နာဂစ် ရန်ပုံငွေ ပွဲတော် သတင်းနဲ့ သုံးသပ်ချက်

မြန်မာနိုင်ငံက နာဂစ်ဆိုက်ကလုံး မှုန်တိုင်းတိုက်ခတ်သွားတဲ့ ဒေသမှာရှိတဲ့ မိဘမဲ့ကလေး စာ သင်ကျောင်း တွေအတွက် ရန်ပုံငွေ ရှာဖွေလှူဒါန်းနိုင်ရန် ဆစ်ဒနီမြို့မှာရှိတဲ့ အနုပညာဝါသနာပါသူ စေတနာရှင် မြန်မာတွေ စုပေါင်းပြီး မြန်မာပြည်က အနုပညာရှင်တွေကို ဖိတ်ခေါ်ကာ ပွဲတော်တခုကို ၁၁.၁၀.၀၉ ရက်၊ စနေနေ့မှာ ဆစ်ဒနီမြို့ ဆင်ခြေဖုန်းရပ်ကွက်တခု ဖြစ်တဲ့ Lidcombe ရှိ Ukrainian Hall မှာ ညနေ ၆ နာရီမှ ညသန်းခေါင်အထိ ကျင်းပခဲ့ပါတယ်။ ပွဲတော်ကို ဆစ်ဒနီမြန်မာများအပြင် ဒေသခံ သြစကြေးလျားလူမျိုး တချို့၊ မဲလ်ဘုန်း၊ မြို့တော် ကမ်ဘာရာနှင့် နယူးဇီလန်နိုင်ငံရောက် မြန်မာတချို့လည်း လာရောက် အားပေးခဲ့ပါတယ်။ (ဓါတ်ပုံနှင့် သတင်း အပြီးမှာ နှစ်ပါးသွားအက ဗွီဒီယိုကို တင်ထားပါတယ်)

ဟာသပြဇာတ်ရဲ့ ပထမဆုံးခန်းကို လူရွှင်တော် မိုးဒီနှင့် မင်းသမီးဒါလီလင်း က စတင်စဉ်

မင်းသား မင်းမော်ကွန်းနှင့်နေတိုး လူရွှင်တော်အဖြစ် သရုပ်ဆောင်ပြီး ဟာသ ပြကွက်တခုကို ပြနေစဉ်

ဆစ်ဒနီ မြန်မာ ဆိုင်းဖွဲ့မှ အဖွဲ့ဝင်တချို့နှင့် ဒါရိုက်တာနေပိုင် (၀ဲဘက်မှ ဒုတိယတယောက်) အမှတ်တရ

ဒီပွဲတော်မှာ ဒါရိုက်တာ နေပိုင်၊ ရုပ်ရှင်မင်းသမီး မင်းသားများဖြစ်ကြတဲ့ မင်းမော်ကွန်း၊ နေတိုး၊ ရဝေအောင်နှင့် ချောရတနာ၊ ဇာတ်မင်းသား ရွှေမန်းတင်မောင်ရဲ့ မြေးဖြစ်သူ တင်မောင်ဆန်းဝင်းမင်းနှင့် အငြိမ့်မင်းသမီး ဒါလီလင်း၊ လူရွင်တော် မော့စ်နဲ့ မိုးဒီ တို့က အခကြေးငွေ မယူပဲ စေတနာဖြင့် လာရောက် ဖြေဖျော်ပေးသွား ကြပါတယ်။ ဒီပွဲတော်ကို ဆစ်ဒနီမြို့မှာ အခြေစိုက်ပြီး နာဂစ်ဒေသအတွက် အဓိက ဦးဆောင်ပြီး ရန်ပုံငွေ ရှာဖွေပေးနေတဲ့ အဖွဲ့ Australian Burma Community Development (ABCD) Network မှ ဥက္ကဌ Mr. Dennis Jackson, ဒုဥက္ကဌ ဒေါက်တာ ကျော်မြင့်နှင့် နယးဆောက်ဝေးပြည်နယ် Auburn မြို့တော်ဝန်တို့ကိုယ်တိုင် လာရောက်ကြည့်ရှု အားပေးခဲ့ပါတယ်။


ABCD net work မှ ဒုဥက္ကဌ ဒေါက်တာ ကျော်မြင့်မှ ကျေးဇူးတင်စကား ပြောကြားနေစဉ်
ပွဲတော်ကို မစတင်မီ ABCD network မှ ဒုဥက္ကဌ ဒေါက်တာကျော်မြင့်က ပွဲတော်ဖြစ်မြှောက်အောင် ဆောင်ရွက်ခဲ့သူများနှင့် လာရောက်ဖြေဖျော်ပေးကြတဲ့ အနုပညာရှင်များ၊ ကြည့်ရှုအားပေးတဲ့ ပရိတ်သတ်များကို ကျေးဇူးတင်စကား ပြောကြားပြီး ၎င်းတို့ရဲ့ အဖွဲ့အစည်း ABCD network အကြောင်းကို မသိသေးသူများ ရှိပါက သိရှိသွားအောင် မိတ်ဆက်ပေးခဲ့ပါတယ်။ ABCD network ကို မြန်မာနိုင်ငံမှာ နာဂစ်မှုန်တိုင်း တိုက်ခတ်သွားပြီးတဲ့နောက် ဒုက္ခရောက်သူများကို ရန်ပုံငွေ ရှာဖွေပြီး ကူညီနိုင်ရန် ဆစ်ဒနီရောက် မြန်မာများနဲ့ မြန်မာမျိုးဆက် သြစကြေးလျားလူမျိုး စေတနာရှင်များက စုပေါင်းဖွဲ့စည်းခဲ့တယ်လို့ ဒုဥက္ကဌ ဒေါက်တာကျော်မြင့်က ပြောပြပါတယ်။

ဒေသခံ Auburn မြို့တော်ဝန်မှ အမှာစကား ပြောကြားနေစဉ်Auburn မြို့တော်ဝန်ကလည်း ဒုက္ခရောက်တဲ့သူတွေကို ကူညီဖို့ လုပ်တဲ့ပွဲတော်မှာ မြန်မာပြည်ဖွား အော်စီတွေကို အခုလို စုစု ဝေးဝေးနဲ့ တွေ့ရတာ ၀မ်းသာကြောင်း ဆစ်ဒနီမြန်မာကွန်မြူနီတီကို အားပေးစကား ပြောကြားပြီး နာဂစ်ဖြစ်ခဲ့စဉ်က Auburn ကောင်စီကနေပြီး Fund raising တခု ပြုလုပ်ပြီး သြစကြေးလျားက အကူအညီပေးတဲ့ ရန်ပုံငွေအထဲ ထည့်ဝင် လှူဒါန်းခဲ့တဲ့အကြောင်း၊ Auburn ကောင်စီ အုပ်ချူပ်ရေး နယ်မြေအောက်မှာ ရှိတဲ့မြန်မာလူမျိုးစုတွေ တစုံတရာ အကူအညီလိုအပ်ပါက Auburn ကောင်စီ အနေနဲ့ အချိန်မရွေး ကူညီဖို့ အသင့်ဖြစ်ကြောင်း ပြောကြားသွားခဲ့ပါတယ်။ အမှာစကားတွေ၊ ကျေးဇူးတင်စကားတွေ အပြီးမှာတော့ ပွဲတော်ကို စတင်ခဲ့ပါတယ်။ ပွဲတော်မှာ အဆို၊ အက၊ ဟာသပြဇာတ်နှင့် နှစ်ပါးသွားအကတို့ကို ဖြေဖျော်ခဲ့ပါတယ်။

ဒီပွဲတော်မှာ ဟာသပြဇာတ်နှင့် အငြိမ့်မှလွဲပြီး တခြားအစီစဉ်များကို ဆစ်ဒနီရောက်မှ အနုပညာရှင်များနှင့် ဆစ်ဒနီမြို့ခံ အနုပညာဝါသနာပါသူ မြန်မာများက ပွဲတော်ဖြစ်မြှောက်ရေး အထာက်အကူပြုအဖွဲ့မှာ ၀ါဝင်ပြီး ဖျော်ဖြေရေး အစီစဉ်တချို့မှာ ၀င်ရောက်အားဖြည့် ကူညီ ဖျော်ဖြေခဲ့ပါတယ်။ အထူးသဖြင့် နှစ်ပါးသွားအကမှာ ပါဝင်တဲ့ မင်းသမီးတွေအနက် ချောရတနာနှင့် ဒါလီလင်း မင်းသမီးနှစ်လတ်မှတပါး တခြားမင်းသမီးများမှာ ဆစ်ဒနီမြို့မှ အနုပညာဝါသနာရှင် လှပျိုဖြူနှင့် လှအိုဖြူများ ၀ိုင်းဝန်းကူညီ ကပြထားပါတယ်။ ဆစ်ဒနီ မြန်မာ ဆိုင်းအဖွဲ့မှလည်း ၀ိုင်းဝန်းကူညီ တီးမှုတ်ပေးထားပါတယ်။ စတိတ်ရှိုးအ စီအစဉ်တွေမှာ မြန်မာသံစဉ်ရော ခေတ်ပေါ် သံစဉ်ပါနှစ်ခုစလုံး ပါဝင်ခြင်းနှင့် နှစ်ပါးသွားအက ပါဝင်ခြင်းတို့ကြောင့် မြန်မာသံစဉ်နှင့် မြန်မာ့အနုပညာအက စစ်စစ်ကို မရင်းနှီးဖူးသေးသော အဝေးရောက် မြန်မာလူငယ်များ အမြန်မာ့အနုပညာကို ကောင်းစွာ မြင်တွေ့ခံစားကြရလို့ ဒီပွဲတော်က အစီစဉ်တွေဟာ သိပ်ကိုအားရစရာ ကောင်းလှပါတယ်။

သို့သော်လည်း အကောင်းနှင့်အဆိုးဟာ အမြဲတမ်း ဒွန်တွဲနေတဲ့အတွက် အကုန်လုံး လုံးဝဥသုံ ကောင်းတယ်လို့တော့ ပြောလို့၊ မှတ်ယူလို့ မရပဲ အားနည်းချက်လေး အနည်းငယ်ကိုတော့ တွေ့ရပါတယ်။ ဟာသပြက်လုံးတွေက တော်တော်လေးကို ရယ်ရပေမယ့် တော်တော်လေးကို မကြားဝံ့မနာသာ ညစ်ပတ်တဲ့ ဖိုမကိစ္စတွေကို အသားပေးထားတာ တွေ့ရပါတယ်။ မြန်မာ့အနုပညာနဲ့ ပတ်သက်ပြီး သိပ်မရင်းနှီးသေးတဲ့ အဝေးရောက် မြန်မာလူငယ်များကို ငါတို့ မြန်မာလူမျိုးတွေမှာ ရယ်စရာဟာသဆိုလို့ ဒီအကြောင်းတွေပဲ ပြောစရာရှိတာလား ဆိုတဲ့ အမြင်မျိုး မြင်သွားမှာကို စိုးရိမ်မိတယ်။ သဘာဝတရားအရ ဒီလိုကိစ္စတွေကတော့ ရှောင်လွဲလို့ မရတော့ ပြက်လုံးတွေမှာ အတော်အသင့် ထည့်တာ အကြောင်းမဟုတ်ပေမယ့် ပြက်လုံးတိုင်းကို ဒီကြောင်းတွေနဲ့ပဲ တင်ပြရင်တော့ အနည်းငယ် ရိုင်းသလို ထင်ရပါတယ်။ နောက်ထပ် လုပ်မည့် ဖျော်ဖြေရေး အစီစဉ်တွေအတွက် နိုင်ငံတခုရဲ့ နိုင်ငံကျော် ဟာသ နုပညာရှင်တွေ လုပ်တဲ့ Professional comedies တွေမှာ ရှိသင့်ရှိထိုက်တဲ့ ဂုဏ်အင်္ဂါတွေကို လူရွှင်တော် မော့စ်နဲ့ မိုးဒီတို့ အလေးပေး ထည့်သွင်း စဉ်းစားသင့်တဲ့ အချက်ဖြစ်ပါတယ်။

အကုန်လုံးကို ခြုံပြောရင်တော့ ဒီပွဲတော်ဟာ သိပ်ကိုကောင်းပါတယ်။ ပထမဦးဆုံးအနေနဲ့ နိုင်ငံခြားတိုင်းပြည်မှာ မြန်မာ့အနုပညာကို ဖျော်ဖြေပေးသွားတဲ့ပွဲ ဖြစ်ပါတယ်။ အရင်ပွဲတော်တွေမှာ အနုပညာကြေးအဖြစ် သုံးတာ သိပ်မတွေ့ရတဲ့ ၁၀ ကျော်၊ ၂၀ ကျော်အသက်အရွယ် ဆစ်ဒနီမြန်မာလူငယ် ပရိတ်သတ်တွေက ဒီပွဲမှာ ရက်ရက်ရောရောနဲ့ အနုပညာရှင်တွေကို ငွေစက္ကူအရွက်လိုက် (သို့) ပန်းကုံးစွပ်ပြီး ဆုချနေတာကို တွေ့ရပါတယ်။ မင်းမော်ကွန်းနှင့် နေတိုး သီချင်းဆိုတဲ့ အချိန်မှာ ပန်းကုံးဝယ်သမားတွေ တန်းစီနေတဲ့အတွက် ပန်းကုံးမလောက်မင ဖြစ်လို့ သီချင်းဆိုမပြီးခင် စွပ်ပြီးသွားတဲ့ ပန်းကုံးတွေကို လည်တိုင်ပြည့်တာနဲ့ ချက်ချင်း ပြန်ဖြုတ်ကာ အနောက်ဘက်က ပြန်ယူချပြီး ရှေ့မှာ ပြန်လာချရောင်းရတာကို တွေ့ရပါတယ်။ အဲဒီပွဲတော်ဟာ မြန်မာ့ အနုပညာကို ဆစ်ဒနီလူငယ်တွေ ပထဦးဆုံး တွေ့ဖူးတဲ့ပွဲဆိုလည်း မမှားပါဘူး။ အမူအရာနှင့် သရုပ်ဆောင်မှုတွေက အနုပညာရသ တကယ်ကိုပီပြင်ပြီး သူတို့ လုပ်ပြတဲ့ ဟာသ သရုပ်ဖေါ် ပြကွက်တွေကို ကြည့်ပြီး မြန်မာလို လုံးဝနားမလည်တဲ့ လုံခြုံရေးအဖွဲ့နဲ့ နိုင်ငံခြားသား ပရိတ်သတ်များတောင် တဟားဟားနဲ့ ရီနေကြတာ တွေ့ရလို့ သိပ်ကိုပီတိ ဖြစ်မိပါတယ်။ အမူရာမှာ ပီပြင်သလို အပြောကိုလည်း ယဉ်ယဉ်ကျေးကျေးလေး ပြက်လုံးထုတ်နိုင်ရင် သိပ်ကို အဆင့်အတန်း မြင့်မှာပဲလို့ စဉ်းစားမိပါတယ်။

ဒီပွဲတော်ကြောင့် ကျွန်မသားလေးကိုလည်း မြန်မာ့အနုပညာဆိုတာ ဒါတွေဖြစ်တယ်ဆိုတာ မျက်ဝါးထင်ထင် ပြလို့ရသွားတယ်။ မင်းသားလေး တင်မော်ဆန်းဝင်းမင်းရဲ့ အဖိုးခြေရာကို နင်းတဲ့ နှစ်ပါးသွားအကကလည်း မြန်မာပြည်က မထွက်လာခင်က ဇာတ်ပွဲသိပ်ကြိုက်တဲ့ ကျွန်မအတွက် အနှစ်နှစ်ဆယ်ကျော် ကာလက ဘ၀တွေကို ပြန်ပြီးလွမ်းဆွတ်စေကာ မိမိကိုယ်ကိုယ် အသက် ၂၁ နှစ်ပြန်ငယ်သွားသလို ခံစားသွားရပါတယ်။ ဒီပွဲတော်က ရတဲ့ရန်ပုံငွေဟာ နာဂစ်ဖြစ်ခဲ့တဲ့ ဒေသက မိဘမဲ့ကလေးတွေအတွက် ပညာရေးမှာ အထောက်အကူ ဖြစ်မှာသေချာသလို အဝေးရောက် မြန်မာလူငယ်တွကလည်း မြန်မာ့ယဉ်ကျေးမှုကို စိမ့်ဝင်ခံစားခွင့် ရသွားတယ်၊ နာဂစ်မှာ ဒုက္ခဖြစ်ခဲ့သူတွေ အတွက်လည်း အထောက်အကူ ဖြစ်သွားတဲ့အတွက် နောက်ထပ်လည်း ဒီလိုပွဲတော်လေးတွ နေရာတိုင်းမှာ များများ ကျင်းပနိုင်ပါစေလို့ ဆုတောင်းမိပါတယ်။ (ဖျော်ဖြေရေး အစီစဉ်နှင့် အမှတ်တရ ဓတ်ပုံများနှင့် နှစ်ပါးသွားအက ဗွီဒယိုကို ဆက်လက် ကြည့်ရှုပါရန်)

ဖျော်ဖြေရေး အစီစဉ်ကို ဇာတ်မင်းသား တင်မောင် ဆန်းမင်းဝင်းနှင့်အဖွဲ့က ကိုကြီးကျော်အကနှင့် စတင်ဖျော်ဖြေစဉ်

စတိတ်ရိုး အစီစဉ်ကို လူရွှင်တော် မိုးဒီက ရွှေဘိုသနပ်ခါး သီချင်းနှင့် စတင်သီဆို ဖျော်ဖြေစဉ်

လူရွှင်တော် မော့စ်က ငယ်ကချစ်တဲ့ ငယ်ကျွမ်းဆွေ သီချင်းကို သီဆိုစဉ်

မင်းသမီး ချောရတနာက ခေတ်ပေါ်သီချင်း တပုဒ်ကို သီဆိုစဉ်

အငြိမ့်မင်းသမီး ဒါလီလင်းမှ ခေတ်ပေါ်တေး တပုဒ်ကို သီဆိုစဉ်

စတိတ်ရှိုး အစီစဉ်တွင် မင်းမော်ကွန်းနှင့် ဆစ်ဒနီမြို့ခံ တဦးစုံတွဲသီချင်း သီဆိုစဉ်

မင်းသား ရဝေအောင်က မြန်မာသံစဉ် သင်္ကြန်သီချင်း တပုဒ်ကို သီဆိုစဉ်

မင်းသား နေတိုးက ခေတ်ပေါ်သီချင်းတပုဒ်ကို သီဆို ဖျော်ဖြေစဉ်

အငြိမ့်အစီစဉ်တွင် မင်းသမီးချောရတနာနဲ့ လူရွှင်တော်အဖြစ် သရုပ်ဆောင်သော မင်းသား နေတိုး၊ မင်းမော်ကွန်းနှင့် လူရွှင်တော်များဖြစ်ကြသော မော့စ်နှင့်မိုးဒီ

အငြိမ့်မင်းသမီး ဒါလီလင်းနှင့် လူရွှင်တော် မိုးဒီ

ဟာသပြဇာတ်မှ ပြကွက်တခု ချောရတနာ၊ မော့စ်၊ နေတိုး၊ မိုးဒီ၊ တင်မောင်ဆန်းမင်းဝင်း၊ မင်းမော်ကွန်း၊ ရဝေအောင်

ဟာသပြကွက်တခု (နေတိုး၊ မော့စ်၊ မိုးဒီ မင်းမော်ကွန်း)

မင်းသား နေတိုးနဲ့ အကတိုက်တဲ့ နေ့တွေမှာ၊ ကမင်းသားလေး တင်မောင်ဆန်းမင်းဝင်းနှင့် ပွဲတော်ညမှာ နှစ်ပါးသွား အကကို ပထမဦးဆုံး တွေ့ဖူးသော ဆစ်ဒနီမြို့မှ ကလေးပရိတ်သတ် မောင်တိုးနန္ဒ အမှတ်တရ

(ပွဲတော်က အရင်တပတ်ကျော်ကတောင် လုပ်ခဲ့ပေမဲ့ ကျွန်မ မအားလို့ အခုမှ တင်ရတာဖြစ်တယ်။ အားလုံး နှစ်ပါးသွားအကလေးကို ကြည့်ပြီး မြန်မာ့အနုပညာရဲ့ ရသကို ခံစားနိုင်ကြပါစေ။)


...........
“ဒီ နှစ်ပါးသွား ဗွီဒီယိုလေးကို ကိုယ်ပိုင်ယူပြီး အေးဆေးကြည့်ချင်တယ်ဆိုရင် ဒေါင်လုပ်ယူလို့ ရပါတယ်။ ” ဒေါင်းလုပ်လို့ အဆင်မပြေပါက Instructions ကို ဤနေရာမှာ ကြည့်နိုင်ပါတယ်။

=> ဒီမှာ ဒေါင်းလိုက်ပါ <=

Posted in: ဓါတ်ပုံ,သတင်း,ဆောင်းပါး