ကလေးနှစ်ယောက်နဲ့ မိတ်ဆက်ပေးခြင်း

မောင်တိုးနန္ဒနှင့် မောင် နိုလန်အောင်

ရင်ခုန်နေသော အိပ်မက်ငယ် KEY OF F Dm F G Dm F G Dm Dm C Dm -အကြင်နာလွှမ်းတဲ့ ညှို့အနမ်းလေးတစ်ရာ F Dm G Dsus2 ရင်မှာအရိုင်း တေးသံများ ကုဋေကဋာ Dm C စွဲစွဲမြဲမြဲ ထွေးပွေ့လျက် အမြဲမခွဲပါ Dm C Dm F G Dm တိမ်များကြား ပြေး၍ကစားသလိုပါ။ -ရေကြည်စမ်းလေး ခြောက်ခန်းသွားရာ နွေနေရူးမင်းမူဆဲ အချိန်အခါ ဝေးဝေးခွဲလို့မသွားနဲ့ မောင့်အချစ်မေတ္တာ အနေဝေးတော့ဆွေးရတဲ့သူမှာ Dm F G Dm F C G Dm -ရောင်စုံပန်းလေး ကြွေနွမ်းသွားရာ မဖြေသားဘူး ကိုယ့်ရင်ထဲဝေဒနာ လန်းဆန်းမွှေးပျံ့ ပန်းကလေးတပွင့် ထပ်ဆင့်ကာ ကိုယ့်အသည်းလေး တွေးရှက်လို့နေတာ Dm F G Dm -အလွန်အလကျွံအချစ်နဲ့ နွံနစ်ခဲ့ရာ ကြာနွယ်ရိုးရိုင်ပြတ် မချိုး မလွယ်ပါ ထွေးထွေးလေးပဲ အသည်းထဲကဖြင့်ချစ်မှာ ကြွေလွင့်မယ့် အဖြစ်နဲ့ မထားချင်ပါ။ Dm F G Dm F C G Dm

ကလေးနှစ်ယောက်နဲ့ မိတ်ဆက်ပေးပါရစေ။ အပေါ်က ဓါတ်ပုံထဲမှာ မိုက်ကိုင်ပြီး သီချင်း ဆိုနေတဲ့တယောက်က ကျွန်မဘလော့ဂ်ကို Link ထားတဲ့ ဘလော့ဂ်မောင်နှမ အတော်များများ သိပြီးဖြစ်ကြတဲ့ သားလေး မောင်တိုးနန္ဒပါ။ တီးနေတဲ့တယောက်က သားသားထက် သုံးလနဲ့ တပတ်တိတိငယ်တဲ့ သားသားရဲ့ညီ ကျွန်မတူ မောင်နိုလန်အောင် ဖြစ်ပါတယ်။ မောင်တိုးနန္ဒက ဆစ်ဒနီ သြစကြေးလျားမှာ ဖြစ်ပြီး မောင်နိုလန်အောင်က ဗန်ကူးဝါး ကနေဒါမှာ သူတို့နှစ်ယောက် သုံးနှစ် ပတ်ဝန်းကျင် ကာလတုန်းက ရိုက်ထားတဲ့ပုံတွေ ဖြစ်ပါတယ်။ အောက်မှာ စန္ဒရားတီးနေတဲ့ ပုံက မောင်နိုလန်အောင် ဖြစ်ပါတယ်။ သားသားက တီးလို့မတတ်ပါဘူး ကလို့ပဲ တတ်ပါတယ်။ ခပ်ဆင်ဆင်ဆိုတော့ စန္ဒယားတီးနေတဲ့ တူလေးကို ကျွန်မသားလေးနဲ့ မှားမှာစိုးလို့ မဟုတ်ဘူးဆိုတာ ဘလော့ဂ်မောင်နှမတွေကို ကြိုပြောထားတာပါ။ သူတို့လေးတွေရဲ့ မျိုးရိုးဗီဇမှာ ကျွန်မတို့ မောင်နှမက ရုပ်သွင်လက္ခဏာမှာ စိုးမိုးဗီဇ နေရာမှာ ယူနေလို့လား မသိဘူး သားနှစ်ယောက်က တော်တော်ဆင်တယ်။့ ၀ါသနာနဲ့ဆိုင်တဲ့ လက္ခဏာလက္ခဏာမှာ ကျတော့ တေးဂီတနဲ့ ပတ်သက်လာရင် လက်ခုပ်တောင် ဖြောင့်ဖြောင့်တီးမတတ်ကြတဲ့ အမေနှစ်ယောက်နဲ့ လုံးဝမတူကြပဲ သူတို့အဖေတွေနဲ့ပဲ တူနေကြတာ တွေ့ရတော့ မျိုးရိုးဗီဇ စကားနဲ့ ပြောရရင်တော့ တကယ်ကို Autosomal Dominant inheritance (တိုက်ရိုက် အမွေဆက်ခံတဲ့ပုံစံချ) ပါပဲ။

ဒီကလေး နှစ်ယောက် စလုံးက စနေနေ့မှာ မွေးကြတော့ ဗေဒင်တွက်ရင် အဓိပဓိဘွားတွေလို့ ဇာတာမှာ တွက်ချက်တဲ့ အဖြေလည်း တူပါတယ်။ အမေနှစ်ယောက်က မောင်နှမ အရင်းတွေ ဖြစ်ပြီး သူတို့ကို မွေးရပုံကလည်း ပုံမှန်မဟုတ်ပဲ ဗိုက်ခွဲမွေးရချင်းလည်း တူပါတယ်။ သားတယောက်တည်း မွေးထားကြတာချင်းလည်း တူပါတယ်။ ကွာတာကတော့  ဒီကလေး နှစ်ယောက်က ၀ါသနာတွေလည်း တူပုံရပါတယ်။ ဒါပေယ့် သူတို့နှစ်ယောက် မရင်းနှီးဘူး အကြောင်းက စကားပြောရာမှာ လေယူလေသိမ်း မတူတော့ တယောက်နဲ့ တယောက် ရှက်နေကြတယ်။ ပထမဦးဆုံး တခါ စကားပြောခိုင်းတော့ သားသား ပြောတယ် မေမေ Nolan က အင်္ဂလိပ်စကားကို ပြောတာ မှန်တော့မှန်တယ် ဒါပေမယ့် ဗြိတိရ်ှလည်းမဟုတ် အမေရိကန်လည်း မဟုတ် ဘယ်လို ပြောလေမှန်းလည်း မသိဘူးတဲ့။ တူလေးကလည်း သူ့အမေကို မောင်တိုးက အင်္ဂလိပ်လို ဘယ်လိုပြောနေမှန်းလည်း မသိဘူးလို့ ပြောတယ်ဆိုတော့ တသံတည်းထွက်တယ်။ နောက်တော့ သူတို့နှစ်ယောက်က ချတ်မှာ စာရိုက်ပြီးပြောတာ တခါတလေ တွေ့ပေမယ့် စကားပြောနေတာတော့ တခါမှ မတွေ့တော့ဘူး။

တူလေး Nolan Aung စန္ဒရား တီးထားတဲ့ ပထမ အပုဒ်က ကျွန်မ သိပ်ကြိုက်တဲ့ ခင်မောင်တိုးရဲ့ ကော်ပီသီချင်းတပုဒ်ပါ။ ဒါကြောင့် သီချင်းစာသားကိုပါ တင်ထားပေးလိုက်ပါတယ်။ သူတီးထားတာကတော့ မူရင်း အင်္ဂလိပ်သီချင်းကို တီးထားတာ ဖြစ်ပါတယ်။ဒုတိယသီချင်း ဖြစ်တဲ့ Wonderful Tonight ကို တူလေး နိုလန်အောင်က သူ့ကျောင်းကလုပ်တဲ့ ဖျော်ဖြေရေး အစီစဉ်တခုမှာ တီးထားတာ ဖြစ်တယ်လို့ သူ့အမေက ပြောပြပါတယ်။ ဒါပေမဲ့ အဲဒီ အင်္ဂလိပ် သီချင်းကို ကျွန်မ မသိလို့ ခင်မောင်တိုး သီချင်းကိုပဲ ထည့်လိုက်ပါတယ်။ နောက်တပုဒ်က ကျွန်မ ကြားပဲ ကြားဖူးပြီး သီချင်းကို မသိလို့ နာမည်ကြီး သီချင်းကိုပဲ မသိရကောင်းလားဆိုပြီး ကျွန်မကို ကဲ့ရဲ့ချင်တဲ့ သူတွေကလည်း ရှိသေးတယ်။ အဲဒီသီချင်းကို တူလေး တီးထားတာ ကိုသားဆွေ ဘလော့ဂ် ဆိုက်ဘားမှာ တင်ထားတာကို ကျွန်မတွေ့တာနဲ့ ကျွန်မဘလာ့ဂ်မှာ တင်ချင်လို့ ကိုသားဆွေနဲ့ စောကျော်ခွိ နှစ်ယောက်စလုံးကို အကူအညီတောင်းပြီး ကြိုးစားကြည့်တယ်။ ဒါပေမယ့် ကျွန်မဘာတွေ မှားပြီး သွားနှိပ်လဲမသိဘူး သူတို့ပြောတဲ့အတိုင်း လိုက်လုပ်ပေမယ့် တင်လို့မရပဲ သူတို့ ဘလော့ဂ်တွေမှာ စမ်းတင်ကြည့်တော့ ရနေတာကို တွေ့ရတယ်။ ကျွန်မကို အကူအညီပေးနေတဲ့ မောင်လေး မိုးသွေးငယ်က အင်တာနက် ကွန်နက်ရှင် အဆင်မပြေလို့ ဒီအတောအတွင်း အကူအညီလိုရင် ကိုဒီရေဆီမှာ တောင်းပါဆိုလို့ ကိုဒီရေကို အကူအညီ တောင်းလိုက်ပြီး ကိုဒီရေ ပြောတဲ့အတိုင်း လိုက်လုပ်တာ အောင်မြင်သွားတယ်။ ကျွန်မတော်တာတော့ မဖြစ်နိုင်ဘူး ဆရာတော်တာပဲ ဖြစ်ဖို့များတယ်။ ကွန်ပြူတာနဲ့ပတ်သက်ရင် ပြောတဲ့အတိုင်း လိုက်လုပ်လို့ ဘယ်တုန်းကမှ အဆင်မပြေဖူးပဲနဲ့ အခုတော့ ကိုဒီရေ ကျေးဇူးနဲ့ အောင်မြင်သွားတာ ၀မ်းသာလို့မဆုံးဘူး။ ဘလော့ဂ်ထဲကို Youtube ကပုံ ဘယ်လိုထည့်လဲဆိုတာ အခုတော့ သိသွားပါပြီ။ တူလေး နိုလန်အောင်ရဲ့ စန္ဒရား လက်သံလေးကို ဆက်လက် နားထောင်ရင်း ခင်မောင်တိုးသီချင်းကို လိုချင်သူများ ကူးသွားနိုင်ပါတယ်။

ရွှင်လန်းချမ်းမြေ့ကြပါစေ။

Posted in: ဗွီဒီယို,သားသား,သီချင်း