အကြွေးဆပ်ခြင်းနှင့် ရွေးကောက်ပွဲအတွက် နောက်ဆုံး Message

ဘလော့ဂ်ထဲကို ပထမဦးဆုံး မျက်နှာပြန်အပ်မိတဲ့အချိန်မှာ Visitor အရေအတွက်ကို တွေ့လိုက်တော့ အိမ်ရှင်တောင် မရောက်နိုင်တဲ့ အခြေအနေမှာ ဧည့်သည်တွေလာထားတာကို တွေ့ရပြီး ရင်ထဲမှာ ၀မ်းသာဝမ်းနည်း ခံစားမိပါတယ်။ Live trafic ကို ထောက်ကြည့်တော့ ngenaing ကို google မှာ တကူးတက ရှာပြီး လာလည်ထားသူတွေကိုလည်း တွေ့ရပြန်တော့ ထပ်ပြီးခံစားရပါတယ်။ အခြေအနေအရ ဘလော့ဂ်ကို အတော်အကြာကြီး လှည့်မကြည့်နိုင်ဘဲ ပြန်ဖေါ်ပြတဲ့ ပို့စ်တွေနဲ့ပဲ ပို့စ်ကို တင်ရုံသာတင်ပြီး ဘလော့ဂ်ကို မျက်နှာမပြနိုင်ခဲ့တာ အတော်ကြာပါပြီ။ အခုလည်း ဆပ်စရာ အကြွေးလေး ရှိလို့သာ ခဏရောက်ခဲ့ခြင်းပါ။ ဗွီဒယိုကို ကိုနစ်နေမန်း ဆီက ကူးယူဖေါ်ပြထားပါတယ်။ အဲဒီတုန်းက အပြတ်အသတ် အသာစီးက ဒီလို နိုင်ခဲ့တာတောင် လွှတ်တော်ခေါ်ယူခွင့် အပါအ၀င် ဘာမှလုပ်ပိုင်ခွင့် မရခဲ့တာ အခုတကြိမ် စစ်ဖိနပ်အောက်မှာ ဒူးထောက်ပြီး ၀င်ပြိုင်မယ့် အချိန်မှာကော ဘာများမျှော်လင့်စရာ ရှိမလဲဆိုတာကို သတိထားမိစေချင်လို့ လွှတ်တော်ထဲက တိုက်ယူမယ်ဆိုသူတွေကို ပေးချင်တဲ့ message ဖြစ်တယ်။ နောက်တခုက စာလာဖတ်သူတချို့ရဲ့ အရင်ပို့စ်တွေမှာ စွပ်စွဲပြောဆိုခံရဖူးကို နောက်မှ တုံ့ပြန်မယ်လို့ ပြောပြီး အခုထိ မတုံ့ပြန်ရသေးဘဲ အကြွေးတင်နေတာတွေကို ရွေးကောက်ပွဲမတိုင်ခင် အချိန်မီ အကြွေးဆပ်ခြင်းသာ ဖြစ်ပါတယ်။။

ရွေးကောက်ပွဲနဲ့ ပတ်သက်ပြီး အရင်ပို့စ်ဟောင်းတွေကိုလည်း အပေါ်ဆွဲတင်ထားတာ ရှိတဲ့အတွက် ရွေးကောက်ပွဲအတွက် အကြောင်းအရာ အသစ်ကို အထူးတင်စရာ မရှိပါဘူး။ ပို့စ်အဟောင်းတွေရဲ့ အတိုချုပ်ကိုပဲ Message ပေးချင်ပါတယ်။ ဒီမိုကရေစီဆိုတာ လူတိုင်းလူတိုင်းမှာ ဘာဖိအားပေးခြင်းမှ မခံရစေပဲ လွတ်လပ်စွာ ရွေးချယ်ပိုင်ခွင့် ရှိပါတယ်။ ဒါပေမဲ့ ပြည်တွင်းက လူတွေအနေနဲ့ မိမိတို့မှာ ဒီအခွင့်အရေး တကယ်ရှိမရှိဆိုတာ ပြည်တွင်းမှာ ရှိနေတဲ့ ကာယကံရှင်တွေသာ အသိဆုံး ဖြစ်ပါလိမ့်မယ်။ ပြည်ပမှာ ရှိနေတဲ့ ကျွန်မတို့အနေနဲ့ မိမိရဲ့ ဘ၀ဖြတ်သန်းမှု နိုင်ငံရေး ခံယူမှုတွေကို တင်ပြတဲ့အအခါမှာ အပြင်ကနေပြီး ဘာမှ မလုပ်နိုင်ဘဲ အတွင်းကလူတွေကို လက်တွေ့ကျတဲ့ အကူအညီကျတော့ မပေးဘဲ တမင်ဒုက္ခရောက်အောင် လုပ်နေတယ်လို့ အကြိမ်ကြိမ် အပြောခံရဖူးပါတယ်။ အပြင်ကနေပြီး ဘာမှမလုပ်နိုင်ဘဲ နိုင်ငံရေးလုပ်စားပြီး လေနဲ့ အော်နေတယ်၊ ကီးဘုတ်နဲ့ တိုက်ပွဲဝင်နေတယ်လို့ စွပ်စွဲပြောတာလည်း အကြိမ်ကြိမ်ခံရဖူးပါတယ်။ ကိုယ်မဟုတ်တော့ ကိုယ်မနာဘူး။ သို့ပေမဲ့ ဘာရည်ရွယ်ချက်နဲ့ ရေးနေပြောနေတယ် ဆိုတာကိုတော့ စာလာဖတ်သူတွေကို ဝေဖန်ပြောဆိုသွားသူတွေကို သိအောင်ရှင်းပြဖို့ လိုအပ်ပါတယ်။

စာဖတ်သူတဦးက သီးသန့် အီးမေးပို့ပြီး ပြောလာတာက ကျွန်မတို့ အပြင်ရောက်နေသူတွေကို တောရိုင်းတိရိစ္ဆာန်ရဲ့ ရန်က လွတ်တဲ့ သစ်ပင်ပေါ်ရောက်နေသူတွေ အနေနဲ့ ဥပမာပေးထားပြီး ပြည်တွင်းကလူတွေကိုကျတော့ သစ်ပင်အောက်မှာ ကျားလိုက်ဆွဲခံနေရပြီး ကျားကြောက်လို့ ပုန်းနေတဲ့သူတွေနဲ့ ဥပမာပေးထားတယ်။ သစ်ပင်ပေါ်မှာ အခန့်သားထိုင်ပြီး အောက်ကလူတွေကို ဘာလုပ်ပါလို့ ကျားမောင်းထုတ်ခိုင်းပြီး ကျားသေသွားရင် သစ်ပင်အောက်ကို အန္တရယ်ကင်းကင်းနဲ့ ပြန်ဆင်းလာလို့ရအောင် အတွင်းက လူတွေကို မငှဲ့ဘဲ အပြင်ကလူတွေက မိမိအတွက်ပဲ မိမိကြည့်ပြီး အတွင်းကလူတွေကို ဒုက္ခပေးနေတယ်လို့ ပြောပါတယ်။ အဲဒီဥပမာအတိုင်း ယူမယ်ဆိုရင်တော့ ကျွန်မတို့က ဘေးအန္တရယ်က လွတ်တဲ့နေရာမှာ ရောက်နေတာတော့ မှန်တယ်၊ ဒါပေမဲ့ ကျားကို ကိုယ်တိုင်လည်း သစ်ခက်တွေချိုး ဒုတ်တွ လုပ်ပြီးဝိုင်းမောင်းထုတ်နေသူတွေ ဖြစ်သလို အောက်မှာ အစောရေစာ ငတ်ပြတ်ပြီး ပုန်းအောင်းနေရတဲ့ သူတွေကိုလည်း သစ်ပင်ပေါ်က ချိုမြိန်တဲ့ သစ်သီးတွေကို မိမိပဲ စားနေတာမဟုတ်ဘဲ အောက်ကို ပစ်ချကျွေးနေသူတွေ ဖြစ်ပါတယ်။ လူကုန်တဲ့အထိ တယောက်ပြီးတယောက် ကျားဆွဲစားမခံရအောင် တယောက်ကို ခုန်အုပ်နေရင် ကျန်တဲ့သူတွေက ရရာနည်းနဲ့ ၀ိုင်းဝန်းခုခံကာကွယ် တိုက်ခိုက်ဖို့ တိုက်တွန်းရင်း သစ်ပင်ပေါ်က သစ်ခက်တွေ ချိုးကာ ဒုတ်လုပ်ပြီး ကျားကိုလည်း ပစ်ပေါက် အောက်ကလူတွေကိုလည်း လက်နက်အဖြစ် အသုံးချလို့ရအောင် ပစ်ချပေးနေသူတွေသာ ဖြစ်ပါတယ်။ ဒုက္ခရောက်အောင် လုပ်နေတဲ့ စစ်အုပ်စုကို ဘာမှအပြစ်မမြင်နိုင်ဘဲ အမှန် (Fact) တွေကို ပြောတဲ့သူတွေကိုပဲ အပြစ်တင်ချင်တဲ့သူတွေကို ဘလော့ဂ်တခုမှာ ပေးဖူးတဲ့ မှတ်ချက်တခုကို ပြန်ယူပြီး ဥပမာပေးချင်ပါတယ်။

အပြင်ရောက်လာတဲ့ သူတွေအထဲမှာ အမျိုးမျိုး ရှိပါတယ်။ အထဲမှာတုန်းက နိုင်ငံရေးအခြေအနေတွေကို မသိဘဲ အပြင်ရောက်မှာ စီးပွားရှာဖို့ ရောက်လာရင်းနဲ့ ကိုယ့်နိုင်ငံရဲ့ ပကတိအခြေအနေကို သိလို့ ဒီမိုကရေစီအရေးအတွက် ငါတို့နိုင်ငံမှာ တကယ်လိုအပ်ပါလားဆိုပြီး ထလုပ်တဲ့သူတွေ ရှိမယ်။ အတော်များများ ပြောတဲ့အတိုင်း လုပ်စားသူတွေလည်း တကယ်ရှိပါတယ်။ ဒီလို အပြင်ရောက်နေသူ အမျိုးမျိုးအနက် ကျွန်မကတော့ အတွင်းမှာလည်း ဘ၀နဲ့ရင်းပြီးလုပ်လာခဲ့ပြီးမှ မသေလို့ ရောက်လာသူတွေထဲက တယောက်သာ ဖြစ်ပါတယ်။ လက်တွေ့ကျတဲ့ ကူညီမှု မလုပ်မဟုတ်၊ မြန်မာပြည်မှာ ဘာပဲဒုက္ခရောက်ရောက် သူများထက် မလျှော့တဲ့ ကူညီမှုကို ကျွန်မတို့လည်း လုပ်ပါတယ်။ ဒါက ခဏတာ ပြဿနာကို ဖြေရှင်းပေးခြင်းသာ ဖြစ်တယ်။

သူများတွေက ခဏတာပြဿနာကို ဖြေရှင်းပေးတဲ့ နေရာမှာပဲ ကူညီနိုင်တဲ့အချိန်မှာ အများ မလုပ်နိုင်တဲ့ ရေရှည် ဖြစ်နေတဲ့ နိုင်ငံရေး ပြဿနာအတွက် လုပ်နေသူတွေကို မစော်ကားသင့်ဘူး။ နိုင်ငံတခုရဲ့ နိုင်ငံရေး ပြဿနာကို ဖြေရှင်းတာက လူတယောက်မှာ ဖြစ်နေတဲ့ ရောဂါကြီးတခုလုံးကို ပျောက်အောင် ကုတာနဲ့တူပြီး လိုအပ်တဲ့နေရာမှာ ဒုက္ခရောက်တာကို ကူညီတာက ရောဂါကြောင့် ခေါင်းကိုက်နေသူကို Paracetamol ၀ယ်ပေးတာနဲ့ တူပါတယ်။ ဒါကြောင့် ရောဂါကို ပျောက်စေတဲ့ ဆေးကိုပေးသူရော ရောဂါလက္ခာ ဖြစ်တဲ့ ခေါင်းကိုက်တာကို သက်သာစေတဲ့ ဆေးကို ၀ယ်ပေးသူပါ မှန်ပါတယ်။ သေချာတာက ခေါင်းကိုက်ပျောက်ဆေး ဘယ်လောက်ပဲ ပေးပေး ခဏပဲ သက်သာလိမ့်မယ် ရောဂါပျောက်မှပဲ အားလုံးသက်သာမှာ ဖြစ်တယ်။ ငှက်ဖျားရောဂါ ဖြစ်နေသူတယောက်ဟာ အဖျားသွေးရှိလို့ Paracetamol သောက်တာ အဖျားတက်ပြီး အန်လို့၊ မူဝေလို့ အအန်သက်သာဆေး ပေးတာတွေက ငှက်ဖျားကြောင့် ဖြစ်လာတဲ့ လက္ခဏာတွေကို သက်သာအောင် ခဏတာဖြေရှင်းတာသာ ဖြစ်တယ်။ ရောဂါပျေက်အောင်တော့ Quinine တို့ Cloroquine တို့ကို သောက်မှ ပိုးကို သတ်နိုင်မှာ ဖြစ်ပြီး ရောဂါလည်း ပျောက်မှာ ဖြစ်သလို ခုနက ဖြစ်တဲ့ လက္ခဏာတွေကိုလည်း ဖြေရှင်းပြီးသား ဖြစ်လိမ့်မယ်။ ဒါကြောင့် ရောဂါပိုးကို သတ်တဲ့ဆေးရော ရောဂါလက္ခာကို သက်သာအောင် လုပ်ဖို့ပါ နှစ်ခုစလုံး လိုအပ်ပါတယ်။ အသက်ဆက်လက်ရှင်သန်ဖို့ ဆိုလျင် ရောဂါကို ပျောက်ကင်းစေတဲ့ ဆေးက လက္ခာကို ဖြေရှင်းတဲ့ဆေးထက် ပိုအရေးကြီးပါတယ်။ ဒါကြောင့် နိုင်ငံရေးပြဿနာကို ဖြေရှင်းနိုင်မှသာ တခြားပြဿနာတွေကို ဖြေရှင်းနိုင်မယ်ဆိုတာ နားလည်သင့်ပါတယ်။

ကျွန်မတို့က အပြင်ကိုရောက်လာပြီး ဒီမိုကရေစီ ရေကန်အသင့် ကြာအသင့်နဲ့ သိပ်ကောင်းတဲ့ စနစ်ရှိတဲ့ နိုင်ငံကို ရောက်နေပါတယ်။ ကျန်းမာရေးမှာ Medicare Sysetem, လူမှုရေး စားဝတ်နေရေးမှာ Social Security System, ပညာရေးမှာ ကောလိပ်အဆင့်ထိ အစိုးရတာဝန်ယူပြီး တက္ကသိုလ်ကို အကြွေးနဲ့တက်ပြီး ကျောင်းပြီးအလုပ်ရမှ အရစ်ကျ အကြွေးပြန်ဆပ်ရတဲ့ စနစ် စတဲ့ သိပ်ကောင်းတဲ့ စနစ်တွေ ရှိတဲ့နိုင်ငံမှာ ကိုယ့်နိုင်ငံအတွက် ဘာမှမလုပ်ချင်ရ်င လုပ်စရာမလိုပဲ မိမိမိသားစုတိုးတက်ရေး တခုတည်းအတွက် ကောင်းကောင်း တိုးတက်မှုကို ရှာပြီး တိုင်းပြည်ကြီး ဘာဘဲဖြစ်ဖြစ် ကိုယ်နဲ့မဆိုင်သလို နေချင်ရင် နေလို့ရပါတယ်။ နေနေတဲ့သူတွေလည်း အများကြီး ရှိပါတယ်။ အပြစ်မဆိုပါဘူး လူတိုင်းမှာ လွတ်လပ်စွာ ရွေးချယ်ပိုင်ခွင့် ရှိပါတယ်။ ဒီနီုင်ငံမှာ မသန်မစွမ်းဖြစ်ပြီး ဒုက္ခိတဘ၀ ရောက်သွားရင်တောင်မှ အစိုးရက ထမင်းကျွေးထားတဲ့စနစ် ရှိပါတယ်။ ရောဂါရရင် ရောဂါကုသပေးတဲ့ စနစ်ရှိပါတယ်။ ယုတ်စွအဆုံး ရာဇ၀တ်မှု တခုခု ကျူးလွန်မိလို့ ထောင်ကျရင်တောင်မှ ထောင်ထဲကနေ PhD ဘွဲ့အထိ ရအောင် ကျောင်းတက်ချင်ရင် တက်ခွင့်ရှိပါတယ်။ ဒီလို အေးအေးဆေးဆေး နေလို့ရ ဘ၀တိုးတက်ရာ တိုးတက်ကြောင်းကို မိမိအတွက်ပဲ ဦးစားပေးပြီး တခြားဘာကိုမှ စိတ်မ၀င်စားဘဲ နေလို့ရပါလျက် မနေနိုင် မထိုင်နိုင်ဘဲ ပါဝင်ပါတ်သက်နေရတာက တိုင်းပြည်မှာ ကျန်နေတဲ့သူတွေ အများစုကြီးက (လက်ပါးစေတွေနဲ့ ကပ်ဖါးယပ်ဖါးတွေမပါ) အရှင်လတ်လတ် ငရဲကျနေတာကို မကြည့်ရက်လို့ ဖြစ်ပါတယ်။

အခုလို အပြင်ကနေ အော်နေတာ ဘာအကျိုးရှိလဲ ဆိုရင် အနီးစပ်ဆုံး ဥပမာ ဒီမိုကရေစီကို ဆိုရင် အာဏာလက်လွှတ်ရမှာ စိုးလို့ ကြောက်ဒူးတုန်နေတဲ့ နအဖက အခု ဒီမိုကရေစီ လုပ်ပေးပါ့မယ်ဆိုပြီး လိမ်ညာဖြီးဖြန်းပြီး လုပ်ကြံကာ ဒီမိုကရေစီကို မလွဲသာမရှောင်သာ အတုအယောင် ရွေးကောက်ပွဲကို လုပ်ပေးနေရပြီ။ ဒါပေမဲ့ ဒါကြီးက အတုကြီးဆိုတာ သိလျက်နဲ့ ကျွန်မတို့က ပါးစပ်ပိတ်နေနိုင်စွမ်းမရှိပြန်ဘူး။ လိမ်နေညာနေတယ်၊ ဒီမိုကရေစီဆိုတာ ဒီလိုမဟုတ်ဘူး၊ ဆိုရှယ်လစ်တုန်းကလည်း အဲဒီလိုလုပ်ပြီး ဖျက်ဆီးပြီးပြီ အခုလည်း ဒီမိုကရေစီကို သုံးစားလို့မရအောင် ဖျက်ဆီးဖို့ လုပ်နေတယ် ဆိုတာ ပြောရမှာ ဖြစ်တယ်။

အစားကောင်း အသောက်ကောင်းတခုကို အဆိပ်ခတ်ပြီး ပထွေးက ကျွေးတာကို စားဖို့ပြင်နေတဲ့ ညီအကိုမောင်နှမတွေကို အဆိပ်ခပ်ထားတယ် မစားနဲ့ ဆိုတာတော့ အဝေးကနေပြီး ကျွန်မတို့ အသိပေးရလိမ့်မယ်။ အိမ်ပေါ်မှာ ပထွေးရှိနေလို့ တက်မရ၊ အိပ်နားကပ်မရရင် ကပ်ပြီး လှမ်းအော်တဲ့နည်းနဲ့ ဖြစ်စေ၊ အိမ်ထဲ လျပ်ပြက်ခိုးဝင်ပြီးပဲဖြစ်စေ၊ အင်တာနက်ပေါ်ကနေ အီးမေးလ်တွေ၊ ဘလော့ဂ်တွေနဲ့ ဖြစ်စေ ရတဲ့နည်းနဲ့ အသိပေးရမှာပဲ။ ဒီလို အသိပေးတာကို ယုံတာ မယုံတာ လက်ခံတာ လက်မခံတာ သူတို့အပိုင်း အသိပေးဖို့က ကျွန်မတို့မှာ တာဝန်ရှိပါတယ်။ ဒါကြောင့် ဘယ်သူကြိုက်ကြိုက်မကြိုက် ကိုယ့်စေတနာမှန်ကန်ဖို့ အရေးကြီးတယ်ဆိုပြီး မောင်နှမတွေ ရေရှည်ဒုက္ခရောက်မည့်အရေးကို ရေငုံနှုတ်ပိတ် မနေနိုင်လို့ အော်နေ၊ ရေးနေ၊ ပြောနေရကြောင်း ဖြစ်ပါတယ်။ မြန်မာပြည် အပြောင်းအလဲတွက် အတွင်းကလူတွေက အဓိကလုပ်ရမည့်သူတွေ ဖြစ်ပြီး အပြင်ကသူတွေက ပံ့ပိုးလိုပဲရပါတယ်။ သတိပေးလျက်နဲ့ စားကြလို့ ဒုက္ခရောက်ရင်တော့ စိတ်မကောင်းရုံကလွဲပြီး ဘာမှ မတတ်နိုင်ပါဘူး။ ဒါကတော့ အပြင်ကနေ အော်နေတယ် အထဲကလူတွေကို ဒုက္ခပေးနေတယ်လို့ စွပ်စွဲပြောဆိုခဲ့ဖူးသူတွေအတွက် ကျွန်မရဲ့ တုံ့ပြန်မှု ဖြစ်ပါတယ်။

ဒီရွေးကောက်ပွဲဟာ ပြည်သူလူထု မဲပေးသည်ဖြစ်စေ၊ မပေးသည်ဖြစ်စေ သူတို့အကွက်ချပြီး စီစဉ်ထားလို့ သူတို့အတွက် (ပြည်သူတွေအတွက်မဟုတ်) အဖြေက ရှိပြီးသား ဖြစ်ပါတယ်။ ပြည်သူတွေအတွက်က ပြည်သူတွေ မိမိဖါသာ လုပ်ယူရမှာ ဖြစ်တယ်။ ဒါကို မဲသွားပေးရင် အရောင်ပြဒီမိုကရေစီကို အားပေးထောက်ခံခြင်း (သို့) အလိမ်ခံရခြင်းမှအပ တခြား ဘာမှအကြောင်းထူးလာမှာ မဟုတ်သလို မဲမပေးသူတွေအနေနဲ့တော့ မိမိကိုယ်မိမိ စစ်ကျွန်စနစ်ကို အားပေးရာမှာ မပါခဲ့သူအဖြစ် တသက်လုံး လိပ်ပြာသန့်သန့်နဲ့ ဘ၀ကို ဖြတ်သန်းသွားနိုင်မှာ ဖြစ်ပါတယ်။

လူတိုင်းမှာ လွတ်လပ်စွာ စည်းရုံးပိုင်ခွင့် ရှိသလို လွတ်လပ်စွာ ရွေးချယ်ပိုင်ခွင့် ရှိပါတယ်။ လွတ်လပ်စွာ မိမိဆန္ဒကို တင်ပြပိုင်ခွင့်၊ မိမိနဲ့ သဘောထားမတိုက်ဆိုင်တဲ့ဘက်ကို အခြေအမြစ်ရှိရှိ လက်မခံနိုင်ကြောင်း မဖြစ်နိုင်ကြောင်း ဆန္ဒထုတ်ဖေါ်ပြောကြား ပိုင်ခွင့် ရှိပါတယ်။ ဒုတ်၊ ဓါး၊ လက်နက်နဲ့ ခြိမ်းချောက်တာ မဟုတ်ရင် ဘယ်သူမဆို NO VOTE သော်လည်းကောင်း၊ VOTE သော်လည်းကောင်း လွတ်လပ်စွာ စည်းရုံးပိုင်ခွင့် ရှိပါတယ်။ ဒီလိုစည်းရုံးတာကို ဘယ်သူမှ အပြစ်တင်ပိုင်ခွင့် မရှိပါဘူး။ မဲပေးပြီး ရွေးကောက်ပွဲကို အသိအမှတ်ပြုကာ လွှတ်တော်ထဲက တိုက်ပွဲဝင်တဲ့နည်းသာ အထိရောက်ဆုံး နည်းဖြစ်တယ် မဲပေးကြပါလို့ မိမိယုံကြည်တဲ့အတိုင်း လွတ်လပ်စွာ ထုတ်ဖေါ်ပြောဆို စည်းရုံပိုင်ခွင့် ရှိသလို မဲပေးသူတွေဟာ ဒီမိုကရေစီအတွက် ဦးဆောင်တိုက်ပွဲဝင်လာသူတွေကို ထောင်သွင်း အကျဉ်းချကာ ဒီမိုကရေစီကို မျက်ကွယ်ပြုပြီး စစ်ကျွန်စနစ်ကို တရားဝင် ဖြစ်အောင် ကူညီရာမှာ ပါတဲ့သူတွေ ဖြစ်သွားမယ် ဒါကြောင့် မဲမပေးကြပါနဲ့လို့ ယုံကြည်တဲ့အတိုင်း လွတ်လပ်စွာ ပြောဆိုစည်းရုံးပိုင်ခွင့် ရှိကြပါတယ်။ မဲပေးခြင်း မပေးခြင်းဆိုတာကိုလည်း လွတ်လပ်စွာ ဆုံးဖြတ်ပိုင်ခွင့် ရှိတဲ့အတွက် ဆုံးဖြတ်သူနဲ့သာ သက်ဆိုင်ပါတယ်။ ကျွန်မဆန္ဒကတော့

စနစ်တကျ ကောက်ကျစ်စွာ ပြင်ဆင်ထားလို့ အာဏာရှင် စစ်အုပ်စုအတွက် အဖြေရှိပြီးသား ရွေးကောက်ပွဲမှာမိမိကိုယ်မိမိ စစ်ကျွန်နစ်ကို ပံ့ပိုးသူအထဲ လုံးဝ မပါစေပါနဲ့။

NO VOTE - NO VOTE - NO VOTE - NO VOTE - NO VOTE
NO VOTE - NO VOTE - NO VOTE
NO VOTE - NO VOTE
NO VOTE
မဲမပေးကြပါနဲ့
မဲမပေးကြပါနဲ့
လုံးဝ မဲမပေးကြပါနဲ့

(လုံးဝ မဲမပေးကြပါနဲ့)

လုံးဝ မဲမပေးကြပါနဲ့မဲမပေးကြပါနဲ့

မဲမပေးကြပါနဲ့
NO VOTE

NO VOTE - NO VOTE

NO VOTE - NO VOTE - NO VOTE

NO VOTE - NO VOTE - NO VOTE - NO VOTE - NO VOTE

Posted in: ဆောင်းပါး