မင်္ဂလာပါ

လှိုက်လှဲစွာ နှုတ်ခွန်းဆက်သပါတယ်။ ဒီဘလော့ဂ်က ကျွန်မရဲ့ ဘ၀ဖြတ်သန်းမှု၊ အတွေ့အကြုံ၊ ခံစားမှုအတွေးအမြင်၊ ဗဟုသုတ၊ ကျန်းမာရေးပညာပေး စတာတွေကို ကျွန်မ ရေးတတ်သလို ရေးပြီး အများသိအောင် ပြန်လည်မျှဝေရင်းနဲ့ မှတ်တမ်းအဖြစ် သိမ်းဆည်းထားရာ နေရာတခုသာ ဖြစ်ပါတယ်။ တခြားဆိုက်တွေက နှစ်သက်သဘောကျတဲ့ ပို့စ်တချို့ကို ပြန်လည်ကူးယူ ဖေါ်ပြထားတဲ့ပို့စ် အနည်းငယ်လည်း ရှိပါတယ်။ C-Box ဘေးမှာ ကပ်လျှက် ဆိုက်ဘားမှာ ကဏ္ဍအလိုက် Labels တွေ ခွဲထားတဲ့အထဲမှာလည်း ကြိုက်နှစ်သက်ရာကို ရွေးဖတ်နိုင်ပါတယ်။ လာလည်သူ အားလုံးကို ကျေးဇူးအထူး တင်ရှိပါတယ်။
ရွှင်လန်းချမ်းမြေ့ကြပါစေ..


မြတ်ဗုဒ္ဓ၏ မေတ္တာတရား

မြတ်ဗုဒ္ဓ၏ မေတ္တာတရား
(အောက်က မေတ္တာပို့သီချင်းနဲ့ စာသား ပါဠိ၊ အင်္ဂလိပ်၊ မြန်မာ ကို ပိုမိုပြည့်စုံစွာ လေ့လာချင်သူများအတွက် ပို့စ်ကိုဒီနေရာမှာ Click ပြီး လေ့လာနိုင်ပါတယ်။

အလင်းပျိုးမယ့် လက်များ…




အိတ်ခ်ျအိုင်ဗွီ အေအိုင်ဒီအက်စ် ကူးစက်ခံ ကလေးသူငယ်များအတွက် စာနာမှု ကဗျာ ရွှတ်ပွဲ အတွက် ၂၀ ရက် ဒီဇင်ဘာလ ၂၀၀၉ အင်ယားကန်စောင်း စိမ်းလန်းစို ပြေဥယျာဉ်မှာကျင်းပသွားပါသည်။


ရွတ်ဆိုခဲ့ကြတဲ့ ကဗျာများက

၁။မင်းယွန်းသစ်( သုခကြယ်)
၂။ မောင်ဖုန်းမြင့် ( အနာဂတ်ရှိ/ ဖြစ်တယ်)
၃။ သူရဿဝါ ( အလင်းပျိုးမဲ့လက်များ)
၎။ မိုးလှိုင်ည (ဆူလွယ်နပ်လွယ် သားကောင်)
၅။ နေနှင်းစက်( လက်ကမ်းလို့ကြိုမယ်)
၆။ လူလိန် (ဖြစ်ရပ်မှန်)
ရ။ မင်းယွန်းသစ် ( မြန်နှုန်းမြင့်စိတ်နဲ့ မေ့မေ့ကိုဆက်သွယ်လိုက်ပါတယ်)
၈။ Mirror ( ငါတို့ရဲ့လက်တွေ)
၉။ ဆူးခက်မင်း ( အနာဂတ်မဲ့ လက်များရဲ့မနက်ဖန်)
၁၀။ သူရဿဝါ ( လင်းနေတဲ့အပိုင်းဆို မင်းတို့ပဲလုပ်ထားတာ
မှောင်နေတဲ့အပိုင်းတွေက ငါတို့အပြစ်လို့ရှိပါစေ)
၁၁။ မိုးလှိုင်ည ( မှောင်နေတဲ့အလင်း)
၁၂။ မင်းယွန်းသစ် ( မေ့မေ့ဆီ ရေးတဲ့ စာမျက်နှာမှာ ခြစ်ရာတွေဗရပွနဲ့ ) စတဲ့ကဗျာ တွေကိုရွတ်ဆိုခဲ့ကြပြီ… ကဗျာချစ်သူများပါ ပါဝင်နိုင်တဲ့ ပါဖောင့်မန့်အက် ကဗျာကိုလည်း စုစည်း ရေးစပ် ခဲ့ကြပါတယ်… HIV .. သရုပ်ဖော်.. ပြကွက် တစ်ခုကို ပါဝင်ပြသခဲ့ပါတယ်... ကဗျာများကို..

မအိန္ဒြာ ၊ မင်းယွန်းသစ် ၊ သူရဿဝါ ၊ မောင်ဖုန်းမြင့် ၊ သွယ်လင်းဆက် ၊ မိုးလှိုင်ည ၊ Mirror ၊ အမည်မဲ့ HOE ၊ သိုးထိန်း စတဲ့ ကဗျာ ဆရာများက ပါဝင်ရေးဖွဲ့ခဲ့ခြင်း ဖြစ်ပါတယ်...။ ကဗျာကို မြတ်နိုးကြတဲ့ လူငယ်များနဲ့ ဂျာနယ်လစ်များ.. လူမှုရေး လုပ်ငန်းများ စိတ်ပါဝင်စားသည့် လူငယ်များ ပါဝင် တက်ရောက် ခဲ့ပါသည်..။ အဖွင့် သီချင်း အနေနဲ့ တိုချစ်တဲ့ကမ္ဘာ တို့ချစ်တဲ့ကလေးတွေ
သီချင်းကို စုပေါင်း သီဆိုကြပြီး... Michale Lann- Sleeping Child .. သီချင်းနဲ့ ကဗျာရွတ်ပွဲလေးကို အဆုံးသတ် ခဲ့ကြပါတယ်..။
--
အနာဂတ် (ရှိ / ဖြစ်) တယ်

ပေးသမျှယူဆိုလို့
တစ်လောကလုံးစာ ယူလိုက်ရတယ် (ဒုက္ခသက်သက်)
နုပျိုခြင်း တူညီ ၀တ်စုံတွေ ၀တ်လို့

သူတို့ ပျော်ရွှင်နေကြ …
သူတို့မှာ အဖေရှိချင်မှရှိမယ်
သူတို့မှာ အမေရှိချင်မှရှိမယ်
သူတို့မှာ ရီမုကွန်ထရိုးနဲ့မောင်းလို့ရတဲ့ ကား ရှိချင်မှရှိမယ်
သူတို့မှာ ငါးကျပ်တန်ချိုချဉ်ရှိချင်မှရှိမယ်
သူတို့မှာ ညအိပ်ယာဝင်ပုံပြင်ရှိချင်မှရှိမယ်
သူတို့မှာ ဗလာစာအုပ်ကောင်းကောင်းရှိချင်မှရှိမယ်
သူတို့မှာ မနက်ခင်းနို့တစ်ခွက်ရှိချင်မှရှိမယ်
သူတို့လက်ထဲမှာ အနာဂတ်ရှိတယ်

နာကျင်ခြင်းဟာသူတို့ရဲ့လက်ဝဲလက်ယာ လက္ခဏာဖြစ်နေ
မှောင်မိုက်ခြင်းဟာသူတို့ရဲ့ နက္ခတ်ဇာတာဖြစ်နေသလား
ဘယ်လိုပဲဖြစ်ဖြစ် ယူလိုက်ကြ
ဒီမှာ ဂီတရှိတယ်
ကဗျာရှိတယ်
ဘာသာရှိတယ်
သာသနာရှိတယ်
ပြင်မပြီး ပြုမပြီးအဖာတစ်ရာ ကမ္ဘာရှိတယ်

ယူလိုက်ကြတော့
မင်းတို့ဟာ ဒုက္ခကိုပြောင်းပြန်လှန်
ကမ္ဘာကိုတစ်ဖန် ပြန်ကယ်ကြပေါ့
အနာဂတ်ဟာ မင်းတို့လက်ထဲမှာရှိတယ်
ဒါကြောင့်
မင်းတို့ဟာအနာဂတ်ဖြစ်တယ်။ ။

ကြက်သွန်


" အနာဂတ်မဲ့လက်များရဲ့မနက်ဖြန် "

မိဘမေတ္တာ တဲ့
အရောင် အနံ့အရသာ အထိအတွေ့
အာရုံ ငါးပါး ခံစားမှု ကိုငါတို့တွေ တစ်စက်လေးမှ မရခဲ့ကြဘူး
ပူလား..... အေးလား
အဖြူလား အမဲ လားဆိုတာလည်း သိခွင့်မရခဲ့ကြဘူး
ကျွန်တော်တို့ရဲ့ သက်တမ်းလေးမှာ
အဖေအမေဆိုတာသာယာနာပျော်ဖွယ်တေးသွားတစ်ခုလား
ဘီလူးဆိုင်းသံလားနတ်ဆိုင်းသံလား ညည်းချင်းတစ်ပုဒ်လား
ဘာဆိုဘာမှ သိခွင့်မရတဲ့ကျွန်တော်တို့ရဲ့ဘ၀ဟာ
အပွင့်အလင်းလွန်ခဲ့တဲ့လိင်ယဉ်ကျေးမှုတွေကြောင့်
ခန္ဓာကိုယ်အနှံ့အပြားမှာ အိပ်ခ်ျ အိုင်ဗွီ ပိုး ကူးစက်ခံခဲ့ရတယ်
ကျွန်တော်တို့မှာ ခေါ်စရာ အဖေ မရှိခဲ့ဘူး
အဖေ.... ဘယ်မှာလဲ
ကျွန်တော်တို့ ခေါ်ခွင့် မရခဲ့ဘူး
ကျွန်တော်တို့မှာ ခေါ်စရာ အမေ မရှိခဲ့ဘူး
အမေ..... ဘယ်မှာလဲ
အမေဆိုတဲ့ အခေါ်အဝေါ်လေးတောင်
ကျွန်တော်တို့ ခေါ်ခွင့်မရခဲ့ရှာဘူး
ကံကြမ္မာရေ.....

ကျွန်တော်တို့ရဲ့ အနာဂတ်ကိုမှ ဘာကြောင့်များ မဲ့စေရတာလဲ
ကျွန်တော်တို့ကိုမှ ရွေးချယ်ပြီး ဘာကြောင့်များ ထိုးနှက် တိုက်ခိုက်ရတာလဲ
ဘာကြောင့်များ ကျွန်တော်တို့ အိပ်မက်တွေ တွန့်လိမ် ကြွေမွ ကုန်ရတာလဲ
ကျွန်တော်တို့ ဘာများ လွန်ကျူး ခဲ့မိလို့လဲ ဗျာ
ကျွန်တော်တို့ ကူးစက် ခံရတဲ့ အရာက အပေါင်းလက္ခာ ပါတဲ့ အိပ်ခ်ျအိုင်ဗွီတဲ့

အဖေရေ........... အဖေ့ကို
လူမဆန်ခဲ့ဘူး လူ့ ကျင့်ဝတ် နားမလည်ခဲ့ဘူးလို့
ကျွန်တော်တို့မှာ ပြောခွင့် မရှိခဲ့ဘူး
အမေရေ............ မေမေက
လူ့ကျင့်ဝတ် မစောင့်ထိန်း ခဲ့လို့လား
စောင့်ထိန်းရမယ့် စည်းကျော်လွန်ခဲ့တာလား
ကျွန်တော်တို့ တွေးတော ပိုင်ခွင့် မရှိခဲ့ဘူး
ကျွန်တော်တို့ သွေးတွေ ထဲမှာလေ
စီးဆင်းမြဲ စီးဆင်း နေတာက အပေါင်း ထပ်တင်ထားတဲ့ အိပ်ခ်ျ အိုင်ဗွီ ပိုးတဲ့ ။
လူ့ဘ၀ကြီးထဲကို ကျွန်တော် အလင်းမဲ့စွာ ရောက်ရှိခဲ့ပြီ
ကျွန်တော်တို့ ရှေ့ဆက် ရမယ့်လမ်းတွေက မှောင်မှောင်မဲမဲ
လူလို့ ဖြစ်မှာလာပြီးမှ
ရှင်လျှက်နဲ့ သေနေရတဲ့ ဘ၀ကို ကျွန်တော်တို့ မလိုလားစွာ ပိုင်ဆိုင် ခဲ့ရတယ်

အိပ်ခ်ျ အိုင် ဗွီ (HIV)ပိုးဆိုတဲ့ အပေါင်း ထပ်တင်ထားတဲ့ သတ္တ၀ါက
ကျွန်တော်တို့တွေ အပေါ်မှာပဲ ကွက်ကျားမိုး အဖြစ် ရွာချတာနဲ့ တူပါတယ်
ကျွန်တော်တို့တွေ လူဖြစ်ရကျိုး မနပ်ခဲ့ဘူး လူဖြစ်ရကျိုး မနပ်ကြဘူး
လူသား အချင်းချင်း စာနာထောက်ထားမှု ဆိုတာလေး တစ်ခုတည်းနဲ့
ကျွန်တော်တို့ အပြုံးတွေ ရှင်သန်ခဲ့ရတယ်
ကျွန်တော်တို့ရဲ့ ကမ္ဘာငယ်လေး အလင်းမဲ့စွာ ဖွံ့ဖြိုး ခဲ့ရတယ်
ကျွန်တော်တို့ဟာ လူက မွေးတယ် ဆိုတဲ့
အသိအမှတ် ပြုခံရတာလေးက တစ်ချက်က လွဲရင်
ကျွန်တော်တို့ရဲ့ အနာဂတ်က မပီပြင်ဘူး
ကျွန်တော်တို့ရဲ့ မျှော်လင့်ချက်က ဘာလဲ
ကျွန်တော်တို့ရဲ့ မနက်ဖြန်က ဘာလဲ
နောက်ဆုံး ကျွန်တော်တို့ရဲ့ ပန်းတိုင်ဆိုတာ သေခြင်း တရားလား ။
ကျွန်တော်တို့ အတွက် အလင်းပျိုးမယ့် လက်များကို မျှော်နေပါတယ် ဗျာ ။

အမည်မဲ့ ( HOE )


မှောင်နေတဲ့ အလင်း

သူငယ်ချင်းရေ...............
ကျွန်တော် ဘာများမှားခဲ့လို့လဲ
မှောင်မိုက်တဲ့ အခန်းကျဉ်းလေးထဲမှာ
အထီးကျန်မှုတွေ တစူတဝေးနဲ့ ရှင်သန်ရတယ်
ကျွန်တော် မသိလိုက်ခင်ပဲ ဒီရန်သူက
ကျွန်တော့် သွေးသားထဲ
လှည့်ပတ် စီးဆင်းနေခဲ့ပြီတဲ့

ဖေဖေ နဲ့ မေမေ ရေ...........
ဒီလို ကျွန်တော့်ရဲ့ တမ်းတမ်းမက်မက်ခေါ်သံကို
မကြားနိုင်တော့တဲ့ အရပ်ဆီ
သူတို့ စွန့် ခွာခဲ့ပြီ

သူငယ်ချင်းရေ.................
ကျွန်တော် မင်းကို မနာကျင်စေရပါဘူးကွယ်
မင်းလက်လေး ငါ့ကိုကမ်းပါ
ကျွန်တော်တို့ အတူ ကစားပါရစေ
မင်းနဲ့ အတူ
ကော်ဖီ တခွက် အတူသောက်ခွင့် ငါ့ကိုပေးပါ
နေ၀င်ချိန်ကို အတူကြည့်ခွင့် ငါ့ကိုပေးပါ
သူငယ်ချင်းရေ.............
နာကျင်မှုတဲ့................
ဒီအရာက ကျွန်တော့် နှလုံးအိမ် မှာလား
ကျွန်တော့် ခန္ဓာကိုယ်မှာလား
စစ်ခနဲ စစ်ခနဲ................
ဒီအရိပ်မဲကြီးက ရိုးခနဲ ရိပ်ခနဲ
ကျွန်တော့် မျက်ရည်တွေဟာလည်း
ပိုးခနဲ ပေါက်ခနဲ
သူငယ်ချင်းရေ...............
ကျွန်တော် ဘာများ မှားခဲ့လို့ လဲ
ကျွန်တော် ဘာများ မှားခဲ့ လို့ လဲ..
ကျွန်တော် ဘာများ................................. ၊၊ ၊၊

ကေး ( D O I )


လက်ကမ်းလို့ကြိုမယ်

ဂရုဏာဒေါသနဲ့
မင်းကို ဖွဖွလေးဆူခဲ့တာကလွဲရင်
အာဃာတ မဆိုဘိ
အမုန်းတရားလေးတောင် မရှိခဲ့..........

ကြင်နာသော စကားနဲ့
အားပေးလို့ ဆိုရင်း
ငါတို့ရဲ့ခွန်အား
မင်းကိုယ်ပေါ်မှာ ထွန်းညှိလို့ ထားမယ်..........

အတူတူသွား အတူတူစား
အတူတူသောက်
တို့တွေက တစ်လမ်းထဲ
အတူတူလျှောက်နေကြတဲ့ လူတွေလေ..........

ဖေးမလို့ကူ
မင်းပြိုလဲရင် ငါက ထူရမှာပေါ့
လူ..... လူသားချင်း
လူသား တရားကို နားလည်ရမယ်..........

အားငယ်စရာ မရှိ
သိမ်ငယ်စရာ မရှိ
အပြစ်ကို အပြစ်မှန်း သိရင်
အဲဒီထဲမှာ စိတ်ထပ် မနှစ်ဖို့ လိုတယ်..........

လောကဓံ တရား
ဘယ်တော့မှ ရှစ်ပါးထက် မပိုပါဘူး
မင်းလည်းလူ ငါလည်းလူ
ကံကြမ္မာကို ကလူ ကျီစယ်လို့ ရတယ်..........

ဘဝဆုံးတိုင်း စိတ်ဓါတ် မဆုံး
စိတ်ဓါတ်ဆုံးမှသာ ဘဝက လုံးလုံးဆုံးတာ
Ryan Wayne White ရဲ့သွေးတစ်စက်
တစ်ကမ္ဘာလုံး ရဲပတောင်း ခတ်ခဲ့တယ်..........

မျှော်လင့်ချက်တွေ ဝေနေသူ အတွက်
အနာဂါတ် ဆိုတာ ဘယ်တော့မှ မသေဘူး
ဒီလို နေ့သစ်ရက်ပျိုမှာ
မင်းကို ငါတို့ လက်ကမ်းလို့ ကြိုမယ်..........

Ryan Wayne White (6/20/1971 - 8/4/1990) ~ အသက် (၁၃)နှစ် အရွယ်တွင် သွေးသွင်းရာမှ HIV ကူစက်ခံရပြီး ကမ္ဘာ့ AIDS ရောဂါ တိုက်ဖျက်ရေး ပိုစတာတွင် Poster Child အဖြစ် ရိုက်ကူး ဆောင်ရွက်ရင်း ရင်ဆိုင်မှု ပေါင်းများစွာဖြင့် တစ်ကမ္ဘာလုံးကို သိစေခဲ့သူ။

သွယ်လင်းဆက် ( http://txwelynnset.blogspot.com )


ဆူလွယ်နပ်လွယ်သားကောင်

ခေတ်ကိုက ဆူလွယ် နပ်လွယ်ရယ်...
ဆူလွယ် နပ်လွယ် ဖြစ်ဖို့ပဲ တွေးတော ကြံဆ နေကြရ
ဘာကြောင့်လဲ.. ဘာကြောင့်များလဲလို့
မှတ်မိအောင်
ကိုယ့်ကိုယ်ကို နှစ်ထပ်၊ နှစ်ခါ ထပ်မေးကြည့် နေမိတယ်....။
ဆူလွယ် နပ်လွယ် ခေတ်ထဲမှာ
ကိုယ်တွေကပါ ဆူလွယ် နပ်လွယ် ဖြစ်လို့
ငါတို့မှာ
တစ်ယောက်ထဲ နေရင်းကပဲ
ဟိုဘက် နဲနဲတိုးပါဦး လို့
ကြပ်တည်း နေကြရတာ...

မြေပထ၀ီ အခွံပေါ်မှာ ဘာတွေကို စုပ်ယူဖို့၊
ဘာတွေ ပြောင်းလဲတပ်ဆင်ဖို့ ကြိုးစားနိုင်ဦးမလဲ......
ငါတို့တွေဟာ...
ကွဲလွဲတဲ့ ကိုယ်ပိုင် ချဉ်းကပ်မှုတွေနဲ့
ကိုယ့်ဘ၀ကို ချဉ်းကပ် ကြည့်ခြဲ့ကတယ်
ကိုယ့်ခရီးကိုယ်
ခြေလှမ်းတွေတစ်လှမ်းချင်းရေတွက်လျှောက်ခဲ့ကြတယ်။

ကုန်လွန် ခဲ့တာတွေက
အလကား မဖြစ်ဘူး။
သက္ကရာဇ်ပေါင်း အခု ၂၀ ကျော်။
သို့ပေမယ့်
ခြေထောက်တွေက ခုထိ မခိုင်သေးဘူး ..။
တဘုန်းဘုန်း လဲကျနေတုန်း..
တရုန်းရုန်းနဲ့ ပြန်ထ နေရတုန်း...။

ဘ၀ဆိုတာ ခင်းထားပြီးသား လမ်းတစ်ခု ဖြစ်တယ်..
ကိုယ့်ဘာသာကိုယ် ထွင်ပြီး လျှောက်ရင်းက
အပေါ်ရောက်လိုက်၊ အောက်ရောက်လိုက်လဲ ရှိမယ်..
ပြုခဲ့ဖူးတဲ့ ကောင်းမွေ ဆိုးမွေ အရပေါ့...
အဲ့သလို အမေ ကပြောတော့
ကျမ အသက် ၆၀ မဟုတ်ဘူး အမေ..
အဲ့ဒိလို....အဲ့ဒိလို..နဲ့
ကိုယ့်လမ်းကိုယ် စမ်းတ၀ါးဝါးနဲ့ခင်းနေခဲ့တာ..။

ဆင်းရဲ မွဲတေမှု
ခေါင်းပုံ ဖြတ်မှု၊
မသာမာမှု၊ လူသားမဆန်မှု
အာဏာ တလွဲသုံးမှု
လောင်စာဆီမှု
အိုဇုန်း အလွှာပေါက်တဲ့အမှု
ပူလောင်အိုက်စပ်မှု၊
ဘာမှု၊ ညာမှု... ဟိုအမှု၊ ဒီအမှု
ဘ၀မှာ....
အဲ့ဒါတွေ
ခွဲခြမ်း စိတ်ဖြာ ကြည့်ဖူးပါရဲ့လား
ခွဲခြမ်း စိတ်ဖြာဖို့ရော အခွင့်အရေး တစ်ခု ရရှိဖူးပြီးခဲ့ပြီလား။
အဲ့ဒါတွေ ဘာအဓိပ္ပာယ် လဲဆိုတာ ငါလဲသေချာမသိသေးဘူး။
အဲ့ဒါတွေ ဘယ်လောက် အတိမ်အနက်ရှိလဲ ငါမသိသေးဘူး။
နေသာသလို နေနေလို့တော့ တို့သမိုင်းက တောက်ပြောင်လာမှာ မဟုတ်ဘူး။

အစေ့ကျရာ အပင်ပေါက်တဲ့ ခေတ်ကလဲ ကုန်လွန်ခဲ့ပြီ..
အစေ့ကျရာ အပင်ပေါက်ချင်တဲ့ စိတ်နဲ့
ငါတို့ လိုချင်တပ်မက်တဲ့ အာသီသကို ဖြေဖျောက်ဖို့ရာ..မလွယ်ကူလှဘူးထင်ရဲ့....။

Mirror


ငါတို့ရဲ့လက်တွေ...

ငါတို့မှာ လက်တွေရှိတယ်
လက်တွေဟာ ဘာလုပ်ဖို့လည်း

ငါတို့မှာလက်တွေရှိတယ်
လက်တွေကို ဂရုစိုက်ပါ
လက်တွေကို သန့်သန့်စင်စင်ထားပါ
လက်တွေကို မကြမ်းတမ်းပါစေနဲ့
လက်တွေကို သွေးမစွန်းပါစေနဲ့....

လက်တွေက ကဗျာရေးတယ်
လက်တွေက ပန်းချီဆွဲတယ်
လက်တွေက ဂီတကို တီးခတ်တယ်
လက်တွေက လက်နှက်ကိုင်တယ်
လက်တွေက ပုခက်လွှဲတယ်...

လက်မှတ်ထိုးတဲ့လက်က မြို့ကိုဖျက်သတဲ့လေ
ငါတို့လက်တွေက မြို့ကို မဖျက်မိဖို့
လက်တွေကို ဂရုစိုက်ရမယ်....

လက်တွေက ငါတို့အတွက် အရေးတကြီး
လက်တွေဟာ အနုပညာဆန်ရဲ့
လက်တွေဟာ မေတ္တာ တန်ခိုးတော်ရှိရဲ့

ဒါကြောင့်
လက်တွေနဲ့ မျက်ရည် သုတ်ရမယ်
ငါ့တို့ ပါးပြင်ပေါ်က
တခြားသူတွေရဲ့ ပါးပြင်ပေါ်က
လက်တွေက မျက်ရည်သုတ်ဖို့အတွက် အကောင်းဆုံးပဲ
ငါတို့ ချစ်ကြစို့
လက်တွေနဲ့ ပွေ့ဖက်ထားကြမယ်...
ကမ္ဘာကြီးကို....

မိုးလှိုင်ည


မြန်နှုန်းမြင့် စိတ်နဲ့ပဲ မေမေ့ကို ဆက်သွယ် လိုက်တယ်။

ဟဲလို . .
မေမေလား
ကျနော်နေကောင်းပါတယ်
နှလုံးသားကသာ ခဏ ခဏ ဖျားတာ
နေပူပူ ၊မိုးရွာရွာ သူ့မှာ အကာအကွယ် မပါဘူး မေမေ ။

မေမေရေ . .
ခါးတာတွေ ဆက်တိုက်စားမိတော့
လျှာဖျားတွေတောင် ယားတယ်
မုတ်သုန်မိုး တဖြိုက်နှစ်ဖြိုက်ကျရုံနဲ့
ကန္တာရပင်တွေတောထ
လူအဖြစ်ရရှိခဲ့မှုကြီးက ခါးသက်လှပေါ့မေမေ ။

မေမေရေ. .
ဆင်သေကောင်နား တဝဲလည်လည်ဆိုတဲ့
ပြဇတ်ထဲ
အသဲကွဲသမားအဖြစ် သရုပ်ဆောင်ရတဲ့သားဟာ
အော်စကာလျာထားချက်ထဲ
ထိပ်တန်းစာရင်းကပါတယ်တဲ့ မေမေ ။

မေမေရေ. .
လောကကြမ်းကြမ်းကြီးထဲ
ခလုတ်ကန်သင်းတွေပေါလွန်းလှတယ်
ကျနော့်ကို ငြိသောဆူးများ ဒီထက်ပိုမို ထက်ရှကြပါစေ
ကျနော် ထိမိတဲ့ ခလုတ်တွေ ဒီထက်ပိုမို အလုပ်ရှုပ်နိုင်ကြပါစေ
အိုးကင်းပူထဲ အလှော်ခံနေရသလိုပါပဲ မေမေ
ဘဝဆိုတာကြီးက
အထက်မီး အောက်မီးနဲ့ ဖုတ်ခံနေရတဲ့ ကိတ်မုန့်ကြီးပေါ့ ။

မေမေရေ. .
ရရှိခဲ့တာတွေသိပ်များတော့
ကဗျာတွေတဖွားဖွား ထွက်ကျလာတယ် ။
ဒီနှစ်ထဲမှာ . . . အဆုံးအရှုံးသိပ်များတယ်
ဒီနှစ်ထဲမှာ . . . အချစ်ရေးအဆင်မပြေဘူး
ဒီနှစ်ထဲမှာ . . . ကျနော့်ယာခင်းက အသီးအနှံမဖြစ်ထွန်းဘူး
ဒီနှစ်ထဲမှာ . . . စီးပွားပျက်ကပ်ဆိုက်တယ်
ဒီနှစ်ထဲမှာ . . . အလုပ်လက်မဲ့
ဒီနှစ်ထဲမှာ . . . နစ်နစ်နေတယ်
နှောက်နှစ်တွေဆိုရင် စားပွဲမှာ ဓါးမြှောင်စိုက်
ကဗျာနဲ့ပဲ မိုက်တော့မယ် ။

မေမေရေ . .
အိမ်ပြန်လာရာလမ်းကလေးကတဖြေးဖြေးမှုန်ဝါးသွားတဲ့ ရုပ်ရှင်ပြကွက်လေး
ကျွန်တံဆိပ် တီရှပ်က အသက်ရှုကျပ်တယ် မေမေ ။
ဟုတ်ကဲ့ မေမေ. .
ကျနော်အခု မေတ္တာဧရိယာပြင်ပမှာ ရောက်ရှိနေတာပါ ။ ။

ဖုန်းမြင့်

5 comments:

လူသားအကျိုးပြုလုပ်ငန်း ဖြစ်တဲ့အတွက် တန်ဘိုး ရှိလှ ပါတယ်ဗျာ .. ကဗျာတွေ အားလုံး ဖတ်လို့ကောင်းတယ် ပြည်တွင်းက အခြေအနေ တခုကို ဖလှယ်ပေးတဲ့ အတွက်လည်း ကျေးဇူးတင်ရှိပါတယ် ...

ဝေဒနာခံစားနေရတဲ့ ကလေးတွေအတွက် ကဗျာရွတ်ဆိုခြင်းနဲ့ ပါဖောမာန်အတ့် တွေလုပ်တာဆိုတော့ ပိုပြီး အသက်ဝင်သွားတာပေါ့ဗျာ။ဓာတ်ပုံထဲက HIV ပါဖောမာန့်အတ့် က စိတ်ကူးလေးကောင်းတယ်ဗျာ။ကဗျာရေးသူ အတော်များများကလည်း နာမည်ကြီးတွေပါပဲ။သူရဿဝါကဗျာတွေဆို အရင်ထဲက ကျွန်တော်ကြိုက်နှစ်သက်ခဲ့တာပါ။ သူဆိုဒ်က ကဗျာလေးတွေကို သွားငေးနေကြပါ။နောက်ထပ်လဲ ဒီလိုမျိုးကော၊ ဒီထက်သာမယ့် အစီအစဉ်လေးတွေ အစဉ်အမြဲ ဖြစ်ပေါ်လာပါစေလို့ဗျာ။

ကိုဇော်နဲ့ ကိုချမ်းလင်းနေရေ- ကိုဒီရေ တင်ထားတဲ့ ပို့စ်ကို လာဖတ်ပြီး မှတ်ချက်ရေးသွားကြတာ ကျေးဇူးတင်ပါတယ်။ Face book မှာ မိတ်ဟောင်းဆွေဟောင်းတွေနဲ့ အလွမ်းသယ်နေတာနဲ့ ကွန်ပြူတာကို အိမ်က ကျေးဇူးရှင်နှစ်ယောက်နဲ့ အလှည့်ကျ သုံးနေရလို့ လောလောတယ် ကိုယ်တိုင် ဘလော့မလည်နိုင် အသစ်မတင်နိုင်သေးတဲ့အချိန်မှာ မောင်လေးကိုဒီရေ ပို့စ်လာတင်ထားပေးတာကို တကယ်ပဲ ကျေးဇူးတင်ပါတယ်။ ဒီထဲက ကဗျာတချို့ကို နောက်ပိုင်း သီးသန့် ကဗျာထဲမှာ ပြန်တင်ဖို့ စဉ်းစားထားပါတယ်။

မငယ်နိုင်ကိုယ်တိုင် တင်တာပဲဖြစ်ဖြစ်၊ တခြားတစ် ယောက်တင်တာပဲဖြစ်ဖြစ်ပါ...ဒီကဗျာတွေဖတ်ရတာ တကယ်ကို တနင့်တပိုးပါပဲ၊

မိဘခေါ်လို့လည်း လာရသေးတယ်၊ ပြီးတော့ တစ်ဘဝစာ ဒုက္ခပါ အဆစ်ယူလာရတဲ့ ကလေးတွေကို အရမ်းသနား မိတယ်၊ ဒီလိုပွဲမျိုး စီစဉ်တဲ့သူတွေကို တကယ်ပဲ ချီးကျူးလေးစား ပါတယ်ဗျာ...။

လာကြည့်ပါတယ်
ဓါတ်ပုံယှဉ်ကြည့်ပါအုံး