မင်္ဂလာပါ

လှိုက်လှဲစွာ နှုတ်ခွန်းဆက်သပါတယ်။ ဒီဘလော့ဂ်က ကျွန်မရဲ့ ဘ၀ဖြတ်သန်းမှု၊ အတွေ့အကြုံ၊ ခံစားမှုအတွေးအမြင်၊ ဗဟုသုတ၊ ကျန်းမာရေးပညာပေး စတာတွေကို ကျွန်မ ရေးတတ်သလို ရေးပြီး အများသိအောင် ပြန်လည်မျှဝေရင်းနဲ့ မှတ်တမ်းအဖြစ် သိမ်းဆည်းထားရာ နေရာတခုသာ ဖြစ်ပါတယ်။ တခြားဆိုက်တွေက နှစ်သက်သဘောကျတဲ့ ပို့စ်တချို့ကို ပြန်လည်ကူးယူ ဖေါ်ပြထားတဲ့ပို့စ် အနည်းငယ်လည်း ရှိပါတယ်။ C-Box ဘေးမှာ ကပ်လျှက် ဆိုက်ဘားမှာ ကဏ္ဍအလိုက် Labels တွေ ခွဲထားတဲ့အထဲမှာလည်း ကြိုက်နှစ်သက်ရာကို ရွေးဖတ်နိုင်ပါတယ်။ လာလည်သူ အားလုံးကို ကျေးဇူးအထူး တင်ရှိပါတယ်။

ကိုယ်တိုင် မကြာခဏ ပြန်ဖတ်ဖြစ်တဲ့ အကြိုက်ဆုံး ပို့စ်များ


(၁) တခါက ကျွန်မရဲ့ ဇာတ်လိုက်)၊ (၂)
ပထမဦးဆုံး ရှေ့တန်းတိုက်ပွဲ(၃) အာဇာနည်နေ့ စခန်းသိမ်းတိုက်ပွဲတခုအကြောင်း(၄) အကြွေစောသူများ အမှတ်တရ (၁) (၅)ရင်သွေးတခု ဖြစ်တည်မှု (၆) ပျော်၍မရသော အမေနေ့အတွေး (၇) Evolution လုပ်မလား Revolution လုပ်မလား၊ (၈) တော်လှန်ရေးနဲ့ အိမ်ထောင်ရေး (၉) ဒီမိုကရေစီကို လွှဲမှားစွာ နားလည်သူများသို့ (၁၀) နိုင်ငံခြားမှာ ကြီးတဲ့မြန်မာကလေးများ ဘာကြောင့် မြန်မာလိုမပြောကြလဲ (၁၁) စစ်ခွေးတွေ စစ်ခွေးတွေ စစ်ခွေးတွေ (၁၂) မျိုးစောင့်ဥပဒေအား ဝေဖန်ဆန်းစစ်သုံးသပ်ခြင်း

မြတ်ဗုဒ္ဓ၏ မေတ္တာတရား

မြတ်ဗုဒ္ဓ၏ မေတ္တာတရား
(အောက်က မေတ္တာပို့သီချင်းနဲ့ စာသား ပါဠိ၊ အင်္ဂလိပ်၊ မြန်မာ ကို ပိုမိုပြည့်စုံစွာ လေ့လာချင်သူများအတွက် ပို့စ်ကိုဒီနေရာမှာ Click ပြီး လေ့လာနိုင်ပါတယ်။

၈၈- မတ်လ ရာဇ၀င်နဲ့ အင်းလျား

၈၈ ရဲ့ မတ်လမှာ တံဖြူကနေ တံနီလို့ ခေါ်တွင်စေရလောက်အောင် သွေးစွန်းခဲ့ပြီး အင်းလျားရေ.....

ဖုံးကွယ်လို့မရတဲ့ သမိုင်းစာမျက်နှာများ

၈၇ စက်တင်ဘာမှာ မဆလအစိုးရက ၂၅၊ ၃၅၊ ၇၅ ကျပ်တန်တွေ တရားမ၀င်တော့ကြောင်း ကြေညာလိုက်တဲ့အချိန်မှာ ....

ပင်လုံစာချုပ်နှင့် ပြည်ထောင်စု တည်ဆောက်ရေး

ပင်လုံစာချုပ်ပါ အချက်များနှင့် ၄၇ ခု ဖွဲပစည်းပုံ အခြေခံဥပဒေအတွက် ဗိုလ်ချုပ်ရဲ့ လမ်းညွန်ချက် (၇) ချက်ဟာ ...

ကိုယ်ဝန်ဆောင်စဉ် သမီးမိန်းကလေး လိုချင်ရင်

ကျွန်မဆီကို ရောက်လာတဲ့ Forward e-mail တခုထဲက ကိုယ်ဝန်ဆောင်စဉ် အသီးအရွက် များများစားက သမီးမိန်းကလေးမွေးဖို့ အခွင့်အလမ်း ပိုများကြောင်း သုတေသန ပညာရှင်တွေက.....

ဂုဏ်ယူစရာ ရွှေမြန်မာ

ရေးထားတာ တော့ကြာပါပြီ။ အတိအကျ ပြောရရင် ၂၀၀၉ ခုနှစ် အောက်တိုဘာလ ၁၃ ရက်နေ့က မလေးမြေ ဘလောက် မှာ....

နိုင်ငံခြားမှာ ကြီးတဲ့မြန်မာကလေး အများစုက ဘာကြောင့် မြန်မာလိုမပြော မြန်မာလို မပြုမူကြလဲ

"သားသား အိမ်စာမလုပ်ရသေးဘူး မဟုတ်လား" "No I'havent" "ဒါဆို သားလေးကစားတာ တော်တော့ အိမ်စာလုပ်လို့ရပြီ ကွန်ပြူတာပေါ်က.....

ရေလွှမ်းမိုးခံနေရသော ဘရင့်စ်ဘိန်း မြို့တော်

Australia နိုင်ငံ Queensland ပြည်နယ်မှာ ရေလွှမ်းမိုးနေတာ ပြည်နယ်ရဲ့ ဧရိယာ ၇၅% ကျော်အထိ ရေတွေ လွှမ်းမိုးနေပါပြီ။ ဒီနေ့မှာ...

၆၃ နှစ်ကြာမြန်မာနိုင်ငံ လွတ်လပ်ရေး အနှစ်သာရ

ဒီနေ့ဟာ နှစ်ပေါင်း ၁၀၀ ကျော် မြန်မာ့မြေပေါ်မှာ လွှင့်ထူလာခဲ့တဲ့ နယ်ချဲ့ဗြိတိသျှ အလံကို ဖြုတ်ချပြီး ပြည်ထောင်စု မြန်မာနိုင်ငံတော် အလံကို စိုက်ထူခဲ့တဲ့ ၆၃ နှစ်မြောက်...

Child Migration

ဒီနှစ် သြစကြေးလျားနေ့မှာ Darling Harbour မှာ ရှိတဲ့ National Maritime Museum ကို ကလေးတွေနဲ့အတူ ရောက်ဖြစ်တော့ သြစကြေးလျားသမိုင်းမှာ ကျွန်မ မသိထားတဲ့ အချက်တခုကို....

တော်လှန်ရေးနှင့် အိမ်ထောင်ရေး

သို့ မငယ်ရေ နင့်ရဲ့ မင်္ဂလာသတင်းကို ကြားရတော့ ငါသိပ်ပြီးဝမ်းသာပါတယ်။ နင်ဗဟိုမှာ တခြားတပ်ရင်းက ရဲဘော်တယောက်နဲ့ မင်္ဂလာဆောင်တော့မယ် ဆိုတာ ကြားရလို့ ငါလက်ဖွဲ့ ပို့ပေးလိုက်ပါတယ်။ နင့်အမျိုးသားကိုလည်း ငါမမြင်ဖူးပေမယ့်....

ABSDF မကဒတ ၂၇ နှစ် မွေးနေ့ အခမ်းအနားတွင် Dr Myint Cho ပြောကြားသော ရွေးကောက်ပွဲ သုံးသပ်ချက်




“ရွေးကောက်ပွဲကို ကြီးကြပ်ပေးရမည့် ဒိုင်လူကြီးဖြစ်တဲ့ ကော်မရှင်ခေါင်းဆောင်တွေဟာ စစ်အစိုးရခေတ်က ဗိုလ်ချူပ်ကြီးဟောင်းနဲ့ စစ်ဗိုလ်ဟောင်းတွေ၊ လက်ရှိစစ်ဗိုလ်တွေ အများစုဖြစ်တဲ့အပြင် အာဏာရပြည်ခိုင်ဖြိုးပါတီနဲ့ မကင်းရာမကင်းကြောင်းတွေ ဖြစ်နေကြပါတယ်။ ဒီလူတွေဟာ နိုင်ငံတကာ ရွေးကောက်ပွဲ စံတွေကို မသိကြတဲ့အပြင် လိုက်နာအကောင်အထည် ဖေါ်ချင်တဲ့သူတွေလည်း မဟုတ်ကြဘူး။ လုပ်နိုင်တဲ့ အရည်အချင်းလည်း မရှိတာကြောင့် ဘက်မလိုက်တဲ့ မျှမျှတတ ဆောင်ရွက်မည့် ကော်မရှင် ဘယ်လိုမှ မဖြစ်နိုင်ပါဘူး”

အားလုံး မင်္ဂလာပါ အခုလိုအရေးကြီးတဲ့ နိုင်ငံရေး အခမ်းအနားမှာ ရွေးကောက်ပွဲနဲ့ ပတ်သက်ပြီး သုံးသပ်ပြောကြားဘို့ ဘိတ်ကြားတဲ့ ABSDF သြစကြေးလျား ဌာနခွဲကို ကျေးဇူးတင်တဲ့အကြောင်း အရင်ဆုံး ပြောကြားလိုပါတယ်။ 
 
အားလုံး သိကြတဲ့အတိုင်း လာမည့်နိုဝင်ဘာလ (၈) ရက်နေ့ဆိုရင် မြန်မာနိုင်ငံမှာ အထွေထွေ ရွေးကောက်ပွဲကြီး ကျင်းပတော့မှာ ဖြစ်ပါတယ်။ နိုင်ငံရေးပါတီ (၉၃) ပါတီက ကိုယ်စားလှယ်တွေနဲ့ တသီးပုဂ္ဂလ ကိုယ်စားလှယ်တွေ စုစုပေါင်း (၆၀၇၈) ဦးဟာ လွှတ်တော်နေရာ (၁၁၇၁) နေရာအတွက် ၀င်ရောက်ယှဉ်ပြိုင်ကြမှာ ဖြစ်သလို ပြည်သူ (၃၂) သန်းကျော်ကလည်း မဲပေးကြရတော့မှာ ဖြစ်ပါတယ်။ 
 
သြစကြေးလျား အပါအ၀င် နိုင်ငံတကာ အသိုင်းအ၀ိုင်းကလည်း ဒီရွေးကောက်ပွဲကြီး လွတ်လပ်ပြီး တရားမျှတစေဘို့အတွက် ငွေကြေးနဲ့ နည်းပညာအကူအညီတွေ အားလုံး မြန်မာနိုင်ငံ ရွေးကောက်ပွဲ ကော်မရှင်ကို ပေးနေကြပါတယ်။ ရွေးကောက်ပွဲ စောင့်ကြည့်လေ့လာရေး အဖွဲ့တွေကိုလည်း စေလွှတ်ထားကြပြီး ဖြစ်တယ်။ ဒါပေမဲ့ ဒီရွေးကောက်ပွဲကြီးဟာ လက်ရှိဖွဲ့စည်းပုံ အခြေခံဥပဒေရဲ့ အကန့်အသတ်ကြောင့် လက်ရှိရွေးကောက်ပွဲ ကော်မရှင်ရဲ့ မရိုးမသား လုပ်ရပ်နဲ့ လက်ရှိအစိုးရရဲ့ မမသာလုပ်ရပ်တွေကြောင့် လွတ်လပ်ပြီး တရားမျှတတဲ့ ရွေးကောက်ပွဲ မဖြစ်နိုင်ဘူးလို့ ကျနော်သုံးသပ်ပါတယ်။ ကျနော်နည်းနည်း ထပ်ရှင်းချင်ပါတယ်။
ဒီရွေးကောက်ပွဲကို စစ်အစိုးရ အတည်ပြုထားတဲ့ (၂၀၀၈) ဖွဲ့စည်းအုပ်ချူပ်ပုံ အခြေခံဥပဒေအရ ကျင်းပရတာဖြစ်လို့ ဒီအခြေခံဥပဒေအရ လွှတ်တော်အသီးသီးရဲ့ နေရာ (၇၅) % ကိုသာ ပြည်သူလူထုက ရွေးကောက်တင်မြှောက်ခွင့် ရပါတယ်။ ကျန်တဲ့ (၂၅) % ကို ကာကွယ်ရေးဦးစည်းချုပ်က ရွေးချယ်ခန့်အပ်တဲ့ စစ်ဗိုလ်တွေအတွက် နေရာချန်ထားပေးရပါတယ်။ ရွေးကောက်ပွဲမှာ အနိုင်ရတဲ့ ပါတီကိုလည်း သမ္မတ ရွေးချယ်ခွင့် အစိုးရဖွဲ့ခွင့် တိုက်ရိုက်မပေးပါဘူး။ စစ်ဗိုလ် (၂၅) % နဲ့ထိမ်းချုပ်ထားတဲ့ ပြည်ထောင်စုလွှတ်တော်မှာ သမ္မတ ရွေးချယ်ရေးအဖွဲ့ကတဆင့် ရွေးချယ်ရပါတယ်။ ဒါကြောင့် စစ်တပ်က ထောက်ခံတဲ့ USDP ကြံ့ခိုင်ဖွံ့ဖြိုးရေးပါတီအနေနဲ့ လွှ့တ်တော်နေရာ (၂၆)% ရရင်ပဲ စစ်တပ်က (၂၅) % ပေါင်းလို့ (၅၁) % ကျော်ရရင် စိတ်ကြိုက်သမ္မတရွေးခွင့်ရပြီ။ အဲဒီသမ္မတက ဆက်ပြီးအစိုးရသစ် ဖွဲ့နိုင်သွားပါတယ်။ ဒါပေမဲ့ NLD အနေနဲ့ အထက်လွှတ်တော်နဲ့ အောက်လွှတ်တော်တွေမှာ ရော (၆၅)% ကျော်ရမှ ပြည်ထောင်စုလွှတ်တော် နေရာစုစုပေါင်းရဲ့ (၅၁) % ဖြစ်မှာမို့ အင်မတန်ခက်ခဲအောင် လုပ်ထားတာကို တွေ့ရပါတယ်။ 
 
ရွေးကောက်ပွဲကို ကြီးကြပ်ပေးရမည့် ဒိုင်လူကြီးဖြစ်တဲ့ ကော်မရှင်ခေါင်းဆောင်တွေဟာ စစ်အစိုးရခေတ်က ဗိုလ်ချူပ်ကြီးဟောင်းနဲ့ စစ်ဗိုလ်ဟောင်းတွေ၊ လက်ရှိစစ်ဗိုလ်တွေ အများစုဖြစ်တဲ့အပြင် အာဏာရပြည်ခိုင်ဖြိုးပါတီနဲ့ မကင်းရာမကင်းကြောင်းတွေ ဖြစ်နေကြပါတယ်။ ဒီလူတွေဟာ နိုင်ငံတကာ ရွေးကောက်ပွဲ စံတွေကို မသိကြတဲ့အပြင် လိုက်နာအကောင်အထည် ဖေါ်ချင်တဲ့သူတွေလည်း မဟုတ်ကြဘူး။ လုပ်နိုင်တဲ့ အရည်အချင်းလည်း မရှိတာကြောင့် ဘက်မလိုက်တဲ့ မျှမျှတတ ဆောင်ရွက်မည့် ကော်မရှင် ဘယ်လိုမှ မဖြစ်နိုင်ပါဘူး။ သူတို့ရဲ့ မဲစာရင်းတွေမှာ မဖြစ်သင့်တဲ့ အမှားအယွင်းတွေနဲ့ ပြည့်နှက်နေပြီး ဒီကိစ္စကြောင့် မဲပေးပိုင်ခွင့်ရှိသူ သန်းချီပြီး မဲပေးခွင့် ဆုံးရှုံးနေသလို သေဆုံးပြီးတဲ့သူတွေနဲ့ တခါမှ မရှိတဲ့သူတွေ နာမည်တွေ ပါနေတာကလည်း ပြည်ခိုင်ဖြိုးပါတီအတွက် ဒီမဲတွေကို ဖန်တီးပေးထားသလို ဖြစ်နေပါတယ်။ အတိုက်အခံ ပါတီတွေက အမတ်လောင်း (၁၀၀) နီးပါးကိုလည်း ရွေူးကောက်ပွဲ မ၀င်နိုင်အောင် ပယ်ဖျက်ထားသလလို ကချင်၊ ရှမ်းနဲ့ ကရင်ပြည်နယ်က တိုက်ပွဲမဖြစ်တဲ့ တချို့မြို့တွေကိုလည်း လုံခြုံရေးအကြောင်းပြချက်နဲ့ ရွေးကောက်ပွဲ မကျင်းပဘူးလို့ ဆုံးဖြတ်ခဲ့တယ်။ ဒါအပြင် ပြည်ခိုင်ဖြိုးပါတီ အမတ်လောင်းတွေရဲ့ မဲဆွယ်စည်းရုံးရေးတွေမှာ လူထုကို ငွေ (၃၀၀၀) စီပေးတာ၊ ဒန်ပေါက်ကျွေးပြီး စည်းရုံးတာ သူတို့ပါတီကို မဲပေးရင် ကွန်ကရက် လမ်းခင်းပေးမယ်၊ မီတာပုံးတွေပေးမယ်၊ ဆိုလာပြားတွေပေးမယ်၊ မှတ်ပုံတင်လုပ်ပေးမယ် ဆိုပြီး ပြောဆိုစည်းရုံးတာတွေဟာ ရွေးကောက်ပွဲ ဥပဒေကို ချိုးဖေါက်ရာ ရောက်ပေမဲ့ အရေးမယူဘဲ လစ်လျှူ ရှုထားပေးတယ်။ ဒါကြောင့် ဒီရွေးကောက်ပွဲ ကော်မရှင်ဟာ ဘယ်လိုမှ တရားမျှတမှု မရှိဘူးလို့ ပြောနိုင်ပါတယ်။ 
 
လက်ရှိဦးသိန်းစိန် အစိုးရကလည်း လွတ်လပ်ပြီး တရားမျှတတဲ့ ရွေးကောက်ပွဲတွေကို ငြိမ်းချမ်းစွာ ကျင်းပပေးမယ်လို့ ဂတိပြုထားပေမဲ့ ဂတိအတိုင်း မလုပ်ပါဘူး။ သူ့ရဲ့ ပြည်ခိုင်ဖြိုးပါတီကို ဘက်ပေါင်းစုံ ပံ့ပိုးပေးနေချိန်မှာပဲ အတိုက်အခံ NLD ပါတီနဲ့ တခြားပါတီတွေရဲ့ မဲဆွယ်စည်းရုံးရေး လုပ်ငန်းတွေကို နည်းအမျိုးမျိုးနဲ့ ကန့်သတ်ချူပ်ချယ်ထားပါတယ်။ ပြည်ခိုင်ဖြိုးပါတီနဲ့ဆက်နွယ်နေတဲ့ အစွန်းရောက် ဗုဒ္ဓဘာသာ အဖွဲ့အစည်းနဲ့ ထောက်ခံသူ လူဆိုးလူမိုက်တွေရဲ့ ဒေါ်အောင်ဆန်းစုကြည်နဲ့ NLD အပေါ် စော်ကားတိုက်ခိုက်တဲ့ အပြောအဆို၊ စာရွက်စာတမ်းတွေ ဖြန့်ပြီး NLD ကို မဲမထည့်ရအောင် လုပ်နေတဲ့ လုပ်ရပ်တွေကို အစိုးရက အရေးယူရမည့်အစား လစ်လျှူရှုထားပေးတယ်။ လွှတ်ထားပေးနေတယ်။ ဘာသာရေးကို ခုတုံးလုပ်ပြီး အကြမ်းဖက်မှုတွေ ဖြစ်အောင် ဆွပေးနေတာကိုလည်း အရေးမယူဘဲ လွှတ်ထားပေးတယ်။ နိုင်ငံတကာက ဒီကိစ္စကို ထောက်ပြဝေဘန်ပြေီး သတိပေးတော့ လူမိုက်အများစုပါတဲ့ ရွေးကောက်ပွဲ အထူးအရံ ရဲအဖွဲ့ဆိုတာကို လူလေးသောင်းကျော်နဲ့ ဖွဲ့စည်းခဲ့ပြန်တယ်။ ဒီလူတွေဟာ ခေတ်အဆက်ဆက်က NLD ကိုအကြမ်းဖက်တိုက်ခိုက်ခဲ့သူတွေ၊ ကျောင်းသားဆန္ဒပြမှုတွေကို အင်အားသုံး တိုက်ခဲ့ကြသူတွေ အများစု ဖြစ်တာမို့ ပိုတောင်အန္တရယ်ကြီးပါတယ်။
 
တကယ်လို့ NLD ကိုဖြစ်ဖြစ် တိုင်းရင်းသားလူမျိုးပါတီကိုဖြစ်ဖြစ် ထောက်ခံတဲ့ နယ်မြေဒေသတွေမှာ အကြမ်းဖက်မှုတွေ ဖြစ်လာရင် လုံခြုံရေး အကြောင်းပြပြီး ရွေးကောက်ပွဲတွေ ဖျက်သိမ်းလိုက်ပြီး လွှတ်တော်နေရာ (၇၅)% ထဲက နောက်ထပ် ရာခိုင်နှုန်းတချို့ လျှော့သွားအောင် ထပ်လုပ်ဦးမယ်လို့ ကျနော်ထင်တယ်။ ဒါဆိုရင် NLD အနိုင်ရရင်တောင် လွှတ်တော်နေရာ (၅၀)% မကျော်တော့ပါဘူး ဒီလိုဖြစ်အောင်လည်း ရွေးကောက်ပွဲ ကော်မရှင်ရယ၊် အစိုးရရယ၊် ပြည်ခိုင်ဖြိုးပါတီရယ် မဟာဗျူဟာ လုပ်ငန်းစဉ်ချပြီး လုပ်နေတာပါ။ ဒီအချက်တွေကြောင့် လာမည့်ရွေးကောက်ပွဲကို လွှတ်လပ်ပြီး တရားမျှတမှု တစိတ်တပိုင်း ရှိအောင်လုပ်ဘုိ့ အင်မတန် ခက်ခဲပါတယ်။ ဒါပေမဲ့ အတိုက်အခံပါတီတွေနဲ့ ပြည်သူတွေကတော့ သပိတ်မှောက်ဘို့လည်း မဖြစ်နိုင်တော့တဲ့အတွက်ကြောင့် မတရားမှုတွေကို ရင်ဆိုင်ရင်းပဲ ရှေ့ဆက်လျှောက်နေကြရတယ်။ ဒီအတွက် နိုင်ငံတကာရဲ့ တွန်းအား၊ ဖိအားပေးမှုတွေက ပိုအရေးကြီးလာပါတယ်။ 
 
လောလောဆယ်မှာ ရန်ကုန်အခြေစိုက် နိုင်ငံခြားသံရုံး (၉) ခုက ပူးတွဲကြေညာချက် ထုတ်ပြန်ပြီး သတိပေး ဖိအားပေးတာရှိတယ်။ ကုလသမဂ္ဂရဲ့ မြန်မာနိုင်လူ့အခွင့်အရေးဆိုင်ရာ အထူးကိုယ်စားလှယ်က အစီရင်ခံစာ ရေးပြီး လက်ရှိမတရားမှုတွေကို တင်ပြတာ မှန်မှန်ကန်ကန် ဆောင်ရွက်ဘို့ တောင်းဆိုတာ ရှိတယ်။ အမေရိကန် အစိုးရကလည်း ဒီကိစ္စတွေကို မျက်မှာလွှဲထားမှာ မဟုတ်သလို ရွေးကောက်ပွဲ ဘယ်လိုကျင်းပသလဲ ဘယ်လိုရလဒ်ထွက်သလဲ၊ ဒီရလဒ်အပေါ်မှာ ဒေါ်အောင်ဆန်းစုကြည်ရဲ့ NLD ပါတီသဘောထား၊ ရွေးကောက်ပွဲ စောင့်ကြည့်လေ့လာရေး အဖွဲ့တွေရဲ့ သဘေထား၊ သတင်းမီဒီယာတွေရဲ့ သဘေထားတွေကို ထည့်သွင်းစဉ်းစားပြီးမှ ရွေးကောက်ပွဲအလွန် ပေါ်လာမည့် အစိုးရသစ်နဲ့ ဆက်ဆံရေး အနေအထားကို ဆုံးဖြတ်မယ်လို့ တရားဝင်ထုတ်ဖေါ် သတိပေးထားပါတယ်။ 
 
ကျနော်တို့ဟာ သြစကြေးလျားမှာ နေကြမှာမို့ သြစကြေးလျား အစိုးရက အလားတူတုန့်ပ်ြလာဘို့ စည်းရုံး ကြိုးပမ်းကြဘို့၊ နိုင်ငံတကာဆိုတာ သူတို့အကျိုးစီးပွားကို အဓိကထားတာမို့ ကျနော်တို့ နိုင်ငံအကျိုးအတွက် ဘာမှ သိပ်မလုပ်ပေးနိုင်ဘူးလို့ မြင်တဲ့သူတွေ ရှိပါတယ်။ ကျနော်တို့အနေနဲ့ ဒီအချက်တွေကို တစိတ်တပိုင်း လက်ခံခဲ့ပေမဲ့ ပြည်တွင်းက နိုင်ငံရေးပါတီတွေ၊ ပြည်သူတွေအနေနဲ့ အခက်အခဲ အကြပ်အတည်း ဖြစ်နေချိန်မှာ နိုင်ငံတကာရဲ့ အကူအညီကို ရနိုင်သလောက် ရအောင်ယူဘို့ နိုင်ငံတကာဖိအားတွေ၊ တွန်းအားတွေနဲ့ ရွေးကောက်ပွဲမှာ တတ်နိုင်သလောက် လွတ်လပ်မှု ရှိအောင် ၀ိုင်းဝန်းကျိုးပမ်းပေးကြပါလို့ တိုက်တွန်းချင်ပါတယ်။
 
နိဂုံးချူပ်အနေနဲ့ ဒေါ်အောင်စုကြည် ဦးဆောင်တဲ့ NLD ကိုလွှတ်တော်နေရာ အများဆုံး အနိုင်ရအောင် အစိုးရဖွဲ့နိုင်အောင် အားလုံးက ဘက်ပေါင်းစုံ ပံ့ပိုးကူညီပေးကြဘို့ အစိုးရဖြစ်လာရင်လည်း NLD က ဆက်လက်ကြိုးပမ်းမည့် တရားဥပဒေ စိုးမိုးရေး အပစ်အခတ် ရပ်စဲရေးနဲ့ ပြည်တွင်းငြိမ်းချမ်းရေး၊ Constitution ဖွဲ့စည်းပုံအခြေဥပဒေ ပြုပြင်ပြောင်းလဲရေး လုပ်ငန်းတွေကို ဆက်လက်အားပေး ထောက်ခံကူညီပေးကြဘို့ တိုက်တွန်းချင်ပါတယ်။ ကျေးဇူးတင်ပါတယ်။
 
ဒေါက်တာမြင့်ချို (၃၁-၁၀-၂၀၁၅)


ပုဒ်မ ၄၃၆ ကို ဘာကြောင့် ပြင်ဆင်ဘို့ လိုအပ်သလဲ




အဲဒီစာအုပ်က အဖုံးကလွဲရင် အကုန်ပြင်ရမှာ (အဖုံးလည်း မလိုချင်ပါဘူး - ပရိတ်သတ်အသံ) ဘာဖြစ်လို့ ခင်ဗျားက အဖုံးချန်ထားချင်တာလဲလို့ ကျနော့်ကို ကျနော့်မိတ်ဆွေ ဥိးကိုနီက မေးဖူးတယ်၊ ကျနော်က အရှေ့ကလူ လုပ်တာအကုန် ဖျက်တတ်တဲ့ အကျင့်မရှိဘူး၊ ဒါပေမဲ့ အတွင်းက ပိုးထိုးလောက်ကိုက်နေတာတွေကို ကျနော်တို့က ဖျက်ကိုဖျက်ရမယ်။ ဒီဖွဲ့စည်းပုံ အခြေခံဥပဒေ ဘယ်လောက်ရင်နာဘို့ ကောင်းသလဲဆိုရင် ဗမာပြည်မှာ မြစ်ဝကျွန်းပေါ်ဒေသ တခုလုံး ထောင်းထောင်းကြေအောင် ပျက်စီးသွားတဲ့ နာဂစ်ကာလ ကျနော်တို့ရဲ့ ညီအစ်ကိုမောင်နှမတွေ နာဂစ်မုန်တိုင်းထဲမှာ သေကြေခဲ့တယ်၊။ လူအသေကောင်တွေ သစ်ပင်တွေမှာ ချိတ်နေတယ်၊ လူအသေကောင်တွေ မြက်တောထဲမှာ မြောနေတယ် ရေထဲမှာ၊ အဲဒီလို ဒုက္ခသုက္ခတွေ ရောက်ပြီးတော့ ပင်ပမ်းဆင်းရဲမှုတွေနဲ့ ကြုံနေရတဲ့နေရာကို မြန်မာတနိုင်ငံလုံးက စေတနာတွေနဲ့ အထည်လိပ်တွေ စားသောက်ကုန်တွေ သွားပြီးတော့ ကူညီကြတယ်။ လူသားဆန်တဲ့သူတွေက အဲဒီလို လူဆန်ဆန် လုပ်နေတဲ့အချိန်မှာ လူစိတ်မရှိတဲ့သူတွေက အဲဒီဖွဲ့စည်းပုံ အခြေခံဥပဒေကို ပြဌာန်းဘို့ အသည်းအသန် ကြိုးစားခဲ့ကြတယ်။ 

အဲဒီဖွဲ့စည်းပုံ အခြေခံ ဥပဒေက ဗမာလူမျိုးတွေရဲ့ အလောင်းပေါ်ကနေ ပြဌာန်းခဲ့တဲ့ ဥပဒေ အင်မတန် ပုပ်စော်နံတယ်။ အင်မတန် ပုပ်စော်နံတယ်။ အဲဒီတော့ အဲဒီဖွဲ့စည်းပုံ အခြေခံဥပဒေကို သူတို့ဘာကြောင့် အသည်းအသန် ရေးဆွဲဘို့ ကြိုးစားခဲ့သလဲ။ ကမ္ဘာမှာ ၁၃ နှစ်ကျော် အချိန်ယူပြီး ရေးဆွဲခဲ့တဲ့ ဥပဒေ၊ အဲဒီ ၁၃ နှစ်ကို တနှစ်မှာ ၃၆၅ ရက်နဲ့ မြှောက်လိုက်၊ ရလာတဲ့ အရေအတွက်ကို မှတ်ထား၊ အဲဒီဖွဲ့စည်းပုံ အခြေခံဥပဒေထဲမှာ ပါတဲ့ပုဒ်မအရေအတွက်ကို မှတ်လိုက် ပြီးရင် စားကြည့်လိုက် တနေ့ကို ပုဒ်မတခုပဲ ရေးရင်တောင် ၁၃ နှစ်မကြာဘူး။ ဘာကြောင့် ၁၃ နှစ်ကြာအောင် ရေးလဲဆိုတာ သိချင်ရင် အဲဒီလူတွေ ဘယ်လောက်ချမ်းသာသွားလဲ သွားကြည့်၊ ဖွဲ့စည်းပုံအခြေခံ ဥပဒေရေးဆွဲနေတာမဟုတ်ဘူး ရေးဆွဲနေတယ်လို့ အကြောင်းပြပြီးတော့ နိုင်ငံက သယံဇာတတွေ ဘဏ္ဍာတွေ၊ ပြည်သူ့ပစ္စည်းတွေကို အကုန်လုံး သူတို့ဂိုဒေါင်ထဲ ကဲ့ယူနေတာ။ ဖွဲ့စည်းပုံ ဆွဲလို့ ကြာတာမဟုတ်ဘူး နိုင်ငံ့ဘဏ္ဍာကို ဒို့ဘိုးဘွားအမွေအနစ် လုပ်နေလို့ အဲလောက်ကြာသွားတာ၊ အဲဒါကို လူကြားကောင်းအောင် လျှောက်ပြောတာ နိုင်ငံတော်အကြီးအကဲက အမျှော်အမြင်ကြီးစွာနဲ့ အိပ်မက်အရ ဆွဲနေတာ အဲဒီဖွဲ့စည်းပုံ အခြေခံဥပဒေကို။ ပြီးလည်းပြီးရော ထွက်လည်းထွက်လာရော ဟိုနားကတပိုင်းတစ၊ အင်ဒိုနီးရှားကဟာက နည်းနည်း၊ ဟို ဥရောပတိုင်းပြည်တွေက ဟာကနည်းနည်း အမေရိကန်ကဟာက နည်းနည်း အဲဒီလိုနဲ့ စုပေါင်းစပ်ပေါင်း ဥပဒေ၊ အဲဒီတော့ အဲဒီဖွဲ့စည်းပုံ အခြေခံဥပဒေက စောစောက တယောက်ပြောတယ် ပြည်သူတွေနဲ့အစိုးရနဲ့ကြားမှာ ချူပ်ထားတဲ့စာချူပ် လွယ်လွယ်လေးရယ် ဒါပေမဲ့ ပြည်သူ့ရဲ့ အာဏာကို ပြန်ပေးရမည့်အချိန်မှာ သူတို့ကအကုန်လုံးကိုပိတ်တယ်နော့်၊ အကုန်လုံး ဘာပိတ်လဲဆိုတော့ သူတို့က အိမ်တလုံးကို နှစ်ပေါင်းများစွာပေါ့ တိတိကျကျ ပြောရင် ၂၂ နှစ်၊ အဲဒီအိမ်ကို သူတို့အပိုင်စီးတယ် အပိုင်စီြး့ပီးတော့ ၂၂ နှစ်ကျော်လို့ ပြန်ပေးရမယ်ဆိုတဲ့ အချိန်မှာ နောက်ဖေးတံခါးကို ဒလက်ထိုးပြီးပိတ်တယ်။ ပြူတင်းပေါက်တံခါးတွေကို ဒလက်ထိုးပြီးပိတ်တယ် အကုန်လုံး ရှိသမျှအပေါက် ပိတ်ပြီးတော့မှ နောက်ဆုံး အိမ်ရှေ့တံခါးမကြီးကို ဒလက်ထိုးပြီးတော့ သော့ခတ်ပိတ်ပစ်လိုက်တယ်။ အဲဒီနောက်ဆုံးပိတ်လိုက်တဲ့ သော့ခလောက်က အဲဒီပုဒ်မ ၄၃၆၊ ဖြစ်တယ်။ 

ကျနော်နည်းနည်းပြောပြမယ်။ ကျနော်တို့နိုင်ငံကို အခုဘာစနစ်နဲ့ တည်ဆောက်သလဲဆိုရ်င ဖွဲ့စည်းပုံ အခြေခံဥပဒေပုဒ်မ (၇) မှာပြောတယ်၊ ပါတီစုံ ဒီမိုကရေစီစနစ်နဲ့ တည်ဆောက်တယ်လို့ ပြောတယ်။ ဒီမိုကရေစီဆိုတာက ပြည်သူတွေရဲ့ ဆန္ဒကို ဦးစားပေးရတယ်။ ပြည်သူတွေရဲ့ဆန္ဒကို အစိုးရက နားထောင်ရတယ်။ အောက်ကမကျေနပ်ဘူးဆိုရင် အထက်က ဆင်းပေးရတယ်၊ အဲဒါ ပြည်သူတွေရဲ့ဆန္ဒ ဒိမိုကရေစီ၊ အဲဒီပုဒ်မ (၇) ရဲ့အပေါ်ဘက်ကလေးမှာပဲ တကြောင်းပါတယ်၊ ပုဒ်မ (၆) စ နိုင်ငံတော်ရဲ့ အမျိုးသားရေး ဦးဆောင်ကဏ္ဍတွင် အစဉ်ထာဝရ တပ်မတော်က ဦးဆောင်နေပါတယ်၊ ပုဒ်မ (၆) စလုံးမှာနော် ဖင်တခွန်းခေါင်းတခွန်းဆိုတာ အဲဒါကိုပြောတယ်။ ဘာကြောင့်လဲ လက်နက်ကိုင်အဖွဲ့အစည်း တပ်မတော်ဆိုတာ အပေါ်ကအမိန့်ပေးရင် ဟိုကုန်းတက်သိမ်းဆို ဟိုအပေါ်က လက်ပစ်ဗုံးကို လိမ့်ချတယ်ဆိုလည်း တက်ရတယ်။ ငြင်းလို့မရဘူး နော့် ကာကွယ်ရေး ဦးစီးချူပ်က အမိန့်ပေးလိုက်တယ်၊ အောက်ကလူတွေက အကုန်နားထောင်ရတယ်။ အဲဒီ ဗျူဟာမှူးက အမိန့်ပေးလိုက်ရင် တပ်ရင်းမှူး၊ တပ်ဖွဲ့ အောက်က အကုန်လုံးနားထောင်ရတယ်။ တပ်သားက ပြန်ပြောခွင့်မရှိဘူး။ အောက်ကနေ အပေါ်ကို တောက်လျှောက် ခေါင်းငုံ့ခံရတဲ့ တပ်မတော်ရဲ့ ဖွဲ့စည်းပုံနဲ့ ဒီမိုကရေစီဆိုတဲ့ အောက်ကနေ အပေါ်ကိုသွားတဲ့ လမ်းကြောင်းနှစ်ခု ဘယ်လိုလုပ်တူမလဲ။ အဲဒီတော့ ပွင့်ပွင့်လင်းလင်းပဲပြောတယ်၊ ဒီမိုကရေစီနိုင်ငံတခုကို တည်ဆောက်ချင်ရင် တပ်မတော်က လုံးဝဦးဆောင်လို့မရဘူး။ ပါတောင်ပါလို့မရဘူး ဦးဆောင်ဘို့တော့ ဝေးရော။ တပ်မတော်က ဦးဆောင်နေ ပါနေတဲ့ နိုင်ငံမှာလည်း ဘယ်တော့မှ ဒီမိုကရေစီ မထွန်းကားဘူး။ အဲဒီတော့ ခင်ဗျားတို့ အစိုးရက ဘာဖြစ်နေသလဲဆိုတော့ အိုးကင်းပူနဲ့ လှော်ထဲတဲ့ နှမ်းတို့ ပဲတို့ကို ချပြီး ဓာတ်မြေသြဇာလောင်းပြီး ရေလောင်းနေသလိုပဲ ဘယ်တော့မှ အပင်မပေါက်ဘူး။ ဗမာပြည်မှာ ဘယ်တော့မှ ဒီစစ်တပ်က ၂၅% အစိတ်ရာခိုင်နှုန်းပါနေသမျှ ကျနော်တို့ နိုင်ငံမှာ ဘယ်တော့မှ ဒီမိုကရေစီမထွန်းကားဘူး။ 

အဲဒီတော့ စောစောက ၄၃၆ ဒီ ၄၃၆ က သော့ခလောက်ခပ်ထားတယ်။ ဘာတွေအတွက် ခပ်တာလဲ ပြည်ထောင်စုကြီးပဲ့ထွက်သွားမှာ စိုးလို့၊ ရူးနေလား၊ ဘယ်တိုင်းရင်းသားမှ ဒီပြည်ထောင်စုကြီးက ခွဲထွက်သွားမယ်လို့ တခွန်းမှ မပြောကြဘူး။ သူတို့လိုချင်တာ သူ့တို့ရဲ့ အချူပ်အခြာ အာဏာကိုပဲ လိုချင်တာ၊ သူတို့ကံကြမ္မာကို သူတို့ဖန်တီးခွင့် လိုချင်တာ၊ ကျနော်တနင်္သာရီတိုင်းကို ပြီးခဲ့တဲ့ပတ်က ကိုမင်းကိုနိုင်တို့နဲ့အတူတူ သွားတယ်၊ တနင်္သာရီတိုင်းမှာ သဘာဝဓာတ်ငွေ့အလွန်ထွက်တယ်၊ အဲဒီသဘာဝ ဓတ်ာငွေ့ကို ထိုင်းကိုပို့ပြီး ရောင်းစားတယ်။ တနင်္သာရီတိုင်းက လူတွေက အဲဒီသဘာဝဓာတ်ငွေ့ကို တချက်ကလေးမှ လက်နဲ့ပွတ်ထိပိုင်ခွင့် မရှိဘူး။ သဘာဝဓာတ်ငွေ့ထွက်တဲ့ နေရာမှာ အခုကျောက်မီးသွေး စက်ရုံဆောက်ဘို့လုပ်နေတယ်။ အဲဒီတော့ တင်္သာရီတိုင်းက လူတွေက ဘယ်လိုခံနိုင်မလဲ။ တနင်္သာရီတိုင်းက ၀န်ကြီးချူပ်ကို ဘယ်သူခန့်လဲ။ ကဲ တနင်္သာရီတိုင်းဆို ဝေးတယ် ပြောပြမယ်။ ဒီရန်ကုန်တိုင်း ၀န်ကြီးချူပ်ကို ဘယ်သူခန့်လဲ ခင်ဗျားတို့ရွေးမိသလား၊ ရန်ကုန်တိုင်း ၀န်ကြီးချူပ်ကို မဲတပြား ပေးမိလား။ ကျူပ်တို့ မလိုချင်ဘဲနဲ့ ကျူပ်တို့ မခန့်ဘဲနဲ့ အဲဒီဝန်ကြီးချူပ်ကို ဘယ်သူခန့်လိုက်သလဲ။ (သမ္မတခန့်တာ - ပရိတ်သတ်အသံ) အေး အဲဒီသမ္မတက နေရာတကာ ငါခန့်မယ် ငါခန့်မယ်လုပ်လို့မရဘူး။ မိဘနဲ့ သားသမီးတောင် မှ သားသမီးအခန်းထဲကို မိဘ ၀င်ချင်တိုင်း ၀င်လို့မရဘူး။ မင်းအခန်းထဲမှာ ဟိုပုံမချိတ်နဲ့ ဒီပုံမချိတ်နဲ့ လုပ်လို့မရဘူး။ အခုတော့ အဲဒီတိုင်းနှင့်ပြည်နယ် အကုန်လုံးက ၀န်ကြီးချူပ်ကို အဲဒီသမ္မတက ခန့်နေမှတော့ ဘယ်မှာလဲ ပြည်ထောင်စုစနစ်၊ နားမလည်တဲ့သူတွေကို လိမ်မှာ လူတွေက ငတုံးတွေမဟုတ်ဘူး။ 

အဲဒီ ၄၃၆ က ဘာကိုအကာအကွယ်ပေးလဲဆိုရင် အဲဒီလွှတ်တော်ထဲမှာ ပြည်သူတွေက သိလဲမသိ ဘာမှလည်း ဆန္ဒမပြုဘဲနဲ့ အဲဒီတပ်မတော်သား ကိုယ်စားလှယ်ဆိုတဲ့သူတွေကို ၀င်ပါဘို့အတွက် အကာအကွယ်ပေးထားတာ၊ ဒါပဲ ဘယ်ပြည်သူကိုမှ အကာအကွယ်ပေးတာ မဟုတ်ဘူး။ တပ်မတော်သား ၂၅% ကို ပုဒ်မ ၇၄ အရ ထည့်ထားတယ် ကာကွယ်ရေးဦးစီးချူပ်က ပုဒ်မ ၁၆၁ အရထည့်ထားတယ်။ အဲဒီ ပုဒ်မတွေကို ပြင်လိုက်ရင် သူတို့သည် လွှတ်တော်ထဲမှာ ဥပဒေပြုအာဏာကို လွှမ်းမိုးလို့ မရတော့ဘူး။ အဲဒါဖြစ်မှာစိုးလို့ ၄၃၆ နဲ့ ပိတ်ထားတာ၊ အဲတော့ ကျနော်အမှတ်မထင်လို့ ပြောပြလိုက်တာ ဒါလေး မှတ်သွားလို့ရတယ် ၇၄ နဲ့ ၁၆၁ ပြင်မှာစိုးလို့ ဒါကြီးနဲ့ ပိတ်ထားတာ ၄၃၆ ကြီးနဲ့။ နောက်တခုထပ်ပြောပေးမယ် အဲဒါက ဘာလဲဆိုတော့ နိုင်ငံတော်ရဲ့ အချူပ်အခြာအာဏာကို ကိုင်ထားတဲ့ အမျိုးသားကာကွယ်ရေးနဲ့ လုံခြုံရေးကောင်စီ ဖွဲ့စည်းတဲ့ကိစ္စ အဲဒီမှာ ပုဂ္ဂိုလ် ၁၁ ဦးပါတယ်။ နိုင်ငံတော်သမ္မတ၊ ဒုတိယသမ္မတနှစ်ယောက်၊ ပြီးရင်လွှတ်တော်ဥပက္ကဌ နှစ်ယောက်၊ ကာကွယ်ရေးဝန်ကြီး၊ ပြည်ထဲရေးဝန်ကြီး၊ နယ်စပ်ရေးရာ ၀န်ကြီး စသည်ဖြင့် ၁၁ ယောက်ပါတယ်။ အဲဒီ ၁၁ ယောက်မှာ ဒုသမ္မတတယောက်က စစ်တပ်က ခန့်တယ်။ ရေထားကြည့်နော့် ဘယ်နှစ်ယေက်ရှိလဲဆိုတာ၊ သမ္မတကို ကာကွယ်ရေးဦးစည်းချူပ်က ပြန်ခန့်တာ ကမ္ဘာပေါ်မှာ မြန်မာပြည်ပဲ ရှိတယ်။ နော့် ဂုဏ်ယူလိုက်စမ်းပါ ဟုတ်လား တလွဲဂုဏ်ယူရတဲ့ဘ၀၊ သမ္မတကို ကာကွယ်ရေးဦးစီးချူပ်ကခန့်တာ မြန်မာပြည်မှာ တယောက်ရှိသွားပြီ။

 နောက်တခါ ကာကွယ်ရေး ဦးစီးချူပ်ရယ် ဒုတိယကာကွယ်ရေး ဦးစီးချူပ်ရယ် ဘယ်နှစ်ယောက် ရှိပြီလဲ၊ သုံးယောက်ရှိသွားပြီ။ နိုင်ငံတော်သမ္မတက စောစောက ပြောတဲ့ နိုင်ငံတော်ဝန်ကြီး ၀န်ကြီးတွေနဲ့ တနင်္သာရီတိုင်း ၀န်ကြီး ရန်ကုန်တိုင်းဝန်ကြီးစသည်ဖြင့် ၀န်ကြီးချူပ်တွေ အကုန်ခန့်ခွင့်ရှိတယ်။ ဒါပေမဲ့ ကာကွယ်ရေးဝန်ကြီးကို သူခန့်ခွင့်မရှိဘူး၊ အင်မတန်မှ သနားစရာကောင်းတဲ့ သမမ္မတ၊ နိုင်ငံတော် သမ္မတကြီးနော့် နိုင်ငံတော်ရဲ့ အကြီးအကဲ အထွတ်အထိပ်ပုဂ္ဂိုလ်ကြီးက ကာကွယ်ရေး ၀န်ကြီးကို ခန့်ခွင့်မရှိဘူး။ ဘယ်သူခန့်ပေးလဲ ကာကွယ်ရေး ဦးစီးချူပ်က ခန့်တယ်။ ၀န်ကြီးကို ဦးစီးချူပ်က ပြောင်းပြန်ပြန်ခန့်တဲ့ နိုင်ငံ၊ေ-ာက်တလွဲနိုင်ငံ၊ ကျနော်တို့ရဲ့ အဲဒီချစ်လှစွာသော နိုင်ငံမှာ အဲဒီလူတွေ ဘာတွေ ကပြောင်းကပြန်လုပ်နေလဲဆိုတာ စဉ်းစားကြည့်၊ ကာကွယ်ရေးဦးစီးချူပ်က အပေါ်မှာ ၀န်ကြီးက အောက်မှာ၊ ပြည်ထဲရေးဝန်ကြီး ဘယ်သူခန့်လဲ၊ ကာကွယ်ရေး ဦးစီးချူပ်ခန့်တယ်၊ ငါးယောက်ရှိသွားပြီ။ နယ်စပ်ရေးရာဝန်ကြီး ဘယ်သူခန့်လဲ ကာချူပ်ခန့်တယ် (ပရိတ်သတ်အသံ) အဲတော့ သူအပါအ၀င် သူ့အောက်မှာ ၆ မဲရှိတယ်။ နိုင်ငံတော် ကိစ္စတွေကို ဆုံးဖြတ်ချက်ချဘို့ မဲခွဲလိုက်တိုင်း သူက ၆ မဲအမြဲတမ်းရှိတယ်။ ဘယ်မှာလဲ မဲပြည်သူတွေအတွက်၊ ဘယ်မှာလဲ။ အဲဒီလို ကာကွယ်ရေးဦးစီးချူပ်၊ တပ်မတော်၊ တပ်မတော်၊ ကာကွယ်ရေး ဦးစီးချူပ် တပ်မတော်၊ တပ်မတော် အဲလောက်ကြီး တမိုးလုံးခြောက်စိတ်လုပ်ပြီးတော့ ဘယ်လိုလုပ်ပြီး ဒီမိုကရေစီ ထွန်းကားမယ့် နိုင်ငံတုန်း ဒီနိုင်ငံ။ ဘယ်လိုမှ မထွန်းကားဘူး အဲဒီတော့ ကျနော်တို့ နိုင်ငံမှာ ဘာကြောင့် အဲဒီ ၄၃၆ နဲ့ တပ်မတော်ရဲ့ စွက်ဖက်မှု ချူပ်ကိုင်မှုတွေကို အကာအကွယ်ပေးထားလဲ ဆိုရင် လွယ်ပါတယ်။ ဗမာပြည်မှာ တပ်မတော်က အကြီးမားဆုံး စီးပွားရေး လုပ်ငန်းကို ပိုင်ဆိုင်ထားလို့ပဲ။ လိမ်မနေနဲ့ ဘာမှ လျှောက် မပြောမနေနဲ့ အမျိုးသားရေးကို ကာကွယ်ပါ၊ ဘာညာ လျှောက်ပြောမနေနဲ့ ဦးပိုင်ကို ကာကွယ်နေတာ မဟုတ်ဘူးလား။ ကမ္ဘာာပေါ်မှာ တနိုင်ငံလုံးက စီးပွားေ၇း လုပ်ငန်းတွေကို ဦးပိုင်ကုမ္ပဏီကို လွှဲပေးထားတဲ့ တခုတည်းသော နီုင်ငံ မြန်မာနိုင်ငံ၊ စစ်တပ်က စီးပွားရေး အကြီးအကျယ် လုပ်သောနိုင်ငံ မြန်မာနိုင်ငံ၊ အဲဒါကြီးကို အကာအကွယ်ပေးဘို့ ဒီ ၄၃၆ ကြီးကို လုပ်ထားတာ၊ ဘာမှ နိုင်ငံတော်ရဲ့ အချူပ်အခြာ အာဏာတွေ ပြည်သူတွေကို ကာကွယ်ပေးဘို့တွေ မဟုတ်ဘူး။ 

အဲဒီတော့ နိဂုံးချူပ်ပြောမယ် နော့်၊ နိုင်ငံတော်မှာ တပ်မတော်က အဲလိုစွက်ဖက်နေပြီ ဆိုရင် ဒီမိုကရေစီ ဘယ်တော့မှ မထွန်းကားဘူး။ ကျနော်တို့ဟာ တပ်မတော်သားတွေကို မုန်းလို့ ဒီစကားတွေကို ပြောနေတာ မဟုတ်ပါဘူး။ တပ်မတော်က နိုင်ငံတော်ရဲ့ အင်္ဂါတွေထဲမှာ ခြေလက်အင်္ဂါနဲ့ တူတယ်လို့ နော် စာပေတွေမှာ အကုန်လုံးပါတယ်။ ပြည်ဦးကင်းဆိုတာ ရှိတယ်၊ ပြည့်ဝမ်းဗိုက်ဆိုတာ ရှိတယ်။ ပြည့်ခြေ ပြည့်လက်၊ ပြည့်နားဆိုတာ ရှိတယ်။ တပ်မတော်က နိုင်ငံတော်ရဲ့ အင်္ဂါရပ်တခု ပြည့်ခြေပြည့်လက် မကောင်းလို့ ဖြတ်ပစ်လို့ ရမလား၊ မရဘူး ဒီလက်တွေခြေတွေ မကောင်းလို့ ဆိုပြီး ကျနော်တို့ ဖြတ်ပစ်လို့မရဘူး။ ဒါပေမဲ့ အဲဒီလက်က ခေါင်းနေရာမှာ လာပေါက်ရင်တော့ ကျူပ်တို့လက်မခံဘူး။ လက်က လက်နေရာမှာ နေပေး၊ ခြေတောက်က ခြေတောက်တေနရာမှာ နေပေး၊ တပ်မတော်က တပ်မတေ်ာက နိုင်ငံကို ကာကွယ်မယ်ဆိုတဲ့နေရာမှာ နေပေး။ နိုင်ငံကို ဘယ်နေရာကနေပြီး. ကာကွယ်မလဲ၊ ကိုယ့်နိုင်ငံရဲ့ နယ်နမိတ်တွေကနေ ကာကွယ်ပေါ့၊ ဘာကြောင့်မို့လို့ ရန်ကုန်မြို့လယ်ခေါင်မှာ လာပြီးတပ်ပိုင်မြေ မကျူးကျော်ရ လာလုပ်သတုန်း။ ရန်ကုန်မြို့လယ်ခေါင်ကြီးမှာဗျာ တခါတည်း လာပြီး ဟိုနားကြည့်လိုက်လည်း တပ်ပိုင်မြေ မကျူးကျော်ရ၊ ဒီနားကြည့်လိုကလည်း တပ်ပိုင်မြေ မကျူးကျော်ရ၊ အဲဒီတပ်ပိုင်မြေ ဘယ်သူက ပေးထားလို့တုန်း၊ ခင်ဗျားတို့ကို ဘယ်သူကပေးထားတာလဲ။

 ဟောဒီမှာ ဒီဘုရားရဲ့ ပရ၀ဏ်ကို ချဲ့ချင်တယ် အနောက်မှာ နေရာလွှတ်ရှိတယ် ဆိုရင်တောင် ချက်ချင်း ၀င်းခတ်ပြီး ချဲ့လို့ရလို့လား။ (မရပါဘူး ပရိတ်သတ်အသံ) လျှောက်ရတယ်၊ သာသနာရေးဝန်ကြီးကို လေ။ျှာက်ရတယ်။ အဲဒီကနေမှတဆင့် လွှတ်တော် ဟိုတုန်းကတော့ လွှတ်တော်မရှိသေးဘူးပေါ့ တရားဝင် လျှောက်ရတယ်။ အဲဒီတော့မှ အဲဒီ ပလပ်မြေကို ဘုရားပိုင်မြေအဖြစ် ပေးလိုက်ပါဆိုမှ တရားဝင် ပေးလို့ရတယ်။ အဲဒီတပ်ပိုင်မြေကို ဘယ်သူက သူတို့ကို တရားဝင်ပေးလို့ သူတို့က တပ်ပိုင်မြေလို့ ပြောရသတုန်း၊ ဘယ်ဥပေဒေနဲ့ ပေးလဲ။ သူတို့ တောက်လျှောက် အုပ်ချူပ်လာတဲ့အချိန်မှာ သူတို့ရဲ့ အတွင်းရေးမှူး (၁) ကိုယ်တိုင်ပြောထားတာနော့်။ ဟို ၁၉၉၀ ကို ပြည်သူတွေက ပြည့်သူ့ကိုယ်စားလှယ်တွေကို လွှဲမပေးတော ဘာဖြစ်လို့လဲဆို တောင်းဆိုတော့ ဘာပြောခဲ့လဲ ဘာဥပဒေနဲ့ လွှဲပေးရမလဲလို့ ပြောဖူးတယ်။ အဲဒီတုန်းက ဗိုလ်ချူပ်ခင်ညွန့် ကျူပ်တို့မှာ လွှဲပေးစရာဥပဒေမရှိဘူးတဲ့ ခင်ဗျားတို့ ဥပဒေ အရင်ဆွဲဆိုပြီးတော့ ၂၂ နှစ် အုပ်ချူပ်သွားတာ တိုင်းပြည်ကို။ သူလည်းပဲ ကာလ၀ိဘက်တော့ တက်သွားတာပါပဲ။

 အဲတော့ ကျနော်ပြောချင်တာက အဲဒါတွေ နောက်ဆုံး ပြောချင်တာက ခင်ဗျားတို့က တပ်ပိုင်မြေ မကျူးကျော်ရလို့ ဆိုင်းဘုတ်စိုက်ရမှာ မဟုတ်ဘူး။ ကျနော်တို့က ကျနော်တို့ ပိုင်မြေကို ခင်ဗျားတို့ ကျူးကျော်နေတာလို့ ဆိုင်းဘုတ်စိုက်ရမှာ၊ ပြည်သူပိုင်မြေ ခင်ဗျားတို့ ကျူးကျော်စရာအကြောင်း လုံးဝမရှိဘူး။ ခင်ဗျားတို့ ၀န်ထမ်းတွေအတွက် တပ်မတော်အတွက် နေရာတိုးချဲ့ဘို့ လိုအပ်တယ်ဆိုရင် ခင်ဗျားတို့လျှောက်၊ လွှတ်တော်မှာ လျှောက်ပါ အဆောက်အဦးအတွက် ဘယ်လောက်လိုအပ်တယ် ဘာတွေ တိုးချဲ့ဘိုလိုတယ်။ စစ်လေ့ကျင့်ကွင်း ကွင်းတွေ တည်ဆောက်ဘို့လိုတယ် ဒါကြောင့်နေရာပေးပါ ဆိုပြီးတောင်း။ အဲဒီပြည်သူ့ကိုယ်စားလှယ်တွေက တဆင့် ကျူပ်တို့က ပေးသင့်တယ်ဆိုရင် ပေးမယ်။ ခွင့်ြ့ပုသင့်ရင် ခွင့်ပြုမယ်။ 

ခင်ဗျားတို့ဟာ ခင်ဗျားတို့ ဗီနိုင်းလေးတချပ် အကုန်ခံပြီးတော့ ပြည်သူပိုင်မြေတွေကို ကျူးကျော်ပြီး ပြည်သူကို ပြန်သူခိုးစွဲနေတာကိုတော့ ရပ်တန်းကရပ်ပေးပါ။ အဲဒီတော့ လွှတော်ဆိုတာ ဘယ်သူတွေရဲ့ နေရာလဲ။ ပြည်သူ့ကိုယ်စားလှယ်တွေရဲ့ နေရာ၊ အဲဒီပြည်သူ့ကိုယ်စားလှယ်တွေရဲ့ နေရာထဲကို ပြည်သူတွေရဲ့ ဆန္ဒတပြားတချပ်မှ မပါဘဲနဲ့ ခပ်တည်တည် ၀င်လာလိုက်၊ လူစားထိုးလိုက် တော်ကြာအလှည့်ကျလာလိုက် အဲလိုလုပ်နေတာကို လက်မခံဘူး။ ဒါက ၁၁ ယောက်စလုံး လဲပြီးကစားခွင့်ရှိတဲ့ ဘောလုံးပွဲမဟုတ်ဘူး။ စည်းနဲ့ကမ်းနဲ့တော့ လူလဲ၊ ဒီမှာတော့ သေသွားလို့တောင် လူတယောက် အစားထိုးလို့မရဘူး။ သူက အစုလိုက်အပြုံလိုက် အစားထိုးလိုက် အစုလိုက်အပြုံလိုက် အစားထိုးလိုက် လုပ်နေတယ်။ လွယ်လွယ်လေး ၂၅% က တပ်မတေ်ာသား တဦးချင်းရဲ့ ဆန္ဒလား အဲဒီတယောက်တည်းရဲ့ ဆန္ဒလား၊ (တယောက်တည်းရဲ့ ဆန္ဒပါ - ပရိတ်သတ်အသံ) အဲဒီတယောက်တည်းရဲ့ ဆန္ဒကြောင့် ဟောဒီက ကျန်တဲ့ သန်း ၆၀ က ဘာမှလုပ်လို့မရဘူးဆိုရင်တော့  နည်းနည်းလူပါးဝရာ ရောက်တယ်။ အဲဒါကြောင့် တောင်းဆိုပါတယ် ပုဒ်မ ၄၃၆ ကို ကိုယ့်အသိစိတ်ဓာတ်နဲ့ကိုယ် ဖွင့်ပေးပါ ပြည်သူတွေ တောင်းဆိုပါတယ်။ 

လွှတ်တော်ထဲကနေပြီးလည်း ကိုယ်နဲ့မဆိုင်တဲ့ နေရာမှာ မနေနဲ့ ခေါင်းနေရာမှာ လက်ပေါက်နေတာ ကြည့်မကောင်းဘူး ကျက်သရေလည်းမရှိဘူး၊ အမြန်ဆုံး ထွက်ပေးပါလို့ တောင်းဆိုရင်းနဲ့ နိဂုံးချူပါတယ်။


ဂျွန် ၆ စိတ်ဓာတ်





ဆို  မင်းမင်းထွေးငယ်  ABSDF သေ့ဘောဘိုး စခန်း၊ တပ်ရင်း (၂၀၄)
 " အာဏာရူး စစ်အစိုးရသည် မုချမသွေ ကျဆုံးရမည်
ဂုဏ်ပြောင်တဲ့ ဂျွန် ၆ စိတ်ဓာတ် ကမ္ဘာတည်သရွေ့ အဓွန့်ရှည်ပါစေ"

အင်ဖက်နဲ့ သက်ကယ်မိုးပြီး  ၀ါးခြမ်းပြားနဲ့သဲပို့ခင်းတဲ့ ရုံးမှာ စောင်ကာပြီး စတီရီယိုအဖြစ် ဖန်တီးထားတဲ့နေရာမှာ  အဆိုတော် မဟုတ်သူတွေ သီဆိုထားတဲ့ ဒီသီချင်းကို ခေတ်မီ တေးသံသွင်းခွေတွေထဲက ဘယ်နိုင်ငံကျော် အဆိုတော်တွေရဲ့ သီချင်းနဲ့မှ ကျွန်မ မလဲနိုင်ဘူး။  ၁၉၇၄ ခု ဇွန်လ ၆ ရက်နေ့မှာ အာဏာရှင်တွေ လက်ချက်နဲ့  ကျဆုံးခဲ့ရတဲ့ အလုပ်သမားတွေအတွက် ဂုဏ်ပြုတဲ့သီချင်း တပုဒ်ဖြစ်တယ်။  ဂျွန် ၆ မှာ ကျဆုံးခဲ့ရတဲ့ အလုပ်သမားတွေကို အလေးပြု ဂုဏ်ပြုရင်း ဒီသီချင်းခွေ စတင်ရာ ဘ၀တက္ကသိုလ်မှာ ရှင်သန်ခဲ့ဖူးသူတွေရော မိုးမခပင်အောက်က ဘ၀တက္ကသိုလ်ကို မရောက်ဖူးသူတွေပါ အတူတူ လွမ်းဆွတ်ကြရအောင်။

အလုပ်သမားသပိတ်တိုက်ပွဲမှာ သွေးမြေကျခဲ့တဲ့ အလုပ်သမားအပေါင်း
 ကောင်းရာသုဂတိလားကြပါစေ...

သီချင်းစာသား

(ကမ်းခြေလှိုင်းတံပိုးကြားက အလုပ်သမားတပ်ဦး အောင်လံနီနီ ရုန်းထွက်လူးလို့ လေမှာမြူးခဲ့ပြီ…)
(အလုပ်သမားတို့ တိုက်ပွဲခေါ်သံသည် မြန်ပြည်တွင်မက ကမ္ဘာမြေအနှံ့ပြန့်လွှင့်ခဲ့ပြီ စစ်ဖိနပ်အောက် ဒူးမထောက်ခဲ့ပြီ.. ငတ်ရင်းအသေမခံ တိုက်ရင်းသာ အသေခံမည် ဘာမထီ ဇာနည်စိတ်ဓာတ်မွေးခဲ့ပြီ..)၂

(နီမောင်းတဲ့ အလုပ်သမားတို့ သွေးနှင့်ရင်းကာ ဂုဏ်ပြောင်တဲ့ သမိုင်းစာမျက်နှာ ဖွင့်ခဲ့လေပြီ ပြည်သူများ နိုးကြွားခဲ့ပြီ ပြည်သူအားလုံး နိုးကြွားခဲ့ပြီ တို့များတပ်ဦးက ဦးဆောင်ပါသည် အလုပ်သမား လယ်သမား ကျောင်းသားများ လက်တွဲညီညီ သွေးကြွေးကို သွေးနဲ့ဆပ်မည် အဓိဋ္ဌာန်ပါသည် တိုက်ပွဲအောင်လံ မိုးယံလွှင့်တော့မည်..)၂

မြို့ပြအုံကြွမှုနဲ့ လက်နက်ကိုင်တော်လှန်ရေး မနှေးအမြန် ပေါင်းစပ်ရမည် ပြည်သူများကို တပ်လှန့်နိုးပါသည်… အာဏာရူး… စစ်အစိုးရသည် မုချမသွေ.. ကျဆုံးရပေမည်.. ကြီးမြတ်တဲ့တိုက်ပွဲ ကမ္ဘာတည်သရွေ့ အဓွန့်ရှည်ပါစေ.. နီမောင်းတဲ့ အလုပ်သမားသွေးသမိုင်း ကမ္ဘာတည်သရွေ့ အဓွန့်ရှည်ပါစေ.. ဂုဏ်ပြောင်တဲ့ ဂျွန် ၆ စိတ်ဓာတ် ကမ္ဘာတည်သရွေ့ အဓွန့်ရှည်ပါစေ…


ဓာတ်ပုံကို သော့ဘောဘိုးစခန်းက တပ်ဖွဲ့ဝင်ဟောင်း တဦး ဖြစ်သူ ကိုလှိုင်ဘွား Hlaing Bwa Maung စာမျက်နှာရှိ Comrades and Generation album ထဲက ယူပြီး ဒီအခွေထဲကက ရဲဘော်အဆိုရှင် ကိုမြတ်သူက ၂၀၁၃ တုန်းက ကျွန်မကို ပို့ပေးခဲ့တဲ့ နေ၀န်းနီနီအခွေ အသံဖိုင်ထဲက ဂျွန် ၆ စိတ်ဓာတ်ကို ယူသုံးထားပါတယ်။ ကိုလှိုင်ဘွားနဲ့ ကိုမြတ်သူကို အထူးကျးဇူးတင်ပါတယ်။  

ရွှင်လန်းချမ်းမြေ့ကြပါစေ


၂၀၁၅ အတွက် ကိုနေမျိုးဇင်ရဲ့ အကျဉ်းထောင်မှ အမှာစကား



video
ဟန်ချက်ညီတဲ့ တိုက်စစ်ကို မဆင်နိုင်ဘဲ အလဲလဲ အကွဲကွဲနဲ့ မှိုင်းတိုက်သမျှနောက်မှာ ယောင်နေကြမယ်ဆိုရင်တော့ ၂၀၁၅ နဲ့ ၂၀၂၀ ကြားမှာလည်း ခွေးလိုလို ခြင်္သေ့လိုလို တိရစ္ဆာန်တွေကို ဦးခိုက်နေတဲ့ လူတစုရဲ့ လက်အောက်မှာပဲ ထင်သလို အလုပ်ခံနေရဦးမယ်ဆိုတာ မှတ်ထားပါ။ တိရစ္ဆာန်ကိုးကွယ်တဲ့သူကို ကျနော်တို့ ခေါင်းဆောင်တင်မလား ပြည်သူကို တန်ဖိုးထားတဲ့သူကို ခေါင်းဆောင်အဖြစ်ထားမလား ပြည်သူအားလုံး ရွေးချယ်ပါလို့ ကျနော်ပြောချင်ပါတယ်။ (ဗိုလ်ကြီးဟောင်း နေမျိုးဇင်)

ကိုနေမျိုးဇင်အနေနဲ့ပေါ့နော့် 2015 မှာ ပြည်သူတွေကို တိုင်းပြည်အတွက် ပြည်သူတွေအားလုံးကို ဘာများ ပြောကြားချင်ပါသလဲချင်ဗျား။

အဓိကက နိုင်ငံရေးစိတ်ပါဝင်စားမှုကို နိုးကြွားတက်ကြွမှု အသက် ၁၈ နှစ်ပြည့်ပြီးတဲ့သူတိုင်း ကချင်၊ ကယား၊ ကရင်၊ ချင်း၊ မွန်၊ မြန်မာ၊ ရခိုင်၊ ရှမ်း အားလုံးဟာ နိုးကြွားဘို့ ပထမတချက်၊ ပြီးတော့မှ နိုးကြွားမှုနဲ့အတူ ဒီဆန္ဒမဲတပြားရဲ့ အရေးကြီးပုံ၊ ဒီမိုကရေစီ အသွင်ကူးပြောင်းမှု ကာလ ဒေါ်အောင်ဆန်းစုကြည် ပြောစကားအရဆိုရင် ဒုတိယအကြိမ် ရွေးကောက်ပွဲသာလျှင် တိုင်းပြည်ရဲ့ ကံကြမ္မာကို အဆုံးအဖြတ် ပေးတယ်ဆိုတော့ကာ အခု ၂၀၁၅ သည် စစ်အာဏာရှင်ခေတ်ကနေ ဒီမိုကရေစီခေတ်ကို ကူးပြောင်းမည့် ဒုတိယကြိမ်မြှောက် ရွေးကောက်ပွဲ ဖြစ်တယ်။ ဒါကြောင့်မို့ အရေးကြီးဆုံး ဖြစ်တယ်။ ပထမအကြိမ်မှာ ကလိန်ခြုံကျ ကျပါစေ၊ စစ်အာဏာရှင်ခေတ်က အသွင်ပြောင်းစမို့ ဒုတိယအကြိမ်မှာတော့ ထပ်ကလိန်ခြုံကျလို့မရဘူး။ ဒါကြောင့် လက်ရှိ နှစ်ပြည့်ပြီးသော ဆန္ဒမဲပေးပိုင်ခွင့်ရှိသူ အားလုံးသည် အတိတ်သမိုင်းရဲ့ သင်ခန်းစာတွေကို ကျေကြပါ။

 ၂၀၁၀ တုန်းက ဘယ်လိုကလိန်ခြုံလုပ်သွားတယ်၊ ဘယ်လိုကြိုတင်မဲတွေ အိတ်လိုက်နဲ့ ဘယ်လို ဘယ်လိုဓာတ်တိုင်တွေ အရောင်ပြစိုက်ပြီး ဘယ်လိုလမ်းခင်းကျောက်တွေနဲ့ မဲလိမ်သွားလဲ၊ ဘယ်လို ငွေချေးပြပြီး ဘယ်လိုနားလှည့်ပါးလှည့်လုပ်ပြီး ပါးရိုက်သွားလဲ ဒီသမိုင်း ဒီသမိုင်းသင်ခန်းစာတွေကို ယူပါ။ အဲဒီ မဲတခုခု ရိုးသားဖြောင့်မတ်မှုမရှိဘဲ မဲရယူခဲ့တဲ့ လွှတ်တော်ကိုယ်စားလှယ်တွေရဲ့ လက်ရှိ ၄ နှစ်ကျော်သက်တမ်း လွှတ်တော်တွင်းက အစွမ်းအစကိုလည်း ကျနော်တို့ အားလုံး သိရှိပြီးဖြစ်တယ်။ သူ့လစာတိုးရေးကလွဲလို့ တိုင်းပြည်အတွက် မှန်ကန်တဲ့ ပြတ်သားတဲ့ မားမတ်တဲ့ မခြေခံ ပန္နက်တွေအထိ သက်ရောက်စေမယ့် ပြင်ဆင်ပြောင်းလဲရေး တခုမှ ယခုလွှတ်တော်အတွင်းက လွှတ်တော်ကိုယ်စားလှယ်တွေ အများစုက လုပ်မသွားနိုင်ပါဘူး။ အနည်းစုကြိုးပမ်းပေမဲ့ လူညီရင် ဤကျွဲဖြစ်မယ်ဆိုတဲ့ စားဖားချင်းညီညွတ်နေတဲ့တသိုက် ကဖျက်ယဖျက်လုပ်လို့ တိုင်းပြည်အတွက် ကောင်းစေရာကောင်းစေကျိုး သယ်ပိုးဘို့ လွှတ်တော်ကိုယ်စားလှယ်အနည်းစုရဲ့ တင်ပြချက်တွေ အဟောသိကံ ဖြစ်သွားတာ အများကြီး ကျနော်တို့ သမိုင်းသင်ခန်းစာ ရပြီးပြီ။

 အဲတော့ ဒီလိုလူမျိုးတွေကို လွှတ်တော်ထဲကို နောက်တဖန်ခြေချခွင့် မရအောင် သူတို့ နည်းမျိုးစုံနဲ့ ကြိုးပမ်းလာနိုင်ခြေရှိတဲ့ ကကြိုးလေးနဲ့ ပြောရရင် စနစ်ဆွေးပိုးလောက်တွေရဲ့ အသစ်ခွေးတိုးပေါက် PR ဆိုတာမျိုးကိုလည်း လက်မခံဘို့ မဲလိမ်၊ မဲခိုး၊ မဲဆွယ်၊ မဲညာ၊ မဲယောင် လုပ်ပြီးတော့ ပြည်သူ့မဲကို လတ်တလောရရင်ပြီးရော မဲရပြီးနောက်နေ့ ပြည်သူ့အကျိုး လှည့်ကြည့်စရာမလိုဘူး ပြည်သူ့မျက်နှာ ကြည့်စရာမလိုဘူးဆိုတဲ့ အချိုးရှိတဲ့ ကိုယ်စားလှယ်ဆိုးတွေ လွှတ်တော်ထဲကို နောက်တကြော့ ခြေချခွင့်မရဘို့ ဒါကိုကာကွယ်ရင်းနဲ့ တဘက်က ပြည်သူ့ကိုယ်စားလှယ်စစ်စစ် ပြည်သူ့ပါတီစစ်စစ် ဘယ်သူတွေဖြစ်မလဲ။ နေ့စဉ် လူသားစိတ်နဲ့ ကိုယ်ချင်းစားစိတ်နဲ့ အသိညာဏ် ဆင်ခြင်တုံတရားနဲ့ နိုင်ငံရေးစာပေ လေ့လာဖတ်ရှုသုံးပ်နိုင်တဲ့စွမ်းရည်နဲ့ ချိန်ထိုးပြီးတော့ ရွေးချယ်ပါ။
ဖြစ်မြှောက်အောင် မဲပေးပါ။ မဲပေးပိုင်ခွင့်ကိုလည်း မှန်မှန်ကန်ကန် ရရှိအောင် အခုကတည်းကကြိုးစားပါ။

ကိုယ်မဲပေးလိုက်တဲ့လူကို လွှတ်တော်ထဲမှာ တိတိကျကျ ထမ်းဆောင်နိုင်ခွင့် ရရှိအောင် ပြည်သူ့အစိုးရ စစ်စစ် တရပ်ပေါ်ပြီး ဆောင်ရွက်နိုင်ခွင့်ရရှိအောင် ခပ်ရှင်းရှင်းပြောရရင် ပြည်သူ့ခေါင်းဆောင် လူထုခေါင်းဆောင် သမ္မတဖြစ်ခွင့်၊ သမ္မတ မဖြစ်မနေ ဖြစ်ကိုဖြစ်ရမယ် ဘုရင့်နောင်ဖေါင်ဖျက်ကိန်းကို ပြည်သူတိုင်း အထူးသဖြင့် တိုင်းရင်းသားလူမျိုးစုပါ မကျန် ၂၀၁၅ မှသည် နောက်ဆက်မယ့် ခေတ်အဆက်ဆက်အထိ ပြည်သူ့အစိုးရနှင့် ပြည်သူ့အာဏာသည်သာလျှင် တည်ပြီး ပြည်သူ့အကျိုးစီးပွားအတွက်ကို တကယ်ထမ်းဆောင်မယ့် ပြည်သူ့ကိုယ်စားလှယ်တွေနှင့် ပြည်သူများကောင်းကျိုးကို ပြည်သူများရဲ့ စုစည်းညီညွတ်တဲ့အားနဲ့ ကြိုးပမ်းသွားမယ့် ပြည်သူ့လက်ထဲမှာ အာဏာရှိအောင် ပြည်သူတွေ ၀ိုင်းဝန်း ကြိုးစားသွားမယ်ဆိုတဲ့ စိတ်ကို ပြည်သူတွေ အခုကတည်းက မွေးဘို့ မျိုးဆက်သစ်တွေကိုလည်း နောက်ရွေးကောက်ပွဲတွေမှာ မဲပေးလာရမည့် မျိုးဆက်သစ်တွေကိုလည်း အခုကတည်းက သွန်သင်ပေးသွားဘို့ အရေးတကြီးလိုနေပြီလို့ ကျနော်ပြောချင်ပါတယ်။ နောက်ပြီးတော့ ရွေးကောက်ပွဲကာလ မတိုင်ခင် ဖမ်းဆီးမှုတွေ ထပ်ကြမ်းကောင်းကြမ်းလာနိုင်ပါတယ်။

လတ်တလော ကျနော်တို့ အဖမ်းခံထားရတဲ့သူတွေ အခုဆိုရင် ထောင်ထဲမှာ သုံးရာကျော်လောက် ရှိနေပါပြီ။ ဒီလူတွေနဲ့ ပတ်သက်ပြီးတော့ ကိုယ်နဲ့မဆိုင်ရင် ဂလိုင်မဖေါက်ဘူး၊ ကိုယ့်ပေါင်ပေါ်မှာ မီးပွားမကျသေးသရွေ့ ငါပူမှာမဟုတ်ဘူးဆိုတဲ့စိတ်မျိုး မထားဘဲနဲ့ မတရား ဖမ်းဆီးခံရမှု သေးသေးလေးကအစ လက်မခံဘဲနဲ့ တရားဥပဒေအတိုင်း စစ်စစ် မှန်မှန် ပြည်သူ့အကျိုးကို ရှေ့ရှုတဲ့ စီရင်ထုံးတွေ ပေါ်ပေါက်လာအောင် ဥပဒေမဲ့ ပြုကျင့်မှု မျက်နှာပြောင်တိုက်၊ တိုက်လေ့တိုက်ထ ရှိတဲ့ အုပ်ချူပ်ရေး၊ တရားစီရင်ရေး မဏ္ဍိုင်ကြီးကို ရှက်ဖွယ်လိလိ ဖြစ်ကြောင်း ပြည်သူ့အား စတုတ္ထမဏ္ဍိုင်ရဲ့အား ပေါင်းစပ်ညီညွတ်တဲ့အားနဲ့ ၀ိုင်းဝန်းထောက်ပြ ဝေဖန်ရှုပ်ချခြင်းနည်းဖြင့် အမှန်တရားတွေ၊ ပြတ်သားတဲ့ စီရင်ထုံးတွေ မတရားဖမ်းဆီးထားခံထားရတဲ့ ပြည်သူ၊ နိုင်ငံသား အကျဉ်းသားတွေ လွှမြှောက်အောင်လည် တဘက်တလမ်းက ၀ိုင်းဝန်း ကြိုးပမ်းပေးပါ။

အဲလိုဟန်ချက်
ညီတဲ့ တိုက်စစ်ကို မဆင်နိုင်ဘဲ အလဲလဲ အကွဲကွဲနဲ့ မှိုင်းတိုက်သမျှနောက်မှာ ယောင်နေကြမယ်ဆိုရင်တော့ ၂၀၁၅ နဲ့ ၂၀၂၀ ကြားမှာလည်း ခွေးလိုလို ခြင်္သေ့လိုလို တိရစ္ဆာန်တွေကို ဦးခိုက်နေတဲ့ လူတစုရဲ့ လက်အောက်မှာပဲ ထင်သလို အလုပ်ခံနေရဦးမယ်ဆိုတာ မှတ်ထားပါ။ တိရစ္ဆာန်ကိုးကွယ်တဲ့သူကို ကျနော်တို့ ခေါင်းဆောင်တင်မလား ပြည်သူကို တန်ဖိုးထားတဲ့သူကို ခေါင်းဆောင်အဖြစ်ထားမလား ပြည်သူအားလုံး ရွေးချယ်ပါလို့ ကျနော်ပြောချင်ပါတယ်။



0:02/5:20
ရွင်လန်းချမ်းမြေ့ကြပါစေ



ရိုဟင်ဂျာနဲ့ပတ်သက်တဲ့ မေးခွန်းတွေအပေါ် ဒေါ်အောင်ဆန်းစုကြည်ရဲ့ ဖြေကြားချက်များ


ဒေါ်စုရဲ့ အဖြေ (၁)


0:00/1:50
6,620 Views
"အရေးကြီးတာက ကျမတို့နိုင်ငံမှာ ဖြစ်နေတဲ့ အကြမ်းဖက်မှုမှန်သမျှကို အစ်ိုးရအနေနဲ့ တာဝန်ယူကိုယူရပါမယ်…
တိုင်းပြည်ရဲ့ ဥပဒေနဲ့ဆန့်ကျင်ပြီး ဖြစ်လာတာမှန်သမျှကို တာဝန်ယူရပါမယ်
ကျမစောစောကပြောသလိုပဲ
ဒီပြဿနာတွေနဲ့ပတ်သက်ပြီး အစိုးရအနေနဲ့ တာဝန်ယူဖြေရှင်းမှုတွေဟာ မလုံလောက်ဘူးလို့ပဲ ကျမထင်ပါတယ်…
ဒီလိုတင်းမာမှုတွေအားလုံးရဲ့ နောက်ကွယ်မှာ အင်မတန်ကြီးမားတဲ့ ကြောက်ရွံမှုတွေ မုန်းတီးမှုတွေ ရှိနေတယ်…
ဒါတွေကို ဖယ်ရှားဖို့ လက်ရှိအစိုးရအနေနဲ့ လုံခြုံစိတ်ချရတဲ့ ပတ်ဝန်းကျင်တခုကို ဖန်ကိုဖန်တီးပေးရပါမယ်…
လူတွေဟာ လုံခြုံစိတ်ချမှုမရှိဘူးလို့ ခံစားရရင် သူတို့ရဲ့ အကြောက်တရား အမုန်းတရားတွေကို ဖြေလျော့ခိုင်းဖို့ဆိုတာ မဖြစ်နိုင်ပါဘူး…
ကျမအနေနဲ့ ကျမပြည်သူတွေကို ငြိမ်းငြိမ်းချမ်းချမ်း နေစေချင်ပါတယ်…
ကျမတို့ မမေ့ပါဘူး…
ကျမကတော့ လုံးဝမမေ့ဘူး…
၁၉၄၈ မှာကျမတို့ လွတ်လပ်ရေးရခဲ့တဲ့ဟာက မတူညီတဲ့နိုင်ငံရေးအဖွဲ့အစည်းတွေ မတူညီတဲ့ ဘာသာရေးအုပ်စုတွေပါဝင်ပြီး မတူကွဲပြားတဲ့ တိုင်းရင်းသားတွေအကြား ရင်ကြားစေ့ရင်းကနေ ရခဲ့တာပါ…
အမျိုးသားသွေးစည်းညီညွတ်ရေးကနေတဆင့် ကျမတို့လွတ်လပ်ရေးရခဲ့တာပါ…
အခုလည်း ကျမယုံကြည်တယ်…
အမျိုးသားသွေးစည်းညီညွတ်ရေးကသာတိုင်းပြည်အတွက် စစ်မှန်တဲ့ ဒီမိုကရေစီက်ို ဖော်ဆောင်ပေးနိုင်မယ်လို့
ဒီတော့ သြသတြေးလျရော တကမ္ဘာလုံးကပါ ကျမတို့အမျိုးသား ပြန်လည်သင့်မြတ်ရေးအတွက် ကူညီပေးကြပါ…
လက်ရှိအစိုးရကိုလည်း ငြိမ်းချမ်းရေးနဲ့ တရားဥပဒေစ်ိုးမ်ိုးရေးအတွက် သူတို့မှာတာဝန်ရှိတယ်ဆိုတာ သတိပေးကြပါ…
သူတို့ကျမက်ို တာဝန်ယူစေချင်တယ်ဆိ်ုရင်တော့
ကျမတို့ကို အစိုးရဖြစ်အောင် လုပ်ပေးဖို့ ကောင်းပါတယ်…
(ဒေါ်အောင်ဆန်းစုကြည်)
သြစတြေးလျနိုင်ငံ ဆစ်ဒနီမြို့
27/ နိုဝင်ဘာလ/ 2013

(ဒေါ်အောင်ဆန်းစုကြည်)သြစတြေးလျနိုင်ငံ ဆစ်ဒနီမြို့27/ နိုဝင်ဘာလ/ 2013 ______Video ကြည့်မရသူများအတွက် စာများကို ကူးယူဖော်ပြပေးထားပါတယ်…မူရင်းVideo ပိုင်ရှင်ကို ခရက်ဒစ်ပေးပါသည်။-သက်နှင်း သုန္ဒရီ

ဒေါ်စုရဲ့ အဖြေ (၂)






0:00/3:29


 မေးခွန်း။ ။ အဲဒါက အင်္ဂလိပ်လို ရေးထားတော့ အင်္ဂလိပ်လိုပဲ ကျမ ဖတ်ပြလိုက်မယ်၊ What is your solution of harmony regardless of race, religion and ethnicity particularly I am referring to Rakhing and Rohinger.

အဖြေ။ ။ ဒီတော့ ကျမဒါနဲ့ ပတ်သက်လို့ ဆိုလို့ရှိရင် ခဏခဏ ပြောပါတယ်၊ ကျမတို့ဟာ လက်တွေ့ကျကျ ဖြေရှင်းနိုင်မည့် ပြဿနာတွေကို ပထမ ဖြေရှင်းရပါမယ်။ ဒီလူမျိုးရေး၊ ဘာသာရေး ပဋိပက္ခများ၊ လူမျိုးရေး ဘာသာရေး ပြဿနာများဆိုတာ နေ့ချင်းညချင်း ဖြေရှင်းနိုင်မှာ မဟုတ်ဘူးဆိုတော့ အဲဒီဟာတွေက ရေရှည်မှာ နှစ်ပေါင်း တော်တော်များများ မှာ ဖြစ်လာတဲ့ ပြဿနာတွေ ဖြစ်တယ်။ ဒီတော့ ချက်ချင်းလက်ငင်း ဘယ်လိုနည်းနဲ့ ဘာတွေကို ဖြေရှင်းနိုင်မယ်ဆိုတာကိုတော့ ကျမ ရှင်းပြခဲ့ပြီးပါပြီ။ အဲဒီတော့ ကျမ ပြောတာဟာ ဥပဒေစိုးမိုးရေးနဲ့ ဆိုင်တယ်။ ဥပဒေစိုးမိုးရေး ဆိုတာဟာ နှစ်ဘက်ရှိပါတယ်။ တခုက ဥပဒေဆိုတာ ဘာလဲပေါ့နော့် ဥပဒေထဲမှာ ဘာပါလဲ၊ နောက်ပြီးတော့ ဒီဥပဒေတွေကို တကယ်ပဲ ထိထိရောက်ရောက် လိုက်နာအောင်လို့ ဒီဥပဒေတွေဟာ ထိရောက်အောင် လုပ်နိုင်တဲ့ နည်းလမ်းတွေ ရှိရဲ့လားဆိုတာ အဲဒါကို ကျမအလေးထားပြီး ပြောတာဟာ ဒါချက်ချင်း လက်င်းလုပ်နိုင်တဲ့ ကိစ္စမို့လို့ပါ။ ဥပမာဆိုလို့ရှိရင် နိုင်ငံသားဥပဒေ ကျမတို့ရဲ့ ဥပဒေမှာ နိုင်ငံသား ဥပဒေဆိုတာ ဘယ်လိုလဲ ဒီနိုင်ငံသား ဥပဒေမှာ ဘာအချက်အလက်တွေပါသလဲ ဒီအချက်အလက်တွေဟာ တကယ့်ကမ္ဘာစံမီရဲ့လား၊ နိုင်ငံတကာ စံမီရဲ့လား ဒါကိုကျမတို့က ကြည့်ရမယ်။ ကြည့်ပြီးတော့ ဒီလိုစံမီပြီဆိုလို့ရှိရင် ဒီဥပဒေတွေကို ထိရောက်အောင် လုပ်နိုင်တဲ့ အနေအထား ကျမတို့နိုင်ငံမှာ ရှိရဲ့လား ပြောရမယ်ဆိုလို့ရှိရင် ဥပဒေစိုးမိုးရေး၊ ဒါဟာ ချက်ချင်းလက်ငင်းလုပ်နိုင်မည့် ကိစ္စ။
နောက်တခုကလည်း ကျမတို့ရဲ့ အနောက်ပိုင်းမှာပေါ့နော့် အနောက်ပိုင်း နယ်စပ်မှာဆိုလို့ရှိရင် ဖြတ်ကျော်တာဟာ စည်းမဲ့ကမ်းမဲ့ ဖြစ်နေပါတယ်။ အဲဒါကြောင့်လည်း ပြဿနာတွေ ဖြစ်လာတယ် ဟို တဘက်နိုင်ငံကလည်း ဒါက ဒို့နိုင်ငံကလူတွေမဟုတ်ဘူး၊ မြန်မာနိုင်ငံကလူတွေ၊ မြန်မာနိုင်ငံကလည်း ဒါဒို့နိုင်ငံကမဟုတ်ဘူး ဟိုဘက်က ကူးလာတာဆိုပြီးတော့ အဲဒီလို စွပ်စွဲချက်တွေ ဖြစ်နိုင်တာဟာ စည်းမဲ့ကမ်းမဲ့ နယ်စပ်ကိုဖြတ်ကျော်မှုကြောင့် တနည်းအားဖြင့် ပြောမယ်ဆိုရင် ဒါလည်း ဥပဒေစိုးမိုးမှု မရှိတာပေါ့နော့်။ နောက်ပြီးတော့ နယ်စပ်မှာ စောင့်တဲ့အစိုးရ ဌာနတွေရဲ့ ဒီလာဘ်ပေးလာဘ်ယူ မကင်းတဲ့ကိစ္စတွေနဲ့ ဆိုင်ပါတယ်။ အဲဒီတော့ လက်တွေ့ကျကျ ပြင်နိုင်တာတွေကို ကျမတို့ လက်တွေ့ကျကျ အမြန်ဆုံး ပြင်ရမယ်။ ဘာသာမတူတဲ့ လူမျိုးများအကြားမှာ အမြင်မတူလို့ ပဋိပက္ခဖြစ်တာတွေကျတော့ ဒီဟာတွေ ပြေလည်သွားအောင်တော့ အားလုံး ၀ိုင်းလုပ်ရမှာ၊ ဒါတော့ နေ့ချင်းညချင်း မဖြစ်နိုင်ဘူး။ ကျမတို့လက်တွေ့ကျကျ နဲ့ မြေင်နိုင်ရမယ်။ ဘယ်လိုလုပ်မလဲ ဒီလိုဘာသာခြား လူမျိုးခြားကြားမှာ တချို့ကပြောတယ် ပြေလည်မှု ဖြစ်ဘို့ဆိုတာ မဖြစ်နိုင်ဘူး ဒါကမဟုတ်ဘူး ကမ္ဘာကြီးကို ကြည့်လိုက်ပါ၊ ပြေလည်မှု ရတဲ့နေရာတွေ ရှိပါတယ် အဲတော့ ကျမတို့ကနေပြီးတော့ ကမ္ဘာလုံးကနေပြီးတော့ သင်ခန်းစာတွေ ယူရမယ်။ ပြေလည်မှုရအောင် ဘယ်လိုနည်းတွေနဲ့လုပ်မလဲ၊ ဘယ်လိုနည်းတွေနဲ့ ကြိုးစားမလဲ တခြားနေရာမှာ အဆင်ပြေတဲ့နည်းတွေက ကျမတို့နိုင်ငံမှာ အဆင်ပြေချင်မှပြေမယ်။ ဒါကျမတို့ သင်ယူသွားရမယ် ဒါကတော့ နေ့ချင်းညချင်း ဖြေရှင်းလို့မရဘူး။ အဲတော့ လက်တွေ့ကျကျ ကြည့်ပြီးတော့ အမြန်ဆုံး ကြီးတဲ့ကိစ္စသေးသွားအောင် သေးတဲ့ကိစ္စ ပပျောက်သွားအောင် ဆိုပြီးတော့ ကျမတို့ စပြီးတော့ လုပ်ရမယ်လို့ ကျမထင်ပါတယ်။


ဒေါ်စုရဲ့ အဖြေ (၃)

ဟင်ဂျာတွေဆိုတာ ဘယ်သူတွေလဲ ဘာလ်ို့သူတို့ကို မြန်မာအစိုးရက သတ်ဖြတ်နေရတာလဲ ဆိုတဲ့မေးခွန်းကို ဒေါ်အောင်ဆန်းစုကြည်ရဲ့ အဖြေ


0:00/3:56


သတင်းထောက်ရဲ့အမေး၊      ။  ငါမေးချင်တဲ့မေးခွန်းက ရိုဟင်ဂျာတွေဆိုတာ ဘယ်သူတွေလဲ ဘာလ်ို့သူတို့ကို မြန်မာအစိုးရကသတ်ဖြတ်နေရတာလဲ…•

 ငါထင်တယ် မင်းအခုလို "Prosecution" ဆိုတဲ့ ရင့်သီးတဲ့အသုံးအနှုန်း မသုံးသင့်ဘူးထင်တယ်…ဘာဖြစ်လို့လဲဆိုတော့ ရခိုင်မှာ ဖြစ်သွားတာက အသိုင်းအဝိုင်း ၂ခုအကြားဖြစ်သွားတဲ့ နှစိဖက်စလုံးကျူးလွန်တဲ့ ရာဇဝတ်မှုပါ…မင်းတဖက်ထဲကို ဦးစားပေးနေမယ်ဆိုရင် ပိုပိုပြီးအမုန်းတရားပွားအောင် မင်းလုပ်နေသလိုဖြစ်ပါလိမ့်မယ်…ငါတို့သေချာကြည့်ရမှာက ပြဿနာတွေဘယ်လိ်ုအေးချမ်းအောင်လုပ်မလဲဆိုတာပါ…ပထမဦးဆုံးလုပ်ရမှာက ရခိုင်မှာဖြစ်နေတဲ့အခြေအနေတွေကို ထိန်းနိုင်ဖို့တရားဥပဒေရှု့ထောင့်ကနေ စဉ်းစားရမှာအခုမင်းမေးခွန်းက သူတို့ဘယ်ကလာသလဲ…ကျမတို့ တရားဥအဒေစိုးမိုးရေးကို ရှုထောင့်၃ခုနဲ့မြင်ရပါမယ်…ပထမဦးဆုံးအနေနဲ့ ရာဇဝတ်မှုတွေကို ကိုင်တွယ်ဖြေရှင်းရာမှာ နည်းလမ်းမှန်နဲ့ဖြေရှင်းသလားဆိုတဲ့ တရားဥပဒေစိုးမိုးရေးရှုထောင့်…ပြောရမယ်ဆိုရင် ရာဇဝတ်မှုတခု ကျူးလွန်လို့ အရေးယူတဲ့အခါမှာ တရားစီရင်မှုက မျှတမှုရှိဖို့လိ်ုသလ်ု အဲ့ဒီတရားစီရင်မှုကို မျှမျှတတဖြစ်ပါတယ်ဆိုတာကိုပါ အများပြည်သူကိုမြင်အောင်ပြရမယ်…ရခိုင်မှာဖြစ်သွားတဲ့ ပထမဦးဆုံးရာဇဝတ်မှုကို ဒီလိုသာအရေးယူဆောင်ရွက်နိုင်မယ်ဆိုရင် အခုလို ပြဿနာတွေ တစီတတန်းကြီးနဲ့ လူမျိုးစု ၂ခုအကြား အကြမ်းဖက်ပဋိပက္ခတွေဖြစ်လာမှာမဟုတ်ဘူး…ဒါဟာ တရားဥပဒေစိုးမိုးရေးအတွက် ပထမဆုံးလိုအပ်ချက်ဖြစ်တယ်…တရားဥပဒေစိုးမိုးရေးဆိုတာ အမြဲတမ်းလူ့အခွင့်အရေးနဲ့ အချိတ်အဆတ်ရှိနေရပါမယ်…လူသားအားလုံးရဲ့ လူ့အခွင့်အရေးပါ…ကျမစောစောကပြောသလိုပဲ တရားဥပဒေစိုးမိုးရေးက လူသားအားလုံးရဲ့ လူ့အခွင့်အရေးကို ကာကွယ်ပေးရမယ်…နောက်ပြီး တရားစိုးမိုးရေးနဲ့ ပတ်သက်၍ နိုင်ငံသားဖြစ်မှုဆိုင်ရာ ဥပဒေတွေပါပါမယ်…ကျမတို့မှာ နိုင်ငံသားဖြစ်မှုဆိုင်ရာ ဥပဒေတွေရှိပါတယ်…မြန်မာနိုင်ငံမှာနေထိုင်တဲ့သူတိုင်းဟာ နိုင်ငံသားဥပဒေနဲ့ကိုက်ညီရင် နိုင်ငံသားဖြစ်ခွင့်ရှိကိုရှိရပါမယ်…ဒါပေမဲ့ ကျမတို့နောက်တဆင့်ထပ်ပြီး စဉ်းစားရမှာက လက်ရှိနိုင်ငံသားဥပဒေဟာ နိုင်ငံတကာစံနှုန်းနဲ့ကိုက်ညီမှုရှိရဲ့လားဆိုတာ ပြန်ဆန်းစစ်ရပါမယ်…ဒါကဒုတိယအဆင့်ပါ…ကျမထင်တဲ့ တရားဥပဒေစိုးမိုးရေးရဲ့ တတိယအဆင့်ကတော့ အခြေအနေတွေကို အထောက်အကူဖြစ်ဖို့ပါပဲ…တရားမဝင် နယ်စပ်ဖြတ်ကျော်မှုတွေမရှိအောင် သေသေချာချာလုပ်ရပါမယ်…ဒီလိုနယ်စပ်ဖြတ်ကျော်မှုတွေဟာ ပြဿနာကိုပိုဆိုးစေပါတယ်…ဘင်္ဂလားဒေ့ရ်ှက ဒီမူစလင်တွေဟာ မြန်မာပြည်ကလာတာ သူတို့ဟာ ဘင်္ဂလားဒေ့ရ်ှက လူတွေမဟုတ်ဘူးလို့ပြောတယ်…မြန်မာနိုင်ငံကလည်း အခုရောက်နေတဲ့သူတွေဟာ တကယ်တော့ဘင်္ဂလားဒေ့ရ်ှကနေ တရားမဝင်နယ်စပ်ဖြတ်ကျော်ပြီး ရောက်လာတာလို့ပြောတယ်…နယ်စပ်က အင်မတန်မှကို ယိုပေါက်တွေများလွန်းတော့ ဒီလိုပြောဆိုမှုတွေက မှန်သလားမှားသလားဆိုတာ သက်သေပြဖို့အင်မတန်ခဲယဉ်းပါတယ်…အခြေအနေတွေကို ထိန်းချုပ်ဖို့ တရားဥပဒေစိုးမိုးရေးအဆင့်တွေကို ဆောင်ရွက်နိုင်ပြီဆိုရင် ကျမတို့နောက်တဆင့်ကို သွားနိုင်ပါပြီ…တဖက်နဲ့တဖက် တင်းမာမှုတွေကိုထိန်းချုပ်ပြီး ပြန်လည်သင့်မြတ်ရေးဆိုတဲ့အဆင့်ပါ…ဒါတွေက နေ့ချင်းညချင်း လုပ်ယူလို့ရတဲ့အရာတွေမဟုတ်ပါဘူး…တဖကိနဲ့တဖက် တင်းမာမှုတွေက ဆယ်စုနှစ်ပေါင်းများစွာကြာခဲ့တာပါ…ရာဇဝတ်မှုတခုက်ို နည်းမှန်လမ်းမှန်နဲ့ မဖြေရှင်းနိုင်ခဲ့လို့ အခုလ်ိုတင်းမာမှုတွေက ပေါက်ကွဲကုန်တာဖြစ်တယ်…နှစ်ဖက်ကြား ဆယ်စုနှစ်ပေါင်းများစွာရှိလာခဲ့တဲ့ပြဿနာတွေ ဒီမှာလာစုတာပါ…ကျမ စွပ်စွဲတဲ့အသုံးအနှုန်းတွေ ဘာကြောင့်မသုံးနှုန်းတာလဲဆိုတော့ တဖက်နဲ့တဖက် စွပ်စွဲနေမဲ့အစား ပြဿနာတွေကို ဘယ်လိုပြေလည်အောင်ဖြေရှင်းမလဲဆိုတာ ခေါင်းအေးအေးထားပြီး စဉ်းစားကြစေချင်တယ်…စွပ်စွဲတယ်ဆိုတာ အမြဲတမ်းပြဿနာကိုမဖြေရှင်းပေးပါဘူး…တခါတရံတော့ မှန်ကန်တဲ့စွပ်စွဲမှုတွေလုပ်ရပါမယ်…ဘယ်အခါမှာလုပ်ရသလဲဆိုတော့ တိကျမှန်ကန်တဲ့ သက်သေသာရက ပြနိုင်တဲ့အခါမျိုးတွေမှာပါ…(ဒေါ်အောင်ဆန်းစုကြည်)-မူရင်း video ပိုင်ရှင်ကို ခရက်ဒစ်ပေးပါသည်။အမှန်တရားကို ဝေမျှပေးကြပါ…ပြန်ကူးတင်ကြပါ…-သက်နှင်း သုန္ဒရီ
Posted by သက်နှင်း သုန္ဒရီ on Sunday, 31 May 2015

အဖြေ (၁) နဲ့ (၃) ကိုသက်နှင်းသုန္ဒရီ Facebook မှ ကူးယူဖေါ်ပြထားပြီး အဖြေ (၂) ကို သက်နှင်းသုန္ဒရီ  Facebook က ဗွီဒယိုရုပ်သံဖိုင်ကို နားထောင်ကာ ကျွန်မက စာသားပြန်ရိုက်ပြီး တင်ပြထားပါတယ်။

ရွှင်လန်းချမ်းမြေ့ကြပါစေ.

စာပေဟောပြောပွနဲ့ ဂီတဖျော်ဖြေပွဲများ အပြီးမှာ

စာရေးဆရာ ညီမင်းညို၊ ဦးဘုန်း(ဓာတု)၊ စန္ဒရားဆရာ အကယ်ဒမီဦးတင်ဝင်းလှိုင်နဲ့ အဆိုတော် နှင်းရည်သန့်တို့ လေးဦးဟာ ဗိုလ်ချူပ်ရာပြည့် စာပေဟောပြောပွဲနဲ့ ဂီတဖျော်ဖြေပွဲအတွက် သြစကြေးလျားမှာ ၂၄ ရက်ကြာ လာရောက်သွားပြီးနောက် 24/05/15 ရက်မှာ ဆစ်ဒနီ နိုင်ငံတကာလေဆိပ်ကနေ မြန်မာပြည်ကို ပြန်လည်ထွက်ခွာခဲ့ပါတယ်။ ဒီ Album ထဲက ဓာတ်ပုံတွေကတော့ သူတို့ရဲ့ သြစကြေးလျားမြေမှ မထွက်ခွာမီ ဆစ်ဒနီ နိုင်ငံတကာ လေဆိပ်မှာ သွားရောက်ပို့ဆောင် နှုတ်ဆက်သူတွေနဲ့အတူ ရိုက်ထားတဲ့ အမှတ်တရပုံတွေပါ။ ၂၄ ရက်ဆိုတဲ့ အချိန်တိုတိုအတွင်းမှာ  ဆစ်ဒနီ၊ ကမ်ဘာရာ၊ ပါ့သ် နဲ့ မဲလ်ဘုန်း မြို့ကြီး လေးမြို့မှာ ရှိတဲ့ မြန်မာပရိတ်သတ်တွေကို သူတို့ ရောက်ရှိ ဟောပြောဖျော်ဖြေခဲ့ပါတယ်။

ရောက်သွားတဲ့ မြို့လေးမြို့စလုံးက ပရိတ်သတ်တွေ အားလုံးက သူတို့ရဲ့ တင်ဆက်မှုတွေကို ကျေနပ်အားရပြီး ၀မ်းသာပီတိ ဖြစ်ကြရပါတယ်။ စန္ဒရားဆရာ အကယ်ဒမီ ဦးတင်ဝင်းလှိုင်ဆိုရင် အစီစဉ်မှာ ပါတဲ့ဖျော်ဖြေရေးအတွက် သာမက အစီစဉ်မရှိ သီချင်းတိုက်ထားခြင်းမရှိဘဲ ကြားပေါက် ၀င်ဆိုတဲ့ အဆိုဝါသနာရှင်တွေအတွက်လည်း သီချင်းမျိုးစုံ သံစဉ်မျိုးစုံ ဘာသီချင်းလာလာ ဘယ်ကီးနဲ့ပဲဆိုဆို အဲဒီဆိုတဲ့သူရဲ့ အသံနဲ့ ကွက်တိဖြစ်အောင်  တီးပြသွားတာကို ရပ်သပ်ရှုမော ကြည့်ရှုခဲ့ရပါတယ်။ အဆိုတော် နှင်းရည်သန့်ဆိုရင်လည်း ဟိုအရင်က မေရှင်တို့ မေလှမြိုင်တို့ သီဆိုခဲ့တဲ့ သီချင်းတွေ အပါအ၀င် မြန်မာသံစဉ်သီချင်းတွေကို အဲဒီခေတ်က ဆိုထားတဲ့ မူရင်းအဆိုတော်တွေအတိုင်း ဆိုပြသွားခဲ့တယ်။ စန္ဒရားဆရာရဲ့အတီးနဲ့ အဆိုတော်ရဲ့အဆို နှစ်ခုပေါင်းလိုက်တော့ မြန်မာသံစဉ်ချစ်မြတ်နိုးသူတွေကို တကယ်ပဲ ကျေနပ်နှစ်သက်စေခဲ့ပါတယ်။

စာရေးဆရာ နှစ်ယောက်ရဲ့ ဟောပြောချက်တွေအနက် ကမ်ဘာရာနဲ့ မဲလ်ဘုန်းမှာ ဟောပြောတာတွေကို အွန်လိုင်းမှာ တင်ပေးသမား မရှိလို့ ဘာတွေ ပြောသွားတယ်ဆိုတာ ကျွန်မ မသိရသေးပေမဲ့ ဆစ်ဒနီနဲ့ ပါ့သ်မှာ ဟောပြောထားတာတွေကို ကြည့်ရင် တော်တော်လေး ကောင်းပါတယ်။  ပြည်တွင်းမှာ ဘယ်လိုအခက်အခဲကြားက ဘယ်လိုရင်ဆိုင် ကျော်ဖြတ်နေရတယ် ဆိုတဲ့ ပြည်တွင်းမှာ ဖြစ်ပျက်နေတဲ့ ပြည်သူလူထု အခြေအနေတွေ သူတို့ရင်ဆိုင်ရတဲ့ အခက်အခဲတွေကို ကျွန်မတို့ရင်ထဲ တကယ် သိမြင်ခံစားနားလည်အောင် သူတို့ အသိပေးနိုင်ခဲ့ပါတယ်။ လက်ရှိဖြစ်ပေါ်နေတဲ့ နိုင်ငံရေးအခြေအနေအပေါ် သူတို့ရဲ့ ရပ်တည်ချက်ကို ကျွန်မတို့ ကောင်းကောင်းသိခဲ့ရတယ်။

ဆစ်ဒနီမှာ ဟောပြောတဲ့ စာပေဟောပြောပွဲကို နားထောင်ပြီးနောက် နိုင်ငံခြားရောက် ပရိတ်သတ်ဖြစ်တဲ့ ကျွန်မတို့ကို ဒီလိုဟောရင် ပြည်တွင်းက ပရိတ်သတ်တွေကို ဘာတွေဟောထားလဲ ဆိုတာ သိချင်တာနဲ့ Youtube မှာ တင်ထားတဲ့ ဆရာဦးဘုန်း(ဓာတု) နဲ့ ဆရာညီမင်းညိုတို့ရဲ့ ပြည်တွင်းက ဟောပြောချက်တွေကို ကျွန်မ လိုက်နားထောင် တဲ့အချိန်မှာတော့ ဆရာတို့ရဲ့ သတ္တိနဲ့ ခံယူချက်ကို ပိုပြီးသိလိုက်ရပြီး ပိုပြီးလေးစားမိပါတယ်။ ပုသိမ်၊ မော်လမြိုင်၊ မြင်းခြံ။ မုံရွာ၊ တောင်ငူ၊ တာချီလိတ်နဲ့ တခြား မြို့ရွာ တွေမှာ ဟြောပြောထားတဲ့ ဟောပြောချက် အတော်များများကို ကျွန်မနားထောင်ခဲ့တယ်။ ကောင်းကောင်းမှတ်မိနေတာက ဆရာ ဦးဘုန်း(ဓာတု) ရဲ့ လက်အလှပြိုင်ပွဲ၊ မထင်မရှား မွေးလာကြသူများ၊ စောင်လေးတထည်၊ အရပ်ကောင်းမှ အလောင်းလှမည်၊ မောင် နဲ့ ဆရာညီမင်းညိုရဲ့ တိုင်းပြည်ရှင်ပြုချိန်၊ ဖတ်စေချင်လိုက်တာ အပါအ၀င် တခြားခေါင်းစဉ် မမှတ်မိဘဲ အကြောင်းအရာကို မှတ်မိနေတဲ့ ဟောပြောချက်တွေ အများကြီးရှိခဲ့ပါတယ်။ အဲဒီထဲမှာ ကျွန်မတို့ ဘလော့ဂ်လောကမှာ စာရေးပြီး Blogger ကနေ စာရေးဆရာမ ဖြစ်လာသူ မြသွေးနီရဲ့ ၀တ္တုတပုဒ်အကြောင်းကိုလည်း လက်တွေ့ဘ၀ကို ထင်ဟပ်စေတဲ့ ၀တ္တုအဖြစ် ချီးကျူး ပြောထားလို့ ၀မ်းသာရပါတယ်။ ဆရာတို့ နှစ်ယောက် ဟောထားတာကို လိုက်နားထောင်ရင်းနဲ့ အဲဒီမြို့တွေမှာ  ဆရာတို့နဲ့အတူ ဟောပြောကြတဲ့ ဆရာမောင်စိန်ဝင်း(ပုတီးကုန်း)၊ ဆရာမောင်သာချို၊ ဆရာချစ်ဦးညိုနဲ့ ဆရာမ မသီတာစမ်းချောင်း၊ နုနုရည်(အင်းဝ) တို့ရဲ့ ဟောပြောချက်တချို့ကိုလည်း ထပ်ဆင့်နားထောင်ဖြစ်သွားပြီး အဲဒီစာရေးဆရာတွေရဲ့ သတ္တိနဲ့ ခံယူချက်ကိုလည်း ထပ်ပြီးသိရပါတယ်။

ဒီမိုကရေစီ ပြုပြင်ပြောင်းလဲမှုကို မလိုလားတဲ့ အာဏာရှင်တွေဟာ သူတို့အာဏာ တည်မြဲရေးအတွက် ဗုဒ္ဓဘာသာကို လူမျိုး၊ ဘာသာ၊ ကျား/မ ခွဲခြားတဲ့ ဘာသာလို့ တခြားဘာသာဝင်တွေ ထင်ယောင်ထင်မှား ဖြစ်စေနိုင်တဲ့ မျိုးစောင့်ဥပဒေဆိုတာ အပါအ၀င် Issue အမျိုးမျိုးကို ဖန်တီးပြီး ဒီမိုကရေစီလိုလားတဲ့ ပြည်သူလူထုကိုေ၀၀ါးပြီး စိတ်အာရုံပြောင်းအောင် လုပ်နေတယ်။ လူ့အခွင့်အရေး အပြည့်အ၀ ရှိတဲ့ ဗုဒ္ဓဘာသာကို လူ့အခွင့်အရေးနဲ့ ဆန့်ကျင်ဘက်ဖြစ်တယ်လို့ လူ့အခွင့်အရေး ဏဂန်းတလုံးမှ နားမလည်တဲ့ ဘုန်းကြီးတချို့ကို အသုံးပြုပြီး ၀ါဒဖြန့်တယ်။ ဒါကြောင့်မို့ အာဏာရှင်ဟာ ကောက်ကျစ် ယုတ်မာစွာနဲ့ ဘာသာရေးမှိုင်းကို အသုံးပြုပြီး လက်ဦးမှု ယူလိုက်ပြီမို့ ကျွန်မတို့ ဘာမှ တတ်မနိုင်တော့ဘူးလို့ ကျွန်မ မြန်မာ့နိုင်ငံရေးကို ယူကျုံးမရ ခံစားရဖူးတယ်။ ဒီအချိန်မှာ  ပြည်သူလူထုကို မျက်စိဖွင့် လမ်းဖွင့်ပေးတဲ့ ဒီလို သတ္တိရှိပြီး ရပ်တည်ချက် မှန်ကန်တဲ့ စာရေးဆရာတွေ မြန်မာပြည်တွင်းမှာ ရှိနေသေးတာ သိရတဲ့အတွက် ကျွန်မ တကယ်ပဲ ၀မ်းသာမဆုံး ဖြစ်ရတယ်။  လက်ရှိအခြေအနေမှာ ပြည်သူလူထုကို အထိရောက်ဆုံး အသိပညာပေးနိုင်သူတွေဟာ ဒီလို သတ္တိနဲ့ ခံယူချက်ရှိတဲ့ စာရေးဆရာတွေသာ ဖြစ်တယ်ဆိုတဲ့အသိနဲ့ ကျွန်မ သူတို့ရဲ့ သတ္တိနဲ့ လုပ်ဆောင်ချက်၊ ခံယူချက်ကို ဘယ်လိုမှ မချိးကျူး မလေးစားဘဲ မနေနိုင်ဖြစ်ခဲ့ရပြီး ပြည်သူလူထုအတွက် အခုချိန်မှာ ကျွန်မတို့ မလုပ်ပေးနိုင်တာကို လုပ်ပေးနေတဲ့အတွက်လည်း တကယ်ကို ကျေးဇူးတင်မိပါတယ်။

ဗိုလ်ချူပ်ရာပြည့် စာပေဟောပြာပွဲနဲ့ ဂီတဖျော်ဖြေပွဲအတွက် သြစကြေးလျားကို စာရေးဆရာတွေနဲ့ အနုပညာရှင်တွေ လာသွားတဲ့ အချိန်က ရက်နဲ့တွက်ရင်သာ ၂၄ ရက်သာဖြစ်ပေမဲ့ Autumn (ဆောင်းကူးရာသီ) မှာရောက်လာပြီး ပြန်တဲ့အချိန်က Winter (ဆောင်းရာသီ) မှာဆိုတော့ အချိန်ရာသီအနေနဲ့ကြည့်ရင် သြစကြေးလျားနိုင်ငံရဲ့ Summer, Autumn, Winter & Spring ဆိုပြီး ရာသီဥတု လေးခုရှိတဲ့အနက် ရာသီနှစ်ခုကို သူတို့ တွေ့ကြုံဖြတ်သန်းသွားခဲ့ပါတယ်။ Autumn ရဲ့ မပူမအေးရာသီနဲ့ ဆောင်းရဲ့ အေးချမ်းမှု အရသာနှစ်ခုကို ထိတွေ့ ခံစားသွားခဲ့တယ်။ စာသင်ကျောင်းတွေ၊ သမိုင်းပြတိုက်တွေ၊ ပါလီမန်ဟောက်စ်တွေကို လေ့လာသွားတယ်ဆိုတာ သိရတဲ့အတွက်  သြစကြေးလျားမှာ ရှိတဲ့ မြန်မာကွန်မြူနီတီအကြောင်း သာမက သြစကြေးလျား လူ့အဖွဲ့စည်းနဲ့ ယဉ်ကျေးမှု၊ သမိုင်းနောက်ခံ၊ လက်ရှိနိုင်ငံရေး၊ စီးပွားရေး၊ လူမှုဘ၀ အခြေအနေနဲ့ သဘာဝပတ်ဝန်းကျင်ကိုလည်း အနည်းငယ်စီ လေ့လာသွားလိမ့်မယ်လို့ ကျွန်မ ယုံကြည်တယ်။ အဲဒီထိတွေ့ခံစားသွား လေ့လာသွားတဲ့အချက်တွေနဲ့ ပြည်တွင်းက ပရိတ်သတ်တွေကို ပြန်လည်မျှဝေရင်း မြန်မာပြည်ကိုတိုးတက်စေလိုတဲ့ ဆန္ဒတူညီသူ ပြည်တွင်းနဲ့ပြည်ပ ပရိတ်သတ်နှစ်ခုအကြား စာရေးဆရာတွေက ဆက်စပ်ပေးနိုင်လိမ့်မယ်လို့ မျှော်လင့်ပါတယ်။

ကျင်းပခဲ့တဲ့ ဗိုလ်ချူပ်ရာပြည့် စာပေဟောပြောပွဲနဲ့ ဂီတဖျော်ဖြေပွဲက အောင်မြင်တဲ့ပွဲဖြစ်ကြောင်း ဖြစ်မြောက်ရေးအဖွဲ့က နှုတ်ဆက်ပွဲနေ့မှာ ပြောသွားခဲ့ပါတယ်။ တခြားနိုင်ငံတွေမှာလည်း နိုင်ငံခြားရောက် မြန်မာတွေအနေနဲ့ မြန်မာပြည်တွင်းကို ကူညီဖို့အတွက် Fundraising လုပ်ဖို့အစီစဉ်နဲ့ မြန်မာပြည်က အနုပညာရှင်တွေကို ဖိတ်ဖို့ဆုံးဖြတ်ရင် ဖျော်ဖြေရေး တခုတည်းကိုပဲ မစဉ်းစားဘဲ အခုသြစကြေးလျားမျာ လုပ်သွားသလိုမျိုး ဂီတ အနုပညာသမားတွေနဲ့အတူတွဲပြီး စာရေးဆရာတွေကိုလည်း မဖြစ်မနေ ဖိတ်သင့်ပါတယ်။ ဘာကြောင့်လဲဆိုတော့ စာရေးဆရာတွေဆီက ရတဲ့အသိဟာ လူထုထဲက ထွက်လာတဲ့ ခံစားမှု ဘ၀အခြေအနေတွေ ဖြစ်တဲ့အတွက် တခြားကသိရတဲ့ အချက်တွေထက် ပိုခိုင်လုံပြီး အသေးစိတ်ကျပါတယ်။ ကျွန်မအတွက်တော့ စာပေဟောပြောပွဲက သိရတဲ့ အချက်အလက်သာမက ရတဲ့ရသဟာလည်း တခြားဘယ်အနုပညာက  ရတဲ့ရသနဲ့မှ နှိုင်းယှဉ်လို့ မရနိုင်ဘူး။ ဒါကြောင့်မို့ ဆစ်ဒနီမှာ နောက်ထပ်ပွဲတွေလုပ်ရင် အခုလိုပဲ စာပေဟောပြောပွဲကိုပါ အမြဲတမ်း ထည့်စေချင်တယ်။

ဆရာဦးဘုန်း(ဓာတု) ရဲ့ ဟောပြောချက်ထဲကအတိုင်း "မျိုးချစ်စိတ်အတုတွေနဲ့ လူမျိုးအချင်းချင်း ညှင်းဆဲခံနေရတဲ့ဘ၀၊ ဒီမိုကရေစီအတုကို ရွှေလိုဥပြီး ယုယနေရတဲ့ဘ၀၊ ဥပဒေအတုတွေနဲ့ ရှိစုမဲ့စု လုယူခံနေရတဲ့ဘ၀" က မြန်မာပြည် အမြန်ဆုံးလွတ်မြောက်ပါစေလို့ ဆုတောင်းရင်း   ဗိုလ်ချူပ်မွေးနေ့ရာပြည့် စာပေဟောပြောပွဲနဲ့ ဂီတဖျော်ဖြေပွဲ ဖြစ်မြောက်ရေးအဖွဲ့နဲ့ လာရောက် ဖျော်ဖြေတီးခတ်သီဆို သွားတဲ့ အကယ်ဒမီ စန္ဒရားတင်ဝင်းလှိုင်၊ အဆိုတော်နှင်းရည်သန့်၊ စာရေးဆရာ ညီမင်းညို Nyi Minn Nyo​နဲ့ ဦးဘုန်း(ဓာတု) Uphone Dhartu​ တို့ကို အထူးကျေးဇူးတင်ပါတယ်။

ရွှင်လန်းချမ်းမြေ့ကြပါစေ