မြို့နဲ့ ကပ်နေပြီ ဖြစ်ပြီး အဲဒီဒေသက ပြည်သူတွေရဲ့ တော်လှန်ရေးတပ်တွေအပေါ် သဘောထား ဘယ်လိုရှိတယ်ဆိုတာကိုလည်း ပြသဖို့ တက်ကြွနေတဲ့ အချိန်ဖြစ်တယ်။

တပ်ရင်းတရင်းတည်းက တပ်တွေ ဖြစ်ပေမယ့် ဧည့်သည်တပ်ခွဲက မိန်းကလေးတပ်ဖွဲ့ဝင် လက်မခံတဲ့ တပ်ခွဲမို့ သူတို့တပ်မှာ ရဲမေမရှိပါဘူး။ ကျွန်မတို့က ခွဲ (၁) မှာတော့ ကျွန်မနဲ့ တခြားဆေးမှူးရဲမေတဦး ပြီးတော့ ဆက်သွယ်ရေးနဲ့ စည်းရုံးရေးကရဲမေ တဦးစီပါတယ်ဆိုတော့ ကျွန်မတို့ တပ်ခွဲက စစ်ကြောင်းမှာ ရဲမေ ၄ ဦးပါပါတယ်။ ဒီလိုပဲ လက်ဘက်ရည်ဆိုင်ထဲမှာ လက်ဘက်ရည်သောက်ရင်း အဲဒီရွာကို သွားလို့ လမ်းမှာ တကယ်လို့များ စစ်တပ်နဲ့ ဆုံပြီး တိုက်ပွဲဖြစ်ရင် နင်တို့ ကြောက်နေမည့် ပုံကို မြင်ယောင်သေးတယ်လို့ ဧည့်သည်တပ်ခွဲက ရဲဘော်တွေက ကျွန်မတို့ကို လိုက်စနေကြတယ်။ ကျွန်မတို့ မိန်းကလေးတွေက ရုံးအဖွဲ့မှာပဲ အမြဲလိုက်ရတော့ တပ်ခွဲမှူးနဲ့အတူ အမြဲရှိပါတယ်။

 တိုက်ခိုက်ရေးပိုင်းကို ဒုခွဲမှူးဦးဆောင်တဲ့ တပ်စုက တာဝန်ယူတာများပြီး အဓိက အရှေ့ကသွားတဲ့ အဖွဲ့မှာပဲ နေပါတယ်။ အဲဒီလို စကားပြောရင်း လက်ဘက်ရည် သောက်နေဆဲမှာ ရွာသားတယောက်က ဘုန်းကြီးကျောင်းကုန်းမှာ စစ်သားတွေရောက်နေတာ သူတွေ့လာတယ်လို့ လာပြီး သတင်းပေးပါတယ်။ အဲဒီအချိန်မှာ အကုန်လုံးက အံ့သြပြီးတော့ ဘုန်းကြီးကျောင်းနဲ့ နီးတဲ့အပိုင်းမှာ ဧည့်သည်တပ်ခွဲက တပ်စုတစု ရှိတယ်ဆိုတော့ ရွာမှာ တွေ့နေကျ တပ်မဟုတ်လို့ အဲဒီတပ်ကိုပဲ စစ်တပ်ထင်ပြီး သတင်းလာ ပေးတာလားလို့ ဟုတ်ကောဟုတ်ရဲ့လားလို့ ပြန်မေးကြည့်တော့ စစ်တပ်နဲ့ ကျောင်းသားတပ်ကို သူကောင်းကောင်းခွဲတတ်ပါတယ် သေချာပါတယ်လို့ ရွာသားက ပြောပါတယ်။

အဲဒီတော့ ကျွန်မတို့ တပ်ခွဲမှူးက ချက်ချင်းပဲ အဆင်သင့်လုပ်ပြီး နေရာယူဖို့ ပြောတော့ ကျွန်မတို့လည်း ဆိုင်ထဲကထွက်ပြီး အနီးနားက အုန်းပင်တွေနားမှာ အသီးသီး နေရာယူနေကြပါတယ်။ တပ်ခွဲနှစ်ခွဲမှာ ရှိတဲ့ တပ်စုတွေကလည်း တပ်စိတ်အလိုက် အသီးသီး နေရာဖြန့်ယူကြပါတယ်။ ရွာသားတွေကလည်း တူးထားတဲ့ ကတုတ်ကျင်းတွေထဲနဲ့ အုန်းပင်တွေနောက်မှာ နေရာယူနေကြပါတယ်။ များမကြာမီမှာပဲ ရန်သူဘက်က စပစ်တဲ့အသံတွေကြားရပြီး ကျွန်မတို့ဘက်က ပြန်ပစ်တဲ့အသံတွေ၊ နှစ်ဘက်စလုံးကပစ်တဲ့ လက်နက်ကြီး လက်နက်ငယ်အသံစုံ ထွက်ပေါ်လာပြီး တရွာလုံး ဗုံးပေါက်ကွဲသလို ဆူညံသွားတယ်။ 

တပ်ခွဲမှူးကလည်း စက်တလုံးနဲ့ အလုပ်ရှုပ်နေပါတယ်။ ရန်သူက ရွာလမ်းတွေအတိုင်းမလာပဲ တောထဲက တောင်ပတ်ပြီးလာတော့ ရွာသားတွေ မတွေ့ရလို့ ကျွန်မတို့ အသိနောက်ကျသွားတာ ဖြစ်တယ်။ ခါတိုင်းဆိုရင် သုံးလေးရွာကျော်လောက် ရောက်နေပြီဆိုရင်တောင် ရွာသားတွေက ဆိုင်ကယ်နဲ့ ပြေးပြီး သတင်းလာပို့နေကျမို့ အဲဒီလောက်ထိ ပြန်တိုက်ဖို့ ဒါမှမဟုတ် ရှောင်ပေးဖို့ ပြင်ဆင်ချိန်ရပါတယ်။ အခုတော့ ရောက်ရောက်ချင်း ရွာရဲ့ အမြင့်ဆုံး တောင်ကုန်းဖြစ်တဲ့ ဘုန်းကြီးကျောင်ကုန်းကို စစ်တပ်ရ နေရာယူလိုက်နိုင်တော့ သူတို့က မြေမျက်နှာပြင်အရ အပေါ်စီးမှာ ရသွားပြီး ကျွန်မတို့တပ်တွေက မြေနိမ့်ပိုင်းက ပြန်ခုခံနေရတာ ဖြစ်တယ်။

ခဏကြာတော့ ကျွန်မတို့ဘက်က ၃ ယောက် ဒါဏ်ရာရနေပြီလို့ တပ်ခွဲမှူးက ပြောတော့ ဘယ်သူ၊ ဘယ်မှာထိလဲ ဘယ်လောက်ပြင်းထန်လဲ မေးပြီး အရေးပေါ်ဆေးတွေ ပြင်ဖို့လုပ်နေတဲ့အချိန်မှာ အချိန်မရဘူး ဟိုဘက်ရွာကို ဆုတ်မှ ဖြစ်မယ် လူနာကို ဟိုဘက်ရွာမှာ စောာင့်မယ်လို့ တပ်ခွဲမှူးက ပြောတော့ ကျွန်မတို့ ဒီရွာက စဆုတ်ပြီး မိုင်တ၀က်ခန့်ဝေးတဲ့ ဟိုဘက်ရွာကို ထွက်ခွာလာခဲ့ပြီး လူနာကို သယ်လာမည့် တပ်စုကို အိမ်တအိမ်မှာ အသင့်ပြင်ပြီး စောင့်ပါတယ်။ ရွာသားတွေကလည်း ဆေးထိုးဖို့ ရေနွေးကျိုပေး လူနာသောက်ဖို့ အုန်းသီးနုရည်တွေ အဆင်သင့်ပြင်ထားပေးပါတယ်။ ကျွန်မတို့ အမျိုးသမီးဆေးမှူးတွေ ရှိနေတော့ ရုံးဖွဲ့မှာ အမျိုးသား ဆေးမှူးမရှိပဲ ကျွန်မတို့ အမျိုးသမီးဆေးမှူးနှစ်ယောက်ပဲ တာဝန်ယူရပါတယ်။

 ခဏကြာတော့ လူနာနှစ်ယောက်ကို ရဲဘော် နှစ်ဦးစီက ပုခက်နဲ့ထမ်းလာပါတယ်။ ကြည့်လိုက်တော့ တယောက်က ခြေတောက်မှာ ထိပြီး နေ့ဘက်မို့ သွေးထွက်များတာကလွဲပြီး သွေးတိတ်အောင် လုပ်နိုင်ရင် စိုးရိမ်စရာ မရှိနိုင်ပဲ တခြားတယောက်က လက်မောင်းနဲ့ ရင်ဘတ်မှာ ရှပ်ထိသွားလို့ ခြေတောက်ထိတဲ့တယောက်ထက် နည်းနည်း စိုးရိမ်ရပေမယ့် အသက်အန္တရယ် စိုးရိမ်ရတဲ့အထိ မဖြစ်ခဲ့ပါဘူး။ နှစ်ယောက်စလုံးကတော့ အနာဆေးတဲ့အချိန်မှာ ယမ်းအရှိန်နဲ့ အထိမခံနိင်လောက်အောင် နာကျင်လို့ ” မိဝေး- မိဝေး” ( အမေရေ- အမေရေ) လို့ ရွှေရွတ်နေကြပါတယ်။ သူတို့နှစ်ယောက်ကို အနာဆေးထည့်ပေးပြီး နာကျင်သက်သာတဲ့ ဆေးတွေထိုးပေးကာ ရွာသားပေးတဲ့ အုန်းသီးနုရည်တွေ တိုက်လိုက်တော့ တော်တော်လေး အဆင်ပြေသွားပါတယ်။ တယောက်က မသောက်နိုင်လို့ Drip သွင်းထားပေးထားလိုက်တယ်။

သူတို့နှစ်ယောက်ကို အဆင်ပြေသလို လုပ်ပေးခဲ့ပြီးတဲ့အချိန်ထိ နောက်တယောက်က မရောက်လာသေးပဲ တိုက်ပွဲက ဆက်လက်ဖြစ်နေဆဲ ရန်သူပစ်တဲ့ G3, G4 အသံတွေ ကျွန်မတို့ ဘက်က ပစ်တဲ့ AK နဲ့ ၁၆ အသံတွေ ကြားနေရဆဲပဲ ဖြစ်တယ်။ ကျွန်မတို့ဟာ လူနာသုံးယောက် ထိတယ်ဆိုတာပဲ သိရပြီး တပ်ခွဲမှူးက ကြိုမပြောပြလို့ ဘယ်သူဆိုတာ ရောက်လာမှပဲ သိရတယ်။ နောက်တယောက်က ဘယ်သူဖြစ်မလဲမသိဘူးလို့ စဉ်းစားနေရင်း တအောင့်နေတော့ လူနာရောက်ပြီဆိုလို့ ကြည့်လိုက်တာ လူထမ်းလာတာ မဟုတ်ပဲ နွားလှည်းနဲ့ တင်ပြီးတော့ ရောက်လာပါတယ်။ တပ်စုက ဆေးမှူးကိုသွေးတွေ တကိုယ်လုံးပေပြီး လှည်းထဲမှာ ထိုင်လျက်လိုက်လာတာတွေ့တော့ ဆေးမှူးကိုယ်တိုင် ဒါဏ်ရာရလာတာကိုး ဆိုပြီး ကြည့်လိုက်တော့ ဒါဏ်ရာရသူက ဆေးမှူးမဟုတ်ပဲ တိုက်ပွဲမဖြစ်ခင်က ကျွန်မတို့ကို တိုက်ပွဲဖြစ်ရင် နင်တို့ကြောက်နေတဲ့ပုံကို မြင်ယောင်နေတယ်လို့ လိုက်စနေတဲ့ ရဲဘော် “ ဖိုးဇော်” ကို တကိုယ်လုံး သွေးတွေပေကျံနေပြီး အရင်ရောက်လာတဲ့ လူနာရဲဘော်နှစ်ယောက်လို မိဝေး လည်းမအော် နာတယ်လည်းမပြောနိုင်ပဲ မလှုပ်မယှက်နဲ့ လှည်းပေါ်မှာ ပုံလျက်သတိလစ်နေတာ တွေ့ရတော့ ကျွန်မတို့ စိတ်ထဲမှာ တကယ်ပဲ ထိတ်ကနဲ ဖြစ်သွားခဲ့ပါတယ်။

ဆက်လက်ဖေါ်ပြပါမည်။ (ဆက်ရန်ကို ဤနေရာမှာ ဖတ်နိုင်ပါသည်)

Alternative Asean network on Burma မှ ၂၀၀၃ ခုနှစ်တွင် အင်္ဂလိပ်လိုနဲ့ ထုတ်ဝေသည့် Burma Women Voices Together မှာ ကျွန်မတခြားနာမည်နဲ့ ရေးခဲ့သည့် A Border Incident ကို ခေါင်းစဉ်ပါ ပြောင်းပြီး ပြန်လည် ပြင်ဆင်ရေးသား ထားပါသည်။

Posted in: ABSDF တောတွင်းဘ၀ပုံရိပ်,ခရီးသွား,မှတ်တမ်း,မျှဝေခြင်း