သားပေးတဲ့ မိခင်များနေ့ လက်ဆောင် (၂)

အမှတ်တရများ

စက်လှေကို ကမ်းကပ်လာစဉ် နက်ရှိုင်းတောက်ပတဲ့နေရောင်ခြည် ဖုံးလွှမ်းထားတဲ့ မြစ်ကမ်း ရေပြင်က လှပစွာ တလက်လက် ထနေပါတယ်။ အ၀ါရောင် စက်လှေကို ဆိပ်မှာကပ်လိုက်တာနဲ့  တလိပ်လိပ်တက်နေတဲ့ ညင်သာတဲ့လှိုင်းလုံးလေးတွေနဲ့အတူ ကမ်းစပ်မြစ်ရေက ရေစက်ရေပေါက်တွေ ဒလိတ်ကောက်ကွေးနဲ့ ဖြာထွက်လျက် ရှိနေပါတယ်။ ခရီးသည်တွေ အားလုံး သစ်သားဆိပ်ကူးတံတားဟောင်း လေးကတဆင့် စက်လှေထဲကနေ ဆိပ်ပေါ်ကို တဖြေးဖြေးထွက်ခွာလျက် ရှိပါတယ်။ ဒီမြို့ကို မရောက်မီကပင် စက်လှေမှောင်းသမား ခေါင်းဆောင် ဖြစ်သူက အခုရောက်မယ့်ဆိပ်က နောက်ဆုံးဆိပ်ဖြစ်ကြောင်း ကြော်ငြာထားပြီး ဖြစ်တယ်။

စက်ဆီအနံ့တွေနဲ့ ရောနေတဲ့ မြစ်ရေအနံ့ကို သူသတိထားမိလိုက်တယ်။ ကမ်းနားတလျှောက် ဇင်ယော်ငှက်တွေက ဟိုမှသည်မှ တောင်ပံတဖျတ်ဖျတ်နဲ့ လူလာခေါက်တုန့် ပျံသန်းလှုပ်ရှားလျက် ရှိနေပါတယ်။ လမ်းမတွေပေါ်မှာ သစ်ပင်တွေ၊ မိုးမျှော်အဆောက်ဦးတွေကို  စိတ်ဝင်တစားနဲ့ သူတောင်ကြည့်မြောက်ကြည့် မော့ကြည့်နေစဉ် သူ့ရဲ့ စိတ်ဝင်စားမှုအားလုံးက အာခေါင်ခြစ်သံနဲ့ အော်ပြောလိုက်တဲ့ အသံပိုင်ရှင်လေးကြောင့် ပျက်စီးသွားပါတယ်။ သူမက ပန်းရောင် ကုတ်အကျိင်္လေးကို ၀တ်ထားပြီး လူရွယ်ရဲ့ အရပ်တ၀က်ခန့်ရှိတဲ့ ကလေးမလေး တဦး။

လူရွယ်က သက်ပြင်းချပြီး “လာ၊ အဖေဖေ့လက်ကို ကိုင်ထား” လို့ ယဉ်ကျေးစွာ ဆိုတယ်။ သူမရဲ့ပျော့ပြောင်းဖေါင်းအိတဲ့ လက်လေးကို သူရဲ့ ကြမ်းတမ်းပြီး ကျုံလီနေတဲ့လက်ထဲ ထည့်လိုက်တယ်။ သူက သက်ပြင်း ချလျက် သူ့ကိုယ်သူ သဘောကျတဲ့အပြုံးနဲ့ “အမေဖြစ်နေရတာ ကြာပြီပဲ”  လို့ တိုးညှင်းစွာ ပြောလိုက်တယ်။ သူက ကလေးကို စိတ်မရှည်စွာ ကြည့်လျက် “ကဲ သွားကြရအောင် သမီး”  လို့ အရယ်တ၀က်နဲ့ ပြောပြီး သူတို့သားအဖ ကမ်းမှ စတင်ထွက်ခွာကြပါတယ်။

နှစ်ယောက်သား မှန်ကြွေပြားခင်းလမ်းတလျှောက် အတန်ကြာလျှောက်လာကြပြီးနောက် မိုးထိမြင့်မားနေတဲ့ အဆောက်ဦးတွေက သူတို့ကိုယ်ပေါ် အုပ်မိုးလျက် နေရောင်ခြည် မကျရောက်နိုင်အောင် ကာကွယ်နေတယ်။ ကလေးမလေးက လမ်းတလျှောက် သီချင်းလေး အသံသေးအသံကြောင်နဲ့ ညည်းတွားရင်း ခုန်လိုက်ပေါက်လိုက်နဲ့ လျှောက်လာတယ်။ လူရွယ်ကတော့ ကလေးမလေးနဲ့ အနောက်ကနေပြီး မနီးမဝေးမှာ ကပ်ပြီး လျောက်လိုက်လာတယ်။ ကလေးကစားကွင်းဆီကို သွားနေပေမဲ့ သူသွားလိုတဲ့ ကလေးကစားကွင်း ရှိရာနေရာကို ဦးတည်သွားနေတာမျိုးထက် ရောက်တက်ရာရာ ငေးမောလျက် လျှောက်ကြည့်ပြီး သွားနေသလို ဖြစ်နေတယ်။ ငယ်စဉ်က သူနှစ်သက်ပျော်ပါးကျင်လည် ကျက်စားခဲ့ဖူးတဲ့ နေရာဟောင်းကို ရှာဖွေလိုက် အပြောင်းအလဲတွေအပေါ် သုံးသပ်လိုက်နဲ့ လျှောက်လာနေတယ်။ သူ့ရဲ့ ငယ်ဘ၀ကို ပြန်လည် သတိရစေတဲ့ အဖြစ်အပျက် အားလုံးကို သူ့ခေါင်းထဲမှာ စုစည်းလျက် ရှိပါတယ်။ သူ့ရဲ့ လူ့ဘ၀အစ ကလေးဘ၀ကာလ၊ လမ်းလျှောက်ပြီး လူမှန်းသိတတ်စရွယ်၊ မူကြိုကျောင်း၊ ချစ်ရသေအမေ အရာအားလုံးက သူ့အတွက် သတိတရ ဖြစ်စေပါတယ်။

“ကစားကွင်းက ဘယ်လိုမျိုးလဲ ဖေဖေ” ကလေးမလေးက မေးတယ်။
“ဟို.. ဖေဖေ ဒီကိုမရောက်တာ ကြာပြီဆိုတော့ ဖေဖေ (အခုဘယ်လိုနေလဲဆိုတာ) သိပ်တော့မသေချာဘူး သမီး”  လို့ မချင့်မရဲ တုံ့ဆိုင်းစွာနဲ့ သူဖြေလိုက်တယ်။
“သမီးတို့ အိမ်နားမှာ ရှိတဲ့ ကစားကွင်းထက် ပိုကောင်းလား ဖေဖေ” ကလေးမလေးက စိတ်ဝင်စားစွာနဲ့ မေးလိုက်တယ်။
“အဲဒါတော့ ဖေဖေမထင်ဘူး သမီး” လို့ သူရယ်သွမ်းသွေးစွာနဲ့ ဖြေတယ်။
အဲဒီအချိန်မှာပဲ ကလေးမလေးက စကားပြောရင်းနဲ့ တခုခုကို သတိထားမိသွားပြီး “ဒါဖေဖေ သမီးအရွယ်တုန်းက ကစားခဲ့တဲ့ ကစားကွင်း မဟုတ်လား ဖေဖေ” လို့ ကောက်ကာငင်ကာ မေးလိုက်တယ်။ သူမ ညွန်ပြနေရာကို ကြည့်ရင်း “ဟုတ်တယ် သမီး” လို့ သူဖြေလိုက်တယ်။
သမီး သွားကစားမယ် ဆိုပြီး သူမ ခုန်ပျံကျော်လွှားနဲ့ ပြေးထွက်သွားတယ်။

ကမ်းနားကနေ ဆယ်မိနှစ်ခန့် လမ်းလျှောက်လာပြီး နောက်ဆုံးမှာတော့ မြို့လယ်ကို ရောက်လာပါတယ်။ မြို့က မတူကွဲပြားတဲ့ လူမျိုးစုံနဲ့ ပြည့်နက်နေတယ်။ ဈေးဆိုင်တွေဆီက မီးရောင်တလက်လက်, တေးဂီတသံ၊ အကဖျော်ဖြေသံ၊ သီချင်းသံ တညံညံနဲ့ အသံစုံ ကြားနေရတယ်။ (လမ်းဘေးပလက်ဖေါင်းပေါ်က) မြေပြင်ပေါ်မှာ ဒူးထောက်ပြီး တောင်းရမ်းနေသူတွေကိုလည်း တွေ့ရတယ်၊ သတင်းစာ၊ ကြော်ငြာစာရွက် ဝေသူတွေ၊ စာအုပ်ကြော်ငြာသူတွေ မိနှစ်ပိုင်းအတွင်း သူတို့ဆီ ရောက်လာနေတယ်။ စီးပွားရေး လုပ်ငန်းရှင်တွေက တယ်လီဖုန်းကိုယ်စီပြောလျက် လမ်းလျှောက်ရင်း အလုပ်များနေကြတယ်၊ ချစ်သူစုံတွဲတွေ လက်ချင်းချိတ်လျက်၊ အားကစားသမားတွေလည်း လမ်းလျှောက်လေ့ကျင့် ခန်းလုပ်လျက် တွေ့ရတယ်။ သူမှတ်မိခဲ့သမျှ ငယ်ဘ၀က မြင်တွေ့ရတဲ့ အရာအားလုံး တွေ့နေရတယ်။ အရာအားလုံး  ကျန်ရှိနေသေးပါလား  တခုတည်းကလွဲရင် ပေါ့ အဲဒီတခုကတော့ “ကစားကွင်း”။

ညီညာပြန့်ပြူမှု မရှိတဲ့ မြက်ခင်းကို သူကြည့်လိုက်တယ်။ သူငယ်ငယ်က သူ့အမေနဲ့ ပျော်ပျော်ပါးပါး လာကစားခဲ့တဲ့ ကစားကွင်း မရှိတော့ပါ၊ ကောင်စီက နှစ်အတော်ကြာတုန်းကတောင် ကစားကွင်းကို ဖြုတ်လိုက်ပုံရတယ်။ ဖြူနီဝါပြာ ရောင်စုံ ကလေးကစားကွင်းနေရာမှာ အခုတွေ့ရတာက ထိုင်ခုံရှည်တခုနဲ့ သစ်ပင်တပင်တည်း အောက်မှာ စာဖတ်နေသူ မြက်ခင်းပေါ် လဲလျောင်းသူ စုံတွဲတွေ ချစ်တင်းနှောနေသူတွေနဲ့ ပြည့်နက်နေတဲ့ သစ်ပင်တပင်ကိုသာ တွေ့ရတယ်။ ခိုငှက်တွေကို ပေါင်မုန့်တွေ ဆိတ်ပြီး အစာကြွေးတဲ့အချိန်မှာ ဗျိုင်းဖြူငှက်တွေက တကွပ်ကွပ် အော်မြည်လျက် သစ်ပင်အပေါ်နဲ့ အအောက်ကို တောင်ပံတဖျတ်ဖျတ်နဲ့ ရိုက်ခတ်ပြီး ပျံသန်းလှုပ်ရှားလျက်ရှိတဲ့ မြင်ကွင်းတခုပဲ ကလေးဘ၀က မြင်ကွင်းကို ဒီကစားကွင်းရှိတဲ့ နေရာမှာ မြင်တွေ့ရတော့တယ်။ သူစိတ်ပျက်လက်ပျက်နဲ့ သက်ပြင်းတခုကို ချပြီး ကလေးဘ၀က ကစားခဲ့တဲ့ ကစားကွင်းလိုမျိုးကို တွေ့လိုတွေ့ငြား လျှောက်ကြည့်နေမိတယ်။ သေချာအောင်ဆိုပြီး သူ့အနီးနားပတ်ဝန်းကျင်မှာ  အရင်က ရှိခဲ့ဖူးတဲ့ ဒီနား ဟိုနား ရှိခဲ့ဖူးတဲ့ အရာတွေကို တခေါက်ပြန်ကြည့်တယ်။ ဘာမှမတွေ့တော့ပါ။

“ကစားကွင်း မရှိတော့ဘူး မဟုတ်လား” လို့ သမီးလေးက မေးတယ်။
“မရှိတော့ဘူး ထင်တာပဲ”
Shopping ထဲ သွားကြရအောင်လို့ သူမပြောခင် အနီရောင်တိုင်ပေါ်မှာ  သံချေးတက်တနတဲ့ မီးခိုးရောင်ကြိုးနဲ့ ချိတ်ဆွဲထားတဲ့ အနက်ရောင် ဒန်းတခုကို သူမက တွေ့ပြီး ဟိုမှာ ကြည့်ပါဦး ဒန်းတခု လို့ ပြောလိုက်တယ်။ ပြီးတာနဲ့ သူမက သူ့အဖေကို မစောင့်ဘဲ ဒန်းရှိရာကို ပြေးထွက်လာတယ်။ လူရွယ်က ပျော်ရွှင်သွားတဲ့ မျက်နှာနဲ့ သမီးဆီကို လိုက်လျှောက်လာပြီး ဒန်းနားရောက်တော့ သမီးကို ညင်သာစွာ ချီကာ ဒန်းပေါ်တင်တယ်။ ပြီးတော့ သူ့ဒူးကိုထောက်ပြီး ဒန်းစီးခါးပတ်ကို သေချာစွာ ပတ်ပေးတော့ “အဲဒါဘာအတွက်လဲ ဖေဖေ”  လို့ ကလေးမလေးက မေးတယ်။

“သမီးပြုတ်ကျမှာ စိုးလို့ပေါ့” လို့ လူရွယ်က ဖြေတယ်။
သူမက “ အိုကေ” လို့ ပြောပြီး စိတ်ဝင်စား စိတ်လှုပ်ရှားပြီး စူးရှတဲ့မျက်လုံနဲ့ စူးစမ်းစွာ သူ့အဖေကို စိုက်ကြည့်နေတယ်။
သူ့အဖေကလည်း အလားတူ ပြန်ကြည့်ရင်း “သမီးက ဖေဖေ့မေမေ သမီးအဖွားရဲ့ မျက်လုံးကို ပိုင်ဆိုင်ထားတယ်” သမီးသိလား လို့ ရုတ်တရက် မေးလိုက်တယ်။
“ဟုတ်လား” လို့ သူမက ပြန်မေးတော့ “ဟုတ်တယ်” လို့ သူက ပြန်ဖြေတယ်။

“အိုကေပါ” လို့ ပြောပြီး သူမ ကစားချင်တာကလွဲပြီး သူမ သိပ်စိတ်ဝင်စားပုံမရဘူး။
ပြီးတော့ သူမက “ဖေဖေ ဒီနေရာသမီးကြိုက်တယ် သမီးတို့ ခဏခဏ လာကစားရအောင်နော့် ဒီနေရာ ဘယ်လိုခေါ်လဲ တခေါက်ပြန်ပြောပြဦး” လို့ မေးလိုက်တယ်။
“Parramatta” သူဖြေတယ်။

အိုကေ ဒီနာမည် သမီးကြိုက်တယ် လို့ ပြောပြီး “ပါရာမာတာ” လို့ ရေရွတ်လိုက်တယ်။
သူမတ်တပ်ရပ်ပြီး သူမအနောက်ဘက်ကနေ ဒန်းကို ကိုင်ထားတယ်။
“သမီးအဆင်သင့် ဖြစ်ပြီလား” လို့ သူမေးတယ်။
“စောင့်ဦး” လို့ သူမက ဖြေတယ်။

သူမ လက်နှစ်ဘက်ကို အပေါ်မြှောက်တင်ပြီး ဒန်းလွှဲတဲ့အချိန်မှာ မပြုတ်ကျအောင် ဒန်းတွယ်ထာတဲ့ သံကြိုးကို ခေါင်းအရှေ့ရောက်အောင် ဆွဲချပြီး သေချာအောင် လုပ်လိုက်တယ်။
“အိုကေ” လွှဲလို့ ရပြီလို့ သူမပြောတဲ့အချိန်မှာတော့
သူငယ်ငယ် သူ့သမီးအရွယ်က သူ့ကိုသူ့အမေ ဒန်းလွှဲပေးတဲ့ နည်းအတိုင်း သူ့သမီးကို သူလွှဲပေးနေတယ်။

တိုးနန္ဒ (၁၁-၀၅-၁၅)


ပြီးခဲ့တဲ့ အမေများနေ့တုန်းက သားပေးတဲ့ မူရင်းအင်္ဂလိပ်လိုကို အနီးစပ်ဆုံး ဘာသာပြန်ဆိုပြီး fb မှာ တင်ခဲ့တာကို ဘလော့ဂ်မှာ သိမ်းထားချင်လို့ Face book မှ ပြန်လည် ကူးယူဖေါ်ပါတယ်။

ရွှင်လန်းချမ်းမြေ့ကြပါစေ

ဆက်ဖတ်ရန်>>

စာပေဟောပြောပွဲ ရသ

ဆရာ ဦးဘုန်း(ဓာတု) ရဲ့ ဟောပြောချက်




ဆရာညီမင်းညိုရဲ့ ဟောပြောချက်



မြန်မာလူမျိုးစု မြန်မာ့အသံကို ကျေးဇူးတင်ပါတယ်။



2/05/15 ညက ဆစ်ဒနီမှာ ကျင်းပသွားတဲ့ ဗိုလ်ချူပ် ရာပြည့် စာပေဟောပြောပွဲနဲ့
ဂီတဖျော်ဖြေပွဲကို ကျွန်မ သွားခဲ့ပါတယ်။ ဒီပွဲဟာ  စာပေဟောပြောတာမပါဘဲ ဂီတဖျော်ဖြေပွဲသက်သက်ဆိုရင် ကျွန်မသွားဖြစ်မှာ မဟုတ်တာ သေချာပါတယ်။ လူတကာ အားလပ်ရက်ဖြစ်တဲ့ စနေတနင်္ဂနွေမှာ အလုပ်လုပ်သူဆိုတော့ ဆစ်ဒနီမှာ ကျင်းပတဲ့ ရန်ပုံငွေပွဲတွေ အပါအ၀င်  မြန်မာကွန်မြူနီတီက ကျင်းပတဲ့ တခြား အခမ်းအနားတွေကိုလည်း ကျွန်မ သိပ်မရောက်ဖြစ်ဘူး။  ဒါကြောင့်မို့ ရန်ပုံငွေပွဲအတော်များများကို လက်မှတ်ပဲ ၀ယ်ဖြစ်ပြီး ပွဲကို လူကိုယ်တိုင် မသွားဖြစ်တာ အတော်ကြာနေပြီ။

စာပေဟောပြောပွဲတွေကို အွန်လိုင်းမှာ တခါတလေ နားထောင်ဖြစ်ပေမဲ့   လူကိုယ်တိုင် ဟောပြောနေတာကို အပြင်မှာ မျက်စိနဲ့ တပ်အပ် နားနဲ့ဆံ့ဆံ့ ကြားဖူးတာတော့ ကျွန်မတသက်မှာ ပြီးခဲ့တဲ့နှစ်က ဆရာမောင်စိန်ဝင်း (ပုတီးကုန်း) တို့  လာဟောသွားတဲ့ တကြိမ်နဲ့ အခုဒီတကြိမ်ဆို နှစ်ကြိမ်ပဲ ရှိသေးတယ်။ နှစ်ကြိမ်စလုံးက နွှဲခဲ့ဖူးတဲ့ ပွဲတွေအထဲမှာ ကျွန်မအတွက်တော့ အနှစ်သာရ အပြည့်စုံဆုံးနဲ့ ရသအပေးနိုင်ဆုံး ပွဲတွေအဖြစ် ခံစားရပါတယ်။  အခုဒီပွဲအကြောင်း စကြားတဲ့နေ့က ပွဲမှာ စာပေဟောပြောပွဲ ပါမယ် ဘယ်စာရေးဆရာတွေ လာဟောမယ်ဆိုတာ ကြားလိုက်ရတာနဲ့ တကယ်သေချာလားဆိုတာ အရင် စုံစမ်းပြီး သေချာတယ်ဆိုတာနဲ့ အလုပ်မှာ ကြိုပြီးတော့ ခွင့်ယူထားလိုက်တယ်။ မေလ ၂ ရက်နေ့မှာ ကျွန်မတို့ မြန်မာကွန်မြူနီတီက ကျင်းပတဲ့ ပွဲတပွဲကို ကျွန်မ မဖြစ်မနေ သွားစရာရှိလို့ အဲဒီနေ့မှာ ကျွန်မကို Roster လည်းမပေးနဲ့ သူများနေမကောင်း ဖြစ်လို့ဆိုပြီးလည်း အစားမထိုးနဲ့လို့ Roster ဆွဲတဲ့ မန်နေဂျာနာ့စ်ဆီမှာ တခါတည်း အကြောင်းကြားပြီး ကြိုတင် ခွင့်ယူထားခဲ့လို့ ခါတိုင်း အလုပ်လုပ်တဲ့နေ့ဖြစ်ပေမဲ့ ဒီပတ်မှာတော့ ပွဲတော်ကျင်းပရာ Blacktown, Bowman Hall ကို ကျွန်မ ရောက်လာပါတယ်။

  လမ်းမှားပြီး Bowman Hall ကို မရောက်ဘဲ စာကြည့်တိုက်ကို ရောက်သွားလို့  လိုက်ရှာနေတာနဲ့ ကျွန်မရောက်တဲ့အချိန်မှာ ၅ နာရီခွဲခါနီးနေပြီ။  အခမ်းအနားကို ၅ နာရီမှာ စမယ်လို့ ကြော်ငြာထားပေမဲ့ မြန်မာစံတော်ချိန် ထုံးစံအတိုင်း  ကြော်ငြာထားတဲ့အတိုင်း မစဖြစ်သေးလို့ တော်သေးတယ်။ ကျွန်မ ရောက်တဲ့အချိန်မှာတော့ ခန်းမအပြင်ဘက် စာပွဲခုံတွေအပေါ်မှာ ခါတိုင်း ကျင်းပနေကျ အခမ်းအနားတွေလိုပဲ လက်မှတ်အပါအ၀င် စာအုပ်စာတမ်းနဲ့ တခြားရောင်းချစရာတွေ တွေ့ရပြီး အဲဒီရှေ့မှာတော့ လူတွေ အချင်းချင်း အခုမှတွေ့ကြလို့ နှုတ်ဆက်ပြီး သာလားမာလေး မေးနေကြတယ်။ ဒီထဲမှာ ကျွန်မနဲ့ ရင်းရင်းနှီးနှီးသိသူဆိုလို့ တယောက်စ၊ နှစ်ယေက်လောက်စပဲ တွေ့ရပြီး  အခမ်းအနားတွေမှာ မြင်နေကျမို့ အနည်းငယ် မျက်မှန်းတမ်းမိသူတွေနဲ့ လုံးဝမသိသူတွေက ပိုများလို့ ခန်းမအပြင်ဘက်မှာ ကျွန်မအတွက် နှုတ်ဆက်ရမည့်သူ မရှိသလောက်ပါပဲ။

 ခါတိုင်းဆိုရင်တော့ လက်မှတ်ကို ကြိုဝယ်ထားတာများပေမဲ့ ဒီတခါ ကြိုမ၀ယ်ထားဖြစ်လို့ ကျွန်မက လူတွေထက် လက်မှတ်ဝယ်ဖို့ လက်မှတ်ရောင်းတဲ့ စာပွဲခုံကိုပဲ အာရုံပိုရောက်နေတယ်။ လက်မှတ်ဝယ်ဖို့ လှမ်းအ၀င်မှာ ရှေ့ကတယောက်နှစ်ယောက်က  ၀မ်းသာအားရ နှုတ်ဆက်သွားတဲ့ မွန်ပုဆိုးနဲ့ တိုက်ပုံလိုလို အကျိင်္အနက်ရောင်ကို ၀တ်ထားတဲ့ အမျိုးသားတဦးကို ဘယ်မှာတွေ့ဖူးလဲဆိုတာသာမသိပေမဲ့ ဒီလူကို ရင်းရင်းနီးနီး တွေ့ဖူးပါတယ် ဘယ်မှာပါလိမ့်ဆိုပြီး စဉ်းစားနေရင်း သေချာကြည့်တော့ စာရေးဆရာ နှစ်ယောက်ထဲက တယောက်ဆိုတာ  သတိထားမိလိုက်တယ်၊ သူတို့နှစ်ယောက်က ဓာတ်ပုံထဲမှာ ရုတ်တရက်ကြည့်ရင် ခပ်ဆင်ဆင်ဆိုတော့ ဘယ်တယောက်ဆိုတာတော့ မမှတ်မိသေးဘူး။ နောက်မှ အွန်လိုင်းမှာ ဟောပြောတဲ့ ပုံနဲ့ လက်ရှိုမြင်နေရတဲ့ မျက်နှာကို စိတ်ကူးနဲ့ သေချာပြန်တိုက်ကြည့်မှ  ဒါဘုန်းကြီးလူထွက်နဲ့ တူတဲ့တယောက် ဆရာဦးဘုန်း (ဓာတု) ဆိုတာ မှတ်မိသွားတယ်။ ဦးဘုန်း (ဓာတု) က ရုပ်သံတွေမှာပြောနေတဲ့ ပုံတွေထဲကထက် အပြင်မှာ အများကြီး ပိုနုပျိုနေတာ တွေ့ရသလို စာပေဟောပြောနေစဉ်နဲ့ အပြင်မှာ ရိုးရိုးပုံမှန်အတိုင်း စကားပြောနေစဉ် ပြောပုံဆိုပုံ ဟန်ပန်အမူအယာ ကလည်း လုံးဝမတူတော့ ကျွန်မ ရုတ်တရက်မမှတ်မိတာ မမှားဘူးလို့ ထင်တယ်။

ဘယ်သူဆိုတာ မှတ်မိသွားပြီးတာနဲ့ သူနဲ့နှုတ်ဆက် ပြောဆိုနေတဲ့ ကျွန်မ ရှေ့ကတယောက် သွားလိုက်တော့ ဖေါ်ဖေါ်ရွှေရွှေ ရင်းနှီးခင်မင် နှစ်လိုဘွယ် မျက်နှာနဲ့ ကျွန်မနဲ့ အနီးဆုံး အရှေ့တည့်တည့်မှာ ရှိနေသူက ဒီပွဲမှာ ဟောပြောမည့် စာရေးဆရာပါလား ဆိုတဲ့ အသိနဲ့ ၀မ်းသာသွားတာတော့ အမှန်ပဲ ဒါပေမဲ့ ရုတ်တရက် ဘာပြောရမှန်း မသိဘူး။ ဘာမှမပြောဘဲ ဒီအတိုင်း လှည့်ထွက်သွားရင်လည်း ရိုင်းရာကျနေဦးမယ်ဆိုတော့  ကြံမိကြံရာနဲ့ လက်ဆွဲနှုတ်ဆက်လိုက်ရင်း နေကောင်းလား တွေ့ရတာ ၀မ်းသာပါတယ် ပြောပြီးဆက်ပြောစရာ မရှိဖြစ်နေပြန်တယ်၊ ဒါနဲ့ အနောက်မှာလည်း သူ့ကို နှုတ်ဆက်ချင်လို့ စောင့်နေသူတွေ ရှိတာကို အကြောင်းပြုပြီး သွားလိုက်ဦးမယ်ဆိုပြီး လက်မှတ် ၀ယ်တဲ့ဘက်ကို လှည့်ထွက်လာလိုက်တယ်။ ဒါကို  ပြန်တွေးမိတော့ အိမ်ကယောက်ျားက ကျွန်မကို မကြာခဏ ပြောတတ်တဲ့ ကြောင်တောင်တောင်နဲ့ ဘယ်လိုဟာလဲမသိဘူး ဆိုတာနဲ့ ကျောင်းတက်တုန်းက ဒုတိယနှစ် Clinical Placement ကာလ တခုမှာ ကျွန်မတို့ ကျောင်းသားတွေကို စောင့်ရှောက်ဖို့ တက္ကသိုလ်ကနေ Royal North Shore ဆေးရုံမှာ တာဝန်ပေးထားတဲ့ Educator တယောက်က ကျွန်မကို ထောက်ပြဖူးတာကို သွားသတိရတယ်။  “ Professional တယောက် ဖြစ်ဖို့ဆိုရင် လူတယောက်ဟာ မိမိကို တွေ့လိုက်တာနဲ့ ရင်းနှီးဖေါ်ရွေပြီး ချည်းကပ်ဖို့ လွယ်ကူတဲ့ အမူအရာဖြစ်နဲ့ Interpersonal Skills ဆိုတာ မရှိမဖြစ် လိုအပ်ပါတယ်၊ အဲဒီ Skill နင့်မှာ အရမ်းအားနည်းနေလို့ တိုးတက်အောင် လုပ်ဖို့လိုအပ်တယ်” လို့ ထောက်ပြခံရဖူးပါတယ်။

အဲဒီတုန်းကတော့ “ရှင်ထင်သလို မဟုတ်ပါဘူး ကျွန်မက မလိုအပ်ဘဲနဲ့ စကားသိပ်မပြောတတ်လို့ ရှင်အထင်မှားတာပါ၊ မယုံရင် ကျွန်မ စောင့်ရှောက်ဖို့ တာဝန်ပေးထားတဲ့ လူနာတယောက်စီနဲ့ မိသားစုဝင်တွေကို လိုက်မေးကြည့်ပါ” လို့ ပြောပြီး ပြန်ချေပခဲ့ပေမဲ့ စာရေးဆရာ ဦးဘုန်း (ဓာတု) နဲ့ တွေ့တဲ့အချိန်မှာ ကျွန်မဟာ သူတို့ ပြောသလို တကယ်ပဲ ဖြစ်သွားတာ တွေးမိတယ်။ အမှန်ဆို ကိုယ်နေတဲ့မြို့မှာ ဟောပြောဖို့ မြန်မာပြည်ကနေ တကူးတက ရောက်လာတဲ့ စာရေးဆရာ ကိုယ်တိုင်ကလည်း သူတို့ဟောပြောတာကို နားထောင်ချင်လွန်းလို့ အလုပ်မှာ တကူးတက ကြိုတင်ခွင့်တိုင်ပြီး ရောက်လာသူဖြစ်ပြီး အဲဒီနေရာမှာ နည်းနည်းပါးပါးတော့ ၀မ်းသာအားရ ပြောပြီးမှ ထွက်လာသင့်တယ် မဟုတ်လား။ ဒါကိုပြန်တွေးပြီး အခုမှ အားနာနေမိတယ်။

ဟောပြောသွားတဲ့ စာရေးဆရာ ညီမင်းညိုနဲ့ ဦးဘုန်း (ဓာတု) နှစ်ယောက်စလုံးက ရသစာရေးတယ်လို့ သိရတယ်။ ဒါမေပဲ့ သူတို့ရေးတဲ့စာ ကျွန်မ တခါမှ မဖတ်ဖူးဘူး။ သူတို့ကို ကျွန်မသိတာ သူတို့ရေးတဲ့ စာတွေကို ဖတ်လို့ သိတာမဟုတ်ဘဲ သူတို့ဟောပြောတဲ့ စာပေဟောပြောပွဲ ရုပ်သံတွေကို ကြည့်ပြီး သိခဲ့တာ ဖြစ်လို့ သူတို့ရေးတဲ့ စာတွေကို ကျွန်မတခါမှ မဖတ်ဖူးတဲ့အဖြစ်ကို တွေးပြီး သူတို့ကို ကျွန်မအလိုလို အားနားမိတယ်။ ဒါပေမဲ့လည်း သူတို့ပြောတဲ့စကားတောင်မှ ဒီလောက် ရသမြှောက်နေရင် နှုတ်တရာ စာတလုံးဆိုတဲ့ မြန်မာစကားပုံအတိုင်းပဲ သူတို့ရေးတဲ့စာက ဒီထက်မက အဆပေါင်းများစွာ ရသမြှောက်လိမ့်မယ်ဆိုတာ စာကိုဖတ်စရာမလိုဘဲနဲ့တောင် ခန့်မှန်းလို့ ရနိုင်ပါတယ်။ ကျွန်မလိုပဲ  သြစကြေးလျားရောက် ပရိတ်သတ်အများစုက သူတို့ကို စာပေဟောပြောပွဲကြောင့် သိသူပိုများမယ်လို့ ကျွန်မထင်တယ်။ ဒါကြောင့်မို့ ကျွန်မအပေါအ၀င် သူတို့ရေးတဲ့စာကို မဖတ်ဖူးတဲ့ ပရိတ်သတ်တွေကြောင့် ၀မ်းနည်းလိမ့်မယ်လို့ ကျွန်မမထင်ဘူး။

ဒီစာပေဟောပြောပွဲက ဗိုလ်ချူပ်မွေးနေ့ အနှစ်တရာ အထိမ်းအမှတ်အဖြစ် ကျင်းပတဲ့ပွဲဆိုတော့ စာရေးဆရာ နှစ်ယောက်စလုံးက ဗိုလ်ချူပ်အောင်ဆန်းနဲ့ ပတ်သက်တာကို တယောက်ပုံစံတမျိုးစီနဲ့ ပြောပြသွားတာ အကြောင်းအရာ မထပ်ဘဲ စိတ်ဝင်စားစရာ ကောင်းလှတယ်။ ဗိုလ်ချူပ်အောင်ဆန်းအကြောင်းကို ငယ်ငယ်က နေ့ကြီးရက်ကြီးနီးတိုင်း သူငယ်တန်းကနေ ဆယ်တန်းအထိ ကျောင်းမှာ ဆရာဆရာမတွေ အမြဲပြောပြနေလို့ လူမှန်းသိတတ်စအရွယ်ကနေ သိလာပြီး ကိုယ်တိုင် စာဖတ်တတ်တဲ့အချိန်မှာလည်း တွေ့သမျှ ဗိုလ်ချူပ်အောင်ဆန်းအကြောင်းကို သူကိုယ်တိုင်ရေးတဲ့ အတ္ထုပ္ပတ္တိရော အခြားသူတွေ ရေးထားတာတွေပါ လိုက်ဖတ်ဖူးပေမဲ့ သူတို့ပြောသွားတဲ့အထဲမှာ ကျွန်မ မဖတ်ဖူး မကြားဖူးတာတွေ အများကြီးပါနေတာကို တွေ့ရတယ်။  ဗိုလ်ချူပ်နဲ့ တိုက်ရိုက် မပတ်သက်ပေမဲ့ အကြောင်းအရာ ဆက်စပ်မှုရှိတဲ့ မြန်မာပြည်က မြို့ရွာတွေအကြောင်းနဲ့ မြန်မာပြည်မှာ ဖြစ်ပျက်နေတဲ့ လက်ရှိအခြေအနေတွေကိုလည်း  ကြားညှပ်ပြီး ပြောသွားတာ သတင်းဌာနတွေက ဖေါ်ပြလို့ သိရတာထက် မျက်စိထဲမှာ ပိုမြင်လို့ရပြီး အသေးစိတ် ပိုကျတဲ့ အခြေအနေတွေကို ရသနဲ့တကွ တွဲပြီး သိခွင့်ရပါခဲ့ပါတယ်။

ဆရာညီမင်းညိုက လမ်းပမ်းဆက်သွယ်ရေးအကြောင်း ပြောရင်း ဆစ်ဒနီက ဘတ်စ်ကားတွေမှာ ဘီးတပ်ကုလားထိုင် ဒါမှမဟုတ် လျှပ်စစ်ကုလားထိုင် (Electric Chair) နဲ့ လာတဲ့ မသန်စွမ်းသူ ပန်စင်ဂျာတွေကို ဘတ်စ်အလုပ်သမားတွေက အတက်အဆင်း အဆင်ပြေအောင် လမ်းခင်းပေးတာကို မတွေ့ဖူးလို့ ဆိုပြီး တအံ့တသြအနေနဲ့ ပြောနေလို့ Disable မို့ လုပ်ပေးရတာ အထူးအဆန်းမှ မဟုတ်တာလို့ တွေးရင်း ဟုတ်သားပဲ မြန်မာပြည်က disable တွေခရီးသွားရင် ဒီလိုစီစဉ်ပေးတာတာမျိုး မရှိပါဘူး မြန်မာပြည်မှာ မွေးရပ်ဇာတိ မြို့သေးလေးကလွဲပြီး တခြားဘယ်မြို့မှ မရောက်ဖူးတာ ကျွန်မ ဘယ်သိမလဲ မြန်မာပြည်က Disable တွေ သနားစရာပဲလို့ တွေးနေချိန်မှာ သူဆက်ပြောတဲ့ ရန်ကုန်မှာ သာမန်လူတွေ ဘတ်စကားတိုးစီးရပုံကြောင့် Disable အတွက်တွေးပြီး သနားချိန် ကြာကြာ မလိုက်ရဘူး။ မွေးမြူရေးခြံက ကြက်တွေတောင်မှ ခြေချစရာ တပေပတ်ပတ်လည် နေရာ ရသေးတယ်၊ ဘတ်စ်ထဲကလူတွေမှာကျတော့ ခြေချစရာ နေရာ ၆ လက်မတောင် မရှိလို့ ကြက်လောက်တောင်မှ အခွင့်အရေးမရှိဘူး၊ အောက်ခြေတင် ကျပ်တာမဟုတ် အပေါ်ထိ လာတိုက်လို့ သူ့မျက်မှန် ကျွတ်ကျပြီး သူများနင်းမိလို့ ကွဲရပုံ၊ ဒါကြောင့် မျက်မှန်အပို အမြဲဆောင်ထားရပုံကို ဟာသအနေနဲ့ ပြောပြတော့ အားလုံးက တ၀ါးဝါး တဟားဟားနဲ့ ရယ်ကြတယ်။ ကျွန်မမှာတော့ ဒုက္ခပဲ ရန်ကုန်မှာ နေ့စဉ် ဘတ်စကား တိုးစီးပြီး သင်တန်းတက်နေတဲ့ ညီမလေးနဲ့ တူမလေး ဘယ်လိုများ စခန်းသွားနေလဲမသိလို့ တွေးပြီး ခုနက Disable တွေကို သနားနေတဲ့ စိတ်က ညီမနဲ့ တူမဆီ ရောက်သွားလို့ သူများလို မရယ်နိုင်ရှာဘူး။

စာရေးဆရာ နှစ်ယောက်စလုံးက  ဗိုလ်ချူပ်အောင်ဆန်းရဲ့ ရိုးသားမှုကို ပုံစံတမျိုးစီနဲ့ ပြောသွားတာ တကယ်ပဲ အရင်တုန်းက ကျောင်းမှာကျင်းပတဲ့ အာဇာနည်နေ့ အခမ်းအနားတွေကို ပြန်ရောက်ရသလို ခံစားရတယ်။ ဆရာညိမင်းညိုက ရိုးသားမှုကြောင့် ၀န်းရံသူတွေက ကူညီမှုကို ရပြီးအောင်မြင်ခဲ့တယ်ဆိုတာ သုံးသပ်ပြီး နိဂုံချူပ်ခဲ့ပါတယ်။ ဆရာ ဦးဘုန်း (ဓာတု) ကတော့ ဒေါ်စု (ဒေါ်အောင်ဆန်းစုကြည် အဖွား) နေရာကနေ မိခင်တယောက် နေရာမှာ ၀င်ခံစားပြီး အကြောင်းအရာ တခုချင်းစီကို ကဗျာနဲ့တမျိုး၊ သီချင်းဆိုပြီးမျိုး ခုခေတ်အခြေအနေနဲ့ နှိုင်းယှဉ်ပြီးတမျိုး ဗိုလ်ချူပ်အကြောင်း တကယ်ကို အသေးစိတ်ကျကျ  ပြည့်ပြည့်စုံစုံ ပြောသွားတယ်။ ငယ်ငယ်က သူငယ်တန်းကနေ ဆယ်တန်းအထိ နှစ်စဉ်နှစ်တိုင်း အာဇာနည်နေ့၊ ပြည်ထောင်စုနေ့၊ လွတ်လပ်ရေးနေ့နီးကပ်လာတိုင်း ဗိုလ်ချူပ်အောင်ဆန်းနဲ့ လွတ်လပ်ရေး ကျိုးပမ်းမှုအကြောင်း ဆရာ၊ ဆရာမတွေ ပြောပြခဲ့တာကို ပြန်အမှတ်ရစေပြီး ဗိုလ်ချူပ်ကို လွမ်းဆွတ်တဲ့ ဝေဒနာကလည်း အဲဒီအချိန်တုန်းကအတိုင်း ရင်ထဲမှာ ပြန်ခံစားရပြီး အထက်တန်းသူဘ၀ကို ပြန်ရောက်သွားစေပါတယ်။

တိုင်းပြည်မှာ ဖြစ်နေတဲ့ အခြေအနေတွေကို ရွှေပြည်ကြီးမှာ ဒီလိုရှိတယ်၊ ကျွန်တော်တို့ တိုင်းပြည်မှာ ဒီလိုဒီလိုတွေရှိပါတယ်ဆိုပြီး စာရေးဆရာနှစ်ယေက်က တယောက်တမျိုးစီနဲ့ အချက်အလက် သက်သက်မဟုတ်ဘဲ ရသနဲ့တွဲပြီး တခုပြီးတခု ပြောပြသွားတော့ ကျွန်မငယ်ငယ်က အင်မတန် ကြိုက်နှစ်သက်တဲ့ “ရပ်ကွက်ထဲမှာ ဒီလိုပဲရှိတယ် ကျွန်တော်တို့ ရပ်ကွက်ထဲမှာ ဒီလိုပဲ ရှိတယ်” ဆိုတဲ့ လွှမ်းမိုး သီချင်းကို သတိရသွားလို့ ဆယ်ကျော်သက်ဘ၀ကို ပြန်ပြီးအမှတ်ရသွားစေတယ်။ စာပေဟောပြောပွဲ ပြီးလို့ အိမ်ပြန်လာတဲ့အချိန်မှာတော့ ကားထဲမှာ လင်မယားနှစ်ယောက် စာပေဟောပြောပွဲမှာ စာရေးဆရာတွေ ပြောသွားတဲ့အကြောင်းတွေကို တလမ်းလုံး ပြောပြီးပြန်လာခဲ့သလို အခုထိလည်း ကြုံရင် ပြောနေတုန်းပဲ။

စာပေဟောပြောပွဲ စီစဉ်ဆောင်ရွက်သူတွေကိုရော ဟောပြောသွားတဲ့ စာရေးဆရာ ညီမင်းညိုနဲ့ ဦးဘုန်း (ဓာတု) တို့ကို အတူး ကျေးဇူးတင်ပါတယ်။ ဆစ်ဒနီမှာ စာပေဟောပြောပွဲ များများ ကျင်းပနိုင်ပါစေ။

ရွင်လန်းချမ်းမြေ့ကြပါစေ

ဆက်ဖတ်ရန်>>

တခါက ကျွန်မရဲ့ ဇာတ်လိုက်

ဒီနေ့ ဖခင်များနေ့ဆိုတော့ ဖခင်များနေ့ အမှတ်တရ ပို့စ်တခု တင်ချင်ပေမဲ့ အဖေလို့ တွေးလိုက်တာနဲ့ ကျွန်မတို့ကို သတ်ဖို့ဆိုပြီး ဓါးမြှောင်တချောင်းနဲ့ လိုက်လို့ ပြေးရတဲ့ အိပ်မက်ဆိုးတွေပဲ မကြာခဏ မက်တတ်တဲ့ ကျွန်မက အဖေနေ့ အမှတ်တရ မရေးတာပဲကောင်းပါတယ်လို့ စဉ်းစားပြီး မရေးပဲ နေခဲ့ပါတယ်။ သို့သော်လည်း အမေနေ့တုန်းက အမေအကြောင်း ရေးပြီး အခုအဖေနေ့မှာ အဖေ့အကြောင်း မရေးရင် ကျွန်မ မျက်နှာလိုက်ရာ၊ မတရားရာ ကျနေမှာစိုးတယ်။ ပြီးတော့ အမေနေ့တုန်းက လူအတော်များများ အမေတွေအကြောင်း ရေးကြဖွဲ့ကြတာ တွေ့ပေမဲ့ အခု အဖေနေ့မှာကျတော့ ရေးတာ သိပ်မတွေ့တော့ အဖေတွေက အမေတွေထက် သားသမီးတွေရဲ့ အသိအမှတ်ပြု ခံရမှု အားနည်းနေတာ တွေ့လို့ အားငယ်သူကို အားပေးတဲ့အနေနဲ့ အဖေနေ့အမှတ်တရပို့စ်ကို ကျွန်မ ကောက်ကာငင်ကာ ရေးလိုက်ရခြင်း ဖြစ်ပါတယ်။ တကယ်တော့ ကျွန်မဘ၀မှာ အဖေဟာ အိပ်မက်ဆိုးတွေကို ပေးခဲ့သလို တခါကတော့ ကျွန်မအဖေဟာ ကျွန်မရဲ့ ဇာတ်လိုက်ကောင်း တယောက်ဖြစ်ခဲ့ပါတယ်။

ကျွန်မတို့ ငယ်ငယ်က အဖေက လကုန်တိုင်း မြို့မှာ သူ့ရဲ့ပင်စင်လစာ သွားထုတ်တတ်ပြီး ညနေအေးလောက်မှ အိမ်ပြန်ရောက်လေ့ ရှိပါတယ်။ ကျွန်မတို့ အိမ်ရှေ့မှာက နွားစားကျက်အတွက် မြက်ခင်းစိမ်းစိမ်း ကွင်းပြင်ရှိပြီး အိမ်ကနေကြည့်လိုက်ရင် ကွင်းအလယ်မှာ ကန့်လန့်ဖြန့် ရေမြောင်းတခု ရှိပါတယ်။ ရေမြောင်းဆိုပေမဲ့လည်း မိုးတွင်းမှပဲ ရေရှိတတ်ပါတယ်။ ကွင်းအဆုံးမှာတော့ ဘကြီးရဲ့ ရော်ဘာခြံ ရှိပါတယ်။ အပြင်ကနေ အိမ်ပြန်လာရင် ရော်ဘာခြံကို ဖြတ်ပြီးမှ ကျွန်မတို့ အိမ်ကို ရောက်ပါတယ်။ လခထုတ်တဲ့နေ့တွေမှာ ညနေပိုင်း ရောက်တာနဲ့ အဖေ ဘယ်တော့ ပေါ်ထွက်လာမလဲဆိုတာ ရော်ဘာခြံရှိရာ တောစပ်ကို ကြည့်ပြီး ကျွန်မတို့ ညီအစ်မ မျှော်နေတတ်ပါတယ်။ အဖေက အင်္ကျီအဖြူပဲ အမြဲဝတ်တတ်တော့ ရော်ဘာခြံထဲကနေ မြက်ခင်းထဲကို အင်္ကျီအဖြူနဲ့ အဖေ ပေါ်ထွက်လာတာကို တွေ့လိုက်တာနဲ့ တပြိုင်နက် ကျွန်မတို့ ညီအစ်မ "ဖေဖေလာပြီလေလေ ဖေဖေလာပြီလေလေ" လို့ ပါးစပ်ကအော်ရင်း အိမ်ပေါ်က ပြေးဆင်းပြီး ဆီးကြိုရင်အဖေနဲ့ ကွင်းလယ်မှာ ဆုံတယ်။ အဖေက ကျွန်မတို့နှစ်ယောက်ကို ဘယ်တယောက် ညာတယောက် ပွေ့ချီပြီး တရွှတ်ရွှတ်နဲ့ ဖက်နမ်းကာ ငါ့သမီးတွေအတွက် မုန့်တွေပါတယ်ဟေ့ လို့ပြောကာ အိမ်ပေါ်အထိ ချီလာပြီး အိမ်ပေါ်ရောက်မှ ၀ယ်လာတဲ့ မုန့်တွေကို ထုတ်ကျွေးပါတယ်။ အမေ၀ယ်ကျွေးခဲလှတဲ့ ဈေးကြီးတဲ့ တရုတ်စက်လုပ်မုန့်တွေကို အဖေလစာထုတ်တိုင်း ၀ယ်ကျွေးခဲ့လို့ ငယ်ငယ်က ပျော်ပျော်ပါးပါး စားခဲ့တာကို အမြဲအမှတ်ရနေပါတယ်။ (ကျွန်မညီမ စာလာဖတ်ပြီးနောက်ပိုင်း သတိရလာလို့ ထပ်ဖြည့်ထားတဲ့ အပိုဒ်ဖြစ်ပါတယ်။ ၇-၀၉-၁၀)
ကျွန်မ ငယ်ငယ်က အိမ်နဲ့ဝေးတဲ့ တခြားရွာမှာ အဖေ့မိဘတွေဘက်က အမွေရခဲ့တဲ့ ဒူးရင်း၊ မင်းဂွတ်၊ သရက်ပင်တွေ ရှိတဲ့ ခြံမှာ ရာသီသီးနှံပေါ်ချိန်တိုင်း အဖေနဲ့အတူခြံထဲ တဲထိုးပြီး ဒူးရင်းသီး သွားစောင့်ရပါတယ်။ ကျောင်းပိတ်တဲ့ ရာသီတွေမှာလည်း အိမ်နဲ့ ဝေးလံပြီး ကုန်းတွင်းကျတဲ့ နေရာတွေမှာ အဖေနှမ်းသွားစိုက်ရင် ကျွန်မပဲ အမြဲဈေးဝယ်ပြီး သွားပို့ရပြီး တခါတလေ အဖေနဲ့အတူ တောင်ယာတဲမှာပဲ နေခဲ့တယ်။ ဒါကြောင့်မို့ အဲဒီအချိန်က အဖေနဲ့ ကျွန်မက တခြားသားသမီးတွေထက် ပိုရင်းနှီးပြီး အိမ်မှာ မျက်နှာနှိမ့်တဲ့ ကျွန်မကို နွေးထွေးမှု အပေးနိုင်ဆုံးဟာ အဖေပဲ ဖြစ်ခဲ့ပါတယ်။ အိမ်က သားသမီးတွေထဲမှာလည်း ကျွန်မက ပညာအထူးချွန်ဆုံး ဖြစ်တော့ အဖေက ကျွန်မကို သိပ်ပြီး အားပေးတယ်။ ပညာတော်လို့ အမေ့ဆီက အသိအမှတ်ပြုမှု သိပ်မရခဲ့ပေမဲ့လည်း အဖေ့ဆီကတော့ ချီးကျူးထောပနာ ပြုမှုတွေကို ကျွန်မ အပြည့်အ၀ ရရှိခဲ့ပါတယ်။ "အဖေတို့က ဘုန်းကြီးကျောင်းစာပဲ သင်ပြီး ကြီးလာရာကနေ စစ်တပ်ထဲရောက်လို့သာ အင်္ဂလိပ်စာတွေ သင်ခဲ့ရပြီး စာပေတွေ ကောင်းကောင်းတတ်ကာ သမီးတို့ကို အခုလို စာတွေပြန်ပြပေးနိုင်တယ်၊ အဖေတို့တုန်းက သမီးတို့ခေတ်လို ကျောင်းတက်ဖို့ လွယ်တာမဟုတ်ဘူး။ ပညာရေးအတွက်ဆိုရင် ကျွန်ဖြစ်သွားပါစေ သမီးတို့ ပညာထူးချွန်ရင် ထူးချွန်သလောက် ပံ့ပိုးပေးမယ် စာသာကြိုးစားပါ" ဆိုတဲ့ အဖေ့ အားပေးစကားက ကျွန်မအတွက် ခွန်အား ဖြစ်စေခဲ့ပါတယ်။

မိန်းကလေးဆိုရင် သေစာရှင်စာ တတ်ရင်တော်ပြီလို့ သဘောထားပြီး ကျောင်းထွက်ခိုင်းဖို့ အမြဲစဉ်းစားနေတတ်တဲ့ အမေနဲ့ စာရင်တော့ ကျွန်မ အဖေကတော့ ကျွန်မအတွက် တကယ့်ကို သူရဲကောင်းပါပဲ။ "သမီး ကျောင်းကြီးကို ရောက်ရင် သမီးတို့ဆီကို မသမာလူတွေဆီက စာတွေ ရောက်လာနိုင်တယ် အဲဒီအချိန်ကျရင် မဖုံးကွယ်ထားဘဲ အဖေ့ကို လာပြရမယ် ကြားလား" လို့ ပြောတော့ ကျွန်မက ရည်းစားစာ လာပေးရင် လာပြရမယ် ပြောတယ်ထင်လို့ "အဲဒီအတွက်တော့ စိတ်ချအဖေ သမီးက ပညာမပြည့်စုံဘဲ ယောက်ျားလေးတွေကို လုံးဝစိတ်ဝင်စားမှာ မဟုတ်ဘူး" လို့ ပြောဖို့ လုပ်နေတုန်းပဲ ရှိသေးတယ် "အဖေဆိုလိုတာ ရည်းစားစာကို ပြောတာ မဟုတ်ဘူးနော့် သောင်းကျန်းသူတွေဆီက သွေးထိုးပက်ကော်စာတွေကို ပြောတာ" လို့ ပြောတော့ အဖေပြောတာ ကျွန်မ နားမလည်ခဲ့ဘူး။ အဖေဆိုလိုတဲ့ ကျောင်းကြီးဆိုတာ မြို့မှာရှိတဲ့ အထက်တန်းကျောင်းတွေ ကောလိပ် တက္ကသိုလ်တွေကို ကျွန်မတို့ ဒေသက အခေါ်ဖြစ်တယ်။

ကျွန်မအဖေက တကယ်ကို တော်တဲ့လူတေယောက်ပါ။ ရွာက အဖေထက် အတန်းပညာပိုတတ်တဲ့ တခြားစစ်မှုထမ်းဟောင်းတွေ တယောက်မှ အင်္ဂလိပ်စာတွေ သင်္ချာတွေကို အဖေလောက် နားမလည်ဘူး။ ကျွန်မတို့ငယ်ငယ်က တခြားကျောင်းသားတွေ ကျူရှင်ယူရလေ့ရှိတဲ့ သင်္ချာနဲ့ အင်္ဂလိပ်ဘာသာတွေကို ကျွန်မတို့ငယ်ငယ်က တခါမှ ကျူရှင် မယူဖူးဘူး။ အဖေပဲ ကျွန်မတို့ အိမ်စာတွေကို ၀ိုင်းကူပြပေးပါတယ်။ အဖေက ငယ်ငယ်က အတန်းကျောင်း မနေဖူးဘဲ ဘုန်းကြီးကျောင်းမှာ ဘုန်းကြီးသင်ပေးလို့ စာတတ်ခဲ့ပေမဲ့ လူပျိုဖြစ်တော့ စစ်တပ်ထဲရောက်သွားပြီး စစ်တပ်ထဲမှာ အင်္ဂလိပ်စာတွေ သင်ရပြီး လေ့လာရေးလည်း အားကောင်းတော့ အတန်းကျောင်းစာတွေလည်း သင်ခွင့်ရခဲ့တယ်လို့ သိရတယ်။ အဖေက ဟိုတုန်းကတောင် မြန်မာ့အလင်း အင်္ဂလိပ်သတင်းစာကို ကောင်းကောင်း ဖတ်နိုင်တယ်။ သူငယ်ငယ်က ပညာကောင်းကောင်း မသင်ခဲ့ရတဲ့အတွက် သားသမီးတွေကို ပညာတတ်ဖြစ်စေချင်တဲ့ ဆန္ဒလည်း အပြည့်အ၀ ရှိပါတယ်။ စစ်တပ်ထဲက ပါလာတဲ့ Alibaba ပုံပြင်အပါအ၀င် တခြားအင်္ဂလိပ် ပုံပြင်စာအုပ်တွေနဲ့ နပိုလီယံက မော်စကိုကို တိုက်ခဲ့တဲ့ ဆောင်းတွင်း တိုက်ပွဲမှာ နပိုလီယံ ရှုံးတဲ့စစ်ပွဲအကြောင်းကို အဖေ ဖတ်ပြပြီး ဘာသာပြန်ပြခဲ့လို့ ကျွန်မတို့ စိတ်ဝင်တစား နားထောင်ခဲ့ သိခဲ့ရတယ်။

အဖေက သူကိုယ်တိုင် လုပ်ထားတဲ့ ပက်လက်ကုလားထိုင်မှာ ထိုင်ပြီး ကျွန်မနဲ့ ကျွန်မအောက် ညီမကို ဘယ်ဘက်တယောက် ညာဘက်တယောက် ထားပြီး ဒီပုံပြင် စာအုပ်တွေကို မကြာခဏ ဖတ်ပြတာကို ကျွန်မတို့ ညီနှမနှစ်ယောက် စိတ်ဝင်တစား နားထောင်ခဲ့တယ်။ ကျွန်မတို့ ရွာမှာ အဖေ့လို အင်္ဂလိပ်စာ ဖတ်တတ်တာ လက်ချိုးရေလို့ရပြီး တခြားမိဘတွေက သူတို့သားသမီးကို ဒီလိုတခါမှ မဖတ်ပြတော့ ကျွန်မတို့ အဖေက ကျွန်မတို့အတွက် တကယ်ကို ဂုဏ်ယူစရာ ဖြစ်ခဲ့တယ်။ ကျွန်မတို့ ငယ်ငယ်က အင်္ဂလိပ်စာကို လေးတန်းမှာ စသင်ရပြီး ကျွန်မက အဖေသင်ထားပေးလို့ ကျောင်းမှာ ABCD စသင်တဲ့အချိန်ဆို ကျွန်မက သူများထက် ပိုသိနေပြီ။ ပြီးတော့ အဖေက စစ်တပ်ထဲက အတွေ့အကြုံတွေတွေ ဖြစ်တဲ့ ကောက်ရိုးခြေတောက် မြက်ခြေတောက်၊ ကျည်ဆံတတောင့် ရန်သူတယောက် ဆိုတာ အပေါအ၀င် သင်တန်းအတွေ့အကြုံ ရှေ့တန်းတိုက်ပွဲ အတွေ့အကြုံတွေကိုလည်း ပြောပြတတ်တော့ ဟာသ၊ စွန့်စားခန်း၊ သဲထိတ်ရင်ဖို စတဲ့ ရသမျိုးစုံပါတဲ့ အဖေရဲ့ ဘ၀အတွေ့အကြုံတွေကို ကျွန်မ ရင်သပ်ရှုမော နားထောင်ခဲ့ဖူးပါတယ်။ တိုင်းပြည်ကို ချစ်ပြီး ကြီးလာရင် တိုင်းပြည်အကျိုးကို သယ်ပိုးဖို့ကိုလည်း အမြဲဆုံးမသြ၀ါဒ ပေးခဲ့တော့ အိမ်မှာ အဖေ့ဆီက ဒီသြ၀ါဒကို ကောင်းကောင်း လက်ခံရရှိခဲ့သူဟာ ကျွန်မပဲဖြစ်တယ်။

ကျွန်မအဖေက ဒီလို ကျောင်းစာတွေပြပေး အင်္ဂလိပ်ပုံပြင် စာအုပ်တွေ ဖတ်ပြ ဘ၀အတွေ့အကြုံတွေ ပြောပြတာတင်မကဘူး နိုင်ငံရေးအကြောင်း သိပ္ပံအကြောင်းဆိုလည်း BBC နဲ့ VOA ကို အမြဲနားထောင်ပြီး ပြန်ပြောပြတတ်ပါတယ်။ ဟိုတုန်းက BBC, VOA ကို လွတ်လပ်စွာ နားထောင်လို့ ရပါတယ်။ လွတ်လပ်စွာ နားထောင်လို့ မရတာက တရုတ်ကလွှင့်တဲ့ ပီကင်းအသံလွှင့်ဌာနပဲ ဖြစ်တယ်။ ည ရှစ်နာရီမှာ မြန်မာ့အသံက မြန်မာသတင်း ကြေညာပြီးတာနဲ့ ရှစ်နာရီ ၁၅ မိနှစ်မှာ ဘီဘီစီ လာတယ်။ ဘီဘီစီက ကိုးနာရီမှာ ပြီးတာနဲ့ VOA တန်းလာတယ်။ ကျွန်မက ဦးဖေသန်းရဲ့ အင်္ဂါနေ့ည မေးပါများစကားရ၊ ဒေါ်ကြည်ကြည်မေရဲ့ သောကြာနေ့ည ငွေဗျိုင်းဖြူကဏ္ဍတို့ ပါတဲ့ BBC ကိုပဲ စွဲပါတယ် VOA ကို တခါမှ နားမထောင်ဘူး။ အဖေကတော့ ဘီဘီစီက နိုင်ငံရေးသတင်းတွေ ပိုကောင်းပြီး VOA က သိပ္ပံသတင်းတွေ ပိုကောင်းတယ်လို့ ပြောတယ်။ တခါတလေ မီးငယ် လာနားထောင်ကြည့် ဆိုဗီယက်က ဂြိုလ်တုက ဘယ်လို အမေရိကန်က ဂြိုလ်တုက ဘယ်လိုနဲ့ ဗွီအိုအေ နားမထောင်တဲ့ ကျွန်မကို ခေါ်ပြီး နားထောင်ခိုင်းတတ်ပါတယ်။

တခါတလေ အဖေ မအားတဲ့အချိန် ကျွန်မကို ရေဒီယိုဖွင့်ခိုင်းလို့ မြန်မာ့အသံ မဟုတ်တဲ့ နေရာမှာ မြန်မာလို အသံကြားရလို့ နားထောင်ကြည့်ရင် ဦးနေ၀င်းက ဘာလုပ်နေတယ် ဘာဖြစ်တယ် ဆိုပြီး ပီကင်းအသံလွှင့်ဌာနက အမျိုးသမီးတဦး နှာခေါင်းအသံခပ်များများနဲ့ အစိုးရမကောင်းကြောင်းတွေ ကြေညာနေတာ ကြားရတတ်ပါတယ်။ အဲဒါကို ကြားမိရင် "အဲဒီကွန်မြုနစ်မ နှာခေါင်းကို ညစ်ညစ်ပြီး ပြောနေတဲ့အသံ အစိုးရကို စော်ကားတိုက်ခိုက်နေတဲ့ သောင်းကျန်းသူတွေ အသံ ငါနားထောင်လို့မရဘူး ချက်ချင်းပိတ်ပစ်" ဆိုလို့ ပိတ်ပစ်ရတတ်ပါတယ်။ ကျွန်မလည်း အဖေပြောထားလို့လားမသိဘူး အဲဒီအမျိုးသမီးအသံကြားရင် သူဘာပြောနေတယ် ဆိုတာစိတ်မ၀င်စားဘူး အလိုလို နေရင်း အမြင်ကပ်နေတတ်တယ်။ အဖေက ကွန်မြူနစ်ဆိုတာ ဘုရားမရှိ၊ တရားမရှိကောင်တွေပေ့ါ၊ မိဘကျေးဇူးဆိုတာလည်း မရှိဘူး အမေနဲ့အဖေကို ရာဂစိတ်ဖြစ်လို့ ကလေးရတယ် ဒီလိုရလာလို့ မိဘက စောင့်ရှောက်ရတဲ့အတွက် မိဘတွေက သားသမီးတွေနဲ့ ပတ်သက်ပြီး ဘာကျေးဇူးမှ မရှိဘူးလို့ ယုံကြည်နေတဲ့ မိစ္ဆာဓိဋ္ဌိတွေပေါ့ သမီး" လို့ ပြောပြတော့ ကျွန်မလည်း ကွန်မြူနစ်ဆိုတာကို တကယ်ကို ရွံသွားတယ်။ နောက်ပိုင်းတော့ ပီကင်းအသံလွှင့်ဌာနက အသံလွှင့်တာ ကြားတိုင်း ကျွန်မလည်း ချက်ချင်းကို လိုင်းပြောင်းပစ်တော့တယ်။

အဖေက ကျွန်မကို ဒီလို အသိတရားတွေ ပေးတဲ့အပြင် အနာဂတ်အတွက် မျှော်လင့်ချက်တွေလည်း အများကြီးပေးခဲ့ပါတယ်။ ကျွန်မ ကြီးလာရင် ပညာတတ်အောင် သင်ပြီး မင်္ဂလာဒုံ စစ်ဆေးရုံမှာ စစ်ဗိုလ်မကြီး အဖြစ်သူမြင်ချင်ကြောင်း၊ ပြီးတော့ ပညာသိပ်ပြီးထူးချွန်ရင် စကောလားရှစ်ဆိုတာ ဖြေပြီး နိုင်ငံခြားမှာလည်း ပညာတော်သင် လျှောက်လို့လို့ရကြောင်း၊ ကျွန်မလို စာတော်တဲ့သူအတွက် ဖြစ်နိုင်ကြောင်း ပြောပြတော့ ကြီးလာရင် ပညာတော်သင်လျှောက်ပြီး နိုင်ငံခြားမှာ ပညာသွားသင်မယ် ဆိုတဲ့ ရည်ရွယ်ချက်က ကျွန်မရဲ့ တကယ့်အိပ်မက်တွေ ဖြစ်ခဲ့ဖူးပါတယ်။ ကျွန်မတို့ရွာမှာ စကောလားရှစ်ဆိုတာကို ဒီလိုသိတဲ့လူဆိုတာ အဖေတယောက်ပဲ ရှိတယ်လို့ ကျွန်မထင်တယ်။ ကျွန်မတို့ ရွယ်တူ အတန်းဖေါ်တွေထဲမှာ ဒါကို ကြားဖူးသူတောင် မရှိဘူး။ တခါတလေ ဒီအကြောင်းကို အမေ့ဘက်က ဆွေမျိုးတွေကို ပြောပြရင် တောစွန်အုံဖျားကနေပြီး စကားလုံးကလည်း ကြီးတယ် သူ့အဖေလိုပဲလို့ ကဲ့ရဲ့ခံရတတ်တယ်။ လယ်ယာကိုင်းကျွန်း လုပ်စားတဲ့ အမေနဲ့ အမေ့ဘက်က ဆွေမျိုးတွေကို ကျွန်မက ဗဟုသုတမရှိတဲ့သူတွေ တိုင်းပြည်အကြောင်း နိုင်ငံအကြောင်း နားမလည်တဲ့ မျိုးချစ်စိတ် မရှိသူတွေအဖြစ်ပဲ ကျွန်မမြင်ထားတယ်။

အဖေက သူ့တုန်းက ပညာမတတ်လို့ စစ်ဗိုလ် မဖြစ်လိုက်ရတဲ့အကြောင်း ပြောပြပြီး ကျွန်မကို စစ်ဗိုလ်မကြီး ဖြစ်အောင် ကြိုးစားဖို့ အားပေးတာ ဖြစ်တယ်။ စစ်တပ်မှာ အခုတော့ မသိဘူး အရင်က တပ်ကြပ်နေရာကို အသက်ငယ်ငယ်နဲ့ ရတဲ့သူက ဗိုလ်လောင်း ဖြေပိုင်ခွင့် ရှိပါတယ်။ အဖေဒုတပ်ကြပ်ကနေ တပ်ကြပ်အဖြစ် ရာထူးတိုးခံရတဲ့နေ့က ဗိုလ်လောင်းစာမေးပွဲ နောက်တကြိမ်ခေါ်တဲ့ နေ့နဲ့ဆို တရက်တည်းနဲ့ ဗိုလ်လောင်းအတွက် သတ်မှတ်ထားတဲ့အသက် တရက်တည်း ကပ်ပြည့်သွားလို့ ကပ်လွဲသွားတဲ့ အကြောင်း ပြောပြပါတယ်။ ဒါကြောင့် အဖေက ဗိုလ်လောင်းဖြေခွင့် မရတော့ဘဲ တပ်ကြပ်ကြီးအဆင့်အထိပဲ ရောက်ခဲ့ပြီး အဲဒီအချိန်မှာ ဒဏ်ရာရခဲ့လို့ ပင်စင်လျှောက်လိုက်တယ်လို့ သူ့ဘ၀အကြောင်းကို မကြာခဏ ပြန်ပြောပြတတ်ပါတယ်။ အဖေ့အကြောင်းကို ဒီလိုကြားရရင် ကျွန်မက အဖေသာ ပညာတတ်ခဲ့ရင် အများကြီးတက်လမ်း ရှိမှာပဲလို့ အဖေငယ်ငယ်က ပညာမသင်ခဲ့ရတာကို တွေးပြီး အဖေ့ကို သနားနေတတ်တယ်။ အဖေ့လက်ထက်မှာ မဖြစ်ခဲ့တဲ့ ပညာတတ်တယောက် ဖြစ်အောင် ကျွန်မရအောင် ကြိုးစားမယ်လို့လည်း ဆုံးဖြတ်ခဲ့ပါတယ်။ တကယ်လည်း ကျွန်မဟာ ပထမတန်း၊ ဒုတိယတန်းတွေမှာ ဆရာဆရာမတွေက ကြီးလာရင် ဘာလုပ်မလဲမေးရင် အဖေ့ကို ပြောထားခဲ့တဲ့အတိုင်း စစ်ဗိုလ်မကြီးလုပ်မယ်ပဲ ပြောခဲ့လို့ သူငယ်ချင်းတွေက ၀ိုင်းဟားခံရသေးတယ်။ အဖေဆိုပြတဲ့ "တူယှဉ်ကာလေ တကယ်ပဲ အစွမ်းပြချင်တယ် ဗမာ့သတ္တိကမ္ဘာကသိအောင် ငါတို့ပြလိုက်မယ် ဗမာ့ရဲ့သတ္တိကို ဘယ်မှာယှဉ်နိုင်မလဲ" ဆိုတဲ့ စစ်ချီသီချင်းဆိုရင် ကျွန်မ အခုထိ ညည်းဆိုတုန်းဖြစ်တယ်။ ကျွန်မ နည်းနည်း ကြီးလာတဲ့ အချိန်မှာတော့ သူများရီမှာစိုးလို့ ဆရာမတွေ မေးရင် စစ်ဗိုလ်မကြီး လုပ်မယ်လို့ မပြောတော့ဘဲ စာရေးဆရာမလုပ်မယ်လို့ ပြောခဲ့ပေမဲ့ ရင်ထဲက အိပ်မက်ဆန္ဒကတော့ ရှိနေခဲ့တယ်။

ရင်ထဲက အိပ်မက်တွေ တကယ်ပျက်သွားတာက ၈၈ မှာမှ ဖြစ်တယ်။ ပျက်သွားတယ်ဆိုတာထက် မလိုလားတော့လို့ စွန့်ပစ်လိုက်တယ်လို့ ပြောရင်ပိုမှန်ပါတယ်။ ၈၈ မှာ ကိုမင်းကိုနိုင် လက်ရေးနဲ့ ရေးထားတဲ့ တနိုင်ငံလုံးမှာ ရှိတဲ့ ကျောင်းသားတွေအားလုံး အဲဒီနေ့မှာ ကျောင်းမတက်ဘဲ လမ်းမပေါ် ဆန္ဒပြပြီး ဒီမကောင်းတဲ့ လူသတ်အစိုးရကို ဆန္ဒပြပြီး ဖြုတ်ချကြပါလို့ တိုက်တွန်းထားတဲ့ စာကို ဖတ်ရတဲ့အချိန်မှာ သမီးတို့ကြီးလာရင် မသမာလူတွေဆီက လက်ခံရရှိနိုင်တယ်ဆိုတဲ့ အဖေပြောတဲ့စာပါလားလို့ ကျွန်မကောင်းကောင်း သဘောပေါက်ခဲ့သလို အဲဒါဟာ မသမာလူတွေဆီက စာမှမဟုတ်တာ မသမာအစိုးရကို တိုက်ပွဲဝင်ဖို့ သူတော်ကောင်းတွေဆီက စာပဲဆိုတာကိုလည်း ကျွန်မ သဘောပေါက်ခဲ့ပါတယ်။ အဖေမှာခဲ့တဲ့အတိုင်း အဖေ့ကို ပြလို့မဖြစ်ဘူး ဆိုတာကိုလည်း နားလည်ခဲ့ပါတယ်။

အံ့သြစရာ ကောင်းတာက ဒီအရေးတော်ပုံမှာ ကျွန်မ ပါဝင်ခဲ့တာနဲ့ ပတ်သက်ပြီး တပ်ထဲက ခွင့်ယူပြီး အိမ်ပြန်ရောက်နေတဲ့ ကိုကြီးတယေက် ဘီလူးဆိုင်းတီးသလို တင်းမာပြီး ကျွန်မကို ကိုယ်ထိလက်ရောက် ပြဿနာရှာခဲ့တဲ့အထိတောင် ဖြစ်ခဲ့ပေမဲ့ အဖေကတော့ ကျွန်မထင်ခဲ့သလို လုံးဝမတင်းမာခဲ့တာကိုတော့ ထူးထူးခြားခြား တွေ့ရပါတယ်။ သူ့ခေတ်နဲ့သူ့ခါပေါ့ကွာလို့ သူငယ်ချင်းတွေကို ပြောနေတာ ကြားရပြီး လူကွယ်ရာမှာတော့ "မီးငယ်နဲ့ ဌေးငယ် သမီးတို့ပါချင်လို့ အဖေပေးပါထားပါတယ်။ ဒါပေမဲ့ ပါတယ်ဆိုရုံပဲ လုပ်ပါ အရေးကြီးတဲ့ ခေါင်းဆောင်နေရာမှာတော့ လုံးဝ ၀င်မလုပ်နဲ့နော့်" ပြောလို့မရဘူး တိုင်းပြည်က ဗိုလ်ချုပ်ကြီးစောမောင် လက်ထဲရောက်နိုင်တယ် လို့ပြောလိုက်တော့ ဘာတွေပြောနေလဲ မသိဘူးလို့ နားမလည်ခဲ့ပေမဲ့ အဲဒီချိန်မှာ အဖေဒီလောက် ကျွန်မတို့ပါဝင်ခွင့် ပေးထားတာကိုတောင် ကျွန်မတို့မောင်နှမ ၀မ်းသာလှပြီ။ ဒါပေမဲ့ အဖေ ပြောတဲ့အတိုင်း စက်တက်ဘာ ၁၈ ရက်နေ့ ညနေကျတော့ တကယ်ပဲ ဖြစ်လာခဲ့တော့ အဖေဘယ်လိုသိလဲဆိုတာ ကျွန်မတို့ မောင်နှမနှစ်ယောက် အံ့သြလို့မဆုံး ဖြစ်ခဲ့ရတယ်။

စစ်တပ်အာဏာသိမ်းပြီးတာနဲ့ အဖေရဲ့ ရာဇအသံကလည်း စတော့တာပဲ။ "မီးငယ်နဲ့ ဌေးငယ် သမီးတို့ ပါချင်လို့ ပေးပါပြီးပြီ ဒီလောက်ဆိုလုံလောက်ပြီ သမီးတို့က ခေါင်းဆောင်လည်း မဟုတ်လို့ အများနဲ့ ဖြစ်တဲ့ကိစ္စမို့ ဘာအပြစ်မှ မရှိဘူး ခေါင်းဆောင်တွေပဲ အပြစ်ရှိတယ်။ ဒါကြောင့် သမီးတို့ကို သက်ဆိုင်ရာက ဘယ်သူမှ ပြဿနာရှာလို့မရဘူး သူများတွေလို ပုန်းရှောင်ဖို့လည်း မလိုဘူး၊ သူပုန်တွေဆီ သွားဖို့လည်း မလိုဘူး အိမ်မှာ အေးအေးဆေးဆေး နေကြ ဘာပြဿနာမှ မဖြစ်စေရဘူး" လို့ ရာဇသံစပေးနေပြီ။ ကျွန်မတို့ မောင်နှမမှာ သမဂ္ဂက ဘယ်အဖွဲ့က ဘယ်ရောက်နေတယ် ဘယ်အဖွဲ့က တောထဲသွားစဉ် ရေနစ်ပြီးလည်း လမ်းမှာ သေဆုံးကြတဲ့သူတွေလည်း ရှိတယ် စသည့် မဟုတ်တာရော ဟုတ်တာရော အမျိုးမျိုး ကြားနေရတယ်။ တောထဲ ရောက်သွားသူတွေရဲ့ အခြေအနေကို စဉ်းစားချိန်မှာ VOA နဲ့ ဘီဘီစီ က ကျွန်မတို့အတွက် သတင်းရရာ နေရာတွေ ဖြစ်လာတယ်။ ခါတိုင်း ဘီဘီစီပဲ နားထောင်ပြီး နောက်ပိုင်းတော့ ဗွီအိုအေက နယ်စပ်ရောက် ကျောင်းသားတွေ အခြေအနေ ပိုပါတော့ စစ်အာဏာသိမ်းပြီးနောက်ပိုင်းမှာ VOA ကို ပိုကြိုက်သွားပြီး ပိုနားထောင်ဖြစ်တယ်။ အဲဒီအချိန်မှာ သိပ္ပံသတင်းဆောင်းပါးတွေပါလို့ VOA ကောင်းကြောင်း တလျှောက်လုံး ပြောလာခဲ့တဲ့ အဖေက VOA သတင်းကြေညာနေတာကို ကြားရင် လူငယ်တွေ လမ်းမှားရောက်အောင် သွေးထိုးပက်ကော်နေတယ် ဆိုပြီး စတင်အပြစ်တင်ရှုပ်ချတာကို တွေ့ရလို့ ကျွန်မတို့ ညီနှမကတော့ ပြောမရဲလို့ ဘာမှမပြောပေမဲ့ ဘာမှဆိုင်တာလည်း မဟုတ်ဘူးလို့ ကြိတ်တွေးနေတယ်။ ရေဒီယိုက စစ်အစိုးရလို့ ပြောတာကို အဖေဟာ ဆတ်ဆတ်တုန်အောင် နာတာတွေ့တော့ "စစ်အစိုးရကို စစ်အစိုးရမခေါ်လို့ ဘယ်လိုခေါ်စေချင်လဲ မသိဘူး" လို့ ကျွန်မ စိတ်ထဲထဲမှာ ပြောနတတ်တယ်။

ဒီလိုနဲ့ ကျွန်မတို့ညီအစ်မကလည်း တခြားသူတွေနဲ့ အဆက်အသွယ်ရအောင် ဘယ်လိုလုပ်ရမလဲလို့ အမြဲတွေးတော ကြံဆနေတယ်။ အဖေကလည်း ရိပ်မိလားမသိဘူး တနေ့ထက်တနေ့ တင်းကြပ်လာပြီး နောက်ပိုင်း သတင်းတောင် ကောင်းကောင်း နားထောင်လို့မရအောင် ဖြစ်လာတယ်၊ ကျွန်မတိုကိုလည်း စစ်လားဆေးလား လုပ်လာတယ်၊ ရုတ်ရုတ်လုပ်ရင် လူသတ်ပြီး ထောင်ထဲသွားနေဖို့ ၀န်မလေးဘူးတွေ ပြောလာတယ်ဆိုတော့ ကျွန်မတို့လည်း ဒီအတိုင်းတော့ ရေရှည် မဖြစ်တော့ဘူးဆိုပြီး စတင်ကြံဆတော့တယ်။ နောက်ဆုံးတော့ ကျွန်မတို့က တံငါရွာမှာ ရှိတဲ့ အမေ့ဆွေမျိုးတွေဆီ သွားလည်ပြီး ခြံထဲက သစ်သီးဝလံတွေကို လက်ဆောင်သွားပေးမယ်လို့ ပြောတော့ ဆွေမျိုးတွေက ဒီလိုသွားလည်ရင် ငပိ၊ ငါးခြောက် ငံပြာရည်တို့ လက်ဆောင်ပြန်ပေးလေ့ရှိတော့ မဆိုးဘူးထင်ပုံရတယ် ပင်လယ်ဘက်ဆိုတော့ သူပုန်နဲ့ ဝေးတယ် မဟုတ်လား အဖေက ကျွန်မတို့ အကြံအစည်ကို လက်ခံခဲ့တယ်။ တကယ်တမ်း အိမ်ကနေ ကျွန်မတို့ ထွက်လာတာကတော့ ပင်လယ်ဘက်မှာ ရှိတဲ့ တံငါရွာဆီကိုမဟုတ်၊ တဘက်ကမ်းက ကရင်တွေရဲ့ အကူအညီနဲ့ KNU ကို ဆက်သွယ်ကာ ပင်လယ်နဲ့ ဆန့်ကျင်ဘက်အရပ် တောင်တန်းတွေ ရှိရာ နေရာကိုသာ ထွက်လာခဲ့ပါတယ်။ KNU တွေရဲ့ အကူအညီနဲ့ တောင်တန်းတွေ တောတောင် စမ်းချောင်း အထပ်ထပ်တွေကို ကျော်ဖြတ်ကာ သမဂ္ဂတုန်းက လုပ်ဖေါ်ကိုင်ဖက်တွေ အရင်ရောက်နေပြီဖြစ်တဲ့ နယ်စပ်ဒေသဆီ ညီအစ်မ နှစ်ယောက် ခရီးဆက်ခဲ့ပါတယ်။

နောက်ပိုင်းတော့ အဖေဟာ ကျွန်မတို့ ညီအစ်မ သူ့ကို လိမ်သွားတာကို လုံးဝကြိတ်မနိုင်ခဲမရ ဖြစ်ပြီး မိတ်ဆွေတွေကြားမှာ သူ့သမီးနှစ်ယောက် တောခိုသွားတယ်ဆိုတဲ့အဖြစ်ကို ရှက်လည်းတော်တော် ရှက်ပုံရပါတယ်။ တွေ့ရင်သတ်ပစ်ပြီး ထောင်ထဲသွားဝင်နေမယ်လို့ ကြိမ်းဝါးနေကြောင်း ကြားသိရတယ်။ ကျွန်မတို့ တောထဲရောက်ပြီး အဆက်အသွယ်လုပ်ပေမဲ့ လုံးဝအဆက်အသွယ် ပြန်မလုပ်ခဲ့ဘူး။ ကျွန်မ ရှေ့တန်းရောက်တော့လည်း စာရေးအဆက်အသွယ်လုပ်ပြီး ကျွန်မတို့ လိမ်ပြီး ထွက်လာခဲ့တာကို တောင်းပန်ကြောင်း ကျွန်မတို့ လုပ်နေတဲ့ တော်လှန်ရေးဟာ တရားသော တော်လှန်ရေး ဖြစ်ကြောင်း၊ အဖေပေးတဲ့ မျိုးချစ်စိတ်ကြောင့် တိုင်းပြည်ကို ချစ်လို့သာ ဒီလိုလုပ်ဖြစ်ကြောင်း စာရေးပြီး ရှင်းပြခဲ့ပေမဲ့ လုံးဝအဆက်အသွယ် ပြန်မလုပ်ခဲ့ဘူး။ ကျွန်မ တပ်ရင်းပြန်ရောက်ပြီးနောက် ၁၉၉၃ ခုနှစ်မှာ ကျွန်မတို့ မြို့နယ်က ကျွန်မတို့ တပ်တွေ စိုးမိုးထားတဲ့ ကျေးရွာတရွာမှာ ဘုန်းကြီးပျံရှိလို့ ကျွန်မညီမက အမေနဲ့ တွေ့ဖို့ခွင့်ယူပြီး သွားတော့ အဲဒီရွာက ဘုန်းကြီးပျံမှာ မမျော်လင့်ဘဲ အဖေ့ကို ဘုန်းကြီးအ၀တ်နဲ့ သွားတွေ့ခဲ့တယ်။ ကျွန်မ ရှေ့တန်းဒေသမှာ တောက်လျှောက်သွားလာ လှုပ်ရှားနေခဲ့တာ တခါမှ မတွေ့ခဲ့ရဘဲ အခုလို ညီမဆီက ဘုန်းကြီးဝတ်နေတယ်ဆိုတာ သိရလို့ ၀မ်းသာနေတဲ့အချိန်မှာ ကျွန်မ ညီမ တပ်ရင်းပြန်ရောက်လာတော့ "နင်ဝမ်းသာနေလည်း အပိုပဲ အဖေက ဘုန်းကြီးဝတ်ထားလို့ စိတ်တွေဘာတွေ လျှော့ပြီး တရားရနေတယ်များ နင်ထင်လား ငါဝိပဿနာတရားတွေ ပွားထားလို့ နင်တို့နဲ့ အခုလို လက်ခံစကားပြောလို့ ရတယ်လို့ ရဲဘော်တွေကိုရော ငါ့ကိုပါ ရည်ရွယ်ပြီး ပြောလိုက်တယ်" လို့ ညီမက ပြောပြတယ်။

အိမ်ကထွက်လာပြီးနောက်ပိုင်း အဖေကျွန်မတို့ကို လိုက်ရှာပြီး တွေ့ရင် စစ်တပ်မှာ သွားအပ်မယ်ဆိုပြီး သတ်ဖို့ ဓါးမြှောင်တချောင်းနဲ့ လိုက်ရှာနေလို့ ပြေးနေရတဲ့ အိပ်မက်တွေကို ကျွန်မ မက်ခဲ့တာ သြစကြေးလျားကို မလာခင် ၂၀၀၁ ခုနှစ်အထိ ဖြစ်ပါတယ်။ ဒီလို အိပ်မက်ဆိုးကို သြစကြေးလျားရောက်ပြီး အကြာကြီးမမက်ဘဲ နေခဲ့ရာကနေ မကြာခင်က တခါ ပြန်မက်လာတယ်။ အဖေ့ကို အရင်က ဆက်သွယ်လို့ မရခဲ့ပေမဲ့ နိုင်ငံခြားရောက်ပြီး ဆက်သွယ်တော့ သူပုန်မဟုတ်တော့ဘူး ဆိုတော့ အဖေက လက်ခံစကားပြောပါတယ်။ ဒါပေမဲ့ အိမ်ကလိမ်ပြီးထွက်လာတဲ့ အကြောင်းတွေကို ကျွန်မ ပြန်မပြောဖြစ်ဘူး ပြောမထွက်ဘူး။ အိမ်က မထွက်လာခင်က သစ်သီးတွေကို အဖေရှေ့မှာခူးပြီး အဖေသံသယ မရှိအောင် ယူသွားမည့် ထည့်စရာထဲမှာ အပီအပြင်နေရာချတယ် မသွားခင်ည အဖေအိပ်နေချိန်မှာ ရာဝင်စဉ်းအိုးထဲ အကုန်ထည့်ထားခဲ့ပြီး မိုးလင်းမှ သွားမယ်လို့ ပြောခဲ့ပေမဲ့ မနက် ၄ နာရီမှာ ညီအစ်မနှစ်ယောက် အိမ်က တိတ်တိတ်လေး ထွက်လာခဲ့တယ်။ ဒီလို လိမ်ပြီး ထွက်လာခဲ့တဲ့အပေါ် အဖေဘယ်လိုများ ခံစားခဲ့ရလဲ၊ မိတ်ဆွေ အပေါင်းအသင်းတွေ ကြားမှာ အရှက်ရကာ ဒေါသသိပ်ကြီးတဲ့ အဖေတယောက် ကျွန်မတို့ကို ခွင့်လွတ်နိုင်ပါ့မလားဆိုတာ ကျွန်မ အမြဲတွေးနေမိတယ်။ အဖေ့ကို ပြန်မတွေ့ရတာ ထွက်လာကတည်းက ဖြစ်တယ်။ ဒီတသက် ပြန်တွေ့ရပါတော့မလားလို့ ကျွန်မ သံသယ ဖြစ်မိတယ်။

အဖေကို ကျွန်မ သိစေချင်တာကတော့ ကျွန်မဟာ အဖေ့ဆီက မျိုးချစ်စိတ်ဓါတ်တွေ မရခဲ့ရင် တော်ရုံတန်ရုံ စိတ်ဓါတ်နဲ့တော့ တိုင်းပြည်အတွက်ဆိုပြီး မိဘကို ဆန့်ကျင် စွန့်စားလုပ်ရတဲ့ လုပ်ရပ်မျိုးကို ဘယ်တော့မှ လုပ်ဖြစ်မှာ မဟုတ်ဘဲ ရွာမှာ ရှိနေတဲ့ သူငယ်ချင်းတွေလိုပဲ အခုချိန်မှာ ကြံ့ဖွတ်စာရင်းထဲမှာ ပါနေမှာ သေချာပါတယ်။ မျိုးချစ် စိတ်ဓါတ် အမွေအနစ်တွေကို အဖေ့ဆီကသာ ကျွန်မ မရခဲ့ရင် ကျွန်မဘ၀ ဆယ်စုနှစ်တခုစာကိုလည်း အဖေမကြိုက်တဲ့ အလုပ်တွေနဲ့ ကုန်ခဲ့မှာ မဟုတ်ဘူး။ ဒီလိုလုပ်ခဲ့တာကို အဖေမကြိုက်ပေမဲ့လည်း ဒါဟာ အဖေဖြစ်စေချင်တဲ့ တိုင်းချစ်ပြည်ချစ်စိတ်ဓါတ်ကြောင့် ဆိုတာ ကျွန်မ အာမခံရဲပါတယ်။ ဒီလို လုပ်ခဲ့တဲ့အတွက် ဘယ်တော့မှ နောင်တမရပေမဲ့ အဖေတယောက် ကျွန်မတို့အတွက် ကြိတ်မနိုင်ခဲမရ ဖြစ်ခဲ့ရတဲ့ ခံစားမှုအတွက်တော့ ကျွန်မ ထပ်တူခံစားရပါတယ်။ ကျွန်မ အဖေဟာ ကျွန်မတို့နဲ့ သဘောထား မတိုက်ဆိုင်ပေမဲ့ တိုင်းပြည်ကို တကယ်ချစ်တဲ့ စစ်သားဟောင်းတဦးအဖြစ် ကျွန်မ ဂုဏ်ပြုဆဲ၊ သူပြန်ပြောခဲ့တဲ့ စစ်သားဘ၀က သူ့ဘ၀အတွေ့အကြုံတွေကို ကျွန်မ အမှတ်ရနေဆဲဖြစ်ပါတယ်။ ကျွန်မမှာ ရှိတဲ့ တိုင်းပြည်ချစ်တဲ့စိတ်၊ မျိုးချစ်စိတ်ဓါတ် အပါအ၀င် ဗဟုသုတ လေ့လာလိုက်စားလိုစိတ်၊ စာဖတ်ဝါသနာပါခြင်း စတဲ့ ကောင်းတဲ့ အလေ့အကျင့်တွေကို ကျွန်မ အဖေ့ဆီကပဲ ရရှိခဲ့တာဖြစ်ပြီး အဖေဟာ တခါက ကျွန်မရဲ့ ဇာတ်လိုက် ဖြစ်ခဲ့သလို အခုထိလည်း အဖေ့ရဲ့ ကောင်းမွေတွေကို ကျွန်မ ပိုင်ဆိုင်ထားဆဲ ဖြစ်ပါတယ်။


အဖေ့စိတ်နှလုံး ကြည်သာချမ်းမြပါစေ။
ကျွန်မရဲ့ အဖေနဲ့ ပတ်သက်တဲ့ အိပ်မက်ဆိုးတွေ ကုန်ဆုံးပါစေ

အမေနေ့ အမှတ်တရပို့စ်က ဒီမှာ ရှိပါတယ်။

5/9/10 - 9:27 PM က အဖေများနေ့မှာ တင်တဲ့ပို့စ် ဖြစ်တယ်။

အခုတော့ ဒီပို့စ်ထဲက ကျွန်မရဲ့ Message နဲ့ ဆုတောင်းတွေကို အဖေ ဘယ်တော့မှ မရနိုင်တော့ဘူး။ တခါက ကျွန်မဇာတ်လိုက်ဖြစ်တဲ့ ကျွန်မအဖေဟာ ( ၇-၇-၁၁ ) ရက် ပြီးခဲ့တဲ့ တင်္ဂနွေနေ့က ဘ၀နိဂုံးချုပ်သွားပါပြီ။ ခွဲခွါလာကတည်းက ၂၃ နှစ်ကြာတဲ့အထိ မျက်နှာချင်းဆိုင် တခါမှ ပြန်မတွေ့ရတော့ပေမဲ့ မဆုံးခင် ရက်အနည်းငယ်အလိုမှာ စကားပြောလိုက်ရသေးလို့ သားသမီးနဲ့ ခွဲခွာခဲ့တဲ့နေ့ကစပြီး တခါမှ ထိတွေ့မှုမရဘဲ ဘ၀နိဂုံးချုပ်ခဲ့ရတဲ့ မိတ်ဆွေတချို့ရဲ့ မိဘတွေနဲ့ စာရင်တော့ တော်သေးတယ်လို့ပဲ ဖြေသိမ့်ပြီး အဖေ ကောင်းရာဘုံဘ၀ကို ရောက်ပါစေလို့ပဲ ဆုတောင်းပေးလိုက်ပါတယ်။


ငါသည် အိုခြင်းသဘော ရှိ၏ အိုခြင်းသဘောကို မလွန်ဆန်နိုင်ချေ။
ငါသည် နာခြင်းသဘောရှိ၏ နာခြင်းသဘောကို မလွန်ဆန်နိုင်ချေ။
ငါသည် သေခြင်းသဘောရှိ၏ သေခြင်းသဘောကို မလွန်ဆန်နိုင်။
ငါ၏ ချစ်မြတ်နိုးအပ်သော အရာအားလုံးတို့နှင့် ရှင်ကွဲကွဲရခြင်း သေကွဲကွဲရခြင်းသည် ဖြစ်ချေမည်။
ငါသည် ကံသာလျှင် မိမိဥစ္စာရှိ၏၊ ကံ၏အမွေခံဖြစ်၏၊ ကံသာလျှင် အကြောင်းရှိ၏။ ကံသာလျှင် အဆွေအမျိုးရှိ၏၊ ကံသာလျှင် ကိုးကွယ်မှီခိုရာရှိ၏၊ ကောင်းသည်ဖြစ်စေ၊ မကောင်းသည်ဖြစ်စေ၊ ငါပြုမိသော ကံ၏ အမွေခံသာ ဖြစ်ရပေမည်။ (အဘိဏှသုတ် မြန်မာပြန်မှ ကောက်နှုတ်ချက်)


။

ဆက်ဖတ်ရန်>>

ဒေါ်အောင်ဆန်းးစုကြည်နဲ့ NLD ကို အားပေးကြ

ဒေါ်အောင်ဆန်းစုကြည်က သူမဆုပ်ကိုင်ထားတဲ့ ငြိမ်းချမ်းရေး လမ်းစဉ်အတိုင်း ငြိမ်းချမ်းစွာ တွေ့ဆုံဆွေးနွေး အဖြေရှာတဲ့နည်းနဲ့ မြန်မာပြည်ငြိမ်းချမ်းရေကို ဖေါ်ဆောင်နိုင်ဖို့ ကြိုးစားနေပါပြီ။ တချိန်တည်းမှာ အာဏာရှင်စနစ် ချုပ်ငြိမ်းရေးအတွက် လူထုတိုက်ပွဲ၊ လက်နက်ကိုင်တိုက်ပွဲ၊ သံတမန်တိုက်ပွဲ စတဲ့ မိမိသန်ရာနည်းပေါင်းစုံနဲ့ တိုက်ပွဲဝင် နေသူအားလုံးကိုလည်း ဒီတိုက်ပွဲတွေဟာ အာဏာရှင် စနစ်ချုပ်ငြိမ်းရေးအတွက် မရှိမဖြစ်လိုအပ်တဲ့ တိုက်ပွဲတွေဖြစ်လို့ တိုက်ပွဲဝင်နေသူ အားလုံးကို ကျွန်မ အားပေးပါတယ်။ သို့သော်လည်း ဒီမိုကရေစီအရေးအတွက် အကျဉ်းကျခံနေရတဲ့ ကိုမင်းကိုနိုင်အပါအ၀င် နိုင်ငံရေးအကျဉ်းသားတွေ လွတ်လာတဲ့အထိမှ မစောင့်နိုင် ထိုသူတို့မျက်နှာကိုမှ မထောက် လူစင်စစ်နဲ့ ပုတ်သင်ညို ဖြစ်သွားရှာတဲ့ ပြည်တော်ပြန်နေသူ ပြန်ဖို့ကြိုးစားနေသူတွေနဲ့ ဒေါ်အောင်ဆန်းစုကြည်ကို မနေ့တနေ့ကအထိ လေးစားလှချည်ရဲ့ဆိုပြီး အခုတော့ သုံးစားမရအောင် အထင်သေးနေကြသူတွေအတွက်တော့ ဒီလောက်တောင် ဘ၀ကူးမြန်ကြတဲ့အပေါ် တကယ်ပဲ ၀မ်းနည်းမိပါတယ်။

၈၈ နောက်ပိုင်း မြန်မာနိုင်ငံ ဒီမိုကရေစီအတွက် လှုပ်ရှားလာခဲ့တဲ့ လှုပ်ရှားမှုအတော်များများဟာ စစ်အုပ်စုလုပ်လိုက်တဲ့ Action တခုကို မူတည်ပြီး လှုပ်ရှားလာတာက များလို့ စစ်အုပ်စုက ဦးဆောင်ပြီး စစ်အုပ်စုခင်းတဲ့ လမ်းကိုလျှောက်လာခဲ့ရတယ်လို့ ပြောရင်မမှားပါဘူး။ သို့ပေမဲ့လည်း လက်ရှိအခြေအနေမှာတော့ တွေ့ဆုံဆွေးနွေးဖို့ အခြေအနေကို ရောက်ဖို့ ဒေါ်အောင်ဆန်းစုကြည်က အရှေ့က ဦးဆောင်လာခဲ့တာ ဖြစ်လို့ ဒေါ်အောင်ဆန်းစုကြည် ခင်းတဲ့လမ်းကို စစ်အုပ်စုက လျှောက်နေရတဲ့ အခြေအနေကို ရောက်နေတာ တွေ့ရမှာဖြစ်တယ်။ ကျွန်မ ဆိုလိုချင်တာက ကျွန်မတို့ ဒီမိုကရေစီ အင်အားစုတွေဟာ တိုက်ပွဲသာ ၀င်လာခဲ့ပေမဲ့ တိုက်ပွဲသဏ္ဍန်ကို မိမိအစီအစဉ်နဲ့ မိမိဘက်က စပြီးအကောင်အတည်ဖေါ်တာ တော်တော်လေး နည်းပြီး န၀တ၊ နအဖက တခုခုကို စလုပ်ပြီးမှပဲ အဲဒီအပေါ်မှာ တုံ့ပြန်တဲ့ တိုက်ပွဲငယ်တွေနဲ့ပဲ တောက်လျှောက် ဖြတ်သန်းလာခဲ့တာ များပါတယ်။ မြန်မာပြည်ရဲ့ ပြဿနာကို လူနာတယောက်မှာ ရှိတဲ့ ရောဂါတခုနဲ့ ဥပမာပေးရင် ရောဂါကို ကုသနိုင်တဲ့ နည်းလမ်းဖြစ်တဲ့ ကုသမှု အဆင့်ကို မရောက်နိုင် မချည်းကပ်နိုင်ဘဲ ရောဂါလက္ခဏာတချို့ကို ထိန်းချုပ်ပေးတဲ့ အဆင့်ကိုပဲ ကျွန်မတို့ လှုပ်ရှားနိုင်ခဲ့ပါတယ်။

တိုက်ပွဲဖေါ်တဲ့နေရာမှာ ပြင်ပအင်အားစုတွေက နအဖ တခုခုလုပ်မှ အဲဒီအပေါ် ဆန္ဒစပြရတာ၊ စတိတ်မင့်စထုတ်တာ၊ UN မှာ lobby လုပ်ရင်လည်း နအဖ ဒီလို လူ့အခွင့်အရေး ချိုးဖေါက်နေလို့ အရေးယူပေးဖို့၊ UN ဆုံးဖြတ်ချက်ကို မှန်မှန်ကန်ကန် ဖြစ်အောင် လုပ်ပေးဖို့ နအဖလုပ်တဲ့အပေါ်မှာပဲ သွားတောင်းဆိုရပါတယ်။ နယ်စပ်အင်အားစုတွေအနေနဲ့လည်း ၉၃ နောက်ပိုင်း ရန်သူထိုးစစ်ဆင်မှ ခံစစ်အနေနဲ့ ပြန်ခံထားရတာကများပြီး မိမိဘက်က ကိုယ်တိုင် တိုက်ပွဲစဖေါ်တာ သိပ်နည်းတာကို တွေ့ရပါတယ်။ ပြည်တွင်းလူထုလှုပ်ရှားမှုမှာတော့ ရွှေဝါရောင် တော်လှန်ရေးအပါအ၀င် တခြား ကျောင်းသားလှုပ်ရှားမှုတွေမှုတချို့ကို မိမိဘက်က ဦးဆောင်ခဲ့တာ တွေ့ရပေမဲ့လည်း တခုလုံးအတိုင်းအတာနဲ့ ပြောင်းလဲမှု ဖြစ်နိုင်တဲ့အဆင့်ထိ မရောက်နိုင်ခဲ့ဘူး။ ရောဂါတခုလုံး ပျောက်ကင်းတာနဲ့ တူတဲ့ မြန်မာပြည်မှာ ဖြစ်နေတဲ့ အဓိက ပြဿနာတခုလုံးကို ဖြေရှင်းဖို့အဆင့်ကို ဒီမိုကရေစီ အင်အားစုတွေ လက်လှမ်းလို့ မမီသေးဘူး။ ဒါကြောင့် တခုလုံးအတိုင်းအတာနဲ့ ကြည့်ရင် Actions တွေ အတော်များများက အာဏာရှင်လုပ်ပြီးသား လုပ်ရပ်အပေါ်မှာသာ မူတည်ပြီး နောက်က လိုက်လုပ်ရတာများလို့ အာဏာရှင်ခင်းတဲ့လမ်းကို လိုက်လျှောက်ရသလို ဖြစ်လာခဲ့ပါတယ်လို့ ကျွန်မ ဆိုလိုခြင်း ဖြစ်တယ်။ အခုချိန်မှာတော့ တွေ့ဆုံဆွေးနွေး အဖြေရှာဖို့ကို တလျှောက်လုံးငြင်းလာခဲ့တဲ့ အာဏာရှင်ဘက်က ဒေါ်အောင်ဆန်းစုကြည် ဖေါ်ဆောင်နေတဲ့လမ်းကို လိုက်လျှောက်နေရတဲ့ အခြေအနေမျိုးကို စတင် တွေ့မြင်ရပါပြီ။

ပြီးခဲ့တဲ့လက ကချင်အပါအ၀င် ငြိမ်းချမ်းရေး ယူထားတဲ့ လက်နက်ကိုင် အဖွဲ့တွေနဲ့ အစိုးရ စေ့စပ်ရေး ပျက်သွားပြီးတဲ့နောက်ပိုင်း တိုက်ပွဲတွေ ပြန်ဖြစ်လာတဲ့အချိန်မှာ ဒီပြဿနာ အပါအ၀င် မြန်မာနိုင်ငံရဲ့ လက်ရှိဖြစ်နေတဲ့ ပြဿနာတွေကို အဆင်ပြေစေဖို့ ဒေါ်အောင်ဆန်းစုကြည်က သူကူညီလို့ရရင် ကူညီပါမယ်လို့ စစ်အုပ်စုနဲ့ လက်နက်ကိုင် တိုင်းရင်းသားအင်အားစုတွေကို အိတ်ဖွင့်ပေးစာတစောင် ပို့ပြီး စတင် ကမ်းလှမ်းခဲ့ပါတယ်။ ဒေါ်အောင်ဆန်းစုကြည်ရဲ့ ပေးစာကို ဦးသိန်းစိန် အစိုးရက စစချင်းဘာမှ မတုန့်ပြန်ခဲ့ပေမဲ့ နယ်စပ်အင်အားစုတွေက RFA တနင်္ဂနွေစကားဝိုင်းကတင့် ကြိုဆိုကြောင်း လက်ခံကြောင်း တုန့်ပြန်ခဲ့ပါတယ်။ နောက်ပိုင်းမှာတော့ အစိုးရက ဦးအောင်ကြည်ကို ဒေါ်အောင်ဆန်းစုကြည်နဲ့ အရင်တွေ့စေပြီး သွယ်ဝိုက်တဲ့နည်းနဲ့ စတင်တုံ့ပြန်ခဲ့ပါတယ်။ နောက်တော့မှတဆင့် နေပြည်တော်မှာ ကျင်းပတဲ့ စီးပွားရေးနှီးနှောဖလှယ်ပွဲကို ဖိတ်တယ်၊ ပြီးတော့ ဦးသိန်းစိန် ကိုယ်တိုင်နဲ့တွေ့ခဲ့တယ်။ ဒီအဆင့်တွေ ဖြစ်လာအောင် အစိုးရက ဦးဆောင်လာခဲ့တာ မဟုတ်ဘဲ ဒေါ်အောင်ဆန်းစုကြည်ရဲ့ ကမ်းလှမ်းချက်ကို အစိုးရက သွယ်ဝိုက်တဲ့နည်းနဲ့ တုံ့ပြန်ပြီး ဒီလိုဆွေးနွေးတဲ့အဆင့် ရောက်လာတာ ဖြစ်လို့ အရင်က ဆွေးနွေးဖို့ကို တ လျှောက်လုံး ငြင်းပယ်လာတဲ့ အာဏာရှင်တွေကို ဒေါ်အောင်ဆန်းစုကြည်က ဒီလမ်းကြောင်းပေါ် ရောက်အောင် ဆွဲခေါ်လာလို့ ပါလာတာ ဖြစ်တယ်။

တိုင်းရင်းသား လက်နက်ကိုင် တော်လှန်ရေးအဖွဲ့တွေကလည်း ဒေါ်အောင်ဆန်းစုကြည်က ကြားခံအနေနဲ့ ဆောင်ရွက်ပေးရင် ၄င်တို့အနေဖြင့် လက်ခံနိုင်ကြောင်း RFA က တနင်္ဂနွေ စကားဝိုင်းတခုမှာ အတိအလင်း ပြောထားပြီး ဖြစ်သလို အခု အာဏပိုင်အစိုးရနဲ့ ဒေါ်အောင်ဆန်းစုကြည်နဲ့လည်း စပြီး စကားစပြောနေကြပြီဖြစ်လို့ ကျွန်မတို့ မျှော်လင့်နေတဲ့ တွေ့ဆုံဆွေးနွေးအဖြေရှာရေးကို အမှန်တကယ် အကောင်အထည်ဖေါ်လာအောင် တွန်းအားပေးဖို့ပဲ လိုပါတော့တယ်။ အခုလိုအခြေအနေမှာ ဒေါ်အောင်ဆန်းးစုကြည် အသုံးချခံနေရတယ်ပြောသူ၊ ဒေါ်အောင်ဆန်းစုကြည်ဟာ မရိုးသားတော့ဘူး ပြောလာသူတွေ ဒေါ်အောင်ဆန်းစုကြည်ကို ခေါင်းဆောင်အဖြစ်က ပယ်လိုက်ပြီလို့ ပြောကြသူနဲ့ပတ်သက်ပြီး လူတိုင်းမှာ လွတ်လပ်စွာ ထင်မြင်ယူဆပိုင်ခွင့် ရှိလို့ ဘာမှ မပြောလိုပေမဲ့ မိသားစုကိုပစ်၊ အခြေအနေအစည်းစိမ်နဲ့ အရာအားလုံးကို စွန့်လွှတ်ပြီး မြန်မာပြည်အတွက် အနစ်နာခံကာ ပေးဆပ်လာတဲ့ ခေါင်းဆောင်တဦးအပေါ် ဒီမိုကရေစီ လိုလားပါတယ်ဆိုတဲ့ သူတချို့က ဒီလိုအထင်မြင်သေးကာ ပုတ်ခတ်စော်ကား တန်ဖိုးမထား ပြောဆိုကြတာကိုတော့ ကျွန်မ တကယ်ပဲ ၀မ်းနည်းမိပါတယ်။

အကယ်၍ ဒေါ်အောင်ဆန်းစုကြည်ကို ဦးသိန်းစိန်အစိုးရက တကယ်ပဲ အသုံးချနေတယ်ဆိုရင်တောင်မှ အသုံးချတာမဖြစ်စေဘဲ မှန်ကန်တဲ့တွေ့ဆုံဆွေးနွေးမှုမျိုး ဖြစ်လာအောင် ဒီမိုကရေစီလိုလားသူတိုင်းက ဒေါ်အောင်ဆန်းစုကြည်ကို ၀န်းရံပေးဖို့ လိုအပ်ပါတယ်။ အခုတော့ ဒီလို ဖြစ်ရမည့်အစား ခေါင်းဆောင်စာရင်းက ပယ်လိုက်ပြီဆိုတဲ့သူတွေ စေတနာကို စော်ကား ပြောဆိုမှုတွေကို တွေ့ရတော့ အခုတမျိုး တော်ကြာတမျိုး ဒီလောက်ပဲ အပြောင်းအလဲ မြန်တဲ့အပေါ် နားမလည်နိုင်အောင် အံ့သြမိပါတယ်။ အဆိုးဆုံးက အဲဒီအထဲမှာ ဒေါ်အောင်ဆန်းစုကြည် လွှတ်လာတဲ့နေ့က ကျွန်မနဲ့ အွန်လိုင်းမှာ တွေ့စဉ် ဒေါ်အောင်ဆန်းစုကြည်ရဲ့ အသံလေးကြားချင်လှပြီ မျက်နှာလေးမြင်ချင်လှပြီ စကားသံလေး ကြားချင်လှပြီဆိုပြီး အဖြစ်သည်းနေတဲ့သူနဲ့ ကျွန်မဘလော့ဂ်မှာ မှတ်ချက်သိပ်ရေးလေ့ မရှိပေမဲ့ ဒေါ်အောင်ဆန်းစုကြည် လွတ်ပြီဆိုတာ ကိုဒီရေက ကျွန်မဘလော့ဂ်မှာ ပို့စ်လာတင်ထားတော့ ၀မ်းသာအားရ ပြေးလာပြီး မှတ်ချက်လာရေးခဲ့သူ ဒေါ်အောင်ဆန်းစုကြည်ကို သက်ရှိထဲမှာ အလေးစားဆုံးလို့ ပြောခဲ့ဖူးသူလည်းပါနေလို့ ပိုအံ့သြရတယ်။ အမှန်က အရင်က ဆွေးနွေးဖို့ အမြဲတမ်းငြင်းပယ်နေတဲ့ အစိုးရကို ဒေါ်အောင်ဆန်းစုကြည်က ဆွဲခေါ်လာနိုင်တာ ဖြစ်လို့ ကျွန်မတို့ ဖြစ်ချင်တဲ့ လမ်းကြောင်းအတိုင်း ဖြစ်အောင် ကျွန်မတို့ သူ့ကို အရင်ကထက် ပိုပြီး ၀ိုင်းရံဖို့ မသင့်ဘူးလား။ ဦးသိန်းစိန် အစိုးရက မရိုးသားဘဲ ရှိချင်ရှိမယ် အရာရာကို တိုင်းပြည်အတွက် စွန့်လွှတ်ပြီး မြန်မာပြည်အတွက် ပေးဆပ်ထားတဲ့ ဒေါ်အောင်ဆန်းစုကြည်အတွက် သူ့မှာ လူထုအတွက်ဆိုတဲ့ ရည်ရွယ်ချက်ကလွဲရင် တခြားဘာမှ မရှိတော့ လူထုကို မရိုးမသားလုပ်စရာဆိုလုိ့ ရှိနိုင်ပါ့မလား။ ဒေါ်အောင်ဆန်းစုကြည် အခုတွေ့ဆုံနေတာဟာ အရင်ကလို အကျယ်ချုပ်ကနေ နအဖခေါ်တွေ့လို့ ထွက်တွေ့ရတာမျိုးလည်း မဟုတ်၊ သူကိုယ်တိုင် Initiate လုပ်ပြီး အိတ်ဖွင့်ပေးစာနဲ့ ကမ်းလှမ်းလိုက်ပြီး နောက်ပိုင်း တွေ့တာ ဖြစ်လို့ တကယ်လို့ ဦးသိန်းစိန် အစိုးရက မလွဲသာမရှောင်သာဘဲ မရိုးသားနဲ့ တွေ့တယ်ဆိုရင်တောင်မှ မရိုးမသား လုပ်လို့မရနိုင်အောင်ဒေါ်အာင်ဆန်းစုကြည်ကို ဒီမိုကရေစီ လိုလားသူတွေ အားလုံးက၀န်းရံပေးပြီး ငြိမ်းချမ်းရေးကို တကယ်ဖေါ်ဆောင်ဖြစ်အာင် ၀ိုင်းဝန်းတွန်းအားပေးသင့်တယ်လို့ပဲ ကျွန်မထင်တယ်။

ဦးသိန်းစိန်က ဒေါ်အောင်ဆန်းစုကြည်နဲ့ တွေ့တုန်းက ဗိုလ်ချုပ်ပုံကို သူ့ရုံးခန်းထဲမှာ ချိတ်ထားတော့ တချို့က ဒေါ်အောင်ဆန်းစုကြည်ကို ဖါးပြီးချိတ်တာလို့ ပြောကြတော့ ကျွန်မက ဘာအကြောင်းကြောင့်ပဲ ချိတ်ချိတ် အကြာကြီး လစ်လျူရှုထားခံရပြီး အခုလို ဗိုလ်ချုပ်ပုံကို အစိုးရရုံးခန်းမှာ ပြန်တွေ့ရတာ ၀မ်းသာတယ်လို့ ပြောခဲ့ပါတယ်။ အခုလည်း အစိုးရက ဒေါ်အောင်ဆန်းစုကြည်နဲ့ တွေ့တာ အာစီယံနေရာအတွက်ပဲ တွေ့တွေ့ ဖိအားကြောင့်ပဲ တွေ့တွေ့၊ တကယ်ငြိမ်းချမ်းစေလိုတဲ့ စေတနာနဲ့ပဲ တွေ့တွေ့ ဘာကြောင့်ပဲတွေ့တွေ့ စကားပြောတယ်ဆိုကတည်းက သူကကျွန်မတို့ လိုချင်တဲ့လမ်းကို စလျှောက်တာပဲ ဖြစ်လို့ တိုင်းပြည်ကို တကယ်ငြိမ်းချမ်းစေချင်သူမှန်သမျှဟာ ဒီအပေါ်မှာ အပြစ်တင်ရှုပ်ချနေမည့်အစား တကယ်ငြိမ်းချမ်းဖို့ အခြေအနေ ဖန်လာအောင် ဒေါ်အောင်ဆန်းစုကြည်နဲ့ NLD ကို ၀ိုင်းဝန်းပံ့ပိုးဖို့ တကယ်ပဲ လိုအပ်ပါတယ်လို့ မြင်တယ်။ ဒါကြောင့် ဒေါ်အောင်ဆန်းစုကြည်နဲ့ NLD ကို အားပေးကြဆိုတဲ့စကားကို ထပ်ခါထပ်ခါ ရေးထားတဲ့ အဘဦးရဲခေါင်ရဲ့ ငါတို့တသက် ယုံကြည်ချက် နိုးဆော်လွှာ ပို့စ်ကိုလည်း ထပ်ဆင့်ညွန်းလိုက်ပါတယ်။

(ဘလော့ဂ်တခုရဲ့ မှတ်ချက်မှာ ရေးခဲ့တဲ့စာသားကို နောက်တော့ ဒီစာသားနဲ့ သက်ဆိုင်သူတွေက အများကြီး ရှိတာကို သတိထားမိလို့ မအားလို့ ပို့စ်အသစ်မတင်ဖြစ်တာလည်း ကြာပြီဆိုတော့ အဲဒီမှာ ဖျက်လိုက်ပြီး အနည်းငယ်ဖြည့်စွက်ကာ ဘလော့ဂ်မှာ သီးသန့်ပို့စ်တခုအဖြစ် ပြန်တင်လိုက်ပါတယ်။)

စာလာဖတ်သူများအားလုံး ရွှင်လန်းချမ်းမြေ့ကြပါစေ

ဆက်ဖတ်ရန်>>

ဇာတိချက်ကြွေ မွေးရပ်မြေအလွမ်း

မတွေ့ရတာ အနှစ် ၂၀ နီးပါးရှိပြီ ဖြစ်တဲ့ ဇာတိမြို့ပုံပါတဲ့ ဗွီဒီယို နှစ်ခုသုံးခုကို Facebook မှာ မောင်လေးတယောက်က tag ပေးလိုက်တော့ ၀မ်းသာအားရနဲ့ ကြည့်ခွင့်ရလိုက်ပါတယ်။ Human Geography တချို့ ပြောင်းလဲနေတာ တွေ့ရပေမဲ့ ဒီတောဒီတောင် ဒီပင်လယ်နဲ့ ဒေသဓလေ့တွေကတော့ အနှစ် နှစ်ဆယ် ကြာသည့်တိုင် ဘာဆိုဘာမှ မပြောင်းလဲ အရင်အတိုင်းပါပဲ။

အုန်းပင်ကွမ်းပင်တွေနဲ့ ပြည့်နက်နေတဲ့ ကျေးရွာတွေ၊   တောင်ကုန်းမြင့်မြင့်တွေပေါ်က စေတီပုထိုးတွေ၊ အရှေ့ဘက်ကိုကြည့်လိုက်ရင် တိပ်လွှာတွေ အုပ်ဆိုင်းနေတဲ့ ညှို့ညို့မှိုင်းမှိုင်း တောင်ပြာတန်းတွေကို တွေ့ရသလို၊ နောက်ဘက်ကို ကြည့်ပြန်တော့လည်း စိမ်းလန်းစိုပြေနေတဲ့ လယ်ကွင်းပြင်တွေနဲ့ လယ်တောစပ်ကျေးရွာတွေကို တွေ့ရတယ်။ ဒါအပြင် ပင်လယ်ကမ်းစပ်တွေမှာတော့  ငါးဖမ်းလှေ အကြီးအသေးတွေ၊ ကမ်းနားမှာ တွေ့ရတဲ့စန္ဒားခေါ် ငါးထောင်တဲ့ ထောင်ချောက်တွေ၊ ကုန်းဘက်ကျတဲ့အပိုင်း ချောင်းကမ်းနံဘေးက ဓနီ၊ လမုတို့ ကနဇိုတို့အပင်တွေနဲ့ ပြည့်နှက်နေတဲ့ တောတန်းတွေကလည်း အရင်ကအတိုင်းပဲ။ မြင်တွေ့လိုက်ရတဲ့  Physical Geography အားလုံးနဲ့ ဒုတိယအစမ်း စာမေးပွဲကာလနဲ့ အမြဲတမ်း တိုက်နေတတ်တဲ့ နှစ်ကျိပ်ရှစ်ဆူတန်ဆောင်တိုင် ဘုရားပွဲတော်၊ စက်တော်ရာဘုရားပွဲတော်၊ ၀ါဝင်နှင့် သတင်းကျွတ်ကြား ၀ါတွင်းကာလမှာ ကျင်းပလေ့ ရှိတဲ့ ခေါသရပ်ပွဲတော်ခေါ် မကျွတ်လွှတ်သူတွေကို အစာကျွေးတဲ့ပွဲတော် စတဲ့ ဒေသဓလေ့နဲ့ ဘာသာရေးပွဲတော်တွေကတာ့ ကျွန်မတို့ ရှိခဲ့စဉ်က အတိုင်းပါပဲလားဆိုတာ တွေးရင်း ရင်ဝကနေ လည်ချောင်းဝမှာ ဆို့တက်လာတဲ့ အလွမ်းလုံးကြီးကို ကျွန်မ ဘယ်လိုမှ ပြန်မြိုချနိုင်စွမ်း မရှိတော့ဘဲ မျက်ရည်အဖြစ် ပြောင်းလဲစေခဲ့ရပါတယ်။


ဗွီဒီယို တခွေပြီးတခွေ လိုက်ကြည့်ကာ တ၀ကြီးအလွမ်းဖြေပြီး အတော်လေး စိတ်ငြိမ်သွားတဲ့အခါမှာတော့ အိပ်ရာထပြီး အလုပ်သွားခါနီး အလုပ်သွားဖို့ ပြင်ဆင်နေတဲ့ အမျိုးသားကို ဒါကျွန်မတို့မြို့ပေါ့လို့ ပြတော့ သူကအလုပ်သွားခါနီးမို့ ကြည့်ချိန် သိပ်မရလိုက်လို့ သိပ်စိတ်ဝင်စားပုံ မပြဘူး။ သားကိုတော့ အဲဒီနေ့က မပြဖြစ်ဘဲ ဒီနေ့မှ ပြဖြစ်တယ်။ သားဒါ မေမေတို့မြို့ပေါ့လို့ပြလိုက်တော့ ကစားနေတဲ့ ဂိမ်းကို ရပ်ပြီး စိတ်ဝင်တစား လာကြည့်ပါတယ်။ တခုစီကို လက်ညိုးထိုး ပြပြီး "အဲဒီနေရာကို မေမေရောက်ဖူးလား" နဲ့ မေးနေလို့ "မေမေအဲဒီနေရာကပဲ လာတာလေသား" လို့ပြန်ပြောပြဖြစ်တယ်။ ဒါက ဓနီပင်လို့ခေါ်တယ် မေမေတို့ဆီမှာ အိမ်အများစုကို အဲဒီအရွက်နဲ့ သီပြီး အမိုး လုပ်မိုးပါတယ် " လို့ ပြောတော့ သားက တအံ့တသြကြည့်နေရှာတယ်။ "ကကြီးခခွေးစသင်တုန်းက ဓ ဓနိတန်းပင်လယ်ကမ်း ဆိုတာ ဒီအပင်ပေါ့၊ ဒီကမ်းနားမှာ တွေ့ရတဲ့ အပင်တွေကိုတော့ လမုပင်လို့ ခေါ်ပါတယ်။ မေမေတို့မြို့နယ်က ပင်လယ်နဲ့ နီးတဲ့အပိုင်းမှာ ချောင်းကမ်းနံဘေးတလျှောက် ဒီလိုဓနိခြံတွေ၊ လမုပင်တွေနဲ့ ပြည့်နေပြီး ကုန်းတွင်းဘက် နည်းနည်းပိုကျတဲ့ နေရာတွေမှာတော့ ရော်ဘာခြံတွေနဲ့ ပြည့်နေပါတယ်။ ရွာတခုနဲ့တခု ကြားမှာ များသောအားဖြင့် အုန်းခြံ၊ ကွမ်းခြံ၊ ရော်ဘာခြံတွေ၊ လယ်ကွက်တွေနဲ့ ခြားထားတယ် " ဆိုပြီး ဆက်ပြောတော့ တောဆိုလို့ ဒီမှာ ရှိတဲ့ Park တွေနဲ့ Blue Mountain National Park ကလွဲရင် ဘယ်မှ မရောက်ဖူးတဲ့ သားက တော်တော်လေးကို စိတ်ဝင်စားပါတယ်။ မေမေ မျက်နှာပေါ်က Reflection ကိုသားမြင်နေရတယ်လို့ ပြောပြီး ဟိုမေးဒီမေးနဲ့ အမေကိုအလွမ်းကူ ဖြေပေးရှာတယ်။

ငယ်ငယ်က ဗေဒင်တွက်တိုင်း မိမိမွေးရပ်မြေမှာ ဘ၀ကိုဖြတ်သန်းရမှာ မဟုတ်ဘူး ဒါပေမဲ့ နောက်ဆုံးခေါင်းချရင်တော့ မွေးရပ်မြေမှာပဲ ပြန်ခေါင်းချရမယ်လို့ မကြာခဏ အဟောခံရတာကို တကယ်အတည် ဖြစ်လာလိမ့်မယ်လို့ ကျွန်မယုံကြည်ထားပြီး အလွမ်းတွေကို ခဏပြန်သိမ်းထားလိုက်ပါတယ်။ နောက်ပိုင်းအလျဉ်းသင့်ရင်တော့ ကျွန်မကိုယ်တိုင် ငယ်ငယ်က မိဘ ဖွားဖွားတွေကို ၀ိုင်းကူလုပ်ခဲ့ဖူးတဲ့ ဓနိလုပ်ငန်း၊ ရော်ဘာလုပ်ငန်းနဲ့ ဒေသအစားအစာတွေ ဒေသဓလေ့တွေအကြောင်းကို ရေးပါဦးမယ်။


မွေးရပ်မြေဆီကို ဒုစရိုက် ဆယ်ပါးကို ကျူးလွန်စရာမလိုဘဲ အဂတိတရားကင်းကင်းနဲ့ သွားလို့ လာလို့ရတဲ့ နေ့ကိုရောက်မှ ပြန်ရောက်တေ့ာမှာမို့ အလွမ်းရက်က ဘယ်လောက်ရှည်ဦးမယ်ဆိုတာ မသိနိုင်သေးဘူး။ ကျွန်မရဲ့ မွေးရပ်မြေကို လွမ်းရတဲ့ရက်တွေ မြန်မြန် ကုန်ဆုံးပါစေ....

စာဖတ်သူများအားလုံး ရွှင်လန်းချမ်းမြေ့ကြပါစေ

ဆက်ဖတ်ရန်>>

ပျောက်ဆုံးနေသော မောင်လေးတယောက်

ဇွန်လဟာ မြန်မာပြည်မှာ ကျောင်းဖွင့်တဲ့ လရာသီမို့ ဇွန်လရောက်တိုင်း မိတ်ဆွေ အသစ်တွေ ရတတ်ပြီး ကျွန်မအတွက် အမှတ်ရစရာတွေ အမြဲရတတ်တဲ့ လဖြစ်လည်း ဖြစ်သလို ဇွန်လမှာ ကျွန်မအတွက် ပြောမကုန်တဲ့ အကြောင်းအရာတွေလည်း အများကြီး ရှိခဲ့ပါတယ်။ အခုပြောမှာက အိမ်က ထွက်ခွါသွားကတည်းက မိဘ၊ ဆွေမျိုး၊ ညီအစ်ကို မောင်နှမတွေကို တခါမှ အဆက်အသွယ်မလုပ်ခဲ့သူ ကျွန်မထက် ကိုးနှစ်တိတိငယ်တဲ့ ဇွန်လဖွား ကျွန်မ မောင်လေးတယောက် အကြောင်းပါ။

ဘယ်ရောက်လို့ ရောက်မှန်းမသိ ကျွန်မမှာ သူ့အကြောင်း တွေးမိတိုင်း သူ့အတွက် စိုးရိမ်ရတဲ့ ဒုက္ခက တကယ်ကို မသေးလှပါဘူး။ အမေအဖေတွေတောင်မှ သူ့အတွက် ကျွန်မလောက် စိုးရိမ်လိမ့်မယ်လို့ ကျွန်မ မထင်ဘူး။ အစပိုင်းမှာတော့ သူကိုယ်တိုင် အိမ်ကို အဆက်အသွယ် မလုပ်ပေမဲ့ သူရောက်ခဲ့တဲ့နေရာ၊ သူသွာခဲ့တဲ့နေရာတွေမှာ သူနဲ့တွေ့တဲ့ သူတွေဆီကတဆင့် သူ့အကြောင်းကို ခြေရာခံလို့ ရနိုင်ခဲ့ပေမဲ့ အခုတော့ ခြေရာခံလို့မရတာ ကြာလေ၊ ကျွန်မရဲ့ စိုးရိမ်မှု ရေချိန်ကလည်းပိုလေ ဖြစ်လာပါတယ်။ အိမ်ကို စာမလာ သတင်းမကြား လုပ်ထားတာ အိမ်ကလူတွေ သူ့အတွက် ဘယ်လောက် စိုးရိမ်နေတယ်ဆိုတာများ မတွေးမိလို့လား မဆက်သွယ်နိုင်တဲ့ ဘ၀ဆီကိုများ ရောက်သွားပြီလားဆိုတာ ကျွန်မ တကယ်ပဲ တွေးပြီး စိုးရိမ်မိတယ်။

ကျွန်မမောင်လေးဟာ ငယ်ငယ်ကတည်းက ကျွန်မ လက်ပေါ်မှာပဲ ကြီးခဲ့ပါတယ်။ သူ့ကိုမွေးပြီး အမေက နောက်ထပ်မောင်လေးတဦးကို သူနှစ်နှစ်မပြည့်ခင်မှာ ထပ်မွေးတော့ သူ့ကို ကျွန်မကပဲ အဓိကထိန်းကျောင်းရပါတယ်။ မောင်လေးက ငယ်ငယ်က တော်တော်အးဆေးပြီး သိပ်လိမ္မာတယ်။ ကျွန်မတို့အိမ်ဘေးက စင်္ကြာပန်းပင်အခွပေါ်မှာ သံပုံးက သံပြားတပြားခင်းပြီး အဲဒီအပေါ်မှာ အရုပ်တခုပေးပြီး ထိုင်ခိုင်းထားရင် တနေကုန် ငြိမ်ပြီးကစားပါတယ်။ ကျွန်မသူငယ်ချင်းမှာက ညီမလေးတယောက်ရှိပြီး သူ့ညီမကတော့ ကျွန်မမောင်လေးလို ငြိမ်ငြိမ်မနေတတ်ဘူး၊ ငိုလည်း ငိုပြဲတော့ သူကကျွန်မထက် ခလေးထိန်းရ ပိုပင်ပန်းတယ်။ မောင်လေး ညီမလေးတွေ ကောင်းကြောင်း ပြောကြရင် သူ့ညီမလေးနဲ့ ပတ်သက်ပြီး ကျွန်မကို သူကြွားပြောလို့မရဘူး။ တခြား မောင်လေး ညီမလေးတွေ မရှိတဲ့ သူငယ်ချင်းတွေက မရှိတဲ့ မောင်လေး ညီမလေးတွေအကြောင်းကို ဘယ်လို လိမ္မာကြောင်း လုပ်ကြံ ကြွားပြောတတ်ကြပါတယ်။

ကျွန်မကလည်း ကျွန်မမောင်လေး အကြောင်းကို ဘယ်လိုလိမ္မာကြောင်း ကြီးလာရင် စစ်ဗိုလ်ကြီး ဖြစ်မည့်မောင်လေး ဖြစ်ကြောင်း ဟုတ်တာရော မဟုတ်တာပါ အကုန် သူငယ်ချင်းတွေ ကြားမှာ ကြွားပြောတတ်ပါတယ်။ မောင်လေး စကားသင်စ စကားမပီကလာ ပီကလာ ပြောတတ်တဲ့ အရွယ်ကစပြီး ကြီးလာရင် ဘာလုပ်မလဲမေးရင် စစ်ဗိုလ်ကြီး လုပ်မယ်လို့ ဖြေရမယ်လို့ပဲ ကျွန်မက သင်ပေးထားပါတယ်။ ဒါကြောင့် ကျွန်မမေးရင် စစ်ဗိုလ်ကြီး လုပ်မယ် ဆိုတဲ့အဖြေက သူ့အတွက် ပုံသေနည်းလို ဖြစ်နေတယ်။ ကျွန်မ မေးရင်သာ ဒီလို ဖြေပေမဲ့ သူက တခြားသူတွေ မေးရင် လေးခွနဲ့ ငှက်ပစ်မယ်တို့ သစ်ပင်ပေါ်တက်မယ်တို့လို ပေါက်ကရတွေကို ဖြေတတ်ပါတယ်။ ဒါဆိုရင် ကျွန်မက ဘာပြောတယ် ပြန်ပြောစမ်း ကြီးလာရင် ဘာလုပ်မလဲ ဆိုပြီး အသံမာမာနဲ့ လှမ်းမေးရင် “စစ်ဗိုလ်ကြီးလုပ်မယ်” လို့ ချက်ချင်း ပြန်ဖြေတတ်တယ်။ ဒီလိုနဲ့ မောင်လေးကို ချီရင်းပိုးရင်း ကျွန်မလည်း အပျိုဖေါ်ဝင်စအရွယ် ရောက်လာပြန်တော့ ကျွန်မဘယ်ပဲသွားသွား အမေက သူ့ကိုပဲ အဖေါ်ထည့်ပေးတော့ ကျွန်မအဖေါ်အဖြစ် ကျွန်မဘယ်သွားသွား အနောက်က တကောက်ကောက် ပါနေသူ ဖြစ်လာတယ်။

မောင်နှမတွေအထဲမှာ ဒီမောင်လေးကို ကျွန်မက အကြာဆုံး ထိန်းရတယ် ဆိုတော့ သူ့ကို မောင်နှမတွေအထဲမှာ သံယောဇဉ် အရှိဆုံး အချစ်ဆုံးလို့ ပြောလို့ရပါတယ်။ ဒီလိုနဲ့ ၈၈ အရေးတော်ပုံကြီး ဖြစ်ပြီး ကျွန်မတို့တွေ တောတွင်းရောက်တော့ လူမမယ် အရွယ်လေးတွေ အဖြစ်နဲ့ပဲ ကျန်ခဲ့ပါတယ်။ သူ့ကို ကျွန်မ ပြန်တွေ့တဲ့အချိန်ဆို ကျွန်မတို့ ABSDF တပ်တွေ ရှေ့တန်းဒေသတွေမှာ လှုပ်ရှားနေချိန် ကရင်ရွာတရွာမှာ သူနဲ့အမေ ကျွန်မကို လာတွေ့တော့ လူပျိုပေါက်လေး ဖြစ်နေပြီ။ အမေက သူ့ကို ကျောင်းနေချင်စိတ်မရှိလို့ ကျွန်မတို့ထွက်လာပြီး မကြာခင်ပဲ ကျောင်းထွက်ခိုင်းလိုက်တယ်တဲ့။ ကျွန်မသူ့ကိုစတွေ့တော့ ဆေးပေါ့လိပ်လေးတလိပ် လက်ကြားညှပ်ပြီးတော့ ကျွန်မမှာ ကိုယ့်မျက်စိကိုတောင် ကိုယ်မယုံ ဖြစ်ခဲ့ရတယ်။ သူ့ကိုတွေ့လို့ ၀မ်းသာရမည့်အစား “ဘုရားဘုရား သားငယ် နင့်အရွယ် ဆေးလိပ်သောက်တဲ့အရွယ်လား” ဆိုပြီး မြင်မြင်ချင်းပဲ ကျွန်မ သူ့ကို ဂရုဏာသက်စွာနဲ့ ကြည့်ပြီးမေးမိတယ်။ သူကတော့ ဘာမှ ခံစားရပုံမပေါ်ဘဲ “မငယ်ကလည်း ဆေးလိပ်သောက်တာများ အဆန်းလုပ်လို့” ဆိုပြီး အချိုးမပြေတဲ့ မျက်နှာနဲ့ ကြည့်ပြီး ကျွန်မကို ပြောနေလို့ ကျွန်မက အမေဘာမှ မဆုံးမဘူးလားဆိုတဲ့ သဘောနဲ့ အမေကို ကြည့်လိုက်ပြန်တော့ အမေကလည်း “နင်ပဲ နင့်မောင်ကို ကလေးလိုမြင်နေတာ ရည်းစားက ဘယ်နှစ်ယောက် ရနေပြီလဲလို့ မေးကြည့်လိုက်ဦး” တဲ့။

ကျွန်မကလည်း “သားငယ်ရေ နင့်အရွယ် ရည်းစားထားတဲ့ အရွယ်လည်း မဟုတ်သေးပါဘူး အရွယ်ရောက်လာလို့ ထားရင်လည်း တယောက်ဆိုတယောက် သတ်သတ်မှတ်မှတ်ပဲ ထားပါနော့် မောင်လေး” လို့ ကျွန်မကိုငယ် လူပျိုတုန်းကလို ရည်စားများတာကို အတုခိုးမှာစိုးလို့ ပြောလိုက်တော့မှ ကိုငယ်ထက်တောင် ပိုဆိုးနေသေးတာ တွေ့ရတယ်။ သူက “အလကားပါ မငယ်ကလည်း အမေပြောတာ ယုံနေပြန်ပြီ၊ ကျွန်တော်နဲ့ ဘာမှ ဆိုင်တာမဟုတ်ဘူး သူတို့က ခင်လို့ ပြန်ခင်တဲ့ မိတ်ဆွေတွေပါ” တဲ့။ ကျွန်မက "ခင်တာပဲဖြစ်ဖြစ် ရည်းစားပဲ ဖြစ်ဖြစ် မိန်းကလေးတွေနဲ့ တရုန်းရုန်းနဲ့ ရှုပ်ရှုပ်ယှက်ယှက် လုပ်နေတာ မကောင်းဘူး မိန်းကလေးတွေကို ဟိုလိုလို ဒီလိုလိုလည်း လိုက်မလုပ်ရဘူး ရည်းစားစားရင်လည်း အတည်တကျ တယောက်ဆိုတယောက်ပဲ ထားရတယ်" လို့ ကျွန်မက ပြောလိုက်တော့ "မဟုတ်ဘူးဆိုမှပဲ ထင်ချင်သလိုထင်ပါဗျာ" လို့ ဆောင့်ကြီးအောင့်ကြီး ပြန်ပြောပြီး စိတ်ကောက်လို့ ကျွန်မမှာ အသဲအသန် ပြန်ချော့ပြီး စကားစဖြတ်လိုက်ရတယ်။ အမေကလည်း သူ့သား ငယ်ငယ်လေးနဲ့ ရည်းစားထားတာကို ဂုဏ်ယူတဲ့ လေသံနဲ့ ပြောနေတော့ ကျွန်မသဘောမတွေ့ ဖြစ်ရတယ်။ ကျွန်မတို့တောဘက်မှာ ယောက်ျားလေးပဲ ဖြစ်ဖြစ် မိန်းကလေးပဲ ဖြစ်ဖြစ် ၁၀ ကျော်အသက်မှာ ကျောင်းထွက်လိုက်ပြီဆိုတာနဲ့ ဘာပွဲပဲလုပ်လုပ် ရွာက ကာလသမီး ကာလသားစရင်းထဲ အလိုလို ၀င်ပြီးသား ဖြစ်သွားပြီး အဖိတ်ခံရပြီ။ ဒါနဲ့ပဲ လူပျိုတွေ၊ အပျိုတွေလို နေလိုက်ကြပြီး မိဘတွေကလည်း ဆေးလိပ်သောက်တာလောက် မိန်းကလေးပိုးတာတို့လောက်ကို ကျောင်းသားမှမဟုတ်တော့တာ စာဘက်အာရုံမရောက်မှာ စိုးရိမ်စရာ အလိုတော့ဘူးဆိုပြီး ဘာမှမပြောပဲ နေလိုက်တာ သဘာဝပါပဲ။

နောက်တော့ သူရည်းစားထားလို့ ကျွန်မ လက်ချာရိုက်နေတာလည်း စကားစပြတ်ပြီးတာနဲ့ သူက ကျွန်မတို့ တပ်တွေကို အမျိုးမျိုး လိုက်သရော်ပြီး ကျွန်မကို လိုက်စနေတယ်။ “မငယ်တို့ တပ်တွေက လူကတယောက်နဲ့ တပိုင်း စစ်တပ်က မလိုက်လို့ တော်သေးတာပေါ့ လိုက်များလိုက်ရင် ၆၀ မမ တလုံးစာတောင်မရှိဘူး။ မငယ်တို့က နိုင်မှာလည်း မဟုတ်ဘဲနဲ့ လုပ်နေလို့ဘာမှ မထူးပါဘူး။ အိမ်ပြန်လိုက်မလား” နဲ့ မေးနေလို့ “သားငယ် နင့်ပါးစပ်ပိတ်ထားစမ်း” လို့ပဲကျွန်မ ပြောလိုက်တယ်။ အမေကလည်း တခြားကျွန်မတို့ ရဲဘော်တွေ ကြားရင် ကျွန်မ မျက်နှာပူမှာစိုးလို့ သားငယ် ဘာတွေလျှောက်ပြောနေလဲ လို့ သတိပေးလိုက်လို့ တပ်အကြောင်းကိုတော့ ဆက်မပြောတော့ဘူး။ ဒါပေမဲ့ ကျွန်မကိုတော့ အမျိုးမျိုး လိုက်စနေသေးတယ်။ "ခုလိုချိန် စစ်တပ် လိုက်ရင် ယောက်ျားလေးတွေကတော့ ထားလိုက်တော့ မငယ်တို့ မိန်းကလေးတွေ ဘယ်လိုပြေးမလဲ ပြေးနိုင်ပါ့မလား။ မငယ် သေနတ်က ဘယ်မှာလဲ ကျွန်တော့်ကို တချက်ပြကြည့် ကျွန်တော်ကြည့်ချင်လို့" နဲ့ အမျိုးမျိုး လိုက်စနေလို့ “ငါကသေနတ်မလွယ်ဘူး ဆေးအိတ်ပဲ လွယ်တယ်၊ ငါတို့တပ်တွေက ရွာထဲမှာ ရှိနေစဉ် စစ်တပ်က လိုက်လာမှ ရွာနာမှာစိုးလို့ ရှောင်ပေးတာမျိုး ရှိပေမဲ့ ရွာပြင်ရောက်ရင် ငါတို့က ပြေးသမားမဟုတ်ဘူး လိုက်သမားသာ ဖြစ်တယ်။ ငါတို့တပ်တွေကလည်း နင်မြင်အောင် ပြနေရမလား ကင်းပုန်းဝပ်နေတာ တပုံကြီးရှိတယ်” လို့ ပြောလိုက်တယ်။

အမှန်တိုင်း ပြောရရင် အဲဒီတုန်းက ကျွန်မ သူနဲ့ တွေ့ရတာ သူ့ပုံကြည့်ပြီး သိပ်မပျော်ဘူး။ သူ့ရဲ့ ငယ်ငယ်ကပုံလေးကိုပဲ ကျွန်မ လွမ်းနေမိတယ်။ တခုတော့ ရှိတယ် သူ့ရဲ့ နေပုံထိုင်ပုံ ပြောပုံဆိုပုံတွေကို သဘောမကျပေမဲ့ ငယ်ငယ်တုန်းက သူ့ကိုကျွန်မ ဖြစ်စေချင်ခဲ့သလို ကြီးလာရင် စစ်ဗိုလ်တယောက် ဖြစ်ဖို့ ရည်ရွယ်ချက် ရှိနေတာနဲ့ စာရင် အခုချိန်မှာ ဒီလိုတွေ့ရတာကမှ တော်သေးတယ်၊ ကျွန်မကို ဘယ်လိုပဲ လိုက်ခနဲ့နေပါစေ သူစစ်သား ဖြစ်ချင်စိတ်မရှိတာကိုပဲ ကျေးဇူးတင်လှပြီလို့ အဲဒီတုန်းက ကျွန်မ တွေးနေခဲ့တာတော့ အမှန်ပဲ။ မောင်လေးကို ကျွန်မ နောက်ထပ် တခါမှ ထပ်မတွေ့ရတော့ဘူး။ 

 ကျွန်မတို့ တောထဲကထွက်လို့ ဘန်ကောက်ရောက်ပြီး UNHCR က အသိအမှတ်ပြုလို့ တတိယနိုင်ငံကို ထွက်ခွာဖို့ လျှောက်ထားဆဲ ကာလမှာတော့ အိမ်ကစာတစောင်လာတယ် မောင်လေးက ကျွန်မဆီကိုပဲ သွားတော့မယ်ဆိုပြီး အိမ်ကထွက်သွားတယ်တဲ့။ အမေဆီကတဆဆင့် သူ့သတင်းတွေ ကြားရတာ ကောင်းတာ တခုမှမရှိဘူး ရည်းစား တရွာတယောက် လိုက်ထားလို့ ကောင်မလေး အချင်းချင်း ပြဿနာဖြစ်တာတွေ အိမ်မှာ သူရည်းစားများတဲ့ ပြဿနာနဲ့ ဟိုကအတိုင်ခံရ ဒီက အတိုင်ခံရလို့ ပြောတယ်။ အတည်တကျ တောင်းပေးသင့်ရင်လည်း တောင်းပေးဖို့ ဘယ်သူနဲ့ ကြိုက်နေလဲ မေးတော့လည်း တယောက်မှ မကြိုက်ဘူး သူများတွေက ထင်တာသာ ဖြစ်တယ်လို့ ငြင်းတယ်တဲ့။ နောက်ဆုံးတော့ စစ်တပ်က ပေါ်တာဖမ်းရာမှာ ပါသွားပြီး သူတို့ကို ရွာတရွာက ဗွီဒယိုရုံထဲမှာ လှောင်ထားစဉ် ဗွီဒယိုရုံ နံရံကို သူကဦးဆောင်ပြီး အုပ်စုလိုက် ၀ိုင်းကန်ဖြဲပြီးတော့ ထွက်ပြေးပြီး အိမ်ပြန်ရောက်လာတယ်။

ဒီနောက်ပိုင်း တားမရဘဲနဲ့ မငယ်ရှိတဲ့နေရာကိုပဲ စုံစမ်းပြီး လိုက်သွားတော့မယ်ဆိုပြီး ရွာကထွက်လာတယ်လို့ သိရတယ်။ ထိုင်းက မထွက်လာခင်အထိ ကျွန်မ သူရောက်လာမလားလို့ မျှော်နေခဲ့တယ်။ ကျွန်မဆီကိုလည်း မရောက်လာခဲ့ဘူး။ နိုင်ငံခြားရောက်ပြီး အခုထိလည်း သူဆက်သွယ်လာမလားလို့ မျှော်နေတာ မောင်နှမတွေထဲက ကျွန်မကို တခါမှ အဆက်အသွယ် မလုပ်ဖူးသူကပဲ ဆက်သွယ်လာခဲ့တယ် ကျွန်မဆီ သွားမယ်လို့ ပြောပြီးထွက်လာတဲ့ သူကတော့ ဆက်လည်း မဆက်သွယ်လာ ရောက်လည်းမရောကလာခဲ့ဘူး။ ထိုင်းနိုင်ငံက မဟာချိုင်ရောက်နေတယ် ကြားလို့ စုံစမ်းတယ် ဘာမှအစအန မရဘူး၊ မလေးရှားသွားဖို့ လုပ်နေတာ တွေ့တယ်ဆိုလို့ စုံစမ်းကြည့်တယ် ဘာမှ ရေရာတဲ့ အချက်အလက်မရခဲ့ဘူး။ ဒီလိုနဲ့ မောင်လေးသတင်းဟာ အစပျောက်နေတာ ကြာပါပြီ။

ဆစ်ဒနီမှာ မြန်မာမိသားစုတွေ လမ်းလျှောက်ရင်း ညနေဘက် ကျွန်မ အမျိုးသားတို့ ခြင်းလုံးခတ်တဲ့ ပန်းခြံကို တခါတလေ လမ်းလျှောက်ရင်း လိုက်လည်ဖြစ်ရင် အကယ်၍များ မောင်လေးသာ ရောက်လာခဲ့ရင် အခုခြင်းလုံးခတ်နေတဲ့ ခြင်းဝိုင်းမှာ သူလည်းတယောက် ပါဝင်မှာပဲဆိုပြီး ကျွန်မအမြဲတွေးမိပါတယ်။ ကျွန်မ မောင်လေးဟာ ကျွန်မဆီကို လာမယ်ဆိုပြီး အခုထိ အဆက်အသွယ် မလုပ်တာ အသက်ရှိထင်ရှားမှ ရှိပါသေးရဲ့လားလို့ တခါတခါ တွေးပြီး ကျွန်မ အကြိမ်ကြိမ် စိုးရိမ်မိတိုင်း ဟုတ်သည်ရှိ မဟုတ်သည်ရှိ၊ ၀ါဆိုလဖွား ယောက်ျားလေးတွက ကောင်းစားတတ်တယ်လို့ပဲ ကြားဖူးလို့ မောင်လေးတနေ့ ကောင်းစားဦးမှာပါ မောင်လေး ဘာမှ ဖြစ်မှာမဟုတ်ဘူး ဆိုတာနဲ့ ဖြေသိမ့်ရပါတယ်။ မောင်လေး တနေ့တော့ ကျွန်မဆီ ဆက်သွယ်လာလိမ့်မယ်လို့ ကျွန်မ ယုံကြည်နေပါတယ်။

ဗုဒ္ဓါနံ ဇိဝိတဿ နသက္ကာ ကေနစိ အန္တရာရော ကာတုံ တထာ မောင်လေး ဟောန္တု။

ဗုဒ္ဓမြတ်စွာဘုရားတို့၏ အသက်အန္တရာယ်ကို တစုံတယောက်သောသူသည် ပြုခြင်းငှာ မတတ်နိုင် ထို့အတူ မောင်လေးအား ဖြစ်ပါစေသတည်း။

-မောင်လေး ဘေး၊ ရန်၊ ကြောင့်ကြ ဆင်းရဲခြင်း ကင်းပါစေ၊
-ကိုယ်စိတ်နှစ်ဖြာ ကျန်းမာ၍ ချမ်းသာပါစေ။
-ကောင်းကျိုးလိုရာ ဆန္ဒပြည့်ဝပါစေ၊
-မကောင်းမှုများကို ရှောင်နိုင်ပါစေ၊
-ဒုက္ခနဲ့ ရင်ဆိုင်နေရပါက ဒုက္ခမှ ကင်းလွှတ်ပါစေ၊
-ဘေးအန္တရာယ်နဲ့ ကြုံတွေ့နေရပါက ဘေးအန္တရာယ်က လွန်မြောက်ပါစေ၊
-သောကနဲ့ ကြုံတွေ့နေရပါက သောကမှ လွန်မြောက်ပါစေ။

မောင်လေး တနေရာမှာ အိမ်ထောင်ကျပြီး တအိုးတအိမ်ထူထောင်နေပြီ ဆိုရင်လည်း ဇနီးကောင်းကောင်းလေး ရပြီး မိသားစုဘ၀ကို ဘ၀တလျှောက်လုံး ပျော်ရွှင်စွာ ဖြတ်သန်းပြှး သမ္မအာဇီဝနဲ့ အသက်မွေးပါစေလို့ ဆုတောင်းပါတယ်။ မောင်လေးက ဆန္ဒမရှိလို့ အဆက်အသွယ် မလုပ်ချင်ရင်တောင်မှ သူအသက်ရှိထင်ရှားနဲ့ ရှိနေသေးတယ်ဆိုတာနဲ့ အခြေအနေ အကျိုးအကြောင်းလေး နည်းနည်း သိရရင်တောင် ကျွန်မအတွက် အလိုလားအတောင်းတဆုံး မျှော်လင့်ချက် တခုပြည့်ပါပြီ။

ဆက်ဖတ်ရန်>>

သံသရာ တပတ်ပြန်လည်လာသော ဖြတ်လေးဖြတ် စီမံကိန်း

မကြားရတာ ကြာပြီဖြစ်တဲ့ ဖြတ်လေးဖြတ်အကြောင်းကို ပြန်ကြားရတဲ့အချိန်မှာ ကျွန်မတို့ ငယ်ငယ်က ကျွန်မတို့ရွာရဲ့ တဘက်ကမ်းမှာ ရှိတဲ့ ကရင်ရွာတွေအားလုံး ဗမာရွာတွေအနီး တန်းလျားထိုးပြီး လာနေကြတဲ့အချိန်ကို မနေ့တနေ့ကလို ပြန်သတိရလာတယ်။ ဖြတ်လေးဖြတ်ဆိုတာက အာဏာရှင် အဆက်ဆက်က တော်လှန်ရေးအင်အားစုတွေရဲ့ အသက်သွေးကြောကို ဖြတ်တောက်ရန် ရည်ရွယ်ချက်ဖြင့် လူထုဆီက ဆေးဝါး၊ ရိက္ခာ၊ ဘဏ္ဍာ၊ သတင်းနှင့် အဆက်အသွယ်တို့ကို မရအောင် လက်နက်ကိုင် အင်အားစုတွေ ၀င်ထွက်သွားလာနေတဲ့ ရွာတွေကို အတင်းအဓမ္မ ရွှေ့ပြောင်းစေပြီး တော်လှန်ရေး အင်အားစုတွေကို လူထုနဲ့ ဖြတ်တောက်ပစ်တဲ့ စီမံကိန်းဖြစ်တယ်။ တော်လှန်ရေး အင်အားစုတွေ ပျက်စီးသွားမယ် ထင်ပြီး ဒီလိုလုပ်တာဖြစ်ပေမဲ့ တကယ်တော့ တော်လှန်ရေး အင်အားစုတွေ ဘာမှဖြစ်မသွားဘဲ ပြည်သူလူထုမှာသာ ပျက်စီးဆုံးရှုံးပြီး ဒုက္ခမျိုးစုံနဲ့ ရင်ဆိုင်ရပါတယ်။ အဲဒီတုန်းကတော့ ငယ်သေးတော့ ဒါကို ဖြတ်လေးဖြတ် စီမံကိန်းလို့ ခေါ်မှန်းလည်း မသိခဲ့ဘူး။ ကျွန်မတို့နယ်မှာ KNU တပ်တွေကို ကရင်တပ်လို့ မခေါ်ဘဲ ကော်သူးလေတပ်တွေလို့ ခေါ်လေ့ရှိပြီး ကရင်လို့ ပြောလိုက်ရင် ရိုးရိုးအရပ်သားတွေကိုသာ ရည်ညွန်းပြီး ကော်သူးလေဆိုရင်တော့ KNU တပ်က စစ်သားတွေကို ရည်ညွန်းပါတယ်။ အဲဒီတုန်းက ကျွန်မတို့ ရွာနားမှာ ကရင်တွေလာနေကြတာကို ကော်သူးလေတွေ ဆက်ကြေးကောက်ပြီး ရွာသားတွေကို ညှင်းဆဲမှာစိုးလို့ ကရင်ရွာတွေကို ဗမာရွာနား ရွှေ့ထားတယ်ဆိုတာပဲ ကျွန်မတို့ နားလည်ခဲ့ပါတယ်။

မြန်မာပြည်က ကျွန်မတို့နယ်ဘက်မှာ သဘာဝတောတောင်တွေ အင်မတန်များပြီး ဗမာတွေအခေါ် ချောင်းဖျားလို့ ခေါ်တဲ့ ကရင်ရွာတွေအလွန် တောတောင်တွေထဲမှာ သဘာဝအလျောက် ပေါက်နေတဲ့ ဟင်းသီးဟင်းရွက်နှင့် လယ်ယာခြံမြေသုံး ပစ္စည်းတွေကို ချောင်းရင်းမှာ နေတဲ့ ဗမာတွေက သွားရှာလို့ ရသလို ချောင်းဖျားရှိ ကရင်တွေကလည်း ဗမာရွာတွေကို ဖြတ်ပြီး ငါး၊ ရှပ်ခေါ် ဂုံးကောင်တွေနဲ့ ပင်လယ်ပြင်မှ ထွက်တဲ့ တခြားအသားငါး အသုံးအဆောင်တွေကို သွားရောက် ရှာဖွေစားသောက်လို့ ရပါတယ်။ ကျွန်မတုိ့ ရွာတွေက ရေချိုရေငန်စပ်မှာ ရှိပြီး ကျွန်မတို့ခြံက ဒီရေထတဲ့အပတ်(လပြည့်နဲ့ လပြည့်ခါနီးကာလ) မှာ ဒီရေတက်ရင် ရေငန်ရောက်ပြီး ဒီရေပြန်ကျသွားတဲ့အချိန်နဲ့ ရေသေတဲ့ပတ်တွေ (လကွယ်နဲ့ လကွယ်ရက်အနီးကာလ) မှာတော့ ချောင်းထဲမှာ ရေချိုပဲရှိတဲ့ ချောင်းရင်းနဲ့ ချောင်းဖျား ကြားမှာ ရှိပါတယ်။

ပင်လယ်ပြင်က ထွက်တဲ့အစားအစာကို ဗမာတွေက ရှာပြီး ချောင်းဖျားမှာ သွားရောင်းတာကို ကရင်တွေက ပြန်ဝယ်စားတာ များပြီး ချောင်းဖျားက သဘာဝဟင်းသီးဟင်းရွက်တွေကို ကရင်တွေက ရှာဖွေပြီး ဗမာရွာတွေမှာ ပြန်လာရောင်းတာကို ဗမာတွေက ပြန်ဝယ်စားတာ များပါတယ်။ အစားအသောက်တွေကိုသာ ၀ယ်စားတာ များပေမဲ့ လယ်သမာား အတော်များများက သစ်၊ ၀ါး၊ ကြိမ် စတဲ့ အိမ်နဲ့ လယ်ယာ ခြံမြေသုံး ပစ္စည်းတွေနဲ့ မိုးဦးကျကာလ မိုးစာထင်း စသည်တို့ကိုတော့ မ၀ယ်ဘဲ ရိက္ခာအလုံအလောက် ယူသွားပြီး တောတောင်တွေအထဲမှာ ညအိပ်ညနေ ကိုယ်တိုင် သွားခုတ်ကာ ဖေါင်နဲ့ မျောချလာတာ များပါတယ်။ ချောင်းရင်းက လူတွေက အသီးနှံတွေကို များများ လိုအပ်လို့ဖြစ်စေ၊ အပျော်သဘောနဲ့ တောထဲကိုယ်တိုင် သွားရှာချင်လို့ ဖြစ်စေ တောထဲမှာ ညအိပ်ညနေ သွားခူးပြီး သစ်ဖေါင်ဝါးဖေါင်ဖွဲ့ကာ မျောချလာတာမျိုး ရှိသလို ချောင်းဖျားက လူတွေကလည်း လက်လှော်လှေ ငှားပြီး ပင်လယ်ကမ်းခြေက သဲသောင်မှာ ကိုယ်တိုင် ရှပ်(ဂုံးကောင်တမျိုး) သွားကောက် ငါးသွားဖမ်းကြတာ တခါတလေ ရှိပါတယ်။ ဒညှင်းသီးက ကျွန်မတို့ နယ်မှာ ကိုယ်ပိုင်ခြံထဲမှာ စိုက်ထားစရာ မလိုဘဲ ပေါ်ချိန်မှာ ဘယ်သူမဆို သွားခူးလို့ရတဲ့ တောထဲမှာ သဘာဝအတိုင်း ပေါက်နေတဲ့ အသီးနှံတခု ဖြစ်တယ်။ ကျွန်မဆယ်နှစ်ခန့်က ကျွန်မအဖေနဲ့ အိမ်နားခြံက မိတ်ဆွေတဦး ဒညှင်းသီးပေါ်တဲ့ မိုးရာသီမှာ တောထဲက ဒညှင်းသီး သွားခူးပြီး ဂုံနီအိတ်ကြီးတွေနဲ့ ထည့်ပြီး ၀ါးဖေါင်နဲ့ မျှောချလာလို့ မိသားစုဝင်တွေက ကမ်းနားမှာ ဆင်းသယ်ရတာကို ကောင်းကောင်း မှတ်မိနေသလို လက်လှော်လှေတစီး ငှားပြီး ပင်လယ်ကမ်းနားက သဲသောင်မှာ ရှပ်သွားကောက်လာလို့ သွားသယ်ရတာကိုလည်း သတိရနေတယ်။

ကျွန်မတို့ ရွာကနေပြီး ရော်ဘာခြံတို့ လယ်ကွက်တို့ကို ဖြတ်ပြီး ချောင်းကို ကူးပြီးတာနဲ့ ဟိုဘက်ရောက်ရင် တောက်လျှောက် ကရင်ရွာတွေကိုပဲ တွေ့ရတော့တယ်။ ကျွန်မတို့က ရွာစွန် ခြံထဲမှာနေတော့ ကရင်ရွာနဲ့ ပိုနီးပြီး သမ၀ယမမှာ ပစ္စည်းထုတ်ရင် ကရင်တွေထုတ်တဲ့ နေရာမှာပဲ ထုတ်ရပါတယ်။ ကရင်ရွာတွေနဲ့ ဗမာရွာတွေအကြား စက်လှေတွေ၊ လှည်းတွေနဲ့ ဖြစ်စေ၊ ခြေကျင်ဖြစ်စေ နေ့စဉ် အသွားအပြန်ရှိကြပါတယ်။ ဗမာရွာမှာ ဘုရားပွဲလုပ်ရင် ကရင်ရွာသားတွေလည်း ရွာလုံးကျွတ်လာပြီး ကရင်ရွာတွေမှာ ကရင်နှစ်သစ်ကူးနေ့တို့ ခရစ်စမတ်နေ့တို့ လုပ်ရင်လည်း ဗမာတွေ ရွာလုံးကျွတ်နီးပါး သွားကြပါတယ်။ ဒီလို ကူးသန်း ရောင်းဝယ်ကာ ကူးလူးဆက်ဆံရင်းနဲ့ ကရင်နဲ့ ဗမာ လူငယ်ချင်း ရင်းနှီးကာ ချစ်ခင်စုံမက်ကြပြီး တအိုးတအိမ် ထူထောင်ကြတဲ့ စုံတွဲတွေလည်း များစွာ ရှိပါတယ်။ ဆိုလိုတာက ရွာသားတွေအချင်းချင်း ကြားမှာ ကရင်ရွာတွေနဲ့ ဗမာရွာတွေ အပြန်အလှန် ကူးလူးဆက်ဆံမှုက ဘာပြဿနာမှကို မရှိခဲ့တာ အမှန်ပါ။

ချောင်းဖျားက ကရင်ရွာတွေကို မ၀င်ခင် ပထမဦးဆုံး တွေ့ရတာက ကျွန်မတို့ရွာက မစိန်နဲ့ အဲဒီရွာက ကရင်အမျိုးသား စောဘမောင် အိမ်ထောင်ကျပြီး ဈေးဆိုင်လေး တဆိုင်တည်ထားတဲ့ ဈေးဆိုင်လေးကို တွေ့ရပါတယ်။ ချောင်းဖျားနဲ့ ချောင်းရင်း ခရီးသွား အတော်များများ သူတို့ဆိုင်မှာ တထောက်နားပြီးမှ ခရီးဆက်လေ့ရှိတော့ ချောင်းဖျားကလာတဲ့ပစ္စည်းနဲ့ ချောင်းရင်းကလာတဲ့ ပစ္စည်းတွေကို သူတို့ဆိုင်လေးမှာ ရနိုင်ပါတယ်။ တချို့ကရင်တွေက သူတို့သားသမီးတွေကို သူတို့ရွာက စာသင်ကျောင်းမှာ မအပ်ဘဲ ကျွန်မတို့ ရွာက ကျောင်းမှာ လာအပ်တာလည်း ရှိပါတယ်။ ကျွန်မ မှတ်မိသလောက် ကျွန်မ သုံးတန်းနဲ့ လေးတန်းနှစ်မှာ စောဝင်းမြင့်တို့ မောင်နှမ သုံးယောက်အပါအ၀င် ကရင်ကျောင်းသားတချို့ ကျွန်မတို့ ရွာက ကျောင်းကို ပြောင်းလာခဲ့ပါတယ်။ သူတို့အားလုံးက စာတော်ကြပြီး အတန်းထဲမှာ အတော်ဆုံးကျောင်းသားတွေ စာရင်းထဲ ပါဝင်ပါတယ်။

ဒီလိုနဲ့ နွေရာသီကျောင်းပိတ်ရက်ရောက်လာတဲ့ အခါမှာတော့ ကျွန်မတို့ ရွာက စစ်တပ်မှာ စစ်သားဦးရေ တိုးလာတာ တွေ့ပြီး အနီးနား ပတ်ဝန်းကျင်က ကရင်ရွာတွေ အားလုံးကို ကျွန်မတို့ ရွာနဲ့ အနီးတ၀ိုက်မှာ တန်းလျားထိုးပြီး လာနေရမယ်လို့ စစ်တပ်က အမိန့်ချကြောင်း ကြားရတယ်။ အကြောင်းပြချက်ကတော့ အပေါ်မှာ ပြောတဲ့အတိုင်း ကော်သူးလေတပ်တွေ အနှောင့်အယှက်မှ ကင်းအောင်လို့ ပြောပါတယ်။ ကျွန်မက ဒါဆိုရင်တော့ စောဝင်းမြင့်တို့လည်း ကျောင်းနဲ့ နီးသွားလို့ အဝေးကနေ လာစရာမလိုတော့ဘူးလို့ တွေးနေတယ်။ ရွာသားတွေကလည်း မစိန်တို့မိသားစုတော့ တခြားသူတွေလို တန်းလျားထိုး နေစရာမလိုဘဲ သူ့မိဘတွေအိမ်မှာ နေလို့ရတာပေါ့လို့ ပြောနကြတယ်။

အဲဒီအမိန့်ချပြီးနောက်ပိုင်း ပြောင်းရွှေ့ဖို့ သတ်မှတ်ထားတဲ့ ကာလမှာတော့ မကြာခဏ ဆိုသလို စစ်တပ်နဲ့ ကော်သူးလေ တပ်တွေတိုက်ပွဲ ဖြစ်ပြီး စစ်တပ်က ဘယ်သူ့ကို ကော်သူးလေ သတင်းပေးဆိုပြီး ဖမ်းသွားပြန်ပြီ၊ ကော်သူးလေတပ်ကလည်း ဘယ်သူ့ကို စစ်တပ်သတင်းပေးလို့ ဆိုပြီး ဖမ်းသွားပြန်ပြီနဲ့ အရပ်သားတွေဟာ အရင်လို အေးအေးအေးဆေးဆေး နေခွင့်လုံးဝ မရတော့ဘဲ ဗမာရွာသားတွေရော ကရင်ရွာသားတွေပါ ကျီးလန့်စာစား ဘ၀ကို ရောက်သွားပါတော့တယ်။ ဒီအချိန်မှာပဲ ကျွန်မတို့ရွာက မစိန်နဲ့ ယူထားတဲ့ စောဘမောင်ကိုလည်း စစ်တပ်က ကော်သူးလေ သတင်းပေးဆိုပြီး စွပ်စွဲကာ လိုက်ဖမ်းလို့ တောခိုသွားတယ် ဆိုတဲ့သတင်းက တရွာလုံးကို ပြန့်နှံ့သွားတယ်။ ဗမာမနဲ့ ယူထားတဲ့ စောဘမောင်တယောက် အဲလိုမျိုး လုပ်လိမ့်မယ်လို့ ဘယ်သူမှ မထင်ထားလို့ အားလုံးက အံ့သြလို့ မဆုံး ဖြစ်ခဲ့ကြတယ်။ မစိန်နဲ့ ကလေးနှစ်ယောက်ကတော့ အများ အကြံပြုတဲ့အတိုင်းပဲ ဗမာရွာက သူ့မိဘအိမ်မှာ ပြန်လာနေဖို့ကို မျှော်လင့်နေကြတယ်။

အတော်ကြာတော့ ကရင်ရွာက တချို့က ကော်သူးလေတပ်တွေကို ကြောက်လို့ မြို့ကိုအပြီး ပြောင်းသွားကြပြီဆိုတာ ကြားရသလို တချို့ကလည်း စစ်တပ်ကို ကြောက်လို့ ကော်သူးလေထဲ ၀င်သွားပြန်ပြီ၊ ဘယ်သူ့ကို စစ်တပ်က သတ်လိုက်ပြန်ပြီ စသည်ဖြင့် အဖမ်းခံရသူ အသတ်ခံရသူတွေရဲ့ အနိဋ္ဌာရုံ သတင်းတွေက တနေ့တခြား နားနဲ့ မဆံ့အောင် ကြားလာရပါတယ်။ ညဘက်ရောက်ရင်လည်း အေးအေးဆေးဆေး အိပ်လို့မရ ဘယ်တော့ အနားကပ်ပြီး သေနတ်သံ ကြားရမလဲဆိုတာ အမြဲတွေးပူနေရတယ်။ စစ်တပ်အမိန့်ကို စသိရတဲ့နေ့က စပြီး စစ်တပ်နဲ့ ကော်သူးလေတပ်တွေ တိုက်ပွဲဖြစ်ရင် အချိန်မရွေး အထုပ်ဆွဲပြေးပြီး ၀ပ်လို့ရအောင် အမြဲတမ်း အဆင်သင့် ပြင်ထားရတယ်။ ကရင်ပဲဖြစ်ဖြစ် ဗမာပဲဖြစ်ဖြစ် ရွာသားတွေကတော့ ဘယ်သူမှ မလုံခြုံဘူးလို့ ခံစားရပါတယ်။ ဒီဒုက္ခတွေကို မြို့ပေါ်ကလူတွေ မခံစားဖူးလို့ သိမယ်မထင်ဘူး။ ကျွန်မတို့ခြံက နည်းနည်းချောင်ကျတော့ စစ်တပ်နဲ့ ကော်သူးလေတပ် တိုက်ပွဲဖြစ်ရင် ကျည်ဆံမရောက်နိုင်တဲ့ နေရာဖြစ်လို့ ညဘက်ဆို ကရင်ဘက်ကမ်းမှာ နေတဲ့ ဗမာအတော်များများ ကျွန်မတို့ အိမ်မှာ လာအိပ်ကြပါတယ်။

ရွာတွေ ပြောင်းရွှေ့ဖို့ သတ်မှတ်ထားတဲ့နေ့ နီးကပ်လာလေ အဖမ်းအဆီးကလည်း များလာလေနဲ့ တချို့က သတင်းပေးလည်း မဟုတ် ဘာမှလည်း မဟုတ်ဘဲ အထင်မှားခံရကာ အဖမ်းခံရ ညှင်းဆဲခံရတာလည်း ရှိတော့ ဘယ်သူနဲ့မှ မပတ်သက် ဘာမှအပြစ်မလုပ်ထားတဲ့ ရွာသားတွေကလည်း အမြဲတမ်း ကျီးလန့်စာ စားသလိုပဲကြောက် နေရပါတယ်။ ကရင်ရွာတွေကို ပြောင်းရွှေ့ဖို့ သတ်မှတ်ထားတဲ့ နောက်ဆုံးနေ့ နီးကပ်လာတဲ့အချိန်မှာတော့ မမျှော်လင့်ဘဲ မစိန်တို့ သားအမိက သူ့မိဘအိမ်ကို ရောက်မလာဘဲ စောဘမောင်နောက်ကို လိုက်ပြီး တောခိုသွားတယ် ဆိုတာနဲ့ စောဝင်းမြင့်တို့ မိသားစု တစုလုံးလည်း တောခိုသွားပြီ ဆိုတဲ့သတင်းက တရွာလုံးကို ပြန့်နှံ့သွားတော့ ဘယ်သူမှ မထင်ထားတဲ့သူတွေ ဖြစ်တော့ တရွာလုံးက အံ့သြရပြန်တယ်။ ဗမာဖြစ်ပြီး ကရင်နဲ့ယူတာကို နဂိုကတည်းက သိပ်သဘောမတူတဲ့ မစိန်မိဘတွေလည်း ဒီလောက်ပဲ မိုက်ရတဲ့သမီးဆိုပြီး ယူကျုံးမရ ဖြစ်ပြီး ကျန်ခဲ့ပါတယ်။ ကျောင်းပြန်ဖွင့်တဲ့ အချိန်မှာတော့ ကျောင်းကို ပြန်မရောက်လာတော့တဲ့ အတန်းထဲမှာ ပညာတော်ကြတဲ့ စောဝင်းမြင့်တို့ မောင်နှမတွေကိုလည်း ကျောင်းသားတွေရော ဆရာတွေပါ လွမ်းပြီးကျန်ခဲ့ပါတယ်။

ဒီလိုနဲ့ ကရင်ရွာတွေက ဗမာရွာနားနီးတဲ့ နေရာတွေကို ရွှေ့ပြီး နေလာရတာ မိမိဥယာဉ်ခြံထဲမှာ အသီးအရွက် သွားခူးတာတို့ ထင်းသွားခွေတာတို့လည်း လုပ်လို့မရ တခါတလေ ကိုယ့်ဥယာဉ်မှာကိုယ် အသီးအနှံသွားခိုးခူးမိလို့ စစ်တပ်နဲ့ တွေ့ရင်တော့ မထင်ရင် မထင်သလို ရန်သူသတင်းပေးလို့ စွတ်စွဲပြီး ပြဿနာအရှာခံရ အသတ်ခံရတဲ့အဆင့်ထိ ရှိပါတယ်။ အရင်က သစ်ခုတ်၊ ၀ါးခုတ်၊ ထင်းခုတ်၊ ကြိမ်ခုတ်နဲ့ သဘာဝဟင်းသီးဟင်းရွက်ကို ကရင်ရွာတွေကို ကျော်ပြီး တောထဲတောင်ထဲမှာ ကရင်ဗမာ ဘယ်သူမဆို အချိန်မရွေး သွားရှာလို့ရနေတဲ့ အခြေအနေကနေ ကရင်တွေက မိမိတို့ ကိုယ်ပိုင် လယ်ယာခြံမြေမှာတောင် သွားခူးစားလို့မရတော့တဲ့ အခြေအနေကို ရောက်သွားပါတယ်။ ကရင်တွေအတွက် ဒီလို အိုးပစ်အိမ်ပစ်ပြီး ဘာမှလုပ်ကိုင်စားသောက်စရာ မရှိဘဲ ဗမာရွာနားမှာ လာနေရတာ တော်တော်လေးကို အနေအစား ကြပ်တည်းစေပါတယ်။ တချို့ကိုကျတော့ ကော်သူးလေတပ်တွေက မဆလ လက်ပါးစေတွေဆိုပြီးတော့ စွတ်စွဲခံရတာလည်း ရှိတော့ တပ်နှစ်တပ်ကြားမှာ ပြည်သူလူထုဟာ တကယ်ကို ဘေးကြပ်နံကြပ်နဲ့ ဒုက္ခ ရောက်ခဲ့ပါတယ်။

အဲဒီတုန်းက ကျွန်မတို့ရွာက ပြည်သူ့ကောင်စီအတွင်းရေးမှူးကို ကရင်တပ်စိတ်တစိတ်က စစ်တပ်ယူနီဖေါင်းတွေဝတ်ကာ စစ်တပ်ဟန်ဆောင်ပြီး ကျွန်မတို့ ရွာထဲက လက်ဘက်ရည်ဆိုင်မှာ ညဘက် ရှောင်တခင်ဝင်ရောက် လာလုပ်ကြံခဲ့ရာမှာ လူမှားပြီး ပစ်မိလို့ ကျွန်မနဲ့ ဆွေမျိုးမကင်းသူ အစ်ကိုတယောက် သေဆုံးခဲ့ရဖူးပါတယ်။ ဖြစ်ပုံက အဲဒီအချိန်က ကျွန်မတို့နယ်မှာ အမျိုးသားအတော်များများက ခေတ်မီသူတိုင်း ဗီယက်နာမ်ဂျာကင် ၀တ်တယ်ဆိုပြီး တပ်မတော်အရောင် ဗီယက်နာမ်လုပ် အနွေးထည်ကို လူငယ်နဲ့ လူလတ်ပိုင်း အမျိုးသား အတော်များများ ၀ယ်ဝတ်ကြတဲ့အချိန်ဖြစ်နေတယ်။ လာလုပ်ကြံတဲ့ သူတွေက အတွင်းရေးမှူးကို တခါမှမမြင်ဖူးဘဲ အသက်အရွယ်၊ လူပုံပန်းသဏ္ဍန်နဲ့ ဗီယက်နာမ်ဂျာကင်ဝတ်ပြီး ဒီအချိန် ဒီလက်ဘက်ရည်ဆိုင်ထဲမှာ ညတိုင်း ထိုင်တတ်တယ်ဆိုတာပဲ သိထားတော့ ဗီယက်နာမ် ဂျာကင်ဝတ်ထားတဲ့ သူနဲ့ ခပ်ဆင်ဆင် ကျွန်မ အစ်ကိုတော်သူကို ညဘက်မီးအိမ် မှိန်မှိန်အောက်မှာ မှားပြီး ပစ်သတ်သွားတာ ဖြစ်တယ်။ အမှန်က အဲဒီလက်ဘက်ရည်ဆိုင်က စစ်တပ်အောက်တည့်တည့်မှာ ရှိပြီး ဒီလက်ဘက်ရည်ဆိုင်ကို ရောက်ဖို့အတွက် စစ်တပ်ရှိရာ ဘုန်းကြီးကျောင်းကုန်း အရှေ့မျက်နှာစာဘက် လမ်းကိုဖြတ်ပြီး အနောက်တည့်တည့်ကို လျှောက်လာပြီး ဘယ်ဘက်ကို အကွေ့ ဘုန်းကြီးကျောင်းကုန်းရဲ့ အောက်အနောက်တည့်တည့်မှာ ရှိပါတယ်။ ကော်သူးလေတွေက ပစ်သတ်ပြီးတာနဲ့ ချက်ချင်း တခြားလုပ်စရာ ရှိသေးလို့ သွားဦးမယ်ဆိုပြီး ဟန်မပျက်ဘဲ ထသွားတဲ့အထိ ရွာသားတွေက သူတို့ကို ကော်သူးလေတွေဆိုတာ အတိအကျ မသိသေးဘဲ စစ်တပ်ပဲ ထင်ပြီး ဘာပြောလို့ပြောရမှန်းမသိ အံ့သြပြီးကျန်ခဲ့နေရာကနေ အတော်ကြာမှ ကုန်းပေါ်က စစ်တပ်ကလည်း ဆင်းလာ လူတွေကလည်း စုလာမှ ကော်သူးလေတပ်က ဟန်ဆောင်ပြီး လာပစ်ခဲ့တယ်ဆိုတာ သဘောပေါက်သွားတယ်။ စစ်တပ်က ဘယ်လိုပဲ အကာအကွယ် ပေးထားတယ်ပြောပြော ဘယ်လိုပဲ ဖြစ်လေးဖြတ် လုပ်ထားတယ် ပြောပြော စစ်တပ်နားမှာ ကပ်ပြီးနေတဲ့ လူတယောက်ကိုတာင် ကော်သူးလေတပ်က သူတို့ သတ်ချင်ရင် ဒီလောက်အထိ လွယ်လွယ်ကူကူ ၀င်သတ်လို့ ရနိုင်တဲ့အခြေအနေ ရှိတယ်ဆိုတဲ့ သင်ခန်းစာ ရသွားပါတယ်။

၈၈ နောက်ပိုင်းမှာ ကျွန်မတို့ ABSDF တပ်တွေနဲ့ KNU တပ်တွေ ပူးပေါင်းထားတဲ့ DAB စစ်ကြောင်း (၃) က အဲဒီဒေသက ရှေ့တန်းနယ်မြေဒေသတေချို့ကို သိမ်းပိုက်နိုင်ခဲ့ပြီး လှုပ်ရှားနယ်မြေတွေကို တိုးချဲ့နိုင်ခဲ့ပေမဲ့ ၉၃ နောက်ပိုင်းမှာတော့ နယ်မြေအတော်များများကို ပြန်လက်လွှတ်လိုက်ရပြီး ၉၅ နောက်ပိုင်းမှာ အဲဒီလိုပဲ ဖြတ်လေးဖြတ် စီမံကိန်းကို ကျွန်မတို့နယ်မှာ ပြန်လုပ်ခဲ့တယ်လို့ ကျွန်မ ကရင်နီဘက် ဗဟိုရောက်ပြီး နောက်ပိုင်း ကြားသိရပါတယ်။ ရွာသားတွေကို ပြည်သူ့စစ်မလုပ်မနေရ စနစ်နဲ့ လုပ်ခဲ့လို့ အဲဒီတုန်းကလည်း ကျွန်မအမေရဲ့ မောင်အရင်း ကျွန်မဦးလေးက ပြည်သူ့စစ်ခေါင်းဆောင် လုပ်ရပြီး ကရင်တပ်တွေ ညဘက်ဝင်ပစ်သတ်လို့ သေဆုံးခဲ့ရပါတယ်။ ကျွန်မ ဦးလေးက ကျွန်မတို့ ရှေ့တန်းဒေသမှာ ရှိနေစဉ် ၉၂ ခုနှစ်တုန်းကတောင် ကျွန်မတို့ရွာမှာ ပြည်သူ့စစ်ခေါင်းဆောင် လုပ်နေပြီး ကျွန်မတို့ ABSDF တပ်တွေ အမြဲတမ်း ၀င်ဖမ်းဖို့ပြောနေလို့ ဦးလေးကို ပြည်သူ့စစ်ခေါင်းဆောင် မလုပ်ပါနဲ့လို့ လူကြုံတိုင်း အကြိမ်ကြိမ် ကျွန်မ မှာခဲ့ဖူးပါတယ်။ အဲဒီတုန်းက ဦးလေးတယောက်တည်းမကဘူး ရွာတိုင်းနီးပါးမှာ ပြည်သူ့စစ်ခေါင်းဆောင်ဆိုသူတွေက ကျွန်မနဲ့ ဆွေမျိုးမကင်းသူတွေချည်းဖြစ်နေတော့ ကျွန်မတော်တော်လေးကို မျက်နှာပူခဲ့ရတယ်။ တခါတော့ အမေ တ၀မ်းကွဲအစ်မရဲ့ အမျိုးသား ကျွန်မနဲ့ ဘကြီး တော်သူတယောက်ကိုလည်း ပြည်သူ့စစ်ခေါင်းဆောင် လုပ်လို့ ကျွန်မတို့တပ်က တခါဖမ်းမိတော့ နောက်မလုပ်တော့ဘူးလို့ လက်မှတ်ထိုးခဲ့လို့ ပြန်လွှတ်လိုက်ပေမဲ့ ကျွန်မ တော်တော်လေးကို မျက်နှာပူခဲ့တာတော့ အမှန်ပဲ။ တကယ်တော့ ဒီခေတ်ဒီစနစ်မှာ လူလာဖြစ်ကြတဲ့ သူတွေအားလုံးက သတင်းလွတ်လပ်ခွင့်မရှိ၊ အခြေအနေတခုကို မိမိကိုယ်ပိုင်ဥာဏ်နဲ့ လေ့လာဆန်းစစ်ခွင့်မရှိဘဲ နီးရာလူပြောတာကိုပဲ ယုံနေရ၊ နီးရာဓါးကို ကြောက်နေရပြီး ခိုင်းတာလုပ်၊ ခေါ်ရင်လာ၊ ခံမပြောနဲ့ ဆိုတဲ့ခေတ်မှာ အာဏာရှင်တွေကလွဲရင် အားလုံးက ပြည်တွင်းစစ်ရဲ့ မြေစာပင်တွေသာ ဖြစ်ပါတယ်။

အခုလည်း ကြံ့ဖွံ့အာဏာရှင်တွေက ပြည်တွင်းငြိမ်းချမ်းရေးအတွက် ဒီမိုကရေစီ ပြုပြင်ပြောင်းလဲမှုနဲ့ တိုင်းရင်းသားလူမျိုးစုတွေရဲ့ အခန်းကဏ္ဍကို လစ်လျူရှုကာ ငါပြောတဲ့အတိုင်း လက်မခံရင် အားလုံးကို အမြစ်ဖြုတ်ပစ်မယ်ဆိုတဲ့ အကြံအစည်နဲ့ ခေတ်အဆက်ဆက်က ဆရာ့ဆရာကြီးတွေရဲ့ နည်းနာအတိုင်း ဖြတ်လေးဖြတ် စီမံကိန်းကို ပြန်လုပ်နေတယ်ဆိုတာ ကြားရတော့ ပြည်သူလူထုက မြေစာပင်ဖြစ်ရဦးမယ် ဆိုတာကို မြေကြီးလက်ခတ်မလွဲ သေချာနေပါတယ်။ ဟိုတုန်းကတောင် သူပုန်တွေက ဆေးဝါး၊ ရိက္ခာနဲ့ ဘဏ္ဍာငွေကို ပြည်သူလူထုဆီက အဓိက စုဆောင်းတာ မဟုတ်ဘဲ ထိုင်းကစုဆောင်းတာပဲ များလို့ ဖြတ်လေးဖြတ်ကြောင့် ပြည်သူလူထုသာ နစ်နာပြီး သူပုန်တွေမှာ ဘာမှမနစ်နာပါဘူး၊ ခုခေတ်မှာ သတင်းအချက်အလက်ကလည်း လူကိုယ်တိုင် တောတောင်ဖြတ်ပြီး လာသတင်းပေးမှ ရတဲ့ခေတ် မဟုတ်တော့လို့ ခုခေတ်ဆို သတင်းရဖို့ ပိုတောင်လွယ်ပါသေးတယ် ။ တော်လှန်ရေးဆိုတာ ပြည်သူလူထုက ပေါက်ဖွားလာတာဖြစ်လို့ တော်လှန်ရေးနဲ့ ပြည်သူလူထုကို ဖြတ်တောက်ပစ်လို့ မရနိုင်ပါဘူး။ ဖိနှိပ်မှု ရှိနေသရွေ့ တော်လှန်ရေးဆိုတာ ရှိနေမှာ ဖြစ်ပြီး စစ်မှန်တဲ့ ပြည်ထောင်စုကို မတည်ဆောက်နိုင်သေးသရွေ့ ဖြတ်လေးဖြတ် မကလို့ ဘယ်လို စီမံကိန်းပဲသုံးသုံး ပြည်တွင်းစစ်မီး ငြိမ်းမှာမဟုတ် သူပုန်ဆိုတာလည်း ပျောက်ကွယ်သွားမှာ မဟုတ်ဘဲ ပြည်သူလူထုပဲ မြေစာပင် အဖြစ်နဲ့ အမြဲခံနေရလိမ့်မယ်။

ဖြတ်လေးဖြတ်ကြောင့် ပြည်တွင်းစစ် ငြိမ်းသွားမှာ မဟုတ်ပါဘူး။ နိုင်ငံရေးပြဿနာကို နိုင်ငံရေးနည်းနဲ့ ဖြေရှင်းမှသာ ငြိမ်းမှာ ဖြစ်တယ်။ စစ်တပ်က နိုင်ငံရေးပြဿနာကို မဖြေရှင်းဘဲ ဗြောင်ကျကျ အဓမ္မ စိုးမိုးနေသရွေ့ နိုင်ငံမှာ လူမျိုးစုတွေနဲ့ ပြည်တွင်းစစ် ဆက်ဖြစ်နေဦးမယ်၊ ဒီမိုကရေစီကို တကယ်မြတ်နိုးသူတွေနဲ့ အာဏာရှင်ကြားမှာလည်း နိုင်ငံရေးပြဿနာတွေ ဆက်ရှိနေဦးမယ်။ အခုလက်ရှိထက် ပိုမိုဆိုးရွားတဲ့ ပဋိပက္ခတွေ ဆက်ရှိနေမယ်။ အရေးအခင်းတွေ နောက်ထပ် အများကြီး ပေါ်လာပြီး ပဋီပက္ခတွေ ဆက်ဖြစ်နေမယ်။ တိုင်းပြည် မငြိမ်းချမ်းသရွေ့ တိုင်းရင်းသားအချင်းချင်း၊ မောင်နှမအချင်းချင်း သူငယ်ချင်းအချင်းချင်း ရန်သူဖြစ်နေရတဲ့ အဖြစ်တွေ ဆက်ဖြစ်နေမယ်။ တိုင်းပြည်က ပိုပြီး ဆင်းရဲသထက် ဆင်းရဲလာမယ်။ ပြည်သူလူထုတွေမှာ အတင်းအဓမ္မ နေရာ ဒေသတွေ ပြောင်းရွှေ့ခံရ၊ လမ်းတွေတံတားတွေ ဆောက်လုပ်ရာမှာ အဓမ္မအခေါ်ခိုင်းခံရ၊ လက်နက်ကိုင် အင်အားစုတွေရှိတဲ့ဆီ အမြဲတမ်း စစ်ကြောင်းထိုးနေမှာ ဖြစ်ပြီး စစ်ကြောင်းထိုးတိုင်း ပြည်သူလူထုက ပေါ်တာအဖြစ် ဖမ်းဆီးခိုင်းစေခံရတဲ့ဘ၀က ဘယ်တော့မှ ရုန်းထွက်နိုင်မှာ မဟုတ်ဘူး။ ဒီလိုဘ၀က လွတ်မြောက်ဖို့ဆိုရင် စစ်ကျွန်ဘ၀ကို တပြည်လုံး တွန်းလှန်ပြီး အဆုံးသတ်ကာ စစ်မှန်တဲ့ ဒီမိုကရေစီ ရပြီး မြန်မာပြည်မှာ တိုင်းရင်းသား လူမျိုးပေါင်းစုံအတွက် အာမခံချက်ရှိတဲ့ ပြည်ထောင်စုတခု ပေါ်ပေါက်လာအောင် ကြိုးစားဖို့လိုပါတယ်။

လွန်ခဲ့တဲ့ အနှစ်သုံးဆယ်ခန့်က ဖြတ်လေးဖြတ်ကို ရင်ဆိုင်ရတဲ့အချိန်မှာ ကျွန်မက အခုကျွန်မသားရဲ့ အသက်အရွယ် ဖြစ်တာကို သတိထားမိပြီး မြန်မာပြည်သူလူထုရဲ့ စစ်ကျွန်ဘ၀က လွန်ခဲ့တဲ့အနှစ် သုံးဆယ်ခန့်ကနဲ့ အခုဘာမှ မကွာပါလားလို့ သတိထားမိသလို ရွာသားတွေရဲ့ ဒုက္ခကတော့ အရင်ကထက် အခုပိုဆိုးလိမ့်မယ်ဆိုတာကို တွေးနေမိတယ်။ ကျွန်မသားအရွယ်က ကျွန်မ ကြုံတွေ့ရတဲ့ ဒီအနိဌာရုံ ဒုက္ခကို အခုချိန်မှာ ကျွန်မသား မခံစားရလို့ ၀မ်းသာပေမဲ့ ဒီဒေသမှာ ရှိနေတဲ့ ကျွန်မသားအရွယ် ကလေးတွေနဲ့ ပြည်သူလူထုတွေကတော့ ကျွန်မငယ်ငယ်တုန်းက မဆလခေတ် ဖြတ်လေးဖြတ်ထက် နအဖနဲ့ ကြံဖွံ့ခေတ် ဖြတ်လေးဖြတ် အတွေ့ကြုံက ပိုပြီး ခါးသီးစွာ ခံစားရလိမ့်မယ်ဆိုတာကို တွေးနေမိတယ်။ ဒါကြောင့် စစ်အာဏာရှင်စနစ် ချုပ်ငြိမ်းပြီး ဒီကလေးတွေရဲ့ဘ၀ ငြိမ်းချမ်းတဲ့ ခေတ်စနစ်ကို အမြန်ရောက်ပါစေ၊ ကျွန်မဦးလေးတို့ အစ်ကိုတော်သူတို့ အပါအ၀င် ပြည်တွင်းစစ်မှာ မြေစာပင် ဘ၀ကို ရောက်ရသူတွေလို နောက်ထပ် ဘယ်သူမှ ထပ်အဖြစ်မခံရပါစေနဲ့လို့ ဆုတောင်းပါတယ်။

မြန်မာပြည်မှာ စစ်မှန်သော ဒီမိုကရေစီနှင့် ဖက်ဒရယ်ပြည်ထောင်စုကို တည်ဆောက်နိုင်ပါစေ

ဆက်ဖတ်ရန်>>

စစ်ခွေးတွေ - စစ်ခွေးတွေ - စစ်ခွေးတွေ (အပိုင်း ၂)

အရင်ပို့စ်မှ အဆက်

ကျွန်မက အမေ့ကို ဒီလိုပြောတော့ "သမီးကို တွေ့ချင်လို့ အခုလိုချိန် အိမ်မှာ လုပ်စရာတွေ ဒီလောက်များတာတွေတောင် ထားခဲ့ပြီး လာတွေ့တာ " လို့ အစချီပြီးတော့ ရွာမှာ ဖြစ်နေတဲ့ ဖြစ်ကြောင်းကုန်စင်ကို ရှင်းပြတယ်။ ပြီးခဲ့တဲ့နှစ်က စပါးခင်းတွေ ရေမြှုပ်လို့ ရွာက လယ်သမားတွေ အားလုံး ၀မ်းစာစပါးလည်း မရ ကျွဲနွားခ၊ သူရင်းငှားခနဲ့ ဒိုင် (အစိုးရ) ကိုသွင်းရတဲ့ စပါးကအစ တခြားနယ်က ပြန်ဝယ်ရတဲ့အကြောင်း၊ ဒိုင်ကို တာဝန်ကျေစပါး မသွင်းရင်လည်း လယ်အသိမ်းခံရမယ်ဆိုတော့ ဒီလိုပဲ ရှိတာကို ရောင်းချပြီး တခြားနယ်က စပါးပြန်ဝယ်သွင်းကြကြောင်း၊ အိမ်မှာလည်း အခုဆန်ဝယ်စားနေရပြီး ရွာမှာအခု လူတိုင်းပဲ တော်တော် ကြပ်တည်းကြတဲ့အကြောင်း အစ်ကိုကြီး တယောက် ရှိနေလို့သာ အိမ်မှာ အသက်ရှူ နည်းနည်းချောင်နေတာ ဖြစ်ပြီး သူသာ မရှိရင် အိမ်က ကျွန်မမောင်တွေ ညီမတွေကို ကျောင်းဆက်ထားနိုင်ဖို့ နေနေသာသာ ထမင်းတောင် နှပ်မှန်ဖို့ မလွယ်တဲ့အကြောင်း အစ်ကိုကြီးကလည်း အရင်ကလို မဟုတ်တော့ဘဲ အိမ်ရဲ့ စီးပွားရေးကို ဦးဆောင်နေတဲ့အကြောင်းတို့ကို ဆက်တိုက်ပြောပြလိုက်တော့ ကျွန်မ ဘာပြန်ပြောရမှန်း မသိဖြစ်သွားပါတယ်။

အမေ ပြောလိုက်တဲ့အထဲမှာ မောင်လေးတွေ ညီမလေးတွေ ဆိုတာနဲ့ လူမမယ်အရွယ်လေးတွေနဲ့ ကျန်ခဲ့တဲ့ ကျွန်မ မောင်လေး ညီမလေးတွေကို သတိရပြီး ကျွန်မမျက်ရည်လည်တယ်။ အခုစာရိုက်နေချိန်မှာလည်း  လူမမယ်အရွယ် မောင်လေးညီမလေးတွေအတွက် ဘာမှနွေးထွေးမှု မပေးနိုင်ဘဲ ထားခဲ့ရတာကို ခံစားရတယ်။ ကျွန်မငယ်ငယ်က အိမ်မှာ မိဘတနေကုန် မရှိရင် ဘယ်တော့ ပြန်လာမလဲဆိုတာ ဘယ်တော့မှ မမေး၊ ဘယ်တော့မှ မိဘကို မတမ်းတတတ်ပေမဲ့ အစ်ကိုတွေ အစ်မတွေ တနေကုန် မရှိရင် နေမတတ်ဘဲ ဘယ်တော့ပြန်လာမလဲလို့ မိဘကို ခဏခဏ မေးရင်း တမျှော်မျှော်နဲ့ စောင့်နေတတ်တဲ့ အဖြစ်ကို ကျွန်မ ပြန်သတိရသွားတယ်။

ပြီးတော့ ကျွန်မသူငယ်တန်း ကျောင်းမတက်ခင် အသက် နှစ်နှစ်သုံးနှစ် အရွယ်ကဆို ကျွန်မကိုကြီးက ကျွန်မအောက် ညီမကို ပုခုံးတဖက်ပေါ်မှာထမ်း ကျွန်မကိုကျတော့ တခြားလက်နဲ့ တွဲခေါ်ပြီး ကျွန်မတို့ အိမ်ရှေ့က နွားစားကျက်အဖြစ် လုပ်ထားတဲ့ ကွင်းပြင်ကြီးမှာ ညနေဆည်းဆာအချိန် ရောက်တိုင်း တွံတေးသိန်းတန်ရဲ့ "စစ်ပွဲတရာ နွှဲလိုက်ချင်ပေမဲ့ အချစ်တပွဲမှ မနွှဲချင်တော့ဘူးကွယ်" ဆိုတဲ့ သီချင်းကို ညည်းဆိုကာ ထိန်းကျောင်းရင်း ကျွန်မတို့နှစ်ယောက်ကို အိမ်မှာမွေးတားတဲ့ ကျွဲတွေနွားတွေအပေါ် တင်ပေးပြီး ကျွဲနွား ပေးစီးတတ်တဲ့ အကိုကြီး စစ်တပ်ထဲ မ၀င်ခင် ကျွန်မတို့ ငယ်ငယ်က ဘ၀လေးကို ချက်ချင်း ပြေးမြင်သွားတယ်။

ကိုကြီး စစ်တပ်ထဲမ၀င်ခင် အိမ်က ထွက်သွားတုန်းက ကိုကြီးကို လွမ်းပြီး ကိုကြီးဘယ်တော့ ပြန်လာမလဲလို့ ကျွန်မအိမ်မှာ မကြာခဏ မေးလေ့ရှိတာ၊ စစ်တပ်ထဲဝင်တော့မှ တိုင်းပြည်တာဝန်ကို သွားထမ်းနေလို လွမ်းစရာမဟုတ်ဘူး ဂုဏ်ယူရမယ်တယ်ဆိုတာ အဖေပြောပြထားတာနဲ့ ပြန်လာဖို့မလွယ်ဘူးဆိုတာ သိပြီး နောက်ထပ်မမေးတော့တာကို ကျွန်မသတိရသွားတယ်။ ကျွန်မ အိမ်ကထွက်လာပြီးနောက်ပိုင်း အငယ်ဆုံး ညီမလေးက မငယ်ဘယ်တာ့ ပြန်လာမလဲလို့ မေးတာကို လူကြုံကတဆင့် ကြားရတော့ ကျွန်မ ယူကျုံးမရအောင် ခံစားခဲ့ရတယ်။ ကျွန်မတို့ ငယ်ငယ်က သူအိမ်ကထွက်သွားတော့ သူဘယ်တော့ ပြန်လာမလဲဆိုတာ ကျွန်မတို့ တမ်းတမ်းတတ လွမ်းခဲ့ရတဲ့ ကိုကြီးက အခုတော့ ကျွန်မပြန်လာမှာကို တမ်းတမ်းတတ လွမ်းဆွတ်နေတဲ့ မောင်လေးညီမလေးတွေကို ခုလို ကျွန်မတို့ကိုယ်စား  အစားထိုး ၀င်ရောက်ပြီး အငယ်တွေအပေါ် နွေးထွေးမှုပေး တာဝန်ယူပေးနေတာကို သိရတော့ ကျွန်မ ကိုကြီးကို လှိုက်လှိုက်လှဲလှဲ ကျေးဇူးတင်သွားပါတယ်။

ပြီးတော့ ကျွန်မတို့ ဒေသမှာ မိုးတွင်းကာလအတွက် ဆန်စပါးကို မသိုထားနိုင်ရင် ဆန်ဈေးက မိုးတွင်းမှာ ပုံမှန်ဈေးထက် နှစ်ဆသုံးဆအထိ တက်ပြီး ပိုက်ဆံရှိတာတောင် ၀ယ်ဖို့ ဆန်မရှိတာနဲ့ မကြာခဏ ကြုံရတတ်တယ်။ ဒီလို မိုးတွင်းကာလမှာ ဆန်ဝယ်စားနေရတဲ့ မိသားစုတခုအတွက် ဘယ်လောက် ဒုက္ခရောက်တယ် ဆိုတာ ကျွန်မတို့ နယ်သားတွေ အသိဆုံး ဖြစ်ပါတယ်။ ကိုကြီးသာ မရှိရင် ခုလိုအချိန် အိမ်မှာ တော်တော်ကို ဒုက္ခရောက်မယ် ဆိုတာအမေပြောတာ အမှန်ပဲ ဖြစ်တယ်။ ကိုကြီးသာ ဒဏ်ရာရပြီး ပင်စင်မယူခဲ့ရင် ဒီလိုအချိန်မှာ တချိန်က ကျွန်မအထင်ကြီးတဲ့အတိုင်း စစ်တပ်ထဲမှာ အရာရှိတဦး ဖြစ်နေခဲ့ရင် အိမ်ကို အခုလို ဘာမှအကူအညီ ပေးနိုင်မှာ မဟုတ်ဘူး။ အခု ကိုကြီးဟာ မဆလ စစ်တပ်ထဲမှာ မဟုတ်တော့ဘူးဆိုတဲ့ အသိနဲ့ အငယ်တွေအတွက် ကျွန်မတို့ ဖြည့်ပေးရမည့် လိုအပ်ချက်ကို လာဖြည့်ပေးနေသူ ဆိုတဲ့အသိ၊ အိမ်မှာရှိတဲ့ အခက်အခဲအားလုံးကို တာဝန်ယူဖြေရှင်းပေးနေသူအဖြစ် ကျွန်မကိုကြီးကို ကျွန်မ တကယ် ကျေးဇူးတင်သွားပြီး အာဂါတအမုန်းတွေ တဖြေးဖြေး ပြယ်စပြုလာတယ်။

ကျွန်မ အတွေးလွန်နေတဲ့ချိန်မှာ အမေက "ဟိုမှာ နင့်ကိုကြီးလိုက်လာပြီ" ပြောလို့ လှည့်ကြည့်လိုက်တော့ ဟိုဘက်အိမ်ကနေပြီး ကျွန်မတို့ရှိတဲ့ အိမ်ဘက်ကို ရဲဘော်တယောက်နဲ့အတူ လျှောက်လာနေတဲ့ ကိုကြီးကို တွေ့လို့ ကျွန်မ လူများမှားနေသလားလို့တောင် ထင်ရတယ်။ လက်တတောင်ဆစ်ခန့် ရှည်တဲ့ ရှတ်အင်္ကျီအမဲရောင်နဲ့ ကချင်ပုဆိုး အမဲပေါ်မှာ အစိမ်းကွက်ကြားကို ဒူးခေါင်းလောက်အထိ လုံးတင်ပြီး အင်္ကျီ အပေါ်ကနေ ၀တ်ထားတော့ သူ့အရပ်က နဂိုထက် ပိုနှိမ့်နေတယ်လို့ ထင်မှတ်ရသလို လူကလည်း ပိုပိန်သွားသလို ထင်ရတယ်။ ခေါင်းပေါ်မှာ တောင်ထန်းနဲ့ ယက်လုပ်ထားတဲ့ လယ်သမားဆောင်း ခေါင်းတလုံးလုံ ခမောက်ကို ဆောင်းထားပြီး အထဲမှာ ကွမ်းတွေ ဆေးတွေထည့်ထားတဲ့ ကြိုးသိုင်းကို ခပ်တိုတိုလေး ဖြစ်အောင် ထုံးထားတဲ့ အဖြူအစင်းကြောင်းနဲ့ ကရင်လွယ်အိတ် အောက်ခံ အနီရောင် ခပ်နွမ်းနွမ်း တလုံးကိုလည်း လွယ်ထားကာ ကွမ်းတမြှုံ့မြှုံ့နဲ့ တွေ့ရတာ့ သူ့ပုံက စစ်သားတယောက် ဖြစ်ခဲ့ဖူးတယ်လို့ ပြောလို့ ဘယ်လိုမှ မယုံနိုင်စရာ။ ဒီပုံစံအတိုင်းပဲဆို လယ်တောထဲဆင်းခါနီး လယ်သမားတယောက်နဲ့ တူတယ်လို့ ပြောလို့ရနိုင်ပေမဲ့ သူ့လက်ထဲမှာ ကိုင်ထားတဲ့ ထီးရိုးကောက်တချောင်းကလည်း ရှိနေပြန်တော့ ဘယ်လယ်သမားကမှ လယ်ထဲသွားရင် ထီးယူသွားလေ့ မရှိတဲ့အတွက် လယ်သမားနဲ့ တူတယ်လို့လည်း ပြောလို့မရပြန်ဘူး။ ဒီတော့ သူ့ပုံကိုကြည့်ရင်း ကျွန်မ အလိုလို ရီချင်လာကာ တင်းနေခဲ့တဲ့ စိတ်တွေလည်း ဘယ်ပျောက်လို့ ပျောက်သွားမှန်းမသိ ပြေလျှော့သွားခဲ့တယ်။

သူက မရယ်မပြုံးနဲ့ ခပ်တည်တည်ပဲ စိုက်ကြည့်ပြီး ကျွန်မနားကို လျှောက်လာနေတယ်။ အနားရောက်တော့ ကျွန်မက "ကိုကြီး" လို့ အရင်ခေါ်လိုက်ပြီး ဘာမှ ဆက်မပြောသေးဘဲ သူ့ပုံက ရီစရာ ဖြစ်နေတာနဲ့ "ဟိ-ဟိ" လို့ ရီပြီးကြည့်လိုက်တော့ သူက တည်နေရာကနေ ပြန်ပြုံးပြတယ်။ ပြီးတော့ ကျွန်မက ဘာပြောလို့ ပြောရမှန်းမသိဘဲနဲ့ "ကိုကြီးအခုထိမိန်းမ မယူသေးဘူးလား" လို့  ရယ်ပြီး ပါးစပ်ကထွက်ရာနဲ့ စနောက်ပြီး မေးလိုက်တယ်။ သူက "မိန်းမယူလို့ ဖြစ်မလား၊ ငါမိန်းမယူရင် ညည်းမောင်တွေ ညီမတွေကို ဘယ်သူလာ လုပ်ကျွေးမလဲ" လို့ ပြုံးရယ်ပြီး ပြောလိုက်တယ်။ ကျွန်မတို့ မောင်နှမ ချက်ချင်းပဲ အရင်ကလို ပြန်ရင်းနှီးသွားတယ်။ ကိုကြီး ပြောတဲ့ "ညည်း" ဆိုတဲ့ အသုံးအနှုံးက ကျွန်မတို့ဘက်မှာ မပြောဘူး။ အဲဒါ ကိုကြီး စစ်တပ်ထဲက ပြန်လာမှ ပါလာတဲ့ စကားဖြစ်တယ်။ ကျွန်မနားထဲမှာ အဲလိုပြောတာက နင်လို့ ပြောတာထက် ပိုနားထောင်လို့ ကောင်းသလို ပိုယဉ်ကျေးသလို ခံစားရတယ်။

 ကျွန်မက "ကိုကြီးပုဆိုးကို ဒီလောက်တောင် တိုတို ၀တ်မည့်အစား ခါးထောင်းကျိုက်လိုက်ပါတော့လား၊ ကိုကြီး ဒီပုံအတိုင်း ဆိုရင်တော့ မိန်းမရဖို့ မရှိဘူးထင်တယ်" လို့ ကျွန်မ စလိုက်တာကို "ညည်းရှိတဲ့နေရာကို ဒီလိုဝတ်ပြီး မလာလို့ ဘယ်လိုလာရမလဲ၊ မင်းသားလို ၀တ်ပြီး လာလို့ရတဲ့ နေရာမှမဟုတ်တာ" လို့ ပြန်ပြောရင်း ကျွန်မတို့ မောင်နှမ စရင်းနောက်ရင်းနဲ့ သူစစ်တပ်ထဲက ပြန်ရောက်ခါစကအတိုင်း မောင်နှမနှစ်ယောက် ပြန်ရင်းနှီးသွားတယ်။ ဒီစကားတွေက အကြီးအကျယ် ရန်ဖြစ်ပြီး ခွဲခွာလာတဲ့ မောင်နှမနှစ်ယောက် ပထမဦးဆုံး ပြန်တွေ့တဲ့အချိန်မှာ စတင်ပြောခဲ့တဲ့ စကားတွေအဖြစ် ကျွန်မ တသက်မမေ့ဘူး။

ကျွန်မတို့ တည်းတဲ့အိမ်က လူနာတွေနဲ့ အလုပ်များနေလို့ ဟိုဘက်အိမ်ကိုပဲ ပြန်သွားပြီး စကားပြောဖြစ်တယ်။ ကိုကြီးနဲ့ ကျွန်မ တွေ့တဲ့အချိန် ပြောဖြစ်တဲ့ စကားက အစိုးရအကြောင်းမပါ၊ တော်လှန်ရေးအကြောင်းမပါ၊ အိမ်က မောင်လေးညီမလေးတွေရဲ့ ပညာရေးအကြောင်းပဲ ဖြစ်တယ်။ မောင်တယောက်က ၁၂ နှစ်ပဲ ရှိသေးတယ် အရပ်သိပ်ကို ရှည်ကြောင်း နေမကောင်းဖြစ်လို့ ကျောင်းပျက်ရာကနေ ကျောင်းပြန်သွားချင်စိတ် မရှိတော့ဘဲ စာမလိုက်နိုင်တော့ဘူး ဆိုတာကို အကြောင်းပြကာ ကာလသားတွေနဲ့ ပေါင်းပြီး လူပျိုလုပ်နေလိုက်တာ ဘယ်လိုမှ တားလို့မရကြောင်း ပြောပြတယ်။ ကျွန်မက မောင်လေးကို ရအောင် ပြန်ဖြောင်းဖြပြီး ကျောင်းပြန်တက်ခိုင်းဖို့ ကျွန်မ ကိုကြီးကို တိုက်တွန်းခဲ့တယ်။ ကိုကြီးက ရမရ ဆိုတာ မသေချာပေမဲ့ မောင်လေးကို သူက ကျောင်းပြန်တက်ဖို့ ကြိုးစားပြီး ပြန်ဖြောင်းဖြမယ်လို့ ကျွန်မကို ကတိပေးသွားခဲ့ပါတယ်။

အဲဒီတုန်းက ကျွန်မတို့ရွာ အပါအ၀င် ကျေးရွာစုတွေမှာ ပြည်သူ့စစ်သင်တန်းတွေ ပေးဖို့လုပ်နေတယ်ဆိုတာ ကြားထားတော့ မောင်နှမနှစ်ယောက် ပြန်တွေ့ရလို့ ပျော်နေတဲ့ အပျော်တွေ ပျက်သွားမှာ စိုးလို့ ကိုကြီးကို ဘာမှ မပြောခဲ့ပေမဲ့ အမေ့ကိုတော့ ကိုကြီးကို ရွာမှာ ပြည်သူ့စစ်အဖွဲ့မှာ သင်တန်းနည်းပြ လုပ်တာတို့ ပြည်သူ့စစ်ခေါင်းဆောင် လုပ်ခိုင်းဖို့အတွက် စစ်တပ်က တာဝန်ပေးတာတို့ လုပ်လာရင် လုံးဝ ၀င်မလုပ်ခိုင်းပါနဲ့လို့ မှာလိုက်ပါတယ်။ အဲဒီလို ကိုကြီးဝင်လုပ်လို့ကတော့ KNU သို့မဟုတ် ကျွန်မတို့ ABSDF တပ်တွေက ပြဿနာရှာလို့ တခုခုဖြစ်ရင် ကျွန်မ တာဝန်မယူနိုင်ဘူးလို့ ပြောလိုက်တယ်။ အမေကတော့ အိမ်မှာ ဒီလောက်အလုပ်များတာ ဒါတွေ ဘယ်လုပ်လို့ ဖြစ်မလဲလို့ပဲ ပြောတယ်။

ကိုကြီးတို့ ပြန်သွားပြီး နှစ်ပတ်ခန့် အကြာမှာတော့ ကိုကြီးဆီက စာတစောင် ရောက်လာပါတယ်။ ကျွန်မက မျက်နှာချင်းဆိုင် တွေ့တုန်းက ခေါ်ရမှာ အားနာလို့ ဒါမှမဟုတ်ရင်လည်း ခေါ်မရဲလို့ စာရေးပြီး ကျွန်မကို ပြန်ခေါ်တာများလားလို့ ထင်ခဲ့တယ်။ တောခိုလာတဲ့ ကျွန်မတို့ ABSDF ရဲမေတဦးကို သူ့အစ်ကို စစ်ဗိုလ်က ရေးတဲ့စာတစောင်ကို သွားပြီးသတိရတယ်။ အဲဒီစာမှာ "ရွှေသမင် အလိုက်မှားပြီး မိုက်မှားတဲ့ အဖြစ်မျိုးကို မရောက်စေနဲ့ ညီမငယ်၊ ပြန်လာပါ မိခင်(အမေကိုမဆိုလို တိုင်းပြည်ကိုဆိုလို) ရင်ခွင်က ကြိုဆိုနေပါတယ်" ဆိုတဲ့ စာသားလေးက ကျွန်မတို့ တော်လှန်ရေး ရဲမေတွေကြားမှာ "ဟာနင့်အစ်ကို မဆလက စာရေးမိုက်လှချည်လား" လို့ အဲဒီရဲမေကို လိုက်စပြီး ရေပန်းစားခဲ့ဖူးတယ်။ အခုလည်း ကိုကြီးက ကျွန်မကို အဲဒီလိုများ ရေးပြီးပြန်ခေါ်တာလားမသိဆိုတဲ့ အတွေးနဲ့ ဖတ်ကြည့်လိုက်တော့ စာက ပြန်ခေါ်တဲ့စာမဟုတ်ဘူး။

သူကျွန်မကို ဂတိပေးခဲ့တဲ့အတိုင်း မောင်လေးကို ကျောင်းပြန်တက်ဖို့ သူ ဖြောင်းဖြပေမဲ့ မောင်လေးက အရမ်းထွားပြီး အပြင်က ကာလသားတွေထက်တောင် အရပ်က ပိုမြင့်နေတော့ ကလေးတွေကြားမှာ ကျောင်းပြန်တက်ရမှာကို ရှက်ပြီးတော့ စာကိုလည်း ဘယ်လိုမှ စိတ်မ၀င်စားတော့ဘူး ပြောပြီး ဘယ်လိုမှ ဖြောင်းဖြလို့ မရတော့ကြောင်း အကြောင်းကြားတဲ့စာ ဖြစ်တယ်။ လတွေ ရက်တွေ မမှတ်မိတော့ပေမဲ့ ကျွန်မတို့ တွေ့ခဲ့တာ ၉၂ နှစ်မိုးတွင်းကာလ ဖြစ်တယ်။ ဒီနောက်ပိုင်း ကျွန်မလည်း တပ်ရင်းခဏပြန်တက်မယ် ဆိုတဲ့ရည်ရွယ်ချက်နဲ့ ခွင့်တောင်းပြီး တပ်ရင်း ပြန်ရောက်ခဲ့ပြီး ရှေ့တန်းကို ပြန်မရောက်တော့ဘဲ ABSDF ဗဟိုကို ရောက်သွားခဲ့ရာကနေ တပ်ရင်းရော ရှေ့တန်းပါ လုံးဝပြန်မရောက်တော့ဘဲ အိမ်နဲ့ အဆက်အသွယ်လည်း လုံးဝ ပြတ်သွားခဲ့တယ်။

အမှန်တော့ ကျွန်မတို့ မောင်နှမ သဘောထား ကွဲလွဲမှုက အရေးအခင်းမတိုင်ခင်ကတောင် စခဲ့တာပါ။ ကျွန်မကိုကြီး စစ်တပ်အထဲက အတွေ့အကြုံတွေကို ပြောပြရာမှာ စစ်ကြောင်းထွက်ဖို့ ပေါ်တာဖမ်းတာ မိန်းကလေးတွေပါ ပါတယ်ဆိုတာ သိရလို့ ကျွန်မနဲ့ စတင်ပြီး အငြင်းအပွား ဖြစ်ခဲ့ပါတယ်။ ကျွန်မတို့ဘက်မှာ ယောက်ျားတွေကိုပဲ ပေါ်တာဖမ်းတာ တွေ့ဖူးပြီး အဲဒါကိုတောင် လူထုက စစ်တပ်ကို တော်တော်လေး စက်ဆုတ်ရွံရှာတာတွေ့တော့ ရှမ်းပြည်နယ်မှာက ဒီထက်ပိုဆိုးပြီး မိန်းကလေးပါမချန် ပေါ်တာဖမ်းတယ်တယ်ဆိုတာ သိရတော့ တကယ်ကို တအံ့တသြ ဖြစ်ပြီး ကိုကြီးနဲ့ အချေအတင်ဖြစ်ကာ ကြည့်လို့မရတဲ့အဆင့်ထိ ဖြစ်ခဲ့တယ်။ သူကတော့ ထမင်းစားရေသောက် အလုပ်လိုပဲ "စစ်ကြောင်းမှာ ပစ္စည်းသယ်ဖို့ လူလိုနေတာ ယောကျာ်းတွေမှ တယောက်မှ မတွေ့တော့ တွေ့တဲ့သူတွေကိုပဲ ခေါ်ရတာပေါ့ ဒါကိုယ့်ကိုယ်ကျိုးအတွက်မှ မဟုတ်ပဲ တိုင်းပြည်အကျိုးအတွက် လိုအပ်လို့ လုပ်လုပ်ရတာပဲ" တဲ့ ဒီလောက် ရက်စက်ကြမ်းကြုတ် ရွံစရာကောင်းတဲ့ အလုပ်ကို ဘာမှမထူးမဆန်းဘဲ ပုံမှန် လုပ်ရိုးလုပ်စဉ် အလုပ်တခုလို ပြောတော့ အဲဒီနောက်ပိုင်း ကျွန်မကိုကြီးကိုရော တပ်မတော်ဆိုတာကိုပါ ကျွန်မ သိပ်အထင်ကြီးလို့ မရတော့တာ အရေးအခင်းဖြစ်တော့ ပိုဆိုးသွားတယ်။

အဲဒီ ပေါ်တာအကြောင်းကို အဖေကို ပြောပြပြီး အဖေတို့ တပ်မတော်ထဲမှာတုန်းကလည်း ဒီလိုပဲလားလို့ မေးကြည့်တော့ အဖေက "ဘယ်ဟုတ်မလဲသမီးရယ် အဲလိုလုပ်တော့ တပ်မတော်ကို ပြည်သူက ဘယ်လက်ခံတော့မလဲ၊ အဖေတို့တုန်းက အခုလိုလည်း လိုက်ဖမ်းစရာတောင် မလိုဘူး၊ ပြည်သူလူထုက တပ်မတော်ကို ကူညီဖို့ အမြဲတမ်း အဆင်သင့်ရှိတယ်၊ လမ်းစဉ်ပါတီခေတ်မှာတော့ သွားပါပြီ ဒီအတိုင်းဆို တိုင်းပြည်ကိုရော တပ်မတော်ကိုပါ ဖျက်ဆီးနေတာ သေချာပြီ" လို့ အဖေ ကောက်ချက်ချဖူးတယ်။ ကျွန်မကို ကိုကြီး လာတွေ့ပြီးနောက်ပိုင်းမှာတော့ ကိုကြီးလည်း အရပ်သားဖြစ်သွားပြီ ကျွန်မတို့ မိသားစု စားဝတ်နေရေး၊ စီးပွားရေးအတွက်လည်း ဦးဆောင် ဖြေရှင်းပေးနေသူ ဖြစ်နေပြီဆိုတော့ ဒါတွေကို ကျွန်မ မေ့ထားလိုက်ပါတယ်။

ကျွန်မကိုကြီးက ဗကပနဲ့ ရှမ်းသူပုန်တွေကို တလျှောက်လုံး တိုက်လာတာ ဘာမှမဖြစ်ဖူးဘူး ကရင်ပြည်နယ် ဒေါနတောင်တန်း စစ်ဆင်ရေးမှာ စစ်ကူလိုလို့ စစ်ကူလေး တခါသွားလိုက်မှ လက်မောင်းမှာ ဒဏ်ရာရပြီး လက်တဘက်သေသွားလို့ ဆိုပြီး သူက သူပုန်တွေထဲမှာ ကရင်သူပုန်တွေကို စိတ်အနာဆုံးပဲလို့လည်း အမြဲပြောတတ်တော့ ကရင်သူပုန်တွေ လှုပ်ရှားတဲ့ ဒေသမှာ နေပြီး ဒါကို အခုထိ ထပ်ပြောနေရင် ကရင်တွေကြားပြီး ရွာထဲဝင် ချောင်းပစ်သတ်ခံရရင် ဒုက္ခပဲလို့လည်း ကိုကြီးအတွက် ကျွန်မ အမြဲတွေးပူနေခဲ့တာတော့ အမှန်ပဲ။  ကိုကြီးနဲ့ ရှေ့တန်းမှာ တွေ့ပြီး နောက်ပိုင်းမှာတော့ သူစစ်တပ်ထဲမှာတုန်းက အတွေ့အကြုံတွေကို ပြောပြခဲ့ဖူးတဲ့အထဲက ကောင်းတာတွေကိုပဲ ကျွန်မ အမြဲပြန်သတိရနေတတ်ပါတယ်။ သူအမြဲဆိုလေ့ရှိတဲ့ စိုင်းထီးဆိုင်ရဲ့ လေညာအရပ်ကအချစ်ကို ပြန်နားထောင်လို့ ကောင်းလာတယ်။ ဒီသီချင်းကို မကြာခဏ နားထောင်ပြီး အလွမ်းဖြေတတ်လာတယ်။

ကိုကြီး စစ်တပ်ထဲမှာ ရှိနေတုန်းကတော့ ကိုကြီးကို သတိရတိုင်း ကျွန်မတို့ ငယ်ငယ်က ကျွန်မတို့ကို ချီပြီး သူဆိုခဲ့တဲ့ တွံတေးသိန်းတန် သီချင်းကို ကြားရတိုင်း ကိုကြီးကို သတိရတယ်။ သူစစ်တပ်ထဲက ပြန်ရောက်လာတော့ စိုင်းထီးဆိုင်နဲ့ ခွန်သန်းထွန်း သီချင်းတွေကိုပဲ ထပ်ခါတလဲလဲ ဆိုနေပြီး တွံတေးသိန်းတန် သီချင်းကို မဆိုတော့ဘူး တောသီချင်းကြီးတဲ့။ သူဆိုတဲ့ သီချင်းတွေအထဲက သူ့အသံက တခြားသီချင်းတွေ ဆိုတာ သံစဉ်သိပ်မမှန်လို့ နားထောင် မကောင်းပေမမဲ့ စိုင်းထီးဆိုင်ရဲ့ လေညာအရပ်က အချစ်သီချင်းကတော့ သူဆိုတာ စိုင်းထီးဆိုင်အသံနဲ့ တော်တော်လေး တူတာ သတိထားမိတယ်။ ကိုကြီးနဲ့ ရန်ဖြစ်ပြီးနောက်ပိုင်း အဝေးကို ရောက်လာတဲ့အချိန် သူ့ကို ရှေ့တန်းမှာ ပြန်မတွေ့ခင်အထိ ဒီသီချင်းကို ကြားရင် သူ့ကို စိတ်နာပြီး လုံးဝမခံနိုင်လောက်အောင် ဖြစ်ပေမဲ့ သူကျွန်မကို လာတွေ့ပြီးတဲ့အချိန်ကစလို့ အခုထိ ဒီသီချင်းက ကိုကြီးကို သတိရရင် အလွမ်းဖြေစရာ သီချင်း ပြန်ဖြစ်လာပါတယ်။

ကျွန်မတို့ အိမ်က မထွက်လာခင် ကိုကြီး စစ်တပ်ထဲက ခွင့်တင်ပြီး ပြန်ရောက်လာတော့ သူဟာ စစ်သားဘ၀ကို တော်တော်လေး စိတ်ကုန်ပြီး ကုန်သည်ဘ၀ကို တော်တော်လေး အားကျနေခဲ့ပါတယ်။ သူက ရှမ်းပြည်တောင်ပိုင်း အောင်ပန်းမြို့မှာ တာဝန်စကျပြီး နောက်ပိုင်းမှာတော့ မြန်မာပြည် အလယ်ပိုင်း ပုပ္ပါးကိုပြောင်းရတယ်။ မြန်မာပြည်မှာ ရခိုင်ပြည်နယ်နဲ့ ချင်းပြည်နယ်ကလွဲရင် ကျန်တဲ့ ပြည်နယ်နဲ့တိုင်း အားလုံးကို ရောက်ဖူးပြီး ဘယ်ဒေသမှာ ဘာပစ္စည်းဈေးက ဘယ်လိုဈေးရှိတယ် တနေရာနဲ့ တနေရာ ကွာခြားတာကို သိတဲ့အတွက် တပ်ကထွက်ရင် ပိုက်ဆံအရင်းအနှီး ရှာဖွေစုဆောင်းပြီး ကုန်သည်လုပ်စားမယ်လို့ မကြာခဏ ပြောဖူးတယ်။ ရှမ်းပြည်က ပစ္စည်းကို ဗမာပြည် (မြန်မာပြည် အလယ်ပိုင်း) သယ်၊ ဗမာပြည်ကပစ္စည်း ရှမ်းပြည်ကိုသယ်ရင် အတင်အချခ၊ ခရီးစာရိတ်၊ အလေအလွှင့်တွေနှုတ်ပြီး အကျန် တခေါက်ဆိုရင် ဘယ်လောက်မြတ်နိုင်ကြောင်း အမြဲတွက်ပြီး သွားရေယိုနေတတ်လို့ ရွာကလူတွေကတောင် စိတ်ကူးနဲ့ချမ်းသာနေတယ်လို့ သူ့ကို ပြောဖူးပါတယ်။

သူစကားပြောရင် ရှမ်းပြည်နယ်နဲ့ မြန်မာပြည်အလယ်ပိုင်းကို ရှမ်းပြည်နဲ့ ဗမာပြည်လို့ ပြောတာ သတိထားမိတယ်။ အဲဒါကြောင့် "ကိုကြီးကလည်း တနိုင်ငံတည်းကို ရှမ်းပြည်တွေ ဗမာပြည်တွေ ဆိုပြီး လိုက်ခေါ်နေတော့ ကိုကြီးပြောမှပဲ ရှမ်းပြည်နဲ့ ဗမာပြည်က နှစ်နိုင်ငံကျနေတာပဲ" လို့ ကျွန်မပြောတော့ အဲဒီဘက်က ဒီလိုပဲ ခေါ်တဲ့အကြောင်း သူပြောပြလို့ သိရတယ်။ ကိုကြီးက သူ ရောက်ဖူးတဲ့အထဲမှာ ရှမ်းပြည်လောက် နေချင့်စဖွယ် ကောင်းတဲ့နေရာ မြန်မာပြည်မှာ မရှိဘူးလို့ ပြောပြပြီး မိုးခေါင်ရေရှားဖြစ်တဲ့ ဗမာပြည် မှာလည်း (မြန်မာပြည်အလယ်ပိုင်းကို ဆိုလို) ပုပ္ပားလောက် သာယာ နေချင့်စဖွယ် ကောင်းပြီး ရာသီဥတုကောင်းတဲ့နေရာ မရှိဘူးလို့ သူတာဝန်ကျဖူးတဲ့ နှစ်နေရာအကြောင်းကို အမွမ်းတင်ပြီး အမြဲ ပြောပြတတ်ပါတယ်။ အဲဒီဘက်က ချက်ပြုတ် စားသောက်တဲ့နည်းအတိုင်း သူချက်ကျွေးတာကို ကျွန်မတို့ မြိန်ယှက်စွာ စားသောက်ခဲ့ဖူးတယ်။ ကျွန်မတို့ကို အဲဒီနေရာတွေက အလှအပတွေကို တွေ့ဖူးအောင် တနေ့တော့ ခေါ်သွားပြမယ်လို့ မကြာခဏ ပြောဖူးတယ်။ ဒါပေမဲ့ ကိုကြီး ကျွန်မတို့ကို အဲဒီနေရာတွေရောက်အောင် ဘယ်တော့မှ ခေါ်သွားနိုင်တော့မှာ မဟုတ်ဘူး။

ကျွန်မ ABSDF ဗဟိုရောက်ပြီး ၉၇ မှာ ဘန်ကောက်ကနေ ရွာကသတင်း အစအန ပြန်ရတော့ ကိုကြီး မရှိတော့ကြောင်း သိရတယ်။ ကျွန်မ စိုးရိမ်နေသလို ကရင်သူပုန်ကို စိတ်နာတယ် အမြဲပြောနေလို့ KNU အသတ်ခံပြီး သေရတာတော့ မဟုတ်ဘူး။ သူသေတာ စစ်ခွေးတွေ သတ်လို့ သေရတာ။ ကျွန်မအစ်ကိုဟာ ရော်ဘာတို့ ဓနိသကြားတို့ကို တင်ပြီး စက်လှေနဲ့ မိသားစုအတွက် စီးပွားထွက်ရှာရင်း စစ်ခွေးတွေနဲ့ မိပြီး ကုန်တွေလည်းသိမ်းခံရ လူကိုပါ ရဲဘက်အပို့ခံရကာ အကျဉ်းသားဘ၀နဲ့ စစ်ခွေးတွေ ညှင်းဆဲလို့သေခဲ့တယ်လို့ သိရတယ်။ ပုံမှန်ဆိုရင်တော့ ကျွန်မတို့ဘက်မှာ မှောင်ခိုလှေထွက်တဲ့ သူတွေ ဒီလိုဖြစ်လေ့ မရှိပါဘူး ကံမကောင်းလို့ မိရင်တောင်မှ သူ့နည်းသူ့ဟန်နဲ့ လာဘ်ပေးလာဘ်ယူနဲ့ ပြီးသွားတာပဲ အမြဲတမ်း ကြားဖူးပါတယ်။

 ကျွန်မအစ်ကိုကျမှ ဘာကြောင့် ကံဆိုးမိုးမှောင်ကျပြီး သေတဲ့အထိ ညှင်းဆဲခံရတယ်ဆိုတာကတော့ မိန်းကလေးတွေကို ပေါ်တာဆွဲတာအပါအ၀င် သူစစ်တပ်ထဲမှာတုန်းက အကျဉ်းသားတွေကို အပြစ်မရှိဘဲ ညှင်းဆဲဖူးတာလည်း ရှိချင်ရှိနိုင်ပါတယ်။ ဒါကြောင့် ကံ၊ ကံ၏အကျိုးဆိုတာ ပြေးမလွှတ်လို့ သူပြုခဲ့တဲ့အပြစ် သူ ပြန်ခံရတယ်လို့ပဲ သဘောထားလိုက်ပါတယ်။ သေချာတာက တိုင်းပြည်အတွက်မို့ ဘာလုပ်လုပ် တရားတယ်ထင်ခဲ့တဲ့ ကျွန်မကိုကြီးဟာ သူ့ကို ညှင်းဆဲခံရတဲ့အချိန်မှာတော့ တိုင်းပြည်အတွက်မို့ ငါ့ကို ဒီကောင်တွေအခုလို ညှင်းဆဲတာ တရားတယ်လို့ ဘယ်လိုမှ လက်ခံနိုင်တော့မှာ မဟုတ်ဘူး။ ဒါကြောင့် အမှန်တရားဟာ ဒါမဟုတ်ဘူး ဆိုတာနဲ့ လူထုကို ဒုက္ခပေးတာ တိုင်းပြည်အတွက်မဟုတ် အာဏာရူး စစ်ခေါင်းဆောင်တွေအတွက်သာ ဖြစ်ပြီး ပြည်သူလူထုကို တိုင်းပြည်အတွက် ဆိုတဲ့ အကြောင်းပြချက်နဲ့ ဒုက္ခပေးတာဟာ လုံးဝမရားဘူးဆိုတဲ့ အမှန်တရားကို မသေခင် ကိုကြီးကောင်းကောင်း အ မြင်မှန် ရသွားမယ်ဆိုတာ ကျွန်မ လုံးဝယုံကြည်ပါတယ်။ ၀မ်းနည်းတာကတော့ သူစစ်တပ်ထဲမှာ ရွာသူတွေကို ပေါ်တာဆွဲကာ ဒုက္ခပေးတုန်းက မဖြစ်ဘဲ အခုလို မိသားစုအတွက် ကောင်းကောင်းမွန်မွန် အလုပ်အကျွေး ပြုနေတဲ့အချိန်မှာမှ ပြန်ခံရတာကိုပဲ ၀မ်းနည်းမိတယ်။ တကယ်တော့ ကျွန်မအစ်ကိုကြီးက စစ်ခွေးမဟုတ်ပါဘူး ကံမကောင်းစွာနဲ့ တိုင်းပြည်မှာ စစ်ခွေးကြီးစိုးတဲ့ခေတ်မှာ တပ်မတော်သား ဖြစ်ရလို့ စစ်ခွေးတို့ရဲ့ သားကောင်တကောင်သာ ဖြစ်ခဲ့ပါတယ်။ ကျွန်မအစ်ကို စစ်ခွေးလုံးဝ မဟုတ်ပါ။

စစ်ခွေးတွေဟာ အခုလည်း ပြည်တွင်းပြည်ပ နေရာတိုင်းမှာ ဒုက္ခပေးနေဆဲ၊ တိုင်းပြည်ကို ဖျက်ဆီးနေဆဲ ဖြစ်တယ်။ ကျွန်မအစ်ကိုလို မိမိကိုယ်မိမိ ဘယ်သူ့အတွက် အလုပ်လုပ်နေတယ်ဆိုတာ အမှန်အတိုင်း မြင်နိုင်လောက်အောင် အခွင့်မကြုံတဲ့ စစ်ခွေးစစ်စစ်တွရဲ့ အသုံးချခံ ပြည်တွင်းစစ်ရဲ့ သားကောင်တွေလည်း တပ်မတော်ထဲမှာ အများကြီး ရှိနေလိမ့်မယ်။

1962 ကစပြီး သွေးစွန်းခဲ့တဲ့ စစ်ခေါင်းဆောင်တွေဟာ တိုင်းပြည်နဲ့ လူမျိုးအတွက် ဆိုရင် ဘာလုပ်လုပ် တရားတယ်ဆိုပြီး လူ့အခွင့်အရေးကို တရားဝင် ချိုးဖေါက်ပြီး တိုင်းပြည်ကိုရော တပ်မတော်ကိုပါ ကိုယ်ကျိုးအတွက် အသုံးချနေကြတယ်ဆိုတာ အားလုံးသိအောင် လုပ်ဖို့က ကျွန်မတို့ရဲ့ သမိုင်းပေးတာဝန် ဖြစ်တယ်။ တောစွန်အုံဖျား တိုင်းရင်းသား ဒေသတွေမှာ အမျိုးသမီးတွေကို မုဒိန်းကျင့် သတ်ဖြတ်နေတဲ့ စစ်ခွေးတွေ၊ ရန်ကုန်လို မြို့လယ်ခေါင်မှာ သံဃာတော်နဲ့ ပြည်သူတွေကို ပစ်သတ်တဲ့အထိ သောင်းကျန်းနေတဲ့ စစ်ခွေးတွေ၊ အသက်မပြည့်သေးတဲ့ ကလေးတွေကို မိဘရင်ခွင်က ဆွဲခွါပြီး သူတို့လို စစ်ခွေးဖြေစ်အောင် အတင်းသွတ်သွင်းနေတဲ့ စစ်ခွေးတွေ၊ နိုင်ငံခြားအထိ ပြည်သူ့ဘဏ္ဍာနဲ့ ပညာလာသင်ပြီး အဲဒီရတဲ့ နည်းပညာနဲ့ အွန်လိုင်းပေါ်မှာ လူတကာကို ဒုက္ခလိုက်ပေးနေတဲ့ စစ်ခွေးတွေ၊ မြန်မာပြည်မှာ အဲဒီ (စစ်ခွေးတွေ - စစ်ခွေးတွေ - စစ်ခွေးတွေ ) အမြန်ဆုံ့း နိဂုံးချုပ်ပြီး ဟိုယခင်တုန်းကလို ပြည်သူချစ်တဲ့ တပ်မတော် အဖြစ် အမြန်ဆုံး ပြန်လည်အဖတ်ဆည်လို့ ရပါစေလို့ ဆုတောင်းပါတယ်။





ဒီသီချင်းက ကိုကြီး လက်မောင်းမှာ ဒါဏ်ရာရပြီးနောက် သူ့ချစ်သူက မိဘပေးစားတဲ့ အရပ်သားတယောက်နဲ့ လက်ထပ်လိုက်ပြီးနောက်ပိုင်း အမြဲဆိုဖြစ်တဲ့ သီချင်း ဖြစ်ပုံရတယ်၊ အိမ်ကိုရောက်ကတည်းက ဒီသီချင်းကိုပဲ စွဲစွဲမြဲမြဲ ဆိုနေတတ်ပါတယ်။ ရွာက ကာလသားတွေကလည်း သူ့ဆီမှာ ဒီသီချင်းကို လာသင်ကြပါတယ်။ ကိုကြီးဆီက မောင်လေးကို ကျောင်းပြန်တက်ဖို့ ဖြောင်းဖြလို့မရကြောင်း ပြန်ရေးလာတဲ့စာဟာ သူ့ဆီက ကျွန်မ နောက်ဆုံးဖတ်ရတဲ့ စာဖြစ်သလို ဒီတခါတွေ့ရတာဟာ ကျွန်မ သူ့ကို နောက်ဆုံးတွေ့ခြင်း ဖြစ်တယ်။ အာရုံနှစ်ခု တပြိုင်တည်း မရတတ်တဲ့ ကျွန်မဟာ အခုဒ်ီသီချင်းကို နားထောင်ရင်း ဒီစာကို ရိုက်နေစဉ်မှာ စာရိုက်တဲ့အာရုံနဲ့ သီချင်းနားထောင်တဲ့ အာရုံကို တခုတည်းလိုပဲ ခံစားနေရနေတယ်။ တချိန်ကတော့ အမုန်းအာဂါတကို သတိရစေတဲ့ အခုတော့ အလွမ်းတွေကို သယ်လာပေးတဲ့ ကိုကြီး အမြဲဆိုလေ့ရှိတဲ့ စိုင်းထီးဆိုင်ရဲ့ လေညာအရပ်ကအချစ် သီချင်းလေးကို နားထောင်ရင်း နောင်ဘ၀များမှာ လူပြန်ြဖစ်ရင် ကိုကြီးတယောက် စစ်ခွေးတွေရဲ့ သားကောင် ဘယ်တော့မှ မဖြစ်ပါစေနဲလို့ ဆုတောင်းရင်း

"မုတ်.. သုန်.. လေ.. လို မြောက်.. ပြန်.. လေ.. လို.. ရာသီလေမျိုး မဟုတ်ပါ၊ ကိုယ့်.. အချစ်.. က.. အမြဲတမ်း အချိန်မရွေး တိုက်ခတ်နေတဲ့ အရာ... ဟို...တောင်ပေါ် နှင်းငွေ့လည်းပါရဲ့ ဟိုး...တောင်ခြေ ဖုန်းငွေ့လည်းပါရဲ့..ဟိုး..အင်းအိုင် ပင်လယ်သမုဒ္ဒရာ ဂန္တာရမကျန်အောင် အဝေးကြီးဝေးပြီး အနီးကြီးနီးတဲ့ နှလုံးသားရဲ့ နယ်ပယ်ကလာ..( လေ..ညာအရပ်ကအချစ်...)၂ တိုက်နေခဲ့ တိုက်နေဆဲ နောင်များလည်း တိုက်နေအုန်းမှာပဲ.."

ဆိုပြီး လေညာအရပ်က သီချင်းကို စဆိုရာမှာ တလုံးစီကို တခွန်းချင်း နှေးနှေးနဲ့ ပီပီသသ စတင်သီဆိုတတ်တဲ့ ကိုကြီးရဲ့ အသံကို ကြားယောင်နေမိတယ်။ အခုတော့ ဒီသီချင်းနဲ့ပဲ အလွမ်းဖြေဦးမယ်။ တနေ့တချိန်မှာ အခြေအနေပေးရင်တော့ ကိုကြီး စစ်တပ်ထဲမှာတုန်းက ကျင်လည် ကျက်စားခဲ့တဲ့ သိပ်ကို သာယာလှပပါတယ်ဆိုတဲ့ သူကိုယ်တိုင် လိုက်ပြချင်ပြီး လိုက်မပြလိုက်ရတဲ့ ရှမ်းပြည်တောင်ပိုင်း ကလော၊ အောင်ပန်း၊ တောင်ကြီးနဲ့ မြန်မာပြည် အလယ်ပိုင်းက ပုပ္ပားနဲ့ ကျောက်ပန်းတောင်းမြို့တွေကို သွားပြီး အဲဒီမြို့တွေက အလှတွေကို ကိုယ့်ဖါသာကိုယ် သွားကြည့်ပြီး ကိုကြီးကို အလွမ်းဖြေချင်ပါသေးတယ်။

ကိုကြီး ကောင်းရာသုဂတိလားပါစေ။ မြန်မာပြည်မှာ စစ်ခွေးစနစ် ကျဆုံးပါစေ။


(လေညာအရပ်က အချစ်သီချင်းကို Download လုပ်တဲ့နေရာ ပို့ပေးတဲ့ ပြီးခဲ့တဲ့လက ဖင်လန်နိုင်ငံရောက် နိုင်ငံခြားသားတွေ အထဲမှ အကောင်းဆုံး လူမှုထူးချွန်ဆုကို ဆွတ်ခူးရရှိသွားတဲ့ ဇနီးမောင်နှံဖြစ်တဲ့ ကိုသားဆွေနဲ့ မျိုးမျိုး တို့ကို အထူးကျေးဇူးတင်ပါတယ်။)

ဆက်ဖတ်ရန်>>