ဒေါ်အောင်ဆန်းစုကြည်ရဲ့ ၆၆ နှစ်မြောက် မွေးနေ့အခမ်းအနားများ အတွေ့အကြုံ (ဆစ်ဒနီ)

ဒေါ်အောင်ဆန်းစုကြည်ရဲ့ ၆၆ နှစ်မြောက် မွေးနေ့ကို ဆစ်ဒနီမြို့မှာ နှစ်နေရာ ကျင်းပခဲ့ပါတယ်။ ဘယ်သူကျင်းပတဲ့ အခမ်းအနားရယ်လို့ ပုဂ္ဂိုလ်စွဲ အဖွဲ့အစည်းစွဲ မထားဘဲ ဒ်ါအောင်ဆန်းစုကြည်ရဲ့ မွေးနေ့ဖြစ်တဲ့ ဇွန်လ (၁၉) ရက်နေ့ တင်္ဂနွေနေ့မှာ ကျင်းပမည့် အခမ်းအနားကိုပဲ တက်မယ်လို့ ရည်ရွယ်ထားခဲ့ပေမဲ့ တကယ်တမ်းကျတော့ အခမ်းအနား နှစ်ခုစလုံးကို ကျွန်မတက်ဖြစ်သွားခဲ့ပါတယ်။

ဇွန်လ ၁၉ ရက်နေ့မှာ (19/06/11) မြို့ထဲက 4 A Centre for Contemporary Asian Art မှာ ကျင်းပတဲ့ အခမ်းအနားကို သြစကြေးလျားက ထင်ရှားတဲ့ အထင်ကရ အမျိုးသမီး လေးဦးက ဦးဆောင်ကျင်းပခဲ့ပြီး ဇွန်လ ၂၁ ရက်နေ့ (21/06/11) နေ့က မြန်မာစားသောက်ဆိုင် ပုဂံစားသောက်ဆိုင်မှာ ကျင်းပတဲ့ အခမ်းအနားကိုကျတော့ Burma Campaign Australia က ဦးဆောင်ကျင်းပခဲ့ပါတယ်။ မြို့ထဲက အခမ်းအနားက ဒေါ်အောင်ဆန်းစုကြည်နဲ့ မြန်မာ့နိုင်ငံရေးကို အသိနည်းနေသေးသူ နိုင်ငံခြားသားများအတွက် မြန်မာ့အရေးကို သတင်းအချက်အလက် စီမံဆောင်ရွက် ဖေါ်ပြပေးတဲ့ အခမ်းအနား ဖြစ်ပြီး ပါတီပွဲတခု အသွင်သဏ္ဍန်ဆောင်နေတာကို တွေ့ရပါတယ်။

 Burma Campaign က ကျင်းပတဲ့အခမ်းအနားကတော့ မြန်မာ့နိုင်ငံရေး လှုပ်ရှားသူတွေရဲ့ မိတ်ဆုံစားပွဲ သဏ္ဍန်ဆောင်နေတာကို တွေ့ရပါတယ်။ အခမ်းအနား နှစ်ခုက ကျင်းပတဲ့ ပုံစံတခုနဲ့တခု လုံးဝ ကွဲပြားခြားသလို နှစ်စဉ် ကျင်းပနေကျ ရှစ်လေးလုံး မျိုးဆက်တွေ ကျင်းပတဲ့ အခမ်းအနားတွေလို ဈေးရောင်းပွဲတွေနဲ့ တွဲလုပ်ခြင်း မဟုတ်ဘဲ လူကြီးတွေသက်သက် တက်ရောက်တဲ့အတွက် အရင်တက်ခဲ့ဖူးတဲ့ အခမ်းအနားတွေနဲ့ မတူကွဲပြားခြားနားနေတာကိုလည်း တွေ့ရပါတယ်။ အခမ်းအနား တက်ရောက်သူတွေကို ကြည့်လိုက်တော့ နိုင်ငံခြားသားတွေနဲ့ Activists မဟုတ်သူတွေကို အများဆုံးတွေ့ရပြီး နှစ်စဉ်နှစ်တိုင်း အခမ်းအနားတွေမှာ တွေ့နေကျ Activists တွေကို သိပ်မတွေ့ရတာကို သတိထားမိပါတယ်။

19/06/11 မှာ သြစကြေးလျား အမျိုးသမီးတွေ ကျင်းပတဲ့ ဒေါ်အောင်ဆန်းစုကြည် မွေးနေ့အခမ်းအနား

 ဒီအခမ်းအနားကို သြစကြေးလျားက ထင်ရှားတဲ့ အမျိုးသမီးလေးဦးဖြစ်တဲ့ Di Morrissey (ထင်ရှားတဲ့အမျိုးသမီး စာရေးဆရာမတဦး), Therese Rein (လက်ရှိနိုင်ငံခြားရေး ဖြစ်သူ ယခင် သြစကြေးလျားဝန်ကြီးချုပ် Kevin Rudd ရဲ့ဇနီး), Lucy Turnbull AO (လက်ရှိ Shadow Minister Communication and Broadband ယခင် အတိုက်အခံခေါင်းဆောင် Malcolm Turnbull ရဲ့ ဇနီး) Ms. Janelle Saffin MP (လက်ရိအာဏာရ လေဘာပအတီက ဖက်ဒရယ် MP and Co-convenor of Australian Parliamentarians for Democracy in Burma) တို့က ဦးဆောင်ကျင်းပခဲ့ပါတယ်။ 

ဒီအခမ်းနားကို ကျွန်မ သွားစဉ် ဆောင်းတွင်းကာလ သိပ်အေးပေမဲ့ နိုင်ငံခြားသားတွေ ဦးစီးတဲ့အခမ်းအနားဆိုတော့ မြန်မာ့ယဉ်ကျေးမှုကို ပြသတဲ့အနေနဲ့ မြန်မာဆန်ဆန် ဖြစ်အောင် မနေ့တနေ့ကမှ မြန်မာဆိုင်က သွားဝယ်လာတဲ့ မြန်မာရင်ဖုံးအင်္ကျီ အစိမ်းရောင်လေးကို ရှိပြီးသား ပိုးချိတ်ထမိန်လေးနဲ့ ၀တ်ပြီးအခမ်းအနားကို လာလိုက်တာ ထမိန်က တချိန်လုံး လျှောကျနေပြီး ပြင်ဝတ်နေရလို့ ၀တ်လာမိတာကို နောင်တရသွားတယ်။ အရင်က ချည်ချိတ်ထမိန်တွေကို ၀တ်ပြီးကျောင်းသွားဖူးတာ ဒီလောက်အထိ ဒုက္ခမရောက်ဘူး အခုကျတော့ လူကလည်း ကီလိုတိုးနေတော့ ထမိန်ဝတ်လို့ သိပ်မခိုင်ဖြစ်နေချိန်မှာ ပိုးချိတ်ကို သွားဝတ်တော့ ပိုဆိုးသွားတာပေါ့။ ဒါက အလှမက်လို့ ရတဲ့ဒုက္ခပါ။

အခမ်းအနား ကျင်းပတဲ့နေ့က အမျိုးသားကလည်း အလုပ်သွားနေတော့ သားကိုပါ ခေါ်လာပြီး အခမ်းအနားကို ၀င်လို့ရရင် အခန်းထဲ ခေါ်သွားမယ် မရရင်လည်း မလှမ်းးမကမ်းမှာ ရှိတဲ့ အခမ်းအနားကျင်းပရာနေရာနဲ့ တလမ်းတည်း Hay Street ပေါ်က ကျွန်မတက်တဲ့ တက္ကသိုလ် UTS  စာကြည့်တိုက်မှာ ကျွန်မရဲ့ ကျောင်းသားကဒ်ကို ပေးပြီး ခဏသွားထားမယ်လို့ စဉ်းစားပြီး သားကို ခေါ်လာခဲ့တယ်။ ဒါပေမဲ့  အခမ်းအနားကို ရောက်တော့ အိမ်မှာ တယောက်တည်း ထားခဲ့ဖို့ မဖြစ်နိုင်လို့ ခေါ်လာရတဲ့အကြောင်း Reception မှာရှင်းပြတော့ သားသားလည်း ၀င်ခွင့်ရခဲ့ပါတယ်။

Reception  ကနေ  လှေကားပေါ်တက်ပြီး အပေါ်ရောက်လို့ ကျွန်မကြည့်လိုက်တော့ အခမ်းအနားလို့သာ ပြောတယ် ဘာဆိုင်းဘုတ်မှ ရေးထားတာ မတွေ့၊ ထိုင်စရာ ကုလားထိုင်လည်း တလုံးမှအတွေ့ဘဲ အခန်းတခန်းလုံးမှာ အဖြူနဲ့ဗမာတွေ ရောနေတဲ့ လူတွေက မတ်တပ်ရပ်လျှက်နဲ့ နှစ်ယောက်တစု သုံးလေးယောက်တစုနဲ့ ၀ိုင်းဖွဲ့စကားပြောနေကြတာကို တွေ့ရပါတယ်။ မြန်မာအကကို ကပြမည့် ကလေးမလေးနဲ့ သူ့မိဘတွေဖြစ်တဲ့ ကိုဇော်ဝင်းနိုင် မမီမီရှိန်တို့ မိသားစု၊ ဒေါက်တာမြင့်ချိုတို့ကို လှေကားက တက်တက်ချင်း အခန်းအ၀င်ဝမှာပဲ အရင်တွေ့ရပြီး လှမ်းနှုတ်ဆက်နေချိန်မှာ Burma Campaign က ဒေါက်တာကျော်မြင့်ကိုလည်း လူအုပ်ထဲမှာ တွေ့လိုက်ရပြီး အပြန်အလှန် နှုတ်ဆက်ကြတယ်။ 

အခန်းရဲ့ အတွင်းဘက်မှာတော့ ဒေါ်အောင်ဆန်းစုကြည်ပုံ၊ ကိတ်မုန့်တင်ထားတဲ့ စားပွဲခုံ၊ မိုက်နဲ့ မွေးနေ့ကဒ် တင်ထားတဲ့ စကားပြောမည့်နေရာနဲ့ ဒေါ်အောင်ဆန်းစုကြည်အကြောင်း ရုပ်ပုံတွေနဲ့ စာသားတွေကို ဆလိုက်နဲ့ ထိုးပြထားတာတွေကို တွေ့ရပါတယ်။ ကရင်ဝတ်စုံ ၀တ်ဆင်ထားတဲ့ ကရင်အမျိုးသမီးလေးတွေက လင်ပန်းထဲမှာ အသားကင်၊ ဆူရှီ၊ Spring roll စတဲ့ အစားအစာတွေကို တလုပ်စာအရွယ် ပြင်ဆင်ထားတာတွေနဲ့ ဖန်ခွက်နဲ့ ထည့်ထားတဲ့ ဖျော်ရည်မျိုးစုံကို ယူလာပြီး အခမ်းအနား မစတင်မီ မတ်တပ်ရပ်လျှက် စကားပြောနေသူတွေကို လိုက်ပြီး ဧည့်ခံကျွေးမွေးနေကြ ပါတယ်။ ကျွန်မတော့ တလုပ်စာအရွယ် ပုဇွန်သေးသေးလေး သုံးကောင်နဲ့ လိပ်ထားတဲ့ Spring roll လေး တလိပ်ပဲ ကောက်စားဖြစ်ပြီး တခြားဘာမှမစား ဘာမှမသောက်ခဲ့ပေမဲ့ သားကတော့ လာသမျှအစားအစာ အကုန်ယူစားနေတော့တယ်။

အတွင်းဘက်မှာ လူတွေအများကြီးနဲ့ စကားပြောနေတဲ့ အမျိုးသမီးတဦးကို ကောင်းကောင်းမှတ်မိနေလို့ သေသေချာချာ ကြည့်လိုက်တော့ နာမည်ကိုပဲ မမှတ်မိပေမဲ့ လူကိုကျွန်မ ကောင်းကောင်းမှတ်မိသွားတယ်။ သူကလူအများကြီးနဲ့ စကားပြောနေတယ် ဆိုတော့ ကျွန်မ ရုတ်တရက် သွားနှုတ်မဆက်သေးဘဲ ဒေါက်တာမြင့်ချိုကိုမးကြည့်တော့  ABSDF ဗဟို ရှိရာ တောထဲလာဖူးသူဆိုတာ သေချာသွာုးတယ်။ ဒေါက်တာမြင့်ချိုက အဲဒါ မြန်မာ့အရေးကို အဓိက ဦးဆောင်ပြီး အထောက်ကူပြုနေတဲ့ လေဘာပါတီက ဖက်ဒရယ် အမတ် Jannelle လေ ဒီပွဲကိုလည်း သူပဲ ဦးဆောင်ခဲ့တာပေါ့လို့ ပြောပြတော့ ကျွန်မက သူ့နာမည်ကို ပြန်မှတ်မိသွားပါတယ်။  အဲဒီတုန်း Jannelle လာလည်တော့ ဒုက္ခသည်စခန်းနဲ့ သံလွင်မြင်ကမ်းဘက်ကို သွားလေ့လာချင်တယ်ဆိုလို့ ဗဟိုကနေ တနာရီခန့် လမ်းလျှောက်ရတဲ့ မယ်ရယ်ဒုက္ခသည်စခန်းကို နှစ်ယောက်တည်း ခြေကျင်လျှောက်ပြီး လိုက်ပို့ဖူးတယ်။ အဲဒီတုန်းက တောတွင်းမှာ ကြီးတဲ့ ကျွန်မထက်တောင် သူက ပိုပြီးလမ်းလျှောက် မြန်နေလို့ အံ့သြရတာကိုလည်း ပြန်သတိရသွားတယ်။ သူ့ကို မှတ်မိသွားပေမဲ့ သူ့မှာလည်း နှုတ်ဆက်တဲ့ ပရိတ်သတ်တွေ မနည်းမနောဆိုတော့ လူရှင်းတာကို စောင့်ရင်းနဲ့ အခမ်းအနားစတဲ့အထိ ကျွန်မ သွားမနှုတ်ဆက်ဖြစ်ဘူး။

ဒီအခမ်းအနားကို သြစကြေးလျား အစိုးရဘက်ကရော အတိုက်ခံဘက်ကပါ နှစ်ဘက်စလုံးက ခေါင်းဆောင်တချို့ လာကြတယ်ဆိုတော့ ဒီလူတွေကို ကျွန်မထက် သားသားက ပိုသိနေပြီး မေမေ ဟိုတယောက်က ဘယ်သူမဟုတ်ဘူးလားနဲ့ တယောက်တွေ့တယောက် တိုးတိုး တိုးတိုးနဲ့ လာလာပြီး မေးနေလို့ ကျွန်မကလည်း ၀န်ကြီးချုပ်၊ အတိုက်အခံခေါင်းဆောင်နဲ့ ကျန်းမာရေးဝန်ကြီး ရှဲဒိုးကျန်းမာရေးဝန်ကြီးတွေကလွဲရင် ဘယ်သူ့ကိုမှ နာမည်နဲ့ လူကိုတွဲမသိတော့ တိတိကျကျ မဖြေဖြစ်ဘဲ " ဒီပွဲက သံတမန်အသိုင်းအ၀ိုင်းက လူတချို့လည်း လာကြတယ်ဆိုတော့ ဟုတ်မှာပေါ့သား" လို့ပဲ ပြန်ဖြေလိုက်တယ်။ နောက်တော့ သားမေးတဲ့နာမည်တွေနဲ့ ဒေါက်တာ မြင့်ချိုကို ပြန်မေးကြည့်တော့ သားပြောတာ ဟုတ်နေတယ်။ အဲဒီနေ့က သူ တီဗွီထဲမှာ တွေ့နေကျ အတိုက်ခံပါတီကရော အာဏာရပါတီကဘက်ကပါ ခေါင်းဆောင်တချို့ကို အပြင်မှာ ကိုယ်တိုင် တွေ့ရလို့ဆိုပြီး သားသားက တော်တော်လေး အံ့သြနေတယ်။

အခမ်းအနား စတင်တော့ အခမ်းအနားအစီစဉ်တွေကို ကြေညာတဲ့ အခမ်းအနားမှူးက အမျိုးသားတဦးဖြစ်နေတာကို တွေ့ရပြီး ဒီအခမ်းအနားနဲ့ပတ်သက်ပြီး မိတ်ဆက်အနည်းငယ်ပြောတယ်။ ပြီးတော့ ဒေါ်အောင်ဆန်းစုကြည်အကြောင်း၊ မြန်မာ့ရိုးရာ ယဉ်ကျေးမှုနဲ့ အမှတ်အသားတချို့အကြောင်း အနည်းငယ်ပြောပြီးတာနဲ့ ဒေါက်တာဂျိုးတို့ ဇနီးမောင်နှံက မြန်မာ့ရိုးရာအစားအစာတခု ဖြစ်တဲ့ လက်ဘက်သုပ်အကြောင်းကို နိုင်ငံခြားသားတွေသိအောင် မိတ်ဆက်ပေးပြီး ခင်းကျင်းပြသကာ အသေးစိတ်ရှင်းပြခဲ့ပါတယ်။ ရှင်းပြနေစဉ်မှာလည်း ဒုံးယိမ်းအဖွဲ့က ကရင်အမျိုးသမီးလေးတွေက သုပ်ထားပြီးသား လက်ဘက်သုပ်တွေကို တခါသုံး ဟင်းခပ်ဇွန်းအရွယ် ကော်ဇွန်းတွေနဲ့ လင်ပန်းထဲမှာ ထည့်လာပြီး လိုက်ဝေပေးပါတယ်။ မြန်မာ့ရိုးရာ အစားအသောက်ကို ပြသပြီးတာနဲ့ မြန်မာနိုင်ငံက ယဉ်ကျေးမှုအကတွေ ဖြစ်တဲ့ မြန်မာရိုးရာ မင်းသမီးအကနဲ့ ကရင်ဒုံးယိမ်းအကတို့နဲ့ ဖျော်ဖြေပါတယ်။ ဖျော်ဖြေရေး အစီစဉ်ပြီးမှ ဒီအခမ်းအနားကို ဦးဆောင်တဲ့ အမျိုးသမီးလေးဦးက တယောက်ပြီးတယောက် စကားပြောကြပါတယ်။

သူတို့ပြောတဲ့ အကြောင်းအရာကတော့ ဒေါ်အောင်ဆန်းစုကြည်ရဲ့ ရဲရင့်ပြတ်သားတဲ့ တိုက်ပွဲဝင်မှုကို ချီးကျူးဖေါ်ထုတ်ကြပြီးဒေါ်အောင်ဆန်းစုကြည်ရဲ့ ၂၃ နှစ်တာ တိုက်ပွဲဝင်သမိုင်းကြောင်းနဲ့ မြန်မာ့အရေးကို သြစကြေးလျား လူ့အဖွဲ့အစည်းက သိသင့်သိထိုက်တာတွေကို ဦးစားပေးပြောသွားတဲ့အတွက် ကျွန်မတို့ သိပြီးသားတွေပဲ များပါတယ်။ အာဏာရှင်တို့ရဲ့ မတရားမှုတွေနဲ့ ပတ်သက်ပြီးတော့ အာဏာရှင်တို့ရဲ့ ၂၀၀၈ ဖွဲ့စည်းပုံနဲ့ ၂၀၁၀ နိုဝင်ဘာရွေးကောက်ပွဲဟာ လွတ်လပ်ပြီး တရားမျှတမှု မရှိကြောင်း၊ ရွေးကောက်ပွဲပြီးသွားလည်း သိသာထင်ရှားတဲ့ ပြောင်းလဲမှု ဘာမှမရှိကြောင်း၊ ရွေးကောက်ပွဲပြီး ရက်ပေါင်း ၁၀၀ ရောက်တဲ့အထိတောင် လူ့အခွင့်အရေး ချိုးဖေါက်မှုတွေက ဆက်တိုက်ဖြစ်ပေါ်လျှက် ရှိနေသေးကြောင်း ဒီနေ့ ၆၆ နှစ် ပြည့်သွားတဲ့ ဒေါ်အောင်ဆန်းစုကြည်ဟာ သူမရဲ့ ဒီမိုကရေစီတိုက်ပွဲ ၂၃ နှစ်ကာလမှာ အချိန်ကာလအများစုကို အကျယ်ချုပ်ဘ၀နဲ့နေခဲ့ရပေမဲ့ အားမလျှော့ဘဲ ဆက်လက်ပြီး တိုက်ပွဲဝင်လျှက်ရှိကြောင်း၊ ဘာမှလုပ်လို့မရဘူး ဆိုတာလုံးဝ မဖြစ်စေရဘဲ မြန်မာ့အရေးကို ၀ိုင်းဝန်းပံ့ပိုးပေးဖို့လိုကြောင်း စသည်တို့ကို ပြောကြားသွားပါတယ်။

နောက်ဆုံးပိတ် Speech ကို Jenelle က ပြောပြီးတာနဲ့ မွေးနေ့ဆုတောင်းကြတယ်။ မွေးနေ့ကိတ်ခွဲပြီးတတာနဲ့ မွေးနေ့ကဒ်ထဲမှာ မွေးနေ့ဆုတောင်းကို ရေးပေးကြပါတယ်။ ကျွန်မအရှေ့က ရေးပေးတဲ့သူတွ အားလုံးက အင်္ဂလိပ်လိုနဲ့ ရေးပေးကြတာကို တွေ့ရတယ်။ ကျွန်မလည်း မွေးနေ့ဆုတောင်းကို ဗမာလိုနဲ့ စာလုံးနည်းနည်းပေးကြီးပြီး များများရေးရင် တခြားသူတွေ ရေးဖို့ နေရာမကျန်ဖြစ်မှာစိုးတာနဲ့ မွေးနေ့မှာ ပျော်ရွှင်ချမ်းမြေ့ပါစေလို့ပဲ လိုရင်းကို ရေးလိုက်ပါတယ်။ သားသားရေးတဲ့အလှည့်မှာတော့ အကြာကြီးဖြစ်နေလို့ နောက်မှာ ရေးဖို့တန်းစီနေတဲ့ လူတွေကလည်း အများကြီးနဲ့ အားနာစရာကြီး Happy Birthday တလုံးနဲ့ Mg Toee Nanda တလုံး ရေးတာ ဘာဖြစ်လို့ ဒီလောက်တောင် ကြာနေရလဲ ဆိုပြီး သွားကြည့်တော့ သူက သူ့အသက်က ၁၁ ရှိကြောင်းနဲ့ သူ့ရဲ့ History Speech မှာ ဒေါ်အောင်ဆန်းစုကြည်အကြောင်းကို ပြောခဲ့တဲ့အကြောင်းပါ ရေးထားတယ်။ အမှန်က သူက ကျောင်းမှာ လုပ်ရတဲ့ Oral Presentation အကြောင်းကို ပြောတာ ဖြစ်ပေမဲ့ အဲလို မဖေါ်ပြထားတော့ သူရေးလိုက်ပုံက မသိရင် ဒီအခမ်းအနားမှာပဲ သူက speaker တယောက်လိုလို ထင်သွားနိုင်တယ်။

မွေးနေ့ ဆုတောင်းတွေ ရေးနေချိန်မှာတော့ ပြန်တဲ့သူကပြန်နဲ့ လူနည်းနည်း ပါလာတဲ့အချိန်မှာ အဲဒီအချိန်ကျမှပဲ ကျွန်မက Jannelle ကို သွားနှုတ်ဆက်တယ်။ ကျွန်မကိုမှတ်မိလား မေးကြည့်တော့ မျက်နှာကိုတော့ ကောင်းကောင်းမှတ်မိတယ် ဒါပေမဲ့ ဘယ်တုန်းက ဘယ်မှာဆိုတာ စဉ်းစားလို့မရဖြစ်နေတယ် ပြောလို့ တွေ့တာ လွန်ခဲ့တဲ့ ၁၃-၁၄ နှစ်ခန့်ကတောင် ဆိုတော့ ဒီလောက်တော့ ရှိမှာပေါ့၊ ၉၇ ခုနှစ် ကုန်ခါနီးလောက်က ABSDF ဗဟိုကို လာလည်တုန်းကလို့ ပြောလိုက်တော့ သြော် မှတ်မိပြီ မှတ်မိပြီ မဲစရီးယန်းနားက စခန်းမဟုတ်လား ဒုက္ခသည်စခန်းကို လမ်းလျှောက်သွားတာ ကောင်းကောင်းမှတ်မိတယ်ဆိုပြီး ပြောလို့ ကျွန်မလည်း တော်တော်လေး ၀မ်းသာသွားတယ်။ နင့်နာမည်က ဆိုပြီး ကျွန်မရင်ဘတ်က နာမည်ကဒ်ကို သူကဖတ်ကြည့်ကာ နာမည်ကိုခေါ်ပြီး နင်က မြန်မာဝတ်စုံနဲ့ အနောက်တိုင်းကုတ်ဝတ်ထားတယ်လို့ ကျွန်မ၀တ်ထားတဲ့ အနွေးထည်ကို ရည်ညွန်းပြီး ပြောတယ်။ ပြီးတာ့ကျွန်မကို ဒီမှာတွေ့ရတာ ၀မ်းသာကြောင်းနှင့် သူက အခုထိ မြန်မာ့ဒီမိုကရေစီအရေးအတွက် အဓိကပံ့ပိုးနေတဲ့ MP တယောက်ဖြစ်ကြောင်း ပြောပြပါတယ်။ ကျွန်မလည်း ဒေါက်တာမြင့်ချို ပြောပြလို့ သိပြီးပြီဆိုတာနဲ့ ဒီအခမ်းအနားကို ဆောင်ရွက်တဲ့အတွက်ရော မြန်မာ့ဒီမိုကရေစီအရေးကို တောက်လျှောက် ထောက်ခံ အားပေး ပံ့ပိုးနေတဲ့အတွက်ပါ အထူပဲ ကျေးဇူးတင်ကြောင်း ပြောကာ နှုတ်ဆက်ပြီး ပြန်လာလိုက်တယ်။ မပြန်ခင် သားသားက အမှတ်တရ ဓါတ်ပုံရိုက်ပေးပါတယ်။

 ဒီအခမ်းအနားက အပြန်မှာတော့ သားက ကျွန်မကို မေမေ အရင်က ဒီအခမ်းအနားတွေ တက်ဖူးလား ဘာအကြောင်းတွေ ပြောကြလဲ စသည်ဖြင့် မေးတဲ့မေးခွန်းတွေကို ဖြေလိုက်ရတာ မနည်းမနောပဲ။ ကျွန်မတို့အခမ်းအနားပြီးလို့ Paddy Market အပေါ်က Market City Shopping Center မှာ ဆောင်းတွင်းဝတ် ဘောင်းဘီတထည်ဝယ်ကာ ခဏခဏ ပြင်ဝတ်နေရတဲ့ ပိုးချိတ်ထမိန်နဲ့ Change Room မှာ ၀င်လဲပြီးတာနဲ့ Darling Harbour ဘက်ကို လမ်းလျှောက်လာပြီး သားအဖေ အလုပ်ပြီးတဲ့အချိန်ကို လာစောင့်ပြီး သူ့အဖေကားနဲ့ အိမ်ပြန်လာလိုက်ပါတယ်။ အခမ်းအနားက ဓါတ်ပုံတွေနဲ့ ဗွီဒီယိုတွေကို ဆက်လက်ကြည့်ရှုနိုင်ပါတယ်။ (ဒီပို့စ်အတွက် လူနာမည်တွေနဲ့ တာဝန် အတိအကျနဲ့ ပြောသွားတဲ့အကြောင်းအရာ အကျဉ်းချုပ်ကို ပို့လာပေးတဲ့ ဒေါက်တာမြင့်ချိုကို ကျေးဇူးတင်ပါတယ်။)

Ms. Janelle Saffin MP (Federal Labor MP and Co-convenor of Australian Parliamentarians for Democracy in Burma).

အခမ်းအနားမှူးမှ အစီစဉ်များကို ကြေညာနေစဉ်

အခမ်းအနားမှာ ကရင်ဝတ်စုံ ၀တ်ဆင်ထားတဲ့ ဒုံးယိမ်းအဖွဲ့က စားစရာများကို လင်ပမ်းနဲ့ ထည့်ပြီး လိုက်ဧည့်ခံတာကို တွေ့ရပါတယ်။

အစားအသာက်များ လိုက်ဝေငနေသည့် ဒုံးယိမ်းအဖွဲ့မှ ကရင်အမျိုးသမီးလေး နှစ်ဦး

ဒေါက်တာ Joe ဇနီးမောင်နှံမှ လက်ဘက်သုတ်အကြောင်းကို ခင်းကျင်းပြသပြီး အသုံးပြုပုံ စားသောက်ပုံကို ရှင်းလင်းပြနေစဉ်

ဆစ်ဒနီမြန်မာ မိန်းကလေးတဦးမှ မြန်မာ့ရိုးရာ ယဉ်ကျေးမှုအကဖြင့် ကပြဖျော်ခြေနေစဉ်

မြန်မာ့ရိုးရာအက ဗွီဒီယို

ကရင်ဒုံးယိမ်းအဖွဲ့မှ ကပြဖျော်ဖြေနေစဉ်

ကရင်ဒုံးယိမ်းအက ဗွီဒီယို

Co-organisers of this event were Di Morrissey (one of Australia's most popular female novelists),

Therese Rein (wife of former Australian Prime Minister and current Foreign Minister Kevin Rudd) စကားပြောနေစဉ်

Lucy Turnbull AO (wife of former Opposition Leader and current Shadow Minister for Communication and Broadband Malcolm Turnbull)

Ms. Janelle Saffin MP (Federal Labor MP and Co-convenor of Australian Parliamentarians for Democracy in Burma).

အခမ်းအနားကို ကျင်းပသည့်အမျိုးသမီးလေးဦးနှင့် မြန်မာအမျိုးသမီးတဦးကို ကိတ်မုန့်ခွဲခါနီးတွေ့ရစဉ်

Happy Birthday သီချင်းသီဆိုပြီး တက်ရောက်သူ အားလုံးကို Miss Janelle မှ ကျေးဇူးတင်စကား ပြောကြားစဉ်

မွေးနေ့ကဒ်မှာ မွေးနေ့ဆုတောင်း ရေးထိုးနေကြစဉ်

ရှည်ရှည်ဝေးဝေး ဆုတောင်းနေရင် မွေးနေ့ကဒ်မှာ နောက်လူတွေဆုတောင်းဖို့ နေရာ မကျန်မှာစိုးလို့ မွေးနေ့မှာ ဒေါ်အောင်ဆန်းစုကြည် ပျော်ရွှင်ချမ်းမြေ့ပါစေလို့ပဲ မြန်မာလိုနဲ့ ရေးပြီး ဆုတောင်းပေးလိုက်ပါတယ်။

ဒီအခမ်းအနားကို တက်ရောက်တဲ့ တဦးတည်းသောကလေး ဖြစ်သူ မောင်တိုးနန္ဒက ဒေါ်အောင်ဆန်းစုကြည်အတွက် မွေးနေ့ဆုတောင်းကို ရေးနေစဉ်

Ms. Janelle Saffin နဲ့ အမှတ်တရ

Burma Campaign Australia က ပုဂံစားသောက်ဆိုင်မှာ ပြုလုပ်တဲ့ ဒေါ်အောင်ဆန်းစုကြည်မွေးနေ့အခမ်းအနား

ဒီအခမ်းအနားကတော့ အခမ်းအနားတခုပုံစံတခုထက် မိတ်ဆုံစားပွဲပုံစံနဲ့ ပိုဆင်ပါတယ်။ အမှန်အတိုင်း ပြောရရင်တော့ ဒီအခမ်းအနားကို ကျွန်မ တက်ဖို့အစီစဉ် မရှိခဲ့ပါဘူး။ ၁၉ ရက်နေ့မှာ လုပ်တဲ့အခမ်းအနားမှာ ဒေါက်တာကျော်မြင့်နဲ့ ဒေါက်တာ မြင့်ချိုတို့ကို တွေ့ပြီးတဲ့အခါမှာတော့ နိုင်ငံခြားသားတွေ ကျင်းပတဲ့ပွဲကိုတော့ သွားအားပေးပြီး ကိုယ့်လူတွေ လုပ်တဲ့ပွဲကို မသွားရင် ကောင်းပါ့မလား ဆိုတဲ့အတွေးနဲ့ ကိုယ့်လိပ်ပြာ ကိုယ်မလုံလို့ သွားတက်လိုက်ရတဲ့ပွဲပါ။ ဒါပေမဲ့ ဒီအခမ်းအနားကမှ ကျွန်မအတွက် လာဘ်ကီးကောင်းတဲ့ အခမ်းအနားဖြစ်နေတာကို တွေ့ရပါတယ်။ 

အခမ်းအနားကို သွားဖို့ဆုံးဖြတ်ပြီး အွန်လိုင်းပေါ်မှာ လက်မှတ်အတွက် Book လုပ်တုန်းက လက်မှတ်ဖိုး ငါးဆယ်ဆိုတာ သိထားရာကနေ အခမ်းအနားရောက်တော့ လေးဆယ်ပဲ ဖြစ်နေတာကို သိရတော့ ဒါပထမလာဘ်ကီး ဖြစ်နေတယ်။  နောက်တခုက အဲဒီနေ့မှာ အမျိုးသားက အလုပ်ချိန်နဲ့ တိုက်နေတယ် ထင်နေတာ အလုပ်မရှိတဲ့နေ့နဲ့ ကြုံနေလို့ အခမ်းအနားကို ရထားနဲ့ သွားစရာမလိုဘဲ အမျိုးသားလိုက်ပို့လို့ ကားနဲ့သွားလိုက်ရတယ်။ အဲဒီကတည်းက ကျွန်မက ဒီအခမ်းအနားမှာ လာတ်ကီးကောင်းနေတယ်ဆိုတာကို သတိမထားမိသေးဘူး။ ကိုယ့်ကိုယ်ကိုယ် လာတ်ကီးကောင်းမှန်း အခမ်းအနားပြီးခါနီးမှ တကယ်သိရပါတယ်။

ဒီအခမ်းအနားမှာလည်း အခမ်းအနား ကျင်းပတဲ့အဖွဲ့ Burma Campaign Australia က ဗမာဆိုလို့ ဥက္ကဌ ဖြစ်သူ ဒေါက်တာကျော်မြင့်နှင့် ပြောရေးဆိုခွင့်ရှိသူ ဒေါက်တာမြင့်ချိုတို့ နှစ်ယောက်ကိုပဲ တွေ့ပြီး ကျန်တဲ့ ဧည့်ခံကြိုဆိုပြီး လက်မှတ်တွေ လက်ခံသူ၊ အစီစဉ်ကြေညာသူ၊ Burma Campaign နဲ့ပတ်သက်တဲ့ လက်ကမ်းစာစောင်လေးကို လိုက်ဝေပြီး အဖွဲ့ဝင်အဖြစ် ၀င်မလားနဲ့လိုက်စည်းရုံးနေသူ၊ Burma Campaign ရန်ပုံငွေအတွက် ထုတ်လုပ်ရောင်းချတဲ့ စာအုပ်နဲ့ အသုံးအဆောင်ပစ္စည်းတွေကို ကြော်ငြာပြီး ရောင်းချနေသူ၊ မဲဖေါက်ဖို့ Ruffle ticket တွေလိုက်ရောင်းနေသူတွေက သြစကြေးလျားလူမျိုးတွေပဲ ဖြစ်နေတာ တွေ့ရပါတယ်။ 

အခမ်းအနား တက်သူအများစုကလည်း ကျွန်မ ခါတိုင်းတွေ့နေကျ အသိတွေကို သိပ်မတွေ့ရဘဲ မတွေ့ဖူးတဲ့ မျက်နှာစိမ်းတွေက သိတဲ့သူထက် ပိုများနေတယ်။ အသိတွေအထဲမှာတော့ အဘဦးရဲခေါင် (မြ၀တီရဲခေါင်) တယောက်ကို တွေ့လိုက်ရလို့ ဒီလောက်အေးတဲ့ ရာသီမှာ ညဘက်ကျင်းပတဲ့ ဒီအခမ်းအနားကို တကူးတက လာတက်တာကို ကြည့်ပြီး အဘရဲ့စိတ်ဓါတ်ကို လေးစားမိတယ်။ ဒီအခမ်းအနားကာလမှာ စားစရာတွေ လာချပေးတာကို စားရင်းနဲ့ တင်ဆက်တဲ့ အစီစဉ်တွေကို ကြည့်လိုက် သီချင်းသီဆိုတာကို နားထောင်လိုက်နဲ့ပဲ လုပ်သွားပါတယ်။ 

အခမ်းအနား အစီစဉ်ကို ကြေညာပြီးမှာ ပထမဦးစွာ ဆစ်ဒနီမြန်မာလူမျိုးစု မြန်မာ့အသံက ဦးပန်တျာက ဒေါ်အောင်ဆန်းစုကြည်နဲ့ ပတ်သက်တဲ့ ချီးမွမ်းစကား ပြောဆိုပြီး နဂါးနီသီချင်း သံစဉ်ကို ယူပြီး စပ်ဆိုထားတဲ့ တိုင်းရင်းသားအားလုံး စည်းလုံးညီညွတ်စွာဖြင့် အာဏာရှင်ကို စုပေါင်းတော်လှန်ကာ အောင်ပွဲခံမယ်ဆိုတဲ့ အဓိပ္ပါယ်ပါရှိတဲ့ ဒေါ်အောင်ဆန်းစုကြည် မွေးနေ့အတွက် သူကိုယ်တိုင် ဖန်တီးထားတဲ့ သီချင်းကို သီဆိုပြပါတယ်။ ကျွန်မတို့ အခမ်းအနားတက်တဲ့သူတွေလည်း စားရင်းသောက်ရင်း ဓါတ်ပုံရိုက်ရင်းနဲ့ပဲ နားထောင်ဖြစ်ပါတယ်။ ကျွန်မထိုင်လိုက်တဲ့ ထိုင်ခုံက ၀င်ဖို့ထွက်ဖို့ သိပ်မလွတ်လပ်တော့ တခြားအခမ်းအနားတွေလို ဓါတ်ပုံလိုက်ရိုက်ဖို့ အဆင်မပြေဘဲ အခမ်းအနား အစပိုင်းမှာ ထိုင်ရာကပဲ ဓါတ်ပုံ ရိုက်ယူရပါတယ်။

 ဦးပန်တျာ တင်ဆက်မှု ပြီးတဲ့အခါမှာတော့ မြန်မာအမျိုးသမီးတဦးက ဒေါ်အောင်ဆန်းစုကြည်နဲ့ ပတ်သက်တဲ့ လေးစားအားကျဖွယ်ရာတွေကို ပြောကြားပြီး ကျန်တဲ့အပိုင်းကိုတော့  အဆိုတော် ညီအစ်ကို နှစ်ယောက်က အခမ်းအနားပြီးတဲ့အထိ တောက်လျှောက် သီချင်းတွေ တပုဒ်ပြီးတပုဒ် ဂီတာတီးပြီး သီဆိုဖျော်ဖြေခဲ့ပါတယ်။ ကျွန်မတခါမှ မတွေ့ဖူးတဲ့သူတွေ ဖြစ်နေသလို အဆိုရောအတီးပါ ကောင်းလွန်းလို့ ဘယ်ကလူတွေလဲလို့ ဘေးနားက အစ်မတယောက်ကို မေးကြည့်လို့ ကိုအံ့ကြီးရဲ့ တူတော်တွေဆိုတာ သိရတယ်။ မျိုးဆက်မတူလို့ သီချင်းသံစဉ် တီးလုံးတွေ အသုံးပြုတဲ့ Musical instrument တွေ မတူကြပေမဲ့ အနုပညာအမွေအနစ်တွေကတော့ စီးဆင်းလျှက် ရှိတာကိုတွေးပြီး ပီတိဖြစ်မိပါတယ်။ အခမ်းအနားလာတက်တဲ့ အထဲက အန်တီတယောက်က ကိုအံ့ကြီးသီချင်း တပုဒ်လောက် ဆိုပြပါလားဆိုတော့ သံစဉ်တွေကိုပဲ မှတ်မိပြီး သီချင်းစာသားတွေကို မမှတ်မိတော့ဘူးလို့ ပြောတယ်။ ရွှေဘိုသနပ်ခါးတုံးသီချင်းကို မှတ်မိသလောက် တ၀က်တပြက်နဲ့ ဆိုပြတာကို အမှတ်တရအဖြစ် ကျွန်မ ဗွီဒီယိုရိုက်လာခဲ့ပါတယ်။

အခမ်းအနား ပြီးခါနီးမှာတော့ ကိတ်မုန့်ခွဲပြီးတာနဲ့ ကိတ်မုန့်ဝေတဲ့အချိန်မှာ ညဘက် အချိုမစားတတ်တဲ့ ကျွန်မက ဒီညကတော့ ညစာလည်း စားဖြစ်သွားသလို ချော့ကလက်ကိတ်ကိုလည်း ဒေါ်အောင်ဆန်းစုကြည် မွေးနေ့အထိမ်းအမှတ်နဲ့ အမှတ်တရ စားဖြစ်သွားပါတယ်။ အခမ်းအနားရဲ့ နောက်ဆုံးအချိန်မှာတော့ Ruffle ticket တွေကို မဲဖေါက်ဖို့အတွက် Burma Campaign ဥက္ကဌ ဒေါက်တာကျော်မြင့်က မဲနိုက်ပြီး အဖွဲ့ရဲ့ Coordinator Zatty က ပေါက်မဲကို ကြေညာပါတယ်။ ပထမဆုက King Cross မှာ ရှိတဲ့ မြန်မာစားသောက်ဆိုင်မှာ စားဖို့ $110 တန် စားသောက်ဆိုင် ဘောက်ချာတခု၊ ဒုတိယဆုက ဒေါ်အောင်ဆန်းစုကြည်အကြောင်း ရေးထားတဲ့ စာအုပ်တအုပ်ကို ပေးပြီး တတိယဆုကိုတော့ ဘာပေးလဲဆိုတာ မမှတ်မိတော့ဘူး။ ဒီအထဲမှာ ကံထူးသူ ပထမဆု ရသူက ကျွန်မဖြစ်နေလို့ တကယ်ပဲ အံ့သြသွားတယ်။

ကျွန်မက ဘယ်အရာမဆို ဘယ်တော့မှ အလကားမရတတ်သူ၊ ကိုယ်တိုင် ကိုယ့်ဒူးကိုယ်ချွန်လုပ်ပြီးမှပဲ ရတတ်သူ ဖြစ်ပြီး  မဲပေါက်တာ ထီပေါက်တာလို အလကားရတယ်ဆိုတာမျိုး ကျွန်မဘ၀မှာ သိပ်ကြုံကြိုက်ခဲလှတယ်။ ငယ်ငယ်က ခုနှစ်တန်းနှစ်တုန်းက ကျောင်းမှာ သင်္ချာစာအုပ် တအုပ်ပဲ လိုနေလို့ ဆရာက မဲဆွဲခိုင်းတာ တခုတည်းသော မပေါက်မဲက ကျွန်မမှာ လာကျခဲ့တာကို ကျွန်မ အခုထိ အမြဲမှတ်မိနေပါတယ်။ ဒီလို မဲဖေါက်တာကို တခါမှ ရတတ်တဲ့သူမဟုတ်တဲ့ ကျွန်မမှာ ပထမဆုမဲပေါက်တယ်ဆိုတော့ ဘာပဲဖြစ်ဖြစ် ကျွန်မကံကောင်းနေတဲ့အချိန်လို့ပဲ မှတ်ယူလိုက်ပါတယ်။ 

ပြီးခဲ့တဲ့ ဇွန်လ ၁၆ ရက်နေ့ ကျွန်မမွေးနေ့တုန်းက ဘလော့ဂ်နဲ့ Facebook မှာ လာပြီးဆုတောင်းပေးသွားသူတွေရဲ့ မေတ္တာတွေကြောင့် ကျွန်မကုသိုလ်ကံတွေ တက်လာတာလို့ မှတ်ယူလိုက်ပါတယ်။ ဒါကိုတောင် ကျွန်မက စားသောက်ဆိုင်မှာ ဘောက်ချာက ဘာလုပ်လို့ရမလဲ စာအုပ်ကမှ ဖတ်လို့ရသေးတယ်ဆိုပြီး ဒုတိယရတဲ့ အစ်မနဲ့ လဲဖို့လုပ်နေလို့ ဘေးနားက အစ်မတွေက စာအုပ်က လိုချင်ရင် ၀ယ်လိုက်လိုက်လို့ရတယ် အစိတ်ပဲပေးရတယ် စားသောက်ဆိုင်လက်မှတ်က မိတ်ဆွေမိသားစုတစုခေါ်ပြီး ကောင်းကောင်းစားလို့ရတယ်လို့ ပြောသလို ဒေါက်တာကျော်မြင့်ကလည်း စာအုပ်သူ့မှာရှိတယ် သူပေးမယ်ဆိုလို့ မလဲဖြစ်ဘဲ ဘောက်ချာကိုပဲ ယူလာလိုက်တယ်။ အခမ်းအနားက ကိုးနာရီခွဲမှာ ပြီးမယ်ဆိုပေမဲ့ ကိုးနာရီမှာပဲ အားလုံးကို နှုတ်ဆက်ပြီး အဘဦးရဲခေါင်ကို လာကြိုတဲ့ သူ့သား ကိုဝေလင်းကားနဲ့ ပြန်လာလိုက်ပါတယ်။


ဒေါ်အောင်ဆန်းစုကြည် မွေးနေ့အနှစ်တရာတိုင်အောင် ကျန်းမာပျော်ရွှင်စွာ ဖြတ်သန်းရပါစေ

အခမ်းအနားအစီစဉ်များကို စတင်ကြေညာနေစဉ်

Burma Campaign မှ လက်ကမ်းစာစောင်နှင့် ရန်ပုံငွေအဖြစ် ရောင်းချနေသည့် ပစ္စည်းများကိုအဖွဲ့ရဲ့ Coordinator က ကြော်ငြာနေစဉ်

ဆစ်ဒနီမြန်မာလူမျိုးစု မြန်မာ့အသံမှ ဦးပန်တျာက သူတင်ဆက်မည့် အစီစဉ်များကို ပြောကြားနေစဉ်

အဆိုတော် ကိုအံ့ကြီးရဲ့ တူတော်သူတဦးမှ တေးဂီတဖြင့် ဖျော်ဖြေနေစဉ်

အဆိုတော် ကိုအံ့ကြီးရဲ့ တူတော်သူနှစ်ဦးမှ တေးဂီတဖြင့် ဖျော်ဖြေနေစဉ်

ဒေါ်အောင်ဆန်းစုကြည်နဲ့ပတ်သက်သည့် အားကျအတုယူစရာများကို အမျိုးသမီးတဦးမှ ပြောကြားနေစဉ်

Burma Campaign Australia မှာ ဥက္ကဌ ဒေါက်တာကျော်မြင့်နှင့် ပြောရေးဆိုခွင့်ရှိသူ ဒေါက်တာမြင့်ချို

အခမ်းအနားတက်ရောက်သူများ

အခမ်းအနားတက်ရောက်သူထဲမှာ အဘဦးရဲခေါင်ကိုလည်း ပါပါတယ်

မွေးနေ့ဆုတောင်းစဉ်နှင့် ကိတ်မုန့်ခွဲစဉ်
ကိတ်မုန့်မကြိုက်တဲ့အပြင် ညဘက်မုန့်အချိုမစားတတ်ပေမဲ့ ဒီတခါတော့ ဒေါ်အောင်ဆန်းစုကြည် မွေးနေ့အမှတ်တရအဖြစ် စားလိုက်ပါတယ်

Ruffle ticket ပေါက်မဲ မဲနှုက်ရန် ပြင်ဆင်နေစဉ်

ပေါက်မဲ ကြေညာနေစဉ်

Free Burma သီချင်းဗွီဒီယို

Free Burma သီချင်း ဗွီဒီယို

ရွှေဘိုသနပ်ခါး သီချင်းဗွီဒီယို

ရွှေဘိုသနပ်ခါး သီချင်းဗွီဒီယို

Posted in: ဂုဏ်ပြုအမှတ်တရ,ဓါတ်ပုံ,သတင်း,သားသား,ဒေါ်အောင်ဆန်းစုကြည်