ကံကောင်းသော ခရစ်စမတ်နေ့

ဘုရားပန်းကို အလျှင်စလို ထိုးပြီးတာနဲ့ ဘုရားရှိခိုးပြီး ထိုင်ကပ်ဖို့တောင် အချိန်မရဘဲ အလုပ်နောက်ကျမှာ စိုးလို့ ရထားမီအောင် အိမ်ကနေ ငါးမိနှစ်ခန့် လမ်းလျှောက်ရတဲ့ ဘူတာရုံကို အပြေးအလွှား လျှောက်လာတဲ့အခါမှာ ကျွန်မတို့နေတဲ့ ရပ်ကွက်ရဲ့ လူသွားလူလာနဲ့ ကားသွားကားလာ ပြတ်နေပုံက မသိတဲ့သူဆိုရင် လူနေတဲ့ရပ်ကွက် ဟုတ်ပါ့မလားလို့တောင် ထင်မိမှာ သေချာတယ်။ ခါတိုင်းဆို ရထားသံကို အဝေးကတောင် ကြားနေရပါတယ်။ အခုတော့ လမ်းထိပ်ရောက်လို့ ဘူတာရုံကို လှမ်းမြင်ရတဲ့အထိ ခါတိုင်းလို ဒီဘူတာမှာ မရပ်တဲ့ အမြန်ရထားတွေ တစီးပြီးတစီး ဖြတ်သွားနေခြင်းမျိုး မတွေ့ရ၊ ရထားစောင့်နေတဲ့ ခရီးသည်တွေကိုလည်း တယောက်မှ မတွေ့၊ ဒီနေ့ရထားလမ်း ပိတ်မယ်ဆိုတာ ကြိုတင်ကြေညာထားတာလည်း မရှိလေတော့ ရထားအလုပ်သမားတွေ သပိတ်မှောက်နေတာများလားမသိ လို့အတွေးဝင်လာကာ စိုးရိမ်သွားတယ်။ ယောက်ျားအလုပ်ကအပြန်ကို စောင့်ပြီး ကားနဲ့လိုက်ပို့ခိုင်းဖို့ စဉ်းစားကြည့်တော့ အိမ်ကို သူပြန်ရောက်မည့်အချိန်က ကျွန်မ ဆေးရုံကိုရောက်ပြီး အလုပ်ဝင်နေရမည့်အချိန် ဖြစ်နေလို့ လမ်းမှာကြာမည့်အချိန်နဲ့ဆို ဘယ်လိုမှ မဖြစ်နိုင်ဘူးဆိုပြီး စိုးရိမ်စိတ်နဲ့ ရင်ကို တထိန့်တလန့်ကို ဖြစ်သွားတယ်။

ရထားလမ်းပိတ်တာ၊ ရထားအလုပ်သမားတွေ သပိတ်မှောက်တာ မဖြစ်ပါစေနဲ့လို့ ဆုတောင်းရင်း လျှောက်လာတာ ဘူတာရုံအဆောက်ဦးပေါ် တက်တဲ့ လှေခါးကို ခြေချမိတဲ့အချိန်ထိ ရထားတစီးမှ ဖြတ်သွားတာ မတွေ့သေးတော့ စိုးရိမ်မှုရေချိန်က ပိုပြီးမြင့်တက်လာတယ်။ အဆောက်ဦးပေါ်ရှိ ရထားလက်မှတ်ဝယ်ရာ ကောင်တာရှေ့ကျွန်မ ရောက်တော့ အမြန်ရထားတစီး တဂျုံးဂျုံးနဲ့ ဖြတ်သွားမှပဲ ဆုတောင်းပြည့်ပြီး စိတ်အေးသွားလို့ သက်ပြင်းချလို့ရသွားတယ်။ ဒါပေမဲ့ ကျွန်မစီးမည့်ရထား ရပ်တော့လည်း ရထားတွဲအကုန်လုံးမှာမှ တယောက်စ နှစ်ယောက်စပဲတွေ့ရပြီး ကျွန်မရှေ့က ကျတဲ့ ရထားတွဲထဲမှာ လူတယောက်မှ မရှိတာ တစ္ဆများခြောက်နေလားလို့ ထင်မှတ်ရလောက်အောင်ကို ခရီးသွားမရှိတာကို တွေ့ရတော့ ဒီဘူတာရုံမှာတင် လူမရှိတာ တခြားဘူတာတွေမှာလည်း ဒီလိုပဲဖြစ်မယ်ဆိုတာ သဘောပေါက်လိုက်တယ်။ ရထားတတွဲလုံးမှာ ကျွန်မတယောက်ကလွဲရင် တခြားဘယ်သူမှ မရှိတာကတော့ အောက်ကပုံမှာ မြင်တဲ့အတိုင်းပါပဲ။ အမှန်က ကျွန်မစိုးရိမ်ခဲ့သလို မဟုတ်ဘဲ ရထားမလာတာ အဝေးပြေးရထားတွေ ခရစ်စမတ်ကာလမှာ အလုပ်မလုပ်လို့၊ ဘူတာရုံမှာ လူမရှိတာက မနက်အစောကြီးလည်းဖြစ် ခရစ်စမတ်နေ့မို့ ခရီးသွားလာနည်းနေလို့သာ ဖြစ်တယ်။


ဆေးရုံရောက်ပြီး Nursing Admins အခန်းရှေ့ကို ရောက်တဲ့အချိန်ကစပြီး ပြန်လာတဲ့အချိန်ထိ အလုပ်ထဲမှာ တွေ့တွေ့သမျှ လူနာတွေ Staff တွေကို Merry Christmas လို့ ကျွန်မ နှုတ်ဆက်လိုက်တဲ့ နှုတ်ဆက်စကားက အကြိမ်ပေါင်း မရေတွက်နိုင်လောက်အောင်ကို များပါတယ်။ Ward ထဲဝင်လိုက်တာနဲ့ ယူနီဖေါင်းဝတ်တဲ့သူကို တယောက်နှစ်ယောက်ပဲ တွေ့ရပြီး ခရစ်စမတ်အင်္ကျီ၊ ခရစ်စမတ်အမှတ်အသားပါတဲ့ နားဆွဲ၊ ရင်ထိုး၊ မီးကြိုး၊ ဦးထုတ်စတဲ့ တခုခု ၀တ်ဆင်လျက်အသီးသီးတွေ့ရမှ ကျွန်မတယောက်ပဲ ခရစ်စမတ် အထိမ်းအမှတ် ဘာမှမ၀တ်လာပါလားဆိုတာ သတိထားမိသွားတယ်။ ဒါနဲ့သူတို့အထဲက တယောက်စီက ကျွန်မကို ဒါတပ်ထားဆိုပြီး ခရစ်စမတ် မီးကြိုး၊ ခရစ်စမတ်သစ်ပင်ပုံနှစ်ခုကို ဦးချိုလိုလုပ်ထားတဲ့ ဘီးကုတ်တခုနဲ့ ရင်ထိုးတခုကို ပေးတော့ ကျွန်မလည်း ယူတပ်လိုက်မှ သူတို့နဲ့ တသားတည်း ဖြစ်သွားတယ်။ ဓါတ်ပုံရိုက်တဲ့အချိန်မှာ တွေးမိတာက အာရှကနှစ်ယောက်၊ ဥရောပကတယောက်၊ အန္ဒိယတယောက်၊ အော်စီနှစ်ယေက်ဆိုတော့ တကယ်ကို Multicultural team ပါလားဆိုတာကို သတိထားမိတယ်။


မနေ့က တော်တော်လေး အခြေအနေဆိုးနေတဲ့ လူနာတွေ ရှိတော့ ဒီနေ့ရေးရမည့်ပို့စ်ဟာ Merry Christmas အစား Sad Christmas လို့ အမည်ပေးရမည့် ခရစ်စမတ်ဖြစ်နေမလားလို့တောင် စိုရိမ်နေမိတဲ့ ကျွန်မရဲ့ အထင်တွေက တခြားစီဖြစ်နေပြီး ထူးထူးခြားခြား ဒီနှစ်ခရစ်စမတ်ရဲ့ ကံကောင်းပုံကို တကယ်ပဲ အမှတ်တရ လုပ်ထားချင်လို့ ဒီပို့စ်ကို တင်တယ်ဆိုရင်မမှားပါဘူး။ တကယ်လို့ ကျွန်မသာ ခရစ်ယာန်တယောက် ဖြစ်ခဲ့ရင် ဒီနှစစ်ခရစ်မတ်နေ့ရဲ့ ကံကောင်းပုံက ခရစ်တော် (သို့) ဘုရားသခင် တကယ်ကို ကောင်းချီးပေးတယ်လို့ ထင်မိမှာ သေချာပါတယ်။

ကျွန်မ လတ်တလော တာဝန်ကျနေတာက ကုလို့မရတော့တဲ့ သူတွေအတွက် ဘ၀ရဲ့နောက်ဆုံးအချိန်တွေမှာ အကောင်းဆုံး သက်တောင့်သက်သာ အဖြစ်ဆုံး ဘ၀ကိုဖြတ်သန်းသွားလို့ရအောင် နှစ်သိပ်ကုသပေးတဲ့ Ward, Palliative Care Unit ဖြစ်တော့ လူနာတွေက တပတ်မှာ အနည်းဆုံး တဦးခန့်တော့ သေဆုံးနေပြီး ရေခဲတိုက်ကို အမြဲတမ်းပို့ရတာရှိပါတယ်။ မနေ့က အသက်ဖုတ်လိုက်ဖုတ်လိုက်နဲ့ အသက်ငင်နေတဲ့ လူနာတွေက ဒီနေ့မှာ အနည်းဆုံး နှစ်ဦးခန့်တော့ သွားနိုင်ပြီး Merry Christmas လို့ ပြောလို့ ရလောက်တဲ့အခြေအနေ ရှိမယ်လို့တောင် မထင်ထားဘူး။ ဒါပေမဲ့လည်း လူနာတွေဟာ ဒီနေ့မှာ တကယ်ပဲ လန်းလန်းဆန်းဆန်းနဲ့ ပြန်ရှိလာနေတာ တွေ့ပြီး နှစ်ရက်လုံးလုံး သတ်ိလစ်နေတဲ့ လူနာတယောက်တောင် သတိပြန်ရလာလို့ ပန်းသီးရေတောင် နည်းနည်းပြန်သောက်နိုင်ခဲ့တယ်။

ကျန်တဲ့လူနာတွေ အားလုံးကလည်း တော်တော်လေးကို ငြိမ်းငြိမ်းချမ်းချမ်း ရှိကြတယ်။ ခါတိုင်း မလိုအပ်ဘဲနဲ့ ဘဲလ်ခဏခဏနှိပ်ပြီး နာ့စ်တွေကို အလုပ်ရှုပ်စေတဲ့ လူနာတွေလည်း ဒီနေ့မှာ ငြိမ်လို့ ဘာမှကိုပြောစရာ မရှိဘူး။ ၊ ရန်လိုပြီး ပစိပစပ်များနေတဲ့ လူနာတွေ အားလုံးကလည်း စိတ်ကောင်းဝင်နေတယ်၊ လူနာမိသားစုတွေထဲကလည်း ပြဿနာလာရှာတဲ့သူတွေ မရှိသလို မေးခွန်းပေါင်း အခါတရာမက လူကိုယ်တိုင် (သို့) ဖုန်းတဂွမ်ဂွမ် မေးနေလို့ ဖြေရတာတွေလည်း သိပ်မရှိဘူး၊ Ward ထဲက Staff တွေအားလုံးကလည်း တက်ညီလက်ညီနဲ့ ဆောင်ရွက်ခဲ့တာ အားလုံးကို လွယ်ကူအဆင်ပြေချောမွေ့စွာနဲ့ပဲ စောစောစီးစီး ပြီးသွားတာ မနေ့ကနဲ့ တခြားစီပဲ။ နောက်တော့ ခရစ်စမတ် နေ့လည်စာအဖြစ် Kitchen staff တွေက တခြား staff တွေ အားလုံးအတွက် Free lunch ပေးတယ်။ ညနေဘက်တာဝန်ကျတဲ့ နာ့စ်တွေကို Handover Report ကို မြန်မြန်ပေးပြီးတာနဲ့ ချက်ချင်းမနက်ပိုင်း Staff တွေကို ပေးပြန်တော့ အိမ်ကို အလုပ်ချိန်မပြီးခင် ၄၅ မိနှစ်မှာ ပြန်ခွင့်ရကြတယ်။ အိမ်အပြန်လမ်းမှာတော့ ကျွန်မဟာ အလုပ်ကပြန်လာသလို မဟုတ်ဘဲ ပါတီပွဲတခုက ပြန်လာသလိုပဲ ခံစားရတယ်။ ဘူတာရုံနဲ့ ဆေးရုံအကြား လျှောက်လာရင် Auburn Central ကုန်တိုက်ရဲ့ အတွင်းဘက် ရင်ပြင်ပေါ်မှာ ခရစ်မတ်သစ်ပင်ရှိတော့ အမှတ်တရ ဓါတ်ပုံရိုက်လာလိုက်တယ်။


အိမ်ပြန်ရောက်တော့ မနေ့က၀ယ်ပြီး ဒီမနက် အလုပ်မသွားခင် ထိုးထားခဲ့တဲ့ အချိန်က ဖူးငုံတွေပဲ ရှိခဲ့တဲ့ ဘုရားပန်းက အနံ့သင်းသလို အပွင့်တွေအာထွက်လာပြီး ထူးထူးခြားခြား လှပနေတာကို တွေ့ရပြန်တော့ စိတ်ချမ်းသာရပြန်တယ်။ ခါတိုင်းဆို အနံ့ရော အပွင့်တွေ အရွက်တွေပါ ကောင်းတဲ့ ဒီပန်းအမျိုးအစားက ဈေးကြီးလို့ နေ့ကြီးရက်ကြီးတွေကလွဲရင် တော်တော်နဲ့ မ၀ယ်ကပ်ဖြစ်ဘူး။ အနံ့မပါဘဲ အပွင့်ပဲကောင်းပြီး အရွက်လည်း ညှိုးမြန်တဲ့ လီလီပန်း (သို့) ဂန္ဒမာပန်းပဲကိုပဲ အမြဲတမ်း ၀ယ်ထိုးတာ များပါတယ်။ ဒီပတ်မှာတော့ ဒီပန်းက ပုံမှန်ဆို အနည်းဆုံး တစည်းကို ၁၀ဒေါ်လာခန့် ပေးရပေမဲ့ မနေ့က ခရစ်စမတ်အကြိုနေ့မှာတော့ နှစ်စည်းကို ငါးကျပ်နဲ့ရလို့ အမျိုးသားက ၀ယ်လာပေးလို့ မွှေးကြိုင်လှပစွာ ဘုရားကပ်နိုင်သလို အမြင်အားဖြင့်လည်း ဘုရားစဉ်မှာ အခုလို ဝေေ၀ဆာဆာလေး တွေ့ရတော့ ဒါလည်းပဲ ဒီနှစ်ခရစ်စမတ်နေ့ရဲ့ ကံကောင်းခြင်း တခုပါပဲလားလို့ တွေးပြီး ဒီကံကောင်းမှုတွေ အားလုံးကို ဒီနှစ်ခရစ်မတ် လက်ဆောင်လို့ သဘောထားလိုက်ပါတယ်။ နှစ်သစ်မှာလည်း ဒီနေ့လိုပဲ နေ့တိုင်းကံကောင်းပါစေလို့ ဆုတောင်းနေမိတယ်။



ခရစ်စမတ်နဲ့ နှစ်သစ်ကူးကာလမှာ အားလုံး အန္တရယ်ကင်းစွာနဲ့ ပျော်ရွှင်ကြပါစေ။



Funeral Service ကို အလောင်းမှားပြီး ထုတ်ပေးမိတဲ့ ကျွန်မတင်တဲ့ ကံမကောင်းသော နေ့တနေ့အကြောင်းလည်း ဒီ Ward ထဲမှာပဲ ဖြစ်သွားပြီး ဒီအကြောင်းကို တင်ထားတာ ဒီနေရာမှာ ဖတ်နိုင်ပါတယ်။

ဆက်ဖတ်ရန်>>

အပြုသဘောဆောင်သည့် ဝေဖန်ရေးပေးစာ

Practice Development 3 (PD3) Subject
Medical and Surgical Care
Letter and Oral Presentation on
Infection Control in NSW hospitals
Date -------

To
(1) Minister of Health, NSW
(2) Chief Nursing Officers all hospitals in NSW
(3)Lecturers and tutors at the Faculty of Nursing Midwifery and Health, University of Technology Sydney, UTS

Dear Sirs and Madams
ကျွန်မသည် သုံးနှစ်တာကာလအတွင်း နယူးဆောက်ဝေးပြည်နယ်အတွင်း ဆေးရုံ (၁၀) ရုံထက်မနည်းသည့် အရေအတွက်ရှိ Surgical Wards, Operating Theatre and Recovery Room တို့တွင် Clinical Practice ကို လေ့ကျင့်သင်ကြားလာခဲ့သည့် UTS မှ Nursing ကျောင်းသားတဦး ဖြစ်ပါသည်။ ဒီစာကို ရေးရခြင်းမှာ နယူးဆောက်ဝေးပြည်နယ်ရှိ ဆေးရုံများတွင် လက်ရှိ ကျင့်သုံးနေသော ရော့ရဲလှသည့် ကူးစက်ရောဂါ ထိန်းချုပ်မှုအပေါ် အင်မတန်မှ စိုးရိမ်မကင်း ဖြစ်သည့်အတွက် ရေးရခြင်း ဖြစ်ပါသည်။ ဤစာ၏ အဓိက ရည်ရွယ်ချက်မှာ နယူးဆောက်ဝေး ဆေးရုံများတွင် ဖြစ်ပျက်နေသော ကူးစက်ရောဂါထိန်ချုပ်မှု ရော့ရဲနေသည့် အခြေအနေများကို အနာဂတ် Health Profession ကျောင်းသားများနှင့် ၀န်ထမ်းများ သိစေရန်နှင့် ဖြစ်နေသော ပြဿနာကို သက်ဆိုင်ရာက စည်းမျဉ်းစည်းကမ်းများဖြင့် ထိန်းချုပ်နိုင်စေရန် ရည်ရွယ်၍ Health Department နှင့် ဆေးရုံရှိ တာဝန်အရှိဆုံးသူနာပြုချုပ်နှင့် ကျွန်မတက်ရောက် သင်ကြားသော တက္ကသိုလ်ကျောင်းမှ ဆရာဆရာမများကို သတင်းပေးခြင်းနှင့် အကြံပြုခြင်း ဖြစ်ပါသည်။ ဤစာ၌ ကျွန်မ၏ သုံးနှစ်တာခရီး ကျောင်းသားဘ၀ Clinical အတွေ့အကြုံအရ နယူးဆောက်ဝေး သူနာပြုများက ၎င်းတို့၏အလုပ်ကို အချိန်မီပြီးမြောက်နိုင်ရန်အတွက် ကူးစက်ရောဂါထိန်းချုပ်မှုကို အလေးမထားဘဲ Clinical Competencies ကို ပုံမှန်အတိုင်း လိုက်နာမှုမရှိဘဲ ပြူမူဆောင်ရွက်နေပုံကို တိုက်ရိုက် ဖေါ်ညွန်းထားပါသည်။ အတိအကျအားဖြင့် ဤစာတွင် လက်ဆေးခြင်းနှင့်ပတ်သက်ပြီး ဆေးရုံမှ သတ်မှတ်ထားသည့် Standard Precaution ကို သူနာပြုအပါအ၀င် ကျန်းမာရေးဝန်ထမ်း အတော်များများက ကောင်းစွာမလိုက်နာခြင်းနှင့် လူနာများအား သူနာပြုများမှ ကောင်းစွာ ပညာပေးခြင်းမရှိသည့်အပေါ် ကျွန်မကိုယ်တိုင်၏ အတွေအကြုံနှင့် ဖတ်ထားသော Literature အထောက်အထားများအပေါ် မူတည်၍ အလေးပေးဖေါ်ပြအပ်ပါသည်။

အမေရိကမှ Borg et al (2009) ၏ hand hygiene သုတေသနပြု လေ့လာမှု တခုတွင် ကူးစက်ရောဂါ ထိန်းချုပ်မှုနှင့် ပတ်သက်ပြီး ကျွန်မ၏ အတွေ့အကြုံနှင့် အလားသဏ္ဍန်တူသည့် အဖြေကို တွေ့ရှိကြောင်း လေ့လာသိရှိရပါသည်။ ကျွန်မ၏ အတွေ့အကြုံအရ နယူးဆောက်ဝေးရှိ သူနာပြုများသည် လူနာကိုတိုက်ရိုက် ထိတွေ့ကိုင်တွယ်ပြီး (Body contact) အလုပ်လုပ်ရသည့် ဆေးထိုး ဆေးပေးခြင်း၊ Drip သွင်းထားပြီးနောက်ပိုင်း ဆေးထိုးအပ်ကို ပြန်ဖြုတ်ခြင်း (Removing cannula) စသည်တို့ကို လုပ်ဆောင်ရာတွင် လက်အိပ်မစွပ်ဘဲ လက်ပြောင်ကြီးနှင့် ပြုလုပ်ခြင်းကို အမြဲလိုလို တွေ့ရပါသည်။ ထို့အပြင် သူနာပြုများနှင့် ဆရာဝန်များအပါအ၀င် ကျန်းမာရေးဝန်ထမ်း အတော်များများသည် လူနာအား လက်မဆေး လက်အိပ်မစွပ်ဘဲ စမ်းသပ်ကိုင်တွယ် ကြည့်ရှုနေသည်ကို မကြာခဏ မြင်တွေ့ရပါသည်။ အလားတူပင် ကျွန်မ လေ့လာခဲ့သော သုတေသန ပြုမှုစာတမ်းတခုတွင် လူနာကို မစမ်းသပ်မီ လက်မဆေးသော ၀န်ထမ်းဦးရေက လက်ဆေးသော ဦးရေထက် သိသိသာသာ နည်းနေကြောင်းကို သုတေသီအဖွဲ့ ဖြစ်သည့် (Borg et al, 2009) က ဖေါ်ပြထားသည်ကို လေ့လာသိရှိရပါသည်။ ထို့ကြောင့် ကျွန်မတွေ့သော နယူးဆောက်ဝေးမှ ယင်းကျန်းမာရေး အလုပ်သမားများနှင့် ထိုစာတမ်းမှ သုတေသနပြုသူများတွေ့သော ကျန်းမာရေးဝန်ထမ်းများ၏ အတွေးတွင် ၎င်းတို့ကျန်းမာရေးဝန်ထမ်းများ၏ အရေပြားမှာ ဘာပိုးမွှားမှမရှိဘဲ အမြဲတမ်းသန့်စင်နေသည်ဟု ယူဆနေပုံရပြီး ကူးစက်ရောဂါများဆိုသည်မှာ လူနာများမှသာ ပြန့်ပွားနိုင်သည်ဟု ယူဆနေသည်ဟု ထင်မှတ်ရမလို ဖြစ်နေပါသည်။ အမှန်မှာ သုတေသနပြုမှု၏ အဖြေတွင် ထုတ်ဖေါ်ချက်အရ ဆေးရုံတွင် ဖြစ်ပွားသော ကူးစက်ရောဂါ (Hospital Inquired Infections) အများစုကို ၀န်ထမ်းများဆီက ရရှိသည်ဟု မှတ်တမ်းတင်ထားပါသည် (Crookes, 2009)။

ဆက်လက်၍ ဆေးရုံတွင် လူနာများနှင့် အများဆုံး ထိတွေ့ရသော သူနာပြုများ (Nursing staff) နှင့် ဆရာဝန်များ (Medical staff) သည် Standard Precaution ကို ကောင်းစွာ လိုက်နာမှု မရှိဘဲ MRSA လူနာရှိသော လူနာအခန်းတွင်းသို့ လက်အိပ်မစွပ် Apron (သို့) Gown မ၀တ်ဘဲ ၀င်ထွက်နေကြသည်ကိုလည်း အကြိမ်များစွာ ကျွန်မ တွေ့မြင်ခဲ့ရပါသည်။ သူနာပြုများသည် ဆေးပေးရာတွင်လည်းကောင်း၊ လူနာ၏ ဘဲလ်နှိပ်သည်ကို သွားဖြေရာတွင်လည်းကောင်း MRSA လူနာ အခန်းထဲဝင်ပါက Apron ၀တ်လေ့မရှိသည်ကို တွေ့ရပါသည်။ တခါက MRSA လူနာဆီ အလည်လာသည့် မိသားစုဝင် ကလေးများက လူနာကုတင်ပေါ်တွင် တက်အိပ်နေသည်ကို သူနာပြုများက တွေ့သော်လည်း တားမြစ်ခြင်း၊ ကူးစက်ရောဂါနှင့် ပတ်သက်ပြီး ပညာပေးစကား ပြောခြင်း လုံးဝ ပြုလုပ်သည်ကို မတွေ့ရသောကြောင့် ကျွန်မကို ပိုပြီးအံ့သြတုန်လှုပ်စေပါသည်။ မိသားစုဝင်များသည် ဆေးရုံရှိ လူနာဆီ အလည်လာချိန်၌ MRSA လူနာအခန်းတွင်းသို့ ၀င်ပါက Apron နှင့် လက်အိပ်ဝတ်သည်ကို အမှန်ပဲ တွေ့ခဲလှပါသည်။ ထိုအချင်းအရာကို ကြည့်ခြင်းအားဖြင့် သူနာပြုများသည် မိမိ၏ တာဝန်ဖြစ်သော လူနာမိသားစုဝင်များအား ကူးစက်ရောဂါ ထိန်းချုပ်မှုနှင့်ပတ်သက်၍ ပညာပေးသည့်နေရာတွင် လစ်လျူရှုနေသည်ကို ပြသနေပါသည်။ သူနာပြုများသည် လူနာနှင့် လူနာမိသားစုအား ကူးစက်ရောဂါနှင့်ပတ်သက်သည့် ပညာပေးမှု ပြုလုပ်ရန် အထူးပင် လိုအပ်နေပါသည်။
၂၀၀၇ ခုနှစ်တွင် Occupational Staff များက စမ်းသပ်ပြုလုပ်သည့် လက်ဆေးခြင်းနှင့် ပတ်သက်သည့် အစီစဉ်တခုတွင် တနှစ်အတွင်း ဆေးရုံဝန်ထမ်းများ လက်ဆေးမဆေးကို ကြည့်ရှု မှတ်တမ်းယူထားပြီး နောက်နှစ် ၂၀၀၈ ခုနှစ်တွင် ပြန်ကြည့်သည့်အခါတွင် ကူးစက်ရောဂါ ပြန့်နှံမှု အပေါင်းလက္ခဏာ ပြသည့် နှုန်းမှာ သိသိသာသာ လျှော့နည်းနေသည်ကို တွေ့ရပါသည် (Bounel
O’Dowd, ( 2009) က ၎င်းတို့ပြုလုပ်သော လက်ဆေးခြင်း အစီစဉ်ကြောင့် လူနာများ၏ ကူးစက်ရောဂါ အပေါင်းလက္ခာပြသည့် ရာခိုင်နှုန်းမှာ ၇၅% အထိ ကျဆင်းသွားသည်ဟု အထောက်အထားနှင့် တင်ပြပါသည်။ ထို့ကြောင့် ၎င်းအစီစဉ်သည် ကူးစက်ရောဂါ ထိန်းချုပ်မှုနှင့် ပတ်သက်ပြီး များစွာ အထောက်အကူပြုကြောင်း တွေ့ရှိရပါသည်။

လူနာနှင့် မိသားစုများသည် လူသား၏ အရေပြားတွင် ရှိနေသော အနုကြည့်မှန်ပြောင်းဖြင့် ကြည့်မှသာ မြင်နိုင်သည့် ပိုးမွှားများ (Microorganisms) နှင့်ပတ်သက်သည့် ကူးစက်မှု သဘောသဘာဝကို မည်သို့မှ နားလည်နိုင်မည် မဟုတ်ပါ။ ထို့ကြောင့် လူနာတိုင်းအတွက် ဆေးရုံတက်သည့်အချိန်တွင် လက်ဆေးခြင်းနှင့် ပတ်သက်သည့် ပညာပေးမှုကို သူနာပြု (သို့) Infection control team က ပြုလုပ်ပေးသင့်ပါသည်။ ဆရာဝန်နှင့် တခြားကျန်းမာရေး အလုပ်သမားများသည် လူနာကို စမ်းသပ်ရန်သွားစဉ် လက်ဆေးခဲသော်လည်း လူနာကိုစမ်းသပ်ပြီးတိုင်းမှာတော့ အမြဲတမ်း လက်ဆေးသည်ကို လေ့လာတွေ့ရှိရပါသည်။ ဤသည်ကို ကြည့်ခြင်းအားဖြင့် ၎င်းတို့၏ မသိစိတ်တွင် ကူးစက်ရောဂါ ကာကွယ်မှုကို လူနာအချင်းချင်းကြား ကူးစက်မှု (Cross infection) ကို ကာကွယ်ရန်ထက် မိမိတို့ကိုယ်တိုင်အတွက် ကာကွယ်ခြင်းက ပိုအရေးကြီးသည်ဟု ယူဆနေဖွယ်ရှိကြောင်း တွေ့မြင်နိုင်ပါသည်။ သို့သော်လည်း O’Dowd, ( 2009) ၏ သုတေသပြု လေ့လာချက်တွင် Cross infection ကို ကာကွယ်ရန်အတွက် ထိုနှစ်ခုစလုံးက အရေးကြီးကြောင်း ဖေါ်ပြနေပါသည်။

ကျွန်မအနေနှင့် သူနာပြုများသည် Standard precaution ကို ကောင်းစွာ လိုက်နာခြင်း မရှိသည်မှာ အချိန်ကို လုံလောက်စွာ စီမံခန့်ခွဲနိုင်ရန် (Time management) ဖြစ်သည်ဟုယူဆပါသည်။ လုပ်ငန်းခွင် တခုတွင် အချန်ကို လုံလောက်အောင် စီမံခန့်ခွဲတတ်ရန် အရေးကြီးသည်မှာ မှန်သော်လည်း ကူးစက်ရောဂါ ထိန်းချုပ်မှုအတွက် safety procedure ကို ကောင်းစွာ လိုက်နာဆောင်ရွက်ရန်မှာ ကျန်းမာရေး လုပ်ခန်းခွင်အတွက် အရေးကြီးဆုံး ဖြစ်ပါသည်ဟု Cohli E, Ptak J, Smith R, Taylor E, Talbot EA, Kirkland, KB (2009) က အခိုင်အမာဆိုပါသည်။ ထို့အတူ လက်ဆေးခြင်းအလေ့အကျင့်သည်လည်း ကူးစက်ရောဂါ ထိန်းချုပ်မှုအတွက် အရေးကြီးဆုံး အလုပ်ဖြစ်ပါသည် (Dempsey, 2009)။

ကူးစက်ရောဂါ၏ အန္တရယ်ကို ကောင်းစွာသိသော ကျန်းမာရေး အလုပ်သမားများမှ လိုက်နာသင့်သည့် ပရိုစီဂျာကို ကောင်းစွာ မလိုက်နာပါက ကူးစက်ရောဂါအကြောင်းကို ဘာမှနားမလည်သည့် လူနာနှင့် မိသားစုများသည်လည်း လိုက်နာဖို့ခဲယဉ်းလှပါသည်။ ယနေ့ခေတ် သူနာပြုများ၏ အလုပ်တာဝန်သည် သိပ္ပံနည်းကျ ရှာဖွေတွေ့ရှိချက်များအပေါ် မူတည်သည့်အထောက်အထားများ (Scientific evidences based practice) နှင့် အလုပ်လုပ်ရသောကြောင့် သူနာပြုများသည် မိမိကိုယ်တိုင်အတွက်သော်လည်းကောင်း လူနာနှင့် မိသားစုဝင်များအတွက် သော်လည်းကောင်း ပညာပေးခြင်း အစီစဉ်တခုကို မရှိမဖြစ် ဆောင်ရွက်ရန် လိုအပ်နေပါသည် (McGuiness 2005)။

အထက်ပါ ကျွန်မ၏ ကိုယ်တိုင် clinical အတွေ့အကြုံနှင့် literature reviews များအပေါ် အခြေခံ၍ ထောက်ပြသော အထောက်အထားများအရ ကူးစက်ရောဂါ ထိန်းချုပ်မှု ရော့ရဲသည့် ပြဿနာသည် နယူးဆောက်ဝေး (သို့) သြစကြေးလျား တနိုင်ငံတည်းတွင် ဖြစ်နေသော ပြဿနာမဟုတ် ကမ္ဘာာနှင့်တ၀ှမ်း ဖြစ်နေသည့် ပြဿနာဖြစ်နေသည်မှာ ထင်ရှားလှပါသည်။ သို့သော်လည်း ကျွန်မသည် နယူးဆောက်ဝေး ပြည်နယ်ရှိ ဆေးရုံများတွင်သာ မိမိကိုယ်တိုင် မျက်ဝါးထင်ထင် တွေ့မြင်ရသောကြောင့် နယူးဆောက်ဝေး ပြည်နယ်၏ ကျန်းမာရေးလုပ်ငန်းခွင်များတွင် Quality care, Productive care and safety ဖြစ်ဖို့အတွက် ကူးစက်ရောဂါ ထိန်းချုပ်နိုင်သည့် အစီစဉ်များကို အောက်ပါအတိုင်း အကြံပြု တင်ပြအပ်ပါသည်။

(၁) -Clinical competency ဟုခေါ်သော လိုက်နာရန်လိုအပ်သည့် အချက်များကို သူနာပြုများနှင့် ကျန်းမာရေးဝန်ထမ်းများအားလုံး အကုန်လိုက်နာရန်လိုအပ်သည်။
(၂) - လက်ဆေးခြင်းကို အခြေခံသည့် ကူးစက်ရောဂါ ထိန်းချုပ်ခြင်းနှင့် ပတ်သက်သော ပညာပေးအစီစဉ်များကို လူနာများနှင့် လူနာဆီလာလည်သော ဧည့်သည်များသိအောင် မဖြစ်မနေ ပြုလုပ်ပေးသင့်ပါသည်။
(၃) - MRSA နှင့် တခြားဆေးခံနိုင်ရည်ရှိသည့် ရောဂါများနှင့် ပတ်သက်သည့် ပညာပေးအစီစဉ်နှင့် Precaution တို့ကို လူနာနှင့် မိသားစုဝင်များ ပိုမိုရှင်းလင်းလွယ်ကူစွာ နားလည်အောင် ပြုလုပ်သင့်သည်။
(၄) - ဆေးရုံရှိ Ward တိုင်းတွင် Occupational Health and Safety staff များက ဦးဆောင်၍ ကျန်းမာရေး အလုပ်သမားများ၏ လက်ဆေးမှု ရှိမရှိ Observation Programme လစဉ် (သို့) တိကျသည့် အချိန် သတ်မှတ်ချက် တခုသတ်မှတ်ပြီး ပုံမှန် ပြုလုပ်သင့်ပါသည်။
(၅) - Safety procedure နှင့် ပတ်သက်၍ မိမိကိုယ်ကိုယ် ပြန်လည်ဆန်းစစ် စစ်ဆေးသည့် အစီစဉ် (Self-assessmemt programme) တခုကို ဆေးရုံဝန်ထမ်းများအတွင်းတွင် စစ်တမ်းကောက်ယူသည့် အစီစဉ်တခု ပုံမှန် ရှိသင့်ကြောင်း တင်ပြအပ်ပါသည်။

ကျေးဇူးတင်ပါသည်။
Thank you very much for listening my speech


(စာရေးမအားသေးတဲ့အချိန်မှာ လာလည်သူများ ဖတ်လို့ရအောင် ပြီးခဲ့တဲ့နှစ် နိုဝင်ဘာက ကျောင်းမှာ နောက်ဆုံး Assessment တခုဖြစ်တဲ့ ပေးစာနှင့် Oral Presentation Assignment ကို မြန်မာလိုပြန်ပြီးသား ရှိနေတာကို ပြန်ဖေါ်ပြလိုက်ပါတယ်။)

Bibliography

Australian Nursing and Midwifery Council (ANMC). (2008). National competency standards for
the registered nurse. Australia: Australian Nursing and Midwifery council.

Bonuel, N., Byers, P., Gray, B., Thelma, M. (2009). Methicillin resistant Staphylococcus aureus
(MRSA) prevention through facility-wide culture change. Critical Care Nursing
Quarterly. 32(2):144-8.

Borg, MA., Benbachir, M., Cookson, BD., Fedjeb, SB., Elnasser, Z. Rasslan, O., Gur, D.,
Daoud, Z., Bagatzouni, DP. (2009). Self-protection as a driver for hand hygiene among
healthcare workers. Infection Control & Hospital Epidemiology. 30(6):578-80

Cohli, E., Ptak, J., Smith, R., Taylor, E., Elizabeth A., Kirkland, K B. (2009). Variability in the
Hawthorne effect with regard to hand hygiene performance in high- and low-performing
inpatient care units. Infection Control & Hospital Epidemiology. 30(3):222-5.

Crookes, P. (2009). Infection control focus: Practising what we preach. Australian nursing
journal. 16(6):35.

Dempsey, K. (2009) Infection control focus: Wash your “bloody” hand. Australian nursing
journal. 16(6):34.

McGuiness, B . (2005). Infection control. In J. Crisp & C. Taylor (Eds.). Potter & Perry’s
fundamentalsof nursing (2nd ed.). Marrickville, NSW: Elsevier Australia.

O'Dowd, A. (2009). Government claims measures to cut MRSA and C difficile rates will help
reduce other infections. Current Issue. 338 (1) :2580

ဆက်ဖတ်ရန်>>

ကံမကောင်းသော နေ့တနေ့ (13/4/11)

နှစ်သစ်မှာ မင်္ဂလာအပေါင်းနဲ့ ပြည့်စုံကြပါစေလို့ ဆုမွန်ကောင်း တောင်းရင်း အားလုံးကို နှုတ်ခွန်းဆက်သပါတယ်။ ဒီပို့စ်ကို တင်ဖို့လုပ်နေတာ သင်္ကြန်ပြီးကတည်းက ဖြစ်ပေမဲ့ အချိန်မရတာနဲ့ အခုမှပဲ တင်ဖြစ်ပါတယ်။ သင်္ကြန်ကာလဆိုတာ မြန်မာပြည်မှာ နွေရာသီ ကျောင်းပိတ်ရက်ဖြစ်ပြီး၊ ရှိတဲ့အလုပ်တွေ အကုန်နားပြီး ပျော်စရာ ရေကစားကြတဲ့ အချိန်ကာလ ဖြစ်သလို နိုင်ငံတကာမှာလည်း အီစတာကျောင်းပိတ်ရာသီ ဖြစ်လို့ အလုပ်တွေ နားပြီး အားလုံးက အီစတာပွဲတွေ ကျင်းပပြီး ပျော်ပါးကြတဲ့ အခါသမယ ဖြစ်ပါတယ်။ ဆစ်ဒနီအပါအ၀င် ကမ္ဘာအရပ်ရပ်ကို ရောက်နေတဲ့ မြန်မာလူမျိုးတွေဟာ ဘယ်အရပ် ဘယ်ဒေသကိုပဲ ရောက်ရောက် မိမိတို့ ရောက်ရာအရပ်မှာ မိမိတို့ ရိုးရာသင်္ကြန်ကို ရအောင်ဖန်တီးပြီး ပျော်ကြပါတယ်။ ဘလော့ဂ်တွေ၊ Face book တွေကနေပြီး မြန်မာတွေ ရောက်တဲ့အရပ်မှာ ကျင်းပတဲ့ သင်္ကြန်အခမ်းအနားတွေကို ကြားသိရတာ အင်မတန်မှကို ကြည်နူးစရာ ကောင်းလှပါတယ်။ သို့သော်လည်း လူတကာတွေ ပျော်ရွှင်လေ့ရှိကြတဲ့ သင်္ကြန်နဲ့ အကြောင်းမျိုးမျိုးကြောင့် ကင်းကွာနေတာ အတော်ကြာနေပြီ ဖြစ်တဲ့ ကျွန်မကတော့ ဒီနှစ် သင်္ကြန်မှာလည်း ပျော်ခွင့်မရဘဲ ကျွန်မအတွက် အလုပ်များဆုံး အချိန်ဖြစ်နေသလို တသက်မှာတခါသာ မှားဖူးတဲ့အမှားတခုကို ကျူးလွန်ခဲ့မိပြီး ဘ၀မှာစိတ်ဖိစီးမှု ရေချိန်အမြင့်မားဆုံး အဆင့်ကို ရောက်ရှိခဲ့ပါတယ်။ စိတ်ဖိစီးစရာ အကြောင်းအရာတခုကို ပြန်လည် မဝေမျှလိုပေမဲ့ ကျွန်မတွေ့ကြုံခဲ့ရတဲ့ ဒီလို အတွေ့အကြုံမျိုးကို မြန်မာလူမျိုးထဲက ဘယ်သူတဦးတယောက်မှ ကြုံဖူးလိမ့်မယ် မထင်လို့ ကျွန်မကြုံတွေ့ခဲ့ရတဲ့ အတွေ့အကြုံဆိုးကို ဘလော့ဂ်မှာ မှတ်တမ်းတင်ထားရင်း စာဖတ်သူတွေကို ဖေါက်သည်ချလိုက်ပါတယ်။

အဲဒီနေ့က အလုပ်မှာ ကျွန်မက Palliative Care Unit (PCU) လို့ ခေါ်တဲ့ ကုလို့မရတော့တဲ့ သူတွေနဲ့ သေအံ့ဆဲဆဲ လူနာတွေကို နှစ်သိမ့်ကာ ပြုစုစောင့်ရှောက်တဲ့ Ward မှာ တာဝန်ကျပါတယ်။ ကျွန်မရဲ့ တနေ့တာ အတွေ့အကြုံကို မပြောခင် Palliative Care နဲ့ပတ်သက်ပြီး ကျွန်မ အနည်းငယ် ဖေါ်ပြချင်ပါတယ်။ Palliative Care ဆိုတာ ပျောက်ကင်းအောင် ကုသလို့ မဖြစ်နိုင်တော့တဲ့ ကင်ဆာလို ရောဂါတခုခုကို ခံစားနေရတဲ့ လူနာတွေအတွက် နောက်ဆုံးအဆင့်ကို ရောက်တဲ့အချိန်မှာ ရုပ်ပိုင်းဆိုင်ရာရော စိတ်ပိုင်းဆိုင်ရာမှာပါ အတတ်နိုင်ဆုံး သက်တောင့်သက်သာဖြစ်အောင် ကူညီစောင့် စောင့်ရှောက်တဲ့ ကျန်းမာရေး စောင့်ရှောက်မှုပါ။ Palliative Care ကို စောင့်ရှောက်ခံနေတဲ့ လူနာတွေမှာလည်း အခြေအနေ အမျိုးမျိုး ရှိပါတယ်။ သြစကြေးလျားမှာ Palliative Care နဲ့ပတ်သက်ပြီး Hospital Care နဲ့ Community Care ဆိုပြီး နည်းနှစ်နည်းနဲ့ ကူညီတာကို တွေ့ရပါတယ်။

Community Care မှာ မိသားစုက တာဝန်ယူ စောင့်ရှောက်လို့ ဖြစ်နိုင်တဲ့ လူနာတွေအတွက် Community Nurse တွေက ဦးဆောင်ပြီး လူနာရဲ့ မိသားစု ဆရာဝန်နဲ့ ချိတ်ဆက် မလုပ်လုပ်ကာ လူနာကို အိမ်တွေမှာ လိုက်ကြည့်ပေးပါတယ်။ လူနာရဲ့ လိုအပ်ချက်တွေအတွက် တခြား Team member တွေကို ပြန်အစီရင်ခံပြီး တခြားလိုအပ်တဲ့ အထောက်အကူပြု ပစ္စည်းတွေကို ဖြည့်ဆည်းပေးပြီး လူနာအတွက် လိုအပ်တဲ့ Services တွေကိုလည်း လိုအပ်သလို လမ်းညွန်ပေးပါတယ်။ Hospital Care မှာ ကျတော့ Team Member တွေ အားလုံးက ဆေးရုံမှာ ရှိပြီး လူနာတွေကလည်း အခြေအနေ အမျိုးမျိုး ရှိပါတယ်။ တချို့က Community Care မှာ စောင့်ရှောက်ခံနေရာကနေ Pain Management ကို ပိုမိုလိုအပ်လို့ ခဏလာကုသခံဖို့ ရောက်လာကြပြီး မိသားစုဝင်တွေက Staff တွေဆီက ဘယ်လိုစောင့်ရှောက်တယ် ဆိုတာ သင်ယူပြီး အိမ်ကို ပြန်ခေါ်သွားမည့် လူနာတွေ ရှိပါတယ်။ တချို့ကတော့ မိသားစုဝင်တွေ အားလပ်ရက် ခရီးသွားစရာရှိလို့ ဖြစ်စေ အကြောင်းတခုခုကြောင့် ဖြစ်စေ မိသားစု ဆရာဝန်ရဲ့ ထောက်ခံချက်နဲ့ Respite Care သဘောနဲ့ ဆေးရုံမှာ ခဏလာနေကြသူတွေ ဖြစ်တယ်။ အများစုကတော့ နောက်ဆုံးနေ့ကို စောင့်ဖို့ တခြားဆေးရုံတွေက လွှဲပြောင်းပေးခြင်း ခံရသူတွေ ဖြစ်တယ်။ palliative Care ကြောင့် လူနာတွေရဲ့ အကျိုးအမြတ်ကတော့ လူနာတွေဟာ ဘ၀ရဲ့ နောက်ဆုံးအချိန်တွေကို Health Care Professional အမျိုးမျိုးရဲ့ စောင့်ရှောက်မှုအောက်မှာ သက်တောင့်သက်သာနဲ့ Quality of life ကို ပိုင်ဆိုင်ရရှိပြီး ဘ၀ကို သက်တောင့်သက်သာနဲ့ အဆုံးသတ်ခွင့် ရရှိသွားပါတယ်။ သေဖို့အတွက် သေခြင်းတရားကို ကောင်းကောင်း ပြင်ဆင်ပြီး ရင်ဆိုင်သွားနိုင်ပါတယ်။

အဲဒီနေ့က မနက်အစောကြီး ဆေးရုံက Nursing Admins ရုံးခန်းရှေ့ကို ကျွန်မ ရောက်တာနဲ့ ဘယ် Ward မှာ တာဝန်ကျတယ်ဆိုတာ သိရပြီး တာဝန်ကျတဲ့ PCU ကို ရောက်လာပါတယ်။ Ward ထဲရောက်တာနဲ့ ရုံးခန်းတွေ အလွန်မှာ အရင်တွေ့ရတဲ့ လူနာတယောက်ခန်းတွေကို ခန့်မှန်းကြည့်ရှုရင်းနဲ့ Ward မှာ Heavy ဖြစ်နေလား Light ဖြစ်နေလားဆိုတဲ့ အခြေအနေကို အနည်းငယ် ခန့်မှန်းလို့ ရနိုင်ပါတယ်။ PCU မှာ အလုပ်ခွဲဝေပုံက တခြား Ward တွေလို Staff တယောက်စီအတွက် ဘယ်လူနာကို တာဝန်ယူရမယ်ဆိုပြီး လူနာခွဲဝေပေးခြင်းမျိုးမဟုတ်ဘဲ Team Work ပိုဆန်တဲ့ ပုံစံမျိုးနဲ့ အလုပ်လုပ်လေ့ ရှိပါတယ်။ ကုတင် ၂၀ ရှိတာကို A Side မှာ တာဝန်ကျသူတွေနဲ့ B Side မှာ တာဝန်ကျသူတွေဆိုတာပဲ ခွဲလေ့ရှိပြီး ဘယ်သူတွေက Regular Medication ဆေးပေးမယ်၊ ဘယ်သူက Morphine Round မှာ တာဝန်ယူမယ် ဘယ်သူတွေက လူနာအိပ်ရာထဖို့နဲ့ မနက်စားဖို့နဲ့ ဆေးသောက်ဖို့ စသည်တို့ကို အဆင်သင့်ဖြစ်အောင် Nursing Care ကို တာဝန်ယူမယ်ဆိုတာ နောက်မှ ပြန်ခွဲဝေယူလေ့ရှိပါတယ်။ ကျွန်မက အဲဒီနေ့က တယောက်ခန်းပိုများတဲ့ Ward ထဲ ၀င်ဝင်ချင်း တွေ့ရတဲ့ A ဆိုက်မှာ တာဝန်ကျပါတယ်။

ထသွားထလာနိုင်တဲ့ လူနာတွေကို မနက်စာစားချိန်နဲ့ ဆေးသောက်ချိန်နီးပြီ ထလို့ရပြီလို့ နိုးပြီး ရေချိုးချင်ရင် မျက်နှာသုပ်ပ၀ါတွေ တခြားလိုအပ်တဲ့ အရာတွေ ပြင်ပေးလိုက်ရင် ပြီးပေမဲ့ အားအင်ချည့်နှဲ့နေပြီး ကုတင်ပေါ်မှာ လှည့်တောင် မလှည့်နိုင်တဲ့ လူနာတွေကိုကျတော့ စိတ်ရောကိုယ်ပါ ကိုယ်ဖိရင်ဖိ အစအဆုံး ပြုစုရတာတွေ ရှိပါတယ်။ အဲဒီနေ့က ကျွန်မကျတဲ့ဘက်မှာ အဲလိုမျိုးလူနာမျိုးတွေက ပိုများပါတယ်။ မနက်ပိုင်းဆို ဧည့်ချိန်မဟုတ်တော့ မိသားစုဝင်တွေလည်း မရောက်လာသေးတာနဲ့ မနက်စာကို ခွပ်ကြွေးပေးရတဲ့ လူနာက များတော့ ပိုပြီးလက်ဝင်စေပါတယ်။ မိမိဘက်အခြမ်းမှာ ပြီးသွားလို့ တခြားဘက်အခြမ်းမှာ မပြီးသေးရင် သွားဝိုင်းကူပေးရတာ ရှိတော့ လူနာတွေရဲ့ အခြေအနေကို ဖိုင်ထဲမှာ မှတ်တမ်းတင်တဲ့ Nursing Progress Note ကို နေ့လည်စာ စားတဲ့အချိန်ထိ တခုမှ ရေးဖို့အချိန် မရသေးဘူး။ နောက်ပြီးတော့ ကျွန်မမှာ ဆေးရုံက နှစ်စဉ် တနှစ်ကို အနည်းဆုံး နှစ်ကြိမ် မဖြစ်မနေ တက်ရတဲ့ Fire Awareness, Manual Handling, Infection Control တို့လို သင်တန်းတွေ တခုမှ မတက်ရသေးလို့ အဲဒီမနက်က Nurse Educator ကို ကျွန်မ ဘယ်တော့ တက်ရမလဲ အချိန်ဇယား သိချင်တယ် မေးထားတာကို သူက နေ့လည် ထမင်းစားချိန်လောက်မှာ သူ့ကိုဖုန်းဆက်လိုက်ပါ သူဘယ်အချိန်အားမယ်ဆိုတာ ပြောမယ်၊ မအားရင်လည်း အချိန်ညှိပြီး တွေ့ရအောင် ပြောထားလို့ ဖုန်းဆက်စရာကလည်း ရှိနေပါတယ်။ Nursing Report ကလည်း လူနာတယောက်အတွက်တောင်မှ မရေးသေးဘူး။ အလုပ်များရင် အချိန်က ကုန်မြန်သထက် မြန်လေ့ရှိတာလည်း သဘာဝပဲ။ လူနာတွေ ထမင်းစားပြီးလို့ အိပ်စက်နားနေအချိန်အတွက် ပြင်ဆင်ပေးတဲ့ အချိန်မှာ Staff တွေရဲ့ ပထမအသုတ် နေ့လည်စာစားချိန်ကို ရောက်လာပါတယ်။ ကျွန်မက ဒုတိယအသုတ်မှာ ကျပြီး ပထမအသုတ် သမားတွေ ပြန်လာမှ နေ့လည်စာ စားရမှာဖြစ်တယ်။ Ward person တာဝန်ကျတဲ့ သူနာပြုက ပထမအသုတ်မှာကျပြီး သူက ကျွန်မကို သူကိုင်ထားတဲ့ Pager ကို ပေးခဲ့ပြီး မကြာခင် ရောက်လာမည့် နေ့လည်ဘက် တာဝန်ကျတဲ့ Ward Person ကို ပေးလိုက်ပါဆိုလို့ ယူထားပေးလိုက်ပါတယ်။

ကျွန်မတို့ ဒုတိယအသုတ် သမားတွေက ဆက်လက်ပြီး လူနာတွေ အိပ်လို့ရအောင် ကုတင်အနေထားနဲ့ လူနာရဲ့ အနေထားကို ထိုင်လျှက်အနေထားကနေ ချိုးတင်ထားတဲ့ ကုတင်တွေကို ပြန်ဖြောင့်သွားအောင် လုပ်ပြီး ထမနိုင်တဲ့ လူနာတွေကို အိပ်ရာနာ မဖြစ်အောင် သူတို့လှည့်ချင်တဲ့ ဘက်ကိုလှည့်ပေးပြီး ဘေးစောင်း အနေအထားအိပ်ရအောင် ပြင်ဆင်ပေးနေပါတယ်။ Ward person တာဝန်ကျတဲ့ နာ့စ်ဆီက Pager ကို ကျွန်မ လက်ခံရရှိပြီး ငါးမိနှစ်တောင် မကြာလိုက်ဘူး အသံမြည်လာလို့ ကြည့်လိုက်တော့ PCU မှာ တာဝန်ကျတဲ့ Ward Person ရဲ့ တာဝန်တခုဖြစ်တဲ့ Funeral Service က အလောင်းလာယူနေလို့ သွားပြီး Body ကို Release လုပ်ပေးဖို့ အကြောင်းကြားလာတာ ဖြစ်တယ်။ ဒီအချိန်မှာ မနက်ပိုင်း တာဝန်ကျတဲ့ Ward Person ကလည်း နေ့လည်စာစားဖို့ သွားလိုက်ပြီ၊ နေ့လည်ဘက်တာဝန်ကျတဲ့ Ward Person ရောက်ဖို့က နောက်ထပ် ၁၅ မိနှစ်ခန့် လိုသေးတယ်၊ လောလောဆယ် ဒီ Pager က ကျွန်မလက်ထဲမှာ ရှိနေတော့ အလောင်းထားရာ အအေးခန်းသွားပြီး အလောင်းကို Funeral Directors တွေ လက်ထဲ လွှဲပြောင်းပေးဖို့က တာဝန်က ကျွန်မတာဝန်လုံးလုံး ဖြစ်သွားတယ်။

သိပ်လည်း ကြာမှာမဟုတ်ဘူးဆိုတော့ ကျွန်မလည်း ကျွန်မနဲ့အတူတူ Ward ထဲမှာ ရှိနေတဲ့ တခြား staff တွေကို Body သွား Release လုပ်ပေးလိုက်ဦးမယ်လို့ အသိပေးပြီး Receptions မှာ ရေခဲတိုက်သော့နဲ့ အလောင်းနဲ့ ပတ်သက်တဲ့ စာရွက်စာတမ်းတွေကို သွားတောင်းပြီး အလောင်းထားရာ ရေခဲတိုက်ကို လာလိုက်တယ်။ PCU မှာ Ward Person တာဝန်ကျတဲ့သူတိုင်း ဒီတာဝန်ကို ယူရပါတယ်။ ကျွန်မက စိတ်မပါလက်မပါနဲ့ ဒီလိုပဲ Ward person ကိုယ်စား အလောင်းကို ထုတ်ပေးဖို့ အအေးခန်းကို ရောက်လာခဲ့ပါတယ်။ ရောက်ပြီး တံခါးဖွင့်ပေးပြီးတာနဲ့ ပုံမှန်အတိုင်းပဲ Funeral Directors နှစ်ယောက်က လာပြီး သူတို့ အသုဘယာဉ်ပေါ်က အလောင်းစင်ကို တွန်းချလာပြီး အအေးခန်းထဲဝင်လာကြတယ်။ တယောက်က ကျန်တဲ့တယောက်ကို Procedure တွေ ရှင်းပြနေတာတွေ့တော့ အဲဒီတယောက်က လူသစ် ဖြစ်နိုင်တယ်ဆိုတာကိုတော့ သဘောပေါက်လိုက်တယ်။ အဲဒီတယောက်က ကျွန်မကို ဘယ်အလောင်းလဲ မေးတော့ ကျွန်မက စာရွက်ကိုယူပြီး နာမည်ဖတ်ပြတယ် ဘယ်နေ့က ကွယ်လွန်သူဖြစ်တယ်ဆိုတာကို ပြောပြီး အကုန်လုံးမှ နှစ်လောင်းပဲရှိတော့ အဲဒီနှစ်လောင်းထဲက တလောင်းပဲ စစ်ကြည့်ပါလို့ ပြောတော့ သူက လက်အိပ်စွပ်ပြီး အလောင်းထည့်ထားတဲ့ ဇစ်ကိုဆွဲထုတ်ပြီး စစ်ကြည့်တယ်။ ကျွန်မတော့ လက်အိပ်လည်း မစွပ်ထားဘူးဆိုတော့ ၀င်မကြည့်ဘူး စာရွက်ထဲက နာမည်ကိုပဲ မတ်တ်ပ်ရပ်လျှက် ဖတ်ပြပါတယ်။ ပြီးတာနဲ့ သူတို့ဖါသာသူတို့ အအေးခန်းထဲက စင်ပေါ်ကနေ သူတို့စဉ်ပေါ်ရောက်အောင် တွန်းထည့်ပြီး သူတို့ရဲ့ အသုဘတင်တဲ့ ကားထဲ သွားထည့်တယ်။ ပြန်လာပြီး လက်အိပ်ချွတ်၊ လက်ဆေးပြီးတာနဲ့ သူတို့ဆီပါသွားမည့် စာရွက်နဲ့ ကျွန်မဆီမှာ ကျန်ခဲ့မည့် စာရွက်နဲ့ စာအုပ်မှာ သူတို့ရော ကျွန်မပါ လက်မှတ်ထိုးပြီးရင် အလောင်းထုတ်ပေးထုတ်ယူတဲ့ကိစ္စ ပြီးသွားတယ်။ အဲဒါ ပြီးတာနဲ့ သူတို့လည်းပြန်တယ်၊ ကျွန်မလည်း Reception မှာ စာအုပ်နဲ့ သော့ ပြန်သွားအပ်တဲ့အချိန်မှာ နေ့လည်ဘက်တာဝန်ကျတဲ့ Ward person နဲ့တွေ့လို့ Pager ကိုပါ တခါတည်း အပ်လိုက်တယ်။ အလောင်း လွှဲပြောင်းပေးခြင်းကိစ္စက ပုံမှန်အတိုင်းဆို ဒီမှာတင် ပြီးပါပြီ။

မပြီးတာက နောက်တနာရီလောက်ကြာတော့ ကျွန်မတို့ နေ့လည်စာ စားအပြီးမှာ ကျွန်မက မနက်က ချိန်းထားတဲ့ Nurse Educator နဲ့ တွေ့နေတဲ့အချိန်မှာ နေ့လည်ဘက် Ward Person က ကျွန်မကို Nurse Supervisor ခေါ်နေတယ်ဆိုပြီး လာခေါ်လို့ လိုက်သွားတော့ ကျွန်မ အလောင်းမှားပြီး ထုတ်ပေးလိုက်ကြောင်း သိရတယ်။ အလောင်းပြန်လာလဲတဲ့ Funeral Directors တွေကိုလည်း တွေ့လိုက်တယ်။ ကျွန်မလည်း ဘာပြန်ပြောရမှန်းမသိ ခေါင်းကြီးသွားတယ် "နင်သေသေချာချာ မစစ်ဘူးလား" နဲ့ ထပ်ခါတလဲလဲ မေးနေတဲ့ Nurse Supervisor ကို စစ်ပါတယ် စာရွက်ကို သေသေချာချာ ဖတ်ပြတယ် ဘယ်အလောင်းဆိုတာကို Funeral Director က အိတ်ကိုဇစ်ဖြုတ်ပြီး စစ်ပါတယ်၊ ကျွန်မက လက်အိပ်မစွပ်ထားလို့ အပြင်ကနေပြီး စာရွက်ကိုဖတ်ပြတယ် ရင်ဘတ်မှာ ကပ်ထားတဲ့ စာရွက်ရော လက်မှာ တပ်ထားတဲ့ နာမည်ရော Funeral Director တယောက်က သေသေချာချာ စစ်ပါတယ်" လို့ ပြောပြတော့ စစ်ရင် အဲလိုမှားစရာအကြောင်း လုံးဝမရှိနိုင်ဘူးဆိုပြီး နင်တို့မစစ်လို့သာ အခုလိုမှားတာ ဆိုပြီး ပြောလိုက်တာ ကျွန်မလည်း ဘာ ပြန်ပြောလို့ ပြောရမှန်းမသိတော့ ခေါင်းတွေ ထူပူပြီး ဘာမှကို ပြန်မပြောတော့ဘူး။ အလောင်းကို ပြန်သွားလဲပေးတော့ Supervisor ကိုယ်တိုင် အအေးခန်းထဲ လိုက်ပါတယ်။ ရုံးခန်းကနေ အအေးခန်းကို အသွားရော အပြန်ပါ တလမ်းလုံး ကျွန်မကို အပြစ်တင်လိုက်တာ ကျွန်မက လုံးဝကို သုံးစားလို့တောင် မရဖြစ်သွားတယ်။ Funeral Directors ကို "ကျွန်မက စာရွက်ဖတ်ပြီး ရှင်က လူနာကို ကိုင်ပြီးကို စစ်တာ ဘယ်လိုဖြစ်ပြီးမှားတဲ့ အလောင်းကို ယူသွားရတာလဲ" လို့ အပြစ်တင်ချင်ပေမဲ့ သူလည်း သူ့အပေါ်က တယောက်ဆူထားတာ မျက်နှာလေး ဇီးရွက်လောက်ပဲ ကျန်တာ တွေ့တော့ ဘ၀တူ အဆူခံ ဖြစ်နေပြီမို့ ကျွန်မလည်း ဘာမှမပြောတော့ဘူး။

အလောင်းကို ပြန်ချိန်းပေးပြီးတာနဲ့ ကျွန်မကို မနက် Supervisor က နေ့လည် Supervisor ကို သက်သေထားပြီး ပြင်းထန်တဲ့ Warning ဆိုပြီး Warning ပေးပါတယ်။ Warning ပေးရာမှာ ဒီကိစ္စဟာ တကယ်ကို big issue ဖြစ်တဲ့အကြောင်း၊ မသင်္ဂြီုလ်ခင် သိရလို့ တော်သေးတယ်၊ သင်္ဂြီုလ်ပြီးမှသာ သိရရင် ဆေးရုံလည်း တရားစွဲခံရ ကျွန်မရောသူပါ တရားရင်ဆိုင်ပြီး အချုပ်ခန်းထဲ သွားနေရလိမ့်မယ် နယူးဆောက်ဝေးနဲ့ သြစကြေးလျားမှာ ဖြစ်တဲ့ ကြီးလေးတဲ့ ပြစ်မှုရဲ့ တရားခံ စာရင်းဝင်သွားမှာဖြစ်တဲ့အကြောင်း နောက်ဘယ်တော့မှ ဒီမိုမဖြစ်စေနဲ့ ဒီလို နောက်တခါဖြစ်ရင် ဆေးရုံအနေနဲ့ ကျွန်မကို ခွင့်လွတ်ဖို့ လုးံဝမရှိကြောင်း ပြောပါတယ်။ ဒီအထိ ကျွန်မလက်ခံတယ်ပါတယ်၊ ကိုယ်မှားတယ်ဆိုတာလည်း ၀န်ခံခဲ့တယ် နောက်မဖြစ်ဖို့ကိုလည်း ဂတိပေးခဲ့ပါတယ်။ ဒီအထိ ဘာပြဿနာမှ မရှိဘူး။ ကျွန်မမှားတဲ့အတွက် ကျွန်မလည်း ငြိမ်ခံပြီး ဘာမှပြန်မပြောဘူး။ ဒါပေမဲ့ သူဆက်ပြောတာက ကျွန်မက လုံးဝ Careless ဖြစ်တဲ့သူမို့ Professional Practice လုံးဝမရှိဘူး အလောင်းတခုလုံးကိုတောင် ဒီလို မှားပြီး လွှဲပေးခဲ့ရင် လူနာကို ဆေးပေးရင်လည်း ဒီလိုပဲ Careless ဖြစ်ပြီး ဆေးမှားပေးပြီး လူနာတွေ သေကုန်မှာ ဖြစ်လို့ ကျွန်မဟာ Reliable လုံးဝမရှိကြောင်း ပြောလာပါတယ်။

ဒါကိုတော့ ကျွန်မ လုံးဝလက်မခံနိုင်ဘဲ အဲဒါကို ဆေးမှားပေးတာနဲ့ ဥပမာပေးစရာ မဟုတ်ဘူး ဆေးပေးတာ သူနာပြုတွေရဲ့ နေ့တဓူဝအလုပ် Body Release လုပ်တာက တခါတလေမှ လုပ်ရတဲ့အလုပ် ဖြစ်လို့ ဒီနေရာမှာ ဒီလိုဖြစ်သွားလို့ ဆေးပေးတဲ့နေရာမှာလည်း ဒီလိုလိုက်ဖြစ်လိမ့်မယ်လို့ ကောက်ချက်ချတာကိုတော့ ကျွန်မ လက်မခံဘူးလို့ ပြောတော့ အတူတူပဲ ဘာမှမကွာဘူး ပြန်ပြောပြီး ကျွန်မနဲ့ အနည်းငယ် အချေအတင် ဖြစ်သွားတယ်။ ဘေးက နေ့လည်ဘက်တာဝန်ကျတဲ့ Supervisor က ဆေးပေးတာလည်း နှစ်ယောက် စစ်ရတယ်၊ Body Release လုပ်တာလည်း နှစ်ယောက် စစ်ရတယ်ဆိုတော့ Procedure အရ တူတာကို ပြောတာလို့ ၀င်ထောက်ပါတယ်။ ကျွန်မက စစ်ရတာကို ကျွန်မလက်ခံတယ် Body မှားသွားသလိုမျိုး ဆေးပေးရာမှာလည်း အမြဲမှားနေပြီး လူနာတွေ သေကုန်မယ် Reliable မဖြစ်ဘူးဆိုတာကို လက်မခံတာပါလို့ ပြန်ပြောလိုက်ပါတယ်။ မနက်ပိုင်း တာဝန်ကျတဲ့ Supervisor က တရုတ်မဖြစ်ပြီး ကျွန်မကိုသာ Professional Practice မရှိဘူးလို့သာ သူပြောတယ် သူဖြစ်နေတဲ့ မျက်နှာက သူဖြစ်နေတဲ့ အမူအရာ သူပြောနေတဲ့ စကားအဆက်အစပ်တွေက Professional တယောက် မပြောနဲ့ ရိုးရိုး အရပ်ထဲက ဈေးသည်တယောက်လောက်တောင် အဆင့်ရှိတာ မတွေ့ဘူးလို့ ကျွန်မက တွေးပဲ တွေးနေတယ် ပြောတော့မပြောဖြစ်ဘူး။ ကျွန်မလည်း Incident Accident report ရေးပြီးတာနဲ့ အခုဖြစ်သွားတဲ့ကိစ္စမှာ Funeral Director ကို ယုံကြည်မိပြီး ဖြစ်သွားတဲ့ ကျွန်မရဲ့ အမှားဖြစ်ပါတယ် နောက်ဘယ်တော့မှ မဖြစ်စေရဘူးလို့ ဂတိပေးပြီး ပြန်လာလိုက်တယ်။

အကျိုးအဆက်အနေနဲ့ အဲဒီနေ့ နောက်ပိုင်း ဆေးရုံက အလောင်းမှားသယ်ခံရတဲ့ မိသားစုကိုတောင်းပန်တယ်လို့ သိရပြီး ဆေးရုံမှာလည်း Body release လုပ်ရင် တယောက်တည်း ပေးမလုပ်တော့ဘဲ နှစ်ယောက်လုပ်ရမယ်ဆိုတဲ့ ဥပမဒကို ပြောင်းလိုက်ပါတယ်။ PCU က staff တွေအတွက် Ward ထဲမှာ အလုပ်များလို့ စိတ်အနှောင့်အယှက် ဖြစ်နိုင်ပေမဲ့ Ward Person အဖြစ် တာဝန်ပေးခြင်း ခံရလေ့ရှိပြီး အအေးခန်းထဲ တယောက်တည်း သွားမရဲတဲ့ Casual Staff အတော်များများအတွက်တော့ ကျွန်မကြောင့် ဆေးရုံဥပဒေတခု ပြောင်လိုက်တာ ကောင်းတဲ့လက္ခဏာ ဖြစ်ပါတယ်။ ကျွန်မအတွက်လည်း အဲဒီနေ့က စားလို့လည်းမ၀င် အိပ်လို့လည်းမပျော် ဖြစ်ပြီး တရက်နှစ်ရက်အတွင်း သုံးကီလိုကျော် လျှော့သွားတော့ ကီလိုတိုးနေလို့ ကိုယ်တိ ချုပ်ထားတဲ့ ဗမာအင်္ကျီတွေ ၀တ်လို့မရဘဲ ကြပ်နေရာကနေ တပတ်အတွင်း ပြန်ဝတ်လို့ ရသွားတဲ့ အဆိုးထဲက ကောင်းကျိုးလေးတော့ ရသွားပါတယ်။ ပြန်သုံးသပ်ကြည့်တော့ အဲဒီနေ့က အလောင်းသွားလွှဲပြောင်းပေးတဲ့အချိန်မှာ ကျွန်မစိတ်ထဲမှာ လူနာတွေကို Reposition လုပ်ပေးရဦးမယ်၊ ကျွန်မစောင့်ရှောက်တဲ့ လူနာတွေရဲ့အကြောင်းကို Progress Notes တွေရေးရဦးမယ်၊ Nurse Educator နဲ့လည်း တွေ့ရဦးမယ် ဆိုပြီး ကျွန်မကိုယ်တိုင်ရဲ့ အလုပ်တွေက ခေါင်းထဲမှာ နေရာယူနေပါတယ်။ အခုလာလုပ်ပေးတာက သူများအတွက် ခဏမလွဲသာလို့ လာလုပ်ပေးတယ်လို့ ယူဆထားခဲ့ပါတယ်။ အာရုံ နှစ်ခုမရတဲ့ကျွန်မအတွက် တခုကို လုပ်နေချိန်မှာ တခြားတခုကို စဉ်းစားမနေသင့်ဆိုတာ တကယ်ကို သင်ခန်းစာ ယူစရာ ဖြစ်ပါတယ်။ ဒီသင်္ကြန်ကာလအတွင်း အဲဒီနေ့အတွက် ကျွန်မလို အဖြစ်မျိုးကို ကြုံပြီး ကျွန်မလောက် စိတ်ဖိစီးရသူ ဒီကမ္ဘာမှာ ဘယ်သူမှ ရှိမယ်မထင်ဘူး။


နှစ်သစ်မှာ ဘေးရန် ကြောင့်ကြဆင်းရဲခြင်း ကင်းပြီး ကိုယ်စိတ်နှစ်ဖြာ ကျန်းမာ ရွှင်လန်းချမ်းမြေ့ကာ နှလုံးစိတ်ဝမ်း ငြိမ်းချမ်းကြပါစေ။

ဆက်ဖတ်ရန်>>

သူနာပြုဘုရား

ကိုယ်ရိပ်သဏ္ဍန်၊ ညီအာနန်နှင့်
မြတ်မွန်ထွဋ်ထား၊ တို့ဘုရားသည်
တပါးသောခါ၊ ဒေသစာဖြင့်
တိုက်တာလှည့်ကာ ကြည့်သတဲ့။

ကျီးသံသဲ့သဲ့၊ ယင်မဲ့မဲ့ဖြင့်
မွဲပြာညစ်ရောင်၊ ကျောင်းတစ်ဆောင်ကို
ဘုန်းခေါင်ဘုရား၊ ၀င်ကာသွားသော်
သနားစဖွယ်၊ ကျောင်းအလယ်တွင်
ကျင်ငယ်ကျင်ကြီး၊ တင်းကြမ်းစီးလျက်
ကိုယ်ထီးလျောင်းရှာ၊ ထေရ်သူနာကို
မြတ်စွာဘုရား တွေ့ပါသတည်း။

အမိသည်သား၊ ပြုသောလားသို့
ဘုရားမြတ်မွန်၊ ညီအာနန်ကို
ချိုးရန်ရေတောင်း၊ စောင်ပါတောင်းလျက်
သွန်းလောင်းသုတ်သင်၊ ပြီးစီးလျှင်မူ
ခေါင်းတွင်ဘုရား၊ လက်တော်ထားကာ
ညီဘွားခြေက၊ ပြိုင်တူမလျက်
မြတ်လှနေရာ၊ ညောင်စောင်းသာတွင်
ကောင်းစွာအိပ်စက်စေသတည်း။

ထို့နောက်ရှင်တော်၊ စည်းဝေးခေါ်ကာ
မြွက်ဖော်စကား၊ မိန့်တော်ကြား၏
မိခြားဖဝေး၊ တစ်ရပ်ကျေးတွင်
ချိုအေးကြည်သာ၊ တရားရှာသည့်
များစွာအပေါင်း၊ ရဟန်းကောင်းတို့
ညံပျောင်းကြည်ဖြူ၊ နာသောသူကို
ငါ့တူကြင်နာ၊ ပြုစုပါက
မြတ်ရာရောက်လိမ့် ဧကန်တည်း။ ။

မင်းသုဝဏ်

မူရင်းကို Facebook မှာ ဒေါက်တာ အောင်ကျော်သူ တင်ထားတာကို အဖြူရောင်မေတ္တာဘလော့ဂ်က ကူးယူဖေါ်ပြထားပြီး ကျွန်မက အဖြူရောင်မေတ္တာမှ ပြန်လည်ကူးယူဖေါ်ပြထားပါတယ်။

အောက်ဆုံးပိုဒ်

ဆက်ဖတ်ရန်>>

နယူးဆောက်ဝေး သူနာပြုများ၏ လုပ်ငန်းခွင်နှင့် အလုပ်အကိုင် အခြေအနေ

နယူးဆောက်ဝေးပြည်နယ် သူနာပြုများ၏ အလုပ်အကိုင်အခြေအနေသည် ယခုနှစ်များအတွက် လစာတိုးမြှင့်ပေးခြင်းနှင့်အတူ ယခင်ကထက် များစွာ မြင့်မားလျက် ရှိပါသည်။ သို့သော်လည်း သူနာပြုများတွင် အကြောင်းအမျိုးမျိုးဖြင့် အခက်အခဲများစွာကို ရင်ဆိုင်နေရဆဲပင် ဖြစ်ပါသည်။ ဤ Essay တွင် နယူးဆောက်ဝေး ပြည်နယ်ရှိ သူနာပြုများ၏ လက်ရှိ အလုပ်အကိုင် အခြေအနနှင့် ဖက်ဒရယ် အစိုးရက ပါလီမန်မှာ တင်သွင်းထားပြီး အတည်မပြုရသေးသည့် ဥပဒေအသစ်နှင့် ပတ်သက်၍ သူနာပြုများတွင် ဖြစ်လာနိုင်သည့် ပြဿနာများကို ဆွေးနွေးတင်ပြထားပါသည်။ သူနာပြုများသည် အလုပ် ၀န်ထုပ်ဝန်ပိုး၊ လုပ်အားခမတူညီမှုနှင့် ၎င်းတို့၏ အလုပ်လုံခြုံစိတ်ချရမှု ( Job security) ကို ဖျက်သိမ်းမည့် လက်ရှိ ဖက်ဒရယ်အစိုးရ တင်သွင်းထားသော ဥပဒေအသစ်၏ ခြိမ်းချောက်မှုများသည်လည်း သူနာပြုများ အမှန်တကယ် ရင်ဆိုင်ကြုံတွေ့နေရသည့် စိန်ခေါ်မှုများ ဖြစ်ပေသည်။ ထို့ကြောင့် သူနာပြုများအနေဖြင့် မိမိတို့ ရရှိထားသော အခြေအနေ (Status) ဆက်လက်တည်တံ့ခိုင်မြဲရေး၊ မတူကွဲပြားသည့် ကျန်းမာရေးလုပ်ငန်းခွင်များတွင် အလုပ်လုပ်နေသည့် အရည်ချင်းတူသော်လည်း လစာမတူဖြစ်နေသည့် ပြဿနာကို ဖြေရှင်းနိုင်ရေးနှင့် ပုံမှန်ထက် ပိုမိုနေသော အလုပ်ဝန်ထုပ်ဝန်ပိုးကို လျှော့ချနိုင်ရေးတို့အတွက် ဆက်လက်၍တိုက်ပွဲ ၀င်လျက် ရှိပါသည်။

နယူးဆောက်ဝေးပြည်နယ်မှာ ရှိသော မတူသည့် အလုပ်ရှင်များ လည်ပတ်နေသည့် ကျန်းမာရေး လုပ်ငန်းခွင်များမှ သူနာပြုများသည် ၎င်းတို့၏ လုပ်ငန်းခွင် အဆင့်အတန်းနှင့် လစာတိုးမြှင့်ပေးရေးအတွက် နယူးဆောက်ဝေး သူနာပြုများ အစည်းအရုံး (NSWNA) မှာ ပါဝင်ပြီး တိုက်ပွဲဝင်လျက် ရှိပါသည်။ ၎င်းအဖွဲ့အစည်းသည် သူနာပြုများ၏ ဘ၀မြင့်မားရေးအတွက် Campaigns အမျိုးမျိုးကို အသုံးပြုပြီး အလုပ်သမားသမဂ္ဂနဲ့အတူ လုပ်ရှားမှုပေါင်းများစွာမှာ ပူးပေါင်းပါဝင်လျက် ရှိပါသည်။ ထိုလှုပ်ရှားမှုများကြောင့်ပင် အပြုသဘောဆောင်သည့် တိုက်ပွဲရလဒ်များကို သုံးလေးနှစ်စာ ရရှိထားပါသည်။ အစိုးရကျန်းမာရေးဌာနရှိ သူနာပြုများအတွက်သက်သက် သက္ကရာဇ် ၂၀၀၀-၂၀၀၇ ခုနှစ်အတွင်း လက်ရှိအခြေခံလစမှ ၃၉.၅% အထိ တိုးမြှင့်ပေးခြင်း ခံရပါသည်။ သက်ကြီးရွယ်အို စောင့်ရှောက်ရေး သူနာပြုများအတွက် ၂၀၀၄-၂၀၀၆ အထိ ၂၅% နှင့် ပုဂ္ဂလိက ဆေးရုံဆေးခန်းများရှိ သူနာပြုများအတွက် ၃.၅% တိုးမြှင့်ပေးရန် သဘောတူထားခြင်း ခံထားရသည်။

ထို့အပြင် သက်ကြီးရွယ်အို စောက်ရှောက်ရေးနှင့် အစိုးရကျန်းမာရေးဌာနရှိ သူနာပြုများတွင် သီးသန့် တက်ရောက် သင်ကြားထားသော အောင်လက်မှတ် (Additional educational qualification) ရှိသူများအား တပတ်လျင် ဒေါ်လာ ၃၀ အထိ အပိုရရှိမည် ဖြစ်သည်။ ၎င်းအပြင် အစိုးရကျန်းမာရေးဌာန သူနာပြုများအတွက် အမှုထမ်းသက်တမ်း ၁၀ နှစ် ကြာမှ ပေးရန် သတ်မှတ်ထားသည့် ရက်ရှည်အားလပ်ရက် လစာ (Long Service Leave) ကိုလည်း ၇ နှစ်သို့ လျှော့ချ သတ်မှတ်ပေးလိုက်ပြီး ကလေးမွေးသည့် သူနာပြု မိခင်များအတွက် နို့သက်ကာလ အားလပ်ရက်ကို ကိုးပတ်မှ ၁၄ ပတ်အထိ တိုးမြှင့် သတ်မှတ်လိုက်ပါသည်။ ထိုအောင်မြင်မှုများ အားလုံးသည် သက်ဆိုင်ရာ အစိုးရများနှင့် သူနာပြုများ အစည်းအရုံး (NSWNA) အကြား လတ်တလော သဘောတူညီချက် ရထားသည့် ရလဒ်များပင်ဖြစ်သည်။ သို့သော်လည်း ဖက်ဒရယ်အစိုးရ တင်သွင်းထားသော ဥပဒေသစ်ကို တရားဝင် အတည်ပြုလိုက်မည် ဆိုပါက ထိုအောင်မြင်မှုများအပြင် နယူးဆောက်ဝေး ပြည်နယ်အစိုးရ ပေးထားသည့် အခွင့်အရေများ (NSW state award) အားလုံးကို ဖက်ဒရယ်အစိုးရက မကြာခင် ပြန်လည်သိမ်းယူသွားမည်ကို အထူး စိုးရိမ်ဖွယ်ရာ ဖြစ်နေပါသည်။

သြစကြေးလျား လုပ်ငန်းခွင် သဘောတူညီချက် (AWA) ဟုခေါ်သည့် ဖက်ဒရယ် အစိုးရ လတ်တလော တင်သွင်းထားသည့် လုပ်ငန်းခွင် ဥပဒေသစ်သည် အလုပ်သမား သမဂ္ဂများမှ မည်သို့မှ ၀င်ရောက် စွက်ဖက်၍ မရနိုင်သည့် အလုပ်သမားနှင့် အလုပ်ရှင် တသီးပုဂ္ဂလ စာချုပ်ချုပ် ဆိုခြင်းအပေါ်မှာ အခြေခံပါသည်။ ယင်းဥပဒေကို ၁၉၉၇ မှာ လစ်ဘရယ်အစိုးရက စတင်မိတ်ဆက်ခဲ့ပြီး ယခုအချိန်တွင် အလုပ်သမာား ၇ သိန်းခန့် ယင်းဥပဒေအောက်တွင် အလုပ်လုပ်ကိုင်လေ့ ရှိပါသည်။ အကယ်၍ ၎င်းဥပဒေသည် ကျန်းမာရေး လုပ်ငန်းခွင်အတွင်းသို့ စိမ့်ဝင်လာမည်ဆိုပါက သူနာပြုများနှင့် ကျန်းမာရေးဌာန တခုလုံးအတွက် ဆိုးကျိုးများစွာ သက်ရောက်မှာ မလွဲဧကန်ပင် ဖြစ်သည်။ ပထမဦးဆုံး အချက်အနေဖြင့် ဥပဒေသစ်ကို အတည်ပြုဖြစ်သွားခဲ့သော် လက်ရှိ နယူးဆောက်ဝေး သူနာပြုများ ရရှိထားသည် အခွင့်အရေးများ အားလုံးနှင့် ယခု တိုက်ပွဲဝင်၍ ရရှိထားသော အခွင့်အရေးများ အားလုံး ရုပ်သိမ်းခံရနိုင်ဖွယ် ရှိပါသည်။ လက်ရှိ တိုက်ပွဲဝင်၍ ရရှိသော အခွင့်အရေးများကို အထက်၌ ဖေါ်ပြထားပြီး ဖြစ်ပါသည်။

လောလောဆယ် NSW Industrial Relation Law အရ နယူးဆောက်ဝေး သူနာပြု အခွင့်အရေးများမှာ အလုပ်သက်တမ်းအလိုက် နှစ်အတိုင်းအတာ တခုအထိ လစာနှစ်စဉ် ပုံမှန်တိုးမြှင့်ပေးခြင်း၊ Overtime Payment, စနေ၊ တနင်္ဂနွေနှင့် ညပိုင်းလုပ်အားခကို အခြေခံနှုန်းအပြင် သတ်မှတ်ထားသည့်အတိုင်း ပိုမိုရရှိခွင့်၊ နှစ်စဉ် အားလပ်ခွင့်ရက်၊ နို့သက်ကာလ အားလပ်ခွင့်ရက် စသည်တို့ကို ခံစားပိုင်ခွင့် ရှိပြီး ဥပဒေသစ်အရ ၎င်းအခွင့်အရေးများနှင့် အခုတိုက်ပွဲဝင်၍ ရရှိထားသော အခွင့်အရေးများသည် လုံးဝသေချာ ရေရာမှု ရှိနိုင်တော့မည် မဟုတ်ပါ။ ဖက်ဒရယ်အစိုးရ၏ ဥပဒေသစ်ကြောင့် အလုပ်သမားများ၏ အလုပ်အခြေအနေသည် အလုပ်ရှင်များအပေါ်တွင်သာ အများဆုံး မူတည်သွားပေလိမ့်မည်။ အကျိုးရလဒ်အနေဖြင့် သူနာပြုများမှာ အလုပ်လုံခြုံစိတ်ချရမှု မရှိတော့သောကြောင့် လုပ်ငန်းခွင်မှာ မပျော်ပိုက်သော်လည်း အလုပ်ရှင်များ တောင်းဆိုသော စာချုပ်ကို မတရားသည့်တိုင်အောင် စိတ်ပါသည်ဖြစ်စေ မပါသည်ဖြစ်စေ ငွေရေးကြေးရေး လိုအပ်ချက်အတွက် လက်ခံစာချုပ်ချုပ်ဆိုပြီး လုပ်နေရမည် ဖြစ်သည်။ ထို့ကြောင့် ထိုသို့ မဖြစ်လာစေရန် သူနာပြုများအတွက် NSW Industrial Relation Law ကို အမိအရ ဆုပ်ကိုင်ထားဖို့ လိုအပ်ပါသည်။

ဆက်လက်၍ သူနာပြုများသည် တက္ကသိုလ်များတွင် Professional Study ကို သင်ကြားထားသူများဖြစ်သော်လည်း တခြား အစိုးရဌာနများမှ ၀န်ထမ်းများ ဖြစ်သည့် ကျောင်းဆရာ၊ စာရင်းကိုင် စသည် ၀န်ထမ်းများထက် အခြေခံလစာမှာ ပိုနည်းသောကြောင့် လူတကာ အနားယူသည့် စနေတနင်္ဂနွေ၊ ညဘက်၊ အချိန်ပို အလုပ်များမှ ပိုရသည့် လစာကို အားကိုးပြီး အိမ်ထောင်စု လိုအပ်ချက်အတွက် လိုအပ်နေသော ၀င်ငွေကို ဖြည့်ဆည်းရပါသည်။ အကယ်၍ ဥပဒေအသစ်ကို အတည်ပြုပြီး တသီးပုဂ္ဂလ စာချုပ်အရ ပိုရသည့်အချိန်ဟူ၍ မရှိတော့ဘဲ မည်သည့်အချိန်မှာလုပ်သည်ဖြစ်စေ လစာအားလုံး အတူတူ ဖြစ်သွားပါက လူတကာ အနားယူသည့် အချိန်တွင် မည်သူမှ ပိုက်ဆံပိုမရဘဲ အလုပ်လုပ်ချင်ကြမည် မဟုတ်ပါ။ လူတိုင်းလူတိုင်းသည် မိမိတို့ မိသားစုနဲ့ ကောင်းစွာ အပန်းဖြေ အနားယူချင်ကြသည်ချည်းသာ ဖြစ်ပါသည်။ လစာပိုမရဘဲ ထိုအနားယူချိန်များတွင် မည်သူမှ မလုပ်ကြသည့်အခါ ဆေးရုံများတွင် သူနာပြု မလုံလောက်သည့် အန္တရယ်သည် ကြီးမားသော ပြဿနာတရပ်အဖြစ် ပေါ်ထွက်လာနိုင်ပါသည်။ အဘယ်ကြောင့် ဆိုသော် သူနာပြု အလုပ်သည် တရက်မှာ ၂၄ နာရီလုံး၊ တပတ်မှာ ခုနှစ်ရက်လုံး လိုအပ်နေသည့် အလုပ်ဖြစ်ပြီး သူနာပြု မလုံလောက်ပါက ပြည်သူလူထုအတွက် ကြီးစွာသော ဒုက္ခကို ရစေနိုင်ပါသည်။ လက်ရှိအခြေအနေမှာပင် လုပ်ငန်းခွင်အတွင်း သူနာပြုများအတွက် အလုပ်ဝန်ထုပ်ဝန်ပိုး ပြဿနာကို ဖြေရှင်း၍ မပြီးသေးတဲ့အချိန်မှာ ဥပဒေသစ်ကိုသာ အတည်ပြုလိုက်ပါက လုပ်ငန်းခွင်အခြအနေသည် ငါးပါးမှောက်ရန်သာ (မြန်မာမှုပြုထားသည်) ရှိတော့သည်။

လက်ရှိအခြေအနေတွင် နယူးဆောက်ဝေး လုပ်ငန်းခွင် ဥပဒေအရ သူနာပြုများ လိုက်နာရန် Occupational Health & Safety Policy ရှိနေသည့်တိုင် အပြည့်အ၀ မလိုက်နာနိုင်သေးဘဲ ဖြစ်နေခဲ့ပြီး မည်သည့် ဥပဒေမှ အတိအကျ ပြဌာန်းပါရှိမည် မဟုတ်ဘဲ အလုပ်သမားနှင့် အလုပ်ရှင် နှစ်ဦးသဘောတူအရ လုပ်ရမည့် ဥပဒေအသစ်မှာ သူနာပြုများကို အာမခံချက်ပေးထားသည့် အချက်ဟူ၍ တိကျရေရာမှု ရှိတော့မည် မဟုတ်ပါ။ ထိုအခါ Unresonable work load သည် ယခုထက် ပိုမိုဆိုးရွားလာနိုင်စရာ အကြောင်းရှိပြီး လူနာများအတွက် Quality Care ဆိုသည်မှာ ရှိနိုင်တော့မည် မဟုတ်ဘဲ လုပ်ငန်းခွင်မှာ မဖြစ်သင့်ဘဲ မတော်တဆ ထိခိုက်အနာတရမှုနှင့် အသေနှုန်း တက်လာပြီး အားထားလောက်သည့် ကျန်းမာရေး စောင့်ရှောက်မှုဆိုသည်မှာ ရှိတော့မည် မဟုတ်ပါ။ သူနာပြုများသည်လည်း လုပ်ငန်းခွင်အတွင်း အလုပ်ဝန်ထုပ်ဝန်ပိုးကြောင့် ရုပ်ပိုင်းဆိုင်ရာ ပင်ပမ်းနွမ်းနယ်မှုနှင့် စိတ်ပိုင်းဆိုင်ရာ မကျေနပ်သည့် စိတ်ဖိစီးမှုတွေနဲ့သာ နေ့စဉ် ရင်ဆိုင်နေရနိုင်ပြီး လုပ်ငန်းခွင်ကို စိတ်ကုန်သည့် အတွေ့အကြုံများနှင့်သာ ဆက်တိုက် ကြုံတွေ့နေရပေမည်။ နောက်ဆုံး အဆုံးစွန်အထိ ဖြစ်သွားနိုင်သည်မှာ သူနာပြုများသည် မိမိတို့ ကျွမ်းကျင်ပြီးသော ပညာရပ်ကို စွန့်ခွါသွားပြီး တခြားပြင်ပအလုပ်များကို ရှာဖွေလုပ်ကိုင်သွား နိုင်သည့်အတွက် သူနာပြုမလုံလောက်သည့် ပြဿနာကို ပိုမို ကြီးထွားသွားစေနိုင်ပါသည်။ ကျန်းမာရေးဌာန၏ အရေးကြီးဆုံး အဓိကအလုပ်သမားများ ဖြစ်သည့် သူနာပြု မလုံလောက်ပဲ ကျန်းမာရေးလုပ်ငန်းခွင်တခုဟာ မည်သို့မှ ကျန်းမာလုံခြုံစိတ်ချစွာ လုပ်ငန်းလည်ပတ်နိုင်လိမ့်မည် မဟုတ်တော့ပါ။ သူနာပြုမရှိဘဲ (သို့) မလုံလောက်ဘဲ ပြည်သူလူထု၏ ကျန်းမာရေးကို မဆာင်ရွက်နိုင်ပါ။ ထို့ကြောင့် ဖက်ဒရယ် အစိုးရ၏ စိတ်ကူးယဉ်အိပ်မက်ကို အတည်မဖေါ်ဖြစ်အောင် ကြိုးစားဖို့ အားလုံးမှာ တာဝန်ရှိပါသည်။

နယူးဆောက်ဝေး သူနာပြုများနှင့် ပတ်သက်၍ နောက်တခု အရေးကြီးစွာ ဖြေရှင်းရမည့် ပြဿနာ တခုမှာ Qualification တခုတည်းကို ကိုင်ဆောင်ထားသော သူနာပြုများသည် မတူကွဲပြားတဲ့ ကျန်းမာရေး လုပ်ငန်းခွင်မှာ လစာမတူကြသည့် ပြဿနာပင် ဖြစ်ပါသည်။ သက်ကြီးရွယ်အို စောင့်ရှောက်ရေး သူနာပြုများနှင့် ပုဂ္ဂလိက ဆေးရုံဆေးခန်းများမှ သူနာပြုများသည် ပြည်သူ့ဆေးရုံနှင့် အစိုးရဌာနမှ သူနာပြုများထက် လစာပိုနည်းနေပါသည်။ ထိုအကြောင်းအရာနှင့် ပတ်သက်ပြီး နယူးဆောက်ဝေး သူနာပြုများ အစည်းအရုံး အထွေထွေ အတွင်းရေးမှူး Mr Brett Holmes နှင့် ဒုတိယ အထွေထွေ အတွင်းရေးမှူး Ms Judith Kiejda နှစ်ယောက်စလုံးက သုံသပ်သည်မှာ အစိုးရဆေးရုံနှင့် ဌာနများအောက်တွင် လုပ်နေသော သူနာပြုများ၏ အစည်းအရုံးတွင် အဖွဲ့ဝင်အဖြစ် ပါဝင်သည့် အရေအတွက်က တခြားလုပ်ငန်းခွင်များမှ သူနာပြုအရေအတွက်ထက် ပိုများပြီး လစာတိုးမြှင့်ပေးမှု ကွာဟနေခြင်းမှာ ပါဝင်တိုက်ပွဲဝင်နေသည့် သူနာပြု အရေအတွက် မတူသည့်အပေါ်တွင် အများဆုံးမူတည်သည်ဟု ဆိုပါသည်။ ထိုစကားသည် ပါဝင်မှု၊ အားထုတ်မှု နည်း၍ အခွင့်အရေးရနည်းသည် ဆိုသည့်အချက်ကို ဆိုလိုခြင်း ဖြစ်သည့်အတွက် သူနာပြုများအတွက်သာမက အခွင့်အရေးတခုကို လိုချင်၍ တိုက်ပွဲဝင်နေသူ အားလုံးနှင့်လည်း အကျုံးဝင်ပါသည်။ နယူးဆောက်ဝေးမှာ သူနာပြုများ အရည်အချင်းတူပြီး လစာမတူညီကြသည့် ပြဿနာကား ဆက်လက် ဖြေရှင်းရမည့် ပြဿနာ တခုအဖြစ် ဆက်ရှိနေပါသည်။

အချုပ်အားဖြင့် လတ်တလော တိုးမြှင့်ပေးခြင်းခံထားရသော အခွင့်အရေးများဖြင့် နယူးဆောက်ဝေး သူနာပြုများသည် အလုပ်အခြေအနေ ခါတိုင်းထက် အမြင့်မားဆုံး အခြေအနေမှာ ရောက်နေသော်လည်း အခက်အခဲများနှင့် ဖြေရှင်းစရာ ပြဿနာများ၊ ခြိမ်းချောက်မှုများ များစွာ ဆက်ရှိနေသေးသည်။ အဓိက ခြိမ်းချောက်မှုမှာ ဖက်ဒရယ်အစိုးရတင်သွင်းထားသော ဥပဒေအသစ် ဖြစ်သည်။ သူနာပြုများတွင် မတူကွဲပြားသည့် လုပ်ငန်းခွင်တွင် လစာမတူသည့် ပြဿနာကိုရင်ဆိုင်နေရသလို နေရာတိုင်းတွင် အဆမတန် အလုပ်ဝန်ထုပ်ဝန်ပိုးများ ရှိနေသည်။ သူနာပြုများ အချင်းချင်းအကြား လစာမညီမျှသည့် ပြဿနာကို ညီညွတ်စွာ ဖြေရှင်းရန် မတူကွဲပြားသည့် လုပ်ငန်းခွင်တွင် ရှိသော သူနာပြုများအားလုံး သူနာပြုအစည်းအရုံးမှာ ပိုမိုပါဝင်လာပြီး မိမိတို့အခွင့်အရေးများကို ညီညွတ်စွာ တိုက်ပွဲဝင်ရန် လိုအပ်ပါသည်။

ထိုဖက်ဒရယ် အစိုးရတင်သွင်းထားသော ဥပဒေသည် ကျန်းမာရေး လုပ်ငန်းခွင်အသီးသီးအား ဆိုးကျိုးများကိုသာ ဖြစ်လာနိုင်သည့်အတွက် လုပ်သားပြည်သူများအကြား အသိပေးနိုးဆော်ပြီး ထိုဥပဒေကို အတည်မပြုဖြစ်အောင် ၀ိုင်းဝန်းကြိုးစားရန်လိုနေသည်။ လုပ်ငန်းခွင်အတွင်း အဆမတန် အလုပ်ဝန်ထုပ်ဝန်ပိုးများကို ဖြေရှင်းရန် NSWNA နှင့် Health Department ပူးပေါင်းကာ အမြန်ဆုံး စုံစမ်းစစ်ဆေး ရှာဖွေဖေါ်ထုတ်မှုများ ပြုလုပ်ပြီး ဖြစ်နေသော ပြဿနာကို ဖြေရှင်းသင့်ပေသည်။ ပြည်သူလူထုများအတွက် ကျန်းမာရေးဆိုင်ရာ Safe and quality care ဖြစ်ဖို့အတွက် သူနာပြုများ၏ အခန်းကဏ္ဍသည် အင်မတန်မှ အရေးကြီးပြီး သူနာပြု မလုံလောက်သည့် ပြဿနာဖြစ်ပါက သူနာပြုများတွင်သာ နစ်နာမည် မဟုတ်ဘဲ ပြည်သူလူထုမှာပါ နစ်နာမည်ဖြစ်သည်။ ထို့ကြောင့် လူတိုင်းလူတိုင်း NSW, Industrial Relation Law ကို ဆုပ်ကိုင်ထားပြီး အခုတင်သွင်းထားသော ဖက်ဒရယ် အစိုးရ၏ ဥပဒေအသစ်ကို ဆန့်ကျင်သည့် Campaigns မှန်သမျှတွင် ပါဝင်ဆင်နွှဲသင့်ပါသည်။


(၂၀၀၆ ခုနှစ်က High School အဆင့် ပညာရေးကို ပြန်တက်စဉ်က ၁၁ တန်း (မြန်မာပြည် ၉ တန်း) အဆင့် အင်္ဂလိပ်စာဘာသာမှ Working conditions and wokpalce situations for nurses in NSW အမည်ဖြင့် ကျွန်မ ရေးခဲ့တဲ့ Essay ကို မလိုအပ်တာတချို့ ဖယ်ပြီး သင့်လျှော်သလို ဘာသာပြန်ထားပါတယ်။ တက္ကသိုလ်မှာ အဆင့်မြင့်ပညာ သင်ကြားနေသူမှ မဟုတ်ဘဲ အခြေခံပညာအဆင့်မှာလည်း Assignment တွေမှာ မိမိမြင်တွေ့နေရသည်များကို လွတ်လပ်စွာ ဝေဖန်ပြောဆိုနိုင်ကြောင်းကို မျှဝေလို၍ တင်ပြခြင်း ဖြစ်ပါတယ်။ ဒီ Essay ကို အမှတ် ၂၀ ပေးတဲ့အနက် ကျွန်မ ၁၈ မှတ် ရခဲ့ပါတယ်)

ရွှင်လန်းချမ်းမြေ့ကြပါစေ

ဆက်ဖတ်ရန်>>

A one to one patient (or) စပယ်ရှယ်လူနာ တယောက်

ဝမ်းတူဝမ်းလူနာဆိုတာ လူနာရဲ့ လုံခြုံစိတ်ချရမှုအတွက် သူနာပြုတယောက်တည်းက အထူးသီးသန့် ကြည့်ရှုစောင့်ရှောက်ပေးရတဲ့ လူနာကိုခေါ်ပါတယ်။ ‘သေလိုက်ချင်တယ်၊ သေတာကမှ ကောင်းဦးမယ်၊ ငါသေချင်တယ်ဟေ့’ ဆိုပြီး မိမိဖါသာ ပြောသလို တခြားသူတွေကိုလည်း ‘နင့်ကို သတ်ပစ်ချင်တယ်၊ သတ်ပစ်မယ်၊ သေလိုက်ပါလား’ စသည်ဖြင့် တကယ်လုပ်ဖို့လည်း မရည်ရွယ်၊ တစုံတရာ စိတ်ညစ်လို့လည်း မဟုတ်ဘဲ  အဲလိုစကားတွေကို နေ့စဉ် လက်သုံးစကားအဖြစ် ပြောတတ်ကြတာ မကြာခဏ ကြားဖူးကြလိမ့်မယ်။ ဒီစကားတွေကို အရပ်ထဲမှာ ကြားရရင်တော့ ဘာမှ ပြဿနာမရှိပေမဲ့လည်း ဆေးရုံက လူနာတယောက်က ပြောလိုက်ရင်တော့ Mental Health Research အထောက်အထားများအရ ဒီလိုပြောတဲ့သူ အများစုဟာ တကယ်ကို သတ်သေသွားကြတာကို တွေ့ရှိထားလို့ တကယ်ကို အရေးတကြီး ထည့်သွင်းစဉ်းစားပါတယ်။ ပြောတဲ့ လူနာကို Neurologist, Psychologist တွေနဲ့ တာဝန်ယူကုသတဲ့ ဆရာဝန်တွေက မေးခွန်းတွေ များစွာပါတဲ့ Neurological Assessment, Mental Status Examination တွေနဲ့ စမ်းသပ်ပြီး သူနာပြုတယောက်တည်းက လူနာတယောက်တည်းကို အနီးကပ်စောင့်ကြည့်ဖို့ ပေါ်လစီရှိပါတယ်။ ဒီလို စောင့်ရှောက်တဲ့ နာ့စ်ကို ONE TO ONE NURSE (1:1) (သို့) Special Nurse လို့ ခေါ်ကြပါတယ်။

အခုတလော အလုပ်မှာကျွန်မ လုပ်ရတာ one to one nurse အဖြစ်နဲ့ 7AM - 7PM (သို့) 7PM - 7AM လုပ်ရတဲ့ 12 hours shift တွေနဲ့ပဲ ကြုံတွေ့နေရပါတယ်။ အဲဒီအထဲမှာ Health Care Team က တကယ် လိုအပ်တယ်လို့ ဆုံးဖြတ်ထားတဲ့ လူနာတွေအထဲမှာ တကယ်မလိုအပ်ဘဲနဲ့ အင်တာဗျူးလုပ်တဲ့အချိန်မှာ သူတို့ကို အရှုးမေးတဲ့ မေးခွန်းတွေ မေးလို့ဆိုပြီး ပေါက်ကရတွေ ဖြေဆိုကာ မချေမငန်တုံ့ပြန် ပြောဆိုမိလို့ စိတ်မချရတဲ့ စာရင်းထဲ ပါသွားပြီး ၀မ်းတူဝမ်း ထဲ အထည့်ခံရတဲ့ လူနာတွေကိုလည်း ကျွန်မ များစွာ တွေ့ဖူးပါတယ်။ အရင်နှစ်ပတ် စနေနေ့က စလို့ ဆက်တိုက်လိုလို ကျွန်မမှာ Ward ထဲက ပုံမှန်တိုင်း လုပ်ရတဲ့ အလုပ်တွေ သိပ်နည်းပြီး one to one လူနာတွေကိုပဲ အများဆုံး ကြည့်ရပါတယ်။ ကျွန်မနဲ့ ထိပ်တိုက်တွေ့ရတဲ့ လူနာတယေက်အကြောင်းကို ပြောပြချင်ပါတယ်။

အဲဒီနေ့က မနက်အစောကြီး ခုနှစ်နာရီ မတိုင်ခင် ကျွန်မစောင့်ရှောက်ရမည့် လူနာရှိတဲ့အခန်းကို ရောက်လာပြီး အခန်းဝမှာ ရပ်စောင့်နေတဲ့ အမျိုးသားသူနာပြုနဲ့ အချင်းချင်း မိတ်ဆက်လိုက်တယ်။ ကျွန်မရောက်တော့ လူနာက အိပ်နေတုန်းပဲ။ ညစောင့်တဲ့ အမျိုးသားနာ့စ်က လူနာရဲ့ နောက်ခံသမိုင်း အကျဉ်းအနည်းငယ်ကို စတင်ပြောပြီး Handover Report ပေးပါတယ်။ “လူနာက အသက် ၅၅ နှစ်၊ ကင်ဆာကြောင့် လည်ပင်းမှာ အနာရှိပြီး အစာမျိုရခက်လို့ ဒီဆေးရုံမှာ အစာမြိုတဲ့ လေ့ကျင့်ခန်း (Rehabilitation) လုပ်ဖို့ သူအရင်တက်တဲ့ဆေးရုံက လွှဲပြောင်းပေးလိုက်ပါတယ်။ one to one ထားရတာက သတ်သေမယ်လို့ အဲဒီဆေးရုံမှာ ပြောခဲ့သလို ဒီရောက်ပြီးမှလည်း Staff တွေအပေါ် မှာ ကိုယ်၊ နှုတ်အမူအရာ နှစ်ခုစလုံးနဲ့ Aggressive ရှိခဲ့ပါတယ်၊ ဒါပေမဲ့ ညကတော့ အေးအေးဆေးဆေးပါပဲ တညလုံးအိပ်နေပြီး ဘာပြဿနာမှ မရှိခဲ့ပါဘူး” လို့ ညစောင့်တဲ့ စပယ်ရှယ်နာ့စ်က ကျွန်မကို လူနာအကြောင်း အတိုချုပ် Report ပေးပါတယ်။ ကျွန်မလည်း Charts တွေ၊ Record တွေကို လွှဲပြောင်းလက်ခံယူကာ ညစောင့်တဲ့ သူနာပြုကို “Good night, Have a good sleep” လို့ နှုတ်ဆက်ပြီး ပေးပြန်လိုက်ပါတယ်။ သတ်သေဖို့ ကာရကံမြောက်ကြိုးစားခဲ့ခြင်း ရှိမရှိနဲ့ သူမရဲ့ Aggressive behaviour က ဘယ်အတိုင်းအတာအထိ ဆိုးရွားခဲ့လဲ ဆိုတဲ့ အရေးကြီးတဲ့ အချက်တွေကို အတိအကျ သိချင်ရင်တော့ File ထဲမှာ ကိုယ့်ဖါသာကိုယ် ရှာဖတ်ရမှာ ဖြစ်တယ်။

ဒီ Ward က လူနာတွေ အားလုံးကလည်း တခုခု ဖြစ်လို့ ဆေးရုံတက်ပြီး အိမ်ပြန်နိုင်လောက်အောင် သက်သာတဲ့ အခြေအနေမရောက်ခင် Acute Care Ward ထဲမှာလည်း အနီးကပ် ပြုစုနေဖို့အထိလည်း မလိုအပ်တော့တဲ့ လူနာတွေကို ပုံမှန် (သို့) ပုံမှန်နဲ့ အနီးဆုံးပြန်ဖြစ်အောင် အိမ်မပြန်ခင် လေ့ကျင့်ခန်း လုပ်ပေးတဲ့ Rehabilitation Ward ဖြစ်ပါတယ်။ Weekdays တွေမှာတော့ ရှစ်နာရီထိုးမှာ မနက်စာစား ဆေးသောက်ပြီးတာနဲ့ ဆရာဝန်၊ Physiotherapist, Occupational therapist, Speech-pathologist, Social Worker, Nutritional therapist, Psychologist စတဲ့ Health Care နဲ့ ပတ်သက်တဲ့ Staff တွေက သူတို့သတ်မှတ်ထားတဲ့ အချိန်တွေမှာ လူနာကို လာတွေ့ကြမှာ ဖြစ်ပါတယ်။ ဒါပေမဲ့ Weekend မှာကျတော့ လေ့ကျင့်ခန်းလုပ်စရာ မရှိလို့ Clinical Staff ဆိုလို့ ဆရာဝန်နဲ့ သူနာပြုပဲ ရှိပါတယ်။ Weekend မှာ လူနာတချို့က အိမ်ကိုပြန်လည်ကြတယ်။ တချို့ကလည်း မိသားစုနဲ့ အပြင်က စားသောက်ဆိုင်တွေမှာ နေ့လည်စာ သွားစားတာတွေ ရှိပါတယ်။

အဲဒီမနက်က ကျွန်မရဲ့ စပယ်ရှယ်လူနာက တော်တော်နဲ့ အိပ်ရာက ထမလာဘူး။ ရှစ်နာရီထိုးခါနီးမှာမှ လူနာက နိုးလာလို့ ကျွန်မက ကျွန်မနာမည် ပြောပြီး ဒီနေ့သူ့ကို စောင့်ရှောက်မည့် သူနာပြုဖြစ်ကြောင်း သွားမိတ်ဆက်တော့ “စောင့်ရှောက်ဖို့လား အရူးလို ရာဇ၀တ်သားလို စောင့်ကြည့်ဖို့လား ငါ့ကို ဘယ်သူမှ စောင့်ရှောက်စရာမလိုဘူး ငါ့ဖါသာ စောင့်ရှောက်နိုင်ပါတယ်” လို့ လေသံမာမာနဲ့ ပြန်အော်လွှတ်လိုက်တယ်။ ကျွန်မကလည်း “စောင့်ရှောက်တာရော စောင့်ကြည့်တာရော နှစ်ခုစလုံးတော့ ဟုတ်ပါတယ် ဒါပေမဲ့ အရှုးလို ရာဇ၀တ်သားလို စောင့်ကြည့်တာတော့ မဟုတ်ဘူး Miss ရဲ့ Safety အတွက် အကူအညီပေးဖို့ပါ” လို့ ပြန်ပြောလိုက်တော့ “တော်စမ်းပါ နင်ကငါ့ကို ဘာအကူအညီပေးနိုင်မှာမို့လဲ ငါ့ကို အကုန်လုံးက အရှုးလို ထင်အောင် အရှက်ခွဲတဲ့ အလုပ်ကိုပဲ နင်လုပ်နိုင်ပါတယ်” လို့ ဆက်တိုက်ပြောပြီး ရှိုက်ကြီးတငင် ငိုချနေတယ်။

ကျွန်မလည်း သူ့ကိုဖက် သူ့ကြောကုန်းကိုပွပ်ပြီး “ Miss ဘယ်လို ခံစားရနေရမယ်ဆိုတာ ကျွန်မ နားလည်လို့ရပါတယ် ဒါပေမဲ့ Miss က အဲလို စောင့်ရှောက်ရခြင်းရဲ့ ရည်ရွယ်ချက်ကို နားမလည်သေးလို့ပါ။ ဘာကြောင့် စောင့်ကြည့်ရတယ်ဆိုတာ Nurse Manager က Miss ကို ရှင်းပြတော့လည်း စကားမဆုံးခင် ဖုန်းနဲ့ ကောက်ပစ်တယ်ဆိုတော့ Miss ကို နားလည်အောင် ဘယ်လိုရှင်းပြမလဲ။ Miss စိတ်အေးအေးထားလိုက်ပါ ကျွန်မ ဒီမှာ Miss နဲ့အတူ ညနေ ၇ နာရီအထိ ရှိနေမယ်၊ ကျွန်မ သေသေချာချာ ရှင်းပြမယ်။ လောလောဆယ် ကျွန်မတို့ဟာ Miss အတွက် ကောင်းဖို့သက်သက်၊ အကူအညီပေးဖို့ သက်သက်ဆိုတာတော့ နားလည်ထားဖို့လိုပါတယ်” လို့ ပြောပြပြီး အားပေးတော့ သူနည်းနည်းတော့ စိတ်ပေါ့သွားပုံရပါတယ်။ မငိုတော့ဘူး။ ဒါပေမဲ့ “ ငါလိုချင်တဲ့ လောလောဆယ် အကူအညီက ငါ့ကို အရှုးလို စောင့်ကြည့်နေတာကို ရပ်ဖို့ပါ။ ဒါဆိုရင် အကုန်လုံးအဆင်ပြေပြီ။ ပြောပါဦး နင်က ငါ့ကိုအခုလိုစောင့်ကြည့်ပြီး ဘာများအကူအညီပေးနိုင်မှာမို့လဲ” မေးလို့ ကျွန်မလည်း သူ့ကို နောက်မှပဲ ပြောကြရအောင် အခုလောလောဆယ် အိပ်ရာထပြီး မနက်စာ စားဖို့ ပြင်ဆင်ဖို့ ပြောတော့ သူ့အလုပ်သူသိကြောင်း သူ့နားမှာ ဘယ်သူ့ကိုမှ အလိုမရှိကြောင်း သူ့ကို ဘယ်သူမှ စောင့်ကြည့်နေစရာ မလိုကြောင်း မကျေမနပ်တဲ့ လေသံနဲ့ ပြန်ပြောနေလို့ ကျွန်မလည်း စကားထပ်ရှည်နေရင် သူဒေါသပိုထွက်မှာမို့ ဘာမှ ဆက်မေပြာတော့ဘဲ ထွက်လာလိုက်တယ်။ မလိုအပ်ဘဲနဲ့လည်း သူ့ရှေ့ကို မသွားတော့ဘဲ နေလိုက်တယ်။

အပူချိန်၊ သွေးပေါင်ချိန်တွေ သွေးထဲသကြားဓါတ်တွေ သွားတိုင်းချိန်မှာ သူဘာမှမပြောပေမဲ့ သူ့မျက်နှာ သုန်သုန်မှုန်မှုန်နဲ့ သူ့စိတ်ထဲမှာ မကျေမနပ် ဖြစ်နေတာကိုတော့ သိသာစွာ တွေ့နေရပါတယ်။ ကျွန်မလည်း သူ့ကို စကားပြောရင် ပေါက်ကရ ပြန်ပြောမယ်ဆိုတာ သိလို့ မလိုအပ်တာ ဘာမှ မပြောပေမဲ့ သူ့ကိုရှင်းပြဖို့ ဘယ်လိုချဉ်းကပ်ရမလဲဆိုတာ စဉ်းစားနေခဲ့တယ်။ သူ့ပုံကိုကြည့်ရတာ စိတ်ဓါတ်အကြီးအကျယ် ကျဆင်းပြီး ဘ၀ကို သတ်သေတဲ့အထိ အရှုံးပေးမည့် ပုံတော့ ရှိမယ်မထင်ဘူး။ သူ့ကို ဒီလို Special Nurse ထားတာကို သူ့ရဲ့ Safety အတွက်လို့ မမြင်ဘဲ အရှက်ခွဲနေတယ် မြင်နေတာကို ကျွန်မတို့မှာ ရှင်းပြဖို့ တာဝန်ရှိပါတယ်။ သူဟာ သူ့ကို အရှုးလို၊ ရာဇ၀တ်သားလို ဆက်ဆံတယ်ဆိုပြီး စိတ်တိုနေတာကလွဲပြီး တခြားမူမမှန်တဲ့ အရိပ်ယောင်လုံးဝ မတွေ့ရတာတော့ အမှန်ပဲ။ ဒါကို သူနားလည်သွားရင် အဆင်ပြေသွားမှာ ဖြစ်ပြီး စပယ်ရှယ်လုံးဝ လိုတော့မှာ မဟုတ်ဘူးဆိုတာ ကျွန်မ ယုံကြည်တယ်။ ဒါကြောင့် သူ့ကို ကျွန်မ စကားဘယ်လို ပြောရမလဲဆိုတာပဲ စဉ်းစားနေခဲ့ပါတယ်။

သူကလည်း ကျွန်မကို ဘာမှလာမပြောနဲ့ မကြားချင်ဘူး မမြင်ချင်ဘူးလို့ ပြောထားပြီး လှည့်တောင် လှည့်မကြည့်တော့ ပြောရသိပ်ခက်တယ် ဒါပေမဲ့ ကျွန်မက ကြိုးစားပြီး ချဉ်းကပ်ခဲ့ပါတယ်။ “ ဒီနေ့ Weekend ဆိုတော့ ဘာလေ့ကျင့်ခန်းမှ လုပ်စရာမရှိဘူး၊ ဆေးရုံအောက်က ပန်းခြံထဲမှာ လမ်းသွားလျှောက်ချင်လား” လို့ သူစိတ်ပြောင်းပြီး စကားလေးဘာလေး ပြောလို့ရအောင် မေးကြည့်လိုက်တယ်။ သူက “ သိပ်ကိုလျှောက်ချင်တာပေါ့ ဒါပေမဲ့ ငါ့နောက်မှာ ဘယ်သူမှမပါဘဲ ငါ့ဖါသာလွတ်လွတ်လပ်လပ် လျှောက်ရမယ်ဆိုရင်တော့ ဆင်းလျှောက်ချင်တယ်” လို့ ပြန်ပြောတယ်။ ကျွန်မက “ဒီလိုတော့ မဟုတ်ဘူးလေ ကျွန်မတို့လမ်းလျှောက်ရင်း စကားပြောကြရင် ပိုပျော်စရာ ကောင်းတာပေါ့ ”လို့ ပြောတော့ “ဒါဆိုရင်တော့ ငါ့ကို ဘာမှထပ်မမေးနဲ့တော့ ငါ့ကိုအရှုးလို လူဆိုးသူခိုးလို စောင့်ကြည့်နေသူနဲ့ လမ်းအတူလျှောက်ပြီး စကားပြောဖို့နေနေသာသာ အခုလည်း ဘာမှကို မပြောချင်ဘူး” လို့ပြောလိုက်တယ်။

ကျွန်မလည်း ဒီတခါတော့ လေသံကို နည်းနည်းမြင့်ပြီး “Miss ကို အဲဒီလို စောင့်ကြည့်ဖို့ ဆုံးဖြတ်တာ Health Care team တခုလုံးက ဆုံးဖြတ်တာဖြစ်တယ်။ Miss ဟာ ဟိုဆေးရုံမှာ သတ်သေမယ်လို့ ပြောခဲ့တယ် ဒီရောက်ပြီးမှ Nurse Manger ကို Hand phone နဲ့ ကောက်ပစ်တယ် ဒီတော့ ဟိုဆေးရုံက လာတုန်းက သတ်သေဖို့ ပြောတာနဲ့ မိမိကိုယ်မိမိ နာကျင်အောင် (Self-Harm) လုပ်မှာကိုပဲ စောင့်ကြည့်စရာ ရှိခဲ့တယ် အခုတော့ သူများကို နာကျင်အောင်လုပ်တာ (Harm to others) ပါ တိုးလာပြီ ဒီအတွက် Miss တယောက်တည်းရဲ့ Safety တင်မကဘူး တခြားသူတွေရဲ့ Safety အတွက်ပါ စဉ်းစားလာရလို့ ပိုပြီးတောင် စောင့်ကြည့်ဖို့ လိုအပ်တဲ့ အခြေအနေကို Miss ကိုယ်တိုင်က ဖန်တီးလိုက်တာ ဖြစ်တယ်။ Miss က မစောင့်ကြည့်စေချင်ရင် မစောင့်ကြည့်ရလောက်အောင် စိတ်ချရတဲ့ အခြေအနေ Miss မှာ ရှိဖို့လိုအပ်ပါတယ်။ ကျွန်မတာဝန်က Miss ကို စောင့်ကြည့်ပြီး အော်ရင် အော်တယ်၊ ဆဲရင်ဆဲတယ်၊ ငိုရင်ငိုတယ်၊ Aggressive လုပ်ရင် လုပ်တယ်၊ Staff ကို ရန်ရှာရင် ရန်ရှာတယ်စတဲ့ Miss ရဲ့ ကိုယ်အမူအရာ နှုတ်အမူအရာက ထွက်လာတာ အားလုံးကို Record လုပ်ထားဖို့ပါပဲ ဖြစ်တယ်။ ဒါကို Team က တနင်္လာနေ့ကျရင် Miss အခြေအနေကို Review ပြန်လုပ်ပြီး ပြန်ဆုံးဖြတ်မှာ ဖြစ်တယ်။ ကျွန်မက Miss ပျင်းနေမှာစိုးလို့ Miss အတွက် စေတနာသက်သက်နဲ့ ပြောတာသာ ဖြစ်တယ်၊ ကျွန်မအတွက် Miss နဲ့ စကားမပြောရလို့ ဘာမှ ဖြစ်မသွားဘူး” လို့ သူသိသင့်တာကို အခွင့်အရေးရတုန်း လေသံမာမာနဲ့ ပြောလိုက်တော့ သူနည်းနည်းတော့ ငြိမ်သွားပါတယ်။ နောက်ပိုင်း သူ့ကို ကျွန်မကြည့်နေတာကို သိပ်မကြည်တဲ့ အရိပ်အယာင် ရှိပေမဲ့ ဘာမှတော့ ဆက်မပြောတော့ပါဘူး။

ကျွန်မလည်း ရတဲ့အခွင့်အရေးကို ယူပြီး ဆက်လက်ပြီးတော့ လေသံနည်းနည်း ဖျော့ကာ “အမှန်အတိုင်းပြောရရင်တော့ ကျွန်မတို့ မြန်မာလူမျိုးတွေကိုသာ ဒီလို သတ်သေမယ်ပြောတိုင်း စောင့်ကြည့်မယ်ဆိုရင် တနိုင်ငံလုံးမှာ ရှိတဲ့ သူနာပြုတွေလုံလောက်မှာ မဟုတ်ဘူး” လို့ ကျွန်မက ပြောပြောပြီး တခြားဘာမှ ဆက်မပြောခင် နင်က မြန်မာပြည်ကလားဆိုပြီးတော့ သူ့အမူအရာတွေက ချက်ချင်းကို ပြောင်းသွားပြီး "I love Aung Sun Suu Kyi, She is very strong lady!" လို့ စတင်ကာ မြန်မာပြည် နိုင်ငံရေးအကြောင်း ရေပက်မ၀င်အောင် ပြောပြီး သူနဲ့ကျွန်မနဲ့ စကားဖေါင်ဖွဲ့လို့ ရသွားတော့တယ်။ စကားတွေ အများကြီးပြောဖြစ်ပြီးမှ သူလည်း ကျွန်မပြောတာကို ယုံပြီး ကျွန်မ အကြံပြုချက်တွေကို လက်ခံတော့တယ်။ သူလည်း နေမကောင်းလို့ ဆေးရုံလာတက်တာကို အရှုးလိုဆက်ဆံခံရတော့ နင်ဆိုရင်လည်း ဘယ်လိုနေလဲဆိုပြီး ပြောတော့ ကျွန်မလည်း သူ့နေရာကို ၀င်ခံစားလို့ရပါတယ်။ သူဒီမှာ မိသားစုလည်းမရှိ သူ့သားနဲ့သမီးက ဂျာမဏီမှာ သူ့မှာ ကင်ဆာရောဂါလည်း ရှိတယ်။ အဲလိုအခြေအနေမှာ သူ့ရဲ့ စိတ်ဖိစီးမှုနဲ့ အထီးကျန်ဆန်မှုကို ခန့်မှန်းလို့ရပါတယ်။

“ကျွန်မလည်း Miss ပြောသလို ငါသေချင်တယ်လို့ စကားအရ အမြဲပြောတတ်ပါတယ်။ Miss လည်း အဲဒီလိုပဲ ဖြစ်နိုင်လိမ့်မယ်လို့ ကျွန်မ ထင်တယ်။ ဒါပေမဲ့ Miss က ဆေးရုံက လူနာဖြစ်တော့ ကျန်းမာရေး ဌာနက ချထားတဲ့ ပေါ်လစီအတိုင်း စောင့်ကြည့်ခံရတာဖြစ်တယ်။ ဒါကလည်း အတိတ်ကာလတွေမှာ ဒီလိုပြောပြီး မစောင့်ကြည့်မိလို့ တကယ်သတ်သေသွားတဲ့သူတွေ အများကြီးရှိခဲ့လို့ ပေါ်လစီအရ စောင့်ကြည့်တာသာ ဖြစ်တယ်။ လူနာတယေက်ဟာ လူကောင်းတယေက်ထက် ခံစားမှု ပိုပြီး Sensitive ဖြစ်တယ်ဆိုတာ Health Care Team က member တွေ အကုန်လုံး နားလည်ပြီးသား ဆေးရုံရဲ့ စောင့်ရှောက်မှု အောက်က လူတယောက်သတ်သေသွားရင် အဲဒီ Team တခုလုံးမှာ တာဝန်ရှိပါတယ်။ Miss ကို မေးတဲ့မေးခွန်းတွေဟာ ဒီလို သတ်သေဖို့ ပြောတဲ့ လူနာတိုင်း (သို့) လဲကျပြီးသတိလစ်လို့ သတိပြန်ရလာတဲ့ လူနာတိုင်း အာရုံအဖွဲ့အစည်းနဲ့ memory တွေ ပုံမှန်အလုပ်မလုပ် သိရအောင် မေးမြန်းတဲ့မေးခွန်းတွေသာ ဖြစ်တယ်။ Miss ထင်သလို အရှုးထင်ပြီး မေးတာ မဟုတပါဘူး။ အခု Miss ကို စောင့်ကြည့်လို့ Miss ကပုံမှန် ဖြစ်နေရင် အဲဒီစပယ်ရှယ်ထားတာကို တနင်္လာနေ့ Team Review ပြန်လုပ်ရင် ဖြုတ်လိုက်မယ်လို့ ကျွန်မ ယုံတယ်။ ဒီလိုမဟုတ်ဘဲ Miss က ပိုဆိုးလာရင် ဆက်စောင့်ကြည့်ရင်ကြည့် ပိုပြီး Aggressive ဖြစ်လာရင် Mental Health Ward ကို လွှဲပြောင်းပေးရင် ပေးနိုင်တယ်။ အားလုံးက Miss ရဲ့ တုံ့ပြန်မှုအပေါ်မှာပဲ မူတည်တယ်” လို့ ကျွန်မ ပြောလိုက်တော့ သူတော်တော်လေး သဘောပေါက်သွားပါတယ်။ သူအော်လွှတ်တာတွေအတွက် ကျွန်မကို ပြနတောင်းပန်ပါတယ်။ သူ့အနေနဲ့ သက်သာချင်လို့ ဆေးရုံလာတက်တယ်ဆိုမှ အကုန်လုံးက အရှုးလိုဆက်ဆံတော့ မခံမရပ်နိုင် ဖြစ်ပြီး ဖြစ်သွားကြောင်း ပြောပါတယ်။ နောက်ပိုင်းမှာတော့ တခြား staff တွေကိုလည်း ပုံမှန်အတိုင်း ကောင်းကောင်းမွန်မွန် ဆက်ဆံလာတာကို တွေ့ရပါတယ်။

ကျွန်မ Special လုပ်ရတဲ့ လူနာ တ၀က်ခန့်က ဒီလို မထင်မှတ်ပဲ သတ်သေမယ် ပြောလိုက်လို့ Special အထားခံရတာကိုသာ အများဆုံး တွေ့ရပါတယ်။ တကယ်သတ်သေဖို့ ကြိုးစားခဲ့သူ သိပ်ကိုနည်းပါတယ်။ ဒီလူနာကို ပြီးခဲ့တဲ့ စနေတင်္ဂနွေ နှစ်ရက်လုံးလည်း ကျွန်မ စပယ်ရှယ်လုပ်ခဲ့ရပါတယ်။ အရင်တပတ်က တနင်္ဂလာနေ့ကတော့ Public Holiday ဖြစ်နေလို့ Health Care Team Team Review မလုပ်ဖြစ်ခဲ့ဘဲ အခုပြီးခဲ့တဲ့ တင်္လာနေ့မှာတော့ Review လုပ်ပြီး နောက်တခါ ပြန်တွေ့ရင် Special မလိုတော့တဲ့ လူနာတယောက်အဖြစ် မြင်တွေ့ရလိမ့်မယ်လို့ ကျွန်မ ထင်တယ်။ အမှန်က ဒီလူနာမှာ သတ်သေဖို့အစီစဉ် လုံးဝမရှိနိုင်ပါဘူး၊ စိတ်မမှန်တာလည်း မရှိပါဘူး၊ ရောဂါ ရတဲ့အချိန်မှာ စိတ်ခံစားလွယ်ပြီး ဒေါသဖြစ်မြန်တာပဲ ရှိပါတယ်။ အကယ်၍သာ သူက ကျွန်မတို့ စောင့်ရှောက်တာဟာ Quality Care အတွက် Safety နဲ့ ညီညွတ်အောင် လုပ်တယ်ဆိုတာ ကြိုတင်သိထားရင် သူဒီလိုခံစားရပြီး ဒီလောက်အထိ စိတ်ဆင်းရဲကာ ဒေါသဖြစ်ရလိမ့်မယ် မထင်ဘူး။ ဘာပဲဖြစ်ဖြစ် နောက်ဆုံးမှာတော့ သူနားလည်သွားပါတယ်။ ကျွန်မနဲ့ စကားတွေ ပြောပြီး ညနေ ၇ နာရီ ကျွန်မ အိပ်ပြန်ချိန် ညဘက်တာဝန်ကျတဲ့ 1:1 nurse နဲ့ ကျွန်မ မိတ်ဆက်ပေးတော့ သူပြုံးပြုံးရွှင်ရွှင်ပဲ လက်ဆွဲ နှုတ်ဆက်ပြီး လက်ခံပါတယ် ကျွန်မကို တွေ့တုန်းကလို မအော်ထုတ်ခဲ့ဘူး။ ပြီးခဲ့တဲ့ တနင်္ဂလာနေ့က Public Holiday မို့ သူ့ကို Review မလုပ်ရလို့ Special Nurse ကို မဖြုတ်ဖြစ်ပေမဲ့ တပတ်လုံး သူဟာ Special Nurse နဲ့ရော တခြား Staff တွေ လူနာတွေနဲ့ပါ စလိုက်နောက်လိုက် ပြောဆိုရယ်မောပြီး ပျော်ပျော်ရွှင်ရွှင် ရှိနေခဲ့ပါတယ်။

ပြီးခဲ့တဲ့ တင်္ဂနွေနေ့က အိမ်ပြန်ခါနီး သူ့ကို ကျွန်မ နှုတ်ဆက်ရင်း ကျွန်မက “တနင်္လာနေ့ကျရင် ဆရာဝန်၊ Psychologist, Neurologist, Social Worker တို့ Miss ကိုလာတွေ့ရင် အခုကျွန်မနဲ့ စကားပြောသလို ပုံမှန်အတိုင်း ပြန်ပြောပါ အရှုးလို ရာဇ၀တ်သားလို လာမဆက်ဆံနဲ့ဆိုပြီး မအော်လွှတ်ပါနဲ့ ဒါပေမဲ့ Mental Health Ward မှာ စိတ်ရောဂါလူနာ အဖြစ်သွားနေချင်ရင်တော့ Miss သဘောပဲ အော်လွှတ်၊ လာသမျှလူတွေကို မူဘိုင်းဖုန်းမကလို့ စားပွဲပေါ်မှာ ရှိတာတွေ အကုန်လုံးနဲ့ ပစ်ပေါက်ပေါ့” လို့ ကျွန်မက နောက်ထားခဲ့သေးတယ်။ ကျွန်မကို မြန်မာပြည်ကမှန်း သိလိုက်တာနဲ့“ Are you Burmese ? I love Aung Sun Suu Kyi!” ဆိုတဲ့ သူ့ရဲ့ အံ့သြ၀မ်းသာတဲ့ အာမေတိတ် စကားကတော့ ကျွန်မနားထဲက အခုထိမထွက်ဘူး။ တော်ပါသေးရဲ့ ဒေါ်အောင်ဆန်းစုကြည် ကယ်ပေလို့သာ နို့မဟုတ်ရင် အဲဒီလူနာဟာ ဘယ်သူ့ပြောစကားကိုမှ လက်မခံ အော်လွှတ်ပြီး Mental Health Ward မှာ စိတ်ရောဂါ လူနာအဖြစ် Assessment လုပ်ဖို့ ဘယ်လောက်သွားနရမလဲ ပြောမတတ်ဘူး။

ရွှင်လန်းချမ်းမြေ့ကြပါစေ။

ဆက်ဖတ်ရန်>>