သူ့အတွက် လက်ဆောင်

သူနဲ့ကျွန်မက အကြိုက်ဆိုလို့ ရွေးစရာဘာမှ မရှိတဲ့ ကာလနဲ့ဒေသမှာ တုန်းကတော့ ဘာမှ ထူးထူးခြားခြား ကွာခြားမှုမရှိခဲ့ပေမဲ့ အခုလို ရွေးစရာတပုံကြီး ရှိနေတဲ့ နေရာကိုရောက်လာတော့ ၀ါသနာမတူ၊ သူ့အကြိုက်၊ ကိုယ့်အကြိုက်လုံးဝမတူ၊ သူပျော်မွေ့တဲ့ ဘ၀နဲ့ ကိုယ်ပျော်မမွေ့တဲ့ဘ၀၊ သူမျှော်မှန်းတဲ့ ဘ၀နဲ့ ကျွန်မမျှော်မှန်းတဲ့ဘ၀ လုံးဝကွာခြားနေတာကို သိလာရသလို တယောက်နဲ့တယောက် တွေ့ချိန်သိပ်မရှိပဲ Communication မရှိဖြစ်ခဲ့တော့ စကားလည်း သိပ်မပြောဖြစ် ပြောဖြစ်တဲ့အခါတွေမှာလည်း တယောက်နဲ့တယောက် အတွေးအခေါ်တွေက အတော်ကို ကွာဟနေတာကိုသာ အများဆုံး တွေ့ရပါတယ်။ အကြိုက်မတူတဲ့ သူနှစ်ယောက်ဟာ ဘယ်လောက်ပဲချစ်ချစ် တယောက်နဲ့ တယောက် နားလည်မှု မပေးနိုင်ရင် ရေရှည်မဖြစ်နိုင်ပါဘူး။ ဒီလို နားလည်မှု ပေးဖို့ဆိုတာကလည်း Communication မရှိရင် မဖြစ်ပါဘူး။ Communication ဟာ လူလူချင်း ဆက်ဆံတဲ့ နေရာမှာ အရေးကြီးဆုံး ဖြစ်တယ်ဆိုတာကို ကျွန်မ လက်တွေ့ သိရပါတယ်။

ကျွန်မတို့ နှစ်ယောက်ဟာ အစားအစာမှာ ကျွန်မက ဟင်းသီးဟင်းရွက် သိပ်ကြိုက်ပေမဲ့ သူက ဒါကို မကြိုက်ပဲ ကျွန်မ လုံးဝအနံ့ခံလို့မရတဲ့ ဆိတ်ကလီစာတို့၊ အမဲသားတို့၊ အသားတို့ကို သိပ်ကြိုက်တယ်။ ကျွန်မက အသားဆိုလို့ ရေထွက်ပစ္စည်းတွေပဲ စားပြီး ရေထွက်ပစ္စည်းတွေမှာတောင်မှ ရေချိုကထွက်တဲ့ ကြေးခွံမပါတဲ့ ငါးတွေကို စိမ်းစိမ်းချောက်ချောက် ကျွန်မ လုံးဝအနံ့ခံလို့မရပဲ ပင်လယ်က ထွက်တဲ့ ငါးကိုပဲ ကြိုက်ပေမဲ့ သူက ကျွန်မအနံ့ခံလို့မရတဲ့ ရေချိုငါးတွေကိုမှ ကြိုက်တယ်။ နှစ်ယောက်စလုံး ငပိကြိုက်ကြပေမဲ့ သူက ရေကျိုငပိကို ကြိုက်ပြီး ကျွန်မက မျှင်ငပိကိုပဲကြိုက်တယ်။ ၀ါသနာအရလည်း သူက လူတရုန်းရုန်းနဲ့ သီဆိုတီးမှုတ် ကခုန်နေတာကို ကြိုက်ပေမဲ့ ကျွန်မက အေးအေးဆေးဆေး စာဖတ်နေရတာ၊ အင်တာနက်မှာ ဘလော့ဂ်တွေ တခြား Site တွေကို လိုက်လည်နေရတာ ပိုကြိုက်တယ်။ အဆိုးဆုံးက ကျွန်မသိပ်ဝါသနာပါတဲ့ ဘလော့ဂ်ဖတ်ခြင်း၊ ဖတ်ပြီးမှတ်ချက်တွေ ရေးခြင်းနှင့် ဘလော့ဂါတွေနဲ့ ရင်းရင်းနှီးနှီး ပြောဆိုဆက်ဆံခြင်းကို သူကအရေမရ အဖတ်မရဆိုပြီး တော်တော်လေး ခါးခါးသီးသီး ပြစ်တင်ရှုပ်ချခဲ့ပါတယ်။ သူ အလုပ်က ပြန်ရောက်ချိန်က ကျွန်မအိပ်နေချိန်၊ မနက်ပိုင်းကျွန်မ ကျောင်းသွား/အလုပ်သွားချိန်မှာ သူကအိပ်တုန်းအချိန်ဆိုတော့ ကျွန်မတို့ နှစ်ယောက် ကွန်မြူနီကေးရှင်း လုပ်ဖို့အချိန်ကလည်း တော်တော်ကို ရှားပါတယ်။ အကြိုက် အားလုံးကလည်း ပြောင်းပြန်တွေချည်းပဲမို့ သူ့နဲ့ ကျွန်မနဲ့ တော်တော်လေးကို အကြိုက်မတူ စရိုက်မတူတဲ့ ဒဏ်ကိုခံခဲ့ရပြီး နားလည်မှုတွေ လွဲခဲ့ပြီး Communication မလုပ်ချင်လောက်တဲ့အဆင့် ရောက်ခဲ့ဖူးပါတယ်။

သို့သော်လည်း ကံကောင်းထောက်မစွာနဲ့ သူပေးထားတဲ့ လက်ဆောင်လေးက ကျွန်မတို့နှစ်ယေက်ကို စိတ်မပျက်အောင် တယောက်ကိုတယောက် ထိန်းထားနိုင်ခဲ့ပါတယ်။ နောက်တခုက အနောက်နိုင်ငံတွေ စီးပွားရေးကပ်ဆိုက်မှုကြီးကြောင့် ရိုက်ခတ်ခံရတဲ့ အော်စီ စီးပွားကျမှုက ကျွန်မတို့နှစ်ယောက်ကို နားလည်မှုပြန်ရအောင် ဖန်တီးလာခဲ့ပါတယ်။ အော်စီ စီးပွားကျတော့ သူအလုပ်လုပ်နေတဲ့ ကုပ္မဏီက အရှုံးပေါ်ပြီး ပြုတ်သွားလို့ လုပ်စရာ မရှိဖြစ်နေချိန်မှာ အစိုးရကို အလုပ်ပြစရာ ရှိသွားအောင် သူက TAFE (Technical And Further Education) လို့ ခေါ်တဲ့ နယူးဆောက်ဝေးက ကောလိပ်တခုမှာ Commersial အာဟာရတွေပါ တွက်ချက်ရတဲ့ ကို့စ်တခု တက်ဖြစ်သွားတယ်။ အဲဒီကို့စ်မှာ အစားအစာတိုင်းအတွက် ဘယ်အစားအစာမှာ ဘာအာဟာရ ဘယ်လောက်ရှိတယ်ဆိုတဲ့ Nutrition နဲ့ ပတ်သက်ပြီး Calory တွေကိုလည်း အတိအကျ သင်ရတော့ ဘယ်အစားအစာက ကောင်းတယ်၊ ဘယ်အစားအစာက မကောင်းဘူးဆိုတာ သူသိသွားတယ်။ ကျောင်းတက်တော့ အလုပ်လုပ်တုန်းကလို မဟုတ်ပဲ တယောက်နဲ့ တယောက် Communication လုပ်ဖို့ အချိန် ပိုရလာတော့ စကားတွေ ပိုပြောဖြစ်တယ်။ ခါတိုင်းဆို အာဟာရနဲ့ ပတ်သက်ပြီး ကျွန်မ ပြောပြတာကို စာအုပ်ကြီးအတိုင်းသာ လိုက်လုပ်နေရင်တော့ စားစရာသောက်စရာ ဘာမှရှိတာ့မှာမဟုတ်ဘူးလို့ ခနဲ့ပြီး ပြန်ပြောခဲ့တဲ့ သူကိုယ်တိုင်က ကျွန်မကို အစားအစာနဲ့ ပတ်သက်ပြီး ဂုဏ်ယူပြီး ဆရာပြန်လုပ်တာတွေ ရှိလာပါတယ်။

ကျွန်မ ဟင်းသီးဟင်းရွက် ချက်ထားပေးတာကို တခါမှ မစားခဲ့တဲ့သူက နောက်ပိုင်းတော့ ကျွန်မ မအားလို့ မချက်စားဖြစ်တဲ့ နေ့တွေမှာ သူကိုယ်တိုင် ချက်ပြီး ဟင်းသီးဟင်းရွက်ဆိုတာ နေ့တိုင်းစားသင့်တယ်၊ ဘာရောဂါကို ကာကွယ်တယ် ဆိုတာမျိုးတွေ ပြောပြီး ကျွန်မကို ဆရာပြန်လုပ်ပြီး ဆုံးမလာတာတွေ ရှိလာပါတယ်။ နောက်ပြီး အနှစ်နှစ်အလလက မီးဖိုချောင်အလုပ်ဟာ မိန်းမတွေအလုပ်လို့ သူယူဆလို့ ကျွန်မနဲ့ တချိန်လုံး ငြင်းခုန်လာခဲ့တဲ့ သူရဲ့ အတွေးအခေါ်တွေ ပြောင်းလာပြီး မီးဖိုချောင်ကိစ္စမှာ ၀ိုင်းလုပ်တာတွေ ရှိလာသလို သူစားချင်တာကို သူကိုယ်တိုင် ချက်ပြုတ်ပြီး စားတတ်လာတယ်၊ ကျွန်မတို့ သားအမိကိုလည်း လက်စွမ်းပြပြီး ချက်ကျွေးတတ်လာတယ်။ ခါတိုင်း ကျွန်မ Assignment Due Date တွေမှာ မအားလို့ မချက်ဖြစ်ရင် ဆူဆူအောင့်အောင့်နဲ့ ချက်စားတတ်တဲ့သူဟာ နောက်ပိုင်းကျတော့ ပျော်ပျော်ပါးပါးနဲ့ ချက်ပြီး စားတာကို တွေ့လာရတယ်။ ကိုယ်အလေးချိန် BMI ၂၅ ထက်ကျော်ရင် ၀ိတ်လျှော့ရကောင်းမှန်း သိလာတယ်။ ဒါကြောင့် သူ့ခန္ဓာကိုယ်ဟာ အမြဲတမ်း ပုံမှန် ရှိသင့်ရှိထိုက်တဲ့ အချိုးအစားမှာပဲ ရှိလာတယ်။ ကျန်းမာစွာ နေထိုင်စားသောက်မှု အပါအ၀င် ဗိုက်ကြွက်သားမှာ ရှိတဲ့ အဆီတွေဟာ နှလုံးရောဂါကို အများဆုံးဖြစ်စေတဲ့ အဆီတွေဆိုတဲ့ ကျွန်မ ပြောတာကို သူလက်ခံလာတယ်။ သူဟာ တဖြည်းဖြည်းနဲ့ ကျွန်မနဲ့ လိုင်းတူလာပြီး သူ့မှာ ကျွန်မအတွက် တဖြေးဖြေးနဲ့ အမှတ်ပေးစရာတွေ ပြန်များလာပါတယ်။ အဲဒါဟာ အော်စီ စီးပွားကျခြင်းကြောင့် သူကျောင်းတက်ရခြင်းရဲ့ အကျိုးကျေးဇူးပါပဲ။ ကျွန်မထင်တယ် အခုဆိုရင် သူ့နေထိုင်နိုင်မယ့် သက်တမ်းကို တွက်ကြည့်ရင် အော်စီ စီးပွားမကျခင်က နှုန်းတိုင်း နေထိုင်စားသောက်တာထက် အခုလို ကျန်းမာရေးနဲ့ ညီညွတ်အောင် နေထိုင် စားသောက်ပုံက ၁၅ နှစ် အနှစ် ၂၀ လောက်တော့ သူအသက် ပိုရှည်လိမ့်မယ်ထင်တယ်။

နောက်တခုက အရင်က ဘလော့ဂ်ဖတ်တာကိုတောင် အရေမရအဖတ်မရလို့ ပြောခဲ့တဲ့သူဟာ နောက်တော့ ကျွန်မ မဖတ်ဖူးတဲ့ ဘလော့ဂ်တွေ လိုက်ဖတ်ပြီး ကျွန်မတို ညွှန်းပေးလို့ ကိုလူထွေး ဘလော့ဂ်အပါအ၀င် နောက်ပိုင်း ဖတ်ဖြစ်တဲ့ တချို့ဘလော့ဂ်တွေမှာ သူညွှန်းပေးလို့ ဖတ်ဖြစ်တဲ့ ဘလော့ဂ်တွေ ရှိလာတယ်။ အရင်က ကျွန်မနဲ့ အစစအရာရာ ဆန့်ကျင်ဘက် ဖြစ်နေခဲ့တဲ့ သူဟာ ကျွန်မကို ချစ်လို့ ယူခဲ့တာ လုံးဝ မဟုတ်နိုင်ဘူးလို့တောင် ကျွန်မထင်ခဲ့ရာကနေ သူကျွန်မကို ချစ်ကြောင်းကို ပြီးခဲ့တဲ့နှစ် ဒီအချိန်က ပြဿနာတခု ဖြစ်တဲ့အချိန်မှာ သိသိသာသာကို သိလိုက်ရပါတယ်။ ကျွန်မဟာ ကျောင်းသွားရင်သွား၊ မသွားရင် အလုပ်သွားနေတာပဲ များလို့ ကျွန်မဘ၀မှာ Holiday ဆိုတာ တကယ်ပဲ မရှိခဲ့ဖူးဘူးလို့ ပြောရလောက်အောင် ရှားပါတယ်။ ဒါကြောင့်မို့ ကျွန်မတို့ မိသားစုဟာ ၃ ယောက် ဆုံတဲ့အချိန်ဆိုလို့ သိပ်ကို နည်းပါတယ်။ အခု ဒီနှစ်တော့ ကျွန်မ လုပ်တဲ့ ဆေးရုံက Ward တွေ Holiday ကာလမှာ Combine လုပ်ထားလို့ ကျွန်မတို့လို Casual Staff တွေ အလုပ်သိပ်မရှိဘူး။ ဒါကြောင့်မို့ ဒီကျောင်းပိတ်ရက်မှာ အလုပ်မလုပ်ပဲ ထောက်ပံ့ကြေးနဲ့ပဲ ရပ်တည်လို့ ရအောင် မနေ့က Job-Network လို့ ခေါ်တဲ့ အစိုးရက အလုပ်ရှာဖွေပေးရေး ဌာနမှာ Register သွားလုပ်ပြီး အလုပ်မရှိတဲ့သူ စာရင်းထဲ သွားထည့်ကာ ဒီတခါတော့ ကျွန်မ Holiday တကယ်ကို ယူပြီးမိသားစုအတွက် အချိန်ပေးဖို့ ဆုံးဖြတ်လိုက်ပါတယ်။ မိသားစုဘ၀ကို ပျော်ရွှင်စေဖို့ဆိုတာ မိသားစု အတူရှိချိန်ဟာ လူတိုင်းအတွက် တကယ်လိုအပ်ပါတယ်။ အတူမရှိရင် Communication လည်းမရှိဘူး Communication မရှိရင် တယောက်နဲ့တယောက် နားလည်မှု လွဲဖို့ဆိုတာ သိပ်ကို လွယ်ပါတယ်။

ကျွန်မ သူ့ဆီက လက်ဆောင် ရဖူးတာ လက်စွပ်လေး တကွင်းနဲ့ တခြားလက်ဆောင်လေးတခုပဲ ရှိပြီး လက်စွပ်ကတော့ ကျွန်မလက်နဲ့ မကိုက်တော့လို့ လဲလိုက်တာ ကြာပါပြီ။ ဒီကျန်တဲ့ လက်ဆောင်လေးကတော့ ကျွန်မအတွက် ပြန်လည် အစားထိုးလို့ ရနိုင်တဲ့ လက်ဆောင်အမျိုးအစား မဟုတ်သလို ဘာနဲ့မှ အလဲအလည် ပြုလို့လည်း မရပါဘူး။ ဒီလက်ဆောင်မျိုးကို ကျွန်မအနေနဲ့ သူ့ဆီကလွဲလို့ တခြားဘယ်သူ့ဆီကမှလည်း လက်ခံရယူလို့မဖြစ်နိုင်တဲ့ သူသာလျင် ကျွန်မကိုပေးနိုင်တဲ့ လက်ဆောင်လေးပါ။ ဒီလက်ဆောင်လေးကို ကျွန်မ အသက်ထက်မက တန်ဖိုးထားပြီး နှစ်သက်စွဲလမ်းရပြီး ဒီလက်ဆောင်လေးကို ထိန်းသိမ်းပြီး ပြုစုပျိုးထောင်ဖို့ ဆိုရင် ကျွန်မဘ၀မှာ ဘာပဲစွန့်ရစွန့်ရ ထိန်းသိမ်းဖို့ လိုတဲ့ တသက်မှာ တခါသာ ရနိုင်တဲ့ လက်ဆောင်မျိုးပါ။ ဒီလက်ဆောင်လေးက သူနဲ့ ကျွန်မ နှစ်ယောက်ပိုင် ဖြစ်တော့ အခုချိန်မှာ သူကကျွန်မကို ပေးထားတဲ့ တခုတည်းသောလက်ဆောင် ဖြစ်သလို ကျွန်မကသူ့ကိုပေးထားတဲ့ တခုတည်းသော တန်ဖိုးဖြတ်လို့ မရနိုင်တဲ့ ရတနာ လက်ဆောင်လို့လည်း ပြောလို့ရပါတယ်။ ဒီလက်ဆောင်လေးကို ရတဲ့အတွက် သူ့ကို ကျွန်မသိပ်ပြီး ကျေးဇူးတင်ပါတယ်။ နောက်ဆုံး သူနဲ့ ကျွန်မ ဘာတခုမှ အကြိုက်ချင်းမတူတော့ဘူး ဆိုရင်တောင်မှ နောက်ဆုံး ဒီလက်ဆောင်လေး အပေါ်ထားတဲ့ သံယောဇဉ်နဲ့ အချစ်တွေတူလို့ သူ့ကို ကျွန်မချစ်ပါတယ်။ အခုတော့ တခြားတူတာတွေလည်း တဖြေးဖြေးနဲ့ များလာပြီဆိုတော့ သူ့ကို ကျွန်မ အရင်ကထက် ပိုချစ်လာပါတယ်။ အခုချိန်မှာ ကျွန်မကျောင်းတက်လို့ အလုပ်များစဉ် သူ့အတွက် တာဝန် ပျက်ကွက်ခဲ့တာ အားလုံးကို ပြန်ဖြည့်ဆည်းဖို့ ကျွန်မဘက်က အဆင်သင့် ဖြစ်နေပါပြီ။ သူ့ရဲ့ ဒီနေ့ (8/12/09) မျာ ကျရောက်တဲ့ မွေးနေ့အတွက် ကျွန်မပေးတဲ့ လက်ဆောင်ကတော့ ဒီနှစ်ကျရောက်တဲ့ Holiday ကာလ အချိန်တွေပါပဲ။

အကြိုက်မတူ၊ သဘောထား မတိုက်ဆိုင်တဲ့ စုံတွဲတွေ အားလုံး Communication ဖြင့် နားလည်မှုကို တည်ဆောက်နိုင်ကြပါစေ။

Posted in: မှတ်တမ်း,အချစ်/မေတ္တာ,မွေးနေ့ဆုတောင်း