Sydney Royal Easter Show, 2010

နှစ်သစ်မှာ အားလုံးမင်္ဂလာအပေါင်းနဲ့ ပြည့်စုံကြပါစေ။ သင်္ကြန်နဲ့ သင်္ကြန်မတိုင်ခင် ကာလတွေမှာ လုံးဝမအားမလပ်ဘဲ စိတ်ဖိစီးစရာတွေနဲ့ အလုပ်များခဲ့လို့ သင်္ကြန်ပြီးတာနဲ့ ပထမဆုံးတင်မည့် ပို့စ်ကို ကျွန်မရဲ့ သင်္ကြန်ကာလ ဒုက္ခများဆိုပြီး အဲဒီ ကာလတွေမှာ ဗျာပါများခဲ့ရတဲ့အကြောင်းကို မိတ်ဆွေတွေကို မျှဝေပြောပြတဲ့အနေနဲ့ တင်ဖို့စဉ်းစားခဲ့ပါတယ်။ သို့ပေမဲ့ အပူတွေ ဆက်တိုက် ဖြစ်နေမှာစိုးလို့ အခုတော့ အဲဒီအကြောင်းကို မတင်တော့ဘဲ ဒီနှစ်သင်္ကြန်မှာ ဘယ်မှ မရောက်ဖြစ်ပေမဲ့ သင်္ကြန်မတိုင်ခင် သားသားကို (၂၀၁၀ ခုနှစ်) ဆစ္စဒနီအိုလံပစ်ကွင်းမှာလုပ်တဲ့ Easter Show သွားပြခဲ့တဲ့အချိန်က ရိုက်လာတဲ့ ဓါတ်ပုံတွေနဲ့ ဗွီဒယိုတွေ တင်ပေးလိုက်ပါတယ်။ နှစ်သစ်မှာ ဗုံးတွေ ပေါက်ကွဲပြီး စိတ်မချမ်းမြေ့စရာ ကြားရလို့ မီးပန်းဖေါက်တာကိုတော့ ချန်လှပ်ထားလိုက်ပါတယ်။ နောက်ပို့စ်တွေကျရင်တော့ အရင်ပို့စ်တွေလို အဆဲအဆိုခံရနိုင်တဲ့ ပို့စ်တွေလည်း ပါလာနိုင်တယ်။ မေးထားတာတွေ ပြန်ဖြေတာ၊ အတိုက်အခိုက်တွေကို ပြန်ရှင်းတာတွေ လာပါမယ်။ အခုလောလောဆယ်တော့ နှစ်သစ်မှာ စိတ်မသက်မသာ ဖြစ်တာတွေကို ခဏမေ့ထားပြီး စိတ်ပြေလက်ပျောက် အီစတာရှိုးလေး ကြည့်ကြရအောင်။

ရှိုးက ညဘက်မှ ပြတာဖြစ်ပြီး နေ့ဘက် ရှိုးမပြခင်မှာ ကလေးစီး ကစားတဲ့ နေရာတွေကို အရင် သွားဖြစ်ပါတယ်။

ပုံကြီးကြည့်ချင်ပါက ကလစ်နှိပ်ကြည့်နိုင်ပါတယ်။

အ၀င်ဝ ကလေးစီးကစားတဲ့နေရာ

(ကလေးများ ပိုက်ဆံဖြုန်းတဲ့နေရာ)

အောက်က ပုံတွေကတော့ အီစတာရှိုးကာလမှာ ဟင်းသီးဟင်းရွက်တွေ အသီးနှံတွေကို တကယ့်လယ်တောပုံစံ ခင်းကျင်းပြသ သရုပ်ဖေါ်ပြီး ရောင်းချတဲ့ပုံတွေဖြစ်ပါတယ်။









အောက်က ပုံတွေကတော့ နယူးဆောက်ဝေးပြည်နယ်က အထက်တန်းကျောင်းကလေးတွရဲ့ လယ်တောနဲ့ပတ်သက်ပြီး Creative Designs ပုံဖေါ် ခင်းကျင်းပြသတဲ့ ပြိုင်ပွဲမှာ ပထမ၊ ဒုတိယ တတိယ ဆုရထားတဲ့ပုံတွေ ဖြစ်ပါတယ်။

ပထမဆုရရှိတဲ့ ခင်းကျင်းပြသမှု

ဒုတိယဆုရရှိတဲ့ ခင်းကျင်းပြသမှု

တတိယဆုရရှိတဲ့ ခင်းကျင်းပြသမှု

အောက်က ပုံတွေကတော့ အိုလံပစ်ကွင်းထဲက မွေးမြူရေး ပြတိုက်က တိရိစာစ္ဆာန်တွေရှိတဲ့နေရာ ဖြစ်တယ်။ သိုး၊ နွား၊ ဆိတ် နဲ့ ၀က်တွေ ရှိပါတယ်။ ကျွန်မတို့လို တောမှာကြီးတဲ့ လူကြီးတွေအနေနဲ့ အဲဒါတွေက ဘာမှ မထူးဆန်းပေမဲ့ လယ်တောကို ကျောင်းကနေ Excursion သွားမှ တခါ ရောက်ဖူးတဲ့ သားသားအတွက်တော့ တော်တော်လေး ထူးဆန်းအံ့ဖွယ် ဖြစ်ပါတယ်။ အထဲမှာ သိုးပိုင်ရှင်တွေက သိုးမွေးအလှထားထားတဲ့ သိုးတွေရဲ့ သိုးမွေးအရှည်နဲ့ အလှပြိုင်ခြင်း၊ တခြားတိရိစ္ဆာန်တွေရဲ့ အလှပြိုင်ခြင်း၊ နွားကနေ နွားနို့ကို စက်နဲ့စုပ်ယူခြင်း စတာတွေကို ဒီထဲမှာ ပြပါတယ်။ ကျွန်မ အနံ့မခံနိုင်ဘဲ အန်ချင်လို့ ကြာကြာ မနေဖြစ်ခဲ့ဘူး။
နွားတွေထားတဲ့နေရာနဲ့ နွားနို့ညစ်တဲ့ နေရာကို ၀င်တဲ့အ၀င်ဝ










အောက်ကပုံတွေကတော့ အီစတာရှိုးမပြခင် ကွင်းထဲမှာ ပဏာမ ပြတာတွေ ဖြစ်ပါတယ်။ မြင်းလှည်းအလှပြိုင်ကြတာ ဖြစ်တယ်။
ရှိုးပြရာကွင်း

ဧည်ပရိတ်သတ်များ..	ရှေးတုန်းက သြစကြေးလျားမှာရှိတဲ့ မြင်းလှည်းပုံစံတွေ

ရှိုးမပြခင် ပါးစပ်တူရိယာနဲ့ အမေရိကမှ လာရောက်ဖြေဖျော်တဲ့အဖွဲ့ (သီချင်းသံစဉ်တွေကို ပါးစပ်အသုံးပြုပြီး Music လုပ်သွားပါတယ်)

မြင်းရိုင်းနဲ့ နွားရိုင်းစီးပြိုင်ပွဲ (Rodeo). ခုန်ဆွခုန်ဆွနဲ့ လူကို ရန်ရှာပြီး ခါချနေတဲ့ မြင်ရိုင်းနဲ့ နွားရိုင်းပေါ်မှာ လူကတက်စီးနေပြီး အဲဒီလူ ကြာကြာနေနိုင်တဲ့ အချိန်ကို အမှတ်ပေးပါတယ်။ ကျွန်မကြည့်တာ နယူးဆောက်ဝေးက မြင်းရော နွားပါ ပိုရိုင်းတယ်ထင်တယ် ခဏလေးနဲ့ လူကို ခါချလိုက်တာ ဘယ်လောက်မှ မကြာဘူး။ New South Wales နဲ့ Queensland ပြိုင်တာ နယူးဆောက်ဝေး ရှုံးကျန်ခဲ့လို့ ဗွီဒယိုတော့ မထည့်တော့ဘူး။

ကားနဲ့ မော်တော်ဆိုင်ကယ် အလှစီးပြတာကို ဆက်လက်ကြည့်ရှုနိုင်ပါတယ်။ မျှဝေချင်လို့ တင်လိုက်တာ ဖြစ်ပေမဲ့ ညဘက်ဖြစ်ခြင်း၊ ကင်မရာ သိပ်မကောင်းခြင်း၊ အဝေးကပုံကို ဆွဲမရိုက်ပဲ ဒီအတိုင်း သူ့နဂိုရှိတဲ့ အရွယ်အစားအတိုင်း ရိုက်ထားခြင်းကြာင့် ဗွီဒယိုက သိပ်မရှင်းပါဘူး။ ဒါကြောင့် တကယ်အပြင်မှာ မြင်တွေ့ခဲ့ရနဲ့တော့ ဘာမှမဆိုင်ပါဘူး။ ကားအလှမောင်းရာမှာ ကားလေးစီးကို နှစ်စီးက ပုံမှန်အတိုင်း နှစ်စီးက နောက်ပြန်နဲ့ လေးစီးအစဉ်လိုက် (သို့) ကန့်လန့်ဖြတ် မောင်းတာသလို လေးမျက်နှာမှာ အလယ်ကိုတည့်တည့် မောင်းလာပြီး အလယ်မှာ မတိုက်မိအောင်ရှောင်ခြင်း၊ ခင်းထားတဲ့ အတန်းတွေကို ကျော်ပြီး မောင်းခြင်း စတာတွေ ပြပါတယ်။

ဆိုင်ကယ်သမား လေးယောက် ဆိုင်ကယ် အလှစီးပြရာမှာလည်း ခင်းထားတဲ့ တန်းတွေပေါ် စီးတာ ရှိသလို အမြင့်ပေါ်ကို မောင်းတက်ပြီး လေထဲမှာ နှစ်ပြန် သုံးပြန်လိမ့်ပြီးပြန်ခြင်းလာခြင်း၊ ဒါမှမဟုတ် လေထဲမှာ ခြေတောက် (သို့) လက်ကို အပေါ်မြှောက်တင်ခြင်း၊ ခြေတောက်ရော လက်ပါ ဆိုင်ကယ်နဲ့ လွတ်ထွက်အောင် တပတ်လည်ပြီးပြီး ဆိုင်ကယ်ပေါ် ပြန်ခုန်တက်ပြီး ပြန်ဆင်းလာခြင်း စတဲ့ ပြကွက်တွေကို အခုရိုက်ထားတဲ့ ဗွီဒယိုမှာ ကောင်းကောင်းမတွေ့ရပေမဲ့ အပြင်မှာတော့ ဒါကို ကောာင်းကောင်းတွေ့ရပါတယ်။

ကားအလှမောင်းခြင်း



ဆိုင်ကယ် အလှမောင်းခြင်း



ရှိုးပြပွဲမှာ တခြားပြကွက်တွေလည်း ရှိပေမဲ့ မရိုက်ဖြစ်ခဲ့ဘူး။ မီးပန်းဖေါက်တောတွေကိုတော့ ရိုက်လာခဲ့ပေမဲ့ ချန်လှပ်ထားခဲ့ပါတယ်။

ရွှင်လန်းချမ်းမြေ့ကြပါစေ။

Posted in: Australian society and environment,ဓါတ်ပုံ,ဗွီဒီယို