“ငါတို့တသက်ယုံကြည်ချက်” နိူးဆော်လွှာ (မြ၀တီ ရဲခေါင်)

ပြည်သူလူထုသတိပြု ။ ။ တို့တပ်မတော်ရဲ့ ဖခင်ကြီး ဗိုလ်ချုပ်အောင်ဆန်းသမီး အောင်ဆန်းစုကြည်နဲ့ NLD ကိုအားပေးကြ။

(၁)
ပြည်ထောင်စု မြန်မာနိုင်ငံတဝန်းလုံး (က) စစ်မှန်တဲ့ငြိမ်းချမ်းရေး၊ (ခ) ယမ်းငွေ့ပြယ်ပြီး ကြေးစည်တီးသံ ဘဝဂ်ညံ သွားတဲ့ ငြိမ်းချမ်းရေး၊ (ဂ) သူပုန်မရှိတဲ့ငြိမ်းချမ်းရေး၊ (ဃ) စစ်တပ်မလာတဲ့ ငြိမ်းချမ်းရေး၊ (င) ပြည်တွင်းစစ်မရှိတဲ့ ငြိမ်းချမ်းရေး၊ (စ) တိုက်ပွဲမရှိတော့တဲ့ ငြိမ်းချမ်းရေး၊ (ဆ) ပေါ်တာမဆွဲတော့တဲ့ ငြိမ်းချမ်းရေး၊ (ဇ) ဆက်ကြေး ဂိတ်ကြေး မပေးရတော့တဲ့ ငြိမ်းချမ်းရေး၊ (ဈ) စစ်တပ်က လာလာဖမ်းပြီး မိုင်းဗုးံမြှပ်ထားတဲ့ လယ်တွေမှာ အသေခံခိုင်းတဲ့ဘဝက လွတ်မြောက်သွားကြတော့မဲ့ ငြိမ်းချမ်းရေး၊ (ည) စစ်တပ်က ခဏလိုက်ခဲ့ပါလို့ ခေါ်သွားတဲ့သူ မှန်သမျှ သပိတ်သွတ်လိုက်ကြရတဲ့ အဖြစ်မျိုး မရှိတော့တဲ့ ငြိမ်းချမ်းရေး၊ (ဋ) သူပုန်နဲ့ စစ်သား သူငယ်ချင်းချင်း အမြင်မှား + ညီအစ်ကိုချင်း အထင်မှားပြီး မသတ်ရတော့တဲ့ ငြိမ်းချမ်းရေး၊ (ဋ္ဌ) စွန့်စားရဲတဲ့ ကျောင်းသားအားလုံး တောမခိုရတော့တဲ့ ငြိမ်ချမ်းရေးကို အလိုရှိသူမှန်သမျှ မကြောက်တရား လက်ကိုင်ထားပြီး တို့တပ်မတော်ရဲ့ ဖခင်ကြီး ဗိုလ်ချုပ်အောင်ဆန်းသမီး အောင်ဆန်းစုကြည်နဲ့ NLD ကိုအားပေးကြ။

(၂)
(က) ရွှေအာမခံရှိတဲ့ ရွှေစက္ကူ၊ (ခ) တန်ဖိုးမကျ မဖေါင်းပွတဲ့ ရွှေစက္ကူ (ဂ) ကမ္ဘာ့ဘဏ်မှ အာမခံမဲ့ ရွှေစက္ကူ၊ (ဃ) ဒီမိုကရေစီ တခေတ်လုံး စိတ်ချလက်ချ သုံးနိုင်ကြရမဲ့ ရွှေစက္ကူ၊ (င) တကမ္ဘာလုံးလှည့်ပြီး သုံးနိုင်မဲ့ ရွှေစက္ကူ (စ) မျက်နှာကြီး လိုသမျှပစ္စည်းကို ၀ယ်လို့ရမဲ့ ရွှေစက္ကူ။ (ဆ) ဘ၀င်မဆူ ရင်မပူတော့တဲ့ ရွှေစက္ကူ၊ (ဇ) ရှစ် ၄ လုံး အရေးအခင်း ကာလနဲ့ လက်နက်မဲ့ ဒီမိုကရေစီ တိုက်ပွဲကာလအတွင်း ကျဆုံးခဲ့ရတဲ့သူများအတွက် အထောက်အထားခိုင်လုံသူ မှန်သမျှ ‘ကရုဏာကြေး’ ရကြမဲ့ ရွှေစက္ကူ၊ (ဈ) စစ်အာဏာရှင် တော်လှန်ရေးကာလ စစ်မြေပြင် အသီးသီးမှာ ကျဆုံးသွားကြရတဲ့ ရဲဘော်များအတွက် အထောက်အထား ခိုင်လုံသူမှန်သမျှ ‘ကရုဏာကြေး’ ရကြမဲ့ ရွှေစက္ကူ၊ (ည) စစ်အာဏာရှင် တပ်များရဲ့ ကိုယ်ချင်းမစာ ညာတာမှုမရှိ ဥပဒေမဲ့ မတရားနှိပ်စစ်ခြင်း ခံရတာကြောင့် ဒုက္ခိတဘ၀ ရောက်သွားကြရတဲ့ ပြည်သူများ၊ မုဒိမ်းကျင့် ခံလိုက်ရတဲ့ အမျိုးသမီးများနဲ့ အသတ်ခံလိုက်ရတဲ့ ပြည်သူများအတွက် အထောက်အထား ခိုင်လုံသူမှန်သမျှ ‘ကရုဏာကြေး’ ရကြမဲ့ ရွှေစက္ကူ၊ (ဋ) တပ်မတော်ထဲက ဒီမိုကရေစီ လိုလားတဲ့ ဗိုလ်၊ အကြပ်၊ တပ်သားမှန်သမျှ (နအဖ) ခေတ်ပျောက်၊ ဒီမိုကရေစီ ခေတ်အရောက် ရွှေစက္ကူကို သုံးလိုကြလျှင် ဦးနှောက်ဥာဏ်သုံး အချိန်မဖြုန်းပဲ တို့တပ်မတော်ရဲ့ ဖခင်ကြီး ဗိုလ်ချုပ်အောင်ဆန်းသမီး အောင်ဆန်းစုကြည်နဲ့ NLD ကိုအားပေးကြ။

(၃)
(က) ရေ၊ မီး၊ မင်းဆိုး၊ သူခိုး၊ လာတ်စား၊ ဒီရန်သူမျိုးငါးပါးက လွတ်ကင်းပြီး ပြည်သူက ရွေးကောက် တင်မြှောက်လိုက်တဲ့ မင်းကောင်းမင်းမြတ်များ လက်ထက် ကုန်ဈေးနှုန်းတွေ ပြန်ကျ အိမ်ရှင်မတိုင်း ၀မ်းသာ၊ ရဟန်းတော်တွေ ကြွလာတိုင်း ရွှင်ရွှင်ပြပြ ဆွမ်းလောင်းနိုင်တဲ့ ဘ၀ကို ပြန်ရောက်ချင်ရင်၊ (ခ) မဆလ လက်ထက်က လျှော်ကြေးမပေးပဲ ပြည်သူပိုင် အသိမ်းခံလိုက်ရတဲ့ စက်ရုံ၊ အလုပ်ရုံကြီးတွေ မှန်သမျှ ပိုင်ရှင်တွေ ပြန်ရပြီး၊ (ဂ) နိုင်ငံခြားသွားလိုသူ မှန်သမျှ ရန်သူမိတ်ဆွေ မခွဲခြား (ပစ္စည်းမယူ၊ လူကိုမဖမ်း၊ တားဝရမ်းမထုတ် လာတ်မပေးရပဲ) လွတ်လပ်စွာ သွားနိုင်တဲ့ ခေတ်ကို တကယ် ရောက်စေလိုလျှင်၊ (ဃ) မဆလခေတ်မှာ ပြည်သူပိုင် အသိမ်းခံလိုက်ကြရတဲ့ တောင်သူလယ်သမား၊ ဦးကြီးများရဲ့ ဓါးမဦးချ လယ်ယာ ဥယာဉ်များနဲ့ မြို့ပေါ်က မြေပိုင်ရှင်တွေရဲ့ ဂရန်မြေတွေကိုလည်း မူလပိုင်ရှင်တွေလက်ထဲ အချိန်မဆွဲပဲ ပြန်ရောက်ချင်ရင်၊ (င) လေးနှစ်တခါ တက်တက်လာနေတဲ့ ကုန်ဈေးနှုန်းနဲ့ အညီ (အလုပ်သမား၊ ရုံးအမှုထမ်းများနဲ့ လက်နက်ကိုင် စစ်သား၊ ရဲအမှုထမ်းများ အားလုံး) ရှားပါးစရိတ် ထပ်ထပ်တိုးပြီး၊ (စ) သြစတြေးလျား နိုင်ငံမှာလို လခစားမှန်သမျှ (ဘိုင်ကျတဲ့အချိန်၊ လ၀က်ကိုတကြိမ်) လစာလုပ်ခ ထုတ်ပေးတဲ့ခေတ်နဲ့ (ဆ) လမ်းဘေးဈေးသည် မြင်းလှည်း၊ ဆိုက်ကား အောက်ခြေလူတန်းစားများအတွက် ဒီမိုကရေစီ အစိုးရများ လက်ထက် နေ့ပြန်တိုးစနစ်အရ အစိုးရဘဏ်များက ငွေထုတ်ချေးသွားတာကို မြင်ချင်ရင်၊ (ဇ) လင်လုပ်သူ စစ်ဘိုယ်ရဲ့အမှားကြောင့် (သားမယားနဲ့ ဘာမှမဆိုင်) လူဘုံအလယ်မှာ မျက်နှာမငယ်ပဲ ၀င်ထွက်သွားလာ ဘေးကင်းကွာပြီး လွတ်လပ်စွာ ရောင်းဝယ်တွယ်တာတဲ့ အလုပ် ဘယ်တော့မှ မပြုတ်ပဲ ခပ်သွက်သွက် ကျောင်းသွား ဘေးရန်မများတဲ့ ဘ၀မှာ အကျမနာစေလိုလျှင် (ဈ) ဘိုယ်ရှုပ်ကြီး သန်းရွှေ နှုတ်မိန့်အရပဲဖြစ်ဖြစ် စာနဲ့ပဲဖြစ်ဖြစ် ခိုင်းစေချက်ကို မလွန်ဆန်ဝံ့လို့ (မတရားမှန်း၊ မမှန်မှန်း၊ မကောင်းမှန်း သိပါလျက်) မိမိနောင်ရေးအတွက် စစ်ထုံးစံအတိုင်း လုပ်မိသူမှန်မျှ သက်သေပြပြီး အဲဒီအပြစ်တွေက လွတ်ချင်ရင် တို့တပ်မတော်ရဲ့ ဖခင်ကြီး ဗိုလ်ချုပ်အောင်ဆန်းသမီး အောင်ဆန်းစုကြည်နဲ့ NLD ကိုအားပေးကြ။

(၄)
(က) မဆလခေတ်ကစပြီး ရဲအဖွဲ့ တခုလုံးကို ကျွန်သားပေါက်လို လုပ်ထားခြင်းမှ လွတ်မြောက်လိုကြလျင် (ခ) ဘိုယ်နေ၀င်းလက်ထက် သူ့ကိုယ်ကျိုးအတွက် သူတသက် သူစိတ်ကြိုက် လုပ်လာခဲ့တဲ့ ဗမာ့တပ်မတော်ကို ပြည်နယ်သားများ အထင်မမှားအောင် ပြည်ထောင်စု တပ်မတော်လို့ အမည်ပြောင်းပြီး (ဂ) အဲဒီတပ်မတော် ဖွဲ့စည်းပုံကိုလည်း လူမျိုးအလိုက် တပ်တွေကို မခွဲပဲ အကုန်ရောနှော ဖွဲ့စည်းသွားရမည့်အပြင် (ဃ) တပ်မတော်တခုလုံးရဲ့ ကြည်း၊ ရေ၊ လေ စစ်ဦးစည်း နေရာများကိုလည်း လူမျိုး၊ ဘာသာမရွေး (ကြည်း၊ ရေ၊လေ) တပ်များမှာ စစ်ဝါအရင့်ဆုံး အရည်အချင်း အပြည့်ဆုံး၊ အပြစ်ကင်းဆုံး၊ အမြင်အကျယ်ဆုံး၊ ပြည်ထောင်စု စိတ်ဓါတ်အရှိဆုံး၊ လူမျိုးခွဲခြားမှု မရှိဆုံး ဒီမိုကရေစီကို ယုံကြည်လေးစား တန်ဖိုးထားတဲ့ အထက်တန်းအရာရှိများကသာ အလှည့်ကျ တရားမျှတ သဘာဝကျကျ ရယူလုပ်ကိုင် သွားစေလိုလျှင် (င) ကမ္ဘာာကျော် ရွှေကြိဂံနယ်မြေကိုလည်း ကုလသမဂ္ဂ အကူအညီနဲ့ ပြုပြင်ပြောင်းလဲမှုများ ပြုလုပ်သွားပြီး (စ) ပြည်ထောင်စု တပ်မတော်အတွင်းမှာလည်း (ပြည်ထောင်စု အစိုးရနဲ့ ကုလသမဂ္ဂ အထောက်အပံ့ခံ) ဘိန်းနှိမ်နှင်းရေး အထူးတပ်ဖွဲ့တခုကို သီးခြားလေ့ကျင့် ဖွဲ့စည်းထားကာ (ဆ) ပြည်ထောင်စု မြန်မာနိုင်ငံရဲ့ နယ်ခြားလုံခြုံရေး၊ နယ်ခြားလမ်းပမ်း ဆက်သွယ်ရေး၊ နယ်ခြားမြို့သစ်များ တည်ထောင်ရေး၊ နယ်ခြားအမျိုးသား မှတ်ပုံတင်ဌာနခွဲများ ဖွင့်လှစ်ရေး လုပ်ငန်းများကိုလည်း ပြည်ထောင်စု တပ်မတော်နဲ့ သက်ဆိုင်ရာ ပြည်နယ်အစိုးရများ ပူးပေါင်းဆောင်ရွက်သွားကြလျက် (ဇ) ပြည်နယ်တိုင်းဟာလည်း လူမျိုးစုံ ပြည်ထောင်စု တပ်မတော်ရဲ့ လက်အောက်ခံ ပြည်နယ်တပ်များ အညီအမျှထားရှိတာကို တွေ့မြင်လိုကြလျှင် မကြောက်မရွံ့ နောက်မတွန့်ပဲ တို့တပ်မတော်ရဲ့ ဖခင်ကြီး ဗိုလ်ချုပ်အောင်ဆန်းသမီး အောင်ဆန်းစုကြည်နဲ့ NLD ကိုအားပေးကြ။

(၅)
(က) လျှပ်စစ်မီးက ခဏခဏ ပျက်၊ အနေကြပ်၊ အစားကြပ်၊ အသွားအလာကြပ် ညဘက်မှာလည်း စာမဖတ်ရတော့တဲ့ ဘ၀က လွတ်မြောက်ချင်ရင် (ခ) ကျောင်းတွေကို ခဏခဏပိတ် ပညာရေးစရိတ် ပိုပို ကြီးလာပြီး ပညာရေးအဆင့်အတန်း နှိပ်ကျသွားတဲ့အတွက် ကမ္ဘာာ့အလယ်မှာ မျက်နှာငယ်နေရတဲ့ ဘ၀က လွတ်မြေက်ချင်ရင် (ဂ) လျှပ်စစ်မီးအား ပြတ်တောက်သွားလို့ သောက်ရေ၊ သုံးရေ မလုံလောက် အိမ်တွင်း စစ်မှု လုပ်ငန်းလေးတွေပါ ဆိုင်းဘုတ်ပျောက်သွားရတဲ့ အဖြစ်ဆိုးက လွတ်မြောက်ချင်ရင် (ဃ) မီးသွေးက ဈေးကြီး မီးဖိုချောင်ပစ္စည်းက ဈေးတက် အဲဒီကြားထဲ မိလ္လာရေကပါ ပြတ်ပြတ်လာလို့ အိမ်သာရှိပါလျက် ဖင်ဆေးရခက်တဲ့ ဘ၀က လွတ်မြောက်ချင်ရင်…တို့တပ်မတော်ရဲ့ ဖခင်ကြီး ဗိုလ်ချုပ်အောင်ဆန်းသမီး အောင်ဆန်းစုကြည်နဲ့ NLD ကိုအားပေးကြ။

(၆)
(က) အစာရေစာ ရှားပါးလာပြီး လေမုန်တိုင်းကျ ရေကြီး၊ မီးလောင် တက်တက်ပြောင်တဲ့ ဒုဗ္ဘိက္ခ န္တရကပ်၊ HIV နဲ့ AIDS ရောဂါတွေ ပြန့်နှံ့နေတဲ့ ရောဂန္တရကပ်၊ သားစဉ်မြေးဆက် တရက်မပြတ် တို့လူမျိုးချင်း ပြန်ပြန်သတ်နေရတဲ့ သတ္ထန္တရကပ် ဆိုတဲ့ ကပ်ကြီးသုံးပါးက လွတ်မြောက်သွားချင်ရင် (ခ) ဥပဒေပြု လွှတ်တော်က ရေးဆွဲပြဌာန်းထားတဲ့ ဥပဒေရယ်လို့ လုံးဝမရှိတဲ့ သူပုန်နယ်မြေနဲ့၊ ဥပဒေနဲ့ တရားရုံးများ ရဲဌာနများ အထင်အရှား ရှိပါလျက် စစ်တပ်ကို ကြောက်နေကြရတဲ့ ရဲအရာရှိနဲ့ ထမိန်ခြုံ တရားသူကြီးများကြောင့် စစ်တပ်က ကျူးလွန်ထားတဲ့ ပြစ်မှု မှန်သမျှ ဘယ်ကိုမှ တိုင်လို့လည်း အကြောင်းမထူး၊ တရားစွဲလို့လည်း မရတဲ့ ဘ၀က လွတ်မြောက်ချင်ရင်၊ (ဂ) ဘုရားကအောက် မျောက်က အထက်ဆိုသလို အစိုးရက စစ်တပ်အောက် အစိုးရအထက် စစ်တပ်ရောက် သူတို့ရဲ့ အမိန့်က အဓိက၊ တရားဥပဒေက သာမည ဖြစ်နေတဲ့ ခေတ်နဲ့ ပြည်သူတွေရဲ့ အမြင်မှာ နှစ်ပေါင်းများစွာ (စစ်တပ်ရော သူပုန်ပါ) လက်နက်ရှိသူတွေသာ ဗိုလ်ကျလာတဲ့ ခေတ်ကို ချုပ်ငြိမ်းသွားစေလိုလျှင် (ဃ) ရှေ့အဖို့ ဒီမိုကရေစီ အစိုးရများ အာဏာရတဲ့အချိန်တိုင်း (ဖဆပလ) ခေတ်က ရောင်စုံသူပုန် ထကြတဲ့ အခြေအနေမျိုးနဲ့ (ပထစ) သန့်ရှင်းအစိုးရလက်ထက်မှာ စစ်တပ်က အာဏာလုတာ ခံလိုက်ကြရတဲ့ အဖြစ်မျိုး ထပ်မံမဖြစ်ပွား မီးသေသွားတာကို မြင်လိုလျင်- တွေးမနေနဲ့၊ ငေးမနေနဲ့၊ ဆွေးမနေနဲ့၊ ပြေးမနေနဲ့၊ တို့တပ်မတော်ရဲ့ ဖခင်ကြီး ဗိုလ်ချုပ်အောင်ဆန်းသမီး အောင်ဆန်းစုကြည်နဲ့ NLD ကိုအားပေးကြ။

စည်းမကျွံ၊ နယ်မကျွံ ဘောင်မလွန်ပဲ ရဲရဲ လုပ်ပါ၊ တို့ဘက်က မမှားစေနဲ့ သတိထား၊ မြန်မာနိုင်ငံအတွင်း မြို့တမြို့က လူအားလုံးကို သိမ်းကျုံးဖမ်းချူပ် (နို့စည်ဗူးထဲက နှမ်းတွေလို) ဆံ့အောင် လုပ်နိုင်တဲ့ ထောင်မျိုး တထောင်မှ မရှိ။ ထို့အတူ နောက်လိုက် ရဲဘော်များမပါပဲ စစ်ဗိုလ်တွေချည်း မြို့တမြို့ကို သိမ်းနိုင်တာ ဒီကမ္ဘာဘယ်မှာမှ မရှိ မယုံရင် စမ်းကြည့်။

(မြ၀တီ) ရဲခေါင်
လွတ်လပ်ရေး မော်ကွန်းဝင် ပထမဆင့်

မြ၀တီ ရဲခေါင်ရဲ့ ကိုယ်ရေး ရာဇ၀င်အကျဉ်း ကို ဒီနေရာမှာ ဖတ်နိုင်ပါတယ်။

Posted in: မြ၀တီ ရဲခေါင်,နိုးဆော်လွှာ