လူ့အခွင့်အရေးနေ့ ညစာစား အခမ်းအနားမှ ရသော ရသ

မနေ့ညက Lidcome ရှိ Ukrainian Hall မှာ MDG FOCUS က ကျင်းပပြုလုပ်တဲ့ ၆၃ ကြိမ်မြောက် အပြည်ပြည်ဆိုင်ရာ လူ့အခွင့်အရေးနေ့ အထိမ်းအမှတ် ညစာစားပွဲကို သားအမိနှစ်ယောက် ရောက်သွားခဲ့ပါတယ်။ ဒီအခမ်းအနားက လူ့အခွင့်အရေးနေ့ အထိမ်းအမှတ် အခမ်းနား ဖြစ်သလို မြန်မာပြည်တွင်းက နိုင်ငံရေးအကျဉ်းသားတွေအတွက် Fund raising အခမ်းအနား တခုလည်း ဖြစ်တယ်။ ပွဲက ၇ နာရီစမှာ ဖြစ်ပြီး ကျွန်မတို့က ခုနှစ်နာရီထိုးဖို့ ၁၀ မိနှစ်ခန့်အလိုမှာ Lidcome ကို ရောက်ပါတယ်။ ပုံမှန်ဆိုရင်တော့ အချိန်က ကွက်တိပါပဲ။ ဒါပေမဲ့ မြန်မာစံတော်ချိန်က ထုံးစံအတိုင်း ကြော်ငြာထားတဲ့အချိန်ထက် အနည်းဆုံးတော့ နာရီဝက်ကြာပြီးမှ စဖြစ်တတ်တာကို အမြဲပဲ အတွေ့အကြုံ ရှိထားတော့ အခမ်းအနားကျင်းပတဲ့နေရာမှာ တန်းမရပ်ဘဲ မလှမ်းမကမ်းမှာ ရှိတဲ့ မြန်စာအစားအစာ ရောင်းတဲ့ဆိုင်မှာပဲ လိုက်ပို့ပေးတဲ့ အမျိုးသားကို ကားရပ်ပေးခိုင်းပြီး မြန်မာဆိုင်မှာ ဘာပစ္စည်းတွေရှိလဲဆိုတာ ၀င်ကြည့်ပြီးမှ အခမ်းအနား ရှိရာကို လမ်းလျှောက်ပြီး သွားဖြစ်ပါတယ်။

့ ၇ နာရီတိတိမှာ ကျွန်မတို့ သားအမိရောက်သွားတယ် လက်မှတ်ကြိုဝယ်ထားတာ မဟုတ်တော့ အ၀င်ဝရောက်မှ လက်မှတ်တစောင်ကို ၂၅ ဒေါ်လာဖိုး တယောက်တစောင်စီ ၀ယ်လိုက်တယ်။ အထဲရောက်တော့ လူတွေ ဟိုတစု ဒီတစု ထိုင်တဲ့အုပ်စု မတ်တပ်ရပ်ပြီး စကားပြောနေတဲ့ အုပ်စုတွေနဲ့ အခမ်းအနား ဖြစ်မြောက်ရေး အဖွဲ့တွေပါ အားလုံးမှ လေးငါးဆယ်ခန့်ပဲ ရှိမယ်လို့ ခန့်မှန်းရတယ်။ အခမ်းအနားမှူးအပါအ၀င် အခမ်းအနား ဖြစ်မြောက်ရေးက လူတွေအားလုံးကလည်း ကိုယ့်လူတွေပဲ ဖြစ်နေတာ တွေ့ရတယ်။ ကျွန်မလည်း သိတဲ့သူတွေကို နှုတ်ဆက်စကား ပြောဆိုပြီးတာနဲ့ အရှေ့ဆုံး ညာဘက်ထောင့်က အသိတွေ ရှိနေတဲ့ခုံမှာ ၀င်ထိုင်လိုက်တယ်။ သားသားက ခါတိုင်းဆိုရင်တော့ အခမ်းအနားတခုကို ရောက်တိုင်း ရောက်တဲ့အချိန်ကစပြီး ရွယ်တူတွေနဲ့ သွားကစားလို့ ပျောက်သွားလိုက်တာ ပြန်ခါနီးမှပဲ မနည်း လိုက်ရှာပြီး ခေါ်ပြန်ရတာ များပေမဲ့ ဒီတခါတော့ သူနဲ့ရွယ်တူလည်း တယောက်မှ မတွေ့တော့ အမေနားမှာ ကပ်ပြီး အမေထိုင်တဲ့နေရာမှာ လိုက်ထိုင် အမေခုံပြောင်းထိုင်ရင် လိုက်ပြောင်းထိုင်နဲ့ အမေနားကကို မခွါဘူး။ ကစားဖေါ်မရှိ၊ စကားပြောဖေါ်မရှိတော့ အခမ်းအနားမှာ ပြောတာတွေကို စိတ်ဝင်တစား ရှိတာတွေ့ရလို့ နောက်ထပ်လည်း လူကြီးတွေပဲ လုပ်တဲ့အခမ်းအနားတွေကို များများခေါ်သွားပေးရမယ်လို့ အကြံရသွားတယ်။

၇ နာရီခွဲခါနီးမှာ ဒေါက်တာမြင့်ချိုက အခမ်းအနား မကြာခင်စတင်တော့မှာ ဖြစ်တဲ့အတွက် နေရာယူပေးဖို့ ကြေညာပြီးနောက် အခမ်းအနားမှူးအဖြစ် ဆောင်ရွက်သူ မျိုးဆက်သစ်သမီးငယ် တယောက်ဖြစ်တဲ့ မသဉ္ဇာအောင်က အခမ်းအနားကို ခုနှစ်နာရီခွဲမှာ စတင်ခဲ့ပါတယ်။ တခြားအစီစဉ်တွေကို မစခင် အခမ်းအနားကို ကျင်းပတဲ့ MDG FOCUS ရဲ့ ဒါရိုက်တ ကိုနိုင်အောင်က သူတို့အဖွဲ့အစည်းအကြောင်း မိတ်ဆက်နဲ့ ဒီအခမ်းအနားရဲ့ ရည်ရွယ်ချက်တွေကို အမှာစကား ပြောကြားခဲ့ပါတယ်။ နောက်တော့ ဘုန်းကြီးတပါးနဲ့ NLD က ဦးဝင်းတင်ရဲ့ ဗွီဒီယို အမှာစကားနှစ်ကို စတင်ဖွင့်ပြပြီး ကျန်တဲ့ အစီစဉ်တွေကို ဆက်လက် တင်ဆက်သွားပါတယ်။ ဒီအခမ်းအနားမှာ ညစာကို အခမ်းအနားရဲ့ ပထမပိုင်းအစီစဉ်အပြီး ၈ နာရီခွဲမှာ ဒန်ပေါက်ထမင်းနဲ့ ဧည့်ဧံကျွေးမွေးပြီး ဖျော်ဖြေရေးနဲ့ ဟောပြောတဲ့ အစီစဉ်တွေကို ညနေစာ မစားမီနှင့် စားပြီးအချိန်တွေမှာ ခွဲဝေပြီး စီစဉ်တင်ဆက်သွားပါတယ်။ ညနေစာစားပြီးမှာ ကျန်နေသေးတဲ့ အစီစဉ်တွေကို ည ၁၀ နာရီခွဲအထိ ဆက်လက်တင်ဆက်သွားပါတယ်။

ဒီအခမ်းအနားမှာ စကားပြောသူ နိုင်ငံခြားသား နှစ်ဦးနှင့် မြန်မာနှစ်ဦး အားလုံးလေးဦးပါဝင်ပြီး မြန်မာနှစ်ယောက်ကတော့ Burma Medical Association - Australia မှ ဒေါက်တာကျော်မြင့်နှင့် Burma office မှာ ဒါရိုက်တာ ဒေါက်တာမြင့်ချိုတို့ ဖြစ်တယ်။ နိုင်ငံခြားသား နှစ်ဦးကတော့ Australia Green ပါတီက နယူးဆောက်ဝေး အမတ်တဦးဖြစ်သူ John Kaye နဲ့ သြစကြေးလျား လေဘာပါတီက ဖယ်ဒရယ်အမတ် Laurie Ferguson တို့ ဖြစ်ပါတယ်။ ဒေါက်တာမြင့်ချိုက မြန်မာလိုပြောပြီး ကျန်တဲ့သုံးယောက်က အင်္ဂလိပ်လိုနဲ့ ပြောသွားကြပါတယ်။ မြန်မာနိုင်ငံရဲ့ လက်ရှိ နိုင်ငံရေး၊ လူ့အခွင့်အရေး၊ ကျန်းမာရေး ပညာရေး အခြေအနေနဲ့ အပြည်ပြည်ဆိုင်ရာ လူ့အခွင့်အရေး ကြေညာစာတမ်းနဲ့ ပတ်သက်တဲ့ သမိုင်းကြောင်းကို အသီးသီး ပြောသွားကြပါတယ်။

ဖျော်ဖြေရေးအစီစဉ်တွေမှာတော့ သီချင်းနဲ့ ကရင်ဒုံးယိမ်းအကတွေကို တင်ဆက်သွားပါတယ်။ ဒေါက်တာမြင့်ချိုက သူပြောတဲ့ Speech ကို အင်္ဂလိပ်လိုနဲ့ ပြင်ထားပေမဲ့ အခမ်းအနားတက်လာသူတွေ အများစုက ဗမာဖြစ်တော့ ဗမာလိုပြောတာက ပိုအကျိုးရှိမယ်လို့ စိတ်ကူးရပြီး အင်္ဂလိပ်လိုပဲ နားလည်တဲ့သူတွေကို စာရွက်ဝေပြီး စကားကိုတော့ ဗမာလိုနဲ့ပဲ ပြောဖို့ ဆုံးဖြတ်လိုက်တယ်လို့ ပြောပါတယ်။ အခမ်းအနားစပြီးမှ လူတွေက တဖွဲဖွဲနဲ့ ရောက်လာကြတာ ပထမပိုင်း မပြီးခင် အနောက်ကို ပြန်လှည့်ကြည့်လိုက်တော့ လူနှစ်ရာခန့် ရှိမယ်ထင်ရတယ်။ တချို့က လက်မှတ်ဝယ်ထားပြီး မလာကြတဲ့သူတွေလည်း ရှိတယ်လို့သိရတယ်။

အခမ်းအနားပထမပိုင်းက တော်တော်နဲ့မပြီးတော့ သားအပါအ၀င် အားလုံးက ဗိုက်ဆာနေကြတာကို ကျွန်မ သတိထားမိပါတယ်။ ဒန်ပေါက်လုံးဝ မကြိုက်တဲ့ သားကတောင် မေမေ ညနေစာက ဘယ်တော့ ကျွေးမလဲ ဗိုက်ဆာနေပြီ ဒန်ပေါက်စားချင်တယ်လို့ ပြောလာတော့ သူများမကျွးဘဲနဲ့ စားလို့မရဘူး ကျွေးတဲ့အချိန်ထိစောင့်လို့ပြောထားရတယ်။ ညနေစာ မကျွေးခင် ဗိုက်ဆာလို့ ရေသောက်ဖို့ကလည်း စားပွဲခုံပေါ်မှာ ရေကရားနဲ့ ရေခွက် ချထားပေးတာလည်း မရှိတော့ ညနေစာမစားဘူးလို့ ဆုံးဖြတ်ထားတဲ့ ကျွန်မတောင် အူခြောက်ပြီး ဗိုက်ဆာလာတယ်။ အစီစဉ်စာရွက်ထဲမှာ ညနေစာစားပြီး ဒုတိယပိုင်းမှ တင်ဆက်မည့် ကရင်ဒုံးယိမ်း အကပြီးမှ ညနေစာ သုံးဆောင်လို့ ရပြီဖြစ်ကြောင်း ကြေညာတော့ အပြင်မှာ ကတန်းကမန်း သွားတန်းစီတာ တော်သေးတယ် ကြာကြာမစီလိုက်ရဘူး။ အသားမစားလို့ ကြက်သားကလွဲပြီး ကျန်တာတွေပဲ ပေးပါလို့ ခူးခပ်ထည့်ပေးနေသမားဆီက တောင်းပြီး ညနေစာကို ဘယ်တုန်းကမှ ဒီလိုနေက်ကျပြီး မစားတတ်တဲ့ ကျွန်မ အဲဒီညကတော့ စားဖြစ်သွားပါတယ်။ စားရတာ ဗိုက်ဆာနေလို့လားတော့ မသိဘူး မဆိုးပါဘူး ထမင်းရော အသုပ်ရော၊ ဘာလချောင်ကြော်ပါ တော်တော်လေး ကောင်းပါတယ်။ ချည်ဘောင်ရွက်ဟင်းချိုလည်း သောက်ရတာ မဆိုးပါဘူး ဒါပေမဲ့ ကျွန်မပါးစပ်က ပုဇွန်ခြောက်နဲ့ ငပိနည်းနည်းလိုနေတယ်။ ချည်ဘောင်ရွက် ဟင်းချိုက ပုဇွန်ခြောက်နဲ့ မျှင်ငပိနည်းနည်းပါမှ သောက်လို့ကောင်းပါတယ်။ ညနေစာ စားနေချိန်မှာတော့ ကိုမင်းကိုနိုင် ၂၀၀၇ ခုနှစ်က ရှစ်လေးလုံးအခမ်းအနားတွေမှာ ပြောတဲ့ Speech တွေကို ဖွင့်ပြထားပါတယ်။

ညနေစာစားပြီး ဒုတိယပိုင်း အစီစဉ်ကို ပြန်ဆက်နေတဲ့အချိန်မှာတော့ ဖယ်ဒရယ်အမတ် Laurie Ferguson နဲ့ ဒေါက်တာမြင့်ချိုတို့ နှစ်ဦးစကားပြောပြီး ကရင်အနုပညာအဖွဲ့က စောတကောဝါးနဲ့ မန်းကျော်ဆန်းတို့နှစ်ယောက်က မြန်မာသံစဉ်သီချင်းတွေဖြစ်တဲ့ လက်ရေတပြင်တည်းနဲ့ ရွှေမင်းဂံကို တီးခတ်သီဆိုပြီး ဖျော်ဖြေပေးပါတယ်။ စောတကောဝါးက လက်ရေတပြင်တည်းကို စောင်းနဲ့တီးပြီး ရွှေမင်းဂံကို မယ်ဒလင်နဲ့ တီးကာ မန်းကျော်ဆန်းက သီချင်းနှစ်ပုတ်စလုံးကို ဆိုပါတယ်။ မြန်မာသံစဉ်သီချင်းတွေ သက်သက်ဆိုတော့ ကျွန်မအတွက်တော့ ဒီသီချင်းတွေက အကြိုက်ဆုံး သီချင်းတွေပါပဲ တီးနေဆိုနေတဲ့သူတွေကလည်း ကိုယ့်လူတွေပဲဆိုတော့ ဘာမှကို ပြောစရာမရှိပါဘူး။ ဒါပေမဲ့ ရွှေမင်းဂံကို ဆိုနေတဲ့အချိန်မှာ ကျွန်မနောက်ပြန်လှည့်ကြည့်လိုက်တော့ သားအပါအ၀င် တော်တော်များများက အိပ်ငိုက်နေကြတာကို တွေ့ပြီး ဘေးစားပွဲက Green Party အမတ် John Kaye ဆိုရင် အိပ်တောင်ပျော်နေတာ တွေ့ရတယ်။ အမှန်က ရွှေမင်းဂံပြီးရင် အစီစဉ်က ပြီးပြီဖြစ်ပေမဲ့ ဖျော်ဖြေနေသူ နှစ်ယောက်က အိပ်ငိုက်နေသူတွေကို နိုးထစေချင်တဲ့စေတနာနဲ့ နဂါးနီသီချင်းကို ထပ်ဆောင်းပြီး တီးပြဆိုပြခဲ့တယ်။ အဲဒီတော့မှ ရွှေမင်းဂံကြောင့် အိပ်ငိုက်နေသူတွေကို နိုးထလာစေပြီး အောက်ကလူတွေ အားလုံးနီးပါးကပါ လက်ခုပ်တီးပြီး လိုက်ဆိုကြကာ အခမ်းအနားကို ပိုပြီးမြူးကြွလာစေခဲ့တယ်။ ပြီးမှာတော့ အခမ်းအနားမှူး မသဉ္ဇာအောင်က ကျေးဇူးတင်စကားနဲ့ အခမ်းအနား ပြီးဆုံးကြောင်း ကြေညာပြီး အဆုံးသတ်သွားခဲ့ပါတယ်။

အခမ်းအနားမှာ ဘယ်သူဘာတွေ ပြောသွားသလဲဆိုတာ သားကို ပြန်မေးကြည့်တော့ သားကတော်တော်လေး ပြန်ပြောပြတတ်တဲ့အတွက် ခေါ်သွားရကျိုးနပ်သွားတယ်။ ကျွန်မတို့ လူကြီးတွေ ဘာရည်ရွယ်ချက်နဲ့ ဒါတွေကိုလုပ်နေတယ်ဆိုတာ ကျွန်မတို့ရဲ့ မျိုးဆက်သစ်ကလေးတွေ သိပြီး ပါဝင်ဖို့လိုအပ်တယ် မဟုတ်လား။ ဒီအခမ်းအနားမှာ ပြောသွားတဲ့သူတွေ အားလုံးက နိုင်ငံရေးအကျဉ်းသားတွေ ရှိနေသေးတာ၊ စစ်ပွဲတွေဖြစ်နေသေးတာကို ထောက်ပြပြီး မြန်မာပြည်မှာ လူ့အခွင့်အရေး မရှိဘူးဆိုတာကိုပဲ ပြောသွားကြပါတယ်။ အပြည်ပြည်ဆိုင်ရာ လူ့အခွင့်အရေးနေ့ဆိုတာ ဖြစ်လာအောင် စတင်မဲပေးဆုံးဖြတ်တဲ့ နိုင်ငံထဲမှာ မြန်မာနိုင်ငံပါဝင်ခဲ့လို့ မြန်မာနိုင်ငံဟာ ဒီနေ့ကို မွေးဖွားပေးတဲ့ နိုင်ငံတခုဖြစ်တယ်။ အခုဆိုရင် အပြည်ပြည်ဆိုင်ရာ လူ့အခွင့်အရေးနေ့ဆိုတာလည်း ပေါ်တာ ၆၃ နှစ်မြောက်တောင် ရှိနေပါပြီ။ အဲဒီတုန်းက ကုလသမဂ္ဂဆိုတာ ဘာမှန်းမသိ၊ လူအခွင့်အရေးဆိုတာ ဘာမှန်းမသိတဲ့ နိုင်ငံတွေတောင် အခုချိန်မှာ လူ့အခွင့်အရေးတွေ ရရှိနေပြီး တိုးတက်တဲ့နိုင်ငံတွေ ဖြစ်နေကြပြီ။ ဒါပေမဲ့ ဒီလူ့အခွင့်အရေးနေ့ကို မွေးဖွားပေးလိုက်တဲ့ မြန်မာပြည်မှာ ဘယ်တော့များမှ လူ့အခွင့်အရေး ရရှိမလဲဆိုတာနဲ့ ဒီအခမ်းအနားမှာ သီဆိုသွားတဲ့ နောက်ဆုံးသီချင်းဖြစ်တဲ့ နဂါးနီသီချင်းကြီးကလည်း ပေါ်နေတာ ကြာပြီ ဒါမေပဲ့ အဲဒီသီချင်းထဲကအတိုင်း ဘယ်တော့များမှ လူမွဲတွေက သူဌေးဖြစ်လာမလဲဆိုတာကိုတော့ ဒီအခမ်းအနားက ပြန်လာပြီး အခုထိ ကျွန်မ တွေးနေဆဲပဲ။ လူ့အခွင့်အရေးနေ့ကို မွေးဖွားပေးရာမှာ ပါဝင်ခဲ့ပေမဲ့လည်း အချိန်ကြာမြင့်စွာ လူ့အခွင့်အရေး ဆုံးရှုံးနေတဲ့ မြန်မာနိုင်ငံမှာ အမြန်ဆုံး လူ့အခွင့်အရေး ပြန်လည်ထွန်းကားနိုင်ပါစေလို့ ဆုတောင်းရင်း...

ရွှင်လန်းချမ်းမြေ့ကြပါစေ။



(အခမ်းအနားမှာ တင်ဆက်သွားတာတွေကို အစီစဉ်အတိုင်း အောက်မှာ ဓါတ်ပုံတွေနဲ့ ဖေါ်ပြထားတာကို ဆက်လက်ကြည့်ရှုနိုင်ပါတယ်။)

အခမ်းအနားမှူး မသဉ္ဇာအောင်က အခမ်းအနားအစီစဉ်ကို စတင်ကြေညာစဉ်

Welcoming Remarks by U Naing Aung, Dircctor of MDG Focus

Speech by Hon. John Kaye MLC, NSW, Australian Green

Peace Song by U Patrick Chaundary

Health situation in Burma by Dr. Kyaw Myint Malia, Burmese Medical Association - Australia

Karen Traditional Dance by Australian Karen Cultural Organisation

Speech bY Hon. Laurie Ferguson MP, Australian Labor Party

Human Rights in Burma by Dr. Myint Cho, Director of Burma Office (Australia)

Entertainment by Saw Takaw Wah and Mahn Kyaw Sun (with Burmese traditional songs)

Cloghing of the event by (MC: Thinzar Aung)

Posted in: မှတ်တမ်း,သတင်း,သမိုင်းဝင်နေ့များ