သားပေးတဲ့ မိခင်မျာျးနေ့ လက်ဆောင်

Happy Mothers Day!!! I Love You!!

You always give me my wants and needs,
And even though I might not exceed to your expectations,
You gave me everything toys games and even education,
Helped me with all my problems and incidents that I was facing,
No matter how simple bad the problem was,
You were always there for me and gave me much love,
A mum like you is irreplaceable,
Who's going to give me food on the table,
Who will help me through rough days if I'm not able,
Everything you did was always for me in the first place,
And all the steps that you took, I won't be able to retrace,

"I know it's not easy for a woman to raise a man,
There's no way I can pay you back, and for that my plan is to show you that I understand
You are appreciated" - Tupac Shakur

I love you mum

Toee Nanda Oo

ဆက်ဖတ်ရန်>>

ရန်အောင် မေသန်းနုနဲ့ ၂၀၁၃ ခုနှစ် ဆစ်ဒနီသင်္ကြန်

နှစ်စဉ်နှစ်တိုင်း ဆစ်ဒနီသင်္ကြန်ကို ဒီမှာရှိတဲ့ ဆိုတတ်ကတတ်သူတွေနဲ့ပဲ ကျင်းပလာခဲ့ရာကနေ ဒီနှစ်တော့  မြန်မာပြည်က အကယ်ဒမီ ရုပ်ရှင်မင်းသမီး၊ မင်းသားတွေဖြစ်တဲ့ မေသန်းနုနဲ့ ရန်အောင်တို့ကို ဖိတ်ပြီး ထူးထူးခြားခြား ကျင်းပတော့ ပွဲက စည်သည်ထက် ပိုစည်သွားပါတယ်။ ဒီနှစ် ဆစ်ဒနီမြန်မာသင်္ကြန်ကတော့  သင်္ကြန်ပြီးမှ ကျင်းပတော့ အခါလွန်တဲ့မိုး အငြိုးနဲ့ရွာ ဆိုသလိုပဲ ဖြစ်မယ် နောက်ကျမှ ကျင်းပပေမဲ့ ပျိုပျိုအိုအို အားလုံးက နှစ်တိုင်းကျင်းပနေကျ သင်္ကြန်တွေမှာထက် ပိုပြီးပျော်နေကြတာ တွေ့ရပါတယ်။ ပြီးတော့ ဘာကြောင့်ရယ်မသိ ပွဲလာကြည့်သူ အများစုဟာ formal ကျတဲ့အ၀တ်ကောင်းစားလှတွေကို ၀တ်ဆင်လာကြပြီး မိတ်ကပ် ကောင်းကောင်းမွန်မွန် ချယ်သလာကြသူတွေ များတာကို တွေ့ရပါတယ်။ ပွဲမစခင် အပေါ့အပါးသွားကြတဲ့အချိန်မှာ တွေ့ရတဲ့ အမျိုးသမီး ပျိုပျို အိုအိုမှန်သမျှဟာ ရေအိမ်သုံးတာထက် အလှဆင်ဖို့ဝင်လာကြတဲ့အချိန်က ပိုများနေတာ တွေ့ရပြီးနောက် ကိုယ့်ကိုယ်ကိုယ် ပြန်ကြည့်တော့လည်း ပြီးခဲ့တဲ့ပတ်က မဲလ်ဘုန်းသွားလည်တုန်းက လုပ်ဖေါ်ကိုင်ဖက်ဟောင်း အသိတယောက် လက်ဆောင်ပေးလိုက်တဲ့ ချိတ်ထမိန်တထည်ကို သွားချုပ်ဖို့ အချိန်မရလို့ အလုပ်ကအပြန် ပွဲလာခါနီးမှ ကတန်းကတမန်း လက်ချူပ်အပ်နဲ့ ချူပ်ပြီး ၀တ်ကာ အပေါ်က သူနဲ့အရောင်လိုက်ဖက်တဲ့ မြန်မာရင်ဖုံးအကျီင်္ တွဲဖက်ဝတ်ထားလို့ မှန်ထဲမှာ အရောင်တောက်နေတာ တွေ့လိုက်တော့မှ ကိုယ်ကိုယ်တိုင်လည်း ကျန်တဲ့သူတွေနဲ့ ဘာမှမကွာပါလားဆိုတာ သတိထားမိပြီး သူများကို မြင်နေတဲ့ အမြင်တွေကို ဘရိတ်အုပ်လိုက်ရတယ်။

  ရန်အောင်ရဲ့ မြန်မာသံစဉ်သီချင်းတွေ၊ ၀င်းဦးသီချင်းတွေနဲ့ သင်္ကြန်သီချင်းတွေကြားမှာ မြောပါသွားလိုက်တာ ပွဲတောင် မပြီးစေချင်ဘဲ ပွဲပြီးသွားတော့ တသသနဲ့ ကျန်ခဲ့တယ်။ ငယ်ငယ်က ရွာက ဇာတ်ပွဲတွေမှာ ကတဲ့ နှစ်ပါးသွားမင်းသား သီဆိုကပြလေ့ရှိတဲ့ ပွဲကြိုက်ခင် သီချင်းကိုစွဲခဲ့စဉ်က အကြောင်းကို ပြေးပြီးသွားသတိရမိတယ်။ နောက်ပတ် မဲလ်ဘုန်းမှာ ဖျော်ဖြေမယ်ဆိုတော့ ဖြစ်နိုင်ရင် မဲလ်ဘုန်းအထိတောင် လိုက်ကြည့်ချင်ပါတယ်။ ဒီမှာလာသွားတဲ့ အဆိုတော်တွေ၊ ရုပ်ရှင် မင်းသမီးမင်းသားတွေထဲမှာ မြန်မာသံစဉ်ကို ရန်အောင်လောက် အဆိုကောင်းတာ တယောက်မှ မတွေ့သေးဘူး။ အိပ်မက်စေတမန်သီချင်းတခုမှာပဲ အသံနည်းနည်းထောက်နေတာကလွဲရင် တခြားသီချင်းတွေ အားလုံးဟာ တကယ့်မူရင်း ဆိုတဲ့သူတွေအတိုင်းကို နားထောင်လိုက်ရပါတယ်။ သင်္ကြန်သီချင်းတွေဆိုရင်လည်း ဇော်ဝမ်းအတိုင်း၊ ၀င်းဦးသီချင်းတွေဆိုလည်း ၀င်းဦးအတိုင်း တခြားမြန်မာသံစဉ် သီချင်းတွေဆိုရင်လည်း ရေဒီယိုထဲမှာ ငယ်ငယ်က နားထောင်ခဲ့ရတဲ့ မူရင်းအသံရှင်တွေ ဆိုတဲ့အတိုင်း ဆိုနိုင်တာ ရန်အောင်တယောက်ပဲ တွေ့သေးတယ်။ ဆစ်ဒနီမှာ နောက်ထပ် ပွဲတော်တွေ ကျင်းပဖို့ရှိရင် မြန်မာသံစဉ်အတွက် အမျိုးသားအဆိုတော် ဖိတ်ဖို့လိုရင် ရန်အောင်ကိုပဲ ထပ်ဖိတ်ကြဖို့ ပွဲတော် စီစဉ်သူအားလုံးကို အကြံပြုချင်ပါတယ်။

ပွဲ တင်ဆက်ပုံကလည်း ရှေ့မှာ တခြား မြန်မာသံစဉ်၊ ခေတ်ပေါ်သံစဉ် ၀င်းဦးသီချင်း စသည်ဖြင့် တမျိုးပြီးတမျိုး တင်ဆက်သွားပြီး နောက်ဆုံးမှာမှ သင်္ကြန်သီချင်းတွေကို တင်ဆက်သွားတာကို တွေ့ရတယ်။ ရန်အောင်နဲ့ မေသန်းနု အစီစဉ်တခုနဲ့တခုကြား အ၀တ်လဲနေစဉ်မှာ ဆစ်ဒနီမြန်မာ အနုပညာဝါသနာရှင်တွေ တင်ဆက်တဲ့ အဆိုအကတွေကလည်း  လာသမျှ အနုပညာရှင်တွေ ချီးကျူးသွားကြတာ ပွဲတိုင်းမှာ ကြားရပြီး အခုလည်း ရန်ကုန်က ကလေးမလေးတွေတောင် မြန်မာအကကို ဒီလောက်ကတတ်ဖို့ မလွယ်ဘူးလို့ ရန်အောင်ကိုယ်တိုင် ချီးကျူးသွားတောကို တွေ့ရတယ်။ တင်ဆက်တဲ့ သီချင်းတွေက ခေတ်ဟောင်းခေတ်ပေါ်၊ လူကြီးအကြိုက် လူငယ်အကြိုက် အကုန်ပါပြီး အစီစဉ်တင်ဆက်ရာမှာ တခြားအစီစဉ်တွေကို အရင်တင်ဆက်ပြီး သင်္ကြန်ကို နောက်ဆုံးမှ တင်ဆက်ကာ သင်္ကြန်သီချင်းတွေကို ရောက်တာနဲ့ ပရိတ်သတ်တွေပါ ၀င်ကကြပြီး နှုတ်ခွန်းဆက်သီချင်းနဲ့ အဆုံးသတ်သွားတော့ ပွဲကြည့်သူတွေမှာ ပွဲပြီးလို့ ပြီးမှန်းမသိ လွမ်းတသသနဲ့ ကျန်ခဲ့အောင် လုပ်သလို ဖြစ်နေတော့ ဒီလိုတင်ဆက်တာကိုကပဲ အစီစဉ်တင်ဆက်တာ အိုင်ဒီယာကောင်းတယ်လို့ မှတ်ချက်ချပါတယ်။ အဆိုတွေ အကတွေနဲ့ ဓာတ်ပုံတွေကို ဆက်လက်ကြည့်ရှုနိုင်ပါတယ်။

မြန်မာ့စိတ်ရင်း မြန်မာ့ရှုခင်း





နှစ်ကိုယ်တူ ချစ်သမျှ


တိမ်လွှာမို့မို့လွင်သီချင်းကို စဉ်ပေါ်မှာ မဟုတ်ဘဲ စဉ်အောက်မှာ ဆင်းဆိုနေတော့ အစမှာတော့ အသံပဲအရင်လာပြီး လူကတော့ ခန်းဆီင်္းနောက်က ဆိုနေတယ်ထင်နေတာ နောက်မှာ အောက်မှာ ဆင်းဆိုနေတာ တွေ့ရတယ်။ စဉ်အောက်မှာ ဆိုနေတာ ဖြစ်တဲ့အတွက် ဘေးနားမှာ လူတွေဝိုင်းအုံနေတော့ ရန်အောင်ပုံကို တော်တော်နဲ့ မရလိုက်ဘူး အသံကိုပဲ အဓိကထား နားထောင်လို့ရအောင် ရိုက်ထားပါတယ်။


ဆည်းဆာ



ရွှေဘိုသနပ်ခါး- ကနေတဲ့သူက ဆစ်ဒနီရောက် မင်းသမီးဟောင်းတဦး ဖြစ်တယ်။ ဒီပွဲတော်မှာ အခမ်းအနား အစီစဉ် ကြေညာသူ သုံးဦးထဲထဲက တဦးလည်းဖြစ်တယ်။



သင်္ကြန် နောက်ဆုံးအစီစဉ် - သင်္ကြန်သီချင်းနဲ့ နောက်ဆုံးမှ ကတော့ ၀င်းဦးသီချင်းအစီစဉ် စတဲ့အချိန်ကတည်းက ကျွန်မ ကင်မရာမှာ မင်မိုရီကုန်သွားလို့ ဒါလေးတောင် တခြားပုံတွေ လိုက်ဖျက်ပြီး ရိုက်ထားရတယ်။ နောက်ဆုံးအစီစဉ်ဖြစ်လို့ ပရိတ်သတ်တွေလည်း ၀င်ကနေကြပြီး ပရိတ်သတ်နဲ့ ဖျော်ဖြေသူ မကွဲတော့တဲ့ အချိန်ဖြစ်တယ်။ ကနေတဲ့ ပရိတ်သတ်ထဲမှာ နာရေးကူညီမှုအသင်း ရန်ကုန်က ဒေါ်ရွှေဇီးကွက်ကိုလည်း တွေ့ရပါတယ်။ ပွဲကို အခုမြင်နေရတဲ့ဒီအတိုင်းပဲကပြီး နှုတ်ခွန်းဆက်သီချင်းနဲ့ အဆုံးသတ်သွားပါတယ်။ နောက်ပတ် စနေနေ့ မေလ ၄ ရက်နေ့ကျရင် ညနေ (၅) နာရီကနေကနေ (၁၀) နာရီအထိ ဒီဟောခန်းမ၊ ဒီနေရာ (Bowman Hall, Civic centre, Campbell Street, Blacktown) မှာပဲ နာရေးကူညီမှုအသင်း (ရန်ကုန်) က ကိုကျော်သူနှင့် ဆစ်ဒနီမြန်မာ တွေ့ဆုံပွဲရှိကြောင်း ဘယ်သူမှ ကြော်ငြာခိုင်းတာ မဟုတ်ဘဲနဲ့ ကြုံလို့ ကြော်ငြာပေးလိုက်ပါတယ်။


တချိန်က နာမည်ကျော်ကြားခဲ့တဲ့ ဆစ်ဒနီရောက် အဆိုတော်တဦးနဲ့ တွဲဆိုစဉ်
 ရန်အောင်နဲ့ တွဲဆိုနေသူကတော့ မအေးမြသီတာတဲ့ တချိန်က နာမည်ကျော်ကြားခဲ့တဲ့ ဆစ်ဒနီရောက် မြန်မာ အမျိုးသမီး အဆိုတော်တဦးဖြစ်သသလို ရန်အောင် အတော်ကြိုက်တဲ့ အဆိုတော်လို့ ပြောပါတယ်၊ မအေးမြသီတာက ဒီသီချင်းကို အဆိုတော် စိန်လွင်နဲ့ အတူတွဲဆိုခဲ့တဲ့ သီချင်းလို့ ပြောတယ်။ ဆစ်ဒနီရောက် အဆိုတော်နဲ့ တွဲဆိုထားတာ ဖြစ်လို့အမှတ်တရ ရိုက်ယူခဲ့ပါတယ်။ နှစ်ပုဒ်ဆိုခဲ့ပေမဲ့ ကျွန်မ သိတဲ့သီချင်းထဲက မဟုတ်တဲ့အတွက် တပုဒ်ပဲ ရိုက်ယူထားခဲ့ပါတယ်။ 


အောက်က ဗွီဒီယိုက လောကနတ်အဖွဲ့က ရိုက်ယူထားတဲ့ သင်္ကြန်အစီစဉ် ဖြစ်ပြီး ပိုမိုပြည့်စုံလို့ ပြန်ကူးယူဖေါ်ပြလိုက်ပါတယ်။


ဓာတ်ပုံတွေကို ဆက်လက်ကြည့်ရှုနိုင်ပါတယ်။

ရန်အောင်က မြန်မာ့ရှုခင်း မြန်မာ့စိတ်ရင်းအပါအ၀င် မြန်မာသံစဉ်သီချင်းများဖြင့် သီဆိုဖျော်ဖြေနေစဉ်


မေသန်းနုက မြန်မာသံစဉ်သီချင်း တချို့နဲ့ ဖျော်ဖြေနေစဉ်


ရန်အောင်နဲ့ မေသန်းနု ခေတ်ပေါ်သီချင်း စုံတွဲသီချင်းတပုဒ်နဲ့ ဖျော်ဖြေနေစဉ်


ရန်အောင်က ဂျင်းဘောင်းဘီသီချင်းနဲ့ ဖျော်ဖြေနေစဉ်


ဆစ်ဒနီရောက် အဆိုတော်ဟောင်းတဦးဖြစ်သူ မအေးမြသီတာနဲ့အတူ မအေးမြသီတာ ခေတ်က စိန်လွင်နဲ့ သီဆိုခဲ့တဲ့ သီချင်းတပုဒ်ကို ရန်အောင်နဲ့ တွဲဆိုပြီး ဖျော်ဖြေနေစဉ် (ဗွီဒီယိုပါ တင်ထားပါတယ်)




 ပွဲတော်ကျင်းပရာ Blacktown ဧရိယာ မြို့တော်ဝန်ကလည်း ဖျော်ဖြေရေး အစီစဉ်ခဏနားတဲ့အချိန်မှာ အမှာစကားနဲ့ ကျေးဇူးတင်စကား ပြောသွားခဲ့ပါတယ်။ မြို့ဝန်က ဒီပွဲတော်နဲ့ ပတ်သက်ပြီး ဖျော်ဖြေသူတွေရဲ့ အရည်ချင်းနဲ့ ပရိတ်သိတ်တွေရဲ့ အားပါးတရ အားပေးမှုတွေကို တွေ့ရတော့ ၀မ်းသာအားရကြောင်း ချီးကျူးစကား ပြောခဲ့ပြီး သူက သြစကြေးလျားမှာ နိုင်ငံခြားက ပြောင်းရွှေ့နေထိုင်လာတဲ့ မိသားစု နောက်ခံကလာသူ တဦးဖြစ်တော့ ဘယ်ကိုပဲ ရောက်နေရောက်နေ နိုင်ငံခြားရောက်နေတဲ့ မိမိတို့ ကလေးတွေအတွက် မိခင်ဘာသာစကားကို တတ်မြောက်ဖို့ဟာ အရေးကြီးကြောင်းကို သီရိလင်္ကာက သူ့အသိ မိတ်ဆွေတွေရဲ့ မတူတဲ့ နိုင်ငံမှာ ရောက်နေတဲ့ ကလေးတွေအချင်းချင်း မိခင်ဘာသာစကား မတတ်လို့ အချင်းချင်း ကွန်မြူနီကိတ်လုပ်လို့မရတာကို ဥပမာပေးပြီး ပြောပြသွားပါတယ်။  မြန်မာကွန်မြူနီတီအနေနဲ့ မြန်မာကလေးတွေ မြန်မာလိုတတ်ဖို့အရေး မ မဖြစ်မနေ လုပ်ပေးဖို့ လိုအပ်ကြောင်း၊ သူ့အနေနဲ့ မြန်မာကွန်မြူနီအပါအ၀င် အင်္ဂလိပ်ဘာသာစကားဟာ ဒုတိယဘာသာစကား ဖြစ်သူတွေ အားလုံးအတွက် မိခင်ဘာသာစကား တတ်မြောက်ဖို့ အရေး အစီစဉ်တွေကို အစွမ်းကုန် အားပေး ဆောင်ရွက်ပေးသွားမှာ ဖြစ်ကြောင်း အပါအ၀င် မြန်မာကွန်မြူနီတွေ စုစုစည်းစည်းနဲ့ လုပ်နိုင်ဖို့ အကြံပြုမှုတချို့ ပေးခဲ့ပါတယ်။

 မြို့တော်ဝန် အမှာစကား ပြောကြားစဉ်

ဝင်းဦးရဲ့ တိမ်လွှာမို့မို့လွင် သီချင်းကို ဆိုစဉ်

မင်္ဂလာဦးသီချင်းကို ဆိုပြီး မြနမာ့ရိုးရာ မင်္ဂလာဆောင်ပုံ သရုပ်ဖေါ်ပြစဉ်

နကိုယ်တူချစ်သမျှ သီချင်းဆိုစဉ်

 ၀င်းဦး အကယ်ဓမီရခဲ့တဲ့ ဇာတ်ကားက မှုန်ရွှေရည် သီချင်းကို ရန်အောင်က ဆိုပြီး မေသန်းနုက ကပါတယ်

 

တူးပို့တူးပို့ သီချင်းကို ရန်အောင်က ဆိုပြီး ဆစ်ဒနီရောက် အမျိုးသမီးတဦးက ကစဉ်

  ရန်အောင်က သင်္ကြန်သီချင်းတပုဒ်ဆိုစဉ် ကလေးတွေကို အကသင်ပေးတဲ့ ဆစ်ဒနီမင်းသမီး မ၀င်းဝင်းမူက ကပါတယ် (သီချင်းနာမည် မေ့နေလို့ နောက်မှ ပြန်မေးပြီး ဖြည့်ပေးမယ်)

ဒေါက်တာကျော်မြင့်က မ၀င်းဝင်းမူကို ပန်းကုံးစွပ်ပြီးတဲ့အချိန်

မမကိုယ်တိုင်က သီချင်းကို ရန်အောင်က ဆိုပြီး မေသန်းနုက ကစဉ်

မေသန်းနုက သင်္ကြန်သီချင်း တပုဒ်ဆိုပြီး ဆစ်ဒနီရောက် မိန်းကလေးများမှ ကစဉ်

ရန်အောင်က သင်္ကြန်သီချင်းတွေကို ဆက်ဆိုပြီး ကျန်တဲ့သူတွေက ဆက်ကကာ ပရိတ်သတ်တွေပါ ၀င်ကပြီး ပွဲတော်ကို ည ၁၁ နာရီခွဲမှာ အဆုံးသတ်ခဲ့ပါတယ်

ဝင်ကတဲ့ ပရိတ်သတ်ထဲမှာ ဒေါ်ရွှေဇီးကွက်လည်း ပါတယ်

ဘလော့ဂ်မှာ ပွဲလာကြည့်သူ အားလုံးကို ကျေးဇူးတင်ပါတယ်။ ပွဲလာကြည့်သူတွေထဲမှာ Facebook မိတ်ဆွေများ ပါပါက Fb ဟာ မိတ်ဆွေဟောင်းတွေနဲ့ ပြန်လည် ဆက်သွယ်ရဖို့ ရည်ရွယ်ပြီး ကျွန်မ ဖွင့်ခဲ့ပေမဲ့ fb ထဲကို ၀င်ပြီးရင် ပြန်ထွက်ရခက်တဲ့ရောဂါနဲ့ သုံးနေစဉ် တခြားလုပ်သင့်လုပ်ထိုက်တဲ့ အလုပ်တွေ မလုပ်ဖြစ်ဘဲ ပျက်ကွက်ခဲ့တာ များလာတာကတကြောင်း၊ လတ်တလော အလုပ်များလွန်းတာကတကြောင်းကြောင့်  facebook က ခဏ အနားယူထားကြောင်း အသိပေးအပ်ပါတယ်။

 နှစ်သစ်မှာ အားလုံး မင်္ဂလာအပေါင်းနဲ့ ပြည့်စုံကြပါစေ

ဆက်ဖတ်ရန်>>

အဘ မြ၀တီ ရဲခေါင်အမှတ်တရ

Dear all staff

This is a list of some useful words which could be requested by Mr Ye Goung. He is quite orientated with person, place and what he wants. He will point out what he wants in this list as he couldn't speak clearly. When you talk to him please keep your mouth close to his left ear otherwise he wouldn’t hear you. I think it will be helpful to communicate between staff and Mr Ye Goung.

With regards 
 (1)ဟုတ်ကဲ့ - Yes

(2) မဟုတ်ဘူး  - No

(3) ရေသောက်ချင်တယ်  (3) I’m Thirsty-

(4) ဗိုက်ဆာတယ် (4) I am hungry

(5) နာတယ် Pain

 
  အဘဦးရဲခေါင် ကွယ်လွန်ခဲ့တဲ့ တလပြည့်နေ့မှာ အဘဆုံးတဲ့နေ့က သူဆုံးတဲ့ လူအိုရုံကနေ ကျွန်မပြန်ယူလာခဲ့တဲ့ သူနာပြုတွေနဲ့ အဘအကြား ပြောဆိုဆက်ဆံရေးမှာ လွယ်ကူချောမွေ့အာင် သူနာပြုတွေကို အဘလိုအပ်တာ ထောက်ပြပြီး ပြောဖို့ လိုအပ်တဲ့ အကြောင်းအရာ တဆယ်ကျော်ခန့် ကျွန်မရေးထားပေးတဲ့ စာရွက်လေးကို ပြန်ကြည့်ဖြစ်ပြီး အဘရဲ့ ပုံရိပ်တွေကို ပြန်မြင်ယောင်လာတယ်။ အဘ ဆုံးခါစကတော့ အဘဆီ ကျွန်မ နေ့တိုင်းလိုလို ရောက်နေပြီး မရောက်ဖြစ်တဲ့ နေ့မှာမှ အဘတယောက် ကျွန်မ မထင်မှတ်ထားတဲ့အချိန်မှာ ရုတ်တရက် ဆုံးသွားတာကို မယုံကြည်နိုင်အောင် ဖြစ်ရပြီး သူ့ရဲ့နောက်ဆုံးထွက်သက်အချိန်မှာ ကျွန်မအဘဘေးနားမှာ မရှိလိုက်တာကို ယူကျုံးမရ ဖြစ်ရလို့ ဆုံးပြီး တပတ်နှစ်ပတ်အတွင်း အဘနဲ့ပတ်သက်ပြီး  ဘာမှပြောနိုင် ရေးနိုင်စွမ်း မရှိတော့လောက်တဲ့အထိ ကျွန်မကို စိတ်မကောင်း ဖြစ်ခဲ့ပါတယ်။

 အဲဒီအချိန်က အဘသားအငယ် ကိုနေလင်းကို အဘနောက်ဆုံးထွက်သက်အချိန်မှာ ဘယ်လိုအခြေအနေ ရှိခဲ့လဲလို့ ကျွန်မမေးကြည့်တော့ "မငယ်ရေ ဖါးသားကြီးအတွက်တော့ ဘာမှ မပူပါနဲ့ သေတာ အပြုံးတောင်မပျက်ဘူး သူအသက်မထွက်ခင်မှာ ကျွန်တော်အပါအ၀င် ဘေးနားမှာ ရှိနေသူအားလုံးကို ဘိုင့်ဘိုင်တွေဘာတွေ ပြောပြီးတောင် လက်ပြနှုတ်သွားသေးတယ် ဖါးသားကြီးကတော့ မနိုင်ဘူး. သူ့လက်ကို ကျွန်တော်ကိုင်ပေးထားပြီး တရားခွေ ပေးနားထောင်ထားတဲ့အချိန်မှာ သိပ်မကြာလိုက်ဘူး အသက်ပြင်းပြင်း သုံးကြိမ်လောက်ပဲ ရှူပြီး အေးအေးဆေးဆေးပဲ အသက်ထွက်သွားတယ်" လို့ အရယ်တ၀က်နဲ့ သူ့အဖေရဲ့ နောက်ဆုံးထွက်သက်အချိန်ကို ပေါ့ပေါ့ပါးပါးပဲ ပြန်ပြောပြတော့ အဘ ဘ၀ကူးကောင်းကြောင်း သိရလို့ အနည်းငယ် စိတ်သက်သာရာ ရခဲ့ပါတယ်။ 

အဘရဲ့ ဈာပနအခမ်းအနား ကျင်းပတဲ့နေ့က အဘရဲ့ခန္ဓာကိုယ် ရုပ်ကလပ်ကို နောက်ဆုံးနှုတ်ဆက် ဂါရ၀မပြုမီ အနည်းငယ် ပိုနေသေးတဲ့အချိန်မှာ အခမ်းအနားမှူးက မိမိဖြတ်သန်းခဲ့တဲ့ ဘ၀မှာ အဘနဲ့ ပတ်သက်ပြီး အမှတ်တရလေးတွေ ရှိရင်မိနှစ်အနည်းငယ်စီ ပြောကြဖို့  ခွင့်ပေးတော့ တော်လှန်ရေး သို့မဟုတ် စာပေလောကမှာ အဘနှင့်အတူ ဖြတ်သန်းလာသူ တချို့က သူတို့ကြုံတွေ့ရတဲ့ အမှတ်တရလေးတွေကို လွမ်းလွမ်းဆွေးဆွေး ပြောပြကြပါတယ်။ ကျွန်မကတော့  တခြားသူတွေနဲ့လို အနှစ်နှစ်အလလက  သိကျွမ်းခင်မင် ရင်းနှီးလာသူလည်း မဟုတ် လုပ်ဖေါ်ကိုင်ဘက် ဖြစ်ဖူးသူလည်း မဟုတ်တော့ ပုံမှန်အတိုင်းဆို ပြောစရာ ဘာမှ မရှိလောက်ပေမဲ့ အဘနဲ့ ပတ်သက်ပြီး ကျွန်မမှာ ရင်နဲ့မဆံ့အောင် ပြောချင်စရာတွေ ရှိနေခဲ့ပါတယ်။ ဒါပေမဲ့ အဲဒီနေ့က အဘအကြောင်း ပြောဖို့နေနေသာသာ အခမ်းအနား ပြီးခါနီးအချိန် ရောက်လေ ရင်ထဲကအလုံးကြီးက ပိုပြီးဆို့နစ်လာလေ ဖြစ်နေတော့ ဘေးနားကလူတွေ နှုတ်ဆက်ရင်တောင် ပြန်ပြောနိုင်စွမ်း မရှိတော့လောက်အောင်ကို ကျွန်မလျှာတွေကို လေးလံ၊ ဆွံ့အ၊ တုံ့ဆိုင်းစေခဲ့ပါတယ်။ အခုအဘဆုံးတာ တလကြာတဲ့အခါမှာတော့ တသက်လုံး မိမိအကျိုး၊ မိသားစုအကျိုးထက် အများအကျိုးကိုသာ ဦးစားပေးခဲ့တဲ့ အဘတယောက် ကောင်းရာဘုံဘ၀မှာ ရောက်ရှိနေလိမ့်မယ်ဆိုတာ ယုံကြည့်လို့ စိုးရိမ်မှုတွေ၊ ပူဆွေးမှုတွေ သူဆုံးခါစကလောက် မရှိတော့တဲ့အတွက် အဘနဲ့ပတ်သက်တဲ့ အမှတ်တရလေးတွေကို ပြန်ပြောနိုင်ပါပြီ။
 
အဘကို ကျွန်မ စတွေ့ဖူးတာက သြစကြေးလျားနိုင်ငံကို ကျွန်မတို့ ရောက်ပြီးနောက်ပိုင်း အခုသူ့အတွက် တလပြည့်ဆွမ်းကပ်တဲ့ ဆစ်ဒနီမြန်မာ ဘုန်းတော်ကြီးကျောင်းမှာပဲ ၂၀၀၂ နှစ်ရဲ့ နှစ်သစ်ကူး အခမ်းအနားမှာ ဖြစ်တယ်။ အဲဒီအခမ်းအနားမှာ အဘအပါအ၀င် သက်ကြီးရွယ်အိုတွေက နှစ်သစ်မင်္ဂလာ သြ၀ါဒစကားချွေကြပြီး နှစ်သစ်အတွက် ဆုတောင်းမေတ္တာ ပို့သပေးကြပါတယ်။  ကျွန်မတို့ ဆစ်ဒနီမြန်မာ ကွန်မြူနီတီမှာ ကျင်းပတဲ့ အခမ်းအနားတွေ ပွဲတွေထဲမှာ ရှစ်လေးလုံးတို့လို နိုင်ငံရေး အခမ်းအနားတွေမှာသာ နိုင်ငံရေးနဲ့သက်ဆိုင်တဲ့သူနဲ့ စိတ်ဝင်စားသူတွေသာ လာကြပေမဲ့ ဒီလို ဘာသာရေး၊ ယဉ်ကျေးမှုစတဲ့ အခမ်းအနားတွေကျတော့ နောက်ခံပေါင်းစုံက မြန်မာနိုင်ငံသားတွေလာကြပြီး ဒီလိုအခမ်းအနားမျိုးတွေမှာ စကားပြောကြသူတွေဟာ နိုင်ငံရေးအကြောင်းတို့ စစ်အာဏာရှင်အကြောင်းတို့ကို ပြောခဲပါတယ်။ လာကြတဲ့ လူတွေကလည်း နိုင်ငံရေးကို အကြောင်းပြုတဲ့ အခမ်းအနားတွေထက် ဒိလိုအခမ်းအနားမျိုးမှာ လူပိုများလေ့ရှိပါတယ်။

 ဒီလို နောက်ခံပေါင်းစုံက သူတွေပါတဲ့အခမ်းအနားတခုမှာ နှစ်သစ်ဆုတောင်းကို တခြားသူတွေ ဆုတောင်းတွေနဲ့မတူ တမူထူးခြားစွာ ဆုတောင်းသူ အဘကို အဲဒီအခမ်းအနားမှာ စတွေ့ဖူးပြီး ထူးထူးခြားခြား သတိထားမိသွားပါတယ်။ အဲဒီအချိန်က ကျွန်မတို့က သြစကြေးလျားကို ရောက်ခါစ ဖြစ်ပြီး သားကလည်း ငယ်သေးတော့ ကျွန်မက ဟောခန်းမထဲမ၀င်ဘဲ ခန်းမအပြင်ဘက်ကနေပြီးပဲ  တွန်းလှည်းလေးနဲ့ ကလေးထိန်းရင်း အထဲမှာ ပြောနေတာကို နားထောင်နေခဲ့တယ်။ အတော်များများ အဖိုးအဖွားတွေက ဆုတောင်းကို တိုတိုလေးပဲ ပေးကြပါတယ်။ အဲဒီအချိန်မှာ ထူးခြားပြီး ရှည်လျားတဲ့ နိုင်ငံရေးလိုအပ်ချက်တွေနဲ့ ဆက်စပ်တဲ့ နှစ်သစ်ကူးဆုတောင်းတွေကို ကဗျာသံ ကာရန်သံတွေနဲ့ အဖိုးအိုတယောက်က ရွတ်ဆိုဆုတောင်းသံကို ကြားလိုက်ရတယ်။ ဒီလို ဘာသာရေး ယဉ်ကျေးမှု အခမ်းအနားမျိုးမှာ ဒီလိုဆုတောင်းမျိုးကို ဆုတောင်းပေးတဲ့အဖိုးအိုကို ကျွန်မ တော်တော်လေး စိတ်ဝင်စားသွားပါတယ်။ ကျွန်မတင်မဟုတ်ဘူး တခြားခန်းမအပြင်က လူတွေတချို့ကပါ အဘကတော့ မနိုင်ဘူး လုပ်ချလိုက်ပြန်ပြီလို့ ပြောပြီး အဘဆုတောင်း စာကြောင်းတခုကျတိုင်း ခန်းမထဲမှာ ထိုင်ပြီးနားထောင်နေတဲ့သူ တချို့နဲ့ အတူလက်ခုပ် သြဘာပေးကြတာကို တွေ့ရပါတယ်။ ကျွန်မက ခန်းမ အပြင်မှာ ရှိနေတဲ့ တယောက်ကို အဲဒီအဖိုးကြီးက တော်တော်ပြောတတ်တာပဲနော့် ဘယ်သူလဲလို့ မေးကြည့်တော့ ဟယ် အဘဦးရဲခေါင်ကိုတောင် မငယ်မသိဘူးလားဆိုပြီး ကျွန်မကို အံ့သြတဲ့ လေသံနဲ့ ပြန်မေးခံရလို့ ဒီအဖိုးကြီးကတော့ တော်တော်လူသိများတဲ့ အဖိုးကြီး ဖြစ်မယ်ဆိုတာ သဘောပေါက်လိုက်တယ်။ အဲဒီတုန်းက ကျွန်မတို့ရောက်တာလည်း တနှစ်တောင် မပြည့်သေးတော့ ကျွန်မအတွက်တော့ အဘကို မသိတာ ဘာမှမဆန်းဘူးလို့ပဲ တွေးနေတယ်။ 

အဲဒီနေ့က အဘရဲ့ ဆုတောင်းစာသားတွေကို သဘောကျပြီး ခန်းမအပြင်ဘက်မှာ ကလေးထိန်းရင်း နားထောင်နေရာကနေ ကလေးကို တခြားကလေးအကြီးတွေနဲ့ ခဏအပ်ထားခဲ့ပြီး ဘုန်းကြီးကျောင်းရဲ့  ကျောဘက် မီးဖိုဆောင်တံကားကနေ  ခန်းမထဲလှည့်ဝင်ပြီး အဘဦးရဲခေါင် ဆိုသူကို ဓာတ်ပုံ သွားရိုက်ဖို့ ခန်းမထဲ ကျွန်မ ၀င်လာပါတယ်။ အဘဦးရဲခေါင်ဆိုသူဟာ တိုက်ပုံအကျီနဲ့ ရခိုင်ပုဆိုးဝတ်ကာ မောင့်ကျက်သရေခေါင်းပေါင်းကြီးကို ကျကျနန ပေါင်းထားလိမ့်မယ်လို့ ထင်ထားတာ ကြည့်လိုက်တော့ ထင်တာနဲ့ တခြားစီ ဖြစ်နေတယ်။ သူက တခြားအဖိုးကြီးတွေလို ပုဆိုးနဲ့ တိုက်ပုံဝတ်ထားတာ မဟုတ် မောင့်ကျက်သရေ ခေါင်းပေါင်းနဲ့လည်း မဟုတ် ခေါင်းပေါင်း တပ်ရမည့်နေရာမှာတော့ ဂျပန်စစ်သား ဆောင်းတဲ့ ဦးထုပ်လို နားရွက်နှစ်ဖက်အထိ အုပ်တဲ့ ဦးထုပ်အနက်ရောင်မှာ ဗိုလ်ချုပ်အောင်ဆန်းပုံ ရင်ထိုးတံဆိပ်ကို တပ်ပြီးဆောင်းထားတာကို တွေ့ရပါတယ်။ အ၀တ်အစားကတော့ အပေါ်ပိုင်းမှာ အဖြူရောင် ရိုးရိုးရှတ်အကျီကိုဝတ်ထားပြီး အောက်ပိုင်းမှာတော့  အနက်ရောင်ထင်တယ် ရိုးရိုးဘောင်းဘီရှည်ကိုပဲ ၀တ်ထားပြီး ဦးထုပ်အောက်က တွေ့ရတဲ့ ဆံပင်က အဖိုးကြီးတယောက်လို တိုတိုမဟုတ်ဘဲ ကာလသားဆံပင်ဆန်ဆန် အရှည်နဲ့ နှုတ်ခမ်းမွေးအနေတော်၊ ပလီဆရာတယောက်လို မေးစေ့ကိုဖုံးပြီး တွဲလောင်းကျနေတဲ့ မုတ်ဆိတ်မွေးခပ်ရှည်ရှည်နဲ့  ပိန်ပိန်သွယ်သွယ် အဖိုးကြီးတယောက် ဖြစ်နေတာကို တွေ့ရတယ်။ ကုလားမဟုတ်၊ ဘာမဟုတ်ဘဲ မုတ်ဆိတ်မွေးကို ဒီလောက်အရှည်ထားတဲ့ ဗမာတယောက်ကို ကျွန်မ ပထမဦးဆုံး တွေ့ဖူးခြင်းဖြစ်တယ်။ သူ့ရဲ့ ၀တ်စားဆင်ယင်ပုံနဲ့ သူ့ပုံကိုကြည့်ရတာ သူ့အသက်အရွယ်နဲ့စာရင် ပိုနုနေသလိုရှိပေမဲ့ ကျွန်မမျက်စိမှာတော့  ဗမာအဖိုးအိုတယောက်ရဲ့ ဒီလိုပုံစံကို ကိုးယိုးကားယား နိုင်သလို ခံစားရတယ်။ ဒါပေမဲ့ သူ့ရဲ့ ဆုတောင်းတွေကို သဘောကျလို့ အဲဒီကိုးယိုးကားယားနိုင်တာကို ကျွန်မ မေ့သွားပါတယ်။ 
 
  (9/03/13) ရက်က အဘ ဈာပန အခမ်းအနားမှာ ကျွန်မ ဝေခဲ့တဲ့ အဘရဲ့ ဆုတောင်းတွေက အဲဒီတုန်းက ကျွန်မကြားခဲ့တဲ့ အခမ်းအနားက ဆုတောင်းတွေပါ။ အဘကို ကျွန်မ အဲဒီအခမ်းအနားမှာ ပထမဦးဆုံး တွေ့ဖူးတာဖြစ်ပြီး ယောက်ျားက အဲဒါမြ၀တီရဲခေါင်ပေါ့ စာပေရော နိုင်ငံရေးပါ နှံ့စပ်တဲ့ တကယ့် တော်လှန်ရေးသမားကြီးလို့ တလေးတစား ပြောပြတဲ့အခါမှာ ဘယ်တုန်းက ဘယ်အဖွဲ့မှာ ဘာလုပ်တဲ့တော်လှန်ရေးသမားမှန်းလည်း မသိ၊ သူ့နာမည်ကို ကြားဖူးသလို ရှိပေမဲ့ ဘယ်နေရာမှာ စာရေးလို့ စာပေနဲ့ နှံ့စပ်မှန်းလည်း ကျွန်မ မသိဘဲ သူ့အရင်ကအကြောင်းကို ကျွန်မ သိပ်ပြီး စိတ်မ၀င်စားလှဘူး။ အရင်က သူလုပ်လာတဲ့ သူ့အကြောင်းထက် လက်ရှိသူ့ဆုတောင်းကိုပဲ ကျွန်မ ပိုစိတ်ဝင်စား ပိုသဘောကျနေပြီး အဲဒီအဖိုးကြီးက တော်တော်လေး ထိအောင် ပြောတတ်တယ်နော်လို့ပဲ မှတ်ချက်ပေးခဲ့ပါတယ်။ ကျန်တဲ့သူတွေကလည်း အဘကို စိတ်ကောင်းရှိကြောင်း၊ တော်ကြောင်း ရဲဘော်ရဲဘေက်တွေကို သားသမီးလိုချစ်ကြောင်း စသည်ဖြင့် သူ့ဂုဏ်ပုဒ်တွေကို ပြောပြီး ချီးမွမ်းခန်း ထုတ်နေလေတော့ ဒီအဖိုးကြီးဟာ လူသိများတဲ့အပြင် လူချစ်လူခင်လည်း တော်တော်များတာပဲဆိုတာ တခုထပ်သိသွားတယ်။ တဆက်တည်းမှာပဲ အဘဟာ ပြည်ချစ်ခေတ်က တော်လှန်ရေးလုပ်လာသူဆိုတာ သိခဲ့ရတယ်။ ဒါက အဘကိုစတွေ့ဖူးတဲ့အချိန်မှာ စစချင်း သိရတဲ့ အချက်တွေပါ။
 
နောက်တခါ ဒီဘုန်းကြီးကျောင်းမှာပဲ မြန်မာနှစ်သစ်ကူး အခမ်းအနားမှာ အဘစကားပြောနေတာ  တခါထပ်တွေ့ရတယ်။ အဲဒီတုန်းကလည်း အရင်တခါလိုပဲ ကလေးထိန်းရင်း အပြင်က နားထောင်ရတော့ ကြားတချက် မကြားတချက်နဲ့ ဆိုတော့ သူပြောနေတဲ့ အကြောင်းအရာနဲ့ ပတ်သက်ပြီး အဆက်အစပ်ကို မသိလိုက်ဘူး။ ပထမကြားတာ ၃၈ ဖြာမင်္ဂလာဆိုတာ တချက်ကြားလိုက်တော့ ဘုန်းကြီးကျောင်းမှာလည်း ဖြစ်တော့ ဘုရားသမိုင်း ပြောနေတယ်လို့ ထင်လိုက်ပါတယ်။ အာရုံက ခန်းမဆီမှာ တလှည့် ကလေးဆီမှာ တလှည့်ဖြစ်နေလို့ မကြားတချက် ကြားတချက်ပါပဲ။ နောက်တခါ ကြားလိုက်တာက အာဝါဟ၊ ၀ိဝါဟ ဆိုတဲ့စကားလုံးတွေ ဖြစ်တယ်။ ကျွန်မ ကြားဖူးသလောက် အာဝါဟ ၀ိဝါဟဆိုတာ မင်္ဂလာဆောင်ရင် မင်္ဂလာမောင်နှံကို ဘိဿိက်ဆရာက သြ၀ါဒပေးတဲ့ စကားဖြစ်ပြီး ဒါကို ဇာတ်ပွဲတွေမှာ လူရွှင်တော်တွေက မကြာခဏ ပြက်လုံးလုပ်ပြီး ပြောနေတာကို အများဆုံး ကြားဖူးထားတော့ ဘယ်လိုကနေ ဘယ်လို ၃၈ ဖြာမင်္ဂလာကနေ အာဝါဟ ၀ိဝါဟ ဖြစ်သွားပြန်တာလဲမသိဘူး၊ အဘလည်း ဟာသပြောနေတာပဲ ဖြစ်မယ်လို့ ကျွန်မက ထင်လိုက်တယ်။  ဒီအဖိုးကြီးတယောက်တော့ ဘုရားအကြောင်းပြောလိုက် အာဝါဟ ၀ိဝါဟတွေ ပြောလိုက်နဲ့ တော်တော်စုံတာပဲလို့ တွေးနေခဲ့ပေမဲ့ အဲဒီနေ့က အဘ ဘာကိုဆိုလိုတယ်ဆိုတာ ကျွန်မ မသိလိုက်ဘူး။ အမှန်က အဘပြောတာ ကျွန်မတို့က အစွန်အဖျားကြားပြီး ထင်ကြသလို မဟုတ်ဘူးဆိုတာ ကျွန်မကို အဘပေးထားခဲ့တဲ့ စာထုပ်ထဲက အဘလက်ရေးမူနဲ့ ရေးထားတဲ့ စာရွက်တခုမှာ အဲဒီတုန်းက ပြောထားတဲ့ စာရွက်လည်း ပါလာပြီး အခုပြန် တွေ့မှရမှ အဘပြောတဲ့ စကားက ကျွန်မတို့ ထင်သလို ဟာသမဟုတ် မင်္ဂလာနဲ့ ပတ်သက်တဲ့ တိကျတဲ့အချက်အလက်တွေကို ပြောထားတယ်ဆိုတာ သိရတယ်။ (ဒါကို ကျွန်မ လာမည့်မြန်မာနှစ်သစ်ကူးနေ့မှာ တင်ဖို့ရှိပါတယ်)။ 

ဘာသာရေး အခမ်းအနားတွေအပြင် နောက်ပိုင်းကျတော့ ကျွန်မရောက်တဲ့ နိုင်ငံရေးအခမ်းအနားတိုင်းမှာလည်း အဘကို မကြာခဏ တွေ့ရပြီး အဲဒီ အခမ်းအနားတွေမှာ စကားပြောတာကိုလည်း မကြာခဏ တွေ့ရတယ်။ အဘနဲ့ ရင်းရင်းနှီးနှီး သိသွားတာက ကျွန်မတို့ မကြာခင်ကမှ ပြောင်းလာပြီး အခုလက်ရှိနေတဲ့ ရပ်ကွက်မှာ ညနေပိုင်း မြန်မာအမျိုးသားတွေ ခြင်းလုံးခတ်ပြီး အမျိုးသမီးတွေက ကလေးလာပေးကစားတဲ့ Park ရှိပါတယ်။ အဘက အဲဒီ ရပ်ကွက်မှာနေပြီး ညနေပိုင်းမှာ Park ကို လမ်းလျှောက်လေ့ရှိတော့  ခြင်းလုံးသွားခတ်တဲ့ ကျွန်မ အမျိုးသားနဲ့ ရင်းနှီးလာပြီး ပြည်ချစ်ခေတ်က တော်လှန်ရေးလုပ်ခဲ့တဲ့ အဖိုးကြီးအဖြစ် သိထားရာကနေ အဘဟာ BIA နဲ့ BDA တပ်တွေမှာ ပါဝင်ခဲ့တဲ့ လွတ်လပ်ရေးမော်ကွန်းဝင် ပထမအဆင့် ဖြစ်တဲ့အပြင် ၈၈ နောက်ပိုင်း ကျွန်မတို့လို တောခိုတော်လှန်ရေး လုပ်ခဲ့သူဆိုတာကိုပါ သိလိုက်ရပြီး BIA, BDA ခေတ်တုန်းက အတွေ့အကြုံတွေ မေးရင်း ခြင်းလုံးအမြဲသွားခတ်တဲ့ ကျွန်မ ယောက်ျားနဲ့ ရင်းနှီးသွားပါတယ်။ နောက်ပိုင်းမှာ ယောက်ျားက အဘကို အိမ်အထိခေါ်လာလည်တာတွေ ရှိလာပြီး ခြင်းကွင်းကို သိပ်မသွားတဲ့ ကျွန်မလည်း အဘနဲ့သိပြီးနောက်ပိုင်း တခါတလေ ယောက်ျားခြင်းလုံး သွားခတ်ရင် လိုက်လည်ဖြစ်တယ်။ ခြင်းကွင်းမှာ ခြင်းခတ်တဲ့သူက ခတ်နေရင် ကလေးငယ်ငယ်တွေရဲ့ အမေတွေက ကလေးကို ကလေးကစားတဲ့နေရာမှာ သွားပေးဆော့ပြီး ကျွန်မတို့လို ကလေးကြီးကြီးတွေရဲ့ မိခင်တွေနဲ့ အဘတို့လို သက်ကြီးရွယ်အိုတွေက မြက်ခင်းပြင်ပေါ်မှာ ထိုင်စကားပြောပြီး ခြင်းပွဲကိုကြည့်ရှု အားပေးကြတယ်။ အဲဒီမှာ အဘနဲ့ စကားတွေဘာတွေ ပြောဖြစ်မှ အဘအကြောင်းနဲ့ အဘရဲ့ စိတ်ဓာတ်ကို ကျွန်မ ပိုသိလာပါတယ်။

နောက်ပိုင်းမှာ အိမ်မရောက် ဖြစ်ပေမဲ့ ဆစ်ဒနီမှာ ကျင်းပတဲ့ အခမ်းအနားတွေမှာ အဘကို အမြဲတမ်းလိုလို တွေ့ရပြီး စကားတွေ ပြောဖြစ်တယ်။ နောက်တော့ ကျွန်မက အဘအကြောင်းတွေ ပိုစိတ်ဝင်စားလာတော့ ယောက်ျားက အဘရေးတဲ့စာတချို့ ဘလော့ဂ်မှာ တင်သင့်ကြောင်း အကြံပြုလို့ သူ့ဆီကတဆင့် အဘ ရေးတဲ့တချို့အကြောင်းအရာတွေကို ကျွန်မဘလေ့ဂ်မှာ တင်ချင်ကြောင်း ပြောတော့ အဘက စက္ကူဖါအသေးတဖါနဲ့ ထည့်ထားတဲ့ သူ့စာမူထုပ်တထုပ်ကို ကြိုက်တာသုံးဆိုပြီး ယောက်ျားနဲ့  ပေးလိုက်တယ်။ အဲဒီကစပြီး အဘရဲ့ ကိုယ်ရေးရာဇ၀င်အကျဉ်းကို ပထမဦးဆုံး စတင်ဖြစ်ပြီး အဘလက်ရေးမူနဲ့ ရေးထားတဲ့ စာတချို့ကို ကွန်ပြူတာနဲ့ ပြန်ရိုက်ထုတ်ပြီး ကျွန်မဘလော့ဂ်မှာဆက်တင်ဖြစ်ခဲ့တယ်။ ဘလော့ဂ်က ဆိုက်ဘားရှိ Label အောက်မှာ မြ၀တီရဲခေါင်လို့ ရေးထားတဲ့ Label ကိုနှိပ်လိုက်ရင် ကျွန်မတင်ထားပြီးသား အဘပို့စ်တွေကို တစုတစည်းတည်း တွေ့နိုင်ပါတယ်။

အိမ်ကသားမူလတန်းကျောင်းပြီးသွားတဲ့အချိန်မှာတော့  သားပညာဆက်သင်မည့် အထက်တန်းကျောင်းကို ကိုယ်လိုချင်တဲ့ကျောင်းမှာ ရနိုင်ဖို့အတွက် ကျွန်မတို့က အဲဒီကျောင်းရှိရာ ရပ်ကွက်ကို ပြောင်းပြီးသွားနေလိုက်တော့ မြန်မာအများစုနဲ့ ဝေးရာကို ရောက်သွားသလို ခြင်းကွင်းကိုလည်း ကောင်စီက စနစ်တကျ ကော်ဇောခင်းပေးဖို့ ပြန်ပြင်နေချိန် ဖြစ်လို့ Park ကို ပိတ်ထားလိုက်တာနဲ့ တိုက်ဆိုင်သွားတော့ မြန်မာအများစု စုဆုံရာ ခြင်းကွင်းနဲ့ပါ အဆက်ပြတ်သွားပြီး ဒီဘက်ကို သိပ်မရောက်ဖြစ်ဘဲ အခမ်းအနားတွေ သွားဖြစ်မှ အခမ်းအနားတွေမှာ တွေ့တာကလွဲလို့ အဘနဲ့လည်း မတွေ့ဖြစ်တာ တော်တော်လေးကို ကြာသွားပါတယ်။ ကလေးကျောင်းအခြေကျသွားလို့ ပြီးခဲ့တဲ့ နှစ်ကုန်ခါနီးက ဒီဘက်ကို ပြန်ပြောင်းလာပြီး အိမ်အပြောင်းအရွှေ့နဲ့ အလုပ်များနေချိန်မှာ အဘနေမကောင်းလို့ ဆေးရုံတက်ရတယ်ဆိုတာ ကြားသိလိုက်ရတယ်။ ဒီလောက်အထိ မထင်ထားတော့ အိမ်ပြန်ရောက်မှပဲ သွားကြည့်တော့မယ်ဆိုပြီး စီစဉ်ထားစဉ်မှာ အဘကို အိမ်ပြန်မခေါ်လာဖြစ်တော့ဘူး Nursing Home ကို ပို့လိုက်တယ်ဆိုတာ ကြားရတယ်။

၂၀၁၁ ခုနှစ် ဇွန်လ ၁၉ ရက်နေ့မှာ Burma Campaign Australia က ကျင်းပတဲ့ ဒေါ်အောင်ဆန်းစုကြည် ၆၆ နှစ် မွေးနေ့ပွဲမှာအဘကို ကျန်းမာနေစဉ် ကျွန်မ နောက်ဆုံးတွေ့ခဲ့ပြီး အပေါ်ပုံက အဲဒီအချိန်က ညနေစာအခမ်းအနားတုန်းက ထောင့်အကျဆုံး စာပွဲခုံမှာ ထိုင်တဲ့အဘကို ကျွန်မ အမှတ်တရ ရိုက်လာတဲ့ပုံ ဖြစ်တယ်။ ဒီကြားထဲ အနေဝေးသွားတာရော၊ အလုပ်များတာပါ စုဆုံပြီး ကျွန်မလည်း စနေတနင်္ဂနွေအလုပ်လုပ်ပြီး အခမ်းအနားတွေလည်း သိပ်မရောက်ဖြစ်တော့တာနဲ့ အဘကို အကြာကြီးမတွေ့တော့ဘဲနဲ့  နောက်တခါ ပြန်တွေ့ရတဲ့အချိန်မှာ အဘက နေမကောင်းသူတယောက် အဖြစ်နဲ့ သူနောက်ဆုံးနေသွားတဲ့ Nursing Home ကိုရောက်နေပါပြီ။

 ကံအားလျော်စွာပဲ အဘ ရောက်နေတဲ့ လူအိုရုံက ကျွန်မ အလုပ်လုပ်တဲ့ ရပ်ကွက်မှာ ဖြစ်ပြီး ကျွန်မ လုပ်တဲ့ဆေးရုံနဲ့လည်း သိပ်မဝေးတော့ မနက်ပိုင်း အလုပ်လုပ်တဲ့ နေ့တွေမှာ အလုပ်ဆင်းရင် အိမ်မပြန်ခင် နေ့တိုင်းလိုလို ရောက်ဖြစ်ပါတယ်။ ကျွန်မ ပထမဆုံး ရောက်သွားတဲ့နေ့မှာ အဘက ညကအန်ပြီး အဖျားတွေတက်၊ အသက်ရှုတွေကြပ်လို့ အောက်စီဂျင်ပေးခဲ့ရတယ်လို့ သိရပြီး အဘ ကျွန်မကို စကားတောင် မပြောနိုင်ဘူး။ ကျွန်မကို မှတ်မိလားမမှတ်မိလား ခန့်မှန်းလို့ မရလောက်အောင်ကို အဘအခြေအနေက တော်တော်လေး ဆိုးနေခဲ့ပါတယ်။ အဲဒီအချိန်အထိ အဘဘာဖြစ်တယ်ဆိုတာ မသိသေးပေမဲ့ အခြေအနေ မကောင်းတော့ဘူးဆိုတာ ကျွန်မ သဘောပေါက်ပြီး အဘနေမကောင်း စဖြစ်တာ မသိလိုက်ဘဲ အဘဆီ တခေါက်မှ မရောက်ဖြစ်ခဲ့တာကို နောင်တရလို့မဆုံး ခံစားရတယ်။ အဘ ဘာမှမဖြစ်ပါစေနဲ့ဦးလို့ ကျွန်မအိမ်အပြန် တလမ်းလုံးဆုတောင်းလာခဲ့တယ်။ အိမ်ပြန်ရောက်တော့ အဘသားအငယ် ကိုနေလင်းဆီကို ဖုန်းဆက်ပြီး အဘဘာရောဂါ ဖြစ်တာလဲဆိုတာ မေးကြည့်တော့မှ အဆုပ်ကင်ဆာဆိုတာ သိလိုက်ရတဲ့အချိန်မှာ သွားပြီ အဘကို ဘယ်လိုမှ ကယ်လို့မရနိုင်တော့ဘူး၊ အဘရဲ့ နောက်ဆုံးအချိန်ကို ရောက်နေပြီ ဆိုတဲ့အသိက ကျွန်မကို တော်တော်လေး တုန်လှုပ်ချောက်ချားသွားစေတယ်။

  နောက်ဆုံးတော့ အဘရဲ့ နောက်ဆုံးခရီးမှာ အဘအတွက် အကောင်းဆုံး လုပ်ပေးနိုင်တာ လုပ်ပေးမယ်လို့ ဆုံးဖြတ်ပြီး အဘဆီ မနက်ပိုင်းအလုပ်လုပ်တဲ့နေ့တွေမှာ အိမ်မပြန်ခင် နေ့တိုင်းလိုလို ရောက်အောင်သွားပြီး လိုအပ်တာတွေကို လုပ်ပေးဖြစ်ခဲ့တယ်။ အဲဒီလူအိုရုံမှာ အဘိုးအို အဖွားအို ၃၃ ယောက်ကို ပြုစုတဲ့ တာဝန်ခံ သူနာပြုတယောက်နဲ့ ပြုစုသူ သူနာပြုသုံးသောက်သာ တွေ့ရပြီး ကျွန်မကိုယ်တိုင်ကလည်း တချိန်က လူအိုရုံမှာ အလုပ်လုပ်ဖူးတော့ သူနာပြုတွေကို လူအိုရုံမှာ တော်တော်လေး အကန့်အသတ်နဲ့သာ ခန့်ထားပြီး လူနာတယောက်ကို မလစ်ဟင်းအောင် အချိန်ပေး ပြုစုနိုင်ဖို့ဆိုတာ လုံးဝမဖြစ်နိုင်ဘူးဆိုတာ သိတော့ အဘအတွက် တချို့ လိုအပ်တာတွေကို သူတို့ကို ပြောမနေတော့ဘဲ ကိုယ့်ဖါသာပဲ လုပ်ပေးပြီး သူနာပြုတွေ သေသေချာချာ မကျွေးမှာစိုးလို့ ညနေစာ ခွပ်ကျွေးပြီးမှ ကျွန်မ အိမ်ပြန်တာ များပါတယ်။ ဒါပေမဲ့ ညနေပိုင်းအလုပ်လုပ်တဲ့နေ့ကျတော့ အဘဆီ ကျွန်မ မှန်မှန် မရောက်ဖြစ်ဘူး။ ဒီကာလအတွင်း အဘစာတွေ ရိုက်မအားလို့ ဘလော့ဂ်မှာ မတင်တာ ကြာရာကနေ အချိန်ရရင် ရသလို ရိုက်ပြီး အဘရဲ့ ရွှေပြည်တော် မျှော်တိုင်းဝေးဆိုတဲ့ အပေါ်မှာ ကျွန်မ ညွန်းခဲ့တဲ့ နှစ်သစ်ကူးဆုတောင်းပို့စ်ကို ဘလော့ဂ်မှာရော Face Book မှာပါ တင်ပြီး အဘအခြေအနေကို မိတ်ဆွေတွေ သိအောင် တင်ပေးခဲ့ပါတယ်။

ဒီလိုနဲ့ အဘဆီ ကျွန်မ သွားပြီး နောက်နေ့တွေမှာ အဘပိုလန်းလာသလို သတိလည်း ပိုကောင်းလာတာကို တွေ့ရပါတယ်။ ကျွန်မ အဘဆီ ရောက်တိုင်း အဘအိပ်ပျော်နေရင် သူနိုးလာတဲ့အခါမှာ လုပ်ပေးဖို့ ပြင်ဆင်စရာရှိတာ ပြင်ဆင်ပြီးရင် ဘုရားစာရွတ်ပေး၊ တရားခွေဖွင့်ပေးတာ တခုခုကို လုပ်နေပြီး အဘနိုးနေတာနဲ့ ကြုံရင် ဒါမှမဟုတ် အဘအိပ်ရာက နိုးလာရင် ကျွန်မအမြဲတမ်း မေးဖြစ်တဲ့ မွေးခွန်းတွေက အပူချိန်နဲ့ သွေးခုန်နှုန်းကို စမ်းသပ်တဲ့အနေနဲ့ အဘလက်ဖမိုးနဲ့ လက်ကောက်ဝတ်ကို စမ်းသပ်ဆုပ်ကိုင်ပြီး ဒီနေ့ အဘ နေရထိုင်ရတာ သက်တောင့်သက်သာ ရှိသလား၊ အသက်ရှုရတာ အဆင်ပြေလား၊ နာတာကျင်တာ ရှိလား၊ စားလို့သောက်လို့ ရလား၊ ဆိုတာနဲ့ ဘယ်သူတွေ လာသွားသေးလဲဆိုတာကို မေးလေ့ရှိပါတယ်။ မေးတိုင်းမှာ နာကျင်တယ် အသက်ရှူကြပ်တယ် စသည်ဖြင့် တခါမှ ဖြေတာမရှိဖူးဘူး။ ဒါပေမဲ့ ပထမနေ့တွေမှာ အိပ်ပျော်နေရင်းနဲ့ နှုတ်ခမ်းတ၀ိုက်နဲ့ ကိုယ်တွေ မျက်နှာတွေကို ထထကုတ်တာ တွေ့ရတယ်။ အဲဒီအချိန်မှာ အဘကို ကလေးစားစရာလို စက်နဲ့ ညက်အောင်ကြိတ်ချေထားတဲ့ အစာတွေနဲ့ ချောင်းဆိုးမှာစိုးလို့ ပျစ်အောင် လုပ်ထားတဲ့ ရေကိုသာ တိုက်ကျွေးရပြီး နှုတ်ခမ်းမွေးတွေက ရှည်လာနေတော့ အစာခွပ်ကျွေးရင်လည်း အစာတွေနဲ့ ထိပြီး ပေတယ်။ သူနာပြုတွေက အစာခွပ်ကျွေးပြီး စင်အောင် မသုတ်ပေးရင် နောက်ပိုင်း ယားလာတာ ဖြစ်တယ်။ ပြီးတော့ ရေမချိုးပေးဘဲ ရေပတ်ပဲ တိုက်ပေးတော့ ဆပ်ပြာရေတွေက အရေပြားကို ယားစေတာလည်း ဖြစ်နိုင်တယ်။ တနေ့တော့ အဘအိပ်ရာက နိုးလာတဲ့အချိန်မှာ ကျွန်မ အစာခွပ်ကျွေးရင်း စားစရာနဲ့ နှုတ်ခမ်းမွေး ထိပြီး ပေတာကို ခဏခဏ သုတ်ပေးနေရလို့ အဘနှုတ်ခမ်းမွေးတွေက ရှည်လာပြီ ပြောတော့ အဘက နှုတ်ခမ်းမှာရော အရေပြားတွေပါ ယားတဲ့အကြောင်း၊ နှုတ်ခမ်းမွေး ရိပ်ချင်ကြောင်းပြောလို့ သူနာပြုတွေဆီက နှုတ်ခမ်းမွေးရိပ်တဲ့ဓါး တောင်းပြီး ကျွန်မ ရိုက်ပေးလိုက်တယ်။ ခန္ဓာကိုယ်ကိုလည်း ရေပတ် ပြန်တိုက်ပေးသင့်တဲ့ နေရာကို ပြန်တိုက်ပေးပြီး ကျွန်မ ၀ယ်လာတဲ့  Sorbolene Cream လူးရှင်းနဲ့ မျက်နှာအစ ခြေဖ၀ါးအဆုံး တကိုယ်လုံး လိမ်းထားပေးတော့ နောက်နေ့တွေမှာ ကုတ်တာ မတွေ့ရတော့ဘဲ အဘနှစ်နှစ်ခြိုက်ခြိုက် အိပ်ပျော်နေတတ်ပြီး အဘအသားအရေတွေ ခြောက်သွေ့ခြင်းမရှိဘဲ စမ်းကြည့်တိုင်းမှာ စိုပြေ ပျော့ပြောင်းပြီး အမြဲတမ်းနွေးနေတာကိုပဲ တွေ့ရပါတယ်။

ဘယ်သူလာသွားလဲလို့ မေးတာနဲ့ ပတ်သက်ပြီး အဘက လာလည်တဲ့ လူနာမည်တွေ အကုန်လုံးကို မမှတ်မိပေမဲ လင်မယားနှစ်ယောက်လာတယ်၊ ယောက်ျား သုံးလေးယောက်လာတယ် အကုန်လုံးကိုတော့ မမှတ်မိဘူး စသည်ဖြင့် အတိအကျ ပြန်ပြောပြနိုင်တယ်။ တနေ့တော့ဘယ်သူလာသွားသေးလဲမေးတော့ ညကလာကြတာ အများကြီးပဲ မောလို့ စကားတောင် ကောင်းကောင်းဧည့်ခံ မပြောလိုက်နိုင်ဘူး သူတို့ပြန်သွားပြီးနောက်ပိုင်းလည်း ဘေးအိမ်က ဆူညံနေတာ အိပ်လို့မရဘူး တရားလည်း မှတ်လို့မရဘူးလို့ ပြောတယ်။ အဲဒါကြောင့် ကျွန်မက အဲလိုဆူညံလို့ တရားမှတ်မရရင် အဘ ပုတီးစိပ်ကြည့်ပါလားလို့ အကြံပေးတော့ ပုတီးစိပ်ချင်တယ်ပြောလို့ နောက်နေ့ ကျွန်မအိမ်က စပ်ပုတီး ယူလာပေးလိုက်တယ်။ ရေပတ်တိုက်တဲ့အချိန်ပဲ ဖြုတ်ထားပြီး အခြားအချိန်တွေမှာတော့ လည်ပင်းမှာ ဆွဲထားတာ တွေ့တယ်။ ဈာပနနေ့က အဘရုပ်အလောင်း လည်ပင်းမှာ ဆွဲထားတဲ့ စိပ်ပုတီးက ကျွန်မ ယူလာပေးထားတဲ့ စိပ်ပုတီး ဖြစ်တယ်။

အဘရဲ့ ထူးခြားချက်က တခြားကင်ဆာ ဝေဒနာရှင်တွေလို နာကျင်ကိုက်ခဲလို့ မော်ဖိန်း အိပ်ဆေးတောင်းထိုးရတာ တခါမှ မရှိ၊ တခြားအဆုပ်ကင်ဆာသမားတွေလို အသက်ရှူမ၀လို့ အောက်စီဂျင်အမြဲတပ်ထားစရာမလို၊ အသက်ရှုမ၀ဖြစ်ကာ၊ အဆုပ်ထဲက ချွဲတွေလိုက်လာလို့ စုပ်ထုပ်ပေးရတာတွေမျိုး တခါမှ မတွေ့ရဘူး။ အမြဲတမ်းမှာ အသက်ကို သက်တောင့်သက်သာ မှန်မှန်နဲ့ ဖြေးဖြေးရှူပြီး အဘတရားမှတ်နေတာကိုပဲ တွေ့ရပြီး အဘမျက်နှာဟာ အိပ်ပျော်နေရင်တောင် အမြဲတမ်းလန်းနေပါတယ်။ အဘရဲ့ နောက်ဆုံးအချိန်မှာ သူရထားတဲ့ ရောဂါနဲ့ စာရင် ဒီလိုအခြေအနေကောင်းတွေကို ကြည့်ခြင်းအားဖြင့် သူ့လို အဆုပ်ကင်ဆာသမားတယောက်အတွက်တော့ တခြားဘာသာဆိုရင် ဘုရားပေးတဲ့ လက်ဆောင်လို့တင်စား ပြောရမှာ ဖြစ်သလို ဗုဒ္ဓဘာသာဝင်တေယာက်အတွက်တော့ တကယ့်ကံထူးသူလို့ ပြောရမှာဖြစ်တယ်။

အဘ အဆုပ်ကင်ဆာဖြစ်တာလို့ သိလိုက်တဲ့အချိန်ကစပြီး ကျွန်မအလုပ်လုပ်တဲ့ ဆေးရုံရှိ Palliative Unit  က အဆုပ်ကင်ဆာလူနာတချို့လို ဖုတ်လိုက်ဖုတ်လိုက်နဲ့ အောက်စီဂျင်မလုံလောက်လို့ ဖြစ်ရတဲ့ အသက်ရှူမ၀တဲ့ ဝေဒနာ၊ ကင်ဆာကြောင့်ဖြစ်တဲ့ ပြင်းထန်စွာ နာကျင်တဲ့ ဝေဒနာကို အလူးအလဲ ခံစားရပြီး နောက်ဆုံး Terminal agitation လို့ခေါ်တဲ့ သေခါနီးမှာ ဘေးနားမှာ ရှိတဲ့လူတိုင်းကို အကောင်းမမြင်တော့ဘဲ ကန့်လန့်တိုက် ရန်တွေ့လို့ မူးယစ်ထုံထိုင်းစေတဲ့ ဆေးတွေထိုးပြီးပေးအိပ်ရာကနေ သတိပြန်မရတော့ဘဲ အသက်ရှူရပ်သွားတာ၊ ဒါမှမဟုတ် မသေခင် အသက်ရှူမ၀တော့ အောက်စီဂျင်ပေးထားတဲ့ကြားက ရုန်းကန်အသက်ရှူရင်း မသေချင်ဘဲ စိတ်ဂယောင်ချောက်ချား ကြောက်အားလန့်အားနဲ့ သေသွားရတာမျိုးတွေ လုံးဝမဖြစ်ပါစေနဲ့လို့ အကြိမ်ကြိမ်  ဆုတောင်းခဲ့တာ အဘနဲ့ ပတ်သက်ပြီး ကျွန်မ ဆုတောင်းပြည့်ပါတယ်။ ဒါဟာ အဘရဲ့ ဘ၀ဖြတ်သန်းစဉ်က ဆောက်တည်ခဲ့တဲ့ သီလသမာဓိနဲ့ ဖြည့်စွက်ခဲ့တဲ့ ပါရမီတွေကြောင့်သာ အဲလိုသက်သာရာ ရခဲ့တာလို့ ကျွန်မ ယုံကြည်တယ်။

လူတယောက်ရဲ့ ဘ၀တလျှောက်လုံးမှာ အထပ်ထပ် ဖြည့်ဆည်းလာတဲ့ အကောင်းအဆိုး အမူအကျင့်တွေဟာ သသိကောင်းနေချိန်မှာ ဦးနှောက်က အသိတရားနဲ့ အကျင့်ဆိုးစရိုက်ဆိုးတွေ မပေါ်အောင် ထိန်းချုပ်ထားလို့ ရနိုင်ပေမဲ့ နေမကောင်းဖြစ်ပြီး ဦးနှောက်ကိုအောက်စီဂျင် လုံလုံလောက်လောက်မရောက်လို့ ဦးနှောက်ပုံမှန် အလုပ်မလုပ်နိုင်တော့တဲ့အချိန် အထူးသဖြင့် အသိစိတ်မှာ ပုံမှန်သတိအပြည့်အ၀ ရှိမနေတဲ့ စိတ်ထွေပြားနေချိန်မှာကျတော့ ဒီအမူအကျင့်တွေကို မသိစိတ်မှာ ဖုံးကွယ်လို့မရပါဘူး  မသိစိတ်မှာ အတိုင်းသား တွေ့မြင်ရတတ်ပါတယ်။ ဒါကြောင့် မကောင်းတဲ့အမူအကျင့်တွေနဲ့ ကျင်လည်လာသူတဦးဟာ စိတ်ထွေပြား သတိလက်လွတ် ဖြစ်နေချိန်မှာ မကောင်းတဲ့အမူအကျင့်တွေနဲ့ အပြောအဆိုတွေကို တွေ့ရမှာ ဖြစ်ပြီး  ဘ၀ကို ကောင်းတဲ့အမူအကျင့် အလေ့အထတွေနဲ့ ဖြတ်သန်းလာသူတွေဆိုရင်လည်း ဒီအချိန်မှာ ကောင်းတဲ့အမူအကျင့်တွေ အပြောအဆိုတွေကို တွေ့မြင်နိုင်ပါတယ်။  တချို့လူနာတွေဟာ စိတ်ထွေပြားချိန်တွေမှာ စောင့်ရှောက်တဲ့ သူနာပြုတွေအပေါ် ကိုယ်၊ နှုတ် အမူအယာနဲ့ Sexual assault တွေဟာ စိတ်ထွေပြားပြီး အသိစိတ်ကင်းနေချိန်မှာ တချိန်က ပြုမူခဲ့တဲ့ မကောင်းတဲ့ အကျင့်ဆိုးတွေ ပေါ်လာတာ ဖြစ်တယ်။

 အဘစိတ်ထွေပြားနေချိန်မှာ ဖြစ်ပေါ်တဲ့ အမူအကျင့်တွေကို အနည်းငယ် ပြောပြချင်ပါတယ်။ အဘဟာ သတိတော်တော်ကောင်းပြီး ဟိုအရင်တုန်းက ဖြစ်ခဲ့တဲ့ အကြောင်းအရာတွေ အားလုံး (long term memory) ကို တခုမကျန် ပြန်ပြောပြနိုင်ပေမဲ့ ခဏလေးအတွင်း ဖြစ်နေတဲ့ အဖြစ်တွေ (Short term memory) နဲ့ ပတ်သက်ပြီး အဘနေမကောင်း ဖြစ်နေစဉ်မှာ တခါတလေ သတိမေ့ကာ စိတ်ထွေပြားတာတွေကို တွေ့ရပါတယ်။ ဒါမျိုးကို အဘ အိပ်ပျော်နေရာကနေ နိုးလာစအချိန်မှာ အများဆုံး တွေ့ရပါတယ်။ တခါတလေ သူနိုးလာတဲ့အချိန် သူ့ကိုယ်သူ တရားအားထုတ်နေတဲ့ ယောဂီတယောက်လို့ပဲ အမှတ်မှားနေတတ်ပြီး သီလဆောက်တည်ခဲ့တဲ့ အမူအကျင့်တွေက အဘဆီမှာ အထုံပါရမီအဖြစ် ရှိနေပါတယ်။ အိပ်ရာက နိုးရင် "အဘ ဗိုက်ဆာတယ်သမီး အဘ မနက်ကတည်းက ဘာမှမစားရသေးဘူး" လ်ို့ ပြောပြီး ဘယ်အချိန် ရှိပြီလဲလို့ မေးတတ်ပါတယ်။ ကျွန်မက နှစ်နာရီ (သို့) သုံးနာရီလို့ ပြောရင် "အဲဒါဆိုရင်တော့ အဘကို တခြားဘာမှ မပေးနဲ့တော့ ရေပဲပေးသမီး အဘဆယ်ပါးသီလ ယူထားတယ်" လို့ စိတ်ထွေပြားပြီး ပြောလို့ ဆယ်ပါးသီလက နေမကောင်း ဖြစ်နေတဲ့အချိန် ယူစရာမလိုလိုဘူးအဘ မကျန်းမာတဲ့အချိန် အစားအသောက်ဝင်အောင် စားမှ အဘနေရထိုင်ရ သက်တောင့်သက်သာ ရှိမယ်၊ နေရထိုင်ရ သက်သာမှ အဘတရားမှတ်လို့ အာရုံရမယ်၊ နေကောင်းလာမှ သီလပြန်ယူပါ အခုတော့ စားဖို့လိုတယ်လို့ ပြောရင် အဘနေကောင်းပါတယ် ဘာမှမဖြစ်ပါဘူးလို့ ပြောလို့ သူ့အခြေအနေမှန်ကို သေသေချာချာ ပြန်ရှင်းပြမှ သတိပြန်ဝင်လာပြီး အေးဟုတ်သားပဲ လို့ပြောပြီး အသိစိတ်နဲ့ ပြန်သတိရတယ်။
         
တခါတော့ အဘ အိပ်ပျော်နေစဉ် အဘဆီ မိတ်ဆွေတချို့လာလည်ပြီး သူနိုးလာတော့ မောပမ်းနေတဲ့ကြားက သူ့ဆီလာလည်တဲ့သူတွေနဲ့ သူစကားထပြောပါတယ်။ ပြီးတော့ အဲဒီနေ့က လာလည်တဲ့သူတွေကို အဘက တရား ဟောလိုက်သေးတယ်။ သူဟောတဲ့တရားက "အခမ်းအနား တခုခုလုပ်စရာ ရှိလို့ မင်းတို့ အစည်းအဝေးလုပ်ရင် ဟိုတစု ဒီတစုနဲ့ နှစ်နေရာ သုံးနေရာမှာ မလုပ်ကြနဲ့ တနေရာတည်းမှာ စုစုစည်းစည်း ညီညီညွတ်ညွတ်နဲ့ တိုင်တိုင်ပင်ပင် လုပ်ကြပါ" လို့ စိတ်ထွေပြားနေတဲ့ကြားက  သူပြောခဲ့တဲ့ စကားက ကျန်းမာသန်စွမ်းနေသူ ကျန်ရစ်သူတွေအတွက် တကယ်ကို လိုက်နာ မှတ်သားစရာ ဖြစ်နေပါတယ်။

အဘစိတ်ထွေပြားတဲ့ အထဲမှာ တခါကျတော့ အဘက ကျွန်မကိုလည်း သူ့ချွေးမနဲ့ မှားပြီး သမီးဖေဖေဗိုက်ဆာလို့ ရေပေးပါလို့ ပြောလို့ ကျွန်မက ရေနှစ်ဇွန်းလောက်တိုက်ပြီး အဘက ချဉ်ချဉ်လေး စားချင်တယ်ဆိုလို့ ၀ယ်လာတဲ့ စထရော်ဘယ်ရီ ဒိန်ချည်ခွပ်ကျွေးရင်း အော်.. အဘကတော့ ကျွန်မကိုတောင် မမှတ်မိတော့ပါလားလို့ တွေးပြီး ၀မ်းနည်းသလို ခံစားနေချိန်မှာ မောင်ကျော်နိုင်က ကလေးနဲ့ ကျန်ခဲ့တာလား အလုပ်သွားတာလား သူ့အလုပ်က ဘယ်အချိန်လဲလို့ မေးပြန်တော့ ဟယ် အဘ ကျွန်မကို မှတ်မိသွားပြီ လို့ပြောပြီး ကျွန်မ တော်တော်လေး ပျော်သွားတယ်။ ဒီတော့ အဘက ဘာလို့မမှတ်မိရမလဲလို့ ပြောပြီး ၂၀၁၁ခု ဒေါ်အောင်ဆန်းစုကြည် မွေးနေ့တုန်းက ကျွန်မ ယေက်ျားက အလုပ်ရှိလို့ ကျွန်မကို အသွားမှာပဲ ပို့ထားခဲ့ပြီး မွေးနေ့အခမ်းအနား ပြီးလို့ အပြန်မှာ ကျွန်မက အဘတို့သားအဖ ကားနဲ့ လိုက်လာတာကိုတောင် အဘက ကောင်းကောင်း မှတ်မိနေပြန်တယ်။ တချက်တချက် မေ့တတ်ပေမဲ့ ဒီလိုမျိုး အရင်က အကြောင်းအရာတွေကျတေ့ အဘက ကောင်းကောင်း မှတ်မိနေတတ်တယ်။
 
တနေ့တော့ ကျွန်မသွားတော့ သူနာပြုနှစ်ယောက်က အဘကို ရေချိုးပေးရာကအပြန် ကျောရိုးနဲ့ တင်ပုဆုံရိုးဆုံရာမှာ ရှိတဲ့ နေရာ (Sacrum) မှာ ရှိတဲ့ အိပ်ရာနာမှာ ဆေးထည့်ပေးပြီး ဒိုင်ပါတပ်ပေးနေတယ်။ ပြီးတဲ့အချိန် ခန်းဆီးဖွင့်လိုက်တော့ ကျွန်မကိုတွေ့တဲ့အချိန်မှာ သမီးရောက်နေတာ ကြာပြီလားလို့ မေးပြီး ကိုယ့်ဖါသာကိုယ် ဘာမှမလုပ်နိုင်တော့ ကြီးကောင်ကြီးမနဲ့ လူလည်းမွေးခါစကလို ပြန်ဖြစ်သွားတာပဲ ဟီးဟီးလို့ ပြောပြီး ရီနေတယ်။ နောက်တော့ သူနာပြုတွေ ဆေးထည့်ပေးပြီး ထားခဲ့တာ အဘကိုယ်လုံးက ကုတင်ခြေရင်းဘက်မှာ ပိုများနေပြီး ကုတင်ကို ခေါက်ချိုးပြီး ထထိုင်တဲ့အချိန်မှာ ကုတင်ချိုးထားတဲ့ နေရာနဲ့ အဘခန္ဓာကိုယ် ချိုးရမည့်နေရာက အချိုးမကျဘဲ အဆင်မပြေ ဖြစ်နေလို့ ကျွန်မက ခေါင်းရင်းကိုသွားပြီး အဘအိပ်နေတဲ့ မွေ့ရာပေါ်က အခင်းကို ဆွဲတင်ပေးလိုက်တော့ အဘခန္ဓာကိုယ်လည်း အခင်းနဲ့အတူ အပေါ်ဘက် ပြန်ရောက်ပြီး အနေအထားမှန်သွားတယ်။ အဲဒီတော့ အဘက သမီးတယောက်တည်းနဲ့ အဘကိုရွှေ့နိုင်တယ်လို့ ပြောပြီး သြအံ့နေတယ်။ အဲဒါကြောင့် ကျွန်မက နိုင်တာပေါ့ အဘက သေးသေးလေးပဲရှိတာလို့ ပြောတော့မလို့ လုပ်ပြီးမှ အဲလိုပြောရင် သူတော်တော်ပိန်တယ်ဆိုတာ သတိထားမိပြီး စိတ်မကောင်း ဖြစ်သွားနိုင်တာကို သတိရပြီး နိုင်တာပေါ့ ကျွန်မ ဒီလောက် သန်တာ တွေ့လားလို့ လက်နှစ်ဘက်ကို လက်သီးဆုပ်ပြီး ကြံခိုင်တဲ့ပုံ လုပ်ပြတော့ လက်မောင်းအပေါ်ပိုင်းကိုပဲ ဖုံးနေတဲ့ အင်္ကျီလက်မောင်းဝက်ခန့်ရှည် ယူနီဖေါင်း အင်္ကျီလက်အာက်က ကီလိုတိုးနေလို့ တွဲကျနေတဲ့ လက်မောင်းသားတွေကို တွေ့လို့လားတော့ ပြောမတတ်ဘူး အဲဒီနေ့က ကျွန်မပုံကိုကြည့်ပြီး အဘက သဘောကျပြီး ရီနေတယ်။ အိမ်ကယောက်ျားတွေ့ရင် ဘယ်လိုကဲ့ရဲ့ဦးမလဲမသိဘူးလို့ တွေးမိသေးတယ်။

လူတယောက်ဟာ ဘ၀တသက်တာမှာ ဘယ်လိုပဲ ခက်ခဲကြမ်းတမ်း (သို့) လွယ်ကူ ချောမွေ့စွာနဲ့ ဖြတ်သန်းလာပါစေ ဘ၀ရဲ့နောက်ဆုံးအချိန်မှာတော့ ငြိမ်းငြိမ်းချမ်းချမ်းနဲ့ အဆုံးသတ်ပြီး ဘ၀ကူးနိုင်ဖို့ထက် အရေးကြီးတာ တခြားဘာမှ မရှိပါဘူး။ အဖေလို ချစ်ခင်ရပြီး အဖေထက် တိုင်းပြည်ကောင်းကျိုးပိုပြုခဲ့ပြီး အဖေထက် ပိုလေးစားစရာကောင်းတဲ့ အဘကို အဖေတုန်းက ကျွန်မ မပြုစုလိုက်ရလို့ အဖေအရင်းကို ပြုစုနေသလိုမျိုး သဘောထားပြီး ကျွန်မအဘကို ကောင်းကောင်း ပြုစုခွင့် ရခဲ့ပေမဲ့ သူမဆုံးခင် နေ့တွေမှာ မရောက်ဖြစ်လိုက်တာကို ကျွန်မ အခုထိ ၀မ်းနည်းလို့ မဆုံး ခံစားရပါတယ်။ အဘအသက်ရှိထင်ရှား ရှိနေစဉ် အဘဆီ ကျွန်မ နောက်ဆုံးရောက်ခဲ့တဲ့နေ့က အဘက အိပ်နေပြီး နိုးလာတော့ သတိလည်းကောင်းတယ် တော်တော်လေးလည်းလန်းပါတယ်။ အဘက သမီးဝယ်လာတဲ့ ဒိန်ချဉ်ပန်းရောင်လေးလေ ကုန်သွားပြီလို့ ပြောတယ်။ ကျွန်မ ၀ယ်လာပြီး ဆရာမတွေကို ပေးထားခဲ့ရင် ဆရာမတွေက အစာကျွေးချိန်မှာ ထုတ်ကျွေးတဲ့ စထရော်ဘယ်ရီ ဒိန်ချဉ်ကို ဆိုလိုတာ ဖြစ်တယ်။ အဘက ကျန်တဲ့ဒိန်ချဉ်တွေဆို ခွပ်ကျွေးရင် တဗူး ကုန်အောင် တခါမှ မစားပဲ တ၀က်လောက်နဲ့ တော်ပြီလို့ အမြဲပြောပေမဲ့ အဲဒီအမျိုးအစားကျတော့ ကုန်အောင်စားတယ်။ ဒါပေမဲ့ အဲဒီနေ့က အဲဒီအမျိုးစား ဆိုင်မှာ ရှာမရလို့ ၀ယ်သွာပေးတာ အဲဒီ အမျိုးအစားတော့မဟုတ်ဘူး တခြားအမျိုးအစားပဲရပြီး နောက်တခါလာမှ အဘကြိုက်တဲ့ အမျိုးအစား ၀ယ်လာမယ်လို့ ပြောခဲ့တယ်။ အစားအသောက် စားလို့ဝင်တယ်လို့ သူကိုယ်တိုင်ရော သူနာပြုကပါ ပြောလို့ ကျွန်မလည်း အဘကို လောလောဆယ်တော့ ဘာမှ ဖြစ်သွားမှာ မဟုတ်သေးဘူးလို့ တွေးပြီး တော်တော်လေး စိတ်ချသွားတယ်။ အဘကို အစားအသောက် ဆက်ပြီးတော့ဝင်အောင်စားဖို့ တိုက်တွန်းပြီး သွေးပေါင်ချိန်တွေ ဘာတွေတိုင်းကြည့်လို့ အဆင်ပြေရင် ရာသီဥတုကောင်းတဲ့တနေ့မှာ ဘီးတပ်ကုလားထိုင်နဲ့ အရင်ကလမ်းလျှောက်တဲ့ ခြင်းကွင်းကို တနေ့ခေါ်သွားပေးမယ်၊ ခြင်းကွင်းက အရင်လို မြက်တောထဲမှာ ဟုတ်တော့တဲ့အကြောင်း ကောင်စီက ဗမာကွန်မြူနီတီအတွက် ကော်ဇောခင်းထားပေးတဲ့အကြောင်းတွေကိုပါ သူ့ကို ပြောပြတော့ အဘ၀မ်းသာပါတယ်။ ကျွန်မ တကယ်လည်း အဘအစားအသောက်ပိုဝင်ပြီး ကျန်းမာလာရင် ခေါ်သွားပေးမယ်လို့ စဉ်းစားထားပါတယ်။ ဒီတခါတွေ့ခြင်းဟာ အဘကို သက်ရှိထင်ရှားနဲ့ နောက်ဆုံးတွေ့ခြင်းလို့ အဲဒီနေ့က ကျွန်မ လုံးဝမထင်ခဲ့တာ အမှန်ပါ။


 အဲဒီပတ်မှာ ကျွန်မ သူကြိုက်တဲ့ ဒိန်ချဉ် ရှာဝယ်ဖို့မတွေ့တာရယ် အလုပ်တာဝန်ကျတာကလည်း မနက်ပိုင်း မဟုတ်တော့ဘဲ ညနေပိုင်း အလုပ်ဆင်းရတဲ့နေ့တွေ ဖြစ်နေတာရယ်ကြောင့် နောက်နေ့ ဒိန်ချဉ်ရမှ သွားမယ်ဆိုပြီး နေ့ရွှေ့ရက်ရွှေ့နဲ့ အဘဆုံးတဲ့အချိန်ထိ အဘဆီ ကျွန်မ မရောက်ဖြစ်လိုက်ဘူး။ အဲဒီရက်တွေအတွင်း  ရောက်တဲ့သူတွေကလည်း အဘလန်းလန်းဆန်းဆန်း ရှိတယ်၊ စားလို့သောက်လို့ ၀င်တယ်ဆိုတာ ပြောပြကြတော့ ကျွန်မလည်း စိတ်အေးပြီး စိတ်ချနေခဲ့တယ်။ သူဆုံးတဲ့နေ့မှာ အလုပ်က မနက်ပိုင်းလုပ်ရပြီး အလုပ်ပြီးတာနဲ့ ဒီန်ချဉ်ဝယ်ပြီး အဘဆီသွားမယ်လို့ စီစဉ်ထားတဲ့အချိန်မှာပဲ Palliative Care Unit မှာ တယောက်နေမကောင်း ဖြစ်ပြီး အလုပ်မလာနိုင်တော့လို့ ကျွန်မကို ညနေပိုင်းဆက်လုပ်ပေးပါဆိုလို့ နောက်နေ့မှာ အလုပ်မရှိတာနဲ့ နောက်နေ့မှ အဘဆီ စောစောသွားတော့မယ်လို့ စဉ်းစားပြီး ကျွန်မအဲဒီနေ့က Double shift လုပ်ဖြစ်သွားလို့အဘဆီ မရောက်ဖြစ်လိုက်ဘူး။ ညနေ သုံးနာရီခွဲ Afternoon tea ချိန်မှာ Mobile phone ဖွင့်ကြည့်တော့ အဘဆုံးပြီဆိုတာ ကိုမြတ်သူက Facebook မှာ တင်ထားတာ တွေ့လို့ သိလိုက်ရတော့ မကြာတော့ဘူးဆိုတာ သိပေမဲ့ အခုလောက် မြန်မြန် ဖြစ်သွားလိမ့်မယ်ဆိုတာ လုံးဝမတွက်ထားတော့ ကျွန်မ ခံစားရတာကို ပြောပြမတတ် ဘာမှမပြောချင်လောက်အောင် ကျွန်မ ငြိမ်သက်သွားပါတယ်။ ညကိုးနာရီထိုး အလုပ်ပြီးချိန် လူအိုရုံကို သွားကြည့်ပြီး ဘော်ဒီရှိနေသေးရင် ခဏကြည့်ခွင့်ပေးပါလို့ တာဝန်ကျ သူနာပြုဆီမှာ ခွင့်တောင်းတော့ အဘရုပ်အလောင်းကို Funeral service ဆီ သယ်သွားလိုက်ပြီဆိုတာ သိရတယ်။ ကျွန်မ ၀ယ်သွားပေးပြီး ရောက်တဲ့နေ့တိုင်း လိမ်းပေးပြီး ခြေတောက်တွေ လက်တွေကို နှိပ်ပေးတဲ့ Sorbolene Cream နဲ့၊ သူလျှာဝတ်တက်နေတာကို ပါးစပ်ဆေးပေးတဲ့ ဆေးရည်၊ အဘနဲ့ သူနာပြုတွေ ပြောဆိုဆက်ဆံတဲ့အခါ အဆင်ပြေချောမွေ့အောင် စာလုံးဆိုက် ၄၈ နဲ့ အဘမြင်သာအောင့် လုပ်ထားပေးတဲ့ ပြောဆိုဆက်ဆံတဲ့ စာရွက်နဲ့ ဖိနပ်နှစ်ရံကို ကုတင်ဘေးက အန်ဆွဲထဲမှာ  ရှိနေသေးတာ တွေ့လို့ အဘအမှတ်တရ သိမ်းထားဖို့ ကျွန်မ သူနာပြုတွေကို ပြောပြီး ယူပြန်လာလိုက်တယ်။

အဘဆုံးသွားတဲ့အချိန်မှာ ကျွေးချင်တာ မကျွေးလိုက်ရလို့ ၀မ်းနည်းရသလို မေးချင်တာ မမေးလိုက်ရတာ တခုလည်း ရှိပါတယ်။ အဘရေးတဲ့ စာမူတိုင်းမှာ စာဆုံးရင် နေ့စွဲအမြဲတပ်ထားပေမဲ့ သူများဆီက ပြန်ကူးပြီးဖေါ်ပြထားတဲ့ ဗိုလ်ချုပ်အောင်ဆန်းအကြောင်း ဆောင်းပါး  စိတ်ကောင်းရှိသူ မှာ နေ့စွဲမတွေ့ရလို့ နောက်တခါ သွားရင်မေးမယ်လို့ လုပ်ထားတာမမေးလိုက်ရဘူး။ အဘတလျှောက်လုံး အချိန်တွေကို အများအတွက်ပဲ ပေးသွားခဲ့တဲ့ မျိုးချစ် တော်လှန်ရေးသမားကြီးတဦး ဘ၀ခရီးနောက်ဆုံးအချိန်ကို ငြိမ်းချမ်းစွာနဲ့ အဆုံးသတ်သွားခဲ့ပြီ။ ဒီဘ၀မှာ အဘနဲ့ ပြန်ဆုံဖို့ မရှိနိုင်တော့ပေမဲ့ အဘပေးထားခဲ့တဲ့ စာတွေကျွန်မ လက်ထဲမှာ ရှိနေတာကို သိမ်းဆည်းထားပြီး အချိန်ရရင် ရသလိုအများပြည်သူတွေအတွက် ပြန်တင်ပေးမယ်လို့ အဘကိုကျွန်မ သက်ရှိထင်ရှား ရှိစဉ်တုန်းက ဂတိပေးခဲ့သလို အခုလည်း ထပ်ပြီးဂတိပေးပြီး အဘအနားယူသွားပြီ ဖြစ်ပေမဲ့ အဘရဲ့ အားထုတ်မှုတွေ ဆက်လက်ရှင်သန်စေရဦးမယ်။ အဘဟာ သူလေးစားချစ်မြတ်နိုးသူတွေဖြစ်တဲ့ ဗိုလ်ချုပ်အောင်ဆန်းတို့ ၀န်ကြီးချူပ်ဟောင်း ဦးနုတို့ကို သုတိသာ နတ်ပြည်မှာ စံမြန်းရောက်ရှိပါစေလို့ သူဆုတောင်းပေးခဲ့သလို ကျွန်မကလည်း အဘကို အခုချိန်မှာ နတ်ပြည်ခြောက်ထပ်မှာ ဘုရားလောင်းတွေနဲ့ သူတော်ကောင်းတွေသေဆုံးရင် ရောက်တဲ့ဘုံလို့ဆိုတဲ့ အဲဒီသုတိသာ နတ်ပြည်မှာ ရောက်ရှိနေပါစေလို့ ဆုတောင်းပါတယ်။ လူအိုရုံမှာ ရှိနေစဉ် တခါက အဘရဲ့ mental status ကို စမ်းသပ်တဲ့အနေနဲ့ ကျွန်မက အဘဘယ်မှာ ရောက်နေလဲ သိလားမေးတော့ Auburn မှာ မဟုတ်ဘူးလားလို့ ပြောလို့ Auburn ကတော့ ဟုတ်ပြီ Auburn ဘာလဲလို့ မေးတော့ အဘက ကျွန်မ မေးတာကို တော်တော်နဲ့ သဘောပေါက်ဘဲ အဘ Auburn မှာရောက်နေတယ်လေ သမီး အဲဒါမဟုတ်ဘူးလားဆိုပြီး ထပ်မေးနေလို့ ကျွန်မ မေးခွန်းကို အဘမရှင်းဘူးဆိုတော့ သူ့ကို ထပ်မမေးတော့ဘဲ ဟုတ်တယ် အဘ Auburn က Nursing Home တခုကို ကို ရောက်နေတာ အဘသိတယ်နော့် ပြောတော့ နားကြားမှားပြီး နတ်ပြည်မှာ ရောက်နေတယ် ဟုတ်လားလ်ို့ ပြန် မေးလို့ ကျွန်မမှာ အဘနားကြားမှားပုံကို ကြားရတေ့ာ့ ငိုရမလို ရည်ရမလိုနဲ့ ဘာပြန်ပြောရမှန်းမသိ ဖြစ်သွားပြီး ချက်ချင်းပဲ အဘဆုံးရင် ရောက်မည့်နမိတ်များလားမသိဘူးလို့ အစွဲဝင်သွားသေးတယ်။

အခုတော့ အစွဲမဟုတ်ဘူး မသေခင်တွေ့ရတဲ့ သူ့ရဲ့အမူအကျင့်တွေနဲ့ တည်ငြိမ်မှုကို ထောက်ရင် အဘဟာ ဘုရားလောင်းတွေရယ် အကျင့်သီလနဲ့ ပြည့်စုံတဲ့ သူတွေသာ ရောက်တဲ့ သုတိသာ နတ်ပြည်ကို တကယ်ရောက်နေပြီလို့ ကျွန်မ လုံးဝယုံကြည်လိုက်ပါတယ်။ သူစားချင်တဲ့ ဒိန်ချဉ်ကို အချိန်မီ မယူလာပေးနိုင်၊ သူ့နောက်ဆုံးထွက်သက်ချိန်ထိ ကျွန်မ သူ့နားပြန်မရောက်တော့တာကို သူ့ရဲ့ဈာပန အခမ်းအနားမှာ ကျွန်မ နောက်ဆုံး ဂါရ၀ပြုစဉ် တောင်းပန်လိုက်ပါတယ်။ အဘခွင့်လွတ်နိုင်လိမ့်မယ်လို့ ကျွန်မ ယုံကြည်တယ်။ ဒါကြောင့် ကျွန်မမှာ အဘအတွက် စိုးရိမ်မိတာ ကျွန်မ ကျွေးချင်တဲ့ ဒိန်ချဉ်ကို မကျွေးလိုက်ရတဲ့အတွက် ခံစားရတာ ဘာမှမရှိတော့ဘူး။  ခုချိန်မှာ ဒိန်ချဉ်ထက် ကောင်းတဲ့ နတ်သုဒ္ဒါကို စားနေလောက်ပြီမို့ အဘအတွက် ကျွန်မ စိတ်ချသွားပါပြီ။ ကောင်းရာ ဘုံဘ၀မှာ ရောက်ရှိနေပြီဆိုတာ ယုံကြည်လို့ အဲဒီအတွက်တော့ ဆုတောင်းပေးစရာ မလိုတော့ဘူး။

အဘ သုတိသာ နတ်ပြည်မှာ သူချစ်ခင်လေးစားတဲ့ သူတွေနဲ့ ဆုံတွေ့နိုင်ပါစေ..



8/03/13 ရက်က Auburn က funeral Service မှာ အသုဘရှုတဲ့နေ့က ဖြစ်ပြီး အဘဆီ နောက်ဆုံးရောက်တဲ့နေ့က နောက်တခါ ပြန်တွေ့ရင် အခုလိုအသက်မဲ့ခန္ဓာကိုယ်ကြီးကိုပဲ ပြန်တွေ့ရလိမ့်မယ်လို့ မထင်ခဲ့တာ အမှန်ပါ။



နေမကောင်း ဖြစ်နေစဉ်က စမ်းလိုက်ရင် အမြဲတမ်း ပျော့ပြောင်းပြီးနွေးထွေနေတဲ့ အဘလက်တွေက အခုကျတော့ ရေခဲတိုက်က ထုတ်လာလို့ အေးစက်ပြီး မာကျောနေတာကို တွေ့ရတယ်။



PS. ဒီပို့စ်ကိုတင်တဲ့အခါမှာ ဓာတ်ပုံတွေ Upload လုပ်လို့မရတာနဲ့ နောက်ဆုံး အခုမတင်ခင်လေးမှာတင် တင်လို့မရဘဲ Error ပဲ ခဏခဏ ပြနေလို့ ဘာလုပ်လို့ ဘာကိုင်ရမှန်းမသိ ဖြစ်နေချိန်မှာ အဘ ကောင်းရာ ဘုံဘ၀မှာ အမှန်တကယ် ရောက်ရှိနေတာ သေချာရင် ချက်ချင်းတင်လို့ရပါစေလို့ ဘုရားမှာ တိုင်တည် ဆုတောင်းပြီး တင်လိုက်တာနဲ့ ဘာ Error မှ မပြတော့ဘဲ ချက်ချင်းကို တင်လို့ရသွားတယ်။ ဒါဟာ တိုက်ဆိုင်မှု သက်သက်လုံးဝမဟုတ်ပါ။ အဘ အမှန်တကယ်ကို ကောင်းရာဘုံဘ၀မှာ ရောက်ရှိနေမှာ သေချာတယ်လို့ ကျွန်မ ယုံကြည်သွားတယ်။

ဆက်ဖတ်ရန်>>

အတာနဲ့ ပတ်သက်တဲ့ အမှတ်တရ

စာရေးချင်စိတ်မရှိတာနဲ့ စာမရေးဖြစ်တာ ကြာပြီ။ ဒါကြောင့်မို့ ဘလော့ဂ်မှာလည်း ကိုယ်တိုင်ရေး ပို့စ်မတင်ဖြစ်ပဲ ပြန်ဖေါ်ပြတဲ့ပို့စ်တွေပဲ တင်နေရာကနေ ဒီနေ့တော့ အင်မတန်မှ ရင်းနှီးတဲ့ တော်လှန်ရေး ရဲမေဟောင်းတဦးရဲ့ မွေးနေ့ဆိုတာ သိလိုက်ရတဲ့အချိန်မှာ တော်လှန်ရေးမှာ သူမနဲ့ ဆုံစည်းပတ်သက်ခဲ့ရစဉ်က အမှတ်တရလေး တခု ရေးချင်စိတ်ဖြစ်လာပြီး တောတွင်းအတွေ့အကြုံလေးတွေကိုလည်း ပြန်လည် လွမ်းဆွတ်တသရင်း သူမအတွက် မွေးနေ့လက်ဆောင် အဖြစ် သဘောထားပြီး ဒီပို့စ်လေးကို ရေးဖြစ်ပါတယ်။ သူမကတော့ ဧပြီလ တရက်နေ့ မွေးနေ့ရှင် တဦး တချိန်က ABSDF ဘုရားသုံးဆူစခန်း တပ်ရင်း (၁၀၁) က တော်လှန်ရေး ရဲမေတဦး ဖြစ်သူ အတာတဲ့။ နာမည်က ယောက်ျားဆန်သလို လူကလည်း ယောက်ျားဆန်ဆန်ပဲ နေတတ်ပြီး အတာ့ဟိုတုန်းက သွားလာလှုပ်ရှားပုံကို အခုထိ မြင်ယောင်နေမိတယ်။ အတာမွေးနေ့ အနှစ်တရာတိုင်အောင် ကျန်းမာ ပျော်ရွှင်စွာ ဖြတ်သန်းနိုင်ပါစေ၊ အခက်အခဲမှန်သမျှကို ရင်ဆိုင်ကျော်လွှားနိုင်ပါစေလို့ ဒီပို့စ်နဲ့အတူ ဆုတောင်းပေးလိုက်ပါတယ်။

အတာ ကျွန်မတို့ တပ်ရင်းကို ရောက်လာတဲ့အချိန်အခါတွေကို ကျွန်မ ဘယ်တော့မှ မေ့လို့ရမှာ မဟုတ်သလို အတာပြန်သွားပြီးတဲ့နောက်ပိုင်း သူ့ရဲ့ ကျွန်မတို့တပ်ရင်းမှာ ကျန်ခဲ့တဲ့ ရဲမေတွေအပေါ် ထားရှိတဲ့ စေတနာတွေကိုလည်း ဘယ်တော့မှ မေ့မှာ မဟုတ်ပါဘူး။ အတာနဲ့ ပတ်သက်တဲ့ အမှတ်တရလေးတွေ ကျွန်မမှာ ပြောစရာ မကုန်အောင် ရှိတဲ့အထဲက အမှတ်ရစရာ အနည်းငယ်ကိုပဲ ပြန်ပြောပြချင်ပါတယ်။ အတာ ကျွန်မတို့ တပ်ရင်းကို စရောက်လာတဲ့အချိန်က ၁၉၈၉ ခုနှစ် ကျွန်မတို့ တပ်ရင်း (၂၀၁) မင်းသမီးစခန်းမှာ ကျင်းပခဲ့တဲ့ ABSDF ဒုတိယအကြိမ် ညီလာခံမတိုင်ခင် အောက်တိုဘာမှာထင်ပါတယ်။ သူမကို စတွေ့ရတဲ့အချိန်မှာ သူမက ကျွန်မထက် လူရောအသက်ရော ငယ်ပုံရပေမဲ့ အစစအရာရာမှာ သွက်လက်ချာချာပုံရပြီး ကျွန်မအပါအ၀င် ကျွန်မတို့တပ်ရင်းက ရဲမေတွေ အတော်များများထက် ဗဟုသုတ ပိုကြွယ်ပါတယ်။ စာလေး ကဗျာလေးတွေလည်း ရေးတတ်တော့ သူတို့စခန်းက ထုတ်တဲ့ စာစောင်တွေထဲမှာ သူမနာမည်နဲ့ ကဗျာလေးစာလေးတွေကိုလည်း သူမကိုမတွေ့ဖူးခင်ကပင် ကျွန်မ ဖတ်ခဲ့ဖူးပါတယ်။ အပြင်မှာ လူချင်းတွေ့တော့ အရေးအသားတင်မက စကားအရာမှာရော လူရှေ့သူရှေ့မှာ ပြောရဲဆိုရဲတာပါ အချက်ကျကျ ပြောတတ်ပြီး အစစအရာရာမှာ ကျွန်မတို့ထက် သာတာကို တွေ့ရတော့ သူ့ကို လေးစားအားကျမိပါတယ်။ အတာက ဒီလိုကောင်းတဲ့နေရာမှာပဲ ကျွန်မတို့ထက်သာတာ မဟုတ်ဘူး မကောင်းတဲ့ တခြားတဘက်မှာ အတာဟာ စွာတဲ့နေရာ ရန်ဖြစ်တဲ့နေရာမှာလည်း ကက်ကက်လန်အောင် ရန်ဖြစ်တတ်တဲ့နေရာမှာလည်း သူမက ကျွန်မတို့ထက် သာတာအမှန်ပဲ။

အတာဟာ တော်လှန်ရေးစိတ်ဓာတ် အင်မတန် ပြင်းထန်သူ ဖြစ်ပြီး ကျွန်မတို့ တပ်ရင်းကို ရောက်လာရတဲ့ အကြောင်းအရင်းကို သူမပြောပြချက်အရ သူမတို့တပ်ရင်းမှာ မိန်းကလေးဆိုလို့ ရည်းစားထားပြီး ယောက်ျားရသူရ၊ ထွက်တဲ့သူထွက်နဲ့ မိန်းကလေးအဆောင်မှာ သူမတယောက်ပဲ ကျန်တော့လို့ တခြားရည်ရွယ်ချက်တူ ရဲမေတွေနဲ့ ဆွေးနွေးတိုင်ပင်ပြီး တော်လှန်ရေး ဆက်လုပ်နိုင်ဖို့အတွက် မိန်းကလေးများများရှိတဲ့ ကျွန်မတို့ တပ်ရင်းကို ရောက်လာတယ်လို့ ဆိုပါတယ်။ သူမကို ကျွန်မ ပထမဆုံး တွေ့တွေ့ချင်း သတိထားမိတာက သူမကစကား အင်မတန်ကို များပြီး စကားလုံးနည်းနည်းကြီးတာကို သိပ်ဘ၀င်မကျ ဖြစ်မိပေမဲ့ သူမရဲ့ အမျိုးသမီးအခွင့်အရေးတို့ ဆိုတာနဲ့ ပတ်ပါတ်သက်ပြီး ကျွန်မတို့ ခေါင်းထဲမှာ မရှိတာတွေ သူမမှာ ရှိနေတာကို တွေ့ပြီး လေးစားမိတာတော့ အမှန်ပဲ။

ပြီးတော့ ရောက်တဲ့နေ့မှာ ကျွန်မတို့လို တနေရာကနေ တနေရာကို အကြာကြီးကားစီးလာလို့ ကားမူးပြီး နှုံးနေတဲ့ အရိပ်အရောင် လုံးဝမရှိဘဲ သူမနဲ့ ဟိုနှစ်ပေါင်းများစွာက ရင်းနှီးကျွမ်းဝင်လာခဲ့တဲ့ ငယ်ပေါင်းကြီးဖေါ်တွေနဲ့ ပြန်တွေ့ရလို့ ပြောနေသလိုမျိုး စကားကို ရေပက်မ၀င်အောင် ပြောပြီး ကျွန်မတို့အားလုံးကို သူမတယောက်တည်း စကားဝိုင်းနဲ့ ထိန်းထားတာကို ကြည့်ပြီး သူမမှာ နေရာသစ်တခုကို ရောက်လို့ စိတ်အားငယ်တာတို့ သူများအထင်သေးမှာကို ကြောက်ရွံ့နေတဲ့ အရိပ်အရောင် လုံးဝမတွေ့ဘဲ ရဲတင်းလှတာကို တကယ်ပဲ အတုယူဖို့ကောင်းတယ်လို့ မှတ်ချက်ချမိတယ်။ ကျွန်မဆိုရင်တော့ မိမိတခါမှ မရောက်ဖူးတဲ့ နေရာသစ်နဲ့ မျက်နှာစိမ်းတွေရှေ့မှာ ရောက်ရောက်ချင်းတော့ သူမလောက် ရဲရဲတင်းတင်း ရှိမှာမဟုတ်တာ သေချာတယ်။ ဒါအပြင် တော်လှန်ရေးကာလမှာ တော်လှန်ရေးထက် အရေးကြီးတာ ဘာမှမရှိဆိုတဲ့ အတွေးအခေါ်နဲ့ တော်လှန်ရေးမှာ ရဲမေတွေ အိမ်ထောင်ပြုကြတာကို ပြတ်ပြတ်သားသား ဆန့်ကျင်တဲ့နေရာမှာ ကျွန်မနဲ့ တူနေပြန်တော့ သူမ ဘယ်လောက်ပဲ စကားလုံးကြီးကြီး ဒီတခုတည်းနဲ့တင် သူမနဲ့ ကျွန်မက လက်တွဲလို့ရသူ အဖြစ်သတ်မှတ်ပြီး ချက်ချင်းပဲ ကျွန်မ သူမကို ခင်သွားတယ်။

ဒါပေမဲ့ တခါတခါ သူမက အိမ်ထောင်ပြုတာကို ဆန့်ကျင်တာတင်မကဘဲ ရည်းစားထားတဲ့မိန်းကလေးတွေကို အပြင်းအထန် ရှုပ်ချတဲ့ စကားကိုလည်း သူမဆီက ကြားရပြန်တော့ ကျွန်မတို့ တပ်ရင်းမှာလည်း ရည်းစားထားတဲ့ ရဲမေတွေ ရှိနေလို့ တခါတခါ မျက်နှာပူရပြီး အဲဒီရဲမေတွေက သူ့ကို အမြင်ကပ်မှာစိုးလို့ အတာရေ ရည်းစားထားကတော့ တော်လှန်ရေးအတွက် ဘာမှ ၀န်ထုပ်ဝန်ပိုး ဖြစ်တာမှမဟုတ်ဘဲ သဘာဝကိုလည်း တားလို့ရတာမဟုတ်တော့ ဒါကိုတော့ ပြောမနေပါနဲ့ ထားလိုက်ပါဟယ် အိမ်ထောင်မပြုရင် တော်ပါပြီလို့ ပြောပြပြီး ၀င်တားရတဲ့ အခါတွေ ရှိခဲ့ပါတယ်။ ဒါဆိုရင် သူက ကျွန်မ တားတာကို ရပ်ဖို့နေနေသာသာ ပြောရမယ် မငယ်ရေ ပြောရမယ် မငယ်က ဘာသိလို့လဲ အဲဒါပြီးရင် နောက်တဆင့် တက်လာမှာ ပြီးရင် ဒါတွေဒါတွေ ဖြစ်လာမယ် ဆိုပြီး သမီးတကောင် နွားတထောင်ဆိုတဲ့ စကားပုံအထဲကအတိုင်း မိခင်စကား နားမထောင်တဲ့ သမီးပေါင်းများစွာကို ပဲ့ကိုင်ထိန်းကျောင်းလာရတဲ့ အတွေ့အကြုံရှိ ၀ါရင့်မိခင်ကြီးတယောက် လေသံနဲ့ ဆက်ပြောနေတတ်တော့ တားမိမှပဲ ပိုဆိုးသွားပြီ ဆိုပြီး ကျွန်မပဲတိတ်တိတ်နေတဲ့နည်းနဲ့ သူ့ကို အရှုံးပေးလိုက်ရပါတယ်။ သူမက မိန်းကလေးလို နွဲ့နွဲ့နှောင်းနှောင်းမရှိ ဆံပင်တိုတိုနဲ့ ယောက်ျားလေးလို ကျားကျားယားယား သွားလာလှုပ်ရှားတတ်တော့ ကျွန်မတို့တပ်က တချို့ ရဲဘော်တွေထဲကလည်း မိန်းကလေးက မိန်းကလေးလိုမနေ လူသေးသလောက် ပြောလိုက်တဲ့ စကားလုံးကလည်း လူနဲ့မလိုက် စကားလုံးပိသေမယ်လို့ ပြောပြီး သူမတပ်ရင်းကို ရောက်ပြီး တလတောင် မပြည့်ခင် အမြင်ကပ်ကြသူတွေ ရှိတော့ သူက ငယ်ပေမဲ့ ဗဟုသုတရှိတယ် အဲလိုမပြောပါနဲ့လို့ တခါတခါ ပြောရတယ်။

ဒီလိုနဲ့ပဲ သူမ ကျွန်မတို့ တပ်ရင်းကို ရောက်လာပြီး မကြာခင်မှာ ဒုတိယအကြိမ် ညီလာခံ ကျင်းပတဲ့အချိန် နိုဝင်ဘာလ ရောက်လာတော့ KNU က ကျွန်မတို့ တပ်ရင်းကနေ စက်လှေနဲ့ မိနှစ်သုံးဆယ်ခန့် မောင်းရပြီး၊ လမ်းလျှောက်ရင် တနာရီခန့် လျှောက်ရတဲ့ KNU တပ်မဟာ ၄ ခရိုင်မြို့ဖြစ်တဲ့ ထီးထာမှာ နေရာပေးပါတယ်။ ဒီညီလာခံမှာ ABSDFတပ်ရင်း (၆၀၁) ပအို့နယ်မြေက မသက်သက်လွင်ခေါ် မသက်က တဦးတည်းသော အမျိုးသမီး ညီလာခံကိုယ်စားလှယ် ဖြစ်တယ်။ ကျွန်မတို့ တပ်ရင်း (၂၀၁) မင်းသမီးစခန်း၊ တပ်ရင်း (၂၀၄/၂၀၅) သေ့ဘောဘိုးစခန်းနဲ့ တပ်ရင်း (၂၀၇) ရေကျော်စခန်း စတဲ့မိန်းကလေးများစွာ ရှိတဲ့ စခန်းတွေက ညီလာခံကို ကိုယ်စားလှယ်အဖြစ် တယောက်မှ မလာဘဲ ရဲမေတဦးပဲ ရှိတဲ့ တပ်ရင်း (၆၀၁) ပအို့နယ်မြေက သူတို့ရဲ့ တဦးတည်းသော ရဲမေကို ညီလာခံကိုယ်စားလှယ် အဖြစ်ရွေးခဲ့တာ ကျွန်မအတွက်တော့ တပ်ရင်း (၆၀၁) ရဲဘော်တွေရဲ့ သမိုင်းဝင် လုပ်ရပ်အဖြစ် အခုချိန်မှာ မှတ်တမ်းတင်စရာ ဖြစ်နေပါတယ်။ ကျွန်မတို့တပ်ရင်းက အမျိုးသမီး ညီလာခံ ကိုယ်စားလှယ် မပါပေမဲ့ အဲဒီ ညီလာခံမှာ ကျွန်မအပါအ၀င် အဆောင်က ရဲမေတချို့ကို ညီလာခံ အထောက်အကူပြုအဖွဲ့မှာ တာဝန်ပေးတော့ ဆေးတပ်ဆွယ်က ကျွန်မနဲ့ မ၀င်းဝင်းမူကို ညီလာခံ ဆေးခန်းမှာ တာဝန်ပေးပြီး ဆက်သွယ်ရေးနဲ့ ရုံးအဖွဲ့က ငါးယောက်ကို မှတ်တမ်းတင်အဖွဲ့မှာ တာဝန်ပေးတော့ စုစုပေါင်း ရဲမေ ၇ ယောက် ညီလာခံ အထောက်အကူပြုအဖွဲ့မှာ တာဝန်ကျပြီး တပ်ရင်းကနေ ညီလာခံ ကျင်းပတဲ့ ထီးထာမှာပဲ ပြောင်းပြီးလာနေခဲ့ရတယ်။

ညီလာခံကော်မရှင်က နေရာချပေးတဲ့ ဆေးခန်းလုပ်ထားတဲ့ အိမ်ရှေ့မှာ အရိပ်ကောင်းတဲ့ သစ်ပင်နှစ်ပင်နဲ့ အောက်မှာ ထိုင်ခုံရှည်တခု အပြင် တခြားထိုင်စရာ လွှနဲ့ဖြတ်ထားတဲ့ သစ်လုံးကြီးကြီးတလုံးလည်း ရှိပါတယ်။ နေ့လည်နေ့ခင်း သစ်ပင်နှစ်ပင်ကို ပုခက်ဆွဲပြီးလည်း အိပ်လို့လည်းရပါတယ်။ ဆေးခန်းရဲ့ ဘယ်ဘက် မျက်စောင်းထိုးမှာ ဆေးလိပ်နဲ့ မုန့်အခြောက်မျိုးစုံလည်း ရနိုင်တဲ့ ကုန်စုံဆိုင်တဆိုင် ရှိသလို ညာဘက်မျက်စောင်းထိုးမှာလည်း ကွပ်တီယို (ထိုင်းဆန်ခေါက်ဆွဲ) ဆိုင် ရှိတော့ ဆေးခန်းရှေ့ သစ်ပင်ရိပ်အောက်မှာ ဆိုင်လာတဲ့သူတွေ၊ နေမကောင်းလို့ ဆေးခန်းလာတဲ့လူတွေက အမြဲမပြတ် ရှိပါတယ်။ ညီလာခံစပြီး တရက် နှစ်ရက်ခန့်ကြာတော့ တနေ့မှာ အတာနဲ့ တခြားဆေးအဖွဲ့က တချို့က ညီလာခံရှိရာ ထီးထာကို လည်ရင်းပတ်ရင်း ရောက်လာကြတော့ ကျွန်မတို့ နေ့လည်စာ ထမင်းစားအချိန်နဲ့ ကြုံတာနဲ့ အတာတို့ကို ကျွန်မတို့ ထမင်းသွားစားစဉ် ဆေးခန်းခဏ ၀ိုင်းကြည့်ပေးဖို့ ပြောပြီး ကမ်းနားဘက်မှာ ရှိတဲ့ မီးဖိုဆောင်မှာ ထမင်းသွားစားခဲ့ပါတယ်။ ကျွန်မတို့ ပြန်လာတော့ အတာတယောက် အကြီးအကျယ် ဒေါသထွက်နေတဲ့ အမူအယာနဲ့ သေနာကောင် ငါတို့တပ်ကို ဘာထင်နေလဲမသိဘူး အဲဒီကောင် ငါနဲ့တွေ့မယ်ဆိုပြီး အခုပဲ နှပမ်းဆင်းလုံးတော့မလိုနဲ့ ကျုံးဝါးနေတာတွေ့လို့ ဟဲ့ အတာဘာဖြစ်တာလဲ ဘာလို့ ဒီလောက်တောင် ဒေါသထွက်နေရတာလဲ လို့မေးတော့ ဟိုကောင်စုတ်ပေါ့ ကျွန်တော်တို့တပ်ရင်းအကြောင်း မကောင်းကြောင်း ပြောနေတာ သွားပြီး ပညာပေးမှ ဖြစ်မယ်လုပ်နေလို့ မနည်း တားထားရပါတယ်။


သူပြောတဲ့ ကောင်စုတ်ဆိုတာ ဘယ်သူမှန်းတော့ မသိဘူး ဆေးခန်းရှေ့က သစ်ပင်အောက်မှာ ထိုင်နေကြတဲ့ သိသူရော မသိသူပါ လူလေးငါးခြောက်ယောက်ခန့်မှာ ရှိနေပါတယ်။ ကျွန်မက သိသူတွေနာမည်ကို ခေါ်ပြီး မေးတော့ တယောက်မှ မဟုတ်ဘူး ဒေါက်တာနိုင်အောင်ဘေးက ကြွက်စုတ်လိုအကောင်ကို ပြောတာ ဆိုလို့ ဒေါက်တာနိုင်အောင်ဆိုတာနဲ့ ကျွန်မက ပိုပြီး စိတ်ဝင်စားသွားတယ်။ အဖွဲ့အစည်းမှာ ဥက္ကဌ ဦးထွန်းအောင်ကျော်နဲ့ အထွေထွေအတွင်းရင်းမှူး ကိုသန်းဝင်းက တပ်ရင်းကို ရောက်ဖူးလို့ တွေ့ဖူးပြီးပြီ။ ဒုဥက္ကဌ နှစ်ယောက်အနက် ဦးယုနွယ်က ပြီးခဲ့တဲ့ ရက်တွေမှာ နေမကောင်းလို့ ဆေးခန်းလာပြီး ဆေးတောင်းလို့ တွေ့ဖူးပြီးပြီ။ အဖွဲ့အစည်းရဲ့ ထိပ်ပိုင်းခေါင်းဆောင်တွေထဲမှာ ဒေါကတာနိုင်အောင် တယောက်ကိုပဲ မတွေ့ဖူးသေးတာ ကျန်တော့တယ်။ အခုတော့ ဒီသစ်ပင်အောက်မှာ ရှိနေတဲ့အထဲက ကျွန်မမသိတာ သုံးယောက်လောက်ပဲ ရှိတဲ့အထဲမှာ ဒေါက်တာနိုင်အောင်လည်း တယောက်ပါတယ်ဆိုတော့ ဒေါက်တာနိုင်အောင်ပုံလို့ ကျွန်မ စိတ်ကူးထဲက ခန့်မှန်းမိတဲ့ပုံနဲ့ တူတာ တယောက်မှ မတွေမိ့ဘူး။ အဲဒါနဲ့ ကျွန်မက အတာရဲ့ ဇာတ်ကောင် သေနာကောင်ဆိုသူကို စိတ်မ၀င်စားတော့ဘူး ဒေါက်တာနိုင်အောင်ကို ရည်ညွန်းပြီး ဘယ်တယောက်လဲ အတာလို့ ထပ်မေးတော့ မငယ်ကလည်း ဒေါက်တာနိုင်အောင်ဘေးက သေနာကောင်ပါလို့ ဘယ်နှစ်ကြိမ် ပြောရမလဲလို့ စိတ်မရှည်တဲ့ လေသံနဲ့ ပြောလို့ ကျွန်မကလည်း ဟဲ့ နင့်သေနာကောင်ကို ငါစိတ်မ၀င်စားဘူး ဒေါက်တာနိုင်အောင်က ဘယ်တယောက်လဲလို့ မေးတာဆိုမှ အံ့သြတဲ့ အမူအရာနဲ့ ကျွန်မကို ကြည့်ပြီး မငယ်ကလည်း ဒေါက်တာနိုင်အောင်ကိုတောင် မသိဘူးလား ဟိုမှာ စာရွက်ကိုင်ထားတဲ့တယောက်လေ လို့ ပြောလိုက်မှ ကျွန်မလည်း အတာပြောတဲ့ သေနာကောင်ဆိုတာ သူပဲဖြစ်မယ်လို့ ထင်ထားတဲ့ စာရွက်ကိုင်ထားတဲ့သူကို တအံ့တသြ ငေးကြည့်ပြီး အော်.. ဒေါက်တာနိုင်အောင်ဆိုတာ သူလား ငါတို့အဖွဲ့အစည်းက ဒုဥက္ကဌ ဆိုသူကလည်း လူနဲ့ နာမည်နဲ့ ဘယ်လိုမှ မလိုက်ဖက်ပါလားနော့်လို့ စိတ်ထဲမှာ တွေးနေမိတယ်။ နောက်ပိုင်း ဆံပင်တွေ ဘာတွေညှပ်ပြီးတွေ့ရတဲ့ ပုံမှာပဲ ကျွန်မ မျက်စိထဲမှာ ဒေါက်တာနိုင်အောင်ဟာ ဒုဥက္ကဌနဲ့ နည်းနည်းတူသွားတယ်။ အတာပြလို့ ပထမဦးဆုံး တွေ့ဖူးတဲ့ပုံကတော့ လူက ပိန်ကပ်ကပ် ဆံပင်ခပ်ရှည်ရှည်နဲ့ ကျွန်မတို့မြို့က လမ်းသလားနေတဲ့ လမ်းသရဲတယောက်လိုပဲ တွေ့ရတော့ အခုချိန်မှာ ပြန်တွေးရင် အဘမြ၀တီရဲခေါင်ရဲ့ ဗိုလ်ချူပ်အောင်ဆန်းကို စတွေ့ဖူးစဉ် ဗိုလ်ချုပ်အောင်ဆန်းမှန်း မသိခင်က ဒီလူဟာ ရူးပေါပေါ၊ ကြောင်တောင်ကန်း ဖြစ်ဖို့များတယ်လို့ မှတ်ချက်ချတာကို သွားသတိရမိတယ်။
အတာအကြောင်းကို ပြန်ဆက်ရရင် အတာပြောတဲ့ သေနာကောင် ဆိုသူကို ညီလာခံရဲ့ နောက်ရက်တွေမှာ မတွေ့ရတော့ဘဲ သူပြတဲ့အချိန်အမှတ်တမဲ့ပဲ တွေ့ဖူးခဲ့ပါတယ်။ နောက် ၉ နှစ်အကြာ ၁၉၉၈ ခုနှစ်မှာ Alternative Asean အဖွဲ့မှာ BWU က အလုပ်သင်အနေဖြင့် ကျွန်မ ဘန်ကောက်ကို မလာခင် အဲဒီတုန်းက ဗဟိုဌာနချူပ် စီမံခန့်ခွဲရေးကို တာဝန်ယူနေတဲ့ ခေါင်းဆောင်ကို အဲဒီအချိန်က အတာပြောတဲ့ သေနာကောင်ဆိုသူနဲ့ နည်းနည်းဆင်သလိုရှိလို့ ကျွန်မက သူ့ကို ဒုတိယအကြိမ် ညီလာခံကာလက တပ်ရင်းအားလုံးကို ကိုယ်စားလှယ်တွေကို ကျွန်မ သိတော့ အဲဒီတုန်းက ကိုယ်စားလှယ်မဟုတ်ဘူးဆိုတာတော့ သိတယ် ဒါပေမဲ့ အဲဒီတုန်းက တခြားကိစ္စနဲ့ မင်းသမီးစခန်းကို ရောက်ဖူးသလားလို့ စကားစပ်မိပြီး မေးဖြစ်တယ်။ ကိုယ်စားလှယ်တော့ မပါဘူး ဒါပေမဲ့ အဲဒီတုန်းက သူ တရက် ရောက်သွားတယ် ခဏပဲကြာတယ် အဲဒီခဏလေးမှာ မှတ်မှတ်ရရပဲ ဘယ်ကမှန်းမသိတဲ့ ကောင်တမကောင် စွာကျယ်စွာကျယ်နဲ့ အသားလွတ်ကြီး လာကောတာ ခံလိုက်ရလို့ ထီပေါက်ပြီများ အောက်မေ့တယ်၊ အဲလောက်စွာတဲ့ အမျိုးသမီး တခါမှမတွေ့ဖူးဘူးလို့ အရွမ်းတွေဖေါက်ပြီး ကျွန်မကို ပြန်ပြောပြလို့ နှစ်ယောက်သား အတာစွာတဲ့အကြောင်း ပြောပြီး ရီဖြစ်သေးတယ်။ အဲဒီတုန်းက ကျွန်မ တားနေတဲ့အကြားက အတာဘယ်အချိန် ရန်သွားတွေ့လိုက်တယ်ဆိုတာ မသိလိုက်ဘူး။ ကျွန်မကလည်း အဲဒီအချိန်တုန်းက ဒေါက်တာနိုင်အောင်ကို အတာပြောတဲ့ သေနာကောင်လို့ ထင်ခဲ့တဲ့အကြောင်းနဲ့ သေနာကောင်ဆိုသူကို အခုမှပဲ တိတိကျကျ သိရတော့တယ်လို့ ဟာသအဖြစ် ပြန်ပြောဖြစ်တယ်။ အမှန်ကတော့ အဲဒီအချိန်က ဘုရားသုံးဆူ တပ်ရင်း (၁၀၁) ကွဲတဲ့အကြောင်းကို ပြောကြတာ ညီလာခံလာတက်တဲ့ ကိုယ်စားလှယ် အတော်များများက ပြောကြပါတယ် သူတယောက်တည်းမဟုတ်ပါဘူး။ အတာကတော့ သူ့ပြောတဲ့ သေနာကောင်ဟာ ဘယ်သူဆိုတာ အခုထိ သိချင်မှ သိမယ်။ သေနာကောင်လို့ အပြောခံရသူကတော့ အတာဘယ်သူလဲဆိုတာ ကျွန်မ ပြောပြလို့ သိသွားပါတယ်။ အတာမသိပေမဲ့ အဲဒီချိန်က ဗဟိုဌာနချုပ်မှာ စီမံခန့်ခွဲနေသူ ဗဟိုဦးဆောင်ကော်မတီဝင်ကို အဲဒီတုန်းက ABSDF ရဲ့ မယ်ရယ် ဗဟိုဌာနချူပ်မှာ ရှိတဲ့သူတွေတော့ သိကြမှာပါ။ အတာတော်ပုံ ထက်ပုံကိုလည်း ပြောပြီးပြီ အတာစွာပုံကိုလည်း ပြောပြီးပြီ။ အတာတယောက် ဟိုတုန်းကလို တော်နေစွာနေသေးလားဆိုတာ ကျွန်မ မသိပါ။ ဟိုတုန်းကလို မစွာရင်နေ ဟိုတုန်းကထက် ပိုတော်ပိုထက်ပြီး ဘ၀လမ်းခရီးမှာ တွေ့ရတဲ့ အခက်အခဲ ဆူးညှောင့်ခလုတ် အားလုံးကို လွယ်လွယ်ကူကူနဲ့ အောင်မြင်စွာ ဖြတ်ကျော်နိုင်ပါစေလို့ ဆုတောင်းလိုက်ပါတယ်။

ံHappy Birthday အတာ

ဆက်ဖတ်ရန်>>

မတ်လရနံ့

ဂုဏ်ရောင်ပြောင်တဲ့ မတ်လတော်လှန်ရေးအကြောင်းကို သီဆိုထားတဲ့ သီချင်းကစကားပြောသော သမိုင်းမော်ကွန်းဝင်တေးတပုဒ်ပါ။ ဒီသီချင်းက ၁၉၉၀ ခုနှစ်မှာ ABSDF က ပထမဦးဆုံး ထုတ်ဝေခဲ့ တော်လှန်ရေးသီချင်းခွေ ဖြစ်တဲ့ နေ၀န်းနီနီအခွေထဲက သီချင်းတပုဒ် အပါအ၀င်ဖြစ်တယ်။  မတ်လရနံ့ကို သီဆိုခဲ့တဲ့ မင်းမင်းထွေးငယ်က ABSDF သေ့ဘောဘိုးစခန်းက ရဲမေတဦး ဖြစ်ပြီး အပေါ်ကဓာတ်ပုံမှာ ပရိတ်ဘက်ကကြည့်ရင် ဘယ်ဘက်ကတယောက် ဖြစ်တယ်။ အပေါ်က ဓာတ်ပုံက နေ၀န်းနီနီ အခွေကသီချင်းတွေကို တိုက်တုန်းက ရိုက်ထားတဲ့ ABSDF ရဲ့ ပထမဦးဆုံး အဆိုတော် သုံးဦးပုံ ဖြစ်တယ်။ ကက်စက်ခွေထဲက အသံကို ကင်မရာနဲ့ ဗွီဒီယိုပြန်ရိုက်ပြီး ကွန်ပြူတာထဲမှာ Upload လုပ်နေလို့ အသံကို ပြီးမှ တင်ပေးမှာ ဖြစ်တယ်။

မတ်လရနံ့

(မိုးကုပ်ကုပ်ဝယ် အို...ရုတ်တရက်၊ မျဉ်းဖြူစက်၍ ကွဲအက်ကြောင်းရာ.. ဟ ... ဟ လာပြီး မိုးပြာကိုဖြတ်၊ ပတ္တမြားရည် စီးလည်အဟုန်.. နီမြန်းကုန်သည် အရုဏ်ပေါ်စ ဝိုးတဝါး။)

(မြေသားပြန့်ပြန့် မိုးတသက်လယ် စက်ဝန်းပမာ ချာချာလည်နေ တောတောင်မြစ်ချောင်း၊ ဗြောင်းဗြောင်းဆန်နေ မှုန်တိုင်းတွေထန် ကမ္ဘာာကြီးက ရှေ့သို့ချီနေ.. ကမ္ဘာကြီးက ရှေ့သို့ချီနေ)၂...

(ဧရာဝတီ မဲခေါင် အမေဇုန်နဲ့ နှိုင်းမြစ်ပေါင်းစုံ ဤကမ္ဘာမြေပြင်တလွှား သက်တန့်ရောင်စုံပန်းများ ဖူးပွင့်ဝေဆာစေမယ်လေ)၂.

.  နွေဦး ရောက်ပြန်တော့ ဒီလယ်မြေတွေ...ပုရစ်ဖူးတို့ မြူးသည့်တဝေေ၀.. ဘယ်လိုပင် လှနေသော်လည်း ယမ်းငွေ့ကြားက ဒီလယ်မြေတွေ ဘ၀တခုလုံး အမှောင်ဖုံးကာသာလေ တို့သွေးတွေ တို့ချွေးတွေ သူတို့အတွက်ပဲလေ ဒါပေမဲ့လည်းလေ ယာယီသာပဲလေ ဒေါသတွေ စုစည်းလို့ ခွန်အားအဖြစ်ပြောင်းလဲစေ ခွန်အားအဖြစ် ပြောင်းလဲစေ.. အဲဒါဟာ ဂုဏ်ရောင်ပြောင်တဲ့ မတ်လတော်လှန်ရေးလေ..

(ဧရာဝတီ မဲခေါင် အမေဇုန်နဲ့ နှိုင်းမြစ်ပေါင်းစုံ ဤကမ္ဘာမြေပြင်တလွှား သက်တန့်ရောင်စုံပန်းများ ဖူးပွင့်ဝေဆာစေမယ်လေ)၂.

(သံမဏိနှလုံးသားများနှင့် လက်ရုံးများဆန့်တန်းကာ တို့မတ်တပ်ထခဲ့ကြပြီလေ .ဖက်ဆစ်ကို တိုက်ခိုက်ခဲ့ရာ ကမ္ဘာ့ပြည်သူများနှင့် လက်ချင်းယှက်ခဲ့ပေ မတ်လရနံ့များ တို့သွေးကြောထဲ ယှက်ဖြာစီးဝင်ခဲ့ပေ တို့သွေးတွေနဲ့ ကမ္ဘာကြီးကို ဆေးကြောပစ်မယ်လေ... ( ရှေ့တခွင်လုံး နီလာပြီလေ)၂.

ဆက်ဖတ်ရန်>>

အမျိုးသမီးအခွင့်အရေး

အူဝဲ ဆိုတဲ့အသံနဲ့အတူ မိခင် ဗိုက်ထဲမှ မွေးလာတဲ့ အချိန်မှာ သမီးမိန်းကလေးများနဲ့ သားယေက်ျားလေးများဟာ လွတ်လပ်စွာ တန်းတူ မွေးဖွားလာကြသော်လည်း ပြင်ပလောကကို ရောက်ပြီးမှ မိန်းကလေးတွေဟာ မိသားစု၊ ပတ်ဝန်းကျင်နဲ့ လူမှုအသိုင်းအ၀ိုင်း တခုလုံးရဲ့ ဓလေ့ထုံးထမ်းတွေအောက်မှာ ဘောင်တွေခတ်ခြင်း၊ ခွဲခြားဆက်ဆံခြင်း၊ ဖိနှိပ်ခြင်းစတာတွေကို ခံလာကြရပြီး အခွင့်အရေးတွေ ဆုံးရှုံးလာကြပါတယ်။ ဒီလို ခွဲခြားခံလာရာကနေ နှိမ့်ကျနေတဲ့ အမျိုးသမီးဘ၀တွေအတွက် အမျိုးသမီး လှုပ်ရှားမှုတွေကြောင့် အမျိုးသမီး အမျိုးသား တန်းတူအခွင့်အရေးတွေ ရရှိလာပြီး ပညာတတ် အမျိုးသမီးတွေအတွက် ယနေ့အချိန်မှာ အမျိုးသမီးမလုပ်ရ (သို့) အမျိုးသမီး မလုပ်နိုင်ဟူသည့် အလုပ် ကမ္ဘာပေါ်မှာ မရှိသလောက် ရှားပါးနေချိန် ဖြစ်သော်လည်း မြန်မာနိုင်ငံအပါအ၀င် ကမ္ဘာဒေသတချို့ကနိုင်ငံတွေမှာ ပညာတတ် မဟုတ်တဲ့ သာမာန် အမျိုးသမီးများရဲ့ ဘ၀ကား ရှေးယခင်ကနဲ့ မည်သို့မှ ခြားနားခြင်း မရှိဘဲ ဆက်လက်၍ နှိမ့်ကျလျက် ရှိနေဆဲ ဖြစ်ပါတယ်။

အခုလက်ရှိ အမျိုးသမီးများ ရရှိနေတဲ့ အခွင့်အရေး အားလုံးဟာ အလိုလို နေရင်းထိုင်ရင်း ရလာဖြစ်လာခြင်းမဟုတ်ပါ၊ ကမ္ဘာပေါ်မှာ အမျိုးသမီးလှုပ်ရှားမှု ဆိုတာသာ မပေါ်ပေါက်ခဲ့ပါက ယနေ့ခေတ် အမျိုးသမီးတွေ ရရှိနေတဲ့ လွတ်လပ်စွာ လှုပ်ရှားသွားလာခွင့်၊ အဆင့်မြင့်ပညာ သင်ကြားပိုင်ခွင့်နှင့် လုပ်ငန်းအသီးသီးမှာ အမျိုးသားများနှင့် လစာတူ၊ အဆင့်တန်းတူ တန်းတူ ပါဝင်ဆောင်ရွက်ခွင့်၊ မဲပေးပိုင်ခွင့်ဆိုတာတွေဟာ အိပ်မက်ပင် မက်ခွင့်ရှိမှာ မဟုတ်ပါဘူး။ ဒီအခွင့်အရေးတွေကို ရဖို့အတွက် အရင်ခေတ်က အင်္ဂလန်၊ ပြင်သစ်၊ အမေရိကန်နှင့် ရုရှား စသည့် ကမ္ဘာ့နိုင်ငံအသီးသီးက အမျိုးသမီးတွေဟာ လူမှုအသိုင်းအ၀ိုင်းတခုလုံးရဲ့ တံတွေးခွက်မှာ အမျောခံပြီး တိုက်ပွဲဝင်လာခဲ့ရတယ်။ အမျိုးသမီးတွေရဲ့ ဒီလို ပြင်းထန်တဲ့ အာသီသတွေနဲ့ တောင်းဆို တိုက်ပွဲဝင်လာခဲ့တာကို မိန်းမဟာ မိန်းမလိုမနေဘဲ တန်ရာတန်ရာကို မလုပ်၊ မိမိနဲ့ မအပ်စပ်တာကို တောင်းဆိုရကောင်းလားဆိုပြီး ဘဲဥပုပ်၊ ခရမ်းချဉ်သီးပုပ် အာလူးပုပ်တွေနဲ့ ပစ်ပေါက်ခံရခြင်း၊ ညှင်းဆဲခံခြင်း၊ တံတွေးခွက်ပေါ်မှာ ပက်လက်မျောကာ ပြက်ရယ်ပြုခံလာရပြီးမှ ရတဲ့အခွင့်အရေးတွေ ဆိုတာ ယနေ့ခေတ် အမျိုးသမီး၊ အမျိုးသား အားလုံးကို သိဖို့ လိုအပ်ပါတယ်။ သူတို့သာ တိုက်ပွဲ မ၀င်လာခဲ့ပါက ကျွန်မလည်း ကွန်ပြူတာပေါ်မှာ အခုချိန်မှာ အခုလို စာထိုင်ရိုက်နေခွင့် ရှိချင်မှ ရှိပါလိမ့်မယ် ဆိုတာ တွေးပြီး အရင်ခေတ်က တိုက်ပွဲဝင်လာခဲ့တဲ့ အမျိုးသမီးတွေရဲ့ ကျေးဇူးကို အောက်မေ့တသမိပါတယ်။

အပြည်ပြည်ဆိုင်ရာ လူ့အခွင့်အရေး ကြေညာစာတမ်း အပိုဒ် (၁) အရ “လူသားအားလုံးသည် မွေးဖွားသန့်စင်သည့် အချိန်ကစပြီး တူညီသော လူ့ဂုဏ်သိက္ခာနှင့် တူညီသော လူ့အခွင့်အရေး ရှိကြသည်” လို့ ဆိုပါတယ်။ ဒီ အပိုဒ် (၁) ဟာ ကြေညာစာတမ်း တခုလုံးမှာ ပါတဲ့ အချက် (၃၀) လုံးကို အကျဉ်းချုပ်ထားတယ်လို့ ပြောလို့ရပါတယ်။ စစ်အာရှင်တွေ လက်ညိုးညွန်ရာ ရေဖြစ်နေသော ကျွန်မတို့ မြန်မာ့နိုင်ငံမှာ ဒီလူ့အခွင့်အရေးတွေက အမျိုးသမီးမှာရော အမျိုးသားတွေမှာပါ မရှိတာကို ဘယ်သူမှ ငြင်းနိုင်ပါဘူး။ သို့သော်လည်း အမျိုးသမီးတွေမှာ အခွင့်အရေး ချိုးဖေါက်ခံနေရတယ်လို့ ပြောရင် မြန်မာအမျိုးသမီးတွေက တခြားအမျိုးသမီးတွေနဲ့ စာရင် တော်ပါသေးတယ် ဆိုပြီး အမျိုးသမီးတွေ ကိုယ်တိုင်က ဒီလိုပဲ တင်းတိမ်ရောင့်ရဲပြီး ဖြေသိမ့်တတ်ကြတာကိုလည်း တွေ့ရပါတယ်။ မြန်မာ အမျိုးသမီးတွေမှာ အခွင့်အရေး ဘယ်လောက်ရှိမရှိ ဆိုတာ တိုင်းတာတဲ့ နိုင်းယှဉ်စရာ စံချိန်စံညွှန်းဆိုတာ ခေါင်းမမြှီးခြုံ အိမ်တွင်းပုန်း ကုလားမတွေ၊ တရုတ်မ ခြေသေးတွေနဲ့ မြန်မာပညာတတ် အမျိုးသမီးတွေကြား အခွင့်အရေး ကွာဟမှုကို တိုင်းတာရန်မဟုတ်ပါ။ မြန်မာအမျိုးသမီးထု အများစုကို ကိုယ်စားပြုတဲ့ ကျေးလက်ဒေသ အမျိုးသမီးထုမှာ ရှိတဲ့ အခွင့်အရေးနှင့် ကမ္ဘာ ကုလသမဂ္ဂက သတ်မှတ်ထားတဲ့ စံစချိန်စံညွှန်းနဲ့သာလျင် တိုင်းတာရမှာ ဖြစ်ပါတယ်။

အပြည်ပြည်ဆိုင်ရာ လူ့အခွင့်အရေး ကြေညာစာတမ်းထဲက အချက်တွေဟာ လူသားအားလုံးအတွက် ဖြစ်ပြီး ဒီအချက်တွေက အမျိုးသမီး အမျိုးသား အားလုံးနဲ့ အကျုံးဝင်ပါတယ်၊ ဒါကြောင့် အမျိုးသမီးအခွင့်အရေးဆိုတာ အထူးသီးသန့် ရှိနေစရာ လိုသေးလားလို့ စောတက တက်သူများလည်း ရှိပါတယ်။ အမျိုးသမီးတွေဟာ လူထဲက လူတွေ ဖြစ်လို့ အဲဒီအခွင့်အရေးတွေဟာ အမျိုးသမီးတွေရဲ့ အခွင့်အရေး ဆိုတာမှန်ပါတယ်။ သို့ပေမဲ့ ဒီအခွင့်အရေးတွေကို အမျိုးသမီးတွေနဲ့ အမျိုးသားတွေ တန်းတူ ၀င်ဆံ့လို့ မရနိုင်အောင် အမျိုးသမီးတွေမှာ မိရိုးဖလာ ထုံးတမ်းအစဉ်အလာ ရှေးရိုးစွဲအယူအဆအရ အဟန့်အတားတွေ များစွာရှိနေပါတယ် ။ အမျိုးသမီး လှုပ်ရှားမှုဆိုတာ ကမ္ဘာ့သမိုင်းမှာ ပေါ်လာခဲ့လို့ လုပ်ငန်းခွင်တွေ၊ တက္ကသိုလ်တွေမှာ အမျိုးသမီးတွေ ၀င်ဆံ့လာခဲ့လို့ ပညာတတ် အမျိုးသမီးတွေအတွက် အဆင်ပြေလာခဲ့ပေမဲ့ နိုင်ငံအသီးသီးက အထူးသဖြင့်၊ အာရှ၊ အာဖရိကနဲ့ အရှေ့ဥရောပ နိုင်ငံတွေက သာမန်အောက်ခြေ (Grass root) အမျိုးသမီးတွေအတွက်တော့ ရှေးကနှင့် ဘာမှ သိပ်မထူးခြားသလို ဖြစ်နေသေးလို့ ကမ္ဘာ့ကုလသမဂ္ဂက ဒီပြဿနာကို ဖြေရှင်းလာရပါတယ်။

အမျိုးသမီးတွေမှာပဲ ထိခိုက်နှစ်နာစေပြီး အမျိုးသားတွေအတွက် ပြဿနာမရှိတဲ့ လိင်ပိုင်းဆိုင်ရာ အကြမ်းဖက်မှု၊ အိမ်တွင်း အကြမ်းဖက်မှုတွေ မိရိုးဖလာအစွဲအလန်းကြောင့် ယုတ်ညံ့သူတွေအဖြစ် အစွပ်စွဲခံနေရတာတွေကို ခံစားနေရတဲ့ သားကောင်တွေက အမျိုးသမီးတွေသာ အများဆုံး ဖြစ်တဲ့အတွက် အပြည်ပြည်ဆိုင်ရာ လူ့အခွင့်အရေး ကြေညာစာတမ်းပါ အချက်သုံးဆယ်ဟာ အမျိုးသမီးတွေအတွက် လုံလောက်တဲ့ အချက်တွေ မဟုတ်တော့ပဲ နောက်ထပ် သီးသန့် အချက်တွေ လိုအပ်နေတာကိ ဖြေရှင်းဖို့ “အမျိုးသမီးများအား အကြောင်းအမျိုးမျိုးဖြင့် ခွဲခြားထားမှု ပပျောက်ရေး သဘောတူညီချက် Convention on the Elimination of All form of Discrimination Against Women (CEDAW)” ဆိုတဲ့ အမျိုးသမီးကဏ္ဍ အတွက် သီးသန့် စာချုပ်တခုကို ကုလသမဂ္ဂက မွေးထုတ်ခဲ့ပါတယ်။ ဒီစာချုပ်ရဲ့ လိုရင်းချက်ကတော့ အမျိုးသမီးတွေကို အမျိုးသားတွေနဲ့ တန်းတူအခွင့်အရေး မရှိအောင် ကန့်သတ်ထားတဲ့ မိရိုးဖလာ ယုံကြည်မှု အစွဲအလန်းတွေကို သက်ဆိုင်ရာ အစိုးရတွေက ဥပဒေတွေ ချမှတ်ပြီး အမျိုးသမီးအခွင့်အရေးကို ချိုးဖေါက်ရာ ရောက်နေတဲ့ အယူအဆအစွဲအလန်း အမှန်သမျှကို ပျောက်ကွယ်အောင် လုပ်ပေးရမယ်ဆိုတဲ့အချက်တွေ ဖြစ်တယ်။ မြန်မာနိုင်ငံဟာ CEDAW စာချုပ်ကို လက်မှတ်ရေးထိုးထားတဲ့ နိုင်ငံတခု ဖြစ်ပါတယ်။ ဆိုလိုတာက ဒါတွေ လုပ်ပေးပါမယ်လို့ အစိုးရကိုယ်တိုင် လက်မှတ်ထိုးထားပြီးတော့ စာချုပ်ပါအကြောင်းအရာများ အတိုင်း မြန်မာအမျိုးသမီးများ အတွက် အစိုးရက ဘာတခုမှ လုပ်ပေးတာကို မတွေ့ရတဲ့အပြင် အစိုးရစစ်တပ်တွေကိုယ်တိုင်က ရှေ့တန်းဒေသတွေမှာ အမျိုးသမီးတွေကို အဓမ္မပြုကျင့်နေတာကို မကြာခဏ သတင်းတွေ ထွက်ပေါ်နေပါတယ်။

မြန်မာနိုင်ငံက စစ်မြေပြင်တွေမှာ အမျိုးသမီးများနဲ့ အရွယ်မရောက်သေးတဲ့ အမျိုးသမီးငယ်များ အတင်းအဓမ္မ ပေါ်တာအဖြစ်ဆွဲခေါ် အသုံးပြုခံရရာကနေ စစ်တပ်ရဲ့ အဓမ္မပြုကျင့်ခံနေရခြင်း၊ လူကုန်ကူးခံရခြင်းရဲ့ သားကောင်များအဖြစ် အိမ်နီးနားချင်း နိုင်ငံများတွင် ပြည့်တန်ဆာအဖြစ် မြန်မာအမျိုးသမီးများ ခန္ဓာကိုယ် ရောင်းစားခံနေရခြင်း၊ ကျေးလက်ဒေသက အမျိုးသမီးများ အိမ်တွင်းမှာ လင်ယောက်ျားဖြစ်သူများရဲ့ ဆိုးရွားစွာ ရက်စက်အကြမ်းဖက်မှုကို ခံနေရခြင်း၊ ပညာမတတ်တဲ့ အသိုင်းအ၀ိုင်း ရပ်ထဲရွာထဲနဲ့ ကျေးလက်ဒေသ လူထုတွေထဲမှာ အမျိုးသမီးမို့ ယုတ်ညံ့သူတွေအဖြစ် အယူရှိနေပြီး မလုပ်ရမကိုင်ရ ကန့်သတ်ချက်တွေ ယနေ့အထိ ရှိသေးခြင်း စသည်တို့ဟာ CEDAW စာချုပ်ကို လက်မှတ်ရေးထိုးထားပြီး အစိုးရရဲ့ တာဝန်မကျေမှုကို ပြသနေပါတယ်။ CEDAW စာချုပ်ကို လက်မှတ်ရေးထိုးထားတဲ့ အစိုးရတိုင်းဟာ အယူသီးမှုတွေ အားလုံး အမျိုးသမီးတွေကို ထိခိုက်နစ်နာစေတဲ့ အချက်တွေအားလုံးကို ရှာဖွေစစ်ဆေးဖေါ်ထုတ်ပြီး ဥပဒေအရ တားမြစ်အရေးယူရမှာ ဖြစ်ပါတယ်။

အမျိုးသမီးအခွင့်အရေးနဲ့ ပတ်သက်တဲ့ ဥပဒေပြုခြင်း အပါအ၀င် တိုင်းပြည်အုပ်ချုပ်ခြင်းက စစ်တပ်လုပ်ရမည့် အလုပ်မဟုတ်၊ စစ်တပ်ဆိုတာ တိုင်းပြည် ကာကွယ်ဖို့သာဖြစ်တဲ့အတွက် စစ်တပ်ကြီးစိုးတဲ့ မြန်မာနိုင်ငံမှာ အမျိုးသမီးတွေရဲ့ အခန်းကဏ္ဍကို လုပ်ပေးနိုင်ဖို့ မျှော်လင့်ချက် မရှိပါဘူး။ ဒါကြောင့် စစ်တပ်ကိုတော့ CEDAW ပါအချက်တွေကို ဖြစ်အောင် လုပ်ပေးဖို့ တောင်းဆိုလို့လည်း ထူးမှာမဟုတ်လို့ ကျွန်မ ဘာမှ မတောင်းဆိုလိုပါဘူး။ စစ်ခေါင်းဆောင်တွေကို ပြောလိုတာက စစ်တပ်နဲ့ ဆိုင်တာကိုပဲ လုပ်ပါ။ စစ်တပ်နဲ့ မဆိုင်တဲ့ နိုင်ငံရေးမှာ စစ်တပ်က မဆီမဆိုင် ၀င်လုပ်နေလို့ အရင်က ချမ်းသာတဲ့ မြန်မာပြည်က အခုတော့ ထည်ကြီးပျက် ဖြစ်နေပါပြီ။ နိုင်ငံရေးဆိုတာ ပြည်သူလူထုနဲ့သာ ဆိုင်တဲ့အတွက် ပြည်သူလူထုကို သူ့အလုပ်သူ လုပ်ခွင့်ပေးပါ စစ်တပ်က ကိုယ်နဲ့ မဆိုင်တာကို ဆက်မလုပ်ဘဲ ရပ်တန်က ရပ်ပြီး ပြည်သူလူထု ပြန်လည်ချစ်ခင်လေးစားလာအောင် ကိုယ့်အလုပ်ကိုပဲ ကိုယ်လုပ်ပါ ဆိုတာပဲ ပြောချင်ပါတယ်။

သို့သော်လည်း မြန်မာအမျိုးသားတွေကို အထူး တောင်းဆိုလိုတာကတော့ ချက်ပြုတ်ခြင်း၊ လျှော်ဖွပ်ခြင်း ကလေးမွေးပြီး စောင့်ရှောက်ခြင်းတွေကလွဲရင် အခုခေတ် အမျိုးသမီးတွေ လုပ်နေတဲ့ အလုပ်တွေ အားလုံးဟာ အမျိုးသမီးတွေ ဒါတွေကို လုပ်လိုက်ရင် ကမ္ဘာကြီးပဲ ပျက်တော့မည့်အတိုင်း အမျိုးသမီးတွေနဲ့ မတန်၊ မလုပ်ရမကိုင်ရ ဆိုပြီး အရင်ခေတ်က ပြင်းထန်စွာ တားမြစ်ခံလာရတဲ့ အလုပ်တွေသာ ဖြစ်ပါတယ်၊ အခု ဒီအလုပ်တွေကို အမျိုးသမီးတွေ လုပ်လာကြတော့ လုပ်အားတွေ တိုးလာပြီး လူ့အဖွဲ့အစည်းကြီးက ပိုပြီးတိုးတက်လာတာကို တွေ့ရပါလိမ့်မယ်။ ဒါကြောင့်မို့ ရှေးရိုးစွဲတွေကို သိပ်မထားကြဘဲ မိမိတို့ရဲ့ ဇနီးမယားတွေ၊ သမီး၊ မြေးတွေ၊ တူမတွေက စိတ်ဝင်စားတဲ့ အိမ်ပြင်ပ အလုပ်တွေကို အမျိုးသားတွေက မကန့်ကွက်ဘဲ ပါရမီဖြည့်ပြီး အားပေးကြဖို့ ကျွန်မ တိုက်တွန်းချင်ပါတယ်။ အမျိုးသမီးတွေကိုလည်း မိမိတို့ရဲ့ နှိမ့်ကျနေတဲ့ အခန်းကဏ္ဍကို မြှင့်တင်နိုင်အောင် ကြိုးစားကြဖို့ တိုက်တွန်းပါတယ်။

ခေတ်အဆက်ဆက်က အမျိုးသမီးအခွင့်အရေးအတွက် တိုက်ပွဲဝင်လာခဲ့တဲ့ အမျိုးသမီးများ၊ လက်ရှိမှာ အမျိုးသမီးများရဲ့ ဘ၀တိုးတက်ရေးအနှင့် အမျိုးသမီးအခွင့်အရေး ကာကွယ်စောင့်ရှောက်ရေးအတွက် စွမ်းစွမ်းတမံ ဆောင်ရွက်နေကြသူများ အားလုံး၊ ဒီနေ့ကျရောက်သော မတ်လ (၈) ရက်နေ့ နိုင်ငံတကာ အမျိုးသမီးများနေ့နှင့် လာမည့် ဇွန်လ (၁၉) ရက်နေ့မှာ ကျရောက်မည့် မြန်မာနိုင်ငံ အမျိုးသမီးများနေ့ကို ဒီပို့စ်နဲ့အတူ ဂုဏ်ပြုလိုက်ပါတယ်။

အမျိုးသမီးထုဘ၀ တိုးတက်မြင့်မားရေးသို့ ရှေ့ရှုလျက်

လွန်ခဲ့တဲ့ သုံးနှစ် (8/03/10) ရက် 3:33PM မှာ တင်ခဲ့တဲ့ပို့စ်ကို ဒီနေ့ကျရောက်တဲ့ နိုင်ငံတကာ အမျိုးသမီးများနေ့ကို ဂုဏ်ပြုသောအားဖြင့် အပေါ်ခဏ ပြန်တင်ထားပါတယ်။

ရွှင်လန်းချမ်းမြေ့ကြပါစေ။

ဆက်ဖတ်ရန်>>