၂၀၁၁ အတွက် ဆုတောင်း

နှစ်သစ်အတွက် ဆုတောင်း


-သက္ကသရာဇ် ၂၀၁၁ ဟာ အားလုံးအတွက် ကျက်သရေ မင်္ဂလာအပေါင်းနဲ့ ပြည့်စုံတဲ့ နှစ်သစ်ဖြစ်ပါစေ။

-သူတော်ကောင်းတရားများ တည်တံ့ခိုင်မြဲပြီး ကမ္ဘာကြီး ငြိမ်းချမ်းသာယာစွာနဲ့ သက်တမ်းရှည်ကြာစွာ ဆက်လက် ရှင်သန်နိုင်ရန် ကမ္ဘာသူကမ္ဘာသားများ၊ မြန်မာပြည်သူပြည်သားများ အားလုံး အဓမ္မတရားများကို ရှောင်ရှားကာ ဓမ္မနှင့်အညီ ကမ္ဘာကြီးနဲ့ အမိမြန်မာပြည်ကို ငြိမ်းချမ်းသာယာ ၀ဖြိုးအောင် အလေးထား ဆောင်ရွက်နိုင်ကြပါစေ။

-သတ္တ၀ါများအားလုံး ဘေး၊ ရန်၊ ကြောင့်ကြ ဆင်းရဲခြင်း ကင်း၍ ကိုယ်၊ စိတ်နှစ်ဖြာ ကျန်းမာ၍ ချမ်းသာကြပါစေ။ ကောင်းကျိုး လိုအင်ဆန္ဒပြည့်ဝကြပါစေ။ (တောင်တန်းသာသနာပြု ဆရာတော် ဦးဥတ္တမသာရ ဆုတောင်း)။

-ဗုဒ္ဓြုမတ်စွာ သာသနာတော် ကမ္ဘာတလွှား ထွန်းကားပြီး လူသားများအားလုံး မကောင်းမှုများကို ကိုယ်၊ နှုတ်၊ နှလုံး သုံးပါးစလုံးဖြင့် ရှောင်နိုင်ကြပါစေ၊

-ဘေး၊ ဘရာ ဒုက္ခ၊ သောက၊ ပရိဒေ၀ အပူမီးနဲ့ နှင့် ရင်ဆိုင်နေရသူများ ဘေး၊ ဘရာ ဒုက္ခ၊ သောက၊ ပရိဒေ၀အပူမီးမှ လွတ်မြောက်ပါစေ။

-မြန်မာ ဘလော့ဂါများအားလုံး စည်းစည်းလုံးလုံး ဖေးဖေးမမ ရှိကြပြီး ဘလော့ဂ် ဆက်ရေးနိုင်ကြပါစေ။

-အွန်လိုင်းပေါ်မှ မိတ်ဆွေများအချင်းချင်း လိမ်လည်လှည့်ဖြားခြင်း၊ ကင်းဝေးပါစေ။

-လိုတာမရ ရတာမလို ဖြစ်လို့ အပျိုကြီး လူပျိုကြီး ဖြစ်နေကြသူများ (တရားတဓမ္မဖြင့် ပျော်မွေ့နေသူများမပါ) ကြင်ဖက်ကောင်းများနဲ့ ဆုံတွေ့တွဲဖက်နိုင်ကြပါစေ။

-မိသားစု ရှိပြီးသောသူများ မိသားစုဘ၀ အနှစ်သာရကို ဖေါ်ဆောင်နိုင်ကြပါစေ။

- ကိုမင်းကိုနိုင်နှင့် နိုင်ငံရေးအကျဉ်းသားများ အားလုံး လွတ်မြောက်ပြီး အမိမြန်မာပြည်မှာ စစ်မှန်တဲ့ ဒီမိုကရေစီကို ဖေါ်ဆောင်နိုင်ပါစေ။

(မှတ်ချက် - အရင်နှစ်က မပြည့်ဝခဲ့သော ဆုတောင်းကို ဒီနှစ်ပြန်လည် ဆုတောင်းခြင်း ဖြစ်ပါတယ်။)

Posted in: မှတ်တမ်း