၈၈ ရဲ့ မတ်လမှာ တံဖြူကနေ တံနီလို့ ခေါ်တွင်စေရလောက်အောင် သွေးစွန်းခဲ့ပြီး အင်းလျားရေ အရောင် ပြောင်းခဲ့တယ်။ ဒီသမိုင်းတွေကို ကျွန်မကိုယ်တိုင်ကြုံတွေ့ရလို့တော့ မဟုတ်ပါဘူး။ ကိုယ်တိုင် မကြုံတွေ့ခဲ့ရပေ့မဲ့ ကြုံတွေ့ခဲ့သူတွေက လက်ဆက်ကမ်းပေးခဲ့တာကို ဘလော့ဂ်မှာ မှတ်တမ်းတင်ရင်း ၈၈ မတ်လရာဇ၀င်နဲ့ အင်းလျားလို့ တင်စားပြီး ဧရာဝတီက ပို့စ်နှစ်ခုကို ပြန်လည် မျှဝေလိုက်ပါတယ်။
အင်းလျားကန်ဘောင်ရိုးတလျှောက် အော်ဟစ်ချီတက်နေဆဲ လုံထိန်းရဲတွေနဲ့ စစ်တပ်ဟာ လမ်းနှစ်ဖက်စလုံးက ရှေ့ကရော၊ နောက်ကပါ ရောက်လာကြပြီး ညှပ်ပူး ညှပ်ပိတ် လူမဆန်စွာ အတင်းရိုက်နှက် နှိမ်နင်းခဲ့တယ်။
ငြိမ်းချမ်းစွာ ဆန္ဒပြနေတဲ့ ကျောင်းသူကျောင်းသားတွေဟာ ကစဥ့်ကလျားနဲ့ လူစုခွဲ ထွက်ပြေးကြရတယ်။ လူနေရပ်ကွက်တွေထဲ ပြေးဝင်နိုင်သူတွေက ဘေးကနေ လွတ်ငြိမ်းခဲ့ပေမယ့် ကန်ဘောင်ရိုးဘက် ထွက်ပြေးသူတွေကို တရားလက်လွတ် ရိုက်နှက်ဖမ်းဆီးတာကြောင့် ကျောင်းသားကျောင်းသူတွေရဲ့သွေး မြေကျခဲ့ရတယ်။
ငယ်ရွယ်နုပျိုတဲ့ ကျောင်းသူတချို့ အသက်ဆုံးရှုံးခဲ့တယ်။ တံတားဖြူဟာ တံတားနီလို့ သမိုင်းတွင်ရတဲ့အထိ ကျောင်းတော်သားတွေရဲ့ ရင်ထဲ နာကျင်ခံစားခဲ့ရတယ်။
ဒီသီချင်းကို ၁၉၈၉ ခုနှစ် ဘုရားသုံးဆူနယ်မြေမှာ ရေးဖြစ်ခဲ့တယ်။ အမှတ်တရ ဒဏ်ရာအဖြစ်ပေါ့။ ကိုမွန်းအောင်က “ငြိမ်းချမ်းရေးတိုက်ပွဲ” ဆိုတဲ့ သီချင်းခွေ ၁၉၉၂ ခုနှစ်မှာ ထုတ်တော့ ဒီသီချင်း ပါတယ်။
ယခုနှစ်ပတ်လည်မှာ ကျဆုံးသွားသူတွေရော ထောင်ထဲရောက်နေသူတွေကိုပါ လွမ်းလို့ရယ်၊ နားမထောင်ဖူးသေးတဲ့ မျိုးဆက်သစ်တွေကို နားဆင်စေချင်တာရယ်ကြောင့် တင်ပေးလိုက်ပါတယ်။
ရဲနည်
ဧရာဝတီဘလော့ဂ်မှ ပြန်လည်ကူးယူ ဖေါ်ပြပါတယ်။
“ဟေး ခြံထဲတွေကို လိုက်ကြ ..၊ အဲဒီမှာ ပုန်းနေကြတယ်” ဆိုသည့် အော်သံများ အဆုံးတွင် လုံထိန်းများ သူတို့ ရှိရာဘက် ပြုံဆင်းလာတာ တွေ့လိုက်ရသည်။ ပြေးစရာမြေမရှိ၊ ခြံပိုင်ရှင်ကလည်း အိမ်တံခါးကို ဖွင့်မပေး။ ကံကောင်းထောက်မစွာ တဘက်ခြံက ခြံစောင့်ကြီးက လှေခါးထောင်ပေးပြီး သူတို့ခြံထဲ လာပုန်းနေရန် ခွင့်ပြုခဲ့ သည်။
“အဲဒီနေ့က လူက တော်တော်လေးကို သွေးပျက်သွားတာ။ အရမ်းလည်း တုန်လှုပ်သွားပြီး မတရားမှုကို တော်လှန်မယ် ဆိုတဲ့စိတ်က ဒုံးဒုံးကျသွားတာ” ဟု မခင်ဥမ္မာက ပြောပြသည်။ တံတားနီနေ့ဟု ပြောစမှတ် တွင်ခဲ့ရသည့် ၁၉၈၈ ခုနှစ် မတ်လ ၁၆ ရက်နေ့က သူကိုယ်တိုင် ကြုံတွေ့ခဲ့ရသည့် မြင်ကွင်းကို မခင်ဥမ္မာက ပြန်ပြောင်းပြောပြနေခြင်း ဖြစ်သည်။
၁၉၈၈ ခုနှစ် မတ်လ ၁၃ ရက်နေ့ညက စက်မှုတက္ကသိုလ် ကျောင်းသား ကိုဖုန်းမော် လုံထိန်းများ လက်ချက်ဖြင့် ကျဆုံးခဲ့သည့် သတင်းကို ၁၄ ရက်နေ့ နံနက်ကျတော့ ရန်ကုန်တက္ကသိုလ် ဓာတုဗေဒ နောက်ဆုံးနှစ် ကျောင်းသူ မခင်ဥမ္မာနှင့် သူငယ်ချင်းတစုတို့ ကြားလိုက်ရသည်။
သူတို့ကျောင်းသူ ကျောင်းသားများကြားတွင် ထိုသတင်းက တီးတိုးပျံ့နှံ့နေသည်။ ၁၅ ရက်နေ့တွင် စက်မှုတက္ကသိုလ်ကို ပိတ်လိုက်ပြီ ကြားလိုက်ရသည်။ ၁၆ ရက်နေ့ကျတော့ ရန်ကုန်တက္ကသိုလ်က ကျောင်းသူ ကျောင်းသားများ စက်မှုတက္ကသိုလ်သို့ ချီတက်ကြမည်၊ RC 2 ခေါ် ရန်ကုန်တက္ကသိုလ်လှိုင်နယ်မြေနှင့် ပူးပေါင်း မည်။ ကျောင်းသားကျောင်းသူများက စီးပွားရေးတက္ကသိုလ်ဝင်ပေါက်က တဆင့် ချီတက် ထွက်ခွာရာ မခင်ဥမ္မာနှင့် သူငယ်ချင်း တစုတို့လည်း လူအုပ်ကြီး၏ ထိပ်ပိုင်း သုံးပုံတပုံခန့်တွင် လိုက်ပါသွားသည်။
သူတို့အားလုံး ရှေ့ကိုသာ သွားနေကြသည်။ သို့သော်လည်း ရှေ့မှာက စစ်သားတွေ။ သံဆူးကြိုးများကာဆီးကာ လှိုင်နယ်မြေကို သွားလို့မရအောင် ပိတ်ထားလိုက်ပြီ။ ထိုစဉ် လှည်းတန်းဘက်က အသံများကြားရပြီး စစ်ကားများ အတင်းမောင်းဝင်လာကာ လူစုခွဲသည်။ သူတို့ကျောင်းသားများအားလုံး ကစဥ့်ကလျား ပြေးလွှားကြသည်။
အများစုက အင်းလျားကန်ဘောင်ပေါ် တက်ပြေးသည်။ ထိုနေ့က တံတားဖြူကို “တံတားနီ” ဟု အမည်တွင်သွား လောက်အောင် ကျောင်းသား ကျောင်းသူတို့၏ သွေးများဖြင့် စွန်းပေစေခဲ့သည်ကို မခင်ဥမ္မာကိုယ်တိုင် မျက်ဝါး ထင်ထင် မြင်တွေ့ခဲ့ရသည်။ ထို့ကြောင့်လည်း သူ့ယုံကြည်ချက် ခိုင်မာခဲ့ခြင်း ဖြစ်သည်ဟု ဆိုသည်။
“စိတ်ထဲမှာ မတရားလိုက်တာ၊ ငါတို့ ဘာလုပ်လို့ ငါတို့ကို ဒီလို ဆက်ဆံခဲ့တာလဲ ဆိုပြီး မခံနိုင်ဖြစ်နေတယ်။ အဲဒီ နေ့ကနေ လုံးဝမရပ်တော့တာ” ဟု မခင်ဥမ္မာက ထိုစဉ်က အဖြစ်အပျက်ကို ပြန်ပြောင်းပြောပြသည်။
သူ့ယုံကြည်ချက် ပိုမို ခိုင်မာသွားစေသည်က ကိုစိုးနိုင်ကြောင့်ဖြစ်သည်ဟု မခင်ဥမ္မာက ဆိုသည်။ ကိုဖုန်းမော် ကျဆုံးခဲ့သော်လည်း ကိုစိုးနိုင်မှာ သေနတ်ဒဏ်ရာဖြင့် ရန်ကုန်ဆေးရုံကြီး အချုပ်ထောင်တွင် ရှိနေသည်။ ကိုစိုးနိုင်၏ အဆုတ်ထဲတွင် သေနတ်ကျည်ဆန်က ပြေးနေသောကြောင့် ခွဲစိတ်ထုတ်ယူ၍ မရဘဲ ဖြစ်နေသည် ဟု သူတို့စုံစမ်း သိရှိရသည်။
အကျဉ်းသားများ ဆေးကုသရာ ဆေးရုံကြီးအချုပ်ဆောင်ကို သူတို့ ကြံဖန်ကြိုးစား ဝင်ကြရခြင်း ဖြစ်သည်။ ကိုစိုးနိုင်ကို တွေ့လိုက်တော့ မခင်ဥမ္မာ၏ စိတ်ထဲတွင် တုန်လှုပ်ခြင်း လုံးဝမရှိတော့ဘဲ တည်ငြိမ်သွားတော့သည်။
“ကိုစိုးနိုင်က လူကောင်သေးသေးလေး။ ဒဏ်ရာကြီးနဲ့ ကုတင်ပေါ်မှာပက်လက်။ ဒါပေမယ့် သူ့လက်တွေ ခြေတွေကို ကုတင်တိုင်နဲ့ ပူးပြီး လက်ထိပ်ခတ်ထားတယ်။ အဲဒီမြင်ကွင်းကို မြင်လိုက်တော့ လူက လုံးဝ ငြိမ်သွားတယ်” ဟု သူက ပြောပြသည်။
သာမန်ကျောင်းသူတယောက် ဘဝဖြင့် နိုင်ငံရေး မျိုးဆက်လည်း မရှိသည့် မခင်ဥမ္မာသည် လူ့အခွင့်အရေး၊ ဒီမိုကရေစီ ဆိုသည့် ကိစ္စရပ်များကို ယခင်က နားလည်ခဲ့ခြင်းလည်း မရှိခဲ့။ ၈ လေးလုံး အရေးတော်ပုံကြီး မတိုင် ခင်အထိ တပါတီစနစ်ကို ဖြုတ်ချရမည် ဆိုသည်ကိုလည်း စိုးစဉ်းမျှ နားမလည်ခဲ့။
“ပညာရေးစနစ်ကြီး မကောင်းတာကို ဝေဖန်တာမျိုး၊ မတရားတာကို မကြိုက်တာမျိုးတော့ ရှိတယ်။ စ လုပ်ဖြစ်တာ ကလည်း မတရားတာကို မခံနိုင်လို့ပဲ။ ဒီမိုကရေစီတို့ လူ့အခွင့်အရေးတို့ ဆိုတာ နောက်မှ လိုက်လာတာပါ” ဟု မခင်ဥမ္မာက ပြောပြသည်။
ထိုကာလက နောက်ဆုံးနှစ်ကျောင်းသား တဦးဖြစ်နေခဲ့သော ကိုတင်အေးသည်လည်း တံတားနီ အရေးအခင်း တွင် ထိပ်ဆုံးမှ ပါဝင်ခဲ့သူဖြစ်သည်။
၁၉၆၂ ခုနှစ်နောက်ပိုင်းတွင် ကျောင်းသားအရေးကိစ္စ ဖြစ်လာတိုင်း တောင်းဆိုခဲ့ကြသည်မှာ ကျောင်းသား သမဂ္ဂ ပြန်လည်ဖွဲ့စည်းပေးရေးဖြစ်သည်ဟု ကိုတင်အေးက ပြောပြသည်။
၁၉၈၇ စက်တင်ဘာလ၊ ၅ ရက်နေ့တွင် ငွေစက္ကူများ တရားမဝင်ကြောင်းကို မဆလ အစိုးရက ကြေညာခဲ့သည်။ ထိုနောက်ပိုင်းတွင် ကျောင်းသားသမဂ္ဂ ပြန်လည်ဖွဲ့စည်းကြရန် လက်ကမ်းစာစောင်များကို တက္ကသိုလ်များတွင် ဖြန့်ကြသည်။ ထိုသို့ ဖြန့်ဝေကြသည့်ထဲတွင် ကိုတင်အေးလည်း ပါဝင်ခဲ့သည်။
ကိုဖုန်းမော် ကွယ်လွန်ခဲ့သည့် ညကမှ ကိုတင်အေးက မိဘရပ်ထံ မအူပင်မှ ပြန်လာခြင်းဖြစ်ရာ ထိုကိစ္စကို ၁၄ ရက်နေ့နံနက်မှ သိလိုက်ရသည်။ ကိုဖုန်းမော်၏ ဈာပနကို ၁၇ ရက်နေ့တွင် ကျင်းပကြမည်၊ ထိုနေ့တွင် ကျောင်းသား အလံ (ခွပ်ဒေါင်းတံဆိပ်) ကို ပြန်လွှင့်မည်၊ ထိုဈာပနကို ရန်ကုန်တက္ကသိုလ် ကျောင်းသားများ လိုက်ပါပို့ဆောင်ကြမည် .. စသည်ဖြင့် စီစဉ်ထားကြသည်။
ထိုသတင်းက ကျောင်းသားများကြားတွင်လည်း ပျံ့နှံ့နေပြီ။ ထိုသို့စီစဉ်နေစဉ် ၁၅ ရက်နေ့တွင် စက်မှုတက္ကသိုလ် ပိတ်လိုက်သည်။ ၁၆ ရက်နေ့ကြတော့ စက်မှုတက္ကသိုလ်က ကျောင်းသားတအုပ် ရန်ကုန်တက္ကသိုလ်သို့ ရောက်လာကာ ပူးပေါင်းသည်။
ကျောင်းသားများ ချီတက်ကြတော့ ကိုတင်အေးက ကျောင်းသားအလံကို မြှောက်တင်ပေးလိုက်ရာ တယောက်က ဝါးလုံးတွင်ချည်၍ ချီတက်သွားသည်ဟု ဆိုသည်။
“နောက်ဆုံးမြင်လိုက်ရတာက အင်းလျားကန်ဘောင်ပေါ်မှာ ခွပ်ဒေါင်းအလံ တလူလူနဲ့ ပြေးနေတဲ့မြင်ကွင်းပဲ” ဟု ကိုတင်အေးက ပြောပြသည်။ ထိုအလံကို ကိုင်ဆောင်ထားသည်မှာ မည်သူမည်ဝါဟု မသိရဘဲ ရန်ကုန် တက္ကသိုလ် အရန်တပ်ရင်းက ကျောင်းသားတယောက်ဟု ယူဆရကြောင်း ကိုတင်အေးက ပြောသည်။
ကိုတင်အေးသည် ငွေစက္ကူအရေးအခင်း၊ ကိုဖုန်းမော်အရေးအခင်းများ မတိုင်မီကတည်းက အာဏာရှင်တို့၏ မတရားမှုများကို နာကြည်းနေခဲ့ပြီဟု ဆိုသည်။
“တက္ကသိုလ်ရောက်လာတော့ တခြားတိုင်းပြည်တွေနဲ့ ကွာဟတာတွေ၊ အာဏာရှင်အသိုင်းအဝန်းနဲ့ သာမန်အရပ်သား ခြားနားတာတွေ၊ အစစအရာရာ ဆုတ်ယုတ်တာတွေ ပိုသိ၊ ပိုခံစားလာရတယ်” ဟု သူက ပြောပြသည်။
စစ်အစိုးရ၏ အကျဉ်းထောင်ထဲတွင် ၁၅ နှစ်နှင့် ၉ လကျော် အကျဉ်းချခံခဲ့ရပြီး နိုင်ငံရေးလှုပ်ရှားမှုများတွင် ကျောင်းသားခေါင်းဆောင် တဦးအဖြစ် ရှေ့တန်းမှ ပါဝင်ခဲ့သော ကိုတင်အေးသည် ကျောင်းသားဘဝက စစ်တုရင် လက်ရွေးစင်တဦး ဖြစ်ခဲ့သည်။
စစ်တုရင်သမား တဦးအဖြစ် တက္ကသိုလ်လက်ရွေးစင်မှ တဆင့် နိုင်ငံ့လက်ရွေးစင်အဆင့်အထိ အရွေးခံ ခဲ့ရသော်လည်း သူ့ကို အစိုးရက ရှေ့ဆက် သွားခွင့်မပေးခဲ့၊ နိုင်ငံတကာ ပွဲများတွင် ဝင်ရောက် ယှဉ်ပြိုင်ခွင့်မရခဲ့။
၁၉၈၅ ခုနှစ်က ဆိုဗီယက်ယူနီယံ အစိုးရက နှစ်နိုင်ငံချစ်ကြည်ရေးအဖြစ် မြန်မာနိုင်ငံမှ စစ်တုရင် လက်ရွေးစင် ၅ ဦးကို စားရိတ်ငြိမ်း ပညာတော်သင်စေလွှတ်ရန် ဖိတ်ခေါ်ခဲ့သည်။ ထိုနှစ်က ကိုတင်အေး လက်ရွေးစင်ဖြစ်ခဲ့သည်။ သို့သော် သူတို့ သွားခွင့်မရခဲ့။ မည်သည့်နိုင်ငံတကာ ပြိုင်ပွဲများတွင်မှ ပါဝင်ယှဉ်ပြိုင်ခွင့် မရခဲ့။
“ဒီအဖြစ်အပျက်တွေက ကျနော့်ရဲ့ သီးခြား ခံစားချက်ပါ။ ဒါပေမယ့် ကျနော် နိုင်ငံရေးကို စိတ်ဝင်စားခဲ့ရတဲ့ အကြောင်းရင်းတွေထဲမှာ ဒါတွေလည်း ပါတယ်” ဟုကိုတင်အေးက ပြောသည်။
၁၉၈၉ ခုနှစ် စစ်အာဏာသိမ်းပြီး နောက်ပိုင်း စစ်အစိုးရ၏ ဖိနှိပ် နှိမ်နင်းမှုများကြောင့် မြန်မာပြည်တွင်း နေထိုင်ရန် မဖြစ်နိုင်တော့သည့် အနေအထားတွင် ကျောင်းသားများ တောခိုခဲ့ရာ မခင်ဥမ္မာလည်း ထိုအထဲတွင်ပါဝင်ခဲ့သည်။
ထိုစဉ်မှစ၍ မြန်မာနိုင်ငံ ဒီမိုကရေစီနှင့် လူ့အခွင့်အရေးများ ရရှိရေးအတွက် တရက်မနား ဆောင်ရွက် နေခဲ့သည်မှာ ယနေ့တိုင်ဖြစ်ပြီး ထိုသို့ ဆောင်ရွက်ချင်သည့် စိတ်ဓာတ်၏ အရင်းခံမှာ စစ်အာဏာရှင် အစိုးရ၏ မတရားမှု၊ ရက်စက်မှုများမှ စတင် သန္ဓေတည်ခဲ့ခြင်း ဖြစ်သည်ဟု မခင်ဥမ္မာက ပြောပြသည်။
ကိုဖုန်းမော်၊ ကိုစိုးနိုင်တို့ ကျဆုံးခြင်းများ အပါအဝင် တံတားဖြူသွေးစွန်းခဲ့ရသည့် အဖြစ်အပျက်များကို စစ်အာဏာရှင်တို့က ဖျောက်ဖျက်ကာ မှေးမှိန်စေခဲ့သော်လည်း သူတို့၏ ပေးဆပ်မှုကြောင့် သူတို့ဝိညာဉ်များက မည်သည့်အခါမှ သေဆုံးမည် မဟုတ်ကြောင်း ထိုင်း - မြန်မာ နယ်စပ်အခြေစိုက် ဒီမိုကရေစီနှင့် ဖွံ့ဖြိုး တိုးတက်ရေး (NDD) ဥက္ကဌ တာဝန် ယူထားသူ မခင်ဥမ္မာက ဆိုသည်။
“ကိုဖုန်းမော်အပါအဝင် ကျဆုံးခဲ့တဲ့ ကျောင်းသား၊ ကျောင်းသူ တွေရဲ့ သွေးတွေ အလကား မဖြစ်စေရဘူး။ အဲဒီအတွက် ကျမတို့ ဒီမိုကရေစီအရေးအတွက် တိုက်ပွဲ ဆက်ဝင်နေဦးမယ်။ သူတို့ရဲ့ပေးဆပ်မှုကို အားယူပြီး ဆက်သွားမယ်။ သူတို့ ရောက်ရာအရပ်က ဂုဏ်ယူစေရမယ်” ဟု မခင်ဥမ္မာက ပြောသည်။
မြန်မာနိုင်ငံ သမိုင်းတွင် ကျောင်းသားမျိုးဆက်ဆိုသည်မှာ အစဉ်အမြဲ အသစ်ဖြစ်ပေါ်နေသည်ဟု ၁၉၈၈ ခုနှစ်က ကျောင်းသားသမဂ္ဂကို ပြန်လည်တည်ထောင်ရာတွင် တဦးအပါအဝင်ဖြစ်ခဲ့သူ ကိုတင်အေးက ပြောပြသည်။ ကိုတင်အေးမှာ လက်ရှိတွင် ထိုင်း - မြန်မာနယ်စပ် မဲဆောက်မြို့တွင် နေထိုင်လျှက်ရှိပြီး ဗမာနိုင်ငံလုံးဆိုင်ရာ ကျောင်းသားများ သမဂ္ဂအဖွဲ့ချုပ်၏ နိုင်ငံခြားရေး တာဝန်ခံအဖြစ် ထမ်းဆောင်လျှက်ရှိသည်။
“တချို့က မြန်မာ့ ဒီမိုကရေစီအရေး တိုက်ပွဲကြီးက ကြာလာပြီ အီနေပြီလို့ ပြောကြတယ်။ ဒါပေမယ့် ကျောင်းသားတွေ ကြားမှာ ဒီပြဿနာမရှိဘူး။ ကျနော်တို့ရှေ့က ကျောင်းသားတွေဆီကတဆင့် ကျနော်တို့ လက်ဆင့်ကမ်း သယ်ခဲ့ကြတယ် .. ။ ခွပ်ဒေါင်းအလံ ဆိုတာ ကျနော်တို့ လက်ထက်ကျမှ ဖြစ်လာတာ မဟုတ်ဘူး။ ကျနော်တို့သယ်လာတဲ့ ကျောင်းသားအလံကို ၂၀၀၇ ကျောင်းသားတွေအထိ ဆက်သယ်တာ တွေ့ရတယ်။ အဲဒီတော့ ကိုယ်နေတဲ့ နိုင်ငံရဲ့ ကျောင်းသားတာဝန်၊ ကိုယ့်ပြည်သူလူထုအတွက် သမိုင်းပေးတာဝန်တွေကို အဲဒီခေတ်ရဲ့ ကျောင်းသားတွေက ထမ်းကို ထမ်းရမယ်။ ထမ်းမယ်လို့လည်း ကျနော် ယုံကြည်တယ်” ဟု ကိုတင်အေးက ကိုဖုန်းမော်နေ့ အထိမ်းအမှတ်အဖြစ် ပြောသည်။
အေးချမ်းမြေ့
၂၀၀၉၊ မတ်လ ၁၃ ရက်နေ့က လူ့အခွင့်အရေးနေ့ အထိမ်းအမှတ်အဖြစ် ဧရာဝတီ ဝက်ဘ်ဆိုက်တွင် ဖော်ပြခဲ့သည့် ဆောင်းပါးကို အနည်းငယ် ပြင်ဆင်၍ ပြန်လည် ဖော်ပြသည်။
ဧရာဝတီမှ ကူးယူဖေါ်ပြသည်။
12/3/11 12:51 AM မှာ တင်တဲ့ပို့စ်ကို ဒီနှစ် ကိုဖုန်းမော်နေ့ အထိမ်းအမှတ်အဖြစ် အပေါ်ခဏ ပြန်တင်ထားပါတယ်။
5 comments:
အသက်ရော သွေးရော ရင်းခဲ့ ကြချင်း အတူတူ ကိုဖုန်းမော် နာမည်ဘာကြောင့် ကျန်ခဲ့ တာလဲ သိချင်တယ် အကြောင်းတော့ ရှိမှာပေါ့  သူ့ လိုပဲ အသက်စတေး ခဲ့ ရတဲ့  ကျောင်းသားတွေအများကြီးပဲလေ မသိလို့ မေးတာပါ။ မမှီခဲ့ လို့ ပါ။
ငမူး
ငမူး ပြောတာ မှန်တယ်။ အသက်ပေးတာချင်း တူပါတယ် အားလုံးဟာ အာဇာနည်တွေ ဖြစ်တယ်။ ဒါပေမဲ့ မတူတဲ့အချက်က ကိုဖုန်းမော်အသက်ပေးခဲ့ရခြင်းရဲ့ အကျိုးဆက်နဲ့ တခြားသူတွေ အသက်ပေးခဲ့ရခြင်းရဲ့ အကျိုးဆက်က ကွာပါတယ်။ သူအသက်မပေးခင်က မဆလ အစိုးရ ၂၆ နှစ်တာ အုပ်ချုပ်လာတဲ့ ကာလတလျှောက်မှာ ဦးသန့် အရေးအခင်းနဲ့ မှိုင်းရာပြည့်အရေးခင်းတွေ ပေါ်ပေါက်ခဲ့ပေမဲ့ အဲဒီရဲ့အကျိုးအဆက်အနေနဲ့ အာဏာရှင်တွေကို တုန်လှုပ်စေတဲ့အဆင့်ထိ မကိုင်လှုပ်နိုင်ခဲ့ဘူး။ မိမိဆန္ဒကို မိမိဖေါ်ထုတ်ပြမှုသာ ရှိခဲ့ပါတယ်။ ကိုဖုန်းမော် ကျဆုံးခြင်းဟာ ရှစ်လေးလုံး လူထုအုံကြွမှုကြီးကို အစပျိုးပေးခဲ့ပါတယ်။ ကျောင်းသား ပြည်သူတွေရဲ့ ရင်ထဲမှာ ကိန်းအောင်းနေတဲ့ အာဏာရှင်ကို တော်လှန်မှ ဖြစ်မယ် အာဏာရှင်တွေဟာ လုံးဝမမတရားဘူးဆိုတဲ့ အသိနဲ့ တော်လှန်ရေး အသိစိတ်ဓါတ်တွေကို ကိုဖုန်းမော်ရဲ့ အသက်နဲ့ ရင်းပြီးမှ ကျန်တဲ့သူတွေမှာ ပိုမိုပြင်းပြစေခဲ့ပါတယ်။ ကိုဖုန်းမော် အသက်ပေးလိုက်ခြင်းဟာ ရှစ်လေးလုံး လူထုအရေးတော်ပုံကြီးကို စတင်မွေးဖွားပေးလိုက်ခြင်း ဖြစ်ပါတယ်။ ၈၈ လူထုအုံကြွမှုကြီးကြောင့် တပါတီ အာဏာရှင်စနစ် ပြုတ်ကျခဲ့ပါတယ်။ သူကျဆုံးခြင်းနှင့်အတူ မြန်မာနိုင်ငံမှာ ဒီမိုကရေစီ လူ့ခွင့်အရေး ရှိမှဖြစ်မယ်ဆိုတဲ့ အသိကို မြို့ပေါ်ရှိ ပညာတတ် ကျောင်းသားတွေမှာတင်မကဘဲ တနိုင်ငံလုံး အတိုင်းအတာအထိ ပြည်သူလူထုဆီ ပြန့်နှံအောင် လုပ်နိုင်ခဲ့ပါတယ်။ ဒါကြောင့် ရှစ်လေးလုံး လူထုအုံကြွမှုကြီးဟာ ကိုဖုန်းမော် အသက်နဲ့ ရင်းပြီးရလာတဲ့ အကျိုးဆက်ဖြစ်တယ်။ ဒီလောက်ဆိုရင် ကိုဖုန်းမော် နာမည်က တခြားအသက်ပေးသွားသူတွေ နာမည်ထက် ဘာကြောင့် ပိုပြီးထင်ရှားနေတယ်၊ လူတွေက ဘာကြောင့် ဒီလောက် ဂုဏ်ပြုနေတယ်ဆိုတာ ငမူး ရှင်းလောက်ပြီထင်တယ်။ အစ်မ ကလေးနေမကောင်းလို့ အကြောင်းပြန်နောက်ကျသွားတာ ဆောရီးပဲနော့်။
ဒါ ဆို ရင် မ ငယ် နိုင် ရော တိုင်း ပြည် အ တွက် ဘာ တွေ လုပ် ခဲ့  ပြီး ပြီ လဲ .. တည်ပြိမ် စ ပြု နေ ပြီ ဖြစ် တဲ့  ကိုယ့်  တိုင်း ပြည် ထဲ မှာ နိုင် ငံ ခြား ပြန် ဒီ မို က ရေ စီ ဖက် တော် သား တွေ ရဲ့  talent လို အပ် မယ် လို ထင် မိ သ လား .. အ ခု အ ချိန် မှာ တိုင်း ပြည် အ တွက် မ ဖြစ် မ နေ အ ရေး အ ကြီး ဆုံး သော ပြု ပြင် ပြောင်း လဲ မှု တ ခု က ဘာ လို့ ထင် လဲ ဟင် ..
အဓိကစိတ်ဓါတ်နဲ့ အကျင့်တွေကိုပြင်ဖို့ လိုပါတယ်။အမြီးကျက်အမြီးစား၊ခေါင်းကျက်ခေါင်းစားနဲ့  ၂-ယောက်ဖွဲ့ ရင် ၃-ဖွဲ့ကွဲတဲ့ အကျင့်ရယ်။ ငါသာမင်းသားကြီးဖြစ်ချင်တဲ့ အကျင့်ရယ်၊အခွင့်ရေးရတုံးယူထားမယ်ဆိုတဲ့ စိတ်ဓါတ်ရယ်ပါ။
အဓိကစိတ်ဓါတ်နဲ့ အကျင့်တွေကိုပြင်ဖို့ လိုပါတယ်။အမြီးကျက်အမြီးစား၊ခေါင်းကျက်ခေါင်းစားနဲ့  ၂-ယောက်ဖွဲ့ ရင် ၃-ဖွဲ့ကွဲတဲ့ အကျင့်ရယ်။ ငါသာမင်းသားကြီးဖြစ်ချင်တဲ့ အကျင့်ရယ်၊အခွင့်ရေးရတုံးယူထားမယ်ဆိုတဲ့ စိတ်ဓါတ်ရယ်ပါ။
Post a Comment